https://www.facebook.com/1733155163622122/

ရွှေဧကရီ လက်ဖက်ခြောက်

Name: ရွှေဧကရီ လက်ဖက်ခြောက်
Address: Maymyo, 02, MM
Telephone: +959953942787

Home
Myanmar
Maymyo
ရွှေဧကရီ လက်ဖက်ခြောက်

Green tea ရဲ့ သဘာဝအရသာစစ်စစ်

21/01/2026

ရွှေဧကရီ အဆင်မြင့် လက်ဖက်ခြောက်က
နမ့်ဖက်ကာဘက်က သဘာဝလက်ဖက်ရွက်တွေကိုအသုံးပြုပြီးထုတ်လုပ်ထားတာဖြစ်လို့
💯 Organic ဖြစ်ပါတယ်။

Chemical ပစ္စည်းများအသုံးမပြုထားခြင်းကြောင့် ယုံကြည်စိတ်ချစွာသောက်သုံးနိုင်ပါတယ်။
လက်ဖက်အရွက်ကိုစတင်အရွက်ခူးတဲ့အချိန်က
စပြီးအခြောက်လှန်းကာ ထုတ်ပိုးသည့်အထိ သန့်ရှင်းမှုကို အဓိကထားထုတ်လုပ်ထားတာ
ဖြစ်ပါတယ်။

ရွှေဧကရီ Green tea ရေနွေးကြမ်းသောက်လိုက်တိုင်းမှာ ခံတွင်းရှင်းစေပြီး လက်ဖက်ခြောက် အရသာကောင်းလေးစွဲကျန်နေစေမှာပါ။

🌿 ရွှေဧကရီ Green tea လက်ဖက်ခြောက်ကို
ရှမ်းပြည်နယ်ရှိ သဘာဝတောင်တန်းဒေသမှ ရွေးချယ်ရရှိတဲ့ အမျိုးစားကောင်းမွန်သော
လက်ဖက်ညွှန့်များကို ရိုးရာနည်းနဲ့
ပြုလုပ်ထားတာဖြစ်ပါတယ်။

✨ ထူးခြားချက်တွေကတော့ ✨

✔️ ဓာတုဆေးဝါးသုံးစွဲမှုကင်းဝေးပြီး
100% သဘာဝ ဖြစ်တဲ့အတွက် ဘေးကင်းခြင်း။
✔️ ခါးသက်သက်အရသာရှိပြီး နှစ်ခြိုက်ဖွယ် လက်ဖက်ရနံ့အရသာဖြင့်ထုံမွှေးပျံ့ခြင်း။
✔️ စိတ်ကိုကြည်လင်လန်းဆန်းစေပြီး
ကျန်းမာရေးအတွက်ကောင်းမွန်စေခြင်းတို့
ဖြစ်ပါတယ်။

#ရေနွေကြမ်းအရသာပိုမိုကောင်းဖို့
Green tea ရဲ့ အရသာကောင်းအတွက်
Ph7 အဆင့်ရှိသော ရေသန့်ဖြင့်
ရေနွေးကြိုချက်ပြီး သောက်သုံးပါက
ပိုမိုထူးကဲသော အရသာကို ရရှိစေနိုင်မှာပါ။

တဘူး = ၄၀၀၀ ကျပ်၊
(Royal ရောက်သည့်မြို့တိုင်း
ပို့ပေးပါသည်။)
ရွှေဧကရီ Green tea
နမ့်ဖတ်ကာလက်ဖက်ခြောက်
ရွာလယ်လမ်းမကြီး၊
၈လမ်းနှင့် ၉ လမ်းကြား
လက်ပံကုန်းကျေးရွာ
ပြင်ဦးလွင်မြို့။
09-792011968

#နမ့်ဖတ်ကာလက်ဖက်ခြောက်
#ရွှေဧကရီလက်ဖက်ခြောက်

25/09/2023

လယ်ယာမြေ"
ကိုရဲရဲသာဝယ်ပါ။

▪လယ်မြေ/လယ်ယာမြေတို့ကို ဝယ်လိုလျှင်
ရဲရဲသာ ဝယ်ပါ။ ဝယ်ပိုင်ခွင့်ရှိနေပါပြီ။
▪စည်းကမ်း အရတော့ "လယ်မြေ" ဝယ်ရင် လယ်စိုက်ရပါ့မယ်။ ယာမြေ ဝယ်ရင် "ယာ"စိုက်ရမည်ဖြစ်ပါသည်။
▪အဲဒီလို မစိုက်ချင်ရင်၊ မြေအမျိုးစား ပြောင်းခွင့် တင်လို့ရပါတယ်။ လယ်ယာမြေ ဥပဒေ သစ် ရဲ့ အပိုဒ်(၃၀)
အရပေါ့ (အဟောင်း လ/န ၃၉ လိုပါပဲ)
▪လ/န ၃၉ ဆိုသည်မှာ လယ်ယာမြေကို မြို့မြေ(သို့)
လူနေမြေ အဖြစ်သို့ မြေအမျိုးစား ပြောင်းလဲသတ်မှတ်နိုင်သည့် ပုဒ်မပါ။
▪ပုဒ်မ -၃၈ နှင့် ၃၉ တို့အရ မည်သည့် "လယ်ယာမြေ"ကိုမဆို သင့်တော်သောနည်းလမ်း ၏အတိုင်း မြေအမျိုးစား ပြောင်းလဲ သတ်မှတ်နိုင်ပါသည်။
▪ယခုချိန်မှာ လယ်ယာမြေ ဥပဒေသစ်(၂၀၁၂)မှာက လ/န ဥပဒေ ထက်တော့ ပိုပြီး ပြည်စုံပါသည်။
▪"အခြားနည်းအသုံးပြု' လို့ခေါ်ဝေါ်တဲ့ (ပုဒ်မ-၃၀(က)(ခ)) ကိုပြောင်းလဲသတ်မှတ်အပြီး "လယ်မြေ' တွေကို (လူနေမြေ) အဖြစ်ပြောင်းလဲ လျှောက်ထားပိုင်ခွင့်၊ ရောင်း၊ ပေါင်၊ငှား၊လဲ ခွင့်နှင့် ဂရံ မြေအထိ အဆင့်ဆင့်
ပြောင်းလဲလျှောက်နိုင်ခွင့် ရမည်ဖြစ်သည်။ ယခုလို လျှောက်ထားနိုင်ရန်အတွက် နည်းဥပဒေ ရဲ့ "ပုံစံ-၁၄' ကို
သက်ဆိုင်ရာမြို့နယ် မြေစာရင်းရုံးတွေမှာ ဝယ်လို့ရပါသည်။

▪ပထမဦးဆုံး အနေနဲ့ ကိုယ်ဝယ်ယူမယ့် "လယ်မြေ' ရဲ့
ပုံစံ(၇)ကို မြေစာရင်းဦးစီးဌာနမှာ မှန်/မမှန် အရင်စစ်ဆေးဖို့ လိုပါသည်။ မူရင်း ပုံစံ(၇) ကိုမြင်တွေ့ပြီး စရံငွေပေးပြီး ရပ်ကျေး ဥဏ္ဍဌ နှင့်ညှိနှိုင်းပါ။

▪လယ်မြေ အား ငွေအပြေ ပေးချေတော့မည် ဆိုလျှင်-
၁။ အရောင်းဝယ်ပြုလုပ်ရန် အတွက် ထုတ်ယူထားသော ပုံစံ-၁၀၅ တောင်းပါ။
၂။ ပုံစံ-၁၀၅ မှ ပိုင်ရှင်က ဝယ်ယူသူသို့ လွှဲ ပေးသော
SP လည်း ရရှိပါစေ။
၃။ ထို့အပြင် ပုံစံ(၇)မူရင်းလည်း ယူရပါရမည်။
၄။ အထက်ပါအကြောင်းရာများအား စီစစ်ဝယ်ယူပြီးလျှင် "တံဆိပ်ခေါင်းခွန်' နှင့်"မှတ်ပုံတင်ကြေး' တို့ပေးဆောင်၍ မြို့နယ်မြေစာရင်းမှာ မှတ်ပုံတင်စာချုပ်ချုပ်ဆိုပါ။ ၄င်းစာချုပ်ချုပ်ဆိုပြီးပါက မိမိဝယ်ယူထားသော
"လယ်မြေ' ကွက်ကို ကိုယ့်အမည်(ဝယ်ယူသူအမည်) ပြောင်း ၍ ရပါပြီ။

▪ထိုနည်းတူ "လယ်ယာမြေ'မှ လူနေမြေ သို့ လျှောက်မည်ဆိုပါက ပုံစံ-၁၄. ဝယ်ယူအပြီး မြို့နယ် မြေစာရင်းသို့ ပုံစံ-၁၀၆ အား လိုအပ်ပါက လျှောက်ထားရမည်။
▪ အဆင့်မများပါ။ လွယ်ကူ ရိုးရှင်းပါသည်။

ဒါလေးထပ်ဖတ်ဖို့လည်း မမေ့ပါနဲ့ လယ်မြေပဲဝယ်ဝယ်၊ လယ်ယာမြေပဲ ဝယ်ဝယ် အဆင့် (၁၀) ဆင့် မဖြစ်မ ေနလုပ်ေဆာင်ပါ
▪ယခုချိန် မြေကွက်အား ရေရှည်စီမံကိန်းဖြင့် ရင်းနှီးမြုပ်နှံရန် အစီစဥ်ရှိသော မည်သူမဆို ငွေနည်းနည်းပေးပြီး မိမိပြန်ရောင်းထုတ်ချိန် စျေးကောင်းကောင်းပြန် ဖို့ရန်အတွက် လယ်မြေ များသည် အထူးစဥ်းစားရမည့် အချက်များထဲ ပါဝင်နေပါသည်။
▪အချက်ချာကျ ပြီး အရပ်လေးမျက်နှာ၌ စီမံကိန်းများ တဖြည်းဖြည်းနဲ့ တိုးတက်လာ၍ အစိုးရ ရာပြည့် Plan များ အရှိန်တင်နေသော နေရာအနီးနား လယ်မြေ များသည် နောင်တစ်ချိန်မှာ "ရွှေ' ဖြစ်လာမည်ဟု အကြံပြုရင်း။

လေးစားစွာဖြင့်🙏
Crd

18/09/2023

"ကမ္မဝါအစွမ်း အံမခန်း"

