31/07/2023
ဖတ်ရန်‼️
စစ်ကောင်စီ ကာလုံအစည်းအဝေးကို ဦးဟင်နရီဗန်ထီးယူ တက်ရောက်၊ အရေးပေါ်ကာလ နောက်ထပ်သက်တမ်း (၆) လထပ်တိုး
C8 News
ရန်ကုန်၊ဇူလိုင်(၃၁)
အာဏာသိမ်းစစ်အုပ်စုက ဒီနေ့မနက်မှာ အမျိုးသားကာကွယ်ရေးနှင့် လုံခြုံရေးကောင်စီ အစည်းအဝေး (၁/၂၀၂၃) ကိုကျင်းပပြုလုပ်ခဲ့ပြီး အရေးပေါ်ကာလ နောက်ထပ်သက်တမ်း (၆) လထပ်တိုးခဲ့တယ်လို့ ကနဦးသတင်းတွေအရ သိရပါတယ်။
အခုနှစ် ဖေဖော်ဝါရီလ(၁) ရက်နေ့မှာ စစ်ကောင်စီက အရေးပေါ်ကာလကို(၆)လသက်တန်းထပ်တိုးထားပြီး (၆)လပြည့်မြောက်တဲ့ ဒီနေ့ ဇူလိုင်(၃၁)ရက်နေ့မှာ နောက်ထပ်သက်တန်း(၆)လ ထပ်တိုးလိုက်တာဖြစ်ပါတယ်။
ဒီနေ့ကျင်းပတဲ့ အမျိုးသားကာကွယ်ရေးနှင့် လုံခြုံရေးကောင်စီ အစည်းအဝေးကို အမျိုးသားဒီမိုကရေစီအဖွဲ့ချုပ် လက်ထက်က ဒုတိယ သမ္မတအဖြစ်တာဝန်ယူခဲ့တဲ့ ဦးဟင်နရီဗန်ထီးယူလည်း တက်ရောက်ခဲ့တယ်လို့ စစ်ကောင်စီသတင်းတွေမှာ ဖော်ပြထားပါတယ်။
အရေးပေါ်ကာလ သက်တမ်းတိုးပေးတဲ့ ဖွဲ့စည်းပုံအခြေခံဥပဒေ ပုဒ်မ ၄၂၅ တွင် တပ်မတော်ကာကွယ်ရေးဦးစီးချုပ်က တာဝန်ကို ပြီးမြောက်အောင် မဆောင်ရွက်နိုင်သေးရင် သာမန်အားဖြင့် ခြောက်လ နှစ်ကြိမ် သက်တမ်းတိုးပေးနိုင်တယ်လို့ ပြဋ္ဌာန်းထားပါတယ်။
Photo-စကစ(အရင်ကာလုံပုံဟောင်း)
#ကာလုံအစည်းအဝေး_C8News #အမျိုးသားကာကွယ်ရေးနှင့်လုံခြုံရေးကောင်စီ_C8News #ဦးဟင်နရီဗန်ထီးယူ_C8News
