06/05/2020
သင်ကြားသင်ယူမှုစီမံခန့်ခွဲသည့်စနစ် (LMS) ဆိုတာဘာလဲ?
LMS တစ်ခုဆိုတာ နည်းပညာအသုံးပြုသင်ကြားသင်ယူမှုနည်းလမ်းတစ်ခုဖြစ်ပါတယ်။ (ပုံမှန်သင်ကြားရေးစနစ်တွေ၊ ကျောင်းတွေမှာလဲ တည်ဆောက်ထားသင့်ပါတယ်။) LMS ရဲ့အဓိကဝိသေသလက္ခဏာတွေကိုတော့ အတိုကောက် အက္ခရာတွေရဲ့မူရင်းစာလုံးတွေရဲ့အဓိပ္ပါယ်နဲ့သိနိုင်ပါတယ်။
L — Learning. (သင်ယူမှု၊ ဒီနေရာမှာသင်ကြားသင်ယူမှုလို့ အဓိပ္ပါယ်ဖွင့်ဆိုပါမယ်။)
LMS တစ်ခုနဲ့သင်ဟာ အီလက်ထရောနစ်သင်ခန်းစာတွေအသုံးပြုတဲ့ သင်ကြားသင်ယူမှုလမ်းကြောင်းများနဲ့ သင်ထောက်ကူပစ္စည်းတွေအတွက် နေရာတစ်ခုဖန်တီးနိုင်ပါတယ်။ ဒီနေရာမှာ သင်ကြားလို၊ သင်ယူလိုတဲ့အကြောင်းအရာတွေ စုစည်းပေးထားပြီး အလွယ်တကူအသုံးချ ဝေမျှနိုင်တဲ့နေရာတစ်ခုအဖြစ် အသုံးပြုလို့ရတဲ့အတွက် သင့်လုပ်ငန်းရဲ့ အဆင့်အတန်းကို မြှင့်ပေးနိုင်ပါတယ်။
M — Management. (စီမံခန့်ခွဲမှု)
သင်ကြားသင်ယူမှုလမ်းကြောင်းတွေ၊ သင်ယူသူကျောင်းသား ကျောင်းသူတွေ နောက်ဆုံးသင်ကိုယ်တိုင်ရဲ့ သင်ကြားမှုစွမ်းရည်တွေ တိုးတက်လာအောင်တောင်မှပဲ စီမံခန့်ခွဲနိုင်ပါတယ်။
အခြားသော အချက်အလက်ဝေငှမှုစနစ်များ (File sharing services) များနဲ့မတူဘဲ LMS တစ်ခုဟာ သင်ကြားရေးအတွက်လိုအပ်တဲ့ files တွေသိမ်းထားတာမျိုးပဲမဟုတ်ပါဘူး။ LMS ဟာ သင်ကြားလေ့ကျင့်မှုလုပ်ငန်းစဥ်များကို စီမံခန့်ခွဲပြီး သေသေချာချာ တည်ဆောက်ထားတဲ့စနစ်မျိုး (ဘယ်အချိန်မှာဘယ်သင်ခန်းစာကို စလေ့လာလို့ရအောင် အစီအစဥ်ဆွဲထားမယ်၊ ဘယ်စာရွက်စာတမ်းက ဘယ်အချိန်ထုတ်ပေးမယ်ဆိုတာ၊ ဘယ်မေးခွန်းဘယ်အချိန်မေးမယ်၊ ဖြေတာမှန်/မမှန်ချက်ချင်းစစ်မယ်) ဖြစ်ပါတယ်။ သင်တန်းတစ်ခုစတော့မယ်ဆို သင်လုပ်ရမယ့်အလုပ်က ကျောင်းသားသို့မဟုတ် သင်တန်းပေးလိုတဲ့အလုပ်သမားကို သင်ကြားလိုတဲ့ သင်တန်းထဲထည့်ပြီး သူ့ကိုအကြောင်းကြားရုံပါပဲ။
အခုပဲ ၀န်ထမ်းတစ်ယောက်ခန့်လိုက်ပြီ၊ ကျောင်းသားတစ်ယောက်ရပြီဆိုတာနဲ့ သူ့ကိုသင်တန်းပေး၊ သင်ကြားမှုထဲထည့်ပြီး အကြောင်းကြားသင်ကြားရုံ၊ သင်ယူခိုင်းရုံ ပါပဲ။ လုပ်ငန်းထုတ်ကုန်တွေအရောင်းထိုင်းနေပြီလား၊ သင်ရဲ့အရောင်းသမားတွေကို virtual clients တွေနဲ့လေ့ကျင့်ပေးလို့ရပါသေးတယ်။