ဘ ဒ္ဒ န္တ ပ ညိ န္ဒာ ဘိဝံသ

❪မစိုးရိမ်တိုက်သစ်❫

အခု ဒကာမကြီးတို့ အသစ်ဝယ်လိုက်တဲ့

မိမိပိုင်ဆိုင်တဲ့ မြေကို

မြေသန့်မင်္ဂလာလုပ်တယ်၊

မြေသန့်မင်္ဂလာလုပ်တယ် ဆိုတော့

မြေက မသန့်လို့လားဆိုတော့

သန့်ရင်လည်း သန့်မှာပေါ့၊

မသန့်ရင်လည်း မသန့်ဘူး၊

ဒါ သေချာပေါက်တော့

မပြောနိုင်ဘူးပေါ့ ဟုတ်လား၊

မသန့်ဘူးဆိုရင် ဒါ သန့်ပြီးသားဖြစ်သွားရော။

အဲဒီတော့ မြေကို သန့်အောင်လုပ်တဲ့အခါ

အပေါ်ယံရှိတဲ့ အညစ်အကြေးကတော့

ရေဆေးရင် ပြောင်တာပဲ ဟုတ်လား၊

သို့သော်လည်း ရေဆေးလို့ မပြောင်တဲ့

အညစ်အကြေးတွေ ရှိတယ်၊

ရေဆေးလို့ မပြောင်တဲ့ အညစ်အကြေးက

အပေါ်ယံလည်း ရှိတယ်၊

ဟို မြေကြီးထဲလည်း ရှိတယ်၊

အတောင် ၂၀၊ ၃၀-လောက်အထိ ရှိတယ်။

ဘာအညစ်အကြေးလဲလို့

ကျမ်းဂန်များမှာ

လေ့လာကြည့်တဲ့အခါကျတော့

လောကီကျမ်းမှာကော

ပိဋကတ်စာပေမှာကော

ယခုခေတ် နားလည်အောင် ပြောမယ်ဆိုရင်

တချို့ သပိတ်ကွဲ နဲ့ အင်းချတယ်ဆိုတာ

ရှိတယ်မဟုတ်လား၊

သူများကို မနာလိုတဲ့အခါမှာ

စီးပွားပျက်အောင်

ရောဂါဝေဒနာတွေ ထူအောင်

အဲဒီလိုလောကီပညာနဲ့ အင်းအိုင်တွေချပြီး

မြေကြီးထဲ လာမြှုပ်တယ်၊

ဒါမျိုးတွေ ရှိတတ်တယ်လေ။

အဲဒါမျိုးအညစ်အကြေးကျ

ရေနဲ့ဆေးလို့ မရဘူး ဟုတ်လား၊

ရေနဲ့ဆေးလို့ မရဘူးဆိုတော့

လောကီပညာအစွမ်းက

ဘယ်လောက်ရှိသလဲဆိုတဲ့အခါကျတော့

ဒီပိဋကတ်တော်မှာပဲ

လေ့လာကြည့်တဲ့အခါကျတော့

မကောင်းကျိုးတွေ ဘာတွေ

ပေးအောင် လုပ်နိုင်တဲ့ ပညာတွေကို

နည်းနည်းကြည့်လိုက်တဲ့အခါကျတော့

သူတို့နည်းပညာနဲ့ နှောက်ယှက်ထားရင်

အတောင် ၃၀-လောက်အတွင်းထိ

သူတို့ပညာက ရောက်တယ်။

အဲဒီအတောင် ၃၀-လောက်အတွင်းမှာ

မကောင်းကျိုးဖြစ်အောင်

လောကီနည်းတွေ ဘာတွေ နဲ့

စီမံတဲ့ အတတ်ပညာတွေဆိုတာ

လောကမှာ ရှိတယ်၊

ဒီခေတ် အဲဒီလိုပညာတွေ

တတ်သလား မတတ်သလားတော့

မသိဘူးပေါ့၊ တတ်ရင်လည်း တတ်မှာပေါ့၊

ဒါပေမဲ့ ပိဋကတ်စာပေမှာ

အဲဒါလေးတွေ တွေ့ရတယ်။

တကယ်လို့ အဲဒီလို အင်းအိုင်စသည်

မန္တန်တွေနဲ့ သူများဒုက္ခရောက်အောင်

စီးပွားပျက်အောင်

မကောင်းကျိုးဖြစ်အောင် ရှိတယ်

မြှုပ်နှံထားတယ်ဆိုရင်

အဲဒါမျိုးကို ဦးဇင်းတို့ ခုနက ဖတ်လိုက်တဲ့

ကမ္မဝါက သိမ်နုတ်တဲ့ကမ္မဝါခေါ်တယ်။

အဲဒီကမ္မဝါနဲ့ တားဆီးတာ၊

အဲဒီကမ္မဝါရဲ့ စွမ်းအားက

ဘယ်လောက်ရှိသလဲလို့ မေးရင်

သိမ်နုတ်တဲ့ ကမ္မဝါကို မပြောခင်

သိမ်သမုတ်တဲ့ ကမ္မဝါကို အရင်ပြောမယ်။

မြေကြီးတစ်ခုကို သိမ်ဖြစ်အောင်

သမုတ်လိုက်မယ်ဆိုရင် သိမ်သမုတ်တဲ့

ကမ္မဝါဆိုတာ ရှိတယ်၊

အဲဒီကမ္မဝါရွတ်လိုက်မယ်ဆိုရင်

မရွတ်ခင် ကိုယ်လိုချင်တဲ့

အမှတ်အသားအတိုင်း

နိမိတ်တိုင်တွေချတာပေါ့၊

သိမ်တွေမှာ သိမ်နိမိတ်ဆိုတာ

တွေ့ဖူးတယ်မဟုတ်လား၊

အဲဒီနိမိတ်တိုင်လေးချပြီးတော့မှ

အဲဒီအတွင်းကနေ သံဃာတော်အရှင်မြတ်

အနည်းဆုံး ၄-ပါးလောက်၊

၄-ပါးအထက် များချင်သလောက်များပေါ့၊

၄-ပါးအောက် လျော့ရင်တော့ မရဘူးပေါ့။

၄-ပါးလောက်အနည်းဆုံးပင့်ပြီးတော့

အဲဒီသံဃာတော်တွေကနေပြီး

သိမ်သမုတ်တဲ့ ကမ္မဝါကို

ရွတ်ဖတ်လိုက်မယ်ဆိုရင်

အဲဒီနိမိတ်အတွင်းလေးက

သိမ်ဖြစ်သွားတယ်၊

အဲဒီသိမ်က ဘုရားရှင်ရဲ့ အာဏာစက်က

ဘယ်အထိရောက်လဲဆိုရင်

လောလောဆယ် လူတွေနေတဲ့

မဟာပထဝီမြေကြီးဆိုတာ ရှိတယ်၊

အဲဒီ မဟာပထဝီမြေကြီးရဲ့ အောက်မှာ

မဟာပထဝီမြေကြီးကတော့

၂၄၀,၀၀၀-အထုရှိတယ်၊

ယူဇနာပေါင်း သူက နော်။

၁-ယူဇနာကို မိုင်အားဖြင့်ပြောရင် ပျမ်းမျှပေါ့၊

ဝါဒတွေကတော့ ၃-မျိုးလောက်ရှိတယ်၊

အဲဒီထဲက

ပျမ်းမျှအားဖြင့် ၈-မိုင်ရှိတယ်ဆိုကြပါစို့၊

၁-ယူဇနာဆိုရင် ၈-မိုင်၊

ယူဇနာပေါင်း ၂၄၀,၀၀၀-ဆိုရင်

ဘယ်နှစ်မိုင်ရှိမလဲ၊

၈-နဲ့ မြှောက်ကြည့်ပေါ့ ဟုတ်လား၊

မြေကြီးရဲ့အထုက အဲဒီလောက်ရှိတယ်။

အဲဒီမြေကြီးအထုအောက်မှာ

ဒါ ဘုရားဟောပိဋကတ်အရပေါ့

မြေကြီးအထုအောက်မှာ

သူ့ထက် ၂-ဆအထုကြီးတဲ့

ရေပြင်ကြီးရှိတယ်၊ ရေခဲပြင်ကြီးပေါ့။

ခုနက ၂၄၀,၀၀၀-ဆိုတော့

၂၄၀,၀၀၀-ကို ၂-ဆမြှောက်လိုက်ရင်

ဘယ်လောက်ဖြစ်သွားမလဲ၊

၄၈၀,၀၀၀-ရှိတယ်။

အဲဒီမြေကြီးအောက်မှာ

ရေခဲပြင်ကြီးပမာဏက ၄၈၀,၀၀၀-ရှိတယ်၊

၂-ဆထူတယ်။

အဲဒီရေခဲပြင်ကြီးအောက်မှာ

လေထုဆိုတာရှိတယ်၊

အဲဒီလေနဲ့ တွန်းကန်ထားတာ၊

အောက်မှာ အောက်အာကာသ၊

ဒါက အထက်အာကာသခေါ်တယ်။

အဲဒီအောက်မှာ အောက်အာကာသက

လေတွေနဲ့ တွန်းကန်ထားတာ၊

အဲဒီလေထုကလည်း သူ့ထက် ၂-ဆဆိုတော့

တွက်ကြည့်ပေါ့၊

ခုနက ၄၈၀,၀၀၀-ဆိုရင်

၉၆၀,၀၀၀-ဖြစ်သွားမှာပေါ့ ဟုတ်လား။

အဲဒီတော့ မြေ၊ မြေအောက်မှာ

ရေ၊ ရေဆိုတာ ရေခဲပြင်ကြီးပေါ့၊

ရေအောက်မှာ လေဆိုတာ အောက်မှာရှိတယ်။

အဲဒီလို မြေ, ရေ, လေလို့ ရှိတဲ့အနက်

ဘုရားရှင်ရဲ့ သိမ်သမုတ်တဲ့

ကမ္မဝါနဲ့ ရွတ်လိုက်မယ်ဆိုရင်

အဲဒီကမ္မဝါရဲ့ အာနိသင်က

မြေထုအကုန်ထိရောက်တယ်၊

သက်ရောက်သွားတယ်ပေါ့။

မြေထုအကုန်ဆိုတာ

ယူဇနာပေါင်း ၂၄၀,၀၀၀ ဟုတ်လား၊

လောကီပညာတွေက

အဲဒီလောက် မသက်ရောက်ဘူး၊

လောကီပညာတွေထဲက

ခုနက အတောင် ၈၀-လောက်ဆိုတော့

