ဗုဒၶဘာသာ ျမန္မာစစ္စစ္ပါ

07/11/2024

“တရားကို စိတ်၀င်တစားနာယူရခြင်းအကျိုး ”

တရားပွဲတွေမှာ တရားနာပြီးတော့
စိတ်ဝင်စားတဲ့ပုဂ္ဂိုလ်တွေဟာ နောင်အနာဂတ်မှာ
ဒါတွေဟာ အကျိုးပြုမှာပဲ၊ သေသေချာချာ အကျိုးပြုမှာပဲ။
ဒီအသိဉာဏ်တွေဟာ ပျောက်ပျက်သွားမှာ မဟုတ်ဘူး။
ခေတ္တခဏ မေ့သွားတာတော့ ရှိကောင်းရှိမယ်ပေါ့။

သို့သော် လုံးဝပျောက်ကွယ်သွားတာမျိုး မဖြစ်ဘူး။ သူဟာ စွမ်းရည်သတ္တိအနေနဲ့ စုစည်းပြီးတော့ လူတွေရဲ့စိတ်အစဉ်မှာ ကိန်းဝပ်ပြီးတော့ သွားတယ်။ အဲဒါတွေရဲ့စွမ်းအားနဲ့ နောင်တစ်ချိန်ကျတော့ ပြန်ပြီးတော့ ပေါ်လာမှာ ဖြစ်တယ်။ အဲဒီပေါ်လာတဲ့အခါမှာ အလွယ်တကူ နားလည်မှု ရကြတယ်။

ဝိသာခါ (၇)နှစ်သမီး သောတာပန်ဖြစ်တယ်၊
တရားဓမ္မလည်း အများကြီး အားမထုတ်လိုက်ရဘူး။
ဘုရားတရားနာရုံနဲ့ သောတာပန် ဖြစ်တယ်ဆိုတာ
ဒီလို စွမ်းအားတွေ ရခဲ့တာပဲ ဖြစ်တယ်။

အဲဒီလို စွမ်းအားမရဘဲနဲ့တော့ သောတာပန်အချောင်ဖြစ်ဖို့ မလွယ်ဘူးနော်။ မဖြစ်နိူင်ဘူး။ ဒီလို ကြီးမားတဲ့ စိတ်စွမ်းအားတွေကို အကြောင်းပြုပြီးတော့ ဖြစ်ပေါ်လာတာ။

ကျေးဇူးတော်ရှင် ပါမောက္ခချုပ်ဆရာတော်
ဒေါက်တာ အရှင်နန္ဒမာလာဘိဝံသ
🙏🙏🙏

06/11/2024

#လူ့ဘဝရဲ့ရတနာဟာအသိပညာ

လူ့ဘဝရဲ့ ရတနာဟာ အသိပညာ

၁။ ခဏတာ အကျိုးရှိတာကို ရွေးမှာလား။

၂။ တစ်ဘဝလုံးအတွက် အကျိုးရှိတာကို ရွေးမှာလား။

၃။ နောက်ဆုံး တစ်သံသရာလုံးအတွက် အကျိုးရှိတာကို ရွေးမှာလား။

ဘဝတစ်ခုမှာ
အဆင်မပြေလို့ ဒုက္ခရောက်သွားတာတွေ ကိုယ့်မျက်စိအောက်မှာ အများကြီးရှိတယ်။

လူထဲလည်း ရှိတယ်၊ တိရစ္ဆာန်ထဲလည်း.. စဉ်းစားကြည့်.. လူတွေရဲ့ ညှင်းပမ်းနှိပ်စက်မှုအောက်မှာ ဒုက္ခရောက်နေကြပုံကို..။

ဗုဒ္ဓရဲ့တရားတော်အရ..၊ တစ်ချိန်တစ်ခါတုန်းက သူတို့လည်း လူဖြစ်ခဲ့မှာပဲ၊ လူဖြစ်ခဲ့ပြီး ကံမကောင်း အကြောင်းမလှလို့ တိရစ္ဆာန်ဘဝရောက်ရင် လူတွေရဲ့အနိုင်ကျင့်မှုကို ခံပြီးတော့ နေကြရမယ်။

အဲဒီအချိန်ကျမှ ကောင်းတဲ့အလုပ်ကို လုပ်ချင်ပါတယ်၊ အကျိုးရှိတဲ့အလုပ်ကို လုပ်ချင်ပါတယ်ဆို အခွင့်အရေး မရှိနိုင်တော့ဘူး။

ဒါတွေကို အလေးအနက်ထား စဉ်းစားပြီးတော့ အရှင် ဥပါလိက -
"အကောင်းဆုံး အကျိုးရှိတဲ့အပေါ်မှာ ကြိုးစားအားထုတ်ကြပါ" တဲ့။

"ကိုယ့်အတွက် အကျိုးရှိတဲ့ အလုပ်ကို လုပ်ကြပါ"တဲ့။

အကျိုးရှိတယ်ဆိုတာ ဒီဘဝမှာတင် အကျိုးရှိတာ မဟုတ်ဘူး။

သံသရာမှာပါ_အကျိုးရှိတဲ့_အလုပ်မျိုး_လုပ်ကြပါ တဲ့။

ဘာဖြစ်လို့ လုပ်ခိုင်းတာတုန်း ဆိုတော့... ဘယ်သံသရာ, ဘယ်ဘဝမျိုးမဆို စီးပွားရှာလို့ရတဲ့ အခြေအနေတွေ ရရှိနိုင်ပါတယ်။

တရားဓမ္မကို နှလုံးသွင်းခွင့် ကျင့်ဆောင်နိုင်ခွင့် ဆိုတဲ့ အခွင့်အရေးဆိုတာကျတော့

#နေရာတိုင်း_မရနိုင်ဘူး

#အချိန်တိုင်း_မရနိုင်ဘူး

#ခေတ်တိုင်းလည်း_မရနိုင်ဘူး

နောက်ဆုံး ကုန်ကုန်ပြောရလို့ရှိရင် "အသိဉာဏ် ရှိတဲ့ဘဝ ရအောင် ကြိုးစားစမ်းပါ" လို့ ပြောတယ်။

မြတ်စွာဘုရားက
"လူ့ဘဝရဲ့ ရတနာဟာ အသိပညာသာ"လို့ ဆိုတယ်။ လောကီရတနာတွေက ခဏတဖြုတ်ပဲ ပိုင်ဆိုင်ခွင့်ရှိတာပါ တဲ့။

#ပါမောက္ခချုပ်ဆရာတော်ဘုရားကြီး
#ဒေါက်တာအရှင်နန္ဒမာလာဘိဝံသ
🙏🙏🙏🙏🙏🙏🙏🙏🙏🙏🙏

#တိုတောင်းတဲ့ဘဝမှာ
#ပိုကောင်းတဲ့ဓမ္မကိုအရယူသွားနိုင်အောင်ကြိုးစားရမယ်

ငြိမ်းချမ်းကြပါစေ...

