22/12/2023
Internet ဆောင်းပါးကဏ္ဍ
-------------------------------------
Forex Trading: Beginner လက်စွဲ (အပိုင်း-၁)
--------------------------------------------------------------------------
Forex ဆိုတာကတော့ Foreign Currencyနဲ့ Exchange နှစ်ခုပေါင်းရဲ့အတိုကောက်စကားလုံး ဖြစ်ပါတယ်။ Foreign Exchange ကို ကုန်သွယ်ရေးလုပ်ငန်း၊ စီးပွားရေးလုပ်ငန်းတွေနဲ့ ခရီးသွား လုပ်ငန်းတွေအတွက် Currency တစ်ခုမှ အခြားတစ်ခုသို့ ပြောင်းလဲရာတွင် တွင်ကျယ်စွာအသုံးပြုလေ့ ရှိကြပါတယ်။ အပြည်ပြည် ဆိုင်ရာ နိုင်ငံတော်ဘဏ်များရဲ့ထုတ်ပြန်ချက်အရ ၂၀၁၉ ခုနှစ် ဧပြီလတွင် Forex market အတွင်းလည်ပတ် နေသောငွေပမာဏသည် $6.6 Trillion အထိရှိနေပြီဖြစ်ပါတယ်။
Forex Market ဆိုတာဘာလဲ?
--------------------------------------------------------------------------
နိုင်ငံတကာငွေကြေးတွေကိုအရောင်းအဝယ် အလဲအလှယ်လုပ်တဲ့ Market ကို Foreign Exchange Market လို့ခေါ်ပါတယ်။ နိုင်ငံအလိုက် ငွေကြေးတွေဟာအရေးပါကြပါတယ်။ ဘာလို့လဲဆိုတော့ Currency တွေဟာ ပြည်တွင်းပြည်ပက ကုန်ပစ္စည်းတွေကိုအရောင်းအဝယ်လုပ်ရာမှာ အရေးပါလို့ဘဲဖြစ်ပါတယ်။ ကုန်သွယ်မှုနှင့် စီးပွားရေးလုပ်ငန်းများလုပ်ဆောင်နိုင်ရန်အတွက် ငွေကြေးများကိုလဲလှယ်ရန်လိုအပ်ပါတယ်။ တကယ်သင်ဟာ U.S မှာနေသူတစ်ယောက်ဖြစ်ပြီး ပြင်သစ်နိုင်ငံက ဒိန်ခဲ ကိုဝယ်ချင်တယ်ဆိုရင် ပြင်သစ်နိုင်ငံမှာ ရှိတဲ့ဒိန်ခဲကုမ္ပဏီကို ယူရို (Euro) နဲ့ပေးချေရမှာဖြစ်ပါတယ်။ ဆိုလိုတာကတော့ အမေရိကန်ထဲကို ပြင်သစ်နိုင်ငံက ကုန်ပစ္စည်းတွေတင်သွင်းချင်တယ်ဆိုရင် ကုန်သွင်းတဲ့သူဟာသူ့ရဲ့ အမေရိကန်ဒေါ်လာ (USD) တွေကို ယူရို (Euro) အဖြစ်လဲလှယ်ရမှာဖြစ်ပါတယ်။
အလားတူပါဘဲ ပြင်သစ်နိုင်ငံသားတွေဟာ အိဂျစ်မှာ ပိရမစ်တွေကြည့်ဖို့အတွက် ယူရို(Euro)နဲ့ ငွေချေလို့ မရပါဘူး။ ဘာဖြစ်လို့လဲဆိုတော့ ယူရို (Euro) ဟာ အီဂျစ်နိုင်ငံရဲ့ ငွေကြေးမဟုတ်လို့ပါဘဲ။ ဒါကြောင့် ပြင်သစ် နိုင်ငံသားတွေအနေနဲ့ ပိရမစ်ကြည့်ခွင့်ရနိုင်ဖို့အတွက် အီဂျစ်နိုင်ငံရဲ့ ငွေကြေးဖြစ်တဲ့ Egyptian Pound ကိုလက်ရှိ ပေါက်ဈေးအတိုင်း Euro နဲ့လဲလှယ်ရတော့မှာဖြစ်ပါတယ်။
အပြည်ပြည်ဆိုင်ရာ Market တစ်ခုဖြစ်တဲ့ Forex Market ရဲ့ သူမတူတဲ့အချက်ကတော့ ဗဟိုကနေ ချုပ်ကိုင်ထားတဲ့ Market တစ်ခုမဟုတ်တာပါဘဲ။ ၎င်းအစားငွေကြေးအရောင်းအဝယ် ကိစ္စတွေကို တစ်ကမ္ဘာလုံးနဲ့ အင်တာနက်ပေါ်ကနေချိတ်ဆက်ပြီး အလဲအလှယ်လုပ်နိုင်တဲ့ ကွန်ရက်တစ်ခုအဖြစ် ရပ်တည်ပါတယ်။ Forex Market ဟာ တစ်နေ့ကို ၂၄ နာရီ၊ တစ်ပတ်ကို ၅ ရက်ဖွင့်ပြီး နိုင်ငံတကာစံတော်ချိန် အကုန်နီးပါး လည်ပတ်နိုင်အောင် ဂျာမန်နိုင်ငံရှိ Franfurt ၊ ဟောင်ကောင်၊ လန်ဒန်၊ နယူးယောက်၊ ပါရီ၊ စက်ာပူ၊ ဆစ်ဒနီ၊ တိုကျိုနှင့် ဇူးရစ်မြို့တွေမှာ အရောင်းအဝယ်ပြုလုပ်ပါတယ်။ ဆိုလိုတာကတော့ အမေရိကန်နိုင်ငံမှာ အရောင်းအဝယ်ပြုလုပ်ချိန် ကုန်သွားသည်နှင့်တစ်ပြိုင်နက် တိုကျိုနဲ့ဟောင်ကောင် မှာ Forex Market ဟာ အသစ်ပြန်စမှာဖြစ်ပါတယ်။ ဒါကြောင့် Forex Market ထဲမှာရှိတဲ့ Currency ဈေးတွေဟာ နေ့စဥ်နေ့တိုင်း အချိန်နှင့်အမျှ အပြောင်းအလဲရှိပြီး Market ဟာ အချိန်တိုင်းလှုပ်ရှားအသက်ဝင်နေပါတယ်။
Forex ရဲ့သမိုင်းအကျဉ်း
--------------------------------------------------------------------------
Forex Market ဟာလွန်ခဲ့သောရာစုနှစ်များစွာတည်းက စတင်ခဲ့တာဖြစ်ပါတယ်။ လူတွေဟာ ကုန်စည်တွေနဲ့ အခြားသောဝန်ဆောင်မှုတွေကို ဝယ်ယူဖို့အတွက် ကုန်စည်နဲ့ ငွေကြေးတွေကို အလဲအလှယ် အရောင်းအဝယ်ပြုလုပ်ကြပါတယ်။ သို့သော်ယနေ့ကျွန်တော်တို့ နားလည်တဲ့ Forex Market ဆိုတာကတော့ ခေတ်မှီသော တီထွင်မှုတစ်ခုပင်ဖြစ်သည်။ ၁၉၇၁ ခုနှစ် Bretton Woods သဘောတူညီမှုစာချုပ် ပြိုကွဲပြီးနောက် အခြားသော Currencies တွေကိုပါ တစ်ခုနှင့်တစ်ခုလွတ်လပ်စွာ လဲလှယ်ရောင်းဝယ်ခဲ့ကြပါတယ်။ Currency တစ်ခုချင်းစီရဲ့ တန်ဖိုးဟာ ဝယ်လိုအားနှင့် ဈေးကွက်အတွင်းလည်ပတ်မှုအပေါ်အခြေခံပြီး Foreign Exchange Trading services များကစောင့်ကြည့်နေပါတယ်။ ကူးသန်းရောင်းဝယ်ရေးနှင့် ရင်းနှီးမြှုပ်နှံမှုဘဏ်တွေဟာ သူတို့ရဲ့ ဖောက်သည်တွေကိုယ်စား Forex market ထဲမှာ လဲလှယ်ရောင်းဝယ်ပေးရသော်လည်း ကျွမ်းကျင်တဲ့ ရင်းနှီးမြှုပ်နှံသူတွေအတွက် ငွေကြေးတစ်ခုကနေ အခြားတစ်ခုကိုအရောင်းအဝယ်လုပ်ဖို့အတွက် အခွင့်အလမ်းတွေ ရှိပါတယ်။ Forex Market ထဲမှာ ပါဝင်သူတွေအနေနဲ့ နည်းလမ်းနှစ်သွယ်နဲ့ အမြတ်အစွန်း ရနိုင်ပါတယ်။
- Currency နှစ်ခုအကြားအတိုးနှုန်းအပြောင်းလဲပေါ်မူတည်ပြီး အမြတ်ရယူခြင်း
- ငွေလဲနှုန်းအပေါ်မူတည်ပြီးအမြတ်ရယူခြင်း
ရင်းနှီးမြှုပ်နံသူတွေဟာ မတူညီတဲ့စီးပွားရေးလုပ်ငန်းနှစ်ခုမှ အတိုးနှုန်းနှစ်ခုကွာခြားချက်မှ အမြတ်ငွေကို အတိုးနှုန်းများများဖြင့်ဝယ်ယူပြီး အတိုးနှုန်းသက်သာတဲ့ Currency တွေကိုပြန်ရောင်းခြင်းဖြင့်အမြတ်ငွေ ရရှိကြသည်။ ၂၀၀၈ ခုနှစ် ဘဏ္ဍာရေးအကြပ်အတည်းမတိုင်မီအချိန်တွေတုန်းက အတိုးနှုန်းကွာခြားချက်တွေဟာ အလွန်မြင့်မားသောကြောင့် ဂျပန်ယန်း (JPY) နှင့် ဗြိတိန်ပေါင် (GBP) ကို Short လုပ်ခြင်း (ရေတိုရောင်းခြင်း)သည် အလွန်အသုံးများပါတယ်။ ၎င်းဗျူဟာကို “Carry Trade” လို့ခေါ်ပါတယ်။
ဘာလို့ Currencies တွေကိုလဲလှယ်ရောင်းဝယ်နိုင်တာလဲ?
အင်တာနက်ကွန်ရက်မပေါ်မီကာလများမှာ တစ်ဦးချင်းရင်းနှီးမြှုပ်နှံသူတွေအတွက် ငွေကြေး လဲလှယ်ရောင်းဝယ်မှုဟာအလွန်ခက်ခဲခဲ့ပါတယ်။ များသောအားဖြင့် Currency Traders တွေဟာ နိုင်ငံစုံ အဖွဲ့အစည်းများ၊ ရန်ပုံငွေအဖွဲ့အစည်းများ သို့မဟုတ် Forex Trading မှာအရင်းအနှီးများစွာလိုအပ်သူတွေဖြစ်တဲ့ အတွက်ကြောင့် Currency (ငွေကြေး) တွေကိုလဲလှယ်ရောင်းဝယ်ကြသူများဖြစ်ကြပါတယ်။ ခေတ်အဆက်ဆက် ပြောင်းလဲလာပြီး အင်တာနက်အကူအညီဖြင့် Trader တစ်ဦးချင်းစီ အတွက်လက်လီ လဲလှယ်ဝယ်ရောင်းနိုင် သော Market များပေါ်ပေါက်လာပြီး ဘဏ်များ သို့မဟုတ် ပွဲစား (Broker) များမှတစ်ဆင့် Foreign Exchange market သို့အလွယ်အတူဝင်ရောက်လာနိုင်ပါတယ်။ အွန်လိုင်းပွဲစားများ (Online Broker) နှင့် အရောင်း ကိုယ်စားလှယ် အများစုဟာ Trader တွေအတွက် ရင်းနှီးငွေနည်းနည်းဖြင့် ကြီးမားတဲ့ အရောင်းအဝယ်တွေ လုပ်နိုင်အောင် ကြီးမားသော Leverage များပေးဆောင်လေ့ရှိကြပါတယ်။
#ကျော်လင်းထွန်း
Reference:
Investopedia is the world's leading source of financial content on the web, ranging from market news to retirement strategies, investing education to insights from advisors.