Calendar Features(ရက်စွဲတွေနဲ့ချိတ်ဆက်ပြီးစီမံခန့်ခွဲနိုင်မှု)တွေရဲ့ကျေးဇူးကြောင့် online training တွေကို စီမံခန့်ခွဲရုံ၊ သင်ကြားပေးရုံသာမကဘဲ တကယ့်အပြင်ကစာသင်ခန်း၊ သင်တန်းများမှာလဲအသုံးချလို့ရပါတယ်။ (Lesson Plan များထည့်သွင်းထားခြင်း၊ သင်ခန်းစာသင်ကြားမှုအဆင့်များကြိုတင်သွင်းထားခြင်း) LMS တစ်ခုဟာ သင်ကြားသူ၊ သင်ယူသူတွေအတွက် to-do app (ဘာပြီးရင်ဘာလုပ်ရမယ်ဆိုတာ ကြိုတင်စီစဥ်မှုတွေရေးထားနိုင်တဲ့နေရာ) တစ်ခုအဖြစ်လဲ ပုံစံချထားလို့ရပါတယ်။
S — System. (စနစ်၊ တိတိကျကျပြောရရင် Computer နဲ့တည်ဆောက်ထားတဲ့စနစ်)
ငြီးငွေ့စရာကောင်း၊အချိန်ယူရပြီး မလုပ်ရင်လဲမဖြစ်တဲ့အလုပ်တွေဖြစ်တဲ့ အမှတ်စစ်ခြင်း၊ ရလဒ်တွေတွက်ချက်ခြင်း၊ စာရင်းအင်းတွေတွက်ချက်ခြင်း၊ အစီရင်ခံစာတွေပြင်ခြင်း၊စတဲ့အလုပ်တွေကို LMS တစ်ခုက သူ့ဘာသာသူလုပ်ပေးနိုင်ပါတယ်။ (ကြိုတင်တော့ အစီအစဥ်ချထားပေးဖို့လိုပါတယ်။) ဒါ့အပြင် ကိုယ်ရုံးခန်းထဲက Computer ရှေ့မှာတင်ထိုင်ပြီး ကျောင်းသားတွေကို၊ အလုပ်သမားတွေကို သင်တန်းပေး၊ စာသင်နိုင်ပါတယ်။
အချုပ်အားဖြင့်ဆိုရလျှင် LMS တစ်ခုဟာ သင့်ကိုယ်ပိုင် online universityတစ်ခုပါပဲ။ LMS စနစ်ကသင့်ကို အီလက်ထရောနစ်သင်ကြားသင်ယူမှုလမ်းကြောင်းတွေကို သိမ်းထားနိုင်၊ ဖန်တီးနိုင်ခွင့်ပြုပြီး ကျောင်းသားတွေသင်ယူသူတွေကို သင်စီစဥ်ထားတဲ့မာတိကာအစီအစဥ်တွေ အသုံးပြုခွင့်ပေး၊ သင်ကြားသင်ယူမှုရလဒ်တွေ စီစဥ်တွက်ချက်ရာမှာကူညီပေးပါတယ်။
ကိုးကား
iSpring Learn: Ultimate LMS to boost your competitive edge
မိမိတို့ကျောင်း၊ သင်တန်း၊ ကိုယ်ပိုင် Online သင်ကြားမှုစနစ်၊ ကျောင်းသားများလေ့လာသင်ယူမှု(သင်ခန်းစာကိုonlineဆွေးနွေးခြင်း၊ အတန်းတွင်းသင်ခန်းစာလေ့ကျင့်ခန်းများဂိုက်ဆရာနှင့်အတူonlineလေ့ကျင့်ခြင်း၊ အိမ်စာများ online မှတဆင့်ရယူပြီး အမှတ်စစ်ပေးမည့်ဆရာသို့တင်ခြင်း)စနစ် တည်ဆောက်လိုသူများ ဆက်သွယ်နိုင်ပါသည်။
Teacher Hein Ko
09402715069
Watch the video to see how an LMS works and how it can help your business grow.
#
An LMS is a software that delivers online courses to your employees, providing them with fresh data when it’s not possible to gather in one place. Trial iSpr...