ရန်သူမျိုး ငါးပါးဘေး
ကပ်ကြီး သုံးပါးဘေးအပေါင်းမှ
အခါခပ်သိမ်း ငြိမ်းအေး
လွတ်မြောက် ကြပါစေ...

#ဒီအကောင့်က တင်တဲ့ တရား
တော်များ ဓမ္မဆိုင်ရာ ပုံနဲ့ စာသားတွေကို

ပေးစရာ၊ ခွင့်တောင်းစရာ မလိုပါ
များများပျံ့နှံ့သွားဖို့ အဓိကပါ။

#ဗုဒ္ဓမြတ်စွာသာသနာရောင်ဝါနေထက်လင်းပါစေ

04/11/2024

တချို့က ပြောကြတယ် မဟုတ် လား၊ တရားအားထုတ်လိုက်တာ ရောဂါပျောက် သွားတယ် ... ။
🌹

ကံကောင်းအောင် လုပ်ပေးလိုက်တာ ဖြစ်တယ် ... ။

ရောဂါဝေဒနာကို ဖြစ်စေတတ်တဲ့ အကုသိုလ် ကံတွေကို ရှင်းသွားစေပြီးတော့ ကုသိုလ်ကံတွေ ဖြစ်လာတယ်။

ပစ္စုပ္ပန်မှာဖြစ်တဲ့ မိမိ စိတ်မှာလည်းပဲ လောဘ ဒေါသစတဲ့ အကုသိုလ် အညစ်အကြေးတွေ ကင်းစင်သွားပြီး

အလောဘ အဒေါသစတဲ့ ကုသိုလ် တရားတွေ တိုးပွားလာ တယ်။

ထိုအလောဘ အဒေါသစတဲ့ ငြိမ်းအေးတဲ့ ကုသိုလ်တရားတွေက ထုတ်လုပ်ပေးတဲ့ ရုပ်တရား ဟာ သန့်စင်လာတယ်။

ကျန်းမာလာတယ်။

ကုသိုလ်တရားဟာ ကျန်းမာမှုကို ဖြစ်စေတယ်။

ဒါကြောင့် ကုသလရဲ့ အဓိပ္ပါယ်ကို “ကျန်းမာခြင်း” လို့လည်း ပြောတယ်။

ကုသလဆိုတာ ကျန်းမာ ခြင်း ဖြစ်တယ်။

ဒီသဘာဝတရားတွေ ရင်ထဲ နှလုံးထဲမှာ ဖြစ်လို့ရှိရင် ကျန်းမာတယ်တဲ့။

ဘာဖြစ်လို့တုန်း ဆိုတော့ အလောဘဆိုတာ Generosity ပဲ ပေးချင်တယ်၊ကမ်းချင်တယ်၊လှူချင်တယ်၊တန်းချင်တယ်။

ပေးကမ်းဖို့ အဆင်သင့် ဖြစ်တယ်။

အိမ်မှာ နေရင်း ကလဲ မျှဝေသုံးစွဲတယ်။

ကိုယ်စားတဲ့ အစာ အာဟာ ရကို သူများ
မျှဝေပေးတယ်ဆိုတာ အင်မတန်
မွန်မြတ်တဲ့ အလုပ် ဖြစ်တယ်။

အဒေါသ ဆိုရင်လည်း ရင်ထဲမှာ အမုန်းတရား မထားဘဲနဲ့ တစ်ဦးပေါ် တစ်ဦး အကျိုးလိုလားတဲ့ စိတ်တွေမွေးတယ်။

အဲဒါလည်း အင်မတန် မွန်မြတ် တဲ့ စိတ်ပဲ။

အမောဟဆိုတာလည်း လုပ်သင့်တာနဲ့
မလုပ်သင့်တာကို ခွဲခြားသိပြီး
မလုပ်သင့်တာကို ရှောင်တယ်လုပ်သင့်တာကို လုပ်တယ်။

ဒီတရားတွေ ကိုယ့်သန္တာန်မှာ ရှိနေပြီဆိုရင် ကောင်းကျိုး ချမ်းသာတွေ ရလာပြီပေါ့။

လောဘ၊ ဒေါသ၊ မောဟတရားတွေ ဖြစ်လာပြီ ဆိုရင် အားလုံးဟာ အလွဲလွဲ အချော်ချော်နဲ့ စိတ်ကို ပူလောင်စေတယ်။

ထို စိတ်ပူလောင်မှုကြောင့် ကိုယ့်ရဲ့ ရုပ်ကိုလည်း ပူလောင်စေတာပါပဲ။

စိတ်ပူရင် ရုပ်ပူသွားတာပေါ့။

ဒါကြောင့်ကျန်းမာခြင်းရဲ့ အဓိက သည် ကုသိုလ်ကောင်းမှုပဲဖြစ်တယ်။

ကုသိုလ် စိတ်ဓါတ်တွေပဲပေါ့။

အခုလို ကုသိုလ် စိတ်ဓါတ်တွေ ဖြစ်လာပြီ ဆိုရင် စိတ်နှလုံး ဖြူစင် အေးချမ်းလာသည့် အတွက် ကျန်းမာမှုက ပိုကောင်း လာတာဖြစ်တယ်။

ဒါကြောင့်“ကုသိုလ်ကောင်းမှု မမေ့နဲ့”လို့ မြတ်စွာ ဘုရားက ဟောတာဖြစ်တယ်။

#ကျေးဇူးတော်ရှင်_ပါမောက္ခချုပ်ဆရာတော်ဒေါက်တာနန္ဒမာလာဘိဝံသ

ကုသိုလ်ဖြစ်အောင် သတိဆောင် တရားတော်မှ ထုတ်နုတ်တင်ပြပါသည်။

#ပါချုပ်ဆရာတော် #တရားမှတ်စု

03/11/2024

❝ကိုးကွယ်မှုမှန်ကန်ပါစေ❞
🌺🌺🌺🌺🌺🌺🌺🌺🌺🌺🌺🌺🌺🌺🌺🌺

ဗုဒ္ဓဘာသာလို့အမည်ခံထားပြီး ဘုရားကို
ကိုးကွယ်နေကြသော်လည်း ဘုရားရဲ့
ဉာဏ်တော်ကိုမယုံကြည်၊ဘုရားအဆုံးအမအတိုင်းမလိုက်နာလျှင် ကိုးကွယ်တယ်လို့
ခေါ်လို့မရပါဘူး။

