29/04/2018
တိုက်စစ်မှူးကောင်းတစ်ယောက်ဖြစ်ဖို့အတွက် with and without the ballအနေအထားနှစ်ရပ်စလုံးမှာ အကောင်းဆုံးရွေ့လျားနိုင်ဖို့လိုပါတယ်၊
Without the ball movementတွေမှာ အူဘာမီယန်းဟာ ကမ္ဘာ့အကောင်းဆုံးတိုက်စစ်မှူးစာရင်းဝင်ပါပဲ၊
ဒီနေ့ပွဲမှာ သူဟာစမောလင်းကို ပစ်မှတ်ထားခဲ့ပြီး စမောလင်းရဲ့နောက်နားမှာ အမြဲနေရာယူထားတာတွေ့ရပါတယ်၊
ဒါပေမယ့် အူဘာမီယန်းဟာ ဒီပွဲအတွက် အာဆင်နယ်ရဲ့ key passerလို့ပြောရမယ့် ရှာကာနဲ့ ခိုင်မာတဲ့အပြန်အလှန်နားလည်မှုမျိုးရှိမနေတဲ့အတွက် သူဘောလုံးလိုချင်တဲ့နေရာကို ရှာကာကရောက်အောင် မပေးနိုင်ခဲ့ပါဘူး၊ ဒါကြောင့် သူ့ရဲ့ပါးနပ်သော ရွေ့လျားမှုတွေက အဟောသိကံဖြစ်ခဲ့ရတယ်၊
သူ့ရဲ့နောက်မှာ အူဘာမီယန်းက တစ်ချိန်လုံးရှိနေခဲ့တဲ့အတွက် စမောလင်းအတော်လေးတိုင်ပတ်ခဲ့ပါတယ်၊ သူဟာတစ်ချိန်ထဲမှာ အလုပ်နှစ်ခုလုပ်နေရတယ်၊ ဘောလုံးလမ်းကြောင်းကိုကြည့်နေရသလို သူ့ရဲ့blind sideမှာ နေရာယူထားတဲ့ အူဘာမီယန်းကိုလည်း လှည့်လှည့်ကြည့်နေရတာပါ၊ စမောလင်းလိုနောက်ခံလူတစ်ယောက်အတွက် ဒါဟာသိပ်ကိုခက်ခဲပါတယ်၊ ဒါပေမယ့် ချီးကျူးစရာတစ်ချက်အနေနဲ့ သူဟာ ၁၈ကိုက်စည်းထဲမှာ အူဘာမီယန်းကို အကောင်းဆုံးဟန့်တားမှုတစ်ကြိမ် ပြုလုပ်သွားနိုင်ပါတယ်၊
လာမယ့်ရာသီမှာ အိုဇေးလ်-အူဘာမီယန်းအတွဲက သိပ်ကိုကြောက်စရာကောင်းလာနိုင်ပါတယ်၊
တစ်ခုပဲ၊ အာဆင်နယ်နည်းပြသစ်ဟာ (အနိမ့်ဆုံး) တူချယ်လ်အဆင့်လောက်ရှိတဲ့ တိုက်စစ်အားသန်နည်းပြမျိုး ဖြစ်ဖို့တော့လိုတာပေါ့...
- မိုးနေ့
