Success Life

07/10/2022

သင် "ဘာကြောင့် မတိုးတက်လဲ" မေးရင်
အဖြေက ။ တိုးတက်ချင်စိတ် မရှိလို့ပဲ 👌

တိုးတက်ချင်စိတ်ရှိသူ က သူနဲ့ထိုက်သင့်တဲ့ အသီးပွင့်ကို သူခံစား , စံစား ရမှာပဲ ၊ လောကကြီးမှာ ဘယ်အရာမှ လွယ်လွယ် မရသလို ၊ ဘယ်အရာမှ လဲ အလကားမရဘူး ။

✍️ ထိုက်သင့်တဲ့ အားထုတ်မှု ဆိုတာ လိုတယ်

✍️ Habit " အောင်မြင်ချင်ရင် အကျင့် တွေ ပြောင်းဖို့လိုတယ် ...

✍️ Time " အချိန်တွေ လေးစားဖို့လိုတယ် ...

✍️ Goal" ကိုယ်သွားမယ့် လမ်းကြောင်းကို ကိုသိဖို့လိုတယ် ...

✍️ အချိန် တွေ ကုန်လာတာနဲ့အမျှ အသက် တွေကြီးလာမှာ ၊ အချိန်လွန် နောင်တ တွေ နဲ့ ဘဝ ကို နိဂုံး ချုပ်ချင်ရင် အချိန်‌ ‌တွေ ဖြုန်းပြီး လက်ရှိနေထိုင်ရာမှာ ပျော်မွေ့လိုက်ပါ

✍️ ကြိုးစားမှု မှာတော့ ကိုယ်လုပ်သလောက်ကိုယ်ရမှာပဲ ၊ ဆိုတော့ ကိုယ်မလုပ်ရင် ကိုယ်မရရုံ ပေါ့ 👌👌👌

အချိန်လွန် နောင်တ တွေမှကင်းဝေကြပါစေ ...
လူတိုင်း အောင်မြင်တဲ့ ဘဝ ကို ပိုင်ဆိုင်ကြပါစေ ...

WyA's Diary 📝

27/04/2022

နေ့စဉ်ဘဝကို ထိန်းချုပ်နေတဲ့ဦးနှောက်လှိုင်းများ

ကျွန်တော်တို့ရဲ့နေ့စဉ်သွားလာလှုပ်ရှားမှုတွေ၊ လေ့လာသင်ယူမှုတွေကအစ နှလုံးခုန်နှုန်း၊အသက်ရှုနှုန်းတွေအထိကို ဦးနှောက်က ထိန်းချုပ်ပေးထားတာဖြစ်ပါတယ်။ ဒါ့အပြင် ပြဿနာဖြေရှင်းတာ၊ စဉ်းစားတွေးတောတာ၊ သင်ယူမှတ်သားတာတွေအတွက်ဦးနှောက်ကမရှိမဖြစ်လိုအပ်ပြီး လူ့ခန္ဓာကိုယ်မှာ အရှုပ်ထွေးဆုံးနဲ့ အလုပ်အများဆုံးအစိတ်အပိုင်းလည်းဖြစ်ပါတယ်။

လူ့ခန္ဓာကိုယ်တစ်ခုလုံးမှာ ဦးနှောက်ကအရှုပ်ထွေးဆုံးအပိုင်းဖြစ်ပြီး ဦးနှောက်နဲ့ပတ်သက်တဲ့ သုသေတနတွေကိုလည်း ရာစုနှစ်နဲ့ချီပြီးပြုလုပ်ခဲ့ကြပါတယ်။ Neuroscientists တွေဟာ EEG (electroencephalogram) နဲ့ စမ်းသပ်ရာမှာ ဦးနှောက်ကနေ လှိုင်းတွေ ထွက်နေတဲ့အကြောင်းကို တွေ့ရှိလာခဲ့ပါတယ်။ ကျွန်တော်တို့ အိပ်နေတဲ့အချိန်၊ သွားလာလှုပ်ရှားနေတဲ့အချိန်၊ အလုပ်လုပ်နေတဲ့အချိန်၊ တစ်ခုခုလေ့လာနေတဲ့အချိန်မှာ ဦးနှောက်ကနေ မတူညီတဲ့လှိုင်းတွေထုတ်ပေးနေတယ်ဆိုတာ သိလာရပြီး အဲဒီလှိုင်းတွေဟာ ကျွန်တော်တို့ရဲ့နေ့စဉ်ဘဝအပေါ်သက်ရောက်မှုရှိတယ်ဆိုတာ တွေ့ရှိခဲ့ပါတယ်။

Delta

Delta လှိုင်းကတော့ ကြိမ်နှုန်း (0-4 Hz) သာရှိပြီး အနှေးဆုံးဦးနှောက်လှိုင်းဖြစ်ပါတယ်။ နှစ်နှစ်ခြိုက်ခြိုက်အိပ်ပျော်နေတဲ့အချိန် ဒါမှမဟုတ် တရားထိုင်လို့ သမာဓိအားကောင်းနေတဲ့အချိန်မှာ ဖြစ်ပေါ်လာတဲ့စိတ်အခြေအနေမှာ ဦးနှောက်ကနေထုတ်ပေးတဲ့ လှိုင်းဖြစ်ပါတယ်။

Theta

Theta လှိုင်းကတော့ ကြိမ်နှုန်း (4-7 Hz) ရှိပါတယ်။ Theta လှိုင်းတွေက အိပ်ပျော်နေတဲ့အချိန် ဒါမှမဟုတ် အိပ်မက်မက်နေတဲ့ အချိန်တွေမှာဖြစ်ပေါ်ပါတယ်။ နှစ်နှစ်ခြိုက်ခြိုက်အိပ်ပျော်နေတဲ့အချိန်မှာတော့ delta လှိုင်းဖြစ်ပေါ်ပြီးတော အိပ်ပျော်ခါစအချိန်နဲ့ နိုးထခါစအချိန်တွေမှာ Theta လှိုင်းဖြစ်ပေါ်ပါတယ်။ အလုပ်လုပ်နေတဲ့အချိန်မှာ Theta လှိုင်းဖြစ်လာပြီဆိုရင် ပင်ပန်းနွမ်းနယ်ပြီး အားအင်မရှိသလိုဖြစ်တတ်ပါတယ်။ မှတ်ဉာဏ်၊ တီထွင်ဖန်တီးနိုင်စွမ်းနဲ့ သင်ယူလေ့လာမှုပြုလုပ်ခြင်းတို့အတွက်တော့ Theta လှိုင်းက အကောင်းဆုံးကူညီနိုင်ပါတယ်။

Alpha

Alpha လှိုင်းက ကြိမ်နှုန်း (7-12 Hz) အထိရှိပြီး အနားယူပြီး စိတ်ငြိမ်သက်နေတဲ့အချိန်မှာ ဖြစ်ပေါ်လာပါတယ်။ ငြိမ်သက်နေပြီး ပုံဖော်တွေးတောနေတဲ့အချိန်၊ အလုပ်လုပ်နေရာကနေ အနားယူဖို့ရပ်လိုက်တဲအချိန်မှာ ဦးနှောက်က Alpha လှိုင်းတွေထုတ်ပေးပြီး ကောင်းကောင်းအနားယူနိုင်ဖို့ ကူညီပေးပါတယ်။ တရားထိုင်ခါစအခြေအနေမှာလည်း Alpha လှိုင်းတွေထုတ်ပေးတယ်လို့ ဆိုပါတယ်။

Beta

Beta လှိုင်းက (12-35 Hz) ကြိမ်နှုန်းအထိရှိပြီး အာရုံစူးစိုက်မှု၊ တက်ကြွလန်းဆန်းမှုတို့ကို မြှင့်တင်ပေးနိုင်ပါတယ်။ ဒါကြောင့် အကြောင်းအရာတစ်ခုခုကိုလေ့လာနေတဲ့အချိန်၊ အလုပ်မှာအာရုံစိုက်လုပ်ကိုင်နေတဲ့အချိန်မှာ ဦးနှောက်က Beta လှိုင်းတွေထုတ်ပေးပါတယ်။

Gamma

Gamma လှိုင်းကို တွေ့ရှိထားတာတော့ မကြာသေးပါဘူး။ Gamma လှိုင်းရဲ့ ကြိမ်နှုန်းကတော့ (35 Hz) အထက်မှာရှိပြီးတော့ ဒေါသထွက်နေတဲ့အချိန်၊ စိတ်လှုပ်ရှားနေတဲ့အချိန်မှာ ( 100 Hz) အထိရှိပါတယ်။ သတင်းအချက်အလက် (information) တွေကို ရယူသိမ်းဆည်းနေတဲ့အချိန်၊ ပြဿနာဖြေရှင်းဖို့စဉ်းစားတွေးတောနေတဲ့အချိန်တွေမှာ ဦးနှောက်က Gamma လှိုင်းတွေကိုထုတ်ပေးပါတယ်။

ဒီနေ့မှာတော့ ဦးနှောက်ကနေ ထုတ်ပေးနေတဲ့ လှိုင်းတွေအကြောင်း ပြောပြထားပါတယ်။ နောက်ရက်တွေမှာ ကိုယ့်ရဲ့အလုပ်တွေပြီးမြောက်ဖို့၊ စွမ်းဆောင်ရည်တိုးစေဖို့ ဦးနှောက်လှိုင်းတွေကို ဘယ်လိုအသုံးချရမလဲဆိုတာ ပြောပြပေးသွားမှာဖြစ်ပါတယ်။

ကိုယ့်ရဲ့ Best Version ကို ဖန်တီးလိုက်ပါ။
Dr. Thuta
Credit To Owner

23/09/2021

ရှုံးနိမ့်မှာကို စိုးရိမ်နေမယ့်အစား သင်လုပ်သင့်တဲ့ အချက် (၆) ချက်
▄▄▄▄▄▄▄▄▄▄▄▄▄▄

လူတစ်ယောက်က တစ်ခုခု အပြောင်းအလဲလုပ်ရတော့မယ် ဆိုရင်ဖြစ်စေ၊ ကိစ္စတစ်ခု စရတော့မယ်ဆိုရင်ဖြစ်စေ၊ စိတ်ကူးယဉ်အိပ်မက်တွေကို အကောင်အထည်ဖော်ဖို့ စတော့မယ်ဆိုရင်ဖြစ်စေ၊ အဲဒါတွေနဲ့ပတ်သက်ပြီး အကောင်အထည်ဖော်ဖို့ စိုးရိမ်စိတ် ပေါ်လာတတ်တယ်။

စိုးရိမ်စိတ်တွေ ပေါ်လာပြီဆိုရင် ကျွန်တော်တို့ ဘာလုပ်နိုင်လဲ။ ဘာမှ လုပ်လို့မရဘူး။ အဲဒါတွေနဲ့ ပတ်သက်ပြီး စိုးရိမ်စိတ်နောက်ကို လိုက်သွားပြီဆိုရင် ထူပူပြီးတော့ ကျွန်တော်တို့ ဘာမှလုပ်နိုင်မှာ မဟုတ်ဘူး။

အဲဒီအခါမှာ ဒါနဲ့ပတ်သက်ပြီး ကျွန်တော်တို့ ဘာလုပ်သင့်လဲဆိုတာ လက်တွေ့သုံးလို့ရမယ့် အချက်လေးတွေ ဝေမျှချင်ပါတယ်။ အရေးကြီးတာက သင်တကယ် ဘာလိုချင်လဲဆိုတာ သိဖို့လိုတယ်။ သင်တကယ် ဘာလိုချင်လဲ အဓိက (၆) ချက်ကို မျှဝေပေးချင်ပါတယ်။

