Rahmonnya Business Institute

Rahmonnya Business Institute Mon State-based Business institute, which provides international standard training courses and certi

Our Vision

" Everyone has the right to education"

လူတိုင်း ပညာသင်ကြားခွင့် လေ့လာခွင့် ရရှိရန်

Our vision are operating good education and vocational growth in our learners and communities , providing them for meaningful and contributions good quality to a diverse, global society on the education sector.

ကျွန်ုပ်တို့၏ရည်မှန်းချက်မှာ
ကျွန်ုပ်တို့၏ကျောင်းသားများနှင့်
ရပ်ရွာလူထုများ၌ ကောင်းမွန်သေ

ာပညာရေးနှင့်အသက်မွေး၀မ်းကျောင်းမှုများ တိုးတက်မှုများဖြင့်လည်ပတ်စေသည်၊၊
ထို့အပြင် ကွဲပြားခြားနားသောကမ္ဘာလုံးဆိုင်ရာလူ့အဖွဲ့အစည်းအတွက်အရည်အသွေးပြည့်ဝသော ပညာရေးဆိုင်ရာ ပံ့ပိုးမှုများပေးပါသည် ။


Our aim is to help individuals to achieve smart of their life via good quality learning training courses. Whether you're looking to learn a new skill or to gain a qualification for a new career, Rahmonnya Business Institute can help you to achieve your goals and get to where you want to be.


ကျွန်ုပ်တို့၏ရည်မှန်းချက်မှာအရည်အသွေးကောင်းမွန်သောသင်ကြားရေးသင်တန်းများမှတစ်ဆင့်
လူတစ်ဦးချင်းစီအားသူတို့၏ဘ၀တွင်ကောင်းမွန်စွာနေထိုင်နိုင်ရန်ကူညီရန်ဖြစ်သည်။
သင်ကျွမ်းကျင်မှုအသစ်တစ်ခုကိုလေ့လာရန်ရှာဖွေနေသည်ဖြစ်စေ၊ အလုပ်သစ်တစ်ခုအတွက်အရည်အချင်းပြည့်မှီရန်ဖြစ်စေ၊ Rahmonnya Business Institute သည်သင့်ရည်မှန်းချက်ပန်းတိုင်များသို့ရောက်ရှိရန်နှင့်သင်နေထိုင်လိုသည့်နေရာသို့ရောက်ရှိရန်ကူညီနိုင်သည်။

Our standards is the higher of quality education and helping you get the skills, training and qualifications that you want.

ကျွန်ုပ်တို့၏စံနှုန်းများသည်အရည်အသွေးမြင့်ပညာရေးဖြစ်ပြီးသင်လိုချင်သောအရည်အချင်း၊ လေ့ကျင့်မှုနှင့်အရည်အချင်းများကိုရရှိရန်ကူညီသည်။

ချမ်းသာမည့်သူတစ်ဦးရဲ့ လက္ခဏာ (၂၅) ခု၁။ အချိန်ကို ငွေထက်ပိုပြီး နှမြောတယ်သာမန်လူတွေက ငွေကုန်မှာကြောက်ပေမယ့် ချမ်းသာမယ့်သူ...
20/02/2026

ချမ်းသာမည့်သူတစ်ဦးရဲ့ လက္ခဏာ (၂၅) ခု
၁။ အချိန်ကို ငွေထက်ပိုပြီး နှမြောတယ်
သာမန်လူတွေက ငွေကုန်မှာကြောက်ပေမယ့် ချမ်းသာမယ့်သူတွေက အချိန်ကုန်မှာ ပိုကြောက်ကြပါတယ်။ အချိန်ကို အကျိုးမရှိတဲ့ နေရာတွေ (ဥပမာ - အွန်လိုင်းမှာ အချိန်ဖြုန်းတာ၊ အတင်းပြောတာ) မျိုးမှာ လုံးဝမသုံးပါဘူး။

၂။ ရည်မှန်းချက် ပန်းတိုင် တိကျပြတ်သားတယ်
"ငါ ချမ်းသာချင်တယ်" လို့ ယောင်ဝါးဝါး မတွေးပါဘူး။ "ငါ နောက် ၅ နှစ်နေရင် ငွေဘယ်လောက်ရှာနိုင်ရမယ်၊ ဘာလုပ်ငန်း ပိုင်ဆိုင်ရမယ်" ဆိုပြီး စာရွက်ပေါ်မှာ ချရေးထားလေ့ရှိပါတယ်။

၃။ ဝင်ငွေထက် လျှော့သုံးတယ်
လစာ ဘယ်လောက်များများ၊ ဝင်ငွေနဲ့အညီ လိုက်မသုံးပါဘူး။ သူတို့က ဟိတ်ဟန်ထုတ်ဖို့ထက် စုဆောင်းရင်းနှီးဖို့ကိုပဲ ဦးစားပေးပါတယ်။

၄။ ဝင်ငွေလမ်းကြောင်း တစ်ခုတည်းနဲ့ မရပ်တည်ဘူး
အလုပ်တစ်ခုတည်း၊ လစာတစ်ခုတည်းကို ဘယ်တော့မှ အားမကိုးပါဘူး။ ဘေးပေါက်ဝင်ငွေ (Side Income) သို့မဟုတ် ရင်းနှီးမြှုပ်နှံမှုကနေ ဝင်ငွေရအောင် အမြဲကြိုးစားပါတယ်။

၅။ စာဖတ်အား ကောင်းတယ်
ဖျော်ဖြေရေး သတင်းတွေထက် ကိုယ့်ဘဝတိုးတက်စေမယ့် စာပေ၊ ငွေကြေးစီမံခန့်ခွဲမှုဆိုင်ရာ စာအုပ်တွေကို နေ့စဉ်ဖတ်ရှုလေ့လာလေ့ရှိပါတယ်။

၆။ ကျန်းမာရေးကို ဂရုစိုက်တယ်
ကျန်းမာမှ အလုပ်လုပ်နိုင်မယ်ဆိုတာ ကောင်းကောင်းသိပါတယ်။ အစားအသောက် ဆင်ခြင်တာ၊ လေ့ကျင့်ခန်းလုပ်တာတွေကို ပုံမှန်လုပ်ဆောင်လေ့ရှိပါတယ်။

၇။ အပေါင်းအသင်း ရွေးပေါင်းတယ်
"ကိုယ့်မိတ်ဆွေ ၅ ယောက်ရဲ့ ပျမ်းမျှအခြေအနေက ကိုယ်ဖြစ်လာမယ့်ပုံစံပါပဲ"။ ဒါကြောင့် အဆိုးမြင်သမားတွေကို ရှောင်ပြီး၊ ကိုယ့်ထက်တော်တဲ့သူ၊ ရည်မှန်းချက်ကြီးသူတွေနဲ့ပဲ ပေါင်းသင်းပါတယ်။

၈။ ပြဿနာကို အခွင့်အရေးလို့ မြင်တယ်
သာမန်လူတွေက ပြဿနာတက်ရင် ညည်းညူကြပေမယ့်၊ ချမ်းသာမယ့်သူတွေက ဒီပြဿနာကို ဖြေရှင်းပြီး ဘယ်လို အကျိုးအမြတ်ထုတ်မလဲဆိုတာ စဉ်းစားပါတယ်။

၉။ "မနက်ဖြန်" ဆိုတာ မရှိဘူး
အလုပ်တစ်ခုကို ချက်ချင်းလုပ်ရမှ ကျေနပ်သူတွေပါ။ အချိန်ဆွဲတဲ့အကျင့် (Procrastination) ကို အတတ်နိုင်ဆုံး ရှောင်ကြဉ်ပါတယ်။

၁၀။ ငွေကို ခိုင်းတတ်တယ်
ငွေရဖို့ တစ်သက်လုံး အလုပ်လုပ်တာမျိုး မဟုတ်ဘဲ၊ ရလာတဲ့ငွေကို ရင်းနှီးမြှုပ်နှံပြီး ငွေကနေ ငွေပြန်ပွားအောင် လုပ်တတ်ကြပါတယ်။

၁၁။ မသိတာကို "မသိဘူး" လို့ ဝန်ခံရဲတယ်
ဟန်မဆောင်ပါဘူး။ မသိရင် တတ်ကျွမ်းတဲ့သူဆီမှာ မေးမြန်းသင်ယူဖို့ ဝန်မလေးပါဘူး။

၁၂။ ရှုံးနိမ့်မှာကို မကြောက်ဘူး
ရှုံးနိမ့်ခြင်းဆိုတာ အောင်မြင်မှုရဲ့ သင်ခန်းစာတစ်ခုလို့ပဲ သတ်မှတ်ပါတယ်။ လဲကျတိုင်း ပြန်ထဖို့ ဝန်မလေးပါဘူး။

၁၃။ တီဗီကြည့်ချိန်/ဖုန်းပွတ်ချိန် နည်းတယ်
သူများတွေ ဇာတ်လမ်းတွဲ ကြည့်နေချိန်မှာ သူတို့က ကိုယ့်အရည်အချင်း တိုးတက်ဖို့ တစ်ခုခု လုပ်နေတတ်ပါတယ်။

၁၄။ စိတ်ခံစားချက်ကို ထိန်းချုပ်နိုင်တယ်
ဒေါသ၊ ဝမ်းနည်းမှုစတဲ့ စိတ်ခံစားချက်တွေနောက်ကို မလိုက်ဘဲ ဆုံးဖြတ်ချက်တွေကို ဦးနှောက်နဲ့ ယှဉ်ပြီး ချလေ့ရှိပါတယ်။

၁၅။ ရေရှည်ကို မျှော်တွေးတယ်
လက်ရှိအပျော်အပါး (Instant Gratification) ကို စွန့်လွှတ်ပြီး နောင်အနာဂတ် သက်တောင့်သက်သာနေရဖို့ အခုအချိန်မှာ ပင်ပန်းခံနိုင်သူတွေပါ။

၁၆။ နားထောင်ခြင်းကို ဦးစားပေးတယ်
စကားအများကြီးပြောတာထက် သူများပြောတာကို သေချာနားထောင်ပြီး အချက်အလက် စုဆောင်းလေ့ရှိပါတယ်။