၁-ယူဇနာတောင် မသက်ရောက်နိုင်ဘူး၊

အဲဒီဘုရားရှင်ရဲ့ အာဏာစက်ကမ္မဝါကို

ရွတ်ဖတ်လိုက်ရင် အာဏာက

ဘယ်ထိသက်ရောက်လဲဆိုရင်

"ဥဒကပရိယန္တံ ကတွာ"တဲ့၊ မြေအဆုံးထိပေါ့၊

ရေထုနားအထိ ရောက်တယ်တဲ့၊

အဲဒါ သိမ်သမုတ်တဲ့ ကမ္မဝါရဲ့ စွမ်းအား၊

မြေကြီးထဲ အဲဒီလောက်ထိ သူက သွားတယ်၊

အာဏာစက်ပေါ့။

အဲဒီသိမ်ကို ပြန်ဖျက်မယ်ဆိုရင်လည်း

မြတ်စွာဘုရားက သိမ်နုတ်တဲ့ ကမ္မဝါဆိုတာ

ထပ်ပြီးဟောထားတယ်၊

အဲဒီခုနက ယူဇနာ ၂၄၀,၀၀၀-လောက်

အာဏာသက်သွားတဲ့ သိမ်ကို ပြန်ဖျက်ရင်

စောစောတုန်းကရွတ်တဲ့

ကမ္မဝါနဲ့ ပြန်ဖျက်ရတယ်၊

အဲဒီကမ္မဝါရဲ့ အာနိသင်က

သိမ်ရှိရင် မူလရည်ရွယ်ချက်က

ဘုရားရှင်ကတော့ သိမ်အဟောင်းရှိရင်

ဖျက်ပစ်ရတယ်၊ ဘာဖြစ်လို့ဖျက်လဲဆိုရင်

ကျောင်းတွေမှာ သိမ်အသစ်

သမုတ်တော့မယ်ဆိုရင်

အဟောင်းပေါ်ကို သွားသမုတ်လို့ရင်

အဲဒီသိမ်က ပျက်သွားတယ်၊

သိမ်ပျက်ကြီးဖြစ်သွားတယ်၊

သိမ်ပျက်ကြီး မဖြစ်အောင်လို့

သိမ်အဟောင်းရှိခဲ့ရင် ပျက်သွားအောင်

အရင်ဆုံး သိမ်ဖျက်တဲ့ ကမ္မဝါ

သိမ်နုတ်တဲ့ ကမ္မဝါရွတ်ရတယ်၊

ပြီးမှ အသစ်ပြန်သမုတ်ရတယ်။

ကဲ ရှိပါစေတော့၊ အခုပြောချင်တာက

ဒီသိမ်ဖျက်တဲ့ကမ္မဝါ သိမ်နုတ်တဲ့ ကမ္မဝါနဲ့

ရွတ်လိုက်ရင် စောစောတုန်းက

ယူဇနာ ၂၄၀,၀၀၀-ရှိတဲ့ မြေထုတိုင်အောင်

သက်ရောက်တဲ့

သိမ်သမုတ်တဲ့ ကမ္မဝါတောင်

ပျောက်တယ်ဆိုရင်

ကျန်တဲ့ လောကီယန္တရားတွေ

မန္တန်တွေ အင်းအိုင်တွေနဲ့ ဖွဲ့ထားတဲ့

လောကီပညာလောက်ကတော့

ဒါ အပမွှားလေးပေါ့ ဟုတ်လား။

သူက အဲဒီလောက်ထိအောင်

သူတို့ပညာ မသက်ရောက်ဘူး၊

သူတို့ရောက်တာက ခုနက အတောင် ၃၀၊

အလွန်ဆုံး ၈၀-ပေါ့၊

အခုဟာက ယူဇနာ ၂၄၀,၀၀၀-အထိ

ရောက်တာ။

အဲဒါကြောင့် မြေသန့်တဲ့နေရာမှာ

ရှေးဆရာတော်တွေက မြေသန့်ကမ္မဝါလို့

သီးခြား ဘုရားဟောထားတာ မရှိဘူး၊

ဒီ သိမ်နုတ်တဲ့ ကမ္မဝါနဲ့ပဲ သန့်တယ်၊

သိမ်နုတ်တဲ့ ကမ္မဝါ

ဘယ်လောက်စွမ်းအားကြီးသလဲဆိုတာ

ခုနက ပြောပြီးသွားပြီလေ။

၂၄၀,၀၀၀-ရှိတဲ့ သိမ်သမုတ်တဲ့ ကမ္မဝါကို

ဒါနဲ့ ပြန်နုတ်ရတာ၊

ဘုရားဟောတဲ့ ကမ္မဝါကို

ဘုရားဟောတဲ့ ကမ္မဝါနဲ့ပဲ ပြန်နုတ်ရတာ။

အေး အဲဒီလောက်နက်တဲ့ အာနိသင်ရှိတဲ့

ကမ္မဝါကိုတောင် နုတ်နိုင်တယ်ဆိုရင်

ကျန်တဲ့ လောကီမန္တန် အင်းအိုင်တွေနဲ့

ဖွဲ့ထားတဲ့ အတတ်ပညာ

မကောင်းတဲ့ အတတ်ပညာတွေ

မပျောက်စရာ အကြောင်း မရှိဘူး နော်။

ဒါကြောင့် မြေသန့်လို့ရင်

ဦးဇင်းက အမြဲတမ်း

ဒီကမ္မဝါပဲ ဖတ်ခိုင်းတယ်၊

ဦးဇင်းကဆိုပေမဲ့

ရှေးဆရာတော်တွေ လုပ်တာပါ၊

နောက်ပိုင်းကျတော့ တချို့ကျတော့

အန္တရာယ်ကင်းတွေ ဘာတွေရွတ်တယ်၊

အန္တရာယ်ကင်းဆိုတာ

အဆောက်အဦးဆောက်ပြီးတဲ့အခါကျမှ

ရွတ်ရတယ် နော်၊

ဒီအချိန်ရွတ် ဘာဖြစ်လဲဆိုတော့

ဘာမှတော့ မဖြစ်ပါဘူး၊

ဒါပေမဲ့ သူ့နေရာနဲ့သူ

အံဝင်ခွင်ကျဖြစ်အောင် ပြောပြတာပေါ့

ဟုတ်လား။

အေး အခု အဲဒီကမ္မဝါနဲ့

ရွတ်ဖတ်သွားတဲ့အတွက်

ဒါ မြေသန့်ပြီလို့ မှတ်လိုက်ပေါ့ ဟုတ်လား၊

အထဲ'ထဲက မကောင်းတဲ့ အစီအမံတွေ

ရှိခဲ့သော် သန့်ပြီပေါ့ နော်၊

မရှိဘူးဆိုရင်လည်း သံသယကင်းတာပေါ့၊

ရှိတယ်ဆိုရင်လည်း သန့်ပြီပေါ့။

နောက်ပြီးတော့

ပရိတ်မေတ္တာ ရွတ်ဖတ်တယ်ဆိုတာကတော့

အပေါ်မှာရှိတဲ့ အန္တရာယ်တွေ ဘာတွေ

ကင်းအောင်ပေါ့၊

ခုနက မင်္ဂလသုတ်

ကျက်သရေမင်္ဂလာနဲ့ ပြည့်စုံအောင်၊

ရတနသုတ်ဆိုတာ ဝေသာလီပြည်မှာ

အမနုဿလို့ခေါ်တဲ့ ဘီလူးတွေ သရဲတွေ

ဘေးကြောင့် ဝေသာလီပြည်မှာ

ကပ်ရောဂါဆိုက်တာ။

အခုခေတ် ဝူဟန်လိုပေါ့ ဟုတ်လား၊

ဝူဟန်ထက် ဟိုက ဆိုးတယ်၊

တစ်မြို့လုံးသေတာ၊

အေး အဲဒါ အရှင်အာနန္ဒာကို မြတ်စွာဘုရားက

ပရိတ်သင်ပေးပြီး အရှင်အာနန္ဒာက

ညဉ့်သုံးယာမ်ပတ်လုံး တစ်ညလုံးဆိုကြပါစို့

အဲဒီတော့ ဝေသာလီပြည်မှာ

တံတိုင်းသုံးထပ်ရှိတယ်၊

အဲဒီတံတိုင်းသုံးထပ်အတွင်းမှာ

လှည့်ပတ်ပြီး ရွတ်တာ

အဲဒီအန္တရာယ်ကင်းအောင်၊ အခု အဲဒီ

ပရိတ်မျိုးလည်း ရွတ်ဖတ်ပြီးသွားပြီ။

နောက်ဆုံးကတော့

မေတ္တာပို့တဲ့ပရိတ် ဒါကတော့ သူကတော့

အရာဌာနတိုင်းမှာ လိုအပ်တဲ့ ပရိတ်ပေါ့၊

အဲဒါလည်း ရွတ်ပြီးသွားပြီ၊ အဲဒီတော့

ပရိတ်ကော ကမ္မဝါကော

ရွတ်ပြီးသွားပြီဆိုတော့ စုံပြီ၊

ပြီးတဲ့အခါကျမှ ဒီသဲတွေ ပတ်ဝန်းကျင်

လိုက်ဖျန်းလိုက်ပေါ့ နော်။

ကဲ အခု ရေစက်ချမယ်၊ ရေစက်ခွက်ပါလား၊

❴မပါ'ပါဘုရား❵ မပါလည်း ပါးစပ်က

လိုက်ဆိုရတယ် ဟုတ်လား၊ ❴မှန်ပါဘုရား❵

ရေစက်ချတယ်ဆိုတာ အမျှဝေတာ၊

ရေစက်ခွက် ပါ'ပါ မပါ'ပါ၊

#ဘ ဒ္ဒ န္တ ပ ညိ န္ဒာ ဘိဝံသ

❪မစိုးရိမ်တိုက်သစ်❫

22/11/2022

ဒီရက်ပိုင်း မြေကွက်ဝယ်ယူပြီး လက်လွတ်ဆုံးရှုံးရတဲ့ အဖြစ်အပျက်တွေ
အများကြီးသတင်းတက်လာတာစိတ်မကောင်းစရာတွေတွေ့ရပါတယ်။ဖယ်ရှားခံရမယ့်နေရာတွေအထိကွင်းဆင်းလေ့လာပြီးစစ်ဆေးခဲ့ပါတယ်။
မသိနားမလည်ပဲဝယ်မိသူတွေကို ဂရုဏာဒေါသနဲ့ အမုန်းခံပြောပြတဲ့ ပိုစ့်တွေလည်းတွေ့ရပါတယ်။
ဒီတော့ နောက်နောင်မမှားသင့်တာမမှားရလေအောင် စျေးနည်းနည်းများများ မြေကွက်ဝယ်မယ်ဆိုရင်မဖြစ်မနေ သေချာစစ်ဆေးသင့်တဲ့အချက်တွေကိုဖော်ပြပေးလိုက်ပါတယ်။

မြေကွက်ဝယ်မယ်ဆိုရင် ဒီအချက်တွေကို မဖြစ်မနေ သေချာစစ်ဆေးပါ

မိမိဝယ်မယ့်မြေဟာ လယ်ယာမြေဆိုလည်း အခြားနည်းသုံးစွဲခွင့် လန(လန၃၀)ကျပြီးသားမြေလား
အရင်ကြည့်ရမယ်

…အခြားနည်းသုံးစွဲခွင့် လန- ၃၀ ကျပြီးသားဆိုရင်….ဘာအတွက်ကျတာလည်း
၁။ သာသနမြေအတွက်လား
၂။ စက်ရုံမြေအတွက်လား
၃။ နှစ်ရှည်အတွက်လား
၄။ အိမ်ယာဆောက်လုပ်ခွင့် အတွက်လားဆိုတဲ့…အကြောင်းအရာတွေရှိပါတယ်အခြားနည်းသုံးစွဲခွင့်ရတိုင်း မြေကွက်ရိုက်ရောင်းပြီးဝယ်လို့မရပါဘူးပုံစံ ၁၀၅. ၁၀၆ ရှိရုံနဲ့မြေယာပိုင်ဆိုင်ကြောင်းအထောက်အထားမဟုတ်ပါဘူး.. မြေနယ်နမိတ်သက်မှတ်ချက်နဲ့မြေရာဇဝင်သာဖြစ်ပါတယ်
နောက်ဆုံးပြောချင်တာကတော့…ကိုယ်ချွေးနဲစာနဲ့ဝယ်ယူမဲ့ မိတ်ဆွေများသည်.ကိုယ်ဝယ်ယူမဲ့မြေအကြောင်းသိရှိနားလည်မှသာဝယ်ယူရန်အကြံပေးချင်ပါသည်။

တစ်လက်စတည်း မြေအမျိုးအစားတွေကို ဖေါ်ပြပေးပါမယ်။

အိမ်ခြံမြေနယ်ပယ်နဲ့ တိုက်ရိုက်ဆက်စပ်တဲ့ မြေအမျိုးအစားတွေမှာ

မြေပိုင်မြေ ။ ။မြေပိုင်မြေဆိုတာဟာ မြို့တော်ရဲ့ နယ်နိမိတ်အတွင်းမှာ စနစ်တကျ မြို့ကွက်‌ဖော်ထုတ်ကာ ရောင်းချခဲ့စဥ်က ပိုင်ဆိုင်ထားပြီး မြေပိုင်ရှင်အခွင့်အရေးအပြည့်ရှိတဲ့ မြေအမျိုးအစားကို ဆိုလိုပါတယ်။

ဘိုးဘွားပိုင်မြေ ။ ။ အောက်မြန်မာနိုင်ငံ ကျေးရွာများအက်ဥပဒေ ပုဒ်မ ၄၊ ပုဒ်မခွဲ (၁၀) အရ ဘိုးဘွားမိဘများလက်ထက်က “ဓမ္မဦးချ” ပိုင်ဆိုင်လာခဲ့ပြီး လွှဲပြောင်းဆက်ခံခွင့်ရှိကာ “မစိုက်ပျိုးသည့်မြေ” အမျိုးအစားကို ဘိုးဘွားပိုင်မြေလို့ သတ်မှတ်ပါတယ်။

ဂရန်ရှိမြေပိုင်မြေ ။ ။ အောက်မြန်မာနိုင်ငံမြို့နှင့် ကျေးရွာမြေများ ဥပဒေပုဒ်မ ၇(က) အရခွင့်ပြုထားသည့် ဘိုးဘပိုင်မြေကဲ့သို့ အခွင့်အရေး အဆင့်အတန်းရှိတဲ့ ‌မြေကို ဂရန်ရှိမြေပိုင်မြေလို့ခေါ်ပါသည်။
လိုင်စင်မြေ ။ ။ အောက်မြန်မာနိုင်ငံမြို့နှင့် ကျေးရွာမြေများ အပိုဒ် – ၃၀ ၊ ၃၄ တို့အရ၊ ကော်မတီကသတ်မှတ်သည့် စည်းကမ်းချက်များနှင့် အညီ ယာယီအသုံးပြုခွင့်ပေးထားသော မြေကို လိုင်စင်မြေလို့ခေါ်ပါသည်။

ပါမစ်မြေ ။ ။ ကော်မတီကသတ်မှတ်ထားတဲ့ စည်းကမ်းချက်တွေနဲ့အညီ “လူနေအိမ်” သိုမဟုတ် “အဆောက်အအုံဆောက်လုပ်နေထိုင် ခွင့်” ပြုထားသော မြေကို ပါမစ်မြေလို့ ဆိုလိုပါသည်။
မြေငှားဂရန်မြေ ။ ။ အောက်မြန်မာနိုင်ငံမြို့နှင့် ကျေးရွာမြေများ ဥပဒေ ၇/၈ နှင့် နည်းဥပဒေ အပိုဒ် ၂၉ တို့အရ ကော်မတီကစည်းကမ်းချက်များ သတ်မှတ်ပြီး နှစ်ကာလ အပိုင်းအခြား သတ်မှတ်၍ မြေငှားစာချုပ်ဖြင့် အငှားချထားတဲ့မြေကို မြေငှားဂရန်မြေ လို့ခေါ်ပါသည်။

စကွာတာမြေ ။ ။ “စကွာတာမြေ” ဆိုတာ မြေငှားစာချုပ်မရယူခဲ့၍လည်းကောင်း၊ မြေငှားစာချုပ် သက်တမ်းကုန်ဆုံးပြီးနောက် အသစ်လဲလှယ်ခြင်းမပြု၍လည်းကောင်း မြေငှားစာချုပ်ပါ စည်းကမ်းချက် တစ်ရပ်ရပ်ဖောက်ဖျက်၍လည်းကောင်း “မြေအဆင့်အတန်း နိမ့်ချသတ်မှတ်ထားတဲ့ မြေကို” ဆိုလိုပါသည်။

ကျူးလွန်ခြင်းမြေ ။ ။ လူနေရပ်ကွက်အတွင်း စနစ်တကျရှိသော အိမ်ရာမြေကွက်ထဲမှာ ကျူးလွန်ခြင်း “ပြေစာဖြင့်ကောက်ခံတဲ့မြေ” မျိုးကို ကျူးလွန်ခြင်းမြေလို့ ခေါ်ပါသည်။
ကျူးကျော်မြေ ။ ။ ကော်မတီပိုင်မြေနှင့် ကော်မတီက စီမံခန့်ခွဲပိုင်ခွင့်ရှိတဲ့ မြေပေါ်မှာ ခွင့်ပြုချက် တစ်စုံတစ်ရာ မရှိသူများ ဝင်ရောက်နေထိုင်လျှက်ရှိတဲ့ မြေကို ကျူးကျော်မြေလို့ခေါ်ပါသည်။

ဗဟုသုတအဖြစ်မျှဝေပါသည်
စာတွေ့တင်မကပဲအနီးနားပတ်ဝန်းကျင်မှာ
လည်း ဝယ်ယူမယ့်မြေကွက်အကြောင်း ကိုယ်တိုင်ကွင်းဆင်းပြီး အပင်ပန်းခံ
စုံစမ်းဖို့မမေ့သင့်ကြောင်း အကြံပေးပါရစေ။

Crd, ဥပဒေရေးရာ

05/01/2022

"အိမ်၊ခြံ၊မြေ၊တိုက်ခန်း အရပ်မျက်နှာ ရွေးကြမယ်"
🏠🏠🏠🏠🏠🏠🏠🏠🏠🏠🏠🏠🏠

အိမ်၊ ခြံ၊ မြေမှာ အကြမ်းဖျဉ်းအားဖြင့် အရပ် လေးမျက်နှာပဲ ရှိပါတယ်..။

တကယ်အတိအကျက သံလိုက်အိမ်မြှောင်နဲ့ တိုင်းမှ
အရပ်မျက်နှာ အတိအကျရပါတယ်။

အရပ်ထဲမှာတော့ အနောက်ဘက်နဲ့ တောင်ဘက်ယွန်းယွန်းကို ကျနေရင် တောင်အရပ် (သို့) အနောက်အရပ်လို့သာ ခေါ်ပါတယ်။ အနောက်တောင်လို့ အတိအကျခေါ်တာ
နည်းပါတယ်။

မြန်မာ့ရိုးရာအယူအဆအရ အရပ်ရှစ်မျက်နှာ ရှိပါတယ်။

ပရိဝါရ - အခြံအရံများခြင်း (အခြွေအရံနှင့်ဆိုင်သော အရပ်)
အာယု - အသက်ရှည်ခြင်း (အသက်နှင့်ဆိုင်သော အရပ်)
နဂရ - မြို့ပြပြည်ရွာ တည်ဆောက်ရာအရပ်
ဘုမ္မိ - သင်္ချိုင်း အညစ်အကြေးတို့ စွန့်ရာ သွန်ရာအရပ်
ဂဟပတိ - ကျီကြ ဘဏ္ဍာ ဥစ္စာ ထားသောအရပ်
တေဇ - ဘုန်းကံတန်ခိုး ပွင့်လင်းရာအရပ်
ဌာန - တည်ရာ၊ စွဲမြဲရာ အရပ်
သီရိ - ကျက်သရေမင်္ဂလာနှင့်ဆိုင်သော အရပ်၊ ဥယျာဉ်ပန်းမန် စိုက်ပျိူးရာအရပ်တို့ ဖြစ်ကြပါတယ်။