"ဘယ လာဘ ကုလ ကြည်ဝေး၊
သံသရာဘေးမှ လွတ်ရေးရည်မျှော်"လို့ဆိုသည့်အတိုင်း ဘုရားကိုကိုးကွယ်တဲ့အခါ

-ကြောက်လို့ကိုးကွယ်တာမဖြစ်ရဘူး။
-လာဘ်လာဘလိုချင်လို့ကိုးကွယ်တာမဖြစ်ရဘူး။
-မျိုးရိုးစဉ်ဆက်ကိုးကွယ်လို့ကိုးကွယ်တာမဖြစ်ရဘူး။

သံသရာဝဋ်ဆင်းရဲကလွတ်ဖို့ဆိုတဲ့ ရည်ရွယ်ချက်နဲ့ပဲ ကိုးကွယ်ရပေမည်။
(လုပ်သင့်၊မလုပ်သင့်ဆိုတဲ့ ဟိတနဲ့အဟိတ ခွဲခြားသိဖို့ပဲ)

ခုခေတ်တော့ လူတော်တော်များများက လမ်းလွဲနေကြတယ်။လာဘ်လာဘလမ်းကိုလိုက်တာကများနေကြတယ်။
အခုတလော နဂါးသိုက်ကိုးကွယ်သူတွေပိုများတာတွေ့နေရတယ်။အထူးသဖြင့်တော့ ထိုင်းနိုင်ငံဘက်မှာပေါ့။

လွန်ခဲ့တဲ့ငါးနှစ်လောက်တုန်းက မင်းဘူး သွား တော့ " နဂါးပွက်အိုင် " ကိုရောက်ခဲ့တယ်။
တစ်ကယ်တော့ နဂါးပွက်အိုင်ဆိုတာ
ရွံ့မီးတောင်(မီးတောင်သေ)ကြီးပါ။သို့သော်
လူတွေက နဂါးရှိပါတယ်၊ဆုတောင်းပြည့်ပါတယ်ဆိုပြီး ပန်းတွေ ကပ်ကြ၊နွားနို့တွေဝယ်ပြီးလှူကြနဲ့
အနောက်နိုင်ငံက လူတွေမြင်ရင် ဟာသတစ်ခုအနေနဲ့မြင်မှာ သေချာလှပါတယ်။

အခုလည်းဂျပန်နိုင်ငံက လိင်ဖျော်ဖြေရေး S*x Doll ကို ကိုးကွယ်စရာနတ်အနေနဲ့ ပူဇော်ကိုးကွယ်နေတာတွေ့ရတယ်။မှန်ကန်မှုရှိလား မရှိဘူးလားဆိုတာ
ဘယ်သူမှမစဉ်းစားကြတော့ဘူး။
စီးပွားဖြစ်မယ်၊ဆုတောင်းပြည့်မယ်ဆိုရင်
မျက်စိစုံမှိတ်ကိုးကွယ်ကြတော့တာပဲ။
ဒီလိုမျက်ကန်းယုံကြည်မှုမျိုးဟာ အလွန်အန္တရာယ်ကြီးပါတယ်။

ဘုရားကိုကိုးကွယ်တယ်ဆိုတာ
စီးပွားတက်ဖို့မဟုတ်သလို မကိုးကွယ်ဘဲ
စီးပွားတက်နေကြတာတွေအများကြီးကို မြင်နေတွေ့နေရတော့
လမ်းလွဲကုန်ကြတာလည်းပါတာပေါ့။

တစ်ကယ်တော့…
"အညာဟိ လာဘူပနိသာ၊အညာ နိဗ္ဗာနဂါမိနီ"တဲ့
အငြိမ်းလမ်းနဲ့ လာဘ်လာဘလမ်းက
ပြဒါးတစ်လမ်း သံတစ်လမ်းပဲ။
မြတ်စွာဘုရားက အငြိမ်းလမ်းကို ညွှန်ပြပေးရုံပဲတတ်နိုင်တာ။ဘယ်ဘာသာဝင်ပဲလျှောက်လျှောက် လျှောက်တဲ့သူ ငြိမ်းချမ်းမှုကိုရမှာပဲ။

မြတ်စွာဘုရားက
"မကောင်းမှုရှောင်၊ကောင်းမှုဆောင်၊
ဖြူအောင်စိတ်ကိုထား"လို့ ဟောကြားထားတာကို
လိုက်နာမယ်ဆိုရင် ဆုတောင်းတာလည်းပြည့်နိုင်သလို၊အန္တရာယ်လည်းကင်းစေပါတယ်။

နောက်ပြီး…ကိုယ့်သန္တာန်မှာ သာသနာတည်အောင် ကြိုးစားသင့်ပါတယ်။
သာသနာတည်တယ်ဆိုတာ ဗောဓိပက္ခိယတရား(၃၇)ပါး၊အကျဉ်းချုပ်ရင် မဂ္ဂင်(၈)ပါး၊
ထပ်ချုံ့ရင် နိဗ္ဗာန်ကိုဦးတည်တဲ့ သီလ၊သမာဓိ၊ပညာ သိက္ခာ(၃)ပါး၊ဒီသူတော်ကောင်းတရားတွေကိုယ့်သန္တာန်မှာတည်ရှိတာကို ခေါ်ဆိုတာပါ။

သဒ္ဓါတရားရှိပြီးပညာမရှိရင် လမ်းလွဲနေဦးမှာပါပဲ။ယုံကြည်မှုသက်သက်က အလုပ်မဖြစ်ပါဘူး။
မှန်မှန်ကန်ကန်သိဖို့ လိုအပ်ပါတယ်။
မြတ်စွာဘုရားက မဂ္ဂင်ရှစ်ပါးရဲ့ အစမှာ
သမ္မာဒိဌိ(ကောင်းစွာသိမြင်ခြင်း)ကိုထည့်ဟောခဲ့ပါတယ်။ဘာလို့လည်းဆိုတော့ အရေးအကြီးဆုံးဖြစ်လို့။အဝိဇ္ဇာ(မသိမှု)ဟာ သံသရာဒုက္ခရဲ့အစမို့လို့။

သံဃာ့ဂုဏ်တော်ထဲမှာ သန္ဒိဌိကော ဆိုတာပါတယ်။
"သန္ဒိဌိကော"-ဆိုတာကိုယ်တိုင်သိနိုင်တာကို
ပြောတာ။တခြားအယူဝါဒတွေက ကိုယ်တိုင်သိခွင့်မရှိဘူး။ယုံကြည်မှုနဲ့တင်လမ်းဆုံးတယ်။
ဗုဒ္ဓဘာသာမှာတော့ ကိုယ်တိုင်သိမှုကို ဦးစားပေးတယ်။
ကိုးကွယ်တဲ့အခါမှာလည်း
ရတနာ(၃)ပါးမှလွဲ၍ မကိုးကွယ်ထိုက်ပါဘူး။
ကိုးကွယ်တဲ့အခါရည်ရွယ်ချက်လေးမှန်ဖို့တော့လိုတာပေါ့။

(၁) မြတ်စွာဘုရားကို ဆည်းကပ်ကိုးကွယ်ဆည်းကပ်တာဟာဘုရားအဆုံးအမကို
လိုက်နာပါ့မယ်ဆိုတဲ့အဓိပ္ပာယ်။

(၂) တရားကို ဆည်းကပ် ကိုးကွယ်တယ်ဆိုတာ
တရားအတိုင်း လိုက်တာကျင့်သုံးပါ့မယ်ဆိုတဲ့
အဓိပ္ပာယ်။

(၃)သံဃာကို ဆည်းကပ် ကိုးကွယ်တယ်ဆိုတာ
ဘုရားတရားတော်တွေကို မူရင်းမပျက်အောင်
သယ်ဆောင်လာကြတဲ့အတွက်ကျေးဇူးတင်တယ်။သူတို့ကြောင့် ဘုရားတရားတော်တွေကို နာကြားခွင့်ရတယ်ဆိုတဲ့ အဓိပ္ပာယ်။

ဒီလိုရည်ရွယ်ချက်မျိုးတွေနဲ့သာ ကိုးကွယ်ဆည်းကပ်ရပေမည်။
ဒီလိုရည်ရွယ်ချက်မျိုးနဲ့ဆည်းကပ်ကိုးကွယ်
သူကိုမှ ‌ဥပါသကာ၊ဥပါသိကာလို့ ခေါ်ရမည်ဖြစ်သည်။

ဗုဒ္ဓဘာသာ သူတော်ကောင်းများအားလုံး
ဘုရားအဆုံးအမတွေကို ကိုယ်တိုင်လည်း
သင်ယူနိုင်ကြပါစေ။
ကိုယ်တိုင်းလည်း ကျင့်သုံးနိုင်ကြပါစေ။
သူတစ်ပါးကိုလည်းနားလည်အောင် ပြောပြနိုင်ကြပါစေ။
ဘာသာ၊သာသနာပြန့်ပွားအောင် တရားသောနည်းနဲ့ ဖြန့်ချိနိုင်ကြပါစေ။

ကျေးဇူးတော်ရှင်ပါမောက္ခချုပ်ဆရာတော်ဘုရားကြီး၏ ဆုံးမဩဝါဒတရားတော်များမှ နာယူ
ရေးသားမျှဝေသည်။

Credit to original...

02/11/2024

တချို့က ပြောကြတယ် မဟုတ် လား၊ တရားအားထုတ်လိုက်တာ ရောဂါပျောက် သွားတယ် ... ။
🌹

ကံကောင်းအောင် လုပ်ပေးလိုက်တာ ဖြစ်တယ် ... ။

ရောဂါဝေဒနာကို ဖြစ်စေတတ်တဲ့ အကုသိုလ် ကံတွေကို ရှင်းသွားစေပြီးတော့ ကုသိုလ်ကံတွေ ဖြစ်လာတယ်။

ပစ္စုပ္ပန်မှာဖြစ်တဲ့ မိမိ စိတ်မှာလည်းပဲ လောဘ ဒေါသစတဲ့ အကုသိုလ် အညစ်အကြေးတွေ ကင်းစင်သွားပြီး

အလောဘ အဒေါသစတဲ့ ကုသိုလ် တရားတွေ တိုးပွားလာ တယ်။

ထိုအလောဘ အဒေါသစတဲ့ ငြိမ်းအေးတဲ့ ကုသိုလ်တရားတွေက ထုတ်လုပ်ပေးတဲ့ ရုပ်တရား ဟာ သန့်စင်လာတယ်။

ကျန်းမာလာတယ်။

ကုသိုလ်တရားဟာ ကျန်းမာမှုကို ဖြစ်စေတယ်။

ဒါကြောင့် ကုသလရဲ့ အဓိပ္ပါယ်ကို “ကျန်းမာခြင်း” လို့လည်း ပြောတယ်။

ကုသလဆိုတာ ကျန်းမာ ခြင်း ဖြစ်တယ်။

ဒီသဘာဝတရားတွေ ရင်ထဲ နှလုံးထဲမှာ ဖြစ်လို့ရှိရင် ကျန်းမာတယ်တဲ့။

ဘာဖြစ်လို့တုန်း ဆိုတော့ အလောဘဆိုတာ Generosity ပဲ ပေးချင်တယ်၊ကမ်းချင်တယ်၊လှူချင်တယ်၊တန်းချင်တယ်။

ပေးကမ်းဖို့ အဆင်သင့် ဖြစ်တယ်။

အိမ်မှာ နေရင်း ကလဲ မျှဝေသုံးစွဲတယ်။

ကိုယ်စားတဲ့ အစာ အာဟာ ရကို သူများ
မျှဝေပေးတယ်ဆိုတာ အင်မတန်
မွန်မြတ်တဲ့ အလုပ် ဖြစ်တယ်။

အဒေါသ ဆိုရင်လည်း ရင်ထဲမှာ အမုန်းတရား မထားဘဲနဲ့ တစ်ဦးပေါ် တစ်ဦး အကျိုးလိုလားတဲ့ စိတ်တွေမွေးတယ်။

အဲဒါလည်း အင်မတန် မွန်မြတ် တဲ့ စိတ်ပဲ။

အမောဟဆိုတာလည်း လုပ်သင့်တာနဲ့
မလုပ်သင့်တာကို ခွဲခြားသိပြီး
မလုပ်သင့်တာကို ရှောင်တယ်လုပ်သင့်တာကို လုပ်တယ်။

ဒီတရားတွေ ကိုယ့်သန္တာန်မှာ ရှိနေပြီဆိုရင် ကောင်းကျိုး ချမ်းသာတွေ ရလာပြီပေါ့။

လောဘ၊ ဒေါသ၊ မောဟတရားတွေ ဖြစ်လာပြီ ဆိုရင် အားလုံးဟာ အလွဲလွဲ အချော်ချော်နဲ့ စိတ်ကို ပူလောင်စေတယ်။

ထို စိတ်ပူလောင်မှုကြောင့် ကိုယ့်ရဲ့ ရုပ်ကိုလည်း ပူလောင်စေတာပါပဲ။

စိတ်ပူရင် ရုပ်ပူသွားတာပေါ့။

ဒါကြောင့်ကျန်းမာခြင်းရဲ့ အဓိက သည် ကုသိုလ်ကောင်းမှုပဲဖြစ်တယ်။

ကုသိုလ် စိတ်ဓါတ်တွေပဲပေါ့။

အခုလို ကုသိုလ် စိတ်ဓါတ်တွေ ဖြစ်လာပြီ ဆိုရင် စိတ်နှလုံး ဖြူစင် အေးချမ်းလာသည့် အတွက် ကျန်းမာမှုက ပိုကောင်း လာတာဖြစ်တယ်။

ဒါကြောင့်“ကုသိုလ်ကောင်းမှု မမေ့နဲ့”လို့ မြတ်စွာ ဘုရားက ဟောတာဖြစ်တယ်။

#ကျေးဇူးတော်ရှင်_ပါမောက္ခချုပ်ဆရာတော်ဒေါက်တာနန္ဒမာလာဘိဝံသ

ကုသိုလ်ဖြစ်အောင် သတိဆောင် တရားတော်မှ ထုတ်နုတ်တင်ပြပါသည်။

#ပါချုပ်ဆရာတော် #တရားမှတ်စု

Credit... 🙏🙏🙏

01/11/2024

အပါယ်ဘုံရောက်တယ်ဆိုတာ
ဘာကြောင့်ရောက်တာတုန်းဆိုတော့
စိတ်မနိုင်လို့ ရောက်တာတွေချည်းပဲ။

စိတ်ထဲမှာ မစင်ကြယ်လို့
လောဘတွေ ဒေါသတွေ မောဟတွေ
မာန်မာနတွေ ဣဿာမစ္ဆရိယတွေ
အဲ့ဒါတွေကြောင့် အပါယ်ရောက်တာ။
စိတ်ထဲမှာဖြစ်တဲ့ အညစ်အကြေးတွေကို
သန့်ရှင်းအောင်မလုပ်နိုင်လို့ အပါယ်ရောက်တာ။

အဲ့ဒါကြောင့် ကိုယ့်စိတ်ဆင်ရိုင်းကို
ပညာတည်းဟူသော ချွန်းဖြင့် အုပ်တယ်လို့
မြန်မာစာပေတွေမှာ ရေးလေ့ရှိတယ်။
အသိပညာနဲ့ ဆင်ခြင်စဉ်းစားပြီးတော့
ကိုယ့်စိတ်ကို ကောင်းတဲ့ဘက်ကိုရောက်အောင်
လမ်းမှန်ပေါ် တင်ပေးရမယ်။
ကောင်းအောင် ပြင်ရမယ်။

အခုလို သာသနာနဲ့တွေ့တဲ့ အချိန်ကလေးမှာ
ကောင်းအောင်မပြင်လိုက်နိုင်ဘူးဆိုရင်
နောင်ဒီလိုအသိညဏ်မျိုးရဖို့ဆိုတာ
အများကြီး ခဲယဉ်းသွားပြီ။
ရလာလိမ့်မယ်လို့တော့ မထင်လေနဲ့။

📌 ပါမောက္ခချုပ်ဆရာတော်ဘုရားကြီး

#ဓမ္မအသိဖြင့်အကျိုးရှိရှိနေမည်

31/10/2024

#ဝိပဿနာကျင့်စဉ်တစ်ခုကို_ကျင့်လိုက်မယ်ဆိုရင်_ဘာတွေသိလာနိုင်တုန်း

မြတ်စွာဘုရားက တရား ( ၃ )မျိုး,
ကိုယ့်စိတ်ထဲမှာ ဖြစ်တတ်တဲ့
အချက် (၃) မျိုးကို ဟောထားတယ်

#ခံစားချက်ဝေဒနာ ..............

လောက လူတွေမှာ ခံစားချက်ဟာ အဓိကကျတယ်
ခံစားချက်ပေါ်မှာ မူတည်ပြီးတော့
လှုပ်ရှားနေကြတယ်

ခံစားချက်လို့ဆိုတဲ့နေရာမှာ
ပျော်ရွှင်ချမ်းမြေ့ခြင်းခံစားမှု့
ဝမ်းနည်းကြေကွဲမှု့ခံစားမှု့

နောက်တစ်ခုကတော့…
ဝမ်းနည်းတာလည်းမဟုတ်ဘူး
ဝမ်းသာတာလည်းမဟုတ်ဘူး

ုက္ခ_မ_သုခ လို့ ဆိုတဲ့ ခံစားမှု့
အဲဒီခံစားချက်ကတော့ မထင်ရှားတဲ့ ခံစားချက်ပဲ

အဲဒီ ခံစားချက်တွေကို
မိမိသန္တာန်မှာ ဖြစ်တာကိုလည်း
ထင်ထင်ရှားရှား သိတယ်

ဖြစ်လာပြီးသည့်နောက် မိမိသန္တာန်မှာ
တည်နေတာကိုလည်း ထင်ထင်ရှားရှားသိတယ်
ပျက်သွားတာကိုလည်း ထင်ထင်ရှားရှား သိတယ်

ခံစားချက်နဲ့ ပတ်သက်ပြီး
သတိသမ္ပဇဥ်တရားကို အရှိန်မြှင့်လိုက်တဲ့ အခါမှာ
ဝိပဿနာဉာဏ်နဲ့ ထင်ထင်ရှားရှားကြီး သိသွားတယ်

နောက်တစ်ခုက အာရုံနဲ့ တွေ့တိုင်း တွေ့တိုင်း မှတ်တမ်းတင်တတ်တဲ့ ....... သညာ

အဲဒီ ... သညာတရား ပေါ်လာတာကိုလည်းပဲ
ထင်ထင်ရှားရှားသိတယ်

သညာတရားရဲ့ လုပ်ဆောင်မှု့တွေကိုလည်းပဲ
ထင်ထင်ရှားရှား သိတယ်

ချုပ်ငြိမ်းသွားတာကိုလည်းပဲ
ထင်ထင်ရှားရှား သိတယ်

နောက်တစ်ခုက ဘုန်းကြီးတို့ တစ်တွေမှာ ...
စိတ်ကလေးပေါ်လာတာနဲ့ တစ်ပြိုင်နက်
ဟိုတွေး ဒီတွေး တွေးတတ်တဲ့
အတွေးလေးတွေ ရှိတယ်ပေါ့

အဲဒီ .... အတွေးကို " ဝိတက် " လို့ ခေါ်တယ်
ကြံစည်ခြင်း စိတ်ကူးခြင်းလို့ ခေါ်တယ်

အဲဒီ ကြံစည်ခြင်း စိတ်ကူးခြင်းဆိုတဲ့
အတွေးနဲ့ ပတ်သက်ပြီး

ပေါ်လာတာကိုလည်း သိလိုက်တယ်
ပျောက်သွားတာကိုလည်း သိလိုက်တယ်

ထင်ရှားရှိစဉ် ဆောင်ရွက်နေတာကိုလည်း
သိလိုက်တယ်

ဒီလို ကိုယ့်သန္တာန်မှာ သဘာဝတရားတွေရဲ့
ဖြစ်လာမှု့ ပျက်စီးသွားမှု့တွေကို
ထင်ထင်ရှားရှား သိလာပြီဆိုရင်

ဒါအဆင့်မြင့်တဲ့ ဝိပဿနာဉာဏ်လို့ ခေါ်တယ်

အဲဒီ .... ဝိပဿနာဉာဏ်_ရှိလာပြီဆိုရင်
လောဘတွေ ဒေါသတွေ မောဟတွေကို ပိုပြီး
ဝေးဝေးလံလံရောက်သွားအောင် တွန်းထုတ် ဖယ်ရှားပစ်နိုင်တဲ့ စွမ်းရည် သတ္တိတွေ ရလာတယ်

ဝိပဿနာဉာဏ် ရင့်သန်သွားပြီ ဆိုတဲ့အခါ
အဲဒီ ဝိပဿနာဉာဏ် အရှိန်အဟုန်
ကြီးမားလာတာနဲ့ တစ်ပြိုင်နက်
သူက အကျိုးတစ်ခုကို ဖြစ်ပေါ်စေတယ်

▪️ဝိပဿနာကျင့်လိုက်လို့
▪️နောက်ဆုံးရလာတဲ့ အသိဉာဏ်က
▪️ဘာတုန်းဆိုလို့ ရှိရင်…

▪️သင်္ခါရတရားတွေရဲ့ သဘာဝကို
▪️ဆင်ခြင်စဉ်းစားရင်းက နေပြီး

▪️သင်္ခါရ သဘာဝတွေအားလုံး နောက်ဆုံးပိတ်
▪️ချုပ်သွားတဲ့နေရာကို မြင်နိုင်ခြင်း ဖြစ်တယ်

▪️မြင်လိုက်တာနဲ့ တစ်ပြိုင်နက် ခုနက .....

▪️လောဘဆိုတာ အမြစ်ပါ ပြုတ်သွားတယ်
▪️ဒေါသဆိုတာလည်း အမြစ်ပါ ပြုတ်သွားတယ်

▪️မောဟ ဆိုတာလည်း အမြစ်ပါ ပြုတ်သွားတယ်
▪️နောက်ထပ် မလာနိုင်တော့ဘူး

▪️အဲဒါကိုပဲ ဝိပဿနာ အရှိန်မြှင့်လို့ ရလာတဲ့
▪️မဂ်စိတ် ပေါ်တာ လို့ ပြောတာနော်

အဲဒီလို " မဂ်စိတ် " ပေါ်လာပြီးတဲ့နောက်မှာ
လောဘ ဒေါသ မောဟ တွေရဲ့ အပူတွေကို
ထပ်ပြီး ငြိမ်းပေးတဲ့ " ဖိုလ်စိတ် " ပေါ်တယ်

သင်္ခါရတွေရဲ့ ချုပ်ဆုံးရာဖြစ်တဲ့ နိဗ္ဗာန်ကို
မြင်လိုက်တာနဲ့ တစ်ပြိုင်နက် ကိုယ့်သန္တာန်မှာရှိတဲ့ အဆိုးတရားတွေဟာ လုံးဝ အမြစ်ပါမကျန် ပျောက်သွားတယ်

အသိပညာကို အဆင့်မြင့်တဲ့ ဝိပဿနာဉာဏ်
အဆင့်ရောက်အောင် မြှင့်တင်ပေးလိုက်
နိုင်ပြီဆိုရင်

ကိုယ့်ရဲ့ စိတ်နှလုံးထဲမှာ ပူလောင်ညစ်နွမ်း
စေတတ်တဲ့ သောကတွေ ဒေါမနဿတွေ
အားလုံးကို ဖယ်ရှားပစ်နိုင်တယ်

တကယ့်ကို ငြိမ်းတဲ့ အငြိမ်းဓာတ်နဲ့
ချမ်းမြေ့တဲ့ဘဝမှာ နေနိုင်တယ်လို့
မြတ်စွာဘုရားက ဟောထားခြင်း ဖြစ်ပါတယ်

သတိမကွာ အသိပညာဖြင့် နေထိုင်ခြင်း လို့ ဆိုတဲ့… မြတ်စွာဘုရား ဟောကြားတော်မူခဲ့သော
ဒီတရားတော်ကို နာယူမှတ်သားပြီးတဲ့အခါမှာ ...

တို့တစ်တွေ ဘဝမှာ … ဘာတွေလုပ်ရမယ် ဆိုတာ
ကိုယ်စီကိုယ်စီ မှတ်သားလေ့လာပြီး
ဘဝရဲ့ ငြိမ်းချမ်းမှု့ကို ရလိုသူတိုင်း
ဒီလမ်းစဉ်အတိုင်း လေ့ကျင့်ခြင်းဖြင့်

ဘဝရဲ့ ငြိမ်းချမ်းမှု့ကို ရမှာပဲလို့ ဧကန်ယုံကြည်ပြီး ကျင့်ကြံကြိုးကုတ် အားထုတ်နိုင်ကြပါစေ
ကုန်သတည်း....။

ကျေးဇူးတော်ရှင်
ပါချုပ်ဆရာတော်ဘုရားကြီး
🙏🙏🙏

★JG Jay Gyi

https://m.facebook.com/story.php?story_fbid=1400258300355912&id=100011152658443&mibextid=Nif5oz

30/10/2024

#စီးပွားလည်းရှာပါ…
ကိုယ်ကျင့်တရားလည်း ထိန်းသိမ်းပါ။
ဒါမှ ရလာတဲ့စည်းစိမ်ဥစ္စာမြဲမယ်။

#ဗုဒ္ဓဘာသာဝင်တွေ…
စီးပွားမရှာရဘူးမဟုတ်ဘူး…ရှာ။
မြတ်စွာဘုရားက
စီးပွားရှာဖို့ တိုက်တွန်းတယ်။
သို့သော် ရှာတဲ့အခါမှာ
ဒုစရိုက်နည်းနဲ့ မရှာဖို့တော့ပြောတယ်။
ကောင်းတဲ့နည်းတွေနဲ့ စီးပွားရှာရမယ်။
စီးပွားရေးမျက်စိ ရှိရမယ်တဲ့…။

#စီးပွားရေးမျက်စိဆိုတာဘာတုန်း…?
မရသေးတဲ့ စည်းစိမ်ဥစ္စာကို
ရအောင်လုပ်ခြင်း၊
ရရှိပြီးသား စည်းစိမ်ဥစ္စာကို
တိုးပွားအောင်လုပ်ခြင်းဆိုတဲ့
ဒီအချက်နှစ်ချက်နဲ့
စီးပွားရေးမျက်စိရှိရမယ်။
စီးပွားရေးမျက်စိရှိမှ
ဒီဘဝမှာ ချမ်းသာသုခရမှာကိုး…။

#ဒါဖြင့်စီးပွားတော့ရှာတတ်တယ်…
မရသေးတဲ့ စည်းစိမ်တွေရအောင်၊
မရသေးတဲ့ ငွေကြေးဥစ္စာတွေ
ရအောင် လုပ်တယ်။
ရပြီးသား ဥစ္စာငွေကြေးတွေ
တိုးတက်အောင်လုပ်တယ် ဟုတ်ပြီ။
နောက်မျက်စိတစ်လုံး ရှိဖို့လည်း
လိုသေးတယ်။ ဘာတုန်းဆိုရင်
ကိုယ်ကျင့်တရားတဲ့…။
ကိုယ်ကျင့်တရားနဲ့ အကောင်းအဆိုးကို
သိတတ်တဲ့မျက်စိ ရှိဖို့လိုသေးတယ်။
ဒီနှစ်ခုဟာ တစ်ခုနဲ့တစ်ခု
ထိန်းညှိပေးထားတယ်။

#စီးပွားရေးချည်းပဲတိုးတက်ပြီး
ကိုယ်ကျင့်တရား ပျက်ပြားသွားလို့ရှိရင်
ဒီစီးပွားဟာ ကြာရှည်မခံဘူး။
ခု မြန်မာနိုင်ငံမှာလည်းပဲ ကြည့်၊
လူအချို့ဟာ စီးပွားတိုးတက်လာပြီး
ကိုယ်ကျင့်တရားတွေ
ပျက်သွားတဲ့အခါ
စီးပွားပါပျက်ရော…။
ဒီလိုပုဂ္ဂိုလ်သာဓကတွေ
မြောက်မြားစွာရှိတယ်။

#ဒါကြောင့်မလို့…
မြတ်စွာဘုရားက ဆုံးမထားတာ…။
စီးပွားတက်လာတာနဲ့အမျှ
ကိုယ်ကျင့်တရားဘက်ကလည်း
တက်လာရမယ်။
ကိုယ်ကျင့်တရားဖြင့်
ကိုယ့်ရဲ့စီးပွားကို ပြန်ထိန်းထားရမယ်။
စီးပွားကလည်း တိုးတက်တယ်၊
ကိုယ်ကျင့်တရားတွေကလည်း
တိုးတက်လာတယ်ဆိုတဲ့
ပုဂ္ဂိုလ်တစ်ယောက်မှာ သူရထားတဲ့
စည်းစိမ်ဥစ္စာဟာ ခိုင်မာတယ်။
ကိုယ်ကျင့်တရား မပျက်တဲ့အတွက်ကြောင့်
စီးပွားပျက်တယ်ဆိုတာ မရှိတော့ဘူး။
ဒီလိုဆိုလိုတာနော်…။

ဒေါက်တာ အရှင်နန္ဒမာလာဘိဝံသ
🙏 (ပါမောက္ခချုပ်ဆရာတော်) 🙏

29/10/2024

သိမ်ဖျင်းတဲ့ စကား ၊ မမှန်တဲ့ စကား ၊ ကြမ်းတမ်း
တဲ့ စကား ပြောတဲ့နေ့ဟာ ...
နက္ခတ်မကောင်းတဲ့နေ့ မင်္ဂလာမရှိတဲ့နေ့ပါပဲ ... ။

ပရိနိဗ္ဗာန် ပြုခါနီးမှာ နတ်ဗြဟ္မာတွေဟာ ...
နတ်ပန်းနံ့သာ တူရိယာ တေးသံတွေ နဲ့
မြတ်စွာဘုရားကို အကြီးအကျယ် ပူဇော်ကြတယ် ။

ဒါပေမဲ့ မြတ်စွာဘုရားက ငါဘုရားကို
အမြင့်မြတ် ဆုံးသော ပူဇော်မှု နဲ့ ပူဇော်ခြင်း
မမည်ပါဘူးတဲ့ ... ။

လောကုတ္တရာ တရားကိုးပါး အားလျော်တဲ့ ...
ပဋိပတ် နဲ့ ပူဇော်မှ ငါဘုရားကို ပူဇော်တယ် ၊
အရိုအသေပြုတယ်၊ မြတ်နိူးတယ်လို့ မည်ပါတယ် ။

နောင် အာမိသတွေ နဲ့ ပူဇော်ပွဲကြီးတွေ လုပ်လိမ့်မယ် ... ။
ကျင့်တဲ့သူ ရှိမှာ မဟုတ်ဘူး ... ။

သတိပဋ္ဌာန် ပွားများတဲ့ ယောဂီဟာ
သတိ လက်လွတ် ဖြစ်မနေရပါဘူး ... ။

မွန်မြတ်တဲ့ သူတော်ကောင်းတွေဆိုတာ ...
လောဘ ဒေါသ မောဟ မာန ဣသာ မစ္ဆရိယ
အစရှိတဲ့ ညစ်နွမ်းတဲ့ စိတ်ကလေးတစ်ခု ဖြစ်မှာတောင် ရှက်ကြပါတယ် ... ။

ပုဗ္ဗေ စ ကတပုညတာ
ရှေးကပြုဖူးတဲ့ကောင်းမှုရဲ့ အကျိုးဆက် အနေနဲ့
လေးပါဒ တစ်ဂါထာ ကြားရုံဖြင့်
မဂ်ဖိုလ်တရားတွေကို သိမြင်နိူင်ကြပါတယ် ... ။

သေပြီး အမျှဝေရင် မရဖို့က 99% လောက်
သေချာတယ် ...။ ဒါကြောင့် အမျှရဖို့ စိတ်မကူးနဲ့ ။

ဒီဘဝနဲ့ သံသရာကို အဆုံးမသတ်နိူင်သေးရင်
မိမိမှာ အဆင့်မြင့်တဲ့ ကံတွေကို ထူထောင် ထားဖို့ လိုပါတယ် ... ။

ဒီ ခြေလက်တွေဟာ ,
ကောင်းမှုကုသိုလ် ကံတွေ လုပ်ဖို့ ၊
ဒီ ပါးစပ်က ,
ကောင်းမှု ကုသိုလ်တွေ နဲ့ စပ်တာတွေ ပြောဖို့ ၊
ဒီ စိတ်က ,
ကောင်းမှု ကုသိုလ်ကံတွေဖြစ်အောင် ပြုစု ပျိုးထောင်ဖို့ ဒီလိုပဲဖြစ်သင့်တယ် ... ။ ဖြစ်ရမယ် ။

မုသားစကား ပြောတဲ့ ရဟန်း ...
ရဟန်း တရားမရှိတဲ့ အတွက် ...
သူများလှူတဲ့ ဆွမ်းစား နေတာကို မီးခဲမြိုတယ် လို့ ရှေး ဆရာတော်ကြီးများက ... ဆုံးမ ကြတယ် ... ။

ရဟန်းလို့ အမည်ခံရင် ရဟန်းတရား ရှိရမယ် ... ။
မရှိရင် ရာဇဂြိုဟ်ပြည် ကောင်းကင် ထက်က
ပြိတ္တာတွေလို ဖြစ်မယ် ... ။

သူတော်ကောင်းမှန်ရင် မိမိစိတ်ဆင်းရဲမဲ့ ...
သူတစ်ပါးစိတ်ဆင်းရဲမဲ့ ...
မိမိ . သူတစ်ပါးစိတ်ဆင်းရဲမဲ့ စကားမျိုးမပြောသင့်ပါဘူး ... ။

ကံတွေဆိုတာ အရိယာမဂ် နဲ့ မှ ပယ်ဖျက် လို့ ရတာပါ ... ။
နိဗ္ဗာန် မရမချင်း အထိ လိုက်အကျိုး ပေးကြလိမ့်မယ် ... ။
ဒါကြောင့် ကံတွေကို စင်စင်ကြယ်ကြယ်
ထူထောင်ထားဖို့ လိုပါတယ် ... ။

သီလ ဖြူဖြူစင်စင် နဲ့ ကျင့်ဆောင်နေတဲ့ ...
သူတော်ကောင်းတွေကို ရည်စူးပြီး ...
ဆွမ်း သင်္ကန်း ကျောင်း ဆေးတို့ကို ထောက်ပံ့ လှူဒါန်းနေကြတာပါ ... ။

ဒီသူတော်ကောင်းတွေကို လှူရင် ...
အဆင့်မြင့်တဲ့ ဘဝတစ်ခုကိုရမှာ ပဲလို့ ရည်မှန်းပြီး လှူ ကြတာပါ ... ။
သီလတွေ ပျက်နေတဲ့ သူတွေ ဆို လှူကြပါ့မလား။

ရတနာသုံးပါးရဲ့ ဘုန်းရိပ်မှာ ခိုလှုံနေပြီး ...
ရတနာသုံးပါးရဲ့ မကောင်းကို မပြောမိအောင် နေရမယ် ... ။
ပြောမိရင် ပြောသူရဲ့ အကျိုး စီးပွား ဆုတ်ယုတ်မယ် ... ။

လူဟာ လူနဲ့ ထိုက်တန်တဲ့ ကျင့်ဝတ် ပဋိပတ်
ရဟန်းဟာ ရဟန်းနဲ့ ထိုက်တန်တဲ့ ကျင့်ဝတ် ပဋိပတ် ကျင့်ကြရမယ် ... ။
ဒါမှ တည်ကြည်တဲ့ စိတ်ဓာတ်တွေ ရရှိ ကြမယ် ။
ဒါမှ လောကမှာ ရဲရင့် တည်ကြည်စွာ လှည့်လည် သွားလာ နိူင်ကြလိမ့်မယ် ... ။

#ကျေးဇူးတော်ရှင်
#ဖားအောက်တောရ_ဆရာတော်ဘုရားကြီး
🙏🙏🙏

Credit... 🙏🙏🙏

28/10/2024

27/10/2024

သီလပျက်တာနဲ့တစ်ပြိုက်နက်
ကုသိုလ်တရားတွေအားလုံးပျက်တာပါပဲ
ဒါကြောင့်ကုသိုလ်တွေအားလုံးရဲ့
တည်ရာမှီရာဟာသီလဖြစ်တယ်။

ကျေးဇူးတော်ရှင်
ပါမောက္ခချုပ်ဆရာတော်ဘုရားကြီး

24/10/2024

အရှင်ဘုရား နောင်ဘဝမှာ စိတ်အေးဖို့
ဘာတွေလိုတုန်း .....

ဘယ်တရားတွေ ကျင့်သုံးမှ နောက်ဘဝ အရေး
စိတ်အေးမလည်း ... မေးတော့ ...

မြတ်စွာဘုရားက ... “သစ္စံ ဒမ္ဗော ဓိတိ စာဂေါ” ဆို
ပြီး တရား (၄) မျိုးကို ဟောတယ် ...

#သစ္စံ_ဆိုတဲ့ ... အမှန်တရားရှိဖို့ လိုတယ်တဲ့ ...

#ဒမ္ဗော_ဆိုတဲ့ ... အသိပညာရှိဖို့ လိုတယ်တဲ့ ...

#ဓိတိ_ဆိုတဲ့ ... လုံ့လဝီရိယရှိဖို့ လိုတယ်တဲ့ ...

#စာဂေါ_ဆိုတဲ့ .... စွန့်ကြဲပေးကမ်းမှု့ ရှိဖို့လို
တယ် ...

ဆိုလိုတာက .............

ဘဝခရီးအတွက် စိတ်အေးရအောင် လိုအပ်တဲ့
အချက်တွေကတော့ မှန်ကန်တာကို ပြောဖို့လို
တယ် ...

ကိုယ့်ဘဝ ကိုယ့်အကြောင်း အကောင်းနဲ့အဆိုး
အကြောင်းနဲ့ အကျိုးသိတဲ့ ပညာလိုတယ် ...

ကြိုးပမ်းအားထုတ်မှု့ လုံ့လဝီရိယ လိုတယ် ...

စာဂ ဆို တဲ့ ကိုယ်တစ်ယောက်တည်း မသုံးစွဲဘဲနဲ့
ကိုယ့်ရှိတဲ့ ပစ္စည်းကို အများနဲ့ မျှဝေသုံးစွဲတတ်တဲ့
စွန့်ကြဲမှု့ ဆိုတာ လိုတယ်တဲ့ .....

အဲဒီ ( ၄ ) မျိုးနဲ့ ပြည့်စုံရင် ...
နောက်ဘဝအရေး စိတ်အေး ရပါတယ်တဲ့ .....

#ကျေးဇူးတော်ရှင်
#ပါချုပ်ဆရာတော်ဘုရားကြီး
🙏🙏🙏

★JG Jay Gyi

Credit ... 🙏🙏🙏