(၁) သင် ဘာလိုချင်တာလဲဆိုတာ သိဖို့လိုတယ်။

သင်လိုချင်တာက ဒုက္ခတွေ လိုချင်တာလား၊ စိုးရိမ်မှုနဲ့ မကောင်းတဲ့ ရလဒ်တွေ လိုချင်တာလား၊ နံပါတ်တစ်က ဘာလိုချင်တာလဲ သိဖို့လိုတယ်။ သင် လိုချင်တဲ့ ရလဒ်ကို သိတော့မှ သင် ဘယ်လိုဆက်ပြီး အကောင်အထည် ဖော်ရမှာလဲကို ဆက်ပြီး စဉ်းစားလို့ရမယ်။

(၂) အဲဒါကို ရဖို့အတွက် သင်လုပ်သင့်တဲ့အရာ ဘာတွေ ရှိမလဲ။

ဆိုလိုတဲ့ သဘောက အဲဒီအရာကို ရဖို့အတွက် သင် လိုချင်တာက Profit ဘယ်လောက်လိုချင်လဲ။ ဒါမှမဟုတ် ရောင်းအား ဘယ်လိုမျိုးကို လိုချင်လဲ။ ဒါမှမဟုတ် လူတွေဘယ်လို လက်ခံတဲ့ဘဝကို လိုချင်လဲ။ အဲဒါဆိုရင် ဘယ်လိုဖြစ်ရင် "ငါတော့ ဒုက္ခရောက်နိုင်တယ်" ဆိုတာမျိုး မစဉ်းစားနဲ့၊ အဲဒါကို နောက်မှစဉ်းစားပါ။ အဲဒါကို အရင်စဉ်းစားလိုက်ရင် လူက ဘာဖြစ်သွားလဲဆိုတော့ Negative တွေ၊ မကောင်းတဲ့ စိတ်ခံစားမှုတွေ၊ မကောင်းတဲ့ အတွေးတွေ ဝင်လာရော၊ ဘယ်လိုမှ ဆက်သွားလို့ မရနိုင်ပါဘူး။

သင် လိုချင်တာက ဘယ်လိုရလဒ်လဲ၊ သင် လိုချင်တဲ့ ရလဒ်ကို ရဖို့အတွက် လုပ်သင့်တဲ့ အရာမှန်သမျှကို ချရေးပါ။ ပေါက်ကရ Idea တွေ၊ ကောင်းတဲ့ Idea တွေ၊ မကောင်းတစ်ကောင်း Idea တွေ၊ တော်တော်ကြီးကောင်းတဲ့ Idea တွေ စသဖြင့် အကုန်သာ ချရေးပါ။ တကယ့်တကယ်တမ်း မြန်မာနိုင်ငံနဲ့ သိပ်မကိုက်ဘူး ထင်တာတွေလည်း ပါနိုင်တယ်။ ကိစ္စ မရှိဘူး၊ အရင်ဆုံး အကုန်လုံး ချရေးလိုက်ပါ။ ချရေးပြီးရင် အဲဒါတွေနဲ့ပတ်သက်ပြီး သင် အမှန်တကယ် အသုံးချနိုင်တဲ့၊ သင့်အတွက် လောလောဆယ်မှာ ကိုက်ညီမယ့် အဆင်ပြေမယ့် အချက်လေးတွေကို ဦးစားပေး တစ်ချက်ပြန်ဆွဲရပါမယ်။

(၃) ဦးစားပေးအစီအစဉ် ပြန်ဆွဲသင့်တယ်။

သင် ဘယ်ဟာလေးတွေ အားသန်လဲဆိုတာ ဦးစားပေးအစီအစဉ် ပြန်ဆွဲပြီးရင် သင် ဘာလုပ်သင့်လဲဆိုတော့ လိုချင်တဲ့ Result ရဖို့အတွက်ကို လေ့လာသင့်တာတွေ လေ့လာရမယ်။

(၄) မေးစရာရှိတဲ့ သူတွေကို မေးရမယ်။

အခုဆိုရင် Internet မှာ Google တစ်ချက် ခေါက်လိုက်ရင်၊ သင်က English ရတယ်ဆိုရင် လေ့လာစရာတွေ အများကြီးပဲ။ Google မှာ ရနိုင်တယ်။ သင့်ပတ်ဝန်းကျင်မှာ အဲဒီနယ်ပယ်မှာ သိတဲ့သူတွေကို လိုက်မေးလို့ရနိုင်တယ်၊ ဆွေးနွေးလို့ ရနိုင်တယ်။ ပြီးတော့ စာအုပ်တွေ ဘာတွေလည်း ဖတ်လို့ရပါတယ်။

(၅) လုပ်စရာရှိတာ လုပ်ပါ။

လေ့လာသင့်တဲ့ အရာတွေလည်းသတ်မှတ်ပြီးပြီ၊ ဘယ်မှာ လေ့လာလို့ရမလဲလည်း သိနေပြီ၊ ဘာတွေကို လေ့လာရမှန်းလဲ သိနေပြီဆိုရင် ဦးစားပေး အစီအစဉ်ဆွဲ၊ လေ့လာသင်ယူရမယ့် အစီအစဉ်တွေကို အမှန်အကန် အကောင်အထည်ဖော်ဖို့ လိုပါတယ်။

လောကကြီးက ကျွန်တော်တို့ ဘာကို သိသလဲဆိုတာကို၊ ကျွန်တော်တို့ ဘယ်လောက်သိသလဲနဲ့ ပတ်သက်ပြီး ဘာမှ လုပ်ပေးမှာ မဟုတ်ဘူး၊ ကျွန်တော်တို့ သိတာတွေကို ဘယ်လိုအကောင်အထည် ဖော်လဲဆိုတာ မူတည်ပြီး ကျွန်တော်တို့လိုချင်တဲ့ Result တွေပေးမှာ၊ ဒါက ကျွန်တော့်ဆရာဖြစ်တဲ့ Chicken Soup For The Soul ရေးတဲ့ Jack Canfield အမေရိကန် No.1 Success Coach ဖြစ်တဲ့သူ ပြောတာပါ။ လုပ်စရာရှိတာ မလုပ်ဘဲနဲ့ ဘာမှ ဖြစ်လာမှာ မဟုတ်ဘူး။

(၆) ကျွန်တော်တို့ ဘာရနိုင်လဲ။

ရလဒ် (၂) မျိုး ရနိုင်တယ်။ လုပ်စရာရှိတာ လုပ်ပြီဆိုကတည်းက ရလဒ်တစ်ခု ထွက်လာမယ်။ အဲဒီရလဒ်က ကောင်းတယ်ဆိုရင် မှန်နေပြီ၊ ပြီးရင် ပိုကောင်းအောင် သင် ဘာတွေ လုပ်နိုင်မလဲ။

အဲဒီတော့ ပိုကောင်းအောင် ငါတို့ဘာတွေ လုပ်ရမလဲ။ ရလဒ်မကောင်းဘူးဆိုရင် ဒီရလဒ်ကနေ ငါတို့ ဘာတွေရနိုင်လဲ၊ အဲဒီတော့ ပိုကောင်းအောင် ငါတို့ ဘာလုပ်ရမလဲ၊ ဒါမှမဟုတ် ပိုပြီးကောင်းအောင် တခြားနည်းလမ်းပြောင်းပြီး ဘာလုပ်မလဲ ဆိုပြီးတော့ စဉ်းစားရမှာ ဖြစ်တယ်။

ဒီနည်းလမ်းကိုပဲ ပိုပြီးကောင်းအောင် မွမ်းမံပြီး လုပ်မလား။ ဒါလေးကိုဆင်ခြင်ပါ။ ဆင်ခြင်ပြီးသွားရင် ဘာလုပ်မလဲ၊ ထပ်လုပ်ပါ။ အဲဒီတော့ ကျွန်တော်တို့ လိုချင်တဲ့ Result မရသေးဘူးဆိုရင် သင် လုပ်နေတဲ့ မဟာဗျူဟာကို ပြောင်းရမယ်၊ လုပ်ပုံကိုင်ပုံ ပြောင်းသင့်တယ်။ ထပ်လုပ်မယ်၊ မရသေးဘူးဆိုရင် လုပ်ပုံကိုင်ပုံ ပြောင်းမယ်၊ ထပ်လုပ်မယ်။ လုပ်ရင်းနဲ့ သင် လိုချင်တဲ့ ရလဒ်ကို ရလာမယ်။

အဲဒီတော့ ဒီနေရာမှာ ကျွန်တော် တစ်ခုပြောရမယ်ဆိုရင် သင်က ညအိပ်ယာဝင်ခါနီးဖြစ်ဖြစ်၊ ထိရောက်တဲ့ အချိန်လေးတွေမှာ သင် လိုချင်တဲ့ ရလဒ်ရပြီးသွားတဲ့အခါမှာ အဲဒီမှာ ဘယ်လိုမျိုး ပျော်ရွှင်မှုတွေ ရှိလဲ၊ ပြီးအောင်လုပ်ပြီးတဲ့အခါမှာ သင့်ရဲ့ခန္ဓာကိုယ်၊ သင့်ရဲ့ယုံကြည်မှုတွေ၊ သင့်ရဲ့ပျော်ရွှင်မှုတွေ ဘယ်လိုမျိုးတွေ ရှိနိုင်မလဲဆိုတာ မြင်အောင်ကြည့်၊ ခံစားကြည့်။ လူတွေက သင့်ကို ဘယ်လိုချီးမွမ်းကြမလဲ၊ ဒါလေးတွေကို အသံကြားယောင်ကြည့်၊ အဲဒီလိုလုပ်ခြင်းဟာ သင့်ရဲ့ စိတ်ထဲမှာရှိတဲ့ စိတ်ရှုပ်ထွေးမှုတွေ၊ သောကတွေ ပျောက်အောင်ကုပေးနိုင်တယ်။ အဲဒါလေးတွေ စမ်းကြည့်မယ်ဆိုရင် လုပ်စရာရှိတာ ဘာတွေလုပ်သင့်လဲဆိုတဲ့ အချက်အလက်လေးတွေ ရလာမယ်လို့ မျှော်လင့်ပါတယ်။




ဆရာ နိုင်ဝင်းအောင်

10/09/2020

လောက ကြီး ပြောင်းလဲလာတာ ကို မြင်ချင်ရင် ကိုယ်တိုင်ပြောင်းလဲ ရမယ် ........

Credit Firefly Page

14/04/2020

18/03/2020

ဒီရက်ပိုင်းအခြေအနေနှင့် ကိုက်ညီနေလို့ ​​ပြန်တင်ပေးလိုက်ပါသည်။

(ကိုယ့်နဲ့မဆိုင်ဘူးလို့ နေလို့မရပါ)

ကြွက်ထောင်ချောက် (ဖေမြင့်)᠌᠌᠌ ᠌᠌

တစ်ခါတုန်းက …

ကြွက်တစ်ကောင်က လယ်သမားအိမ်ထဲ အိမ်နံရံပျဉ်နှစ်ချပ် စပ်ကြားက ဟ,နေတဲ့နေရာ အကြားကနေ ချောင်းကြည့်တော့ လယ်သမားနဲ့ သူ့မယား အထုပ်တစ်ထုပ် ဖြေနေတာတွေ့ရတယ်။

အထဲမှာ စားစရာများ ပါလေမလား၊ ပါရင် ငါများ တနည်းနည်းနဲ့ စားရလေမလား၊ မျှော်လင့်တဲ့ စိတ်နဲ့ စောင့်ကြည့်တော့၊ လားလား ... စားစရာ မုန့်မဟုတ်၊ နာစရာ တုတ် ဖြစ်နေတယ်။ အဲ ... စကားအဖြစ် ပြောတာ၊ တကယ် တုတ် မဟုတ်ဘူး။ ပြီးတော့ တုတ် ဆိုတာက သူသူငါငါ အရိုက်ခံရနိုင်တဲ့ပစ္စည်း။ အခုဟာက သတ္တဝါ အများနဲ့ မဆိုင်၊ သူ တစ်ဦးတည်းကို ရည်ရွယ်တာ၊ သူ့ကို အသေဆော်ဖို့ ရည်ရွယ်ချက်နှင့် မြို့ကဝယ်လာတဲ့ “ကြွက်ထောင်ချောက်”။

မြင်တာနဲ့တင် ကြွက်ထောင်ချောက် မောင်းပြုတ်ပြီး ဂျိုင်းခနဲ ရိုက်တဲ့အသံကို သူ့စိတ်က ကြားလိုက်မိတယ်။ သံကိုင်းတံနဲ့ ခွေးသွားစိပ် ကြားမှာ ညပ်ပြီး သေနေမယ့် သူ့ရုပ်ပုံကိုလည်း မြင်ယောင်ပြီး ကြက်သီးမွှေးညင်း ထသွားတယ်။ ဒုက္ခပဲ၊ ဒီလူတွေ ရက်ရက်စက်စက် လုပ်တော့မယ်။ အားလုံးကို သတိပေးထားမှပဲ ဆိုပြီး ကြွက်က ခြံထဲ လျှောက်ပြေးပြီး အော်တယ်။ “အိမ်ထဲမှာ ကြွက်ထောင်ချောက် တစ်ခု ရောက်နေပြီ၊ အားလုံး သတိထားကြ၊ အိမ်ထဲမှာ ကြွက်ထောင်ချောက် ရောက်နေပြီ”

အဲဒီလို အော်ရင်း ကြက်မနား ရောက်တော့ ပါစပ်က တကွပ်ကွပ် မြည်ရင်း ဖုန်ထဲ သဲထဲမှာ စားစရာ ယက်ပြီး ရှာနေတဲ့ ကြက်မက၊ “ဒီလောက်တောင် အော်မနေနဲ့ ကိုကြွက်ရယ်၊ ရှင့်အတွက်တော့ စိုးရိမ်စရာ ဖြစ်တာ မှန်ပါတယ်။ ဒါပေမယ့် ကျွန်မနဲ့က ဆိုင်မှ မဆိုင်တာ၊ ဘာကို သတိထားရမှာလဲ” လို့ ဆိုတယ်။

ကြွက်က ဝက်ခြံနား သွားပြီ ဝက်ကို ပြောပြန်တော့ ဝက်က - “ငါ မင်းအတွက် စိတ်မကောင်းပါဘူး၊ ဖိုးရွှေကြွက်ရာ၊ ဒါပေမယ့် ဒီကိစ္စက ငါတတ်နိုင်တဲ့ ကိစ္စ မဟုတ်ဘူး၊ အလွန်ဆုံး ဘုရားမှာ ဆုတောင်းရုံ လောက်ပဲ တတ်နိုင်တယ်၊ ညဘက် ဘုရား ရှိခိုးတဲ့အခါ မင်းအတွက် ထည့်ပြီး ဆုတောင်း ပေးပါ့မယ်ကွာ” လို့ ချွေးသိပ်တယ်။

ခြံထဲမှာ နွားတစ်ကောင်လည်း ရှိသေးတော့ ကြွက်က သူ့ဆီသွားပြီး ပြောပြန်တယ်။ နွားကျတော့ သူ့ကို ဟားတောင် ဟားလွှတ်သေးတယ်။ “ဟ ၊ ငကြွက်ရ အိမ်ထဲမှာ ကြွက်ထောင်ချောက် ဟုတ်လား၊ ဒါဆို ငါ့အတွက် အန္တရာယ်ပဲ၊ ခြေမညှပ်မိရင် ငါသေပြီ၊ ဟား ဟား” တဲ့။

ကြွက် အတော် ခံရခက်ပြီး ပြန်လှည့်လာတယ်။ သူက အိမ်ထဲမှာ နေတဲ့သူ၊ အိမ်ဆီပဲ ပြန်ရမယ်။ ထောင်ချက်ကိစ္စ ဘယ်သူကမှ တွေးမပူ၊ သူတို့ အရေးလို့ မယူဆ၊ ကိုယ် တစ်ယောက်တည်း ပူနေတာ ဆိုတော့ ကိုယ်ပဲ သတိထားရမယ်။ တကယ်တော့ နာမည်ကိုနှိုက်ကလည်း ကြွက်ထောင်ချောက် မဟုတ်လား။ အဲဒီ ထောင်ချောက်မှာ တပ်ထားမယ့် အနံ့ကလည်း မွှေး၊ အရသာလည်း ရှိပြီး ကြွက်မှန်သမျှ သွားရည် တများများ ကျစေမယ့် အစာကို အနားသားလေးတောင် ဖဲ့ မစားမိအောင် ဝေးဝေးက ရှောင်ရမယ်။ ပြေးရင်းလွှားရင်း မတော်တဆ တိုက်မိတယ် ဆိုတာမျိုး မဖြစ်အောင်လည်း အထူး သတိပြုမယ်။ အဲသလိုတွေ ကိုယ့်ကိုယ်ကိုယ် သတိပေးပြီး အိမ်ထဲကို သတိဝီရိယ ကြီးစွာနဲ့ ပြန်ဝင်လာခဲ့တယ်။

အဲဒီည သန်းကောင်ယံမှာပဲ ကြွက်ထောင်ချောက် မောင်းပြုတ်တဲ့အသံ ကျယ်လောင်စွာ ပေါက်ထွက်လာပြီး ကတည်းက သတ္တဝါတွေ အားလုံး လန့်နိုးကြတယ်။ “ဖိုးရွှေကြွက် တစ်ကောင်တော့ သွားရှာပေါ့” လို့ ဝက်က ဆိုတော့ ကြက်မက “စိတ်မကောင်းဘူး၊ ဒီလောက် မြန်မြန်ကြီး ဖြစ်လိမ့်မယ် မထင်လို့” မနက်က သူ မစာမနာ ပြောလိုက်မိတာ ပြန်တွေးပြီး အားနာနေတယ်။

နွားကြီးကတော့ “စောစော သေတော့လည်း ကြောက်ရတဲ့ဒုက္ခ စောစော ငြိမ်းတာပေါ့ကွာ” တဲ့။ ကိုယ်သေတာ မဟုတ်တော့ သူက ပေါ့ပေါ့ဆဆ ပြောတယ်။ အမှန်တော့ ကြွက်လည်း သေသွားတာတော့ မဟုတ်ဘူး။ ထောင်ချောက်မိတာ သူမှ မဟုတ်တာ။ ဂျိုင်းခနဲ မြည်သံကြားတော့ သူလည်း သူကိုယ်တိုင် မိသလောက် လန့်သွားတာ။ နောက်တော့မှ ငါမဟုတ်ဘူး။ ဘယ်သူများပါလိမ့် ဆိုပြီး ထချောင်းကြည့်တော့ မြွေတစ်ကောင်။

မြွေက ကြွက်ထောင်ချောက် ဆိုတာ ဘာလုပ်တတ်မှန်း မသိတော့ ကြွက်စာ အနံ့မွှေးမွှေးကို သူ့အစာ အောက်မေ့ပြီး သွားခဲတာ။ မောင်းတံရိုက်တဲ့အချိန် ဘယ်လိုဘယ်လို လုပ်လိုက်မှန်း မသိ၊ ခေါင်းပိုင်းကို မထိဘဲ အမြီးပိုင်းက ညပ်နေတယ်။
ြကြွက်က တုန်တုန်ယင်ယင်နဲ့ ကြည့်နေတုန်း မီးအိမ်လေး မှိန်မှိန်နဲ့ အိမ်ရှင်မ ထွက်လာတာ မြင်ရတယ်။ မိန်းမက အိပ်ချင်မူးတူးနဲ့ ကြွက်ထောင်ချောက်ကို သွားဆွဲတဲ့အခါ မြွေက လှမ်းပေါက်လိုက်တယ်။ အဲဒီအခါ အလန့်တကြား ထအော်တော့ လယ်သမား ပြေးလိုက်လာတယ်။ မီးအိမ် ပိုလင်းအောင် မီးစာမြှင့်ကြည့် လိုက်တော့ သူ့မိန်းမကို ကိုက်ပြီးတဲ့နောက် ပါးပျဉ်းထောင်နေသေးတဲ့ မြွေကိုမြင်ပြီး နီးရာ တုတ်တစ်ချောင်းနဲ့ လက်မြန်ခြေမြန် ကောက်ရိုက်လိုက်တာ ပွဲချင်းပြီး သေသွားတယ်။

အဲဒီမြွေက အတော် အဆိပ်ပြင်းတဲ့ မြွေမျိုး ဖြစ်နေတယ်။ လယ်သမား အတော် ခေါင်းနားပန်း ကြီးသွားတယ်။ အဲဒါနဲ့ အိမ်နီးနားချင်းတွေ လှမ်းခေါ်ပြီး ညကြီးမင်းကြီးပဲ ဆရာဝန် သွားပင့်ပေးဖို့ အကူညီ တောင်းတယ်။ မနက်မလင်းခင် ဆရာဝန် ရောက်လာပြီး သူ့ရှိသမျှ ဆေးဝါးနဲ့ ကုသပြီး ပြန်သွားတယ်။ နောက်နေ့မှာ အိမ်ရှင်မက မြွေဆိပ်အရှိန်နဲ့ ဖျားပြီး ညည်းနေတယ်။ တစ်နေ့လုံး ကိုယ်လက်တွေ ကိုက်ခဲပြီး ပါးစပ်ကလည်း ဘာမှ မစားချင် ဖြစ်နေတယ်။ အဲဒါနဲ့ အစာမဝင်ရင် ကိုယ်ခံအား နည်းမယ်။ အဲဒါဆိုရင် မြွေဆိပ်ဒဏ် ပိုမခံ ဖြစ်မယ်ဆိုပြီး အားရှိသွားအောင် ကြက်စွပ်ပြုတ် ကျွေးပါလို့ ဝိုင်းဝန်း အကြံပေးကြတော့ လယ်သမားက သူမွေးထားတဲ့ တစ်ကောင်တည်းသော ကြက်မကို သတ်ပြီး မိန်းမအတွက် ကြက်သားစွပ်ပြုတ် လုပ်တယ်။ ဆရာဝန်က နောက်နေ့တွေလည်း ဆက်ပြီး လာကြည့် ပါတယ်။ ဒါပေမယ့် လူနာက မသက်သာဘူး။ အဆိပ်က အတော်ပြင်းတာကိုး။

လယ်သမားမယား မြွေကိုက်ခံရတဲ့ အကြောင်း ကြားရတော့ ဆွေမျိုး မိတ်သင်္ဂဟတွေ လူမမာသတင်း လာမေးကြတယ်။ တချို့က ခပ်ဝေးဝေး ရွာတွေက လာရတော့ ချက်ချင်း မပြန်နိုင်ကြဘူး။ တစ်ညလောက် အိပ်ပြီး စောင့်ကြည့်ကြတယ်။ လူမမာ အခြေအနေ မကောင်းတော့ သားချင်း တချို့လည်း အနီးကပ် ပြုစုလို့ရအောင် ဆိုပြီး အိမ်မပြန်ကြတော့ဘူး။

အဲဒီတော့ အိမ်ရှင် လယ်သမားမှာ ဧည့်ခံဖို့၊ ကျွေးမွေးဖို့ လိုပြန်တာပေါ့။ အဲဒီအတွက် ဝယ်ဖို့ခြမ်းဖို့ လိုပြန်တာပေါ့။ ဒီအတွက် ဝယ်ဖို့ ခြမ်းဖို့ရော၊ ဆရာဝန် ပေးဖို့ပါ ငွေကြေးက လိုနေတာ ဆိုတော့ အိမ်မှာရှိတဲ့ ဝက်ကိုသတ်ပြီး အိမ်မှာစားဖို့ အသားတချို့ယူ၊ ကျန်တာကို ရွာထဲလျှောက်ရောင်း ခိုင်းလိုက်ရတယ်။

ဆရာဝန်ရော အရပ်ကပါ ဝိုင်းပြီး ပြုစု စောင့်ရှောက်ကြပေမယ့် လယ်သမားမယားဟာ ပြန်နာလန် ထူမလာဘူး။ မြွေကိုက်တဲ့ ဒဏ်နဲ့ပဲ အသက်ဆုံးသွားခဲ့တယ်။

အသုဘချ၊ ရက်လည် ဆွမ်းကျွေးတဲ့အခါ လယ်သမားမှာ နွားတစ်ကောင်တည်း ရှိတာဆိုတော့ အဲဒီနွားကြီးပဲ သတ်ပြီး မိန်းမအတွက် အလှူ လုပ်လိုက်ရတယ်။

ရက်ပိုင်းအတွင်း ဆက်တိုက် ဖြစ်သွားခဲ့တဲ့ အဲဒီ အခြင်းအရာတွေကို မျက်ဝါးထင်ထင် မြင်လိုက်ရတဲ့ ကြွက်ဟာ အကြီးအကျယ် ထိတ်လန့် အံ့ဩသလို ကြွက်ထောင်ချောက်ဟာ ဘယ်သူ့အတွက်လဲ ဆိုတာကိုလည်း စဉ်းစား မရနိုင်အောင် ဖြစ်နေတယ်။

ဘာပဲဖြစ်ဖြစ် သူတစ်ယောက်တည်း ကြောက်နေတုန်းက ကိုယ်နှင့် မဆိုင်သလို နေခဲ့ကြတဲ့ ကြက်၊ ဝက်၊ နွား အပါအဝင် သတ္တဝါ ၅ ဦး အသက်ဆုံးရှုံး သွားပြီးတဲ့နောက်မှာ သူကတော့ ကြွက်ထောင်ချောက်ကို အရင်ကထက်ပိုပြီး အကြောက်ကြီး ကြောက်သွားခဲ့တယ်။.....

👉@@ #ဆိုလိုသည်မှာ အရာရာဟာ ငါနဲ့ မဆိုင်ဘူး
ကိုယ့်မိသားစု ထမင်းဝဝစားရရင် ပြီးရော
ကိုယ့်ရဲ့ တိုင်းရေးပြည်ရာ| ကိုယ့်ရဲ့ မြို့ရေးမြို့ရာ|
ကိုယ့် ရပ်ရေးရပ်ရွာ ဟာ ငါနဲ့မဆိုင်ဘူး ငါနဲ့ မဆိုင်ဘူးဆိုပြီး မေ့မေ့ပျောက်ပျောက်နေခဲ့ရင်
မြန်မာလူမျိုးအတွက် ရရှိမဲ့ ရလဒ်ဟာ
မတွေးရဲစရာပါ။ တဖြေးဖြေးနဲ့ တိုင်းပြည်ဟာ
တစတစနဲ့ လုံးပါးပါးနေပြီဆိုတာ သတိထားစေချင်သောစေတနာဖြင့်…………

(ကြွက် ထောင် ချောက်)

credit #ဖေမြင့်

13/03/2020

Never Giveup 👍👍👍

11/03/2020

11/03/2020

အောင်မြင်ချင်ရင် ပုရွက်ဆိတ် လိုတွေးရမယ်
Ant Philosophy အကြောင်းနန်းဖတ်ဖူးပါတယ်
ပုရွတ်ဆိတ်တွေက ဖြစ်ပေါ်လာတဲ့ပြဿနာကိုဖြေရှင်းတဲ့ချိန်မှာ အဓိကနည်းလမ်း (2) ခုရှိတယ်
နံပါတ် (1) တစ်ခုက
Think Winter All Summer တဲ့
“နွေရာသီမှာ ဆောင်းရာသီကိုအမြဲသိတိရတယ်”
“ပြဿနာက ဘယ်ချိန်မှာဖြစ်လာမလဲဆိုတာမသိလို့ပါ”
နန်းတို့ဘဝမှာ ပုရွတ်ဆိတ်ကိုတွေ့ရင် သူတို့က အစာတွေသယ်ရင်သယ်ထားမယ်
သို့မဟုတ် အစာတွေရှိတဲ့နေရာကို ချီတက်သွားရင်သွားနေတာကိုတွေ့ရတယ်
သူတို့တွေက အစာမရှာပဲနားနေတယ်ဆိုလို့မရှိပါဘူး
နွေရာသီမှာ အစာရှာတဲ့အလုပ်ကို အသားကုန်လုပ်တတ်ပြီး အစာတွေကိုသိုလှောင်ထားတတ်တယ်
သူတို့ရဲ့အတွေးထဲမှာ နွေရာသီဆိုတာ ဘယ်လိုပဲဖြစ်ဖြစ်ကျော်သွားမှာပဲ
နွေရာသီပြီးရင် ဆောင်းရာသီကရောက်လာမယ်လို့ သူတို့ကောင်းကောင်းနားလည်ပါတယ်
ဆောင်းရာသီရောက်လာတာပဲဖြစ်ဖြစ်
သို့မဟုတ် ရုတ်တရက်မုန်တိုင်းဝင်ရင် သူတို့အစာရှာထွက်လို့မရဘူးလို့ သူတို့တွေးတယ်
ဒါကြောင့် ရာသီဥတုဘယ်လိုပဲပြောင်းလဲပါစေ
သူတို့စုဆောင်းထားတဲ့အစာတွေကြောင့် သူတို့အသက်ရှင်ဖို့စိတ်ပူစရာမလိုတော့ပါဘူး
ဒါကြောင့်
“အကောင်းဆုံးအခြေအနေမှာ မထင်မှတ်တဲ့အဆိုးဆုံးအခြေအနေအတွက်
အဆင်သင့်ဖြစ်အောင် အမြဲပြင်ဆင်ပါ”
နံပါတ် (2) အချက်က
Think Summer All Winter ပါပဲ
“ဆောင်းရာသီမှာ နွေရာသီကိုသတိရပါ”
အခွင့်အရေးကို အမြဲတမ်းစောင့်မျှော်နေတယ်
ဆောင်းရာသီမှာပဲဖြစ်စေ ၊ အကယ်၍ ရာသီဥတုက
ရုတ်တရက်ကောင်းလာပြီး နေကောင်းကောင်းထွက်တဲ့နေ့မှာ
ပုရွတ်ဆိတ်တွေက ချက်ချင်းအစာရှာထွက်တတ်ပါတယ်
သူတို့က အမြဲတမ်းအဆင်သင့်ဖြစ်အောင်ပြင်ဆင်တတ်ပါတယ်
အခွင့်အရေးကိုလက်လွှတ်ဆုံးရှုံးမှုမခံဘူး
ဒါကြောင့် ပုရွတ်ဆိတ်တွေက ဘယ်လောက်ဆိုးရွားတဲ့အခြေအနေမှာမဆို
အသက်ရှင်နိုင်တဲ့ သတ္တဝါဖြစ်ပါတယ်
နန်းတို့နဲ့ယှဉ်ကြည့်မယ်ဆိုရင်
အလုပ်တွေကောင်းတဲ့ချိန်၊ စီးပွားရေးကောင်းတဲ့ချိန်မှာ
များသောအားဖြင့် တခြားအခြေအနေကို မတွေးခဲ့ပါဘူး
ကောင်းနေတာပဲ ၊ အဆင်ပြေနေတာပဲ ဆိုပြီးတစ်ရက်ပြီးတစ်ရက် ကုန်ဆုံးသွားပါတယ်
ဒါပေမဲ့ တရက်ရက်မှာ မကောင်းတော့ရင်ကော
အခုအနီးဆုံး ဥပမာပြရမယ်ဆိုရင်
Virus တွေ , PM တွေကြောင့် မြန်မာနိုင်ငံမှာ အရမ်းအကျိုးသက်ရောက်မှုမရှိသေးပေမဲ့
တခြားနိုင်ငံတွေက အလုပ်တွေ၊ ကုမ္ဗဏီတွေ၊ ဆိုင်တွေ ပိတ်ကြရပါပြီ
ပုရွတ်ဆိတ်လိုတွေးပါ
အကယ်၍ သူများနိုင်ငံလိုမျိုးအဆိုးဆုံးအခြေအနေဖြစ်လာရင်
ကိုယ့်မိသားစုအဆင်ပြေအောင်ဘယ်လိုထားရမှာလဲ?
အပြင်မထွက်နိုင်ရင် Online နဲ့ကောဝင်ငွေရှာနိုင်လား?
ငါသာအလုပ်မသွားနိုင်ရင်၊ အပြင်ထွက်ခွင့်ပိတ်လိုက်ရင်?
င့ါစားသောက်ဆိုင်လေး ပိတ်ထားရရင် ?
နန်းက တွေးပြီးကြောက်ခိုင်းတာမဟုတ်ပါဘူး
တွေးပြီး ကြိုတင်ပြင်ဆင်စေချင်တာပါ
ပုရွက်ဆိတ်တွေလို ကြိုတင်ပြင်ဆင်ထားပါ
ဘာကိစ္စမှာပဲဖြစ်ဖြစ် သူများထက်အောင်မြင်ချင်ရင်တော့
သင်များထက်အဆင်သင့်ဖြစ်နေအောင် ကြိုတင်ပြင်ဆင်ထားရမှာပဲ
“Think Winter All Summer
Think Summer All Winter” ပါနော်
သာယာသောနေ့လေးဖြစ်ပါစေရှင့်
Nann Yu Yu Htwe
# https://www.facebook.com/nannyuyuhtwe

12/08/2019

လူတို႔၏ အျပင္းျပဆံုးစိတ္သည္ မိမိကိုယ္မိမိ
အထင္ႀကီးေသာစိတ္
ျဖစ္သည္။

12/08/2019

လူတို႔၏ အျပင္းျပဆံုး
စိတ္သည္ မိမိကိုယ္မိမိ
အထင္ႀကီးေသာ
စိတ္ျဖစ္သည္။

Business service