မြန်မာတို့ရဲ့ အရပ်ရှစ်မျက်နှာကို

၁ (တနင်္ဂနွေထောင့်) - အရှေ့မြောက်အရပ်
၂ (တနင်္လာထောင့်) - အရှေ့အရပ်
၃ (အင်္ဂါထောင့်) - အရှေ့တောင်အရပ်
၄ (ဗုဒ္ဒဟူးထောင့်) - တောင်အရပ်
၇ (စနေထောင့်) - အနောက်တောင်အရပ်
၅ (ကြာသပတေးထောင့်) - အနောက်အရပ်
၈ (ရာဟုထောင့်) - အနောက်မြောက်အရပ်
၆ (သောကြာထောင့်) - မြောက်အရပ်ဆိုပြီး
နေ့နံနဲ့ အရပ်မျက်နှာကို ပုံသေ သတ်မှတ်ပါတယ်။ (လွယ်ကူအောင် ရွှေတိဂုံစေတီတော်မြတ်ကြီး အရပ်မျက်နှာ သတ်မှတ်ပုံနဲ့ တွဲမှတ်နိုင်ပါတယ်။)

မိမိက ဘယ်အရပ်မျက်နှာလှည့်နဲ့ အဆင်ပြေလဲ သိချင်ရင် မိမိက ဘာနေ့သားလဲဆိုတာနဲ့ တွက်ပါတယ်။

ဥပမာ။ ။ တနင်္ဂနွေသား/သမီးအတွက် မြန်မာ့ရိုးရာနည်းကျကျနဲ့ အရပ်မျက်နှာ အလှည့် ရွေးချယ်ချင်တယ်ဆိုရင်

တနင်္ဂနွေက ၁ ဖြစ်တဲ့အတွက် ၁ ကနေစပြီး

၁ (အရှေ့မြောက် အရပ်) = ပရိဝါရ - အခြံအရံများခြင်း (အခြွေအရံနှင့်ဆိုင်သော အရပ်)
၂ (အရှေ့အရပ်) = အာယု - အသက်ရှည်ခြင်း(အသက်နှင့်ဆိုင်သော အရပ်)
၃ (အရှေ့တောင်အရပ်) = နဂရ - မြို့ပြပြည်ရွာ တည်ဆောက်ရာအရပ်
၄ (တောင်အရပ်) = ဘုမ္မိ - သချိုင်္င်း အညစ်အကြေးတို့ စွန့်ရာ သွန်ရာအရပ်
၇ (အနောက်တောင်) = ဂဟပတိ - ကျီကြ ဘဏ္ဍာဥစ္စာ ထားသောအရပ်
၅ (အနောက်အရပ်) = တေဇ - ဘုန်းကံတန်ခိုး ပွင့်လင်းရာအရပ်
၈ (အနောက်မြောက် အရပ်) = ဌာန - တည်ရာ၊စွဲမြဲရာ အရပ်
၆ (မြောက်အရပ်) = သီရိ - ကျက်သရေမင်္ဂလာနှင့်ဆိုင်သော အရပ်ဆိုပြီးရလာပါတယ်..။

ရှောင်ရမှာကတော့ ဘုမ္မိကျတဲ့အရပ်ပါ....။
အဲ့ဒါကြောင့်
တနင်္ဂနွေသမားအတွက် တောင်အရပ်ဟာ
ဘုမ္မိကျပါတယ်။ ဒါမို့လို့ တနင်္ဂနွေသား အိမ်ထောင်ဦးစီးရှိတဲ့ မိသားစုက မြန်မာ့ရိုးရာ အရပ်မျက်နှာ ရွေးနည်းအရ တောင်မျက်နှာလှည့်အိမ် (သို့) တိုက်ခန်းကို ရှောင်ရပါမယ်။ ရွေးခဲ့ရင် စီးပွားမတက်တာ၊ လာဘ်လာဘမရှိတာ ဆိုတာမျိူး ကြုံရတတ်တယ်လို့ အယူရှိကြပါတယ်။

ဆောင်ရမယ့်အရပ်တွေကတော့ တေဇအရပ်နဲ့ သီရိအရပ်တို့ပါ။ တနင်္ဂနွေသား/သမီး တစ်ယောက်အတွက် အနောက်အရပ်သည် တေဇအရပ်ပါ။ မြောက်အရပ်သည် သီရိအရပ်မို့ အနောက်မျက်နှာလှည့်နဲ့ မြောက်မျက်နှာလှည့်တို့က အသင့်တော်ဆုံး အရပ်တွေပါ။

တနင်္လာသား/သမီးတွေ အတွက် ၂ ကနေ စပြီး
ရေတွက်ရမှာပါ။

၂ ပရိဝါရ - အခြံအရံများခြင်း (အခြွေအရံနှင့်ဆိုင်သော အရပ်)
၃ အာယု - အသက်ရှည်ခြင်း (အသက်နှင့်ဆိုင်သော အရပ်)
၄ နဂရ - မြို့ပြပြည်ရွာ တည်ဆောက်ရာအရပ်
၇ ဘုမ္မိ - သင်္ချိုင်း အညစ်အကြေးတို့ စွန့်ရာ သွန်ရာအရပ်
၅ ဂဟပတိ - ကျီကြ ဘဏ္ဍာ ဥစ္စာ ထားသောအရပ်
၈ တေဇ - ဘုန်းကံတန်ခိုး ပွင့်လင်းရာအရပ်
၆ ဌာန - တည်ရာ၊ စွဲမြဲရာ အရပ်
၁ သီရိ - ကျက်သရေမင်္ဂလာနှင့်ဆိုင်သော အရပ်၊

တနင်္လာသား/သမီးတွေက အနောက်တောင်အရပ် (စနေထောင့်)က ဘုမ္မိကျပါတယ်။
အနောက်မြောက်ထောင့် (၈-ရာဟု)က တေဇအရပ်ကျပြီး အရှေ့မြောက်ထောင့် (၁-တနင်္ဂနွေ)ထောင့်က သီရိအရပ်မို့ ရွေးချယ်ရမယ့် အရပ်တွေပါ။ တေဇနဲ့ သီရိအရပ်မရလည်း ဘုမ္မိကလွဲရင် ကျန်တဲ့အရပ်တွေက ပြသနာမရှိတဲ့ အရပ်တွေပါ။ ဘုမ္မိကျတဲ့အရပ်ကိုသာ ရှေးကဆရာတွေက ရှောင်စေကြတာပါ...။

မှတ်ချက်။ ။ ကျန်တဲ့အရပ်မျက်နှာတွေကို
စာရှည်မှာစိုးလို့ ရေးမပြတော့ပါဘူး။
အထက်ကနမူနာပြတဲ့အတိုင်း
ဆက်ပြီးရေတွက်ကြည့်ပါ။
ပေးထားတဲ့ အရပ်မျက်နှာ ဂဏန်းပေါ်မှာ
ကိုယ့်မွေးနံကနေ စပြီး ပရိဝါရ၊ အာယု၊ နဂရ၊ ဘုမ္မိ၊ ဂဟပတိ၊ တေဇ၊ ဌာန၊ သီရိ ဆိုတာတွေ အစဉ်လိုက်ချကြည့်ပါ..။ ဘုမ္မိကျတဲ့ အရပ်မျက်နှာကို ရှောင်ပါ..။ ဖြစ်နိုင်ရင် တေဇနဲ့ သီရိအရပ်ကို ရွေးပါ..။ မရခဲ့ရင် ကျန်တဲ့ ပရိဝါရ၊ အာယု၊ နဂရ၊ ဂဟပတိ နဲ့ ဌာနအရပ်တွေကို ရွေးပါ..။ ဘုမ္မိအရပ်ကိုတော့ လုံးလုံးရှောင်ရမယ်လို့ မြန်မာ့ရိုးရာနည်းက ပြောပါတယ်။

အိမ်တအိမ်က အိမ်ထောင်ဦးစီးရဲ့နေ့နံနဲ့ရွေးရမှာပါ..။ လင်မယားနှစ်ယောက်ရှိရင် ယောကျာ်းက အိမ်ထောင်ဦးစီးပါ..။ အကြောင်းအမျိူးမျိူးကြောင့် အမျိူးသမီးက အိမ်ထောင်ဦးစီးဖြစ်နေခဲ့ရင်လည်း အဲဒီအမျိူးသမီး အိမ်ထောင်ဦးစီးရဲ့နေ့နံနဲ့ပဲ တွက်ရမယ်လို့ ဆိုပါတယ်..။

ခြွင်းချက်တချို့တလေ ရှိတတ်ပါတယ်။ လူတယောက်က သူ့ရဲ့ဘုမ္မိကျတဲ့ အရပ်မျက်နှာက အိမ်မှာ စီးပွားရေးလုပ်တာ အောင်မြင်နေတယ်..။ အကြောင်းရင်းကြည့်လိုက်တော့ စီးပွားရေးက သူ့စီးပွားရေးမဟုတ်ဘဲ သူ့အဖေရဲ့စီးပွားရေးကို သားက ဆက်လုပ်ပေးနေရတယ်လို့ ဆိုပါတယ်..။ သားရဲ့ဘုမ္မိအရပ်က အဖေ့ရဲ့ သီရိအရပ်ဖြစ်နေတာမို့ အိမ်ထောင်ဦးစီးက သားမဟုတ်ဘဲ အဖေဖြစ်နေလို့လို့ ဆိုပါတယ်..။ ဒါမို့လို့ အိမ်ထောင်ဦးစီး ပဲ့ကိုင်ရဲ့ နေ့နံနဲ့ရွေးမှ မှန်မှာပါ...။

ဗေဒင်ရှူထောင့်အလိုအရ အိမ်ရဲ့အရပ်မျက်နှာအလှည့်ကို အိမ်ထောင်ဦးစီးရဲ့နေ့နံ့နဲ့ ရွေးရမှာပေမယ့် ရာသီဥတုအရကြည့်မယ်ဆိုရင်တော့ အရှောင်သင့်ဆုံးအရပ်က တောင်အရပ်လို့ ပြောကြပါတယ်..။ တောင်ဘက်လှည့်တဲ့ အကာမရှိတဲ့တိုက်ခန်းကို ရှောင်သင့်တယ်..။ အပူရှိန်ပြင်းတယ်လို့ ဆိုပါတယ်..။

စျေးကွက်ထဲမှာတော့ အရှေ့၊အနောက်၊တောင်၊မြောက် အရပ်လေးမျက်နှာလုံး သူ့အကြိုက်နဲ့သူပါ...။ အရှေ့လှည့်ကို လူကြိုက်အများဆုံးဖြစ်ပေမယ့် အနောက်လှည့်မှ ရွေး၀ယ်တဲ့သူလည်း ရှိပါတယ်..။ တောင်လှည့်မှ လူကြိုက်များသလိုရှိပေမယ့် မြောက်လှည့်မှ ရွေး၀ယ်သူလည်း ရှိပါတယ်..။

ကိုယ့်အကြိုက်နဲ့ကိုယ် စိတ်ကြိုက်သာရွေးချယ်ပါ...။ စဉ်းစားဖို့ အချက်တစ်ချက်အနေနဲ့သာ
ဗဟုသုတရဖို့ တင်ပေးလိုက်တာပါ...။

အဆင်ပြေကြပါစေ..။

(၀န်ခံချက်။ ။ ဦးမောင်မောင်သန်း(ရင်ကိုအေးမြစေသား)၏ ဆောင်းပါးတစ်ပုဒ်မှ အချက်အလက်များ
ယူသုံးထားပါသည်။)

နောက်ဆက်တွဲ ဖြည့်စွက်ချက်

အင်္ဂါသား၊သမီး

ဘုမ္မိ (အနောက်အရပ်)
တေဇ (မြောက်အရပ်)
သီရိ (အရှေ့အရပ်)

ဗုဒ္ဒဟူးသား၊သမီး

ဘုမ္မိ (အနောက်မြောက်)
တေဇ (အရှေ့မြောက်)
သီရိ (အရှေ့တောင်)

ကြာသပတေးသား၊သမီး

ဘုမ္မိ (အရှေ့မြောက်)
တေဇ (အရှေ့တောင်)
သီရိ (အနောက်တောင်)

ရာဟုသား၊သမီး

ဘုမ္မိ ( အရှေ့အရပ်)
တေဇ ( တောင်အရပ်)
သီရိ (အနောက်အရပ်)

သောကြာသား၊သမီး

ဘုမ္မိ (အရှေ့တောင်အရပ်)
တေဇ (အနောက်တောင်အရပ်)
သီရိ (အနောက်မြောက်အရပ်)

ရည်ညွှန်းချက်
**********

ဘုမ္မိ = ရှောင်သင့်သောအရပ်
တေဇ နှင့် သီရိ = ဆောင်သင့်သော(ရွေးသင့်သော)အရပ်

04/01/2022

လယ်ယာမြေကို တရားဝင် အိမ်ဆောက်
ဆိုင်ဆောက် သုံးလို့ရအောင် ဘယ်လို လုပ်ရမလဲ?
👐👐👐👐👐👐👐👐👐👐👐👐👐

လယ်ယာမြေကို အခြားနည်းသုံးစွဲရန် ခွင့်ပြုချက် လျှောက်ထားရမှာပါ။ လယ ၃၀ ခွင့်ပြုချက် (အရင်က လ/န ၃၉) လျောက်တယ် ခေါ်ပါတယ်။ ခွင့်ပြုချက် ရရင် သတ်မှတ်တဲ့ နည်းအတိုင်း သုံးလို့ရပါပြီ။ လယ်မြေအမျိုးအစားကို ဗဟိုထိတင်ပြ ခွင့်ပြုချက်ရမှ အသုံးပြုနိုင်မှာဖြစ်ပြီး လယ်မြေမဟုတ်တဲ့ ကျန်လယ်ယာမြေတွေကိုတော့ ပြည်နယ်တိုင်းအဆင့်က ခွင့်ပြုချက်ရရင် အသုံးပြုနိုင်ပါတယ်။ ခွင့်ပြုချက်ရတာနဲ့ မြေငှါးဂရန်ပါ ဆက်လျောက်လိုက်ပါ။ ဒါဆိုရင် တရားဝင်လဲ သုံးလို့ရသလို့ အမည်ပေါက် မြေပိုင်ဆိုင်မှုလည်း ခိုင်မာသွားပါပြီ။

လယ်ယာမြေမှာ မစိုက်ပျိုးပဲ အခြားနည်းသုံး (အိမ်ဆောက်၊ ဆိုင်ဆောက်၊ စီပွားရေး လုပ်ငန်းအတွက် စိုက်ပျိုးခြင်းမှအပ အသုံးပြု) ချင်ရင် မြို့နယ် မြေစာရင်းဦးစီးဌာနကတဆင့် လယ်ယာမြေ ဥပဒေပုဒ်မ ၃၀ အရ လျှောက်ရပါတယ်။ မြို့နယ်မြေစာရင်း ဦးစီးဌာနနဲ့ လယ်စီအဖွဲ့ အဆင်ဆင့်တို့ကပဲ အမှုတွဲဖွင့်ပြီး ဆောင်ရွက်တာ ဖြစ်ပါတယ်။

ပုံစံ (၇)မရသေးတဲ့ လယ်ယာမြေကို လယ်ယာမြေဥပဒေပါ ပြဌာန်းချက်အရဆိုရင် လျောက်လို့ မရနိုင်ပါဘူး။ ဥပဒေ ပုဒ်မ ၃ (ဃ) လယ်ယာမြေ လုပ်ပိုင်ခွင့်မှာ တည်ဆဲ ဥပဒေ၊ နည်းဥပဒေများနှင့်အညီ လယ်ယာမြေကို လက်ရှိထားပြီး စိုက်ပျိုးလုပ်ကိုင် အသုံးချခြင်းလို့ ဆိုပါတယ်။ ပုံစံ (၇) ရှိသူမှာ အခွင့်အရေး (၃) ရပ်ရပါတယ်။ လက်ရှိထားခွင့်၊ စိုက်ပျိုးခွင့်၊ မြေအသုံးချခွင့် ဖြစ်ပါတယ်။ လယ်ယာမြေ လုပ်ပိုင်ခွင့်ရှိသူဆိုတာ ပုံစံ (၇) ရသူ၊ သူ့မှာသာ ဒီအခွင့်အရေး (၃) ခုရတဲ့အတွက် ပုံစံ (၇) ရမှသာ အခြားနည်းသုံးနိုင်ခွင့် လျှောက်လို့ ရမဲ့သဘော ဖြစ်ပါတယ်။

ဗဟိုလယ်ယာမြေ စီမံခန့်ခွဲမှုအဖွဲ့က ထုတ်ပြန်တဲ့ ညွှန်ကြားချက်မှာ လယ်ယာမြေကို အခြားနည်း အသုံးပြုရန် လျောက်ထားလာရင် စိစစ်ရမယ့် စီစစ်ချက်မှာတော့ ပထမ ပုံစံ (၇) ရ/မရ စိစစ်ပါ။ မရရင် ဘာကြောင့် မရတာလဲ၊ ဘာကြောင့် ထုတ်မပေးတာလဲ ဆိုတာကို စီစစ်ပါ၊ သက်ဆိုင်ရာ ဌာနများက ထောက်ခံချက်တွေ ရယူပါလို့ ဆိုတဲ့အတွက် ပုံစံ (၇) မရသေးလည်း လျှောက်နိုင်တဲ့ သဘောတွေ ပါနေတာ တွေ့ရပါတယ်။ လက်ရှိ မြေပြင်မှာလည်း ပုံစံ (၇) ရှိရှိ မရှိရှိ အခြားနည်းသုံးဖို့ လျှောက်ထား ကြပါတယ်၊ မြေစာရင်း ဌာနနဲ့ လယ်စီအဖွဲ့က စိစစ်တဲ့အခါ မရှိဘူး ဆိုရင်လည်း ဘာကြောင့် ပုံစံ (၇) မရှိတာလဲ ဆိုတာကိုဖော်ပြ၊ သက်ဆိုင်ရာ ဌာနများက ထောက်ခံချက်ယူပြီး တင်ပြ လျှောက်ထားကြပါတယ်။ ခွင့်ပြုနေတာလဲ ရှိပါတယ်။

အချုပ်အားဖြင့် တင်ပြချင်တာက မိမိအသုံးပြုနေတဲ့ လယ်ယာမြေကို တရားဝင် အခြားနည်းသုံးလို့ရအောင် ပုံစံ ၇ ရှိရှိ မရှိရှိ လယ ၃၀ လျောက်လိုက်ပါ။ ခွင့်ပြုချက် ရရင် သုံးလို့ရပါပြီ။ ခွင့်ပြုချက်ရတာနဲ့ မြေငှါးဂရန် ဆက်လျောက်ပြီး ဂရန်အမည်ပေါက်ယူလိုက်ပါ။ စိတ်ချလက်ချ ခိုင်ခိုင်မာမာ သုံးနိုင် ငှားနိုင် ရောင်းနိုင်ပါပြီ။

ပူးတွဲ⤵️
၁။ လျှောက်လွှာပုံစံ
၂။ လျောက်ထားနည်း/ဆောင်ရွက်ပုံ
၃။ ဗဟိုလယ်စီ၏ ညွှန်ကြားချက်
၄။ ခွင့်ပြုချက်ပုံစံ

20/09/2021

သဘာဝ သစ်လုံးလေးတွေနဲ့
အိမ်ဆောက်ကြမလား၊
သစ်လုံးအိမ်လေးတွေက
အပူအအေးမျှတစေတယ်၊
ရာသီဥတုအေးရင်
အနွေးဓာတ်ရစေပြီး
ရာသီဥတုပူရင်
အအေးဓာတ်ရစေပါတယ်၊
သစ်ဝါးပေါတဲ့ဒေသတွေမှာ
သစ်ဝါးအိမ်လေးတွေက
ချစ်စရာကောင်းလွန်းလှတယ်....❤️

04/09/2021

🔹ပြင်ဦးလွင်မှာ
မြေဈေးတွေ ဈေးချိုသတဲ့လား?
🔹ပြင်ဦးလွင်မှာ မြေဝယ်ရင်
စိတ်ချရပါ့မလား?
🔹ပြင်ဦးလွင်မှာ
ဘယ်လိုမြေမျိုးဝယ်သင့်တာလဲ?

နောက်ဆုံးတော့ ယုံကြည်မှုနဲ့
ရင်းနှီးတဲ့ အာမခံသူရှိတာကိုသာ
ရွေးချယ်ဝယ်တာအကောင်းဆုံးပါ၊
ဝယ်မယ့်မြေနေရာရဲ့
ဆိုးကွက် ကောင်းကွက်
အားနည်းချက် အားသာချက်
ပွင့်ပွင့်လင်းလင်းပြောဆိုတဲ့သူကို
မြေဝယ်မယ့်သူက ရွေးချယ်နိုင်ပြီး
ဆုံးဖြတ်ချက်မှန်ဖို့က အရေးကြီးဆုံးပါ⤵️

ဒါလေးပါ ထပ်ဖတ်ကြည့်နော်..

သူများရေးထားတာပြန်လည်မျှဝေပေးတာပါ၊

တရားမဝင် မြေကွက်ရိုက်ရောင်းတဲ့ လုပ်ငန်းဟာ

ဥပဒေနဲ့ မလွတ်ဘူးဆိုပေမယ့် အမြတ် အရမ်းကျန်ပါတယ်။

ကိုယ်ရောင်းလိုက်တဲ့ မြေကွက်ဟာဈေးသက်သာလွန်းရင်လည်း ဝယ်သူ မယုံကြည်မှာစိုးတာကြောင့် ဝယ်သူယုံကြည်လောက်တဲ့ ဈေးအထိဈေးတင်ပြီး ရောင်းကြရပါတယ်။ အဲ့ဒါကလည်း တရားမဝင်အကွက်ရိုက်ရောင်းတဲ့ ဈေးကွက်အတွက် အမြတ်အစွန်းများစွာကို ရစေပါတယ်။

တစ်ကယ်တော့ တစ်ဧက သိန်း ခုနှစ်ဆယ် ရှစ်ဆယ် တစ်ရာ လောက်နဲ့ ပေးဝယ်ရတဲ့မြေဟာ အိမ်ဝိုင်းကွက်ရိုက်ပြီး ပြန်ရောင်းရင် မြေအနေအထားနဲ့ လမ်းအနေအထားပေါ်မူတည်ပြီး ၁၄ ဝိုင်းကနေ ၁၆ ဝိုင်းအထိရတာဆိုတော့ တွက်လိုက်ရင် အိမ်ဝိုင်းတစ်ဝိုင်းစာအတွက် မြေတန်ဖိုးဟာ ခြောက်သိန်းခွဲ ခုနှစ်သိန်းလောက်ပဲ ရှိတာပါ။

အဲ့ဒါကို တစ်ဝိုင်း ဆယ်သိန်းလောက်နဲ့ ပြန်ရောင်းတယ်ဆိုရင် ဝယ်သူတွေအတွက် ဈေးချိုလွန်းတယ် ဟုတ်မှ ဟုတ်ပမလားဆိုပြီးတော့ သံသယဝင်စရာ ဖြစ်လာပါမယ်။ မယုံကြည်တော့ပါဘူး။ အဲ့ဒိတော့ ဝယ်တဲ့သူတွေ ယုံကြည်အောင် သိန်း နှစ်ဆယ် အစိတ် သုံးဆယ် လေးဆယ် စသဖြင့် ဈေးတင်ရောင်းကြတာပါ။

အဲ့ဒိလိုရောင်းတဲ့အတွက် အမြတ်လည်း အရမ်းရပါတယ်။ အဲ့လိုအမြတ်များတော့ တစ်ချို့ စီးပွားရေးသမားတွေက ကိုယ်တိုင် မလုပ်တော့ပါဘူး။ ဥပဒေနဲ့မလွတ်လို့ ပြဿနာအရှုပ်အရှင်းဖြစ်ရင် ရှောင်ထွက်လို့ ရအောင်လို့ပါ။ အဲ့ဒိတော့ ပွဲစားတွေကို ပါးပါးနပ်နပ် အသုံးချလာကြပါတယ်။

ဘယ်လိုအသုံးချသလဲဆိုရင် အဲ့ဒါမျိုးလုပ်ဖို့ လူလေးငါးယောက်လောက် စုပြီးအဖွဲ့ဖွဲ့ လိုက်ပါတယ်။ ခေါင်းဆောင်မပါပါဘူး။ မြေကို စုဝယ်လိုက်ပါတယ်။ အမည်ပေါက် မပြောင်းပါဘူး။ ပြဿနာဖြစ်ရင် ရှောင်ထွက်လို့ ရအောင်လို့ပါ။ အခြားသုံး လျှောက်ပြပါတယ်။

ခွင့်ပြုမိန့် ကျစရာမလိုပါဘူး။ သက်ဆိုင်ရာလူတွေသိရင် ရပါပြီ။ ဒါမှ မကျေနပ်တဲ့သူတွေကတိုင်ရင် အခြားသုံးလျှောက်ထားတာလို့ ဆင်ခြေပေးလို့ရအောင်လို့ပါ။ ရောင်းတော့လည်း ပြောအားရှိပါတယ်။ ခွင့်ပြုမိန့်သာ မပါတာ။ အခြားသုံးလျှောက်ထားပါတယ် ဆိုပြီးတော့လေ။

အဲ့ဒိလို လုပ်ပြီးပြီဆိုရင် မြေထိုးတဲ့စက်သမားကိုခါ် ခင်ဗျား မြေထိုးပေးမလား တစ်ဧက တစ်သိန်းနှုန်းပေးမယ်။ ပွဲစားလုပ်တဲ့သူတွေကိုလည်း ခင်ဗျားရောင်းပေးမလား တစ်ဝိုင်းရောင်းထွက်ရင် တစ်သိန်းပေးမယ်။

လူရှာပေးတဲ့သူတွေကိုလည်း ခင်ဗျားလူရှာပေးမလား တစ်ဝိုင်းရောင်းထွက်ရင် တစ်သိန်းပေးမယ်။ စသဖြင့် လူရှာပြီးရောင်းပါတယ်။ အဲ့ဒါကြောင့် အဲ့လိုအကွက်ရိုက်ရောင်းတဲ့ နေရာသွားလိုက်တာနဲ့ ဘယ်ကနေထွက်လာမှန်း မသိတဲ့သူတွေ online ကနေ လူရှာပေးတဲ့သူတွေ ပွစိတက်လာတာပါ။

အဲ့လိုလူတွေကလည်း သူတို့နဲ့ရင်းနှီးတဲ့သူတွေ ခင်မင်တဲ့သူတွေကို စပ်ပေးပြီး မြေကွက်တွေဘယ်နားမှာ ရှိတယ် ငါကဘယ်အကွက်ယူထားတာ နင်လည်းယူအုံးမလား တန်တယ်နော်။ နောက်ဆို အဲ့ဈေးနဲ့ရမှာ မဟုတ်ဘူး စတဲ့စကားတွေနဲ့ သူ့လူတွေကို ဝယ်ချင်လာအောင် စည်းရုံးပါတော့တယ်။ တစ်ဝိုင်းရောင်းထွက်ရင် တစ်သိန်းရတာဆိုတော့ မနည်းဘူးလေ။ အဲ့ဒိလို့ စည်းရုံးလို့ ရပြီဆိုတာနဲ့ ပိုင်ရှင်အမည်ခံပြီး ရောင်းပေးမယ့်သူဆီကို ပိုင်ရှင်ဆိုပြီး ခေါ်သွားတော့တာပါပဲ။

ဟိုကလည်း ပိုက်ဆံရတော့ ပိုင်ရှင်ယောင်ဆောင်ပြီး စာချုပ်ချုပ်ပေးလိုက်ရော။ တစ်ချို့ပွဲစားတွေဆို စာချုပ်မှာ ပိုင်ရှင်ကိုယ်စားဆိုပြီး လက်မှတ်ထိုး ရောင်းပေးလိုက် တာတွေလည်းရှိပါသေးတယ်။ လတ်တလော ပိုက်ဆံရလို့ လုပ်ပေးလိုက်တာပါ။ တစ်ချို့က မှတ်ပုံတင်အတု အိမ်ထောင်စုဇဟားအတုတွေနဲ့ လုပ်ပေးတာတွေလည်း ရှိပါသေးတယ်။ နာရီပိုင်းအတွင်း ပိုက်ဆံ သိန်းနဲ့ချီရတာကို။

တစ်ချို့ကြတော့လည်း ပွဲစားတွေကို ခင်ဗျားက ဒီအကွက်တွေ ရောင်းပေး။ ခင်ဗျားကသင့်သလိုဈေးခေါ် သိန်း အစိတ်ဝန်းကျင်နဲ့ဈေးညှိရောင်း ဈေးအရမ်းမတင်နဲ့ ရေရှည်လုပ်လို့ရအောင်လို့။ ကျုပ်တို့အဖွဲ့ကို တစ်ဝိုင်းရောင်းထွက်ရင် ၂၃ သိန်းသွင်းဆိုပြီး အဲ့ဒိလို လုပ်ရောင်းတာတွေလည်းရှိပါတယ်။ ပြဿနာအရှုပ်အရှင်း ဖြစ်လာရင် အကွက်ရိုက်သူက လွတ်အောင်လုပ်တဲ့သဘောမျိုးပါ။ ပြီးမှ ပိုက်ဆံခွဲယူကြတာပါ။ ဝယ်သူတွေက အဲ့ဒါတွေကို မသိကြပါဘူး။

ဝယ်သူအများစုက သူတို့ဝယ်တဲ့ မြေနဲ့ပတ်သက်ပြီး မူရင်းအမည်ပေါက်က ဘယ်သူလဲ။ ရောင်းတဲ့သူက ဘယ်သူလဲ။ ဒီပစ္စည်းက ရောင်းသူလက်ထဲ ဘယ်လိုနည်းနဲ့ ရောက်ရှိ ပိုင်ဆိုင်လာတာလဲ။ သူ့ပိုင်ဆိုင်မှုက တရားဝင်ပိုင်ဆိုင်မှု့လား။ မြေရောင်းတဲ့ တောင်သူနဲ့ အရောင်းအဝယ်သဘောအရ အရပ်စာချုပ်ချုပ်ထားလို့ ပိုင်ဆိုင်မှု ရနေတာလားဆိုတာ နားလည်တာ မဟုတ်ပါဘူး။

အဲ့ဒါကြောင့် ဂျင်းထည့်ရောင်းကြတာပါ။ တတ်သိနားလည်တဲ့သူနဲ့ သွားဝယ်ရင် အရောင်းအဝယ် ပျက်တာများပါတယ်။ မဟုတ်တာ လုပ်ရောင်းတာဆိုတော့ နားလည်တဲ့သူကြ လိမ်ရောင်းလို့မရလို့ပါ။ နားမလည်တဲ့သူတွေကတော့ မျက်ကန်းတစ္ဆေ မကြောက်မို့ ဝယ်ပါတယ်။

တစ်ချို့အကွက်ရိုက်ရောင်းတဲ့သူတွေဆို တောင်သူတွေဆီက ဝယ်တုန်းက စာချုပ်ထဲမှာက ဈေးတစ်မျိုး။ အကွက်ရိုက်ပြီး ပြန်ရောင်းတဲ့စာချုပ်ထဲ မိတ္တူဆွဲထည့်ပေးဖို့ လုပ်ထားတဲ့ စာချုပ်အတုက ဈေးတစ်မျိုး။ အဲ့ဒိလိုဂျင်းထည့်တာတွေလည်း ရှိပါသေးတယ်။ ဒီမြေယာဟာ ဘယ်လောက်ပဲတန်တယ်ဆိုတာ ဝယ်သူအများစုက မသိကြပါဘူး။ အဲ့ဒိတော့ လိမ်ရောင်းလို့ ရပါတယ်။

ပြီးတော့တရားမဝင် အကွက်ရိုက်ပြီး ပြန်ရောင်းတဲ့သူတွေက စာချုပ်ထဲမှာ ဘယ်လိုပဲ တာဝန်ယူပေးတယ်ပြောပြော တစ်ကယ်ပြဿနာ ဖြစ်လာရင် စာချုပ်မှာ အမည်ခံပြီးရောင်းတဲ့သူရယ် သက်သေအနေနဲ့ လက်မှတ်ထိုးတဲ့သူရယ် ဝယ်သူရယ် အမည်ပေါက်ပိုင်ရှင်ရယ်ပဲ ရှင်းရတာပါ။ မရွှေ့ပြောင်းနိုင်တဲ့ ပစ္စည်းဆိုတာ အရပ်စာချုပ်နဲ့ အရောင်းအဝယ်လုပ်ရင် တရားရုံးမှာ သက်သေခံ မဝင်တော့ မြေကိုအဖွဲ့ဖွဲ့ပြီး ဝယ်တာက သူတို့အတွက် ဂျင်းထည့်ဖို့ ဂွင်ဖြစ်နေပါတယ်။ ပြဿနာဖြစ်လာရင် သူတို့ကိုဆွဲထည့်လို့ မရတော့ဘူးလေ။ သူတို့ကိုဆွဲထည့်ရင်တောင် ငြင်းမယ် ရှောင်မယ် ဝေလည်ချောင်ပတ်လုပ်မယ် ရှေ့နေကို ပိုက်ဆံပေးပြီး ဥပဒေနဲ့အညီ လွတ်အောင်လုပ်မယ်လေ။ ဘယ်လောက်ကောင်းလဲ။ စာချုပ်ထဲမှာ အမည်ပါတဲ့သူတွေ လက်မှတ်ထိုးတဲ့သူတွေ လက်ဗွေနှိပ်တဲ့သူတွေ ရှင်းကြပေါ့။ အဲ့ဒိလို လုပ်ကြတာပါ။

အမြတ်ကြတော့လည်း တွက်ကြည်ဦး။ တစ်ဝိုင်းကို သိန်းအစိတ်နဲ့ ရောင်းရင်တောင်မှ ရောင်းပေးတဲ့သူ တစ်သိန်း လူရှာပေးတဲ့သူ တစ်သိန်း လက်မှတ်ထိုး သက်သေလုပ်ပေးတဲ့သူ တစ်သောင်းစီ သက်ဆိုင်ရာ ဘာညာသာရကာက ၅ သောင်း မြေကွက်အတွက် အရင်းက ခုနှစ်သိန်း စုစုပေါင်း ၁၀ သိန်း နှုတ်လိုက်ရင် မြေကွက်တစ်ကွက်ကို ၁၅ သိန်း အသားတင် အမြတ်ကျန်ပါတယ်။ ပေ ၂၀ လမ်းနဲ့ ၁၆ ဝိုင်း ရိုက်ထားတဲ့ တစ်ဧကဆို တွက်ကြည့်လိုက်ပါ။ သိန်း ၂၅၀ အသာလေး မြတ်သွားတာပါ။ ငါးယောက်လောက်စုပြီး တစ်ယောက် နှစ်ဧက လောက်ပဲ လုပ်ဦး။ အနည်းဆုံး တစ်ယောက် သိန်း ၅၀၀ လောက်မြတ်သွားပါတယ်။ ဒါတောင် တစ်ဝိုင်း သိန်း အစိတ်နဲ့ပဲ တွက်ပြသေးတာပါ။ တစ်ဝိုင်း သိန်း သုံးဆယ် လေးဆယ်ဆို ဘယ်လောက်မြတ်မလဲ စဉ်းစားသာကြည့်လို့ရပါတယ်။ အဲ့ဒါကြောင့် အခုချိန်မှာ တရားမဝင် အိမ်ဝိုင်းကွက်တွေကို ပိုင်ရှင်အမည်ခံရောင်းသူတွေ ပွဲစားတွေနဲ့ ဂျင်းထဲရောင်းကြတာပါ။ တစ်ချို့ဆို နိုင်ငံတော်ကပဲ တရားဝင်ခွင့်ပြုထားလို့ မီးရတော့မှာလိုလို ဓာတ်တိုင်တွေဟန်ပြစိုက် ကြိုးတွေသွယ်ပြီး ဂျင်းထည့်တာတွေလည်းရှိပါတယ်။ မီတာသွားလျှောက်မှ ဓာတ်တိုင်တွေက ဂျင်းထည့်ထားမှန်းသိရတာတွေလည်း ရှိပါတယ်။
တရားမဝင်အိမ်ခြံမြေကဏ္ဍမှာ နားမလည်တဲ့သူတွေကို
အဲ့ဒိလိုအသုံးချ ဖားရိုက်နေကြလို့ မသိသေးတဲ့သူတွေ
မခံရအောင်လို့ တင်ပေးလိုက်တာပါ။

✍️မူရင်းရေးသာသူအား ခရက်တစ်ပေးပါတယ်🔴

17/08/2021

မြေဧက တွက်နည်း🖊️🖊️🗒️🗒️🗜️⛓️
-----------------------------------------------------------

မြေဧက ကို ဘယ်လိုတွက်ရသလဲ ခဏခဏ မေးလာလို့ အတတ်နိုင်ဆုံး ရှင်းလင်းအောင် တွက်ချက်နည်းကို
ဖော်ပြလိုက်ပါတယ်။ မိမိမြေကွက်၏
ပုံသဏ္ဍန်ကိုကြည့်၍ ဧက တွက်နိုင်ပါသည်။

၁။ လေးနားညီ စတုရန်းပုံစံ ဖြစ်ပါက

၂၀၈.၇၁' × ၂၀၈.၇၁' = ၄၃၅၅၉.၈၆ = ၁ ဧက

ဥပမာ ~~~~

၁၀၀ ပေ ပတ်လည်အကွက် ဖြစ်လျင်

၁၀၀' × ၁၀၀' ÷ ၄၃၅၆၀=၀. ၂၂၉ ဧက

၂။ နှစ်နားညီ စတုဂံပုံစံ ဖြစ်လျှင်

(လ x န)' ÷ ၄၃၅၆၀ = __ဧက

ဥပမာ ~~~~

(၄၀'×၆၀')÷၄၃၅၆၀ = ၀.၀၅၅ ဧက

(၆၀'×၈၀')÷၄၃၅၆၀ = ၀.၁၁ ဧက

(၆၀'×၁၀၀')÷၄၃၅၆၀ = ၀.၁၃၇ ဧက

(၈၀'×၁၀၀')÷၄၃၅၆၀ = ၀.၁၈၃၆ ဧက

(၁၀၀'×၁၀၀')÷၄၃၅၆၀ = ၀. ၂၂၉ ဧက

၃။ နှစ်နားပြိုင် တြာဗီဇီယံပုံစံ ဖြစ်ပါက

ပြိုင်နားနှစ်ခုပေါင်း ÷ ၂ x နံ ÷ ၄၃၅၆၀ = ဧက

ဥပမာ ~~~~

[{(၅၀+၈၀)÷၂}×၆၀]÷၄၃၅၆၀ = ၀.၀၈၉ ဧက

၄။ တြိဂံပုံစံဖြစ်လျင်
၅ x အခြေ x အမြင့် ÷ ၄၃၅၆၀ = ဧက

½ အခြေ x အမြင့် ÷ ၄၃၅၆၀ = ဧက

ဥပမာ ~~~~
၅ × ၁၀၀' × ၅၀' ÷ ၄၃၅၆၀ = ၀.၀၅၇ ဧက

၅။ ထောင့်မှန် တြိဂံပုံစံဖြစ်လျှင်

အခြေ x အမြင့် = ရလာဒ် ÷ ၂ ÷ ၄၃၅၆၀

ဥပမာ ~~~~

၁၀၀' × ၅၀' = ၅၀၀၀'

၅၀၀၀ ÷ ၂ ÷ ၄၃၅၆၀ = ၀.၀၅၇ ဧက

၆။ စက်ဝိုင်းပုံစံဖြစ်လျှင်

အချင်းဝက် x အချင်းဝက် x ပိုင်ကိန်း ÷ ၄၃၅၆၀ = ဧက ဖြစ်သည်။ ထို့ကြောင့်

အချင်း x အချင်း x .၇၈၅၄ ÷ ၄၃၅၆၀ = ဧက (ပုံသေမြှောက်ကိန်း .၇၈၅၄)

(.၇၈၅၄ သည် ပိုင်ကိန်း ၃.၁၄၁၆ ကို အနားလေးဖက် ၄ နှင့်စားပြီး စတုရန်းကွက်ဖေါ်ခြင်းဖြစ်သည်)

ဥပမာ ~~~~

၅၀' × ၅၀' × .၇၈၅၄ ÷ ၄၃၅၆၀ = ၀.၀၄၅ ဧက

၇။ အနား ၅ မျက်နှာ ၆ မျက်နှာနှင့် အနားများစွာပါသော ပုံစံဖြစ်လျှင် စတုဂံ စတုရန်း တြိဂံစသည် အကွက်စိပ်ပြီးတွက်၊ ရလာဒ်အားလုံးကိုပေါင်း၍ ၄၃၅၆၀ ဖြင့်စား။

၁ ဧက = ၄၃၅၆၀ စတုရန်းပေ ဖြစ်ပါသည်။

အညွှန်း....

လ = အလျား

န= အနံ

' = ပေ

✍️✍️
ဗဟုသုတအနေဖြင့် မျှဝေပါသည်။

Address

Maymyo
02

Telephone

+959953942787

Website

facebook.com

Alerts

Be the first to know and let us send you an email when ရွှေဧကရီ လက်ဖက်ခြောက် posts news and promotions. Your email address will not be used for any other purpose, and you can unsubscribe at any time.

Shortcuts

Want your business to be the top-listed Business in Maymyo?