၁၇။ "မဟုတ်ဘူး/No" လို့ ငြင်းရဲတယ်
ကိုယ့်ရည်မှန်းချက်နဲ့ မကိုက်ညီတဲ့ ကိစ္စတွေ၊ အချိန်ဖြုန်းမယ့် ကိစ္စတွေကို အားနာမနေဘဲ ပြတ်ပြတ်သားသား ငြင်းပယ်ရဲပါတယ်။

၁၈။ ကိုယ့်ကိုယ်ကို ယုံကြည်မှုရှိတယ်
သူများတွေ "မဖြစ်နိုင်ဘူး" လို့ ပြောရင်တောင် ကိုယ့်အစွမ်းအစကို ယုံကြည်ပြီး ဖြစ်အောင် လုပ်ပြတတ်ပါတယ်။

၁၉။ အမြဲတမ်း တက်ကြွနေတယ်
ပျင်းရိလေးလံမနေဘဲ စွမ်းအင်အပြည့် (Energy) နဲ့ လှုပ်ရှားတက်ကြွနေသူတွေ ဖြစ်ပါတယ်။

၂၀။ ကျေးဇူးတင်တတ်တယ်
ရှိတာကို ရောင့်ရဲတာ မဟုတ်ပေမယ့်၊ လက်ရှိပိုင်ဆိုင်ထားတာတွေအပေါ် ကျေးဇူးတင်တတ်တဲ့ စိတ်ထားရှိပါတယ်။ ဒါက သူတို့ကို ပိုပျော်ရွှင်စေပါတယ်။

၂၁။ အပေးအယူ မျှတတယ်
တစ်ကိုယ်ကောင်းမဆန်ပါဘူး။ စီးပွားရေးလုပ်ရင်တောင် ကိုယ်လည်းရ၊ သူလည်းရ (Win-Win Situation) မျိုးကိုပဲ ဖန်တီးလေ့ရှိပါတယ်။

၂၂။ ကတိတည်တယ်
သေးငယ်တဲ့ ကတိကအစ တည်ပါတယ်။ ယုံကြည်မှု (Trust) ဆိုတာ စီးပွားရေးရဲ့ အသက်ဆိုတာကို နားလည်ထားလို့ပါ။

၂၃။ ပြောင်းလဲမှုကို လက်ခံတယ်
ခေတ်ဟောင်း အတွေးအခေါ်တွေနဲ့ ရပ်မနေဘဲ နည်းပညာအသစ်တွေ၊ စနစ်အသစ်တွေကို အမြဲလေ့လာပြီး လိုက်လျောညီထွေ နေတတ်ပါတယ်။

၂၄။ အလုပ်ကို ဇွဲနပဲနဲ့ လုပ်တယ်
စပြီးရင် အဆုံးထိလုပ်ပါတယ်။ အခက်အခဲတွေ့တာနဲ့ လှည့်ပြန်လေ့ မရှိပါဘူး။

၂၅။ သူတစ်ပါး အောင်မြင်တာကို မနာလိုမဖြစ်ဘူး
သူများအောင်မြင်ရင် ဝမ်းသာပေးပြီး "သူတောင် လုပ်နိုင်ရင် ငါလည်း လုပ်နိုင်ရမယ်" ဆိုတဲ့ စိတ်ဓာတ်နဲ့ အားကျအတုယူတတ်ပါတယ်။

MTZ Company Registration Consultancy
ကိုယ်ပိုင်လုပ်ငန်းတရားဝင်စတင်ဖို့တစ်ရက်ပဲလိုတယ်
crd MTZ BusinessIQ
Credit to original uploader

Little_Englandဟုတင်စားခံရသည့်မော်လမြိုင်မြို့ ယခင်က မွန်ပြည်နယ်ကို ရာမည၊ သထုံမြို့ကို သုဝဏ္ဏဘူမိဟု သိကြသည်။အမှန်က #သုဝဏ...
29/09/2025

Little_Englandဟုတင်စားခံရသည့်မော်လမြိုင်မြို့

ယခင်က မွန်ပြည်နယ်ကို ရာမည၊ သထုံမြို့ကို သုဝဏ္ဏဘူမိဟု သိကြသည်။အမှန်က #သုဝဏ္ဏဘူမိဟူသည် မှာ သထုံမြို့နေရာကွက်မျှမက သထုံပတ်ဝန်းကျင်ရှိ မုတ္တမ၊မော်လမြိုင်စသည့် #ရာမညတစ်တိုင်းလုံးကိုခေါ်ဆိုခြင်း ဖြစ်ကြောင်း သိရသည်။
(ဆူမတြားကျွန်းကိုလည်း " သုဝဏ္ဏဘူမိ " ဟု ခေါ်သည့်
အပြင် ထိုင်းနိုင်ငံတောင်ပိုင်း " ဒွါရာဝတီ " ဒေသကို
" သုဝဏ္ဏဘူမိ " ဟု ခေါ်သည့် အထောက်အထားရှိသည်)

ဗုဒ္ဓစာပေ၊ ရှေးဂရိမြေပုံနှင့် တရုတ်ရာဇဝင်များတွင်.... #သံလွင်မြစ်နှင့်_ဧရာဝတီမြစ်ဝကျွန်းပေါ်အထိ_ကြားနယ်မြေကြီးတစ်ခုလုံးကို_သုဝဏ္ဏဘူမိ ဟု ညွှန်းပြုထား
ကြသည်။

သမိုင်းမှတ်တမ်း အဆက်ဆက်တွင် " သုဝဏ္ဏဘူမိ " သည် မြို့အမည်မဟုတ်ဘဲ၊ ဒေသအမည်နာမဖြစ်ပြီး
#သုဝဏ္ဏဘူမိ_သည်_မွန်တို့အခြေစိုက်ရာ_ရာမညဒေသ
ဟုလည်း ခေါ်ဆိုကြသည်။

မြန်မာ့ခေတ်ဦးသမိုင်းတွင် မော်လမြိုင်သည် ထင်ရှား
သော သမိုင်းမှတ်တိုင်များဖြင့် ပြည့်နှက်လျှက် ရှိနေသည့် မြို့ကြီးတစ်မြို့ ဖြစ်သည်။ ၁၈၂၄ ခုနှစ် မတ်လ ၅ ရက်
နေ့၌ အင်္ဂလိပ်တို့ စစ်ကြေငြာ၍ အင်္ဂလိပ်-မြန်မာပထမစစ်ပွဲ ဖြစ်ကြရာမှ မြန်မာဘက်မှ အရေးနိမ့်၍ ရခိုင်နှင့် တနင်္သာရီဒေသကို အင်္ဂလိပ်က သိမ်းပိုက်ခဲ့သည်။

မကြာမီ တနင်္သာရီဒေသ ကျိုက္ခမီခရိုင် မော်လမြိုင်သို့ နှစ်ခြင်း သာသနာပြုအဖွဲ့များ ရောက်ရှိလာကြသည်။
ဗြိတိသျှတို့ မသိမ်းပိုက်မီ ကျိုက္ခမီနှင့် မော်လမြိုင်သည်
ရွာငယ်မျှသာ ဖြစ်၍ ထိုစဉ်က မော်လမြိုင်ကို တနင်္သာရီ
တိုင်း၌ ထည့်သွင်းထားသည်။

အင်္ဂလိပ်အစိုးရ၏ မူလရည်ရွယ်ချက်မှာ အမ်းဟတ်စ် ခေါ် ကျိုက္ခမီ ကို တနင်္သာရီတိုင်း၏ မြို့တော်အဖြစ်
သတ်မှတ်ရန် ဖြစ်သော်လည်း မော်လမြိုင်တွင် တပ်စွဲထားသည့် အင်္ဂလိပ်တပ် တပ်ရင်းမှူးက အမ်းဟတ်စ်သို့ ပြောင်းရွှေ့ရန် ငြင်းဆန်ခဲ့ရာ အမ်းဟတ်စ်ကို မြို့တော်အဖြစ် ရည်ရွယ်သည့် တနင်္သာရီတိုင်းမင်းကြီးဖြစ်သူ
ကရော့ဖိုဒ်အကြံ မအောင်မြင်ခဲ့ပေ။

ဥရောပတိုက်သားများနှင့် အခြားနိုင်ငံခြားသားများ အဓိက ဝင်ထွက်သွားလာသည့် မော်လမြိုင်မြို့ကိုသာ အစိုးရဌာနချုပ်(တနင်္သာရီတိုင်းမြို့တော်) သတ်မှတ်ခဲ့
သည်။ ကိုလိုနီခေတ်ဦး၌ မော်လမြိုင်မြို့မှာ စီးပွားရေး
အချက်အခြာကျပြီး ပင်လယ်ရေကြောင်း ခရီးဆက်
သွယ်ရန် အဆင်ပြေ၍ ရန်ကုန်ထက်ပင် အရေးပါပြီး ခေတ်ရှေ့ပြေးခဲ့သည်။

၁၈၂၇ ခုတွင်"Judson" ဂျပ်ဆင် အမေရိကန်သာသနာ
ပြုအဖွဲ့များ ဦးဆောင်ပြီး သာသနာပြုကျောင်းများ စတင်ဖွင့်လှစ်ပြီးနောက် ဘာသာရေးဆိုင်ရာ အဆောက်အဦး
များ အတတ်ပညာသင်ကျောင်းများ တဖြည်းဖြည်း ပေါ်
ပေါက်လာသည်။

မော်လမြိုင်မြို့ရှိ ခရစ်ယာန်ဂိုဏ်းများသည် ၁၈၃၂ ခုအထိ Miss Etrangers လက်အောက်ရှိ ယိုးဒယားပြည်
သာသနာပိုင် ခရစ်ယာန်ဂိုဏ်း၏ စီမံမှုအောက်တွင် ရှိခဲ့သည်။

ခေတ်အနေအထားအရ အစိုးရ ဌာနဆိုင်ရာရုံးများနှင့် လုပ်ငန်းခွင်အသီးသီးအတွက် ပညာတတ်ဝန်ထမ်းများ လိုအပ်လာ၍ မော်လမြိုင်မြို့တွင် သာသနာပြုကျောင်းများအပြင် အစိုးရကျောင်း တစ်ကျောင်းကိုပါ ဖွင့်လှစ်
ရန် စီစဉ်ခဲ့သည်။

၁၈၃၄ ခု စက်တင်ဘာလ ၁ ရက်နေ့တွင် မိန်ဂေးလမ်း (ယခု မြို့မတံတားလမ်း)၌ Government High School
(အစိုးရအတန်းကျောင်း)ကို စတင်ဖွင့်လှစ်ခဲ့သည်။
နောက်ပိုင်း ကျောင်းသားဦးရေ တိုးပွားလာ၍ ၁၈၇၆ ခု
တွင် Government High School ကျောင်း (ယ္ခုအ.ထ.က
(၁)မော်လမြိုင်) ကို ဖရီးမေဆင်လမ်းထိပ်(ယ္ခု သိပ္ပံလမ်းထိပ်) သို့ ပြောင်းရွှေ့ဖွင့်လှစ်ခဲ့သည်။

၁၉၂၇ ခု တွင် အဆောက်အအုံ၏ ယိုယွင်းနေသော အပိုင်းများ ဖြိုချပြီး အသစ်ပြန်လည် ပြုပြင်ခဲ့သည်။ ၁၉၂၇ ခု နိုဝင်ဘာလ ၉ ရက်နေ့တွင် ပညာရေးဝန်ကြီး
ချုပ် ဦးဘရင် ပန္နက်ချပေးခဲ့သည်။ ၁၉၂၈ ခု တွင် ကျောင်းဆောင်သစ်ကို စတင်အသုံးပြုခဲ့သည်။

မြန်မာနိုင်ငံ လွပ်လပ်ရေးရပြီးနောက် တော်လှန်ရေးကောင်စီအာဏာသိမ်းပြီးချိန်တွင် သာသနာပြုကျောင်းနှင့် ပုဂ္ဂလိကကျောင်းများကို ဖျက်သိမ်းလိုက်သည်။ ယခင် Goverment High School ကျောင်းကို အမှတ်(၁) အခြေခံပညာအထက်တန်းကျောင်းဟု ပြောင်းလဲသတ်မှတ်ခဲ့သည်။

၁၈၃၄ ခုတွင် မော်လမြိုင်မြို့၌ စတင်ဖွင့်လှစ်ခဲ့သော
Goverment High Schoolသည် မြန်မာနိုင်ငံတော်၏
#ပထမဦးဆုံးအစိုးရအထက်တန်းကျောင်း ဖြစ်သည်။
ကျောင်းဝင်းပရဝုဏ်ရှိ အဆောက်အဦမျက်နှာစာတွင်
"မြန်မာ့အထက်တန်းကျောင်းသမိုင်းအစ မော်လမြိုင်မြို့က"...ဟု ဂုဏ်ယူဝင့်ကြွားစွာ ဖော်ပြထားသည်ကို တွေ့ရသည်။

မြန်မာပြည်တွင် သတင်းစာကို Moulmein Cronical
(မော်လမြိုင်သတင်းစာ) အမည်ဖြင့် မော်လမြိုင်မြို့မှ အဦးဆုံး ထုတ်ဝေခဲ့ပြီး ဓာတ်ပုံအတတ်ပညာတွင်
ရန်ကုန်မြို့ထက် ဦးစွာရောက်ရှိခဲ့သည်။ #ဘုံပြတ် ခေါ် #မြင်းရထား ကိုလည်း မော်လမြိုင်မြို့မှ အစပြုခဲ့သည်
ဟု ဆိုကြသည်။

အင်္ဂလိပ်ကိုလိုနီလက်အောက်တွင် မော်လမြိုင်မြို့သည် ကျန်ဒေသများထက် ခေတ်မီဖွံဖြိုး တိုးတက်ခဲ့သည်။ ကိုလိုနီအရိပ်အငွေ့ အချိန်ကာလကြာမြင့်စွာ လွှမ်းမိုးခံခဲ့ရသဖြင့် ၁၉ရာစုအစောပိုင်း ဝိတိုရိယခေတ်နှင့်၂၀ ရာစု
အစောပိုင်း ကိုလိုနီခေတ် လက်ရာများဖြင့် တည်ဆောက်ထားသော အစိုးရရုံးများ၊ အဆောက်အအုံများ၊ ရိုမန်ကက်သလစ် နှစ်ခြင်း/အင်္ဂလိကန် ဘုရားရှိခိုးကျောင်း
စသည့် ကိုလိုနီခေတ်လက်ကျန် ရှေးဟောင်း အဆောက်အဦ များကို ယနေ့ထက်တိုင် တွေ့မြင်နိုင်သည်။

ထို့ကြောင့် လာရောက်လည်ပတ်ကြသည့် ကမ္ဘာလှည့်ခရီးသွားများက မော်လမြိုင်မြို့ကို #ဥရောပတိုက်မှအင်္ဂလန်နှင့်ဆင်တူနေသည့်အတွက်_Little_England
ဟု တင်စား ခေါ်‌ဝေါ်ခဲ့ကြသည်။

ယနေ့ကာလတွင် မော်လမြိုင်သို့ ကားလမ်း၊ မီးရထား
လမ်း၊ လေကြောင်းလမ်းတို့ဖြင့် သွားရောက်နိုင်သည်။
၂၀၀၅ ခုနှစ် ဧပြီလ ၁၈ ရက်တွင် သံလွင်တံတား
(မော်လမြိုင်)တည်ဆောက်ပြီး၍ ရန်ကုန်နှင့် မော်လမြိုင်ကို နာရီပိုင်းမျှဖြင့် ရောက်ရှိနိုင်ပြီး အဆင့်မြင့်လေအိတ်ကားလိုင်းများအပြင် လေအိတ်ရထားများဖြင့်လည်း
သွားလာနိုင်သည်။

ယခင်က သံလွင်မြစ်ဖြတ်ကာ မုတ္တမဆိပ်ကမ်းသို့ ဇက်ရေယာဉ်နှင့် သ‌င်္ဘောများဖြင့် သွားလာရသဖြင့်
"မော်လမြိုင်သွား တောလား " အကြောင်း စာဖွဲ့တိုင်း မုတ္တမသည် မပါမဖြစ် နေရာပင်။ မုတ္တမ ဟုအမည်ရှိသော်လည်း ဒေသခံများက "မဒမ" ဟုအသံထွက်ခေါ်
ကြသည်။

ရာဇာဓိရာဇ် အရေးတော်ပုံကျမ်းတွင် မောတမော့ ဟု
ရေးသည်။ ကာလရွေ့လျောရာမှ မုတ္တမ ဖြစ်လာသည်
ထင်သည်။ ရှည်လျားသည့် မွန်သမိုင်းကြောင်းအရ
မုတ္တမ သည်လည်း မော်လမြိုင်ကဲ့သို့ ထင်ရှားခဲ့သည်။ သမိုင်းမှတ်တမ်များအရ ရှေးကတည်းက မော်လမြိုင်
(မုတ္တမ)ဆိပ်ကမ်းကို အသုံးပြု၍ ပင်လယ်ရေကြောင်း ခရီး သွားလာခြင်း တွင်ကျယ်ခဲ့သည်။

ကင်းဝန်မင်းကြီး၏ ပြင်သစ်သွား ခရီးစဉ်အကြောင်းရေးစပ်သည့် လေးချိုးတွင် မုတ္တမကို မော်တမော့ဟု စပ်ဆိုခဲ့သည်။ မုတ္တမဆိပ်ကမ်းကို ကင်းဝန်မင်းကြီး
၏ ပြင်သစ်နိုင်ငံသွား နေ့စဉ်မှတ်တမ်းတွင် ထည့်သွင်း မှတ်တမ်းတင်ထားသည်။

ကင်းဝန်မင်းကြီး ရေးသားခဲ့သည့် နေ့စဥ်မှတ်တမ်းမှ
မော်လမြိုင်မြို့နှင့် ပတ်သက်သည့် သမိုင်းမှတ်တမ်းအချို့ ထင်ကျန်ခဲ့သည်။

ပထမအကြိမ် လန်ဒန်ခရီးစဉ်တွင် ရန်ကုန်မြို့မှတဆင့် ပင်လယ်ရေကြောင်းအတိုင်း ခရီးထွက်ခဲ့သော်လည်း ဒုတိယအကြိမ် ပြင်သစ်သို့ သွားရာတွင် မော်လမြိုင်သို့ ခရီးတထောက်ဝင်၍ တိုင်းရေးပြည်ရာအချို့ကို စီမံဆောင်ရွက်ခဲ့သည်။

ထိုကာလ၌ မော်လမြိုင်မြို့တွင် ဓာတ်ပုံရိုက်အတတ်
ပညာ ရှိနေပြီဖြစ်ရာ ကင်းဝန်မင်းကြီးနှင့် သံအဖွဲ့လည်း အမှတ်တရ ရိုက်ကူးခဲ့ကြသည်။ အဖိုးအခအားဖြင့်
၁၂ ပုံအတွက် ငွေ ၁၅ ကျပ် ပေးချေရသည်ဟု ဖော်ပြ
ပါရှိသည်။ ကင်းဝန်မင်းကြီးတို့ သံအဖွဲ့သည် မော်လမြိုင်ခရီးစဥ်အတွက် မူလရေနန်းစကြာယာဉ်မှ ကိုကိုးနာဒ
(S. S Co-coanada) မီးသင်္ဘောဆီသို့ ကူးကြရသည်။

၁၈၇၄ ခု မတ်လ ၂၉ ရက်နေ့ (၂) ချက်တီး (၃)မောင်းကျော် အချိန်တွင် ပြင်သစ်သံမှူး မာရကတ်ကြီး (Count Marecalchi) နှင့်အတူ မော်လမြိုင်သို့ ဦးတည်ထွက်ခွာကြသည်။ မတ်လ ၃၀ ရက်နေ့ တနင်္လာနေ့ (၃)ချက်တီး
ကျော်တွင် မော်လမြိုင်သို့ ဆိုက်ရောက်သည်။

ကင်းဝန်မင်းကြီး သံအဖွဲ့ကို အရေးပိုင်ပြောင်း(David Brown) က ခရီးဦးကြိုပြု၍ နေရာထိုင်ခင်းပေးပြီး အရိုအသေပြုသည်။ မော်လမြိုင်မြို့မှ ဘုရားဒကာ၊ ကျောင်းဒကာ၊ သစ်ခေါင်း၊ လူကြီးလူကောင်းတို့က
လည်း အရိုအသေပြုကြသည်ဟု မှတ်တမ်းရေးသား
ထားသည်။

ကင်းဝန်မင်းကြီး နေ့စဉ်မှတ်တမ်းတွင် မြန်မာသံအဖွဲ့သည် နောက်ရက်တွင် အရေးပိုင်မင်း စီစဉ်ပေးသော ရထားများဖြင့် မော်လမြိုင်မြို့ရှိ ကျိုက်သလ္လံဘုရား၊ ဒိုင်းဝန်ကွင်း၊ ထောင်ကြီး၊ စစ်တပ်ရင်း၊ စစ်တန်းလျှားများကို လှည့်လည်ကြည့်ရှုကြောင်း မှတ်တမ်းပြုထား
သည်။

မှတ်တမ်းတွင် မော်လမြိုင်ရောက် မြန်မာသံအဖွဲ့သည် သစ်ပျဉ်လုပ်ဆောင်သည့် လွှစက်ရုံ၊ ဆန်ကြိတ်စက်ရုံများကိုပါ တစ်လက်စတည်း လေ့လာခဲ့သည်ဟု
ဖော်ပြထားသည်။

အပြန်တွင် Chiengmai~ဇင်းမယ်စော်ဘွား၏ သားမက်မော်လမြိုင်မြို့ စီရင်စု၊ ကတိုးရွာနေ သစ်ခေါင်းကြီး
မောင်မွန်ထော် ဖိတ်ကြားချက်အရ ကတိုးကျေးရွာသို့
ကူးကြသည်။

မောင်မွန်ထော်၏ အမိအိမ်၊ မောင်မွန်ထော်၏ အဖ ဆောက်လုပ်သည့်ကျောင်း၊ ကျောင်းတိုက်တွင်းရှိ နိဗ္ဗာန်ကျောင်း စသည်တို့ကို လှည့်လည်ကြည်ရှုခဲ့ကြသည်။ ဆောက်လုပ်ဆဲ ဖြစ်သော မောင်မွန်ထော်၏ အိမ်တွင် ခေတ္တနားကြသည်။ အိမ်ပုံစံမှာ ဇင်းမယ်စော်ဘွား၏
အိမ်နှင့် ပုံစံအတူတူပင် ဖြစ်ကြောင်း၊ ထိုခေတ်ကာလ
မော်လမြိုင်တွင် အကြီးဆုံးဟု ဆိုနိုင်ကြောင်း၊ စရိတ်ကြေးငွေမှာ တစ်သိန်းနှစ်သောင်းကုန် ဝင်ရန် ခန့်မှန်း
ကြောင်း ကင်းဝန်မင်းကြီး မှတ်တမ်းတွင် အတိအကျ ဖော်ပြပါရှိသည်။

ကင်းဝန်မင်းကြီးနှင့် မြန်မာသံအဖွဲ့သည် ၁၈၇၄ ခု
ဧပြီလ ၁ ရက် ဗုဒ္ဓဟူးနေ့ နာရီပြန် (၁)ချက်တီးချိန်တွင် ကျောက်ဆူးနှုတ်၍ မော်လမြိုင်ဆိပ်ကမ်းမှ ပြန်လည်ထွက်ခွာခဲ့ကြသည်။ ကင်းဝန်မင်းကြီး၏ ခရီးသွားမှတ်
တမ်းတွင် ပါဝင်သည့်အချက်များသည် နှောင်းခေတ်
လူတို့အတွက် တန်ဖိုးရှိသော သမိုင်းအထောက်အထား
များပင် ဖြစ်သည်။

မော်လမြိုင်မြို့သမိုင်းသည် မြန်မာ့သမိုင်းစာပေမှတ်
တမ်းများအပြင် အမေရိကန်လူမျိုး အဆိုတော် Frank Sinatra သီဆိုသည့် "On the Road to Madalay" သီချင်းနှင့်လည်း ဆက်စပ်နေပြန်သည်။ ထိုသီချင်း၏ မူလအစမှာ "Mandalay" အမည်ရှိ ကဗျာဖြစ်သည်။

၁၈၉၀ ခုနှစ်တွင် အင်္ဂလိပ်လူမျိုး ကဗျာဆရာကြီး
ရုဒ်ယာ့ဒ်ကစ်ပလင်(Rudyard Kipling)က ရေးဖွဲ့ခဲ့သည်။ အသက်၂၄ နှစ်အရွယ် ကဗျာဆရာက ဗြိတိသျှ-အိန္ဒိယ
ကိုလိုနီ လက်အောက်ခံဖြစ်သော မြန်မာနိုင်ငံသို့ အင်္ဂလိပ်သံအဖွဲ့နှင့်အတူ လိုက်ပါလာခဲ့သည်။

မြန်မာပရိတ်သတ်အနေဖြင့်မူ ရုဒ်ယာ့ဒ်ကစ်ပလင်ကို
" The Jungle Book "(တောတွင်းသားလေးမောက်ဂလိ) ရေးသူဟု မိတ်ဆက်ပေးလျှင် ပိုရင်းနှီးမှုရှိပြီး သိကျွမ်း
လိမ့်မည် ထင်ပါသည်။

ကဗျာဆရာသည် မော်လမြိုင်မြို့သို့ ရက်ပိုင်းမျှ အလည်အပတ် ရောက်ရှိချိန်တွင် ကျိုက်သလ္လံဘုရား
ကုန်းတော်ပေါ်မှနေ၍ "The Old Moulmein Pagoda" ကဗျာကို ရေးသားစပ်ဆိုခဲ့ခြင်း ဖြစ်သည်။

ကဗျာပါ အကြောင်းအရာမှာ အင်္ဂလိပ် - မြန်မာစစ်ပွဲအတွင်း အင်္ဂလန်သို့ ပြန်သွားသော အင်္ဂလိပ်စစ်သားတစ်ဦးက မြန်မာပြည်က သူ့ချစ်သူ မိန်းမပျိုလေးအကြောင်းကိုအခြေတည်၍ ရေးသားထားခြင်းဖြစ်သည်။
(ကဗျာပါ အကြောင်းအရာအချို့ကို နယ်ချဲ့ဝါဒအတွေး
အခေါ်နှင့် ပတ်သက်ပြီး အသုံးချခံအဖြစ် ဝေဖန်မှုရှိခဲ့သော်လည်း ၁၉ဝ၇ ခုတွင် အမေရိကန်လူမျိုးတေးရေး
ဆရာ Oley Speaks က သံစဉ်ထည့်ပြီး သီချင်းအဖြစ် ဖန်တီးခဲ့သည်။)

Mandalay ကဗျာသည် " On the Road to Mandalay " အမည်ရှိ သီချင်းအဖြစ်သို့ ပြောင်းသွားချိန်တွင် ပိုမို
လူသိများ ထင်ရှားခဲ့သည်။ ကဗျာပါ အကြောင်းအရာသည် မော်လမြိုင်အား အလုံးစုံ အခြေတည်ကာ ဖွဲ့ဆို
မထားသော်လည်း ကဗျာရေးစပ်ချိန်တွင် ကျိုက်သလ္လံဘုရား ကုန်းပေါ်မှတွေ့မြင်ရသည့် ရှုခင်းရှုကွက်များက ကဗျာဆရာ၏ စိတ်ကို တစ်နည်းတစ်ဖုံ လွှမ်းမိုးသက်ဝင် စေခဲ့မည်ဟု ယူဆမိပါသည်။

ကဗျာရေးသားစပ်ဆိုခဲ့သည့် ကာလကို မတ်လနှင့် ဧပြီ
လကြား ဖော်ပြထားသဖြင့် လွမ်းမောတမ်းတဖွယ်ရာ တောင်ကုန်းတောင်တန်းများနှင့် အတူ မော်လမြိုင်၏
နွေသရုပ်ကလည်း ကဗျာရေးသူ၏ အာရုံတွင် စွဲထင်
နေလိမ့်မည်။

ကဗျာဆရာသည် အိန္ဒိယတွင် မွေးဖွားကြီးပြင်းခဲ့ပြီး
ရန်ကုန်နှင့် မော်လမြိုင်တို့တွင် ရက်ပိုင်းမျှ နေထိုင်ဘူးသော်လည်း မြန်မာလူမျိူးတို့အပေါ် ရှုမြင်သုံးသပ်ပုံမှာ အကောင်းမြင်စိတ် များ၍ ချစ်ခင်နှစ်လိုသည်ဟု ဆိုနိုင်
သည်။ ကဗျာဆရာသည် သူကျင်လည်ခဲ့ရာ အရပ်ဒေသမှ အာရှနွယ်ဖွား အမျိုးသမီးများ၏ နေထိုင်မှုဓလေ့အား
လုံးကို နှိုင်းယှဥ်လေ့လာမိဟန် ရှိသည်။

ထို့ကြောင့် မြန်မာအမျိုးသမီးများသည် အာရှဒေသတွင်းရှိ အမျိုးသမီးများထက်၄င်း၊ အိန္ဒိယနိုင်ငံရှိ အမျိုးသမီးများထက်၎င်း လွတ်လပ်ပေါ့ပါးသော လူနေမှု အခွင့်အရေးကို ရရှိကြသည်၊ ထိုအချက်ကို ကဗျာဆရာက သဘောကျမိသည်။

မြန်မာအမျိုးသမီးတို့၏ အသားအရောင်သည် ဗာဒံစေ့ (Almond nut) အရောင်ရှိကြသည်၊ မြန်မာလူမျိုးတို့ကို သူ ချစ်ခင်နှစ်သက်သည်။ နောင်ဘဝတွင် သူ မြန်မာလူမျိုး ဖြစ်ချင်သည် "...ဟု ၁၈၈၉ ခုနှစ်ထုတ်ဝေသော
"From Sea to Sea and Other Sketches":(Volume 2) စာအုပ်တွင် ဖော်ပြထားသည်။

မော်လမြိုင်မြို့၏ ရှည်လျားလှသော သမိုင်းကြောင်းကို စာပေထဲတွင် ရမ္မာဝတီ၊ မွတ်မယ်လိန်း၊ မောရမြိုင် စသဖြင့် အမည်အမျိုးမျိုး ဖွင့်ဆိုကြသည်။ အချို့သော
စာပေများ၌ " နာဂဝီသ " တောင်တန်းကြီး( တောင်ဝိုင်းတောင်)ကို တက်ရသည်မှာ အလွန်မတ်စောက်သဖြင့်
မွန်ဘာသာဖြင့် ဒုံဝိန်မိုင်၊မြန်မာတို့က မောလို့မှိုင် ကာလ
ရွေ့လျားတော့ "မော်လမြိုင်" ဖြစ်လာသည်ဟု အမျိုး
မျိုး ဖွင့်ဆိုကြသည်။

ကိုယ်တိုင်သွားခဲ့သည့် မော်လမြိုင်မြို့အရှေ့ဘက်က နာဂဝီသတောင်ရိုးတန်း(တောင်ဝိုင်းတောင်)၏ ညို့မှိုင်းနေသော သဘာဝရှုခင်းအလှများကို ရပ်ဝေးမှ မိတ်‌ဆွေသူငယ်ချင်းများ ကိုယ်တိုင် မျက်မြင် ခံစားကြည့်ချင်
ကြမည် ထင်ပါသည်။ ကျွန်ုပ်ချစ်ခင်နှစ်သက်သည့်
"မော်လမြိုင်မြို့" သို့တည်းမဟုတ် မြန်မာပြည်ထဲက
" Little England " ဆီကို အလည်တစ်ခေါက် အရောက်
လာဘို့ ဖိတ်ခေါ်ချင်ပါသည်။

မည်သို့ပင် ဖြစ်စေ မော်လမြိုင်မြို့သည် ပဒေသရာဇ်
ခေတ်မှ Global ခေတ်သို့ ကူးပြောင်းခြင်း၏ အဝင်တံခါးမုခ်ဦးတစ်ခု ဖြစ်ခဲ့သည်။ ထို့ပြင်တဝ အနောက်တိုင်းမှ
ယဥ်ကျေးမှုများ ရှေးဦးအခြေချရာ နေရာလည်း ဖြစ်ခဲ့သည်။ထို့ကြောင့် မော်လမြိုင်မြို့သည် မြန်မာ့ခေတ်သစ်သမိုင်း၏ ပန္နက်စတင်ခဲ့ရာ နေရာအဖြစ် တခမ်းတနား
တည်ရှိနေဦးမည်ဖြစ်ပါကြောင်း တင်ပြလိုက်ရပါသည်။

ျှဝေ

Credit to ကြည်ကြည်မြတ်ကို
Ref; ၁။ ကင်းဝန်မင်းကြီးပြင်သစ်နိုင်ငံသွားနေ့စဥ်မှတ်
စာတမ်း(ဦးဖေမောင်တင်)
၂။ ရက်စဥ်သမိုင်း
၃။ ဗြိတိသျှတို့မသိမ်းပိုက်မီနှင့်သိမ်းပိုက်ပြီးခေတ်
မြန်မာနိုင်ငံပညာရေးသမိုင်း ခင်မောင်ကြည (မဟာပညာရေးဝိဇ္ဇာ)၂၅-၁-၂၀၂၃ ခုနှစ်၊ မော်လမြိုင်မြို့နယ်စာရေးဆရာအသင်းက ထုတ်ဝေသည့် မော်လမြိုင်မဂ္ဂဇင်း 2023
British Burma ၏ ပထမဆုံးမြို့တော် မော်လမြိုင်မြို့သည်British Burma ၏ ပထမဆုံးမြို့တော်(၁၈၂၆ မှ ၁၈၅၂) ဖြစ်သည်။ ပထမအဂ်လိပ်-မြန်မာစစ်ပြီးနောက်(Treaty of Yandabo) စာချုပ်အရ အဂ်လိပ်က ရခိုင်‌(Arakan) နှင့် တနသ်ာရီကမ်းရိုးတန်း(Tenassarim) Coast တို့ကိုရရှိခဲ့ပြီးနောက် အစိုးရရုံးများအခြေစိုက်ရန်အတွက် မော်လမြိုင်မြို့ကိုရွေးချယ်ခဲ့သည်။ အဂ်လိပ်တို့က(Moulmein)ခေါ်သည်။

အဂ်လိပ်တို့သည်ရေကြောင်းဆက်သွယ်ရေးအားကောင်း
သော အင်ပါယာဖြစ်၍ ရေကြောင်းဆက်သွယ်ရေးအတွက် အချက်အချာကျသော မော်လမြိုင်မြို့သည် ကိုလိုနီခေတ်ဦးပိုင်း ကာလများတွင်အရေးပါသော ဆိပ်ကမ်းမြို့တော်ဖြစ်ခဲ့ပြီး (Little England)ဟု ခေါ်ဝေါ်ခဲ့ကြဖူးသည်။

Moulmein Chronicle သတင်းစာသည် မြန်မာပြည်တွင်ပထဆုံးထုတ်ဝေသော အဂ်လိပ်သတင်းစာဖြစ်သည်။ မြန်မာပြည်တွင် ဗြိတိသျှအရာရှိတစ်ဦးအဖြစ်နေထိုင်ခဲ့‌ဖူးသော စာ‌ရေးဆရာ ဂျော့ချ်‌အော်လ်ဝဲ (George Orwell)၏ "Shooting an Elephant" စာအုပ်သည်
မော်လမြိုင်မြို့ကို နောက်ခံထားရေးသားထားခြင်းဖြစ်သည်။

၁၈၅၃ ခုနှစ် အဂ်လိပ်-မြန်မာ ဒုတိယစစ်ပွဲအပြီးတွင် အောက်မြန်မာပြည်တစ်ခုလုံးကို သိမ်းယူပြီးနောက် အစိုးရရုံးများကို ရန်ကုန်မြို့သို့ ရွေ့ပြောင်းခဲ့ရာရန်ကုန်သည် British Burma ၏ မြို့တော်ဖြစ်လာသည်။ မော်လမြိုင်မြို့တွင် ယနေ့အချိန်ထိ ကိုလိုနီခေတ်ကာလအဆောက်အဦးများ၊ ခရစ်ယာန်ဘုရားကျောင်းများကို တွေ့ရှိနိုင်ပါသည်။
Photos Credit - BsB page

23/09/2025

တက္ကသိုလ်ကို ဘာကြောင့် တက်ရသလဲ ==========================

ဘွဲ့ တစ်ခုခု ရဖို့၊ ပညာရေး ပြီးဆုံးဖို့၊ အလုပ်အကိုင်ကောင်းဖို့ ၊ အလုပ်ကောင်းတစ်ခုရရှိဖို့ စသည်ဖြင့် ရည်ရွယ်ချက်အမျိုးမျိုး ရှိတတ်ကြပါတယ်။ ဘယ်လိုရည်ရွယ်ချက်မျိုးနဲ့ပဲ တက္ကသိုလ်တက်တက်၊ တက္ကသိုလ်တက်ရောက်တဲ့ ( ၄) နှစ်တာကာလဟာ လူ့ဘဝအတွက် တန်ဖိုးအရှိဆုံးအချိန်၊ အလှပဆုံးအချိန်နဲ့၊ ပညာအရဆုံး အချိန်အခါ ဖြစ်ပါတယ်။ တန်ဖိုးရှိရှိ အသုံးချတတ်မယ်ဆိုရင် ဘဝတစ်ခုလုံးအတွက် အခြေခံ အုတ်မြစ်ကောင်း တည်ဆောက်သွားနိုင်တဲ့ အချိန်အခါကောင်းဖြစ်ပါတယ်။ ဆွေးနွေးကြည့်ကြရအောင်.....

၁။ ကျောင်းနေဘက်

ကောလိပ်တက်တက်၊ တက္ကသိုလ်တက်တက် သင်နဲ့သိကျွမ်းမဲ့ အတန်းဖေါ် အတန်းဘက်၊ ကျောင်းနေဖေါ် ကျောင်းနေဘက်များဟာ သင့်ဘဝတစ်ခုလုံးအတွက် အလွန်တန်ဖိုးရှိတဲ့ သူငယ်ချင်းများ ဖြစ်ကြပါတယ်။ နေရာစုံ၊ ဒေသစုံက ရောက်လာကြတဲ့သူများ ဖြစ်ကြပါတယ်။ နောင်တချိန်မှာ နယ်ပယ်အသီးသီးမှာ အထွဋ်အထိပ်ရောက်ကြမဲ့သူတွေ၊ အောင်မြင်ကြမဲ့ သူတွေ ပါဝင်ပါတယ်။ သူတို့ဟာ သင်ရဲ့ အနာဂတ်အတွက် လုပ်ဖေါ် ကိုင်ဘက်၊ စီးပွားဖေါ် စီးပွားဘက်တွေ ဖြစ်လာနိုင်ပါတယ်။ ကျောင်းသူကျောင်းသားတော်တော်များများအတွက် အိမ်ထောင်ဘက်လည်း ကျောင်းနေဘက်ကနေ ရရှိကြပါတယ်။ စီးပွားရေးမှာ အောင်မြင်တဲ့ သူတော်တော်များများဟာ တက္ကသိုလ်တက်စဉ်က တည်ဆောက်ခဲ့တဲ့ သူငယ်ချင်းကွန်ယက်ရဲ့ အကူအညီကြောင့်ဖြစ်ပါတယ်။ ကျောင်းတက်စဉ်ကာလအတွင်းမှာ သူငယ်ချင်း များများ ပေါင်းသင်းထားနိုင်ရင် နောင်ဘဝတစ်ခုလုံးအတွက် အကျိုးရှိပါတယ်။

