ယုမီ - use me

ယုမီ - use me thank u for your supporting

26/12/2025

"သင့်အချိန်တွေ အလကားမကုန်စေဖို့ ဒီ AI Prompts တွေကိုပဲ သုံးကြစို့"

ဒီ Prompts တွေကို Copy ယူပြီး ကိုယ်လိုချင်တဲ့နေရာမှာ Paste လုပ်၊ အချက်အလက်ဖြည့်ပြီး သုံးလိုက်ရုံပါပဲဗျာ့။

1.CV ပြန်ပြင်ရေးဖို့ (CV Rewrite)
သင့် CV ကို ATS (System) ဖတ်လို့လွယ်အောင်၊ သပ်ရပ်ပြီး Professional ဆန်အောင် ပြင်ချင်ရင် သုံးပါ။
Prompt:
Rewrite my CV to be ATS-friendly, clean, and tailored for remote jobs. Keep it simple and professional.
CV: [သင့် CV ကို ဒီမှာထည့်ပါ]

2.အလုပ်နဲ့က်ိုက်မလား စစ်ဖို့ (Job Matching)
ကိုယ့်မှာရှိတဲ့ Skill တွေနဲ့ ဘယ်လိုအလုပ်မျိုး လျှောက်သင့်လဲ၊ လစာ ဘယ်လောက်ရနိုင်လဲ မေးကြည့်မယ်။
Prompt:
Here are my skills. Suggest the best job roles for me and include an estimated salary range.
Skills: [သင့် Skill တွေကို ဒီမှာရေးထည့်ပါ]

3.အင်တာဗျူး လေ့ကျင့်ဖို့ (Interview Prep)

လျှောက်မယ့်အလုပ်အတွက် မေးလာနိုင်တဲ့ မေးခွန်း (၁၀) ခုနဲ့ ဖြေသင့်တဲ့ အဖြေတွေကို တောင်းလို့ရပါတယ်။
Prompt:
Give me 10 likely interview questions for this job and provide strong sample answers.
Job Description: [အလုပ်ခေါ်စာ (JD) ကို ဒီမှာထည့်ပါ]

4.Cover Letter ရေးဖို့အတွက်

ကိုယ့် CV နဲ့ လျှောက်မယ့်အလုပ်အပေါ် မူတည်ပြီး ထိမိတဲ့ Cover Letter ရေးခိုင်းနည်းပါဗျာ့။
Prompt:
Create a short, strong, and personalized cover letter based on my CV and this job description.
CV: [Paste CV]
JD: [Paste JD]

5.လိုအပ်တဲ့ Skill တွေ စစ်ဖို့ရန်အတွက်
ဒီအလုပ်ရဖို့ ကိုယ့်မှာ ဘာတွေလိုနေသေးလဲ၊ အလကား ဘယ်လိုသင်လို့ရမလဲ မေးဖို့ရန်အတွက်။
Prompt:
Tell me which skills I’m missing for this role and how I can learn them for free.
Desired Role: [လျှောက်ချင်တဲ့ ရာထူး]

6.လုပ်ရှာဖွေရေး အချိန်ဇယားဆွဲဖို့ရန်အတွက်
တစ်နေ့ ၁၀ မိနစ်ပေးရုံနဲ့ ထိရောက်တဲ့ အလုပ်ရှာဖွေမှုဖြစ်အောင် အစီအစဉ်ဆွဲခိုင်းမယ်။
Prompt:
Create a 10-minute daily job search routine that I can follow consistently.

7.အလုပ်တွေ စီမံခန့်ခွဲဖို့ရန်အတွက်

ရှုပ်ပွနေတဲ့ လုပ်စရာတွေကို နေ့စဉ်အချိန်ဇယားအဖြစ် ဦးစားပေးအလိုက် ဆွဲခိုင်းရန်အတွက်။
Prompt:
Turn these tasks into a realistic daily schedule with clear priorities.
Tasks: [လုပ်စရာတွေကို ဒီမှာရေးထည့်ပါ]

8.Career လမ်းကြောင်းဆွဲဖို့ရန်အတွက်

နောက် ၃ လအတွင်း ဒီနယ်ပယ်မှာ အလုပ်ရဖို့ ဘာတွေလုပ်ရမလဲ လမ်းကြောင်းဆွဲခိုင်းမယ်။
Prompt:
Create a 3-month roadmap to help me become job-ready in this field.
Field/Role: [နယ်ပယ်/ရာထူး ထည့်ပါ

10/12/2025

💻 Laptop ကို အသုံးပြုနေစဉ် အားသွင်းကြိုးတပ်ထားတာ ကောင်းလား?
“Laptop ကို အားသွင်းနေချိန်မှာ မသုံးနဲ့၊ Battery ပျက်တတ်တယ်” ဆိုတဲ့ အကြောင်းတွေအများကြီး ကြားဖူးမယ်ထင်ပါတယ်။ ဒါပေမဲ့ အခုခေတ် Laptop များများက နည်းပညာတွေ တိုးတက်လာလို့ ဒီအကြောင်းအရာက ၁၀၀% မမှန်တော့ပါဘူး။

ဘာကြောင့်လည်းဆိုရင် အခုခေတ် Laptop များမှာ Battery Management System (BMS) ပါရှိပါတယ်။ အဲ့တာကြောင့် အား ၁၀၀% ပြည့်သွားတာနဲ့ Power ကို Battery ထဲမသွင်းတော့ဘဲ Laptop ကို တိုက်ရိုက်အားသုံးစေပါတယ်။

ဆိုလိုချင်တာက အားသွင်းနေချိန်မှာ အသုံးပြုတာ Battery ထိခိုက်မည် မဟုတ်ပဲ စွမ်းဆောင်ရည် တောင် ပိုကောင်းတယ် ဆိုတာပါ။ Power Adapter ကနေ တိုက်ရိုက်အားသုံးတာဖြစ်လို့ Battery ပူတာလည်းနည်းတယ်။

ဒါပေမယ့် လက်တော့ Battery ကိုတော့ ရေရှည်မခံပါဘူး။ ဘာကြောင့်လည်းဆိုတာ ရှင်းပြပါမယ်။ လက်တော့ကို အားသွင်းကြိုးတပ်ပြီး သုံးမယ်၊ အား ၁၀၀% ပြည့်ရင် ဆက်မသွင်းတော့ဘူး ဆိုပေမယ့် Laptop Battery တွေကို အမြဲတမ်း အား ၁၀၀% ထားပြီး သုံးမယ်ဆိုရင် ရေရှည်အတွက်တော့ မကောင်းပါဘူး။

ဒါကြောင့်မို့ အခုနောက်ပိုင်း လက်တော့ ထုတ်တဲ့ ကုမ္ပဏီအများစုက Battery ရေရှည်ခံဖို့အတွက် Smart Feature တစ်ခု ထည့်ပေးထားပြန်တယ်။ ဒီ Feature ထဲမှာ Charging Limit ကန့်သတ်ထားလို့ရပါတယ်။ Battery 75% ထက်နည်းသွားရင် အားအလိုလိုပြန်သွင်းပြီး Battery 85% ရောက်သွားပြီဆို အားမသွင်းတော့ပါဘူး။

ဒါကြောင့်မို့ မိတ်ဆွေအနေနဲ့ လက်တော့ကို အားသွင်းရင် အသုံးပြုချင်တယ်ဆိုရင် အခုအပေါ်မှာ ပြောပြထားတဲ့ Feature ပါမှ အသုံးပြုစေချင်ပါတယ်။ ဒီ Feature ကတော့ လက်တော့တိုင်း ပါဝင်မည်တော့မဟုတ်ပါ။ အောက်မှာတော့ သက်ဆိုင်ရာ လက်တော့ Brand အလိုက် ခေါ်ဝေါ်တဲ့ နာမည်လေးတွေကို ပြောပေးထားပါတယ်။

Lenovo Laptop အတွက် - Lenovo Vantage
Dell Laptop အတွက် - Dell Power Manage
HP Laptop အတွက် - Battery Health Manager / Adaptive Battery Optimize
Asus Laptop အတွက် - Battery Health Charging

မိတ်ဆွေရဲ့ လက်တော့ ဒီ Feature ပါလား မပါလား စစ်ကြည့်ပြီးမှ အသုံးပြုသင့်ပါတယ်။

နောက်ဆုံးအနှစ်ချုပ်အနေနဲ့ လက်တော့ကို အားသွင်းရင်း အသုံးပြုချင်တယ်ဆိုရင်

Charging Limit လုပ်လို့ရတဲ့ Feature ပါမှ Limit လုပ်ပြီး သုံးပါ၊
မူလ Original Adapter ကိုသာသုံးပါ
Laptop ကို အိပ်ရာပေါ် မှာ အားသွင်းပြီးမသုံးပါနဲ့။

အားလုံးပဲ အဆင်ပြေကြပါစေခင်ဗျာ

23/08/2025

ကွန်ပျုတာကို အသုံးမပြုပဲ အချိန်အကြာကြီးထားရင် ဘာဖြစ်နိင်မလဲ?

ကွန်ပျူတာကို အချိန်အတော်ကြာ အသုံးမပြုဘဲ ထားလိုက်ရင် ဖြစ်နိုင်တဲ့အရာတွေကတော့:

* ဖုန်တွေစုပုံလာခြင်း: ကွန်ပျူတာရဲ့ အတွင်းရော အပြင်မှာပါ ဖုန်တွေ စုပုံလာနိုင်ပါတယ်။ ဒါက အအေးခံစနစ်ကို အဟန့်အတားဖြစ်စေပြီး အပူလွန်ကဲမှုကို ဖြစ်စေနိုင်ပါတယ်။

* ဘက်ထရီပြဿနာ: လက်တော့ပ်ဆိုရင် ဘက်ထရီ လုံးဝကုန်သွားနိုင်ပြီး အချိန်ကြာလာတာနဲ့အမျှ ပျက်စီးသွားနိုင်ပါတယ်။ Desktop ကွန်ပျူတာတွေမှာလည်း CMOS ဘက်ထရီတွေ အားကုန်သွားပြီး BIOS Setting တွေကို မှတ်သားထားနိုင်စွမ်းကို ထိခိုက်စေနိုင်ပါတယ်။

* Hardware များ ပျက်စီးလာခြင်း: ရေတိုမှာတော့ ဖြစ်နိုင်ခြေနည်းပေမယ့် စိုထိုင်းဆနဲ့ အပူချိန် အပြောင်းအလဲတွေကြောင့် အချိန်ကြာလာတာနဲ့အမျှ စက်ပစ္စည်းအစိတ်အပိုင်းတွေ တဖြည်းဖြည်း ပျက်စီးလာနိုင်ပါတယ်။

* ကီးဘုတ်ခလုတ်များ ကပ်ခြင်း: ကီးဘုတ်ကို အချိန်အတော်ကြာ မသုံးဘဲထားရင် ခလုတ်တွေ နည်းနည်းလေး ကပ်နေတတ်ပါတယ်။

အဲဒီလို ပြဿနာတွေ မဖြစ်အောင် ကာကွယ်ဖို့အတွက် အကြံပြုချက်တချို့ ပြောပြပါမယ်။
* ပုံမှန် သန့်ရှင်းရေးလုပ်ပါ: Desktop ကွန်ပျုတာဆိုရင် ပုံမှန် သန့်ရှင်းရေးလုပ်ပေးခြင်းဖြင့် ဖုန်တွေ စုပုံလာတာကို လျှော့ချနိုင်ပါတယ်။ အတွင်းပိုင်းကို သန့်ရှင်းရေးလုပ်ဖို့ လေမှုတ်စက် (compressed air) ကို သုံးနိုင်ပါတယ်။ Laptop ဆိုရင် ဆိုင်မှာ သွားလုပ်ခိုင်းသင့်ပါတယ်။

* ဘက်ထရီကို ဂရုစိုက်ပါ: အချိန်အကြာကြီး မသုံးတော့ဘူးဆိုရင် ဘက်ထရီကို အားအပြည့်သွင်းထားတာမျိုး ဒါမှမဟုတ် ၅၀% လောက်မှာ ထားခဲ့တာမျိုးက ပိုကောင်းပါတယ်။ လုံးဝ အားကုန်သွားအောင် မထားပါနဲ့။

* သင့်တော်တဲ့နေရာမှာ သိမ်းဆည်းပါ: စိုထိုင်းမှုနည်းပြီး အပူချိန် အပြောင်းအလဲမများတဲ့ ခြောက်သွေ့တဲ့နေရာမှာ ကွန်ပျူတာကို သိမ်းဆည်းပါ။

* ခဏခဏ ပြန်ဖွင့်ပေးပါ: အချိန်အတော်ကြာ မသုံးဘူးဆိုရင်တောင် တစ်လတစ်ကြိမ်လောက် ခဏ ပြန်ဖွင့်ပြီး ပုံမှန်အတိုင်း ပြန်ပိတ်ပေးတာက ကောင်းပါတယ်။ ဒါက အတွင်းပိုင်းအစိတ်အပိုင်းတွေကို လှုပ်ရှားစေပြီး အလုပ်လုပ်နိုင်စွမ်းကို ထိန်းသိမ်းပေးပါတယ်။

ဒါတွေကတော့ ကွန်ပျူတာကို အချိန်အကြာကြီး မသုံးဘဲထားရင် ဖြစ်နိုင်တဲ့ ပြဿနာတွေကို ကာကွယ်ဖို့ အကြံပြုချက်များဖြစ်ပါတယ်။

05/08/2025

Memory Stick မှာ Virus ကိုက်လို့ ပျောက်နေတဲ့ File တွေကို ဘယ်လို ပြန်ဖော်မလဲ
++++++++++++++++++++++++++++

ဒီတစ်ခါ ကျွန်တော် တင်ပေးလိုက်တာက…တစ်ခါတစ်လေ memory stick တွေမှာ virus ကိုက်လို့ folder တွေ လုံးဝပျောက်နေတာကို ပြန်ဖော်တဲ့ နညး်လေးပါ။။။။ သိပြီးသားလူတွေလညး် ရှိမှာပါ..ဒါပေမယ့် မသိသေးတဲ့ ဘော်ဘော်တွေ အတွက် ရည်ရွယ်ပြီး တင်ပေးလိုက်တာဖြစ်ပါတယ်…

ပထမဆုံးအနေနဲ့ memory stick ကို ကွန်ပျူတာနဲ့ ဆက်လိုက်ပါ… ဒီနေရာမှာ တစ်ခု သတိထားရမှာက အဲဒီ stick ကို ဖွင့်တဲ့ အခါ My Computer ကို double click နဲ့ မဖွင့်ဘဲ right click – Open နဲ့ပဲ ဖွင့်ပါ။ ဘာလို့လဲ ဆိုတော့ ပိုပြီး လုံခြုံ အောင်အတွက်ပါ။

ပြီးရင် အဲဒီမှာ Organize ဆိုတဲ့ ထဲကို ဝင်လိုက်ပါ..

ပြီးရင် အဲဒီထဲကပဲ Folder and search options ကို တစ်ချက်နှိပ်လိုက်ပါ…

အဲဒါကို တစ်ချက်နှိပ်လိုက်တာနဲ့ Folder Options ဆိုတဲ့ box လေးတစ်ခု ကျလာလိမ့်မယ်….အဲဒီထဲက view ဆိုတာကို တစ်ချက်နှိပ်လိုက်ပါ…..

ပြီးရင် show hidden files,…..ဆိုဒါကို တစ်ချက်နှိပ်လိုက်ပါ …

ပြီးရင် အောက်က Hide extensions for ….. ဆိုတဲ့စာကြောင်းလေးနဲ့ Hide protect Opera….. ဆိုတာလေးက tick လေးကို ဖြုတ်ပေးလိုက်ပါ………….
Yes လုပ်ပြီး OK လုပ်လိုက်ပါ။။။။

ကဲ ပထမ တစ်ဆင့်တော့ ပြီးသွားပြီ………….
ဇာတ်လမး်က ခုမှ စမှာ……ကဲ
ပြီးတာနဲ့ Run box ကို ဖွင့်လိုက်ပါ။( Window key + R ကိုတွဲနှိပ်လိုက်ပါ။) ပြီးရင် အဲဒီမှာ cmd ဆိုပြီး ရိုက်ထည့် ပြီးရင် Enter ခေါက်လိုက်ပါ။ cmd box လေး ကျလာပါလိမ့်မယ်။

ပြီးရင် အဲဒီမှာ ကိုယ့် memory stick ကို ရိုက်ထည့်လိုက်ပါ။ (ဥပမာ---F: , G: , D: , …. ) ကျွန်တော်က တော့ ကျွန်တော့ stick က G: မို့လို့ G: လို့ ရိုက်ထည့်ထားပါတယ်။ ပြီးရင် Enter ခေါက်လိုက်ပါ။

အဲဒီခါကျရင်…..attrib (folder နာမည်) –s –h ဆို ပြီးရိုက်ထည့် ပြီးရင် Enter ခေါက်လိုက်ပါ။ အကယ်၍ ဒီနေရာမှာ မိမိ folder ရဲ့ name မှာ space ခြားတာတို့ ပါနေ ရင် attrib “romantic hacker” –s –h ဆိုပြီးရေးရပါမယ်။

အဲဒါဆိုရင် အဲဒီ memory stick ထဲကပျောက်နေတဲ့ folder ပြန်ပေါ်လာတာကို တွေ့ရပါလိမ့်မယ်….
အားလုံး အဆင်ပြေပါစေ….

24/07/2025

ဒီရောဂါတွေမဖြစ်အောင် ဒီအလေ့အကျင့်ဆိုးတွေရှောင်

ရောဂါတွေနဲ့ သက်ဆိုင်တဲ့ ရှောင်ရှားသင့်တဲ့ အလေ့အကျင့်တွေကို အောက်မှာ ဖော်ပြထားပါတယ်။

-ဆီးချိုရောဂါ- ညဘက်နောက်ကျပြီး အစာစားခြင်း
-သွေးတိုးရောဂါ- ဆားအများကြီး သုံးစွဲခြင်း
-နှလုံးရောဂါ- ကိုယ်လက်လှုပ်ရှားမှု မရှိခြင်း
-အရိုးပွရောဂါ- နေရောင်ခြည်ကို ရှောင်ခြင်း
-အစာအိမ်ရောင်ခြင်း (Gastritis)- အလွန်မြန်မြန်စားခြင်း
-အက်ဆစ်ပြန်တက်ခြင်း (Acid Reflux)- အစာစားပြီးနောက် လှဲလျောင်းခြင်း
-သွေးအားနည်းရောဂါ - ထမင်းစားနေစဉ် လက်ဖက်ရည်သောက်ခြင်း
-အူလမ်းကြောင်းဆိုင်ရာပြဿနာများ- ရေအလုံအလောက် မသောက်ခြင်း
-ပန်းနာရင်ကျပ် - ဖုန်ထူသော ပတ်ဝန်းကျင်တွင် နေထိုင်ခြင်း
-အသည်းပြဿနာများ- ပြုပြင်ထားသော အစားအစာများ စားခြင်း
-ဗီတာမင်ဒီချို့တဲ့ခြင်း- အိမ်တွင်းမှာသာ နေခြင်း
-ကျောက်ကပ်ကျောက်တည်ခြင်း - ရေအနည်းငယ်သာ သောက်ခြင်း
-စိတ်ဖောက်ပြန်ခြင်း (Dementia)- နာရီပေါင်းများစွာ screentime
-အိပ်မပျော်ခြင်း - ညဘက်နောက်ကျပြီး ဖုန်း/ကွန်ပျူတာကြည့်ခြင်း
-စိုးရိမ်ပူပန်ခြင်း (Anxiety)- ဆိုရှယ်မီဒီယာကို အဆက်မပြတ်အသုံးပြုခြင်း

ကျန်းမာကြပါစေ။
လေးစားလျက်-
နိုင်ဦး-၁၁၉

22/07/2025

#လူတစ်ဦးမှာရှိသင့်တဲ့ပမာဏများ

#သွေးပေါင်ချိန်
120/80

#သွေးခုန်နှုန်း
60 ~ 100

#ခန္ဓာကိုယ်အပူချိန်
98.2 ~ 100.5 °F ( 36.8 ~ 38 °C)

#အသက်ရှူနှုန်း
တမိနစ်လျှင် 12 ~ 16 ကြိမ်

#ဟေမိုဂလိုဘင် (Hemoglobin)
အမျိုးသား- 13 ~ 18 g/dL
အမျိုးသမီး- 11.5 ~ 16 g/dL

#ကိုလက်စထရော (Cholesterol)
200mg/dLအောက်

#ဆိုဒီယမ် (Sodium)
135 ~ 145 mEq/L

ထရိုင်ဂလစ်ဆရိုက် (Triglycerides)
150 mg/dLအောက်

#ခန္ဓာကိုယ်တွင်း သွေးပမာဏ
5 ~6 လီတာ

#သကြား (သွေးတွင်းဂလူးကို့စ်)
ကလေးများ ။ 70 ~ 130 mg/dL
လူကြီးများ ။ 70 ~ 110 mg/dL
(အစားမစားမှီ) (အစာစားပြီး ၂နာရီအကြာ)

သံဓာတ် (Iron):
8 ~ 15 mg

ယူရစ်အက်စစ် ( Uric Acid )
အမျိုးသား ။ 3.5 ~ 7.0 mg/dl
အမျိုးသမီး။ 2.5 ~ 5.7 mg/dl

သွေးဖြူဥ (White Blood Cells)
4,000 ~ 11,000 cells/μL

သွေးဥမွှာ (Platelets)
150,000 ~ 400,000 cells/μL

သွေးနီဥ (Red Blood Cells)
5.6 ~ 6.0 million cells/μL

ဗီတာမင် D3
20 ~ 50 ng/mL

ကယ်လ်စီယမ် (Calcium)
8.6 ~ 10.3 mg/mL

ဗီတာမင် B12
200 ~ 900 pg/mL

BMI
18.5 ~ 24.9 အတွင်း

နေ့စဉ်ရေသောက်ရမည့်ပမာဏ
၈ခွက်

အိပ်ရေး တည ၇ နာရီမှ ၉ နာရီ

WHO အကြံပြုချက် ကိုယ်လက်လှုပ်ရှားမှုတပါတ် မိနစ် ၁၅၀

ဇော်မိုးအောင်(ကိုရီးယား)

#ကျန်းမာရေးဗဟုသုတရကြပါစေ

01/01/2025

2025 မှာ Online ကနေ ၀င်ငွေရ လမ်းကြောင်း ဖန်တီးချင်တယ်ဆိုရင် ဒီအချက်တွေကို လုပ်ပါ။

1. Record yourself

စာသင်တတ်ရင် စာသင်တဲ့ Video ရိုက်ပါ။ ဟင်းချက်တတ်ရင် ဟင်းချက်တဲ့ Video ရိုက်ပါ။ ပြီးရင် Social Media ပေါ်တင်ရင်း Personal Branding တည်ဆောက်ပါ။

2. Digital Tools ‌

CapCut, Canva, AI အစရှိသဖြင့် Digital Tools တွေကို အခြေခံလောက် သုံးတတ်အောင်လုပ်ပါ။

3. Learn English

အင်္ဂလိပ်စာကောင်းရင် ကောင်းသလောက် အခွင့်အလမ်း ပိုကောင်းပါတယ်။ အနည်းဆုံး Intermediate Level လောက် တတ်အောင် လုပ်ပါ။

4. Be consistent

စွဲစွဲမြဲမြဲလုပ်ပါ။ ကိုယ့်မှာ အလုပ်ရှိတယ်ဆို ဆက်လုပ်ပါ။ တဖက်မှာလည်း Online ကနေ ထိုးဖောက်ပါ။

Online မှာ အောင်မြင်လာတဲ့အခါ 9 to 5 အလုပ်တွေထက် Income ပိုကောင်းပါတယ်။

Location Independent ဖြစ်တဲ့အတွက် ဘယ်နေရာဖြစ်ဖြစ် အလုပ် လုပ်လို့ရပါတယ်။

ဒါပေမယ့် မပေါက်ခင်မှာ ဇွဲရှိဖို့တော့ လိုပါတယ်။

29/12/2024

ရေသောက်နည်းခြင်းကြောင့်ဖြစ်တဲ့ ဆီးနှင့်ကျောက်ကပ် ပြဿနာတွေ

ကျောက်ကပ် ဆိုတာ ကျွန်မတို့ ခန္ဓာကိုယ် မှာ သွေးတွင်းက အနည်တွေကို စစ်ထုတ်ပေးရတဲ့ ရေစစ်လိုမျိုး filter လုပ်ပေးတာပါ

ရေသောက်နည်းလာတဲ့ အခါ ဒီ အနည်တွေက ကျောက်ကပ်မှာ စုပြုံလာပြီး အနည်ထိုင် ကျောက်တည်လွယ် နဲ့ ဆီးကျောက်ရှိပြီဆို နောက်ဆက်တွဲ ဆီးပူဆီးကျဉ်ဆီးအောင့် အစရှိတဲ့ ဆီးပိုးဝင်တဲ့ လက္ခဏာတွေ ဆက်တိုက်ခံစားလာရနိုင်ပါတယ်

ကျောက်ကပ်မှာ ကျောက်တည်နေပြီဆို ခါးနောက် နဲ့ ဗိုက်တဝိုက်မှာ စူးပြီး အောင့်မယ်..ဆီးပိုးပါဝင်ပြီဆို ချမ်းတုန်ပြီးဖျားတာ အန်တာ ဆီးပူဆီးကျဉ်တာတွေဟာ မကြာခဏဆိုသိလိုဖြစ်လာတယ်..အထူးသဖြင့် ရာသီဥတုအေးလို့ဖြစ်စေ အလုပ်ရှုပ်နေလို့ဖြစ်စေ ရေသောက်နည်းတဲ့နေ့တွေဆက်လာရင်ဖြစ်မယ်..ငရုတ်သီး အပူအစပ်တွေ ရေခဲရေ အအေး အသောက်များရင်လဲ ပိုဖြစ်စေပါတယ်..ကွမ်းစားတတ်တဲ့သူတွေ ကျောက်ကပ်ကျောက်တည်လွယ်တဲ့ အစားအသောက်တွေစားတာများရင် ပိုသတိထားဖို့လိုပါတယ်

ဒါကြောင့် မိုးရွာရွာ နေပူပူ တနေ့ကို ရေ ၂ လီတာ ခွဲ ကို သတိတရ နဲ့ နေ့စဉ်ဝင်အောင်သောက်ပါ

တနေ့ကို ၂ လီတာခွဲမဖြစ်မနေဝင်အောင် ရေဘူးကို ကိုယ့်အနီးအနားမှာမြင်သာအောင်ထားတာ..ဖုန်းမှာ alarm ပေးထားပြီး ရေသောက်ဖို့ သတိပေးတာမျိုးလုပ်ထားပါ

ငရုတ်သီးအပူအစပ် နဲ့ ရေခဲရေလို ဆီးပိုပူစေတဲ့ အစားအသောက်တွေ စားသောက်မိရင်လဲ ရေကို ပိုပြီးတိုးသောက်ပြီး မိမိတို့ရဲ့ ကျောက်ကပ်လေး ကျန်းမာဖို့ သတိထားဂရုစိုက်စေလိုပါတယ်

28/12/2024

၂၀၂၄ ပြီးဆုံးဖို့အတွက်
ရက်အနည်းငယ်ပဲ လိုပါတော့တယ်။

ဒီအချိန်မှာ ကျွန်တော်တို့
လုပ်ကိုလုပ်ရမယ့် အရာ (၃)ချက် ရှိပါတယ်။

ကျွန်တော် ဘယ်လိုလေး
သတ်မှတ်ထားလည်း ဆိုတော့

3 R လို့ ခေါ်ပါတယ်။

ပထမဦးဆုံး R သည် Review - ပြန်လည် စဉ်းစားကြည့်ခြင်း ဖြစ်ပါတယ်။

၂၀၂၄ မှာ လုပ်ခဲ့သမျှအရာတွေ အကုန်လုံးကို
ကျွန်တော်တို့ ပြန်ပြီးတော့ "Review" လုပ်ကြည့်ရအောင်။

၂၀၂၄ ထဲမှာငါတို့ ဘာတွေ လုပ်ခဲ့လဲ ?

ဒုတိယ R ကတော့ " Reflect - ပြန်လည်စဉ်းစားရင်း မိမိအတွက် အကျိုးရှိတယ် ၊ အကျိုးမရှိဘူးဆိုတာကို တွေးတောခြင်း“ လို့ ခေါ်ပါတယ်။

ကိုယ် Review လုပ်နေရင်းနဲ့
အဲ့ထဲမှာ ဘာတွေကောင်းလဲ ?

မကောင်းဘူးလဲ ?

မကောင်းဘူးဆိုရင်တော့
ကျွန်တော်တို့ အဲ့ကနေ သင်ခန်းစာပြန်ယူရလိမ့်မယ်။

နောက်ဆုံး R ကတော့ " Recharge" လို့ခေါ်ပါတယ်။

၂၀၂၄ ကိုကျွန်တော်တို့ အကောင်းဆုံးနှုတ်ဆက်ဖို့အတွက်
ကိုယ့်ကိုယ်ကို Recharge လုပ်ရင်းနဲ့ ၂၀၂၅ အတွက်
အသစ်တစ်ဖန် ပြန်လည်မွေးဖွားဖို့ လိုပါတယ်။

New Year ဆိုတဲ့
Energy ကို ယူရင်းနဲ့ ခွန်အားမွေးပါ။

ကိုယ်လုပ်ချင်တဲ့ အရာကို
အတိအကျရေးပြီးတော့ ဆက်လျှောက်ပါ။

2025 သည် မိတ်ဆွေရဲ့ နှစ်တစ်နှစ် ဖြစ်လာပါလိမ့်မယ်။


ချစ်ခြင်းအားဖြင့်

17/11/2024

အလုပ်အကိုင်ရှားပါးနေတဲ့ အခုလိုကာလမှာ
လူငယ်/လူလတ်ပိုင်းတွေအနေနဲ့ ဆန္ဒရှိရင် freelancer အနေနဲ့ ဒါမျိုးလေးတွေလုပ်ဖို့ကြိုးစားကြည့်ပါ။

(၁) ကားမောင်းသင်ပေးခြင်း

ကားကိုကျွမ်းကျွမ်းကျင်ကျင်မောင်းတတ်တယ်ဆိုရင် ကားမောင်းသင်ပေးလို့ရပါတယ်
One by one ယာဉ်မောင်းသင်တာဟာ ဘယ်ခေတ်မဆိုရှိနေမယ့်အလုပ်ဖြစ်ပြီး နိုင်ငံတကာမှာလည်း လုပ်ကိုင်နေကြဆဲဖြစ်ပါတယ် ။ ဒီအတိုင်းသင်မှာထက်စာရင် ယာဉ်စည်းကမ်း လမ်းစည်းကမ်းတွေသေချာပြန်လေ့လာ ၊ က.ည.န ပေါ်လဆီတွေပြန်လေ့လာ ၊ သင်တန်းသားအတွက်လိုအပ်တဲ့အရာတွေကိုဖြည့်တင်းပေးဖို့ professional ပီသအောင်ဖြည့်တင်းထားရင် ဒီအလုပ်ကမဆိုးပါဘူး။
Page တစ်ခုထောင်ပြီး စတင်ကြည့်ပါ ။ သင်တန်းသားအချင်းချင်း referral ပေးကြရင်း စေတနာထားရင်ထားတဲ့အလျောက် အဆင်ပြေလာပါလိမ့်မယ် ။ မိမိကိုယ်တိုင် လိုင်စင်ရှိရမှာဖြစ်ပြီး ကားရှိရင်ပိုအဆင်ပြေနိုင်ပါတယ် ။

(၂) နိုင်ငံတကာသင်ရိုးသင်ကြားခြင်း

အရင်ကတည်းက စာသင်လက်စအခြေခံရှိတယ်ဆိုရင် နိုင်ငံတကာသင်ရိုးဘက်ကိုလှည့်ကြည့်ပါ။
မိမိကိုယ်တိုင်က စဉ်ဆက်မပြတ်လေ့လာနေဖို့‌တော့လိုအပ်ပါတယ် ။ မြို့ကြီးတချို့မှာ နိုင်ငံတကာသင်ရိုးတွေသင်ကြားနေပြီမို့ အချိန်ပေးပြီးလေ့လာထားမယ် ၊ ကိုယ့်မှာရှိပြီးသား teaching skills တွေကို update မြှင့်နိုင်ရင်မြှင့်နိုင်သလို သင်လို့ရမှာပါ။
သင်ကြားရေး channel တွေလည်း ရှိနေပြီမို့ နီးစပ်ရာမှာအလွယ်တကူစုံစမ်းနိုင်ပါတယ် ။

ပြည်တွင်းသင်ရိုးအနေနဲ့လည်း study guide အနေနဲ့သော်လည်းကောင်း part time teacher အနေနဲ့သော်လည်းကောင်း တချို့နေရာတွေမှာလုပ်ကိုင်လို့ရပါတယ် ။ Private ကျောင်းတွေရဲ့ပုံသေဆရာအလုပ်ကတော့ တပတ်၆ရက်သင်ရတာဖြစ်ပြီး သာမန်လခစားဝန်ထမ်းအလုပ်နဲ့အတူတူပါပဲ ။

(၃) Digital platform ပေါ်မှာကြိုးစားကြည့်ခြင်း

Graphic design ဆွဲတာမျိုးတွေ Content writing ရေးတာမျိုးတွေကို ဝါသနာပါတယ်ဆိုရင်ကြိုးစားကြည့်စေချင်ပါတယ် ။ များသောအားဖြင့် ဒီအလုပ်တွေဟာ freelancer အနေနဲ့လုပ်လို့ရပြီး တချို့လည်း အဲဒီအလုပ်တွေကိုရုံးတက်ပြီးအလုပ်လုပ်ရပါတယ်။ ကိုယ်စေတနာထားရင်ထားသလောက် လက်ရာမြောက်ရင်မြောက်သလောက် client တွေ referral ပေးရင်ပေးသလောက် အလုပ်ဖြစ်ပါတယ်။
အဲဒီပညာရပ်‌တွေကိုလေ့လာသင်ကြားဖို့တော့ အချိန်တစ်ခုပေးရမှာဖြစ်ပြီး ကျွမ်းကျင်တတ်မြောက်သွားရင်တော့ freelancer အနေနဲ့ရေရှည်ရပ်တည်နိုင်မှာဖြစ်ပါတယ် ။
YouTube channel ထောင်မယ် fb ကနေပိုက်ဆံရှာမယ် TikTok ကနေပိုက်ဆံရှာမယ်ဆိုရင်တော့ ကျွမ်းကျင်တဲ့သူတွေနဲ့တိုင်ပင်ပါ ။

(၄) အိမ်ခြံမြေဘက်မှာ လုပ်ကိုင်ကြည့်ခြင်း

အများအခေါ် " ပွဲစား" လို့ခေါ်နေကြပေမယ့်
နိုင်ငံတကာမှာလည်း ဒီအလုပ်ဟာလုပ်ကိုင်နေကြဆဲပါပဲ ။ ရပ်ကွက်ထဲ လမ်းထဲမှာ ပွဲစားလုပ်တာမျိုးထက် နိုင်ငံအဝှမ်းကမြေကွက်တွေ ဆောက်လက်စကွန်ဒိုတွေ ဈေးကောင်းရနေတဲ့မြေတွေကိုဖြန့်ကျက်ပြီးအကျိုးဆောင်လုပ်နိုင်တဲ့ level ကိုရောက်အောင်ကြိုးစားကြည့်ပါ ။
အိမ်ခြံမြေလောကမှာလည်း လေ့လာသင်ယူစရာတွေ အများကြီးပါ ။ ဥပဒေရေးရာတွေ လေ့လာဖို့လိုသလို လက်ရှိဒီနိုင်ငံအနေအထားအရ ရွှေ ဒေါ်လာ အိမ်ခြံမြေဈေးကွက်ဟာ အလှုပ်ဘက်မှာပဲ အမြဲလိုလိုရှိတာမို့ အချိန်ပေးပြီးလေ့လာမယ် ။
senior တွေနဲ့တွဲပြီးလုပ်ရင်းကိုင်ရင်းသင်ယူမယ်ဆိုရင် real estate လောကမှာ နှစ်အနည်းငယ်အတွင်းအောင်မြင်လာနိုင်ပါတယ် ။

(၅) အထွေထွေအာမခံ / အသက်အာမခံအကြံပေးလုပ်ကိုင်ခြင်း

အများအခေါ်က agent ပါ။ ကော်မရှင်စားပါ။
ဒါပေမယ့် တစိုက်မတ်မတ်လုပ်ကိုင်မယ် စဉ်ဆက်မပြတ်သင်ကြားနေမယ် စေတနာထားပြီးလုပ်ကိုင်မယ်ဆိုရင် ဒါဟာရေရှည်လုပ်ကိုင်လို့ရမယ့် career တစ်ခုဖြစ်ပါတယ် ။ နိုင်ငံတကာမှာလည်း financial consultant အနေနဲ့ freelancers အဖြစ်လုပ်ကိုင်ရင်း ဝင်ငွေကောင်းတဲ့အလုပ်တစ်ခုဖြစ်ပါတယ်။
လူသားတွေရှိနေသရွေ့ ကျန်းမာရေးပြဿနာတွေရှိနေသရွေ့ ဆေးကုသဖို့အတွက်အဆမတန်ကုန်ကျနေသရွေ့ အသက်အာမခံ/ကျန်းမာရေး/ပညာရေးအာမခံတွေဟာရှိနေမှာဖြစ်ပါတယ် ။
( General insurance ဘက်မှာလည်း
ကားအာမခံ/မီးအာမခံတွေခေတ်စားလာပါပြီ )
တခြားအလုပ်နောက်တစ်ခုနဲ့လည်းတွဲလုပ်လို့ရတဲ့အလုပ်မျိုးဖြစ်ပါတယ် ။ ရုံးတက်စရာမလိုဘဲ online နဲ့ တနိုင်ငံလုံးကိုသာမက ပြည်ပရောက်မြန်မာတွေကိုပါ ဝန်ဆောင်မှုပေးနိုင်ပါတယ် ။
မြန်မာပြည်မှာ နိုင်ငံခြားအခြေစိုက်ကုမ္ပဏီ ၅ခုနဲ့ ပြည်တွင်းကုမ္ပဏီအများအပြားရှိပါတယ် ။
( လစာနဲ့ခေါ်တဲ့ အာမခံအလုပ်တွေလည်းရှိနေပါပြီ )

***********

မြန်မာနိုင်ငံရဲ့ရှေးရိုးစွဲအမြင်တွေက
မနက်ရုံးသွား / ညနေရုံးပြန် / တပတ်တရက်နား
လကုန်ရင်လစာထုတ်လို့ရမှ " အလုပ် " လို့ မြင်နေကြဆဲပါ ။ freelancer အလုပ်တွေကို အာမခံချက်မရှိတဲ့အလုပ်လို့ယနေ့အထိမြင်နေကြတုန်းပါ ။

နိုင်ငံတကာမှာတော့ freelancer အလုပ်တွေကို ပိုပြီးသဘောကျကြပါတယ် ။ ကိုယ့်အချိန်ကိုယ်ပိုင်တယ်
လုပ်ချင်လုပ် မလုပ်ချင်နေ ဘယ်သူ့မျက်နှာမှကြည့်နေစရာမလိုဘဲ အချိန်ပြည့်ဝန်ထမ်းတွေလောက်လစာရနေကြပါတယ် ။ ဘဝအတွက်အာမခံချက်ရှိ/မရှိကတော့ ကိုယ့်ကြိုးစားမှုနဲ့ ခေတ်ကိုလိုက်ပြီး ပြောင်းလဲနိုင်စွမ်းအနည်း/အများအပေါ်မူတည်ပါတယ် ။

လက်ရှိမှာတော့ ပြည်တွင်းမှာအလုပ်အကိုင်တွေရှားပါးနေပါတယ် ။ စက်ရုံတွေအကုန်မလည်ပတ်နိုင်ဘဲ ရသလောက်လေး run နေကြရတဲ့သဘောပါ
အလုပ်အများစုက ဝန်ထမ်းလျှော့ပေါ့နေကြပြီး ခေါ်တဲ့အလုပ်နေရာကိုလူအများစုကစုပြုံတိုးနေရတဲ့အနေအထားမျိုးပါ။

ဒါ့ကြောင့် freelancer အနေနဲ့လုပ်ကြည့်ချင်တယ်ဆိုရင် အဆိုပါအလုပ်တွေကိုစတင်လုပ်ကိုင်ကြည့်ဖို့ တိုက်တွန်းပါတယ်

အလုပ်အားလုံးက အရင်ဆုံးဝမ်းစာဖြည့်ရပါတယ်
ဘာတစ်ခုမှ အလကားမရပါဘူး ။
ကိုယ့်ဘက်ကအရင်ဆုံး ရင်းနှီးရပါတယ် ။
စဉ်ဆက်မပြတ်သင်ယူလေ့လာနေရမှာဖြစ်ပြီး လေ့လာသင်ယူမှုရပ်လိုက်တာနဲ့ သင်နောက်မှာကျန်နေခဲ့မှာဖြစ်ပါတယ်။

11/09/2024

ဒယ်အိုးနီတွေကို ကြာကြာအသုံးခံချင်ရင် ဒီလိုသုံးပါ

ဒယ်အိုးနီတွေကို ဟင်းချက်ဖို့ သုံးတဲ့အခါ အများစုကတော့ သုံခါနီးမှ ဆေးကြောသန့်စင်ကြပါတယ်။ ပြီးရင် ပလပ်ထိုးမယ်၊ ခလုပ်ဖွင့်မယ်၊ မီးပူလာလို့ ဒယ်အိုးထဲက ဆေးကြောထားတဲ့ရေအကြွင်းအကျန်လေးတွေက အမြုပ်တစ်စီစီနဲ့ အငွေ့ပြန်ပြီး ခန်းလာတော့မှ ဒယ်အိုးထဲ ဆီဖြည့်ပြီး စချက်ကြပါတယ်။ အဲ့ဒီကစပြီး မှားပါတယ်။

အဲ့လိုလုပ်ခြင်းအားဖြင့် ဒယ်အိုးနီကို ပျက်စီးလွယ်စေပါတယ်။ တရုတ်ထုတ် ဒယ်အိုးနီတွေဆိုရင် ကွိုင်ပေါက်ပြီးတော့ မြန်မြန်ပျက်စီးမယ်။ ယိုးဒယားထုတ် ဒယ်အိုးနီဆိုရင် ကွိုင်ပေါက်ပြီး ဓာတ်ပါ လိုက်တတ်ပါတယ်။

ဒယ်အိုးပူပြီးမှ ဆီထည့်ခြင်းကို ရှောင်ပါ။ ဆေးကြောသန့်စင်ပြီးရင်လည်း အဝတ်သန့် အဝတ်ခြောက်နဲ့ ရေပြောင်အောင်သုတ်ပါ။ ပြီးဆီအရင်ထည့်ပြီးမှ မီးဖွင့်ပါ။ အဲ့လိုလုပ်ခြင်းအားဖြင့် ကြာကြာလည်း အသုံးခံမယ် တူးတာကပ်တာတွေလည်း သက်သာလာပါမယ်။

18/08/2024

ကိုယ်ပိုင် အရင်းအနှီးမရှိပဲ လုပ်ငန်း ဘယ်လိုစမလဲ...
ကျွန်တော့် ရဲ့ စီးပွားရေး သင်တန်းမှာ သင်တန်းသားတွေကို မေးခွန်းတစ်ခု မေးလိုက် ပါတယ်။ ကိုယ်ပိုင် စီးပွားရေး လုပ်ငန်းတစ်ခုလုပ်ဖို့ အတွက် အရင်းအနှီး လိုအပ်ပါသလား လို့ပါပဲ။ ဒီတော့ အားလုံးကပဲ တစ်ပြိုင်နက်ပြော ကြပါတယ်။ လိုပါတယ်ဆရာ တဲ့။ ဒီတော့ ကျွန်တော် က ဟုတ်ပြီ။ ဒီလို ယူဆ ထားရင်တော့ တကယ်ပဲ ခင်ဗျား တို့အားလုံး အရင်းအနှီး တစ်ခု စရှိလာမှ ကိုယ်ပိုင်လုပ်ငန်းတစ်ခု စဖြစ်လိမ့်မယ်။ ကဲ..ဒါ့ဖြင့် အရင်းအနှီးက ဘယ်အချိန်မှာ ဘယ်လို ရမလဲ လို့ ပြန်မေး ပါတော့တယ်။ ဒီအခါမှာတော့ အတော်စဉ်းစားသွားကြပါတော့တယ်။
လူအများစု ရဲ့စိတ်မှာ Limitation တစ်ခု အနေနဲ့ ရှိနေတတ်တာက အရင်းအနှီးတစ်ခု ရှိမှ ကိုယ်ပိုင် လုပ်ငန်းတစ်ခု စလို့ ရတယ်ဆိုတဲ့ အချက်ဖြစ်ပါတယ်။ ဒါဟာ အပြည့်အ၀ မမှန်ကန်ပါဘူး။ အရင်းအနှီး မရှိပဲ သို့မဟုတ် ကိုယ်ပိုင် အရင်းအနှီးမရှိပဲ လုပ်ငန်းတစ်ခု စတင်လို့ ရတာတွေ အများအပြား ရှိပါတယ်။ ကျွန်တော်ကိုယ်တိုင် အနည်းဆုံး ရင်းနှီးငွေ နဲ့ လုပ်ငန်းတွေ တည်ထောင် လုပ်ကိုင်ဖူးပါတယ်။ ဒီတစ်ခါမှာတော့ ငွေ ရင်းမလိုပဲ ဘယ်လို လုပ်ငန်းတွေ လုပ်ဆောင်လို့ရနိုင်လဲ ဆိုတာကို မျှဝေပေးလို ပါတယ်။
Networkကောင်းတစ်ခုရှိရင်…
မိမိမှာ အားကိုးရတဲ့ Network အဆက်အသွယ်တစ်ခုခုရှိမယ် ဆိုရင် လည်း အရင်းအနှီး မရှိပဲ လုပ်ငန်း တစ်ခု စတင်နိုင်ပါတယ်။ တစ်ခါက အသိ မိတ်ဆွေ တစ်ဦးဟာ အထည် ဆိုင် လေးတစ်ခု ရပ်ကွက်ထဲ မှာ ဖွင့်ပါတယ်။ ဒါပေမယ့် ဒီအထည် ဆိုင်က အထည်တွေ အတွက် အရင်းအနှီး မလိုအပ်ပဲ သူ့ရဲ့ အသိ ရဲ့ အထည် စက်ရုံကနေအထည် တွေ မှာယူပြီး တစ်လ တစ်ခါ ရောင်းရတဲ့ အထည်ကိုပဲ ငွေ ရှင်းတဲ့ စနစ်နဲ့ ရယူလိုက်တာဖြစ် ပါတယ်။ ဒါ့အပြင် ရောင်းမထွက်တဲ့ အထည်တွေကိုတောင် ပြန်လဲခွင့် ရသေး တော့ အတော်လေး အဆင်ပြေပါတယ်တဲ့။
ကျွန်တော်ကိုယ်တိုင်လဲ Network ကောင်းကောင်းတွေ ကြောင့် လုပ်ငန်းတွေ ကို အရင်းအနှီး မရှိသ လောက်ကနေ တည်ထောင် လုပ်ကိုင်ဖူးပါတယ်။ လုပ်ငန်း ရဲ့ လိုအပ်သမျှ အရင်းအနှီးကို စိုက်ထုတ်ပေး ပြီး ကိုယ်တိုင်ကတော့ အလုပ်ကို ဦးစီး လမ်းညွှန် ပေး ရုံ ပါပဲ။ ဒီအတွက် ကိုယ်က သိရုံလောက် သိတယ် ဆိုတာမျိုးမဟုတ်ပဲ တကယ် ရင်းနှီးကျွမ်းဝင်ပြီး အားကိုးအားထား အပြန်အလှန်ပြုနိုင်တဲ့ Network ကျယ်ကျယ်တစ်ခု ရှိဖို့လိုတာပါပဲ။
Service တစ်ခုခုပေးမယ်…
Service လုပ်ငန်း အများစု ဟာ အရင်းအနှီး အနည်းဆုံး သို့မဟုတ် မရှိသလောက် နဲ့ စတင်လို့ ရပါတယ်။ ဥပမာ အိမ်ခြံမြေ အကျိုးဆောင်၊ အထွေထွေအကျိုးဆောင် လိုမျိုးပါပဲ။ ဈေးကွက် လိုအပ်ချက် ပေါ်မူတည်ပြီး ဝယ်သူနဲ့ ရောင်းသူကို ညှိပေးနိုင်ရင် အလုပ်ဖြစ်ပါတယ်။ ဒါ့အပြင် လူတွေ ရဲ့ ခက်ခဲနေတဲ့ အရာတွေ၊ ပြဿနာတွေကို မိမိက အချိန်အား၊လူအား စိုက်ထုတ်ရုံနဲ့ ဖြေရှင်းပေးနိုင်တယ် ဆိုရင်လဲ ဒါဟာ အရင်းအနှီးမလိုပဲ လုပ်ငန်းတစ်ခု အဖြစ် လုပ်ပေးနိုင်ပါတယ်။ ပွဲတွေ Event တွေ စီစဉ်ပေးမယ်၊ Delivery ပို့ဆောင် ပေးတာ၊ စတဲ့ Service လုပ်ငန်းတွေကို လုပ်ဆောင်နိုင်ပါသေးတယ်။
စကားကိုကပ်ပြီး ပြောရရင်တော့ အဲဒီ လုပ်ငန်းတွေလဲ လုပ်ကိုင်ဖို့ ပစ္စည်းပစ္စယ အနေနဲ့ အရင်းအနှီး တော့ နည်းနည်းလိုတာပါပဲလို့ဆိုနိုင်ပေမယ့် အခြား လုပ်ငန်းတွေလို ပမာဏ ကြီးကြီးမားမာ လုံးခနဲလို တာမျိုး မဟုတ်လို့ ပိုလွယ်လွယ်စလို့ ရတာပါပဲ။
နည်းပညာ အခြေပြု…
ဒီခေတ်ဟာ နည်းပညာ ခေတ်ဖြစ်လာလို့ နည်းပညာကိုသုံးပြီး ငွေရှာလို့ ရလာပါတယ်။ ကျွန်တော် ကိုယ်တိုင်လဲ လူထောင် ပေါင်းများစွာ တက်ရောက် နေတဲ့ online သင်တန်းတွေကို အရင်းအနှီး မရှိသလောက်နဲ့ စတင် ခဲ့တာပါပဲ။ သုံးလက်စ လက်ပ်တော့ လေးနဲ့ ပဲ ဗီဒိယိုတွေ ရိုက်ပြီး online မှာ တင် တာနဲ့တင် ဝင်ငွေ လမ်းကြောင်းတစ်ခုကို ဖန် တီး နိုင်ခဲ့ပါတယ်။ ဒီလိုပါပဲ။ social meida တွေ မှာ Video, တွေ ဘလော့တွေ တင်ပြီး ကြော်ငြာတွေကနေ ငွေ ရတာ၊ Instant articles လို ကနေ ငွေရတာ၊ စတဲ့နည်းပေါင်းများစွာ ကနေ ဝင်ငွေကောင်းကောင်း ရရှိပြီး လုပ်ငန်းတစ်ခုလို လည်ပတ် နိုင်ပါတယ်။
Order ကောက်မယ်…
လက်ရှိ ခေတ်စားလာတဲ့ တစ်နိုင် အလုပ်လေးတစ်ခုကတော့ Order ကောက်တာပါပဲ။ တစ်ချို့က Online Shopping Group. အမျိုးအစား အစုံကို ