29/05/2024
🚩 #အဲကွန်းဂက်စ်တပေါင်မှာPsiဘယ်လောက်ရှိလဲ
အဲကွန်း ဂက်စ်1Lb မှာ PSIဘယ်လောက် လဲရှိတာသိချင်ရင် ဂက်စ်တပေါင်၀ယ်ပြီး
၁-ဂက်စ်မရှိတဲ့ 1HP အဲကွန်း outdoorအလွတ်ထဲထည့်ကြည့်ပါ။
၂-အဲကွန်ဂက်စ်အိုးအလွတ် ပေါင်(၃၀)အိုးထဲထဲထည့်ကြည့်ပါ
၃-အခု လူတွေရှူနေတဲ့ အောက်ဆီဂျင်အိုးကြီး 40L ထဲထည့်ကြည့်ပါ။
၄-ဂက်စ်မရှိတဲ့ 3HP အဲကွန်း outdoor အလွတ်ထဲထည့်ကြည့်ပါ။
၅-ဂက်စ်မရှိတဲ့ 1HP အဲကွန်း Indoor ထဲထည့်ကြည့်ပါ။
အဲဒီမှာ PSI တွေမတူတာတွေ့ရင် သဘောပေါက်လာပါလိမ့်မယ်။
အဲကွန်းဂက်စ် အလေးချိန် (Lb)နဲ့ ဖိအား (PSI)က သူတို့နှစ်ဦးကြား တိုက်ရိုက်ဆက်စပ်မှု မရှိပါ။
အားလူးတစ်ပိဿာ ဘယ်နှလုံးရှိလဲဆိုတဲ့ မေးခွန်းမျိုးပါ။
အာလူး တစ်ပိဿာ မှာ အလုံးသေးရင် အရေအတွက်များမယ် ကြီးရင် အရေအတွက်နည်းမယ်။အသေတွက်မရသလိုပါ။
ဂက်စ်တပေါင်မှာရှိနေမည့် ဖိအား PSI ကြတော့
အဲဒီဂက်စ်ထည့်ထားတဲ့ အိုးနဲ့ ပိုက်တွေရဲ့ ထုထည်၊
ပတ်၀န်းကျင်အပူချိန် တွေပေါ်မူတည်နေတာပါ။
ပတ်၀န်းကျင် အပူချိန် တူတဲ့အခြေအနေမှာ
ဂက်စ်တပေါင်ကို 1HP စက်ထဲထည့်ရင် PSI များမယ်။
2HP စက်ထဲထည့်ရင် PSI နည်းမယ်။
10 HP စက်ထဲထည့်ရင် မဆိုစလောက်ပဲရှိမယ်။
ဒီကြားထဲပတ်၀န်းကျင်အပူချိန်နိမ့်ရင် PSI လျော့မယ်။
အပူချိန်မြင့်ရင် တိုးလာမယ်။
ဆိုလိုချင်တာက ဂက်စ်တပေါင်မှာ PSI ဘယ်လောက်ရှိလဲ #တိကျတဲ့ဆက်သွယ်ချက်မရှိပါ။
ဒီလိုအခြေခံကျတဲ့ ဟာမျိုးတွေကို အဲကွန်းနဲ့အသက်မွေးမည့်သူများက သူများကဲ့ရဲ့မခံရအောင် နားလည်သူတွေဆီမှာ သေချာမေးမြန်း မှတ်သားထားရင်အသင့်တော်ဆုံးပါဗျ။
🚩 #အဲကွန်းတွေကိုဂက်စ်PSIဘယ်လောက်ဖြည့်ရတာလဲ။ဘယ်နှစ်ပေါင်ဖြည့်ရတာလဲ?
🚩လုပ်ငန်းခွင်၀င်စအဲကွန်းလောကကညီငယ်တွေ
မေးတတ်တာရှိပါတယ်။အဲကွန်းတလုံးကို ဂက်စ်ဖိအား PSI ဘယ်လောက်ဖြည့်ရမလဲ?ဘယ်နှစ်ပေါင်ဖြည့်ရမလဲ?
⛔တချို့ကလည်း စက်မှာပါတဲ့အလေးချိန်တိုင်းဖြည့်ရမှာတဲ့။
⛔တချို့ကလည်း PSIနဲ့တဲ့။
⛔နှစ်ခုစလုံးက လုပ်ငန်းခွင်လိုအပ်ချက်အရ၊ဈေးကွက်လိုအပ်ချက်အရသုံးကြတာပါ။
PSI နဲ့ဖြည့်တယ်ဆိုတာကတော့ အိမ်သုံးအဲကွန်းစက်သေးတွေ ဂက်စ်လျော့တဲ့အခါ ထပ်ဖြည့်ရတဲ့ဂက်စ်က ပေါင်ချိန်နည်းတော့ အလေးချိန်နဲ့တောင်းရင်လည်း ၀န်ဆောင်ခအတွက်အဆင်မပြေဘူး။
(မြန်မာပြည် အဲကွန်းပိုင်ရှင်များက ထိုက်တန်တဲ့ ပညာကြေးး၀န်ဆောင်ခတောင်ရင်မပေးကြလို့ တခြားဘက်က လှည်ယူကြရတဲ့သဘောပါ)
ဒါကြောင့်ဖိအားယူနစ် PSI နဲ့တောင်းကြပုံပေါ်ပါတယ်။ ဒါကဈေးကွက်ရဲ့သဘောအရပေါ့။
🚩တကယ်တော့ ကိုယ်ဖြည့်ရတဲ့ ဂက်စ်ကို
အလေးချိန်နဲ့၀ယ်ရတဲ့အတွက် အလေးချိန်နဲ့ပြန်တောင်းရတာက ပိုသဘာ၀ကျပါတယ်။
နောက်အဲကွန်းဂက်စ်ဖြည့်ရင် PSI နဲ့ဈေးနှုန်းသတ်မှတ်ရတဲ့အကြောင်းတခု စက်ကဂက်စ်လျော့လို့ ထပ်ဖြည့်ရတဲ့အခါ တလုံးလုံးစာဖြည့်ရတဲ့ ဂက်စ်အလေးချိန်ကို Name Plateဖတ်ကြည့် သိပေမဲ့ စက်ထဲမှာကျန်ခဲ့တဲ့ ဂက်စ်ရဲ့ လက်ကျန်အလေးချိန်ကို မှန်းဆသိနိုင်ဖို့ကအခက်အခဲရှိတာကတေကြာင်း၊ချိန်ခွင်ကို သယ်ဖို့ခက်တဲ့အချိန်တခုရှိတာကြောင့်တကြောင်းကြောင့် စက်သေးတွေပြင်တဲ့အခါဖိအားPSIနဲ့တောင်းယူခဲ့ကြတဲ့သဘောပါ။
🔺အဲဒီအတိုင်း စက်ကြီးတွေကို ဂက်စ်ဖြည့်ရာမှာ
သွားတောင်းလို့မရပါဘူး။
ဘာကြောင့်လဲဆိုတော့ စက်သေးသေးကြီးကြီး သုံးစွဲတဲ့ ဂက်စ်အမျိုးအစားတူရင် ဖြည်ြ့ရတဲ့ ဂက်စ်ရဲ့ဖိအားပမာဏPSI ကတူနေလို့ပါ။
အဲဒါကြောင့် စက်သေးတွေပြင်ရင် PSIနဲ့တောင်းပြီး၊စက်ကြီးတွေပြင်ရင် ပေါင်အလေးချိန်နဲ့ တောင်းကြတဲ့သဘောပါ။
(ပိုက်ဆံလည်းပိုရတာပေါ့😬)
စက်ကြီးတွေကို PSI နဲ့ 1PSI ဘယ်လောက်ဆိုပြီးသွားတောင်းရင် စက်ပြင်ဆရာခံသွားရပါမယ်။
တကယ်တော့ အဲကွန်းပြင်ရာမှာ
စက်လည်နေချိန် စက်ရဲ့ ဂက်စ်ဖိအားကို PSIနဲ့ ကြည့်တာက စက်က ပုံမှန်ဂက်စ်ဖိအားနဲ့အပူချိန်တွေအတိုင်း အလုပ်လုပ်နေမနေ မဖြစ်မနေကြည့်ရတဲ့သဘောပါ။ဆရာ၀န်တွေနားကျပ်ထောက်သလိုပါ။
ဂက်စ်ကို ပေါင်ချိန်အတိုင်း စက်ထဲရောက်သွားတာနဲ့စက်ကတန်းမကောင်းသွားပါဘူး။အဲကွန်းမှာပါတဲ့
အပူကွိုင်၊အအေးကွိုင်၊ကွန်ပရက်ဆာတွေပုံမှန်အလုပ်နေမနေကတော့ ပိုက်လိုင်းတလျှောက်မှာရှိသင့်တဲ့ သူ့ရဲ့ သတ်မှတ် ဂက်စ်ဖိအားနဲ့အပူချိန်တွေကို သိနေဖို့လိုအပ်ပါတယ်။
အဲဒါတွေကြည့်ဖို့ Pressure Guageကိုသုံးရတာပါ။
ပိုက်ဆံတောင်းတာကတော့ ကိုယ့်ဖြည့်ရတဲ့
ဂက်စ်ပမာဏအလေးချိန်နဲ့ တောင်းတာကအသင့်တော်ဆုံးပါ။
စက်တလုံးကို မြင်းကောင်ရေ HPလိုက်လို့
ဂက်စ်ဘယ်လောက်သုံးထားတယ်ဆိုတာ အောက်မှာ အနီးစပ်ဆုံးရှင်းပြပေးထားပါတယ်။
🚩အဲကွန်းမှန်ရင် ဘယ်အဲကွန်းဖြစ်ဖြစ် ဘာဂက်စ်အမျိုးအစားပဲသုံးသုံးလူတွေအတွက်သုံးတဲ့အဲကွန်းမှန်ရင် ပတ်၀န်းကျင်အပူချိန် 40'Cမကျော်ရင်၊အအေးကွိုင်ကို၀င်တဲ့ ဂက်စ်ရဲ့အပူချိန်က 4.4'C ကနေ 7.2'C ကြားထဲမှာ စံအနေနဲ့ဒီဇိုင်းလုပ်ပြီးထုတ်ထားလေ့ရှိပါတယ်။
အအေးကွိုင်းအ၀င် Liquid pipeကို သာမိုမီတာနဲ့တိုင်းကြည့်လို့ရပါတယ်။တကယ်တော့ အထူးတလည်တိုင်းစရာမလိုပါဘူး
အဲကွန်းသမားတွေသုံးနေတဲ့ ဂိတ်မှာလဲ ကိုယ်တိုင်းနေတဲ့ ဂက်စ်က Saturatedအပူချိန်ဘယ်လောက်ရှိတယ်ဆိုတာ ပါပြီးသားပါ။
ဂိတ်ကိုသေချာကြည့်ပါ။
🚩အဲဒါကြောင့် အအေးကွိုင်ကိုသွားတဲ့ Liquid lineရဲ့အပူချိန်ကို အင်ဒိုးအ၀င်မှာ သာမိုမီတာနဲ့တိုင်းကြည့်ရင် အပေါ်ကပြောတဲ့အပူချိန်အတွင်းရှိပါလိမ့်မယ်။
အဲဒီအပူချိန်မှာရှိနေတဲ့ ဂက်စ်ရဲ့ဖိအားကတော့
အဲကွန်းထဲမှာ သုံးထားတဲ့ဂက်စ်အမျိုးအစားလိုက်လို့ မတူပါဘူး။
🚩အင်ဒိုးအ၀င်မှာရှိနေတဲ့ ဂက်စ်ရဲ့ဖိအားဟာအင်ဒိုးအထွက် ကွန်ပရက်ဆာအ၀င်ထိအတူတူပါပဲ။
(မဆိုစလောက်ပဲပြောင်းလဲလို့ အတူတူလို့ပြောတာပါ)
စက်အများစုက
R22 ဆိုရင် 69PSI ကနေ 76 ကြား
R410aဆိုရင် 120PSI ကနေ 130ကြား
R32 ဆိုရင် 120PSI ကနေ 130PSIကြား
R134aဆိုရင် 35PSIကနေ 40PSIကြား
ရှိနေပါလိမ့်မယ်။
🚩ဘယ်အဲကွန်းဖြစ်ဖြစ်၊စက်ဘယ်လောက်ကြီးကြီး
သုံးတဲ့ဂက်စ်လိုက်လို့ အပေါ်ကပြောတဲ့ ပရက်ရှာ
အတိုင်းအတာနဲ့ပဲရှိပါမယ်။
(VRV စက်တွေမှာတော့ အအေးကွိုင်တွေရဲ့အပူစုပ်ရတဲ့၀န်ပမာဏာကန့်သတ်ချက်ကြောင့် စက်မှာတပ်ထားတဲ့ အအေးကွိုင်အားလုံး အကုန်မသုံးထားရင် စက်ဒီဇိုင်းလိုက်လို့ ၀န်အပြောင်းအလဲလိုက်လို့ အချိန်တခုမှာ အပေါ်ကေပြာထားတဲ့ဖိအားထက်ပိုနိုင် လျော့နိုင်ပါတယ်)
အဲဒီလိုဖိအားအနေအထားအတွင်း မှန်နေရင် သူ့စက်ရဲ့ သတ်မှတ်အမ်ပီယာကို တိုင်းကြည့်ရင် စက်မှာရေးထားတဲ့အတိုင်းနီးပါး မှန်ေနပါလိမ့်မယ်။
ဉပမာ သူ့စက်က
4.5Ampဆိုရင် 4.3ကနေ4.8 ကြားလောက်ပေါ့။
အဲလိုအမ်ပီယာအနေအထားမှာ
ဂက်စ်ပရက်ရှာက
R22 ဆိုရင် 69PSI ကနေ 76 ကြား
R410aဆိုရင် 120PSI ကနေ 130ကြား
R32 ဆိုရင် 120PSI ကနေ 130PSIကြား
R134aဆိုရင် 35PSIကနေ 40PSIကြား
ကြားတနေရာရာမှာရှိေနပါလိမ့်မယ်။
အမ်ပီယာရော
ဂက်စ်ပရက်ရှာရော အဲဒီအနေအထားမှာရှိရက်နဲ့ အအေးပေါ့တာဆိုရင်
အခန်းနဲ့စက်ကိုက်လားကြည့်ပါ
အခန်းတခါးတွေပွင့်နေလား မျက်နှာကျက်နဲ့နံရံတွေလုံလားကြည့်ပါ
အဲဒါတွေအဆင်ပြေပီးမအေးရင်တော့
ဂက်စ်အသစ်ပြန်လဲဖြည့်ကြည့်ပါ။
အဲကွန်းတွေကိုဖြည့်ရတဲ့ဂက်စ်ပမာဏက
5HPအောက်ဆိုရင် စက်ကိုလုပ်ထားတဲ့ဒီဇိုင်းလိုက်လို့ ၁ကောင်(1HP)ကို 1 ပေါင်ကနေ 2ပေါင်ကြား နှုန်းဖြည့်ရ ေလ့ရှိပါတယ်။
ဉပမာ
3HPဆိုပါတော့
3 HP X 2lb =6 Lb (အနီးစပ်ဆုံး )အများဆုံးရှိတတ်ပါတယ်။
အနည်းဆုံးကတော့ 3Lbပေါ့။
ဒါကစက်အသစ်မှာ ပါလာတဲ့ဂက်စ်ကိုပြောတာပါ။ လက်တွေ့မြေပြင်မှာ ပိုက်လိုင်းကရှည်ရင်တော့တွက်လို့ရတာထက် ၂၀%က နေ ၄၀%လောက်ထိပိုနိုင်ပါတယ်။
ဒါကစက်တလုံးကို မြင်းကောင်ရေလိုက်လို့ ဂက်စ်ကိုဖြည့်ရတဲ့အခါအလေးချိန်အနေနဲ့ ပိုက်ဆံတောင်းဖို့ ဘယ်နှစ်ပေါင်လောက်ဖြည့်ရမယ် မသိတဲ့အခါ အကြမ်းဖျဉ်းတွက်နိုင်ဖို့ပါ။
စက်တွေတော်တော်များများတော့ သူ့ရဲ့ Name Plateမှာ စက်ထဲဂက်စ်ဘယ်နှပေါင်ပါတယ် ရေးထားပြီးသားပါ။အဲဒီအတိုင်းဖြည့်နိုင်ရင်ေတာ့အေကာင်းဆုံးပါ။Name Plateပျောက်ရင်ဖြစ်စေ၊မဖတ်တတ်တဲ့အခါဖြစ်စေ မှန်းလို့ရအောင်ပြောပြတာပါ။
#ကိုနန္ဒမိုး
_______
💢Htun Brother Business Group💢
🏢Build(12), Room(002), 10St(A),
Yuzana Garden City, Dagon Seikkan Township, Yangon.
☎️09447718571 / 09-775208017
_________
👉Mandalay Office
48လမ်း နှင့် 117 ထောင့်
Corner of 48 Street and 117 Street,
Chanmyathazi Tsp, Mandalay.
☎️09447718571 / 09451384395
#ကားခအခမဲ့
#အဲယားကွန်းဆားဗစ်