၂။ မိမိကိုယ်မိမိ

တက္ကသိုလ် ( ၄ ) နှစ်၊ သင့်လိုထူးချွန်တဲ့လူတွေ၊ သင့်ထက်ထူးချွန်တဲ့လူတွေ၊ သင့်နီးပါးထူးချွန်တဲ့လူတွေနဲ့ အတူတကွ ပညာသင်ကြားရတော့ သင့်ကိုသင် သိမြင်ဖို့ အခွင့်အရေး ပိုမိုရရှိစေနိုင်ပါတယ်။ အရည်အချင်း မတိမ်းမယိမ်း လူတွေ လာရောက်စုစည်းမိတယ်ဆိုတော့ သင်ဟာ သင်ထင်ထားသလောက် မထူးချွန်ဘူးဆိုတာ သိမြင်လာတတ်သလို သင်မထင်မှတ်ထားတဲ့ အရည်အချင်းတွေလည်း ပိုင်ဆိုင်နေသေးတယ်ဆိုတာ သိရှိလာတတ်ပါတယ်။
တက္ကသိုလ် ပတ်ဝန်းကျင်ဟာ အထက်တန်းနဲ့ နိူင်းယှဉ်ကြည့်ရင် ပိုမိုလွတ်လပ်ပြီး ပိုမိုလည်း ကျယ်ပြန့်ပါတယ်။ သင်နှစ်သက်တဲ့ အရာတစ်ခုခုကို လေ့လာလိုက်စားနိုင်သလို၊ ကိုယ်တကယ် ဘာဝါသနာပါသလဲဆိုတာ အသေအချာ စမ်းစစ်ရမဲ့ ကာလလည်းဖြစ်ပါတယ်။ စိတ်ဓါတ်ရင့်ကျက်ဖို့ အကောင်းဆုံးအချိန်အခါဖြစ်ပြီး ဘဝကို ခြေလှမ်းဖို့ ပြင်ဆင်မဲ့ အချိန်အခါလည်း ဖြစ်ပါတယ်။

၃။ ကိုယ်ရည်ကိုယ်သွေး

တက္ကသိုလ်မှာ နယ်ပယ်အသီးသီးက ဝါသနာအမျိုးမျိုး ပါတဲ့ လူတော်တွေ အတော်များများနဲ့ ထိတွေ့ ဆက်ဆံတဲ့ အခွင့်အရေး ရှိပါတယ်။ တေးဂီသပွဲတွေ၊ စာပေစကားဝိုင်းတွေ၊ အနုပညာ အကြောင်းတွေ၊ အသင်းအဖွဲ့ အမျိုးမျိုး၊ ကလပ် အမျိုးမျိုး၊ အားကစားပွဲအမျိုးမျိုး အခွင့်အရေး အမျိုးမျိုး ပါဝင်ပတ်သက်ခွင့်ရှိတဲ့ အတွက် ကျောင်းသူကျောင်းသားများအနေနဲ့ ကိုယ်ရည်ကိုယ်သွေးတိုးတက်ဖို့ အကောင်းဆုံး အခွင့်အရေး ရရှိတတ်ပါတယ်။ ဒါကြောင့်မို့လို့ ကျောင်းသူကျောင်းသားများဟာ တက္ကသိုလ်ရဲ့ လွတ်လပ်တဲ့ သဘောသဘာဝကို အကျိုးရှိရှိ အသုံးချတတ်ဖို့ လိုပါတယ်။

၄။ လွတ်လပ်စွာ စဉ်းစားတွေးခေါ်တတ်ခြင်း

တက္ကသိုလ်မှာ လွတ်လပ်တယ်။ ကိုယ်ပိုင်အချိန်များတယ်။ ကိုယ်ဘာအတန်းတက်မလဲ ဆိုတာက အစ ကိုယ့်ကိုယ်ကို ဆုံးဖြတ်ရတတ်ပါတယ်။ လွတ်လပ်တဲ့အချိန်များတော့ အချိန်ကို ဘယ်လိုစီမံခန့်ခွဲ ရသလဲဆိုတာကအစ လေ့ကျင့်ဖို့ အခွင့်အရေး ရရှိပါတယ်။ အချိန်ကို စတင်စီမံခန့်ခွဲခြင်းဟာ သင်လွတ်လပ်စွာ စဉ်းစားတွေးခေါ် ခြင်းအစ ဖြစ်တတ်ပါတယ်။
တက္ကသိုလ်တက်စမှာ ပတ်ဝန်းကျင်ဖြစ်ဖြစ်၊ အစားအသောက်ဖြစ်ဖြစ်၊ ယဉ်ကျေးမူ ကြောင့်ဖြစ်ဖြစ်၊ သင်မဝင်ဆန့်နိုင်ပဲ အဆင်မပြေမူတွေနဲ့ ကြုံတွေ့ရနိုင်ပါတယ်။ အချိန်ကြာလာတာနဲ့ အမျှ သင်ဟာ တဖြည်းဖြည်း ဝင်ဆန့်လာပြီး ဘာမဆို ကိုယ်တိုင်စဉ်းစား ဆုံးဖြတ်တတ်သွားတာကို သင်သတိပြုမိလာပါလိမ့်မယ်။ ကိုယ်ပိုင်စဉ်းစားတတ်လာပြီဆိုရင် ပွူနာအမြိုးမြိုးနဲ့ ဖြေရှင်းဖို့ နည်းလမ်းအမျိုးမျိုးကို သင်စဉ်းစားရှာဖွေ တတ်လာပါလိမ့်မယ်။ လုံး၀ အကြံမရရင် သင်အင်တာနက်ကို အကူအညီ တောင်းကောင်းတောင်းပါလိမ့်မယ်။ ဆရာတွေ၊ သူငယ်ချင်းတွေကို မေးကောင်းမေးပါလိမ့်မယ်။ သင်စာကြည့်တိုက်မှာ သွားအဖြေရှာတာလည်းဖြစ်နိုင်ပါတယ်။
သူမူရေးရဲ့ ရူတ်ထွေးပွေလီမှုတွေကို သင်တဖြည်းဖြည်း နားလည်သိရှိလာပါလိမ့်မယ်။ လောကကြီးတစ်ခုလုံး အဖြူအမဲ သဲသဲကွဲကွဲ အမှားအမှန်ဆိုတာ နည်းပါးပြီး အမှားနဲ့ အမှန်ရောယှက်တဲ့ ကြားခံအညိုရောင် ရှိတတ်တဲ့ သဘောတရားကို သင်လက်ခံလာပါလိမ့်မယ်။ ဒါတွေအားလုံးဟာ သင့်ကို အတွေးအခေါ် ရင့်ကျက်စေတာပါပဲ။

၅။ ဗဟုသုတ

သင်အတန်းပျက်ကောင်းပျက်ပါလိမ့်မယ်။ အချို့ ဘာသာရပ်တွေ သင်ကောင်းကောင်းနာမလည်တာမျိုး ဖြစ်ကောင်းဖြစ်ပါလိမ့်မယ်။ သင်စာသင်ခန်းထဲမှာ အိပ်ပျော်ကောင်းအိပ်ပျော်မိပါလိမ့်မယ်။ ဘယ်လိုပဲ ဖြစ်ဖြစ် သင်ဟာ ဗဟုသုတ တော်တော်ရှိလာတာကို သင်အံ့သြစွာ တွေ့ရှိလာပါလိမ့်မယ်။
သင့်ရဲ့ ဝါသနာနဲ့ ကျွမ်းကျင်မူ သင်စောစောရှာဖွေတွေ့ရှိလေ၊ သင်ဗဟုသုတ ပိုများလာလေ ဖြစ်တယ်။ ဗဟုသုတ ဆိုတာ အသိပညာ ဖြစ်ပါတယ်။ အရင်ခေတ်တုန်းက အောင်မြင်ဖို့ အတွက် အဆက်အသွယ်ကောင်းဖို့နဲ့ အာဏာပိုင်လူကြီးတွေနဲ့ ခင်မင်ရင်းနီးဖို့ လိုအပ်ခဲ့ပေမဲ့ ယနေ့ခေတ်အခါမှာ အသိပညာဟာ ပိုမို အရေးပါလာတာကို တွေ့ရှိပါလိမ့်မယ်။

၆။ ဘွဲ့၊ ဒီဂရီ

ဘွဲ့ မြင့်တိုင်း အောင်မြင်မူ မြင့်မားတယ်လို့ မဆိုသာပေမဲ့ ပထမဆုံး အလုပ်ရှာဖွေသူ အနေနဲ့ ဘွဲ့လက်မှတ်ဟာ တော်တော် အရေးပါ အရာရောက်ပါတယ်။ ဒါကြောင့် ဘွဲ့ ဒီဂရီ တစ်ခုခု ဟာ အလုပ်ခွင်ထဲ ဝင်ရောက်ဖို့ ပထမဆုံးသော အာမခံချက်ဖြစ်ပါတယ်။

၇။ ဆက်ဆံရေး

တက္ကသိုလ်မှာ ရှိတဲ့ အဆက်အသွယ်အားလုံး၊ ဆက်ဆံရေး အားလုံးတို့ကို ကိုယ်ကိုယ်တိုင်ပဲ ကိုင်တွယ်ဖြေရှင်းရပါတယ်။ တက္ကသိုလ် အသိုင်းအဝိုင်း ဟာ ပြင်ပလောကလောက် အလိမ်အကောက် မများသေးပေမဲ့ အထက်တန်းကျောင်းသားဘဝနဲ့ နိူင်းယှင်ရင် တော်တော်ရူတ်ထွေးနေပါပြီ။ တက္ကသိုလ်ဘဝမှာ ဆက်ဆံရေး အဆင်ပြေဖို့ဆိုတာ ဦးနောက်တော်တော်သုံးရပါတယ်။ အရည်အချင်းရှိရပါတယ်။ ဒါကြောင့် ဆက်ဆံရေးမှာ များများ ဦးနောက်သုံးဖို့ တိုက်တွန်းပါတယ်။

၈။ အတွေးအမြင်

တက္ကသိုလ်တက်တော့ အသိပညာတွေ အများကြီးတိုးပွားတယ်။ အနယ်နယ် အရပ်ရပ်က လူတွေနဲ့ ခင်မင်သိကျွမ်းရတယ်။ နယ်မှာနေတဲ့ ကျောင်းသားတွေ မြို့ မှာလာပြီး ကျောင်းတက်ရတယ်။ အနယ်နယ် အရပ်ရပ်က လူတွေနဲ့ ထိတွေ့ရတော့ ဗဟုသုတ များလာတယ်။ ထူချွန်တဲ့လူတွေနဲ့ သူငယ်ချင်းဖြစ်ရတယ်။ တအားထူးချွန်တဲ့ ဆရာဆရာမတွေနဲ့ ပညာဆည်းပူးရတယ်။ အလွန်ပြည့်စုံတဲ့ စာကြည့်တိုက်နဲ့ နီးစပ်ရတယ်။ အတွေးအမြင်တွေ အများကြီး ပြောင်းလဲစေပါတယ်။ နိုင်ငံခြားကို သွားရောက်ပညာဆည်းပူးခွင့်ရှိတဲ့ကျောင်းသားများကြတော့ တကမ္ဘာလုံးရဲ့ ကျောင်းသားတွေနဲ့ ထိတွေ့ခွင့်ရှိတယ်။ မြန်မာ့ရူ့တောင့်ကနေ ကမ္ဘာကိုကြည့်ရှုသွားတတ်သလို၊ ကမ္ဘာ့ရှုတောင့်ကနေလည်း မြန်မာကို ပြန်လည်ကြည်ရှုတတ်သွားတယ်။ ဒီအတွေးအမြင်တွေဟာ အခွင့်ကြုံလို့ တိုင်းပြည်တည်ဆောက်ရေး လုပ်ငန်းခွင်တွေမှာ ပါဝင်ခွင့်ရှိခဲ့မယ်ဆိုရင် အလွန်တန်ဖိုး ရှိလာပါလိမ့်မယ်။

၉ ။ သတိရစရာ လှပတဲ့ အတိတ်

ကျောင်းပြီးသွားလို့ မကြာပါဘူး၊ တက္ကသိုလ်ကို တော်တော်ပြန်သတိရတတ်ကြပါတယ်။ ပျော်ခဲ့ပါးခဲ့တာတွေ၊ ကဲခဲ့သဲခဲ့တာတွေ၊ စခဲ့နောက်ခဲ့ တာတွေကအစ ၊ ဆရာဆရာမတွေ၊ အတန်းဖေါ် အတန်းဘက်တွေ၊ အသင်းအဖွဲ့ သားတွေ၊ အားလုံးအားလုံး လွမ်းစရာကြီးကြီး တွေ ဖြစ်လာတတ်ပါတယ်။ အသက်တွေရလာလို့ အတန်းသားဟောင်းတွေ ပြန်လည်တွေ့ဆုံပွဲတွေ၊ အာစရိယ ပူဇော်ပွဲတွေ ကျင်းပတာကလည်း တော်တော်ပျော်စရာကောင်းပါတယ်။
SaiSainPh

၈ရက်နေ့မှာပဲ သတ်မှတ်ထားတဲ့ သင်တန်းသား ဦးရေထက် ကျော်လွန်သွားပြီး ဖြစ်တဲ့ အရောင်းကျွမ်းကျင် စီးပွါးရေး သင်တန်း အပတ်စဥ် ၄ ဒ...
15/06/2025

၈ရက်နေ့မှာပဲ သတ်မှတ်ထားတဲ့ သင်တန်းသား ဦးရေထက် ကျော်လွန်သွားပြီး ဖြစ်တဲ့ အရောင်းကျွမ်းကျင် စီးပွါးရေး သင်တန်း အပတ်စဥ် ၄ ဒီလ ၂၉ ရက်နေ့ ဖွင့်ပါမယ် ။
ကျန်ခဲ့တဲ့သူတွေကတော့ စက်တင်ဘာလမှာ ဖွင့်ဖို့ လျှာထားတဲ့ အပတ်စဥ် ( ၅ ) မှာပဲ တက်ရောက်ခွင့်ရမှာပါ ။
ဒီသင်တန်းက လူငယ်တွေ အတွက် အလုပ်အကိုင် အခွင့်အလမ်း ကောင်းရှိလို့ တက်ရောက်ချင်သူများပါတယ် ။
အခမဲ့ လေ့လာသင်ယူနိုင်တဲ့ အခွင့်အလမ်းကောင်းတွေကို လက်မလွတ်ပါနဲ့ ။ ကျွန်တော်တို့ သင်ပေး လမ်းညွှန်ပြနေတဲ့သင်တန်းတွေက အပြင်မှာ တက်ရင် တစ်ဦးကို သင်တန်းကြေး ၅ သိန်းကျော်ပေးရမှာ ဖြစ်ပါတယ် ။
သင်ကြားလမ်းညွှန်ပြနေတဲ့ နည်းပြတွေကလည်း နိုင်ငံတကာအသိအမှတ်ပြု အဆင့်မီတဲ့ ဆရာ/ဆရာမတွေ ဖြစ်ပါတယ်။ ပေါ့ပေါ့ပါးပါး လွတ်လွတ်လပ်လပ်နဲ့ ပျော်ပျော်ရွင်ရွင် လေ့လာသင်ယူနိုင်ကြပါစေခင်ဗျာ။။

Rahmonnya Business Institute

သတ်မှတ် ဦးရေ ပြည့်ခါနီးပါပြီ ။အရောင်းကျွမ်းကျင်သင်တန်းမှာ မိတ်​ဆွေများအ​နေနဲ့ သင်ယူ ရရှိလာမယ့် အသိ အတတ် အ​တွေးအမြင်​တွေက...
04/06/2025

သတ်မှတ် ဦးရေ ပြည့်ခါနီးပါပြီ ။
အရောင်းကျွမ်းကျင်သင်တန်းမှာ မိတ်​ဆွေများ
အ​နေနဲ့ သင်ယူ ရရှိလာမယ့် အသိ အတတ် အ​တွေးအမြင်​တွေက အားသာချက်တွေ အခွင့်အလမ်းတွေအများကြီးဖြစ်လာ​​နိုင်​စေမှာပါ။

ပထမဦးဆုံးအ​နေနဲ့ သင်တန်းတက်​ရောက်သူများအတွက် အရောင်းနယ်ပယ်မှာ လိုအပ်မယ့် အထူးကျွမ်းကျင်မှုများကို သင်ယူရန် အခွင့်အလမ်းပေးပါတယ် ။

အရောင်းနည်းလမ်းများ၊ ဖောက်သည်များနဲ့ ဆက်ဆံရေးများ၊ အရောင်းစီမံချက်များကို သင်ယူရရှိပြီး လုပ်ငန်းအတွက်လည်း လက်​တွေ့ အသုံးချနိုင်မှာပါ ။

ဒုတိယအ​​နေနဲ့ အရောင်းကျွမ်းကျင်သင်တန်းများက​​​နေ မိတ်​​ဆွေတို့ရဲ့ အရောင်းစွမ်းရည်ကို မြှင့်တင်ပေးပြီး၊ အရောင်းနယ်ပယ်မှာ ပိုမိုယှဉ်ပြိုင်နိုင်စွမ်းရှိစေမှာပါ ။

မိမိတို့ ကြိုးစားအားထုတ်မှုများအလိုက် သင်တန်းများက မိတ်​ဆွေတို့ရဲ့ လုပ်ငန်းခွင်တွင်း သတင်းအချက်အလက် နည်းပညာ အပြင် မိတ်​ဆွေတ်ု့ရဲ့ ဆက်သွယ်ရေးစွမ်းရည်များကို ဖွံ့ဖြိုးလာ​စေမှာပါ။ အလုပ်ကောင်းကောင်းရမယ့် အခွင့်အလမ်းနဲ့အတူအဖွဲ့အစည်းတွင် တန်ဖိုးရှိသော အဖွဲ့ဝင်တစ်ဦးအဖြစ် ရပ်တည်နိုင်ပါ​စေ ။

၂၀၂၅ ခုနှစ် ဇွန်လ နောက်ဆုံးအပတ် စ​နေ တနင်္ဂ နွေရက်​တွေမှာ မနက် ၉ နာရီက​နေ ၁၂ နာရီအထိ
အ​ရောင်းကျွမ်းကျင် သင်တန်း အပတ်စဥ် (၄ ) စတင်ဖို့ရှိပါတယ် ။ သတ်မှတ် လူဦး​ရေ ပြည့်ခါနီးပြီ ဖြစ်တာ​ကြောင့် သင်တန်း​ကြေး အခမဲ့ ပညာသင်ဆုနဲ့ လျှောက်ထားလို့ ရပါတယ်။

သင်တန်းတည်​နေရာက မော်လမြိုင် တက္ကသိုလ်နဲ့ အနီးဆုံး မြိုင်သာယာ ရပ်ကွက်မှာပါပဲ။။

လမ်းညွှန် နည်းပြမယ့်သူကတော့
Sayar Min Aung Myint
SMEs business coach & Master Trainerဖြစ်ပါတယ် ။ ပြည်တွင်း ပြည်ပ လုပ်ငန်းအတွေ့အကြုံများစွာ ရှိပြီး ပြည်တွင်းနဲ့ နိုင်ငံတကာ တက္ကသိုလ်တွေဆီကနေ မဟာဘွဲ့များ အပါအဝင် စုစုပေါင်း
ဘွဲ့ ၁၀ ခု ရရှိထားပြီး ဖြစ်ပါတယ် ။။

Retail Sales Training အခမဲ့ ပညာသင်ဆုလက်လီအရောင်းကျွမ်းကျင် စီးပွါးရေးသင်တန်းသားများ ခေါ်ယူခြင်း။ (ပညာဒါန 100% ဖြင့် အခမဲ...
02/06/2025

Retail Sales Training အခမဲ့ ပညာသင်ဆု
လက်လီအရောင်းကျွမ်းကျင် စီးပွါးရေးသင်တန်းသားများ ခေါ်ယူခြင်း။
(ပညာဒါန 100% ဖြင့် အခမဲ့ လေ့လာသင်ယူနိုင်ခွင့်)
———————————————
သင်တန်း တက်ရောက်နိုင်သည့်သူများ
—————————----------
ကိုယ်ပိုင်စီးပွားရေးလုပ်လိုသူများနှင့် ကျွမ်းကျင်အရောင်း၀န်ထမ်းတစ်ယောက်အဖြစ်ရပ်တည်လိုသူ ၊ ခိုင်မာသည့်သက်မွေးပညာရပ်ဖြင့် ရပ်တည်လိုသူများ၊ အလုပ်အကိုင်အခွင့်အလမ်းအချိတ်အဆက် ရချင်သူများ တက်ရောက်သင့်သည့် သင်တန်းဖြစ်သည်။
-------------------------
သင်တန်းမှ ရရှိမည့် အခွင့်အလမ်းများ
-------------------------
ရွေးချယ်ခံရသူများအနေဖြင့် 100% သင်တန်းကြေးကင်းလွတ်ခွင့်ဖြင့်တက်ရောက်နိုင်မည့်အပြင် သင်တန်းပြီးဆုံးအောင်မြင်ပါက ထူးချွှန်မှုအလိုက် အလုပ်အကိုင်အခွင့်အလမ်းကောင်းများချိတ်ဆက်ကူညီပေးသွားမည်။
နယ်မှတက်ရောက်သူများအတွက် အဆောင်စရိတ်နှင့်ခရီးစရိတ်များကို သီးခြားလျှောက်ထားခွင့်ပါရရှိမည်။


Retail Sales Training တွင်
သင်ကြားရမည့်ဘာသာရပ်များ-
• လုပ်ငန်းခွင်ကျန်းမာရေးနှင့် ဘေးအန္တရာယ်ကင်းရှင်းရေး လိုက်နာဆောင်ရွက်ခြင်း
• လုပ်ငန်းခွင်သန့်ရှင်းရေး ဆောင်ရွက်ခြင်း
• လုပ်ငန်းခွင်အတွင်း ဆက်သွယ်ဆောင်ရွက်ခြင်း
• သပ်ရပ်ကျော့ရှင်း နေထိုင်ခြင်း
• Customer အားဝန်ဆောင်မှုပေးခြင်း
• အခြေခံအတွက်အချက်များ
• လက်လီအရောင်းချခြင်းလုပ်ငန်းစဉ်
• လက်လီအရောင်းအတတ်ပညာ
တို့ကို စာတွေ့လက်တွေ့မျှ၀ေပေးသွားမှာဖြစ်ပါတယ်။

သင်တန်းအစီအစဥ်
————————
သင်တန်းနေ့ရက် -
၂၀၂၅ ခုနှစ်၊ ဇွန်လ နောက်ဆုံးပတ် စနေ/တနင်္ဂနွေနေ့ များတွင် ဖွင့်လှစ်ပါမည်။
(နံနက် ၉ နာရီမှ ၁၂နာရီအထိ) (တစ်ပတ် 2 ရက်)
စာတွေ့ လက်တွေ့ တက်ရောက်ရမည်။ )
သင်တန်းကာလ - နှစ်လ
လျှောက်လွှာထုတ်ယူရန် -
သဇင်နန် မွန်ရိုးရာ အထည် ( မော်လမြိုင် ဆိုင်ခွဲ)
အမှတ်၁၇၁၂ ၊ ၁၃ လမ်းထိပ် ၊
(ဦးစစ်မောင်လမ်းမကြီးဘေး) ၊ မြိုင်သာယာရပ်၊
မော်လမြိုင်မြို့၊ မွန်ပြည်နယ် ။
စာရင်းပေးသွင်းရန် -
Page messenger (or ) Viber - 09666111203
Mobile 09791276901
နယ်ဝေးသမားများ Google From ဖြင့်လည်း လျှောက်ထားနိုင်ရန် စီစဥ်ပေးသွားပါမည်။
လျှောက်ထားသူများသည်
- အသက် ၁၆နှစ်မှ ၂၅ နှစ်အတွင်း ဦးစားပေးခေါ်ယူပါမည် ။
- သင်တန်းအားပြီးဆုံးသည်အထိ တက်ရောက်နိုင်ရမည်။
သင်တန်းသားများအနေဖြင့် စာတွေ့လက်တွေ့သင်ကြားမှုအပြင် လုပ်ငန်းခွင်တွင်းလက်တွေ့လေ့လာခွင့် သင်ယူခွင့်ရရှိမည်။
သင်တန်းပြီးဆုံးအောင်မြင်ပါက သင်တန်းဆင်းလက်မှတ်နှင့် လုပ်ငန်းခွင်၀င်ရောက်နိုင်အောင်ကူညီချိတ်ဆက်ပေးသွားမည်။။

ဒီ စည်းကမ်း သတ်မှတ်ချက်ကို မိတ်ဆွေများ ဘယ်လိုမြင်ကြပါသလဲ ။ မိမိတို့ရဲ့ ကိုယ်စီ အမြင်လေးတွေ ဝေမျှ ထင်မြင်ချက်လေး ပြောပေး...
27/05/2025

ဒီ စည်းကမ်း သတ်မှတ်ချက်ကို မိတ်ဆွေများ ဘယ်လိုမြင်ကြပါသလဲ ။
မိမိတို့ရဲ့ ကိုယ်စီ အမြင်လေးတွေ ဝေမျှ ထင်မြင်ချက်လေး ပြောပေးလို့ရပါတယ် ။
ကျွန်တော်တို့ RBi အနေနဲ့ ထင်မြင်ချက်များ အားလုံးကို တန်ဖိုးထားပါတယ် ။
RBi အနေနဲ့ကတော့ အလုပ်ထုတ်တာထက်စာရင် တခြားနည်းလမ်းတစ်ခုခုများ ရှိနိုင်မလား ရွေချယ်နိုင်မလား အဖြေရှာကြည့်ချင်ပါတယ် ။

photo crd

24/05/2025

We are proud of our trainer Min Aung Myint hard work and dedication.

Retail Sales Training (batch-4)လက်လီအရောင်းကျွမ်းကျင် စီးပွါးရေးသင်တန်းသားများ ခေါ်ယူခြင်း။ (ပညာဒါန 100% ဖြင့် အခမဲ့ လေ့...
15/05/2025

Retail Sales Training (batch-4)
လက်လီအရောင်းကျွမ်းကျင် စီးပွါးရေးသင်တန်းသားများ ခေါ်ယူခြင်း။
(ပညာဒါန 100% ဖြင့် အခမဲ့ လေ့လာသင်ယူနိုင်ခွင့်)
———————————————
သင်တန်း တက်ရောက်နိုင်သည့်သူများ
—————————----------
ကိုယ်ပိုင်စီးပွားရေးလုပ်လိုသူများနှင့် ကျွမ်းကျင်အရောင်း၀န်ထမ်းတစ်ယောက်အဖြစ်ရပ်တည်လိုသူ ၊ ခိုင်မာသည့်သက်မွေးပညာရပ်ဖြင့် ရပ်တည်လိုသူများ၊ အလုပ်အကိုင်အခွင့်အလမ်းအချိတ်အဆက် ရချင်သူများ တက်ရောက်သင့်သည့် သင်တန်းဖြစ်သည်။
-------------------------
သင်တန်းမှ ရရှိမည့် အခွင့်အလမ်းများ
-------------------------
ရွေးချယ်ခံရသူများအနေဖြင့် 100% သင်တန်းကြေးကင်းလွတ်ခွင့်ဖြင့်တက်ရောက်နိုင်မည့်အပြင် သင်တန်းပြီးဆုံးအောင်မြင်ပါက ထူးချွှန်မှုအလိုက် အလုပ်အကိုင်အခွင့်အလမ်းကောင်းများချိတ်ဆက်ကူညီပေးသွားမည်။
နယ်မှတက်ရောက်သူများအတွက် အဆောင်စရိတ်နှင့်ခရီးစရိတ်များကို သီးခြားလျှောက်ထားခွင့်ပါရရှိမည်။


Retail Sales Training တွင်
သင်ကြားရမည့်ဘာသာရပ်များ-
• လုပ်ငန်းခွင်ကျန်းမာရေးနှင့် ဘေးအန္တရာယ်ကင်းရှင်းရေး လိုက်နာဆောင်ရွက်ခြင်း
• လုပ်ငန်းခွင်သန့်ရှင်းရေး ဆောင်ရွက်ခြင်း
• လုပ်ငန်းခွင်အတွင်း ဆက်သွယ်ဆောင်ရွက်ခြင်း
• သပ်ရပ်ကျော့ရှင်း နေထိုင်ခြင်း
• Customer အားဝန်ဆောင်မှုပေးခြင်း
• အခြေခံအတွက်အချက်များ
• လက်လီအရောင်းချခြင်းလုပ်ငန်းစဉ်
• လက်လီအရောင်းအတတ်ပညာ
တို့ကို စာတွေ့လက်တွေ့မျှ၀ေပေးသွားမှာဖြစ်ပါတယ်။

သင်တန်းအစီအစဥ်
————————
သင်တန်းနေ့ရက် -
၂၀၂၅ ခုနှစ်၊ ဇွန်လ နောက်ဆုံးပတ် စနေ/တနင်္ဂနွေနေ့ များတွင် ဖွင့်လှစ်ပါမည်။
(နံနက် ၉ နာရီမှ ၁၂နာရီအထိ) (တစ်ပတ် 2 ရက်)
စာတွေ့ လက်တွေ့ တက်ရောက်ရမည်။ )
သင်တန်းကာလ - နှစ်လ
လျှောက်လွှာထုတ်ယူရန် -
သဇင်နန် မွန်ရိုးရာ အထည် ( မော်လမြိုင် ဆိုင်ခွဲ)
အမှတ်၁၇၁၂ ၊ ၁၃ လမ်းထိပ် ၊
(ဦးစစ်မောင်လမ်းမကြီးဘေး) ၊ မြိုင်သာယာရပ်၊
မော်လမြိုင်မြို့၊ မွန်ပြည်နယ် ။
စာရင်းပေးသွင်းရန် -
Page messenger (or ) Viber - 09666111203
Mobile 09791276901
နယ်ဝေးသမားများ Google From ဖြင့်လည်း လျှောက်ထားနိုင်ရန် စီစဥ်ပေးသွားပါမည်။
လျှောက်ထားသူများသည်
- အသက် ၁၆နှစ်မှ ၂၅ နှစ်အတွင်း ဦးစားပေးခေါ်ယူပါမည် ။
- သင်တန်းအားပြီးဆုံးသည်အထိ တက်ရောက်နိုင်ရမည်။
သင်တန်းသားများအနေဖြင့် စာတွေ့လက်တွေ့သင်ကြားမှုအပြင် လုပ်ငန်းခွင်တွင်းလက်တွေ့လေ့လာခွင့် သင်ယူခွင့်ရရှိမည်။
သင်တန်းပြီးဆုံးအောင်မြင်ပါက သင်တန်းဆင်းလက်မှတ်နှင့် လုပ်ငန်းခွင်၀င်ရောက်နိုင်အောင်ကူညီချိတ်ဆက်ပေးသွားမည်။။

Address

13 Road Street, Myinethayar Ward
Mawlamyine

Opening Hours

Monday 09:00 - 17:00
Tuesday 09:00 - 17:00
Saturday 09:00 - 19:30
Sunday 09:00 - 19:30

Telephone

+95794006063

Website

Alerts

Be the first to know and let us send you an email when Rahmonnya Business Institute posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Rahmonnya Business Institute:

Shortcuts

Share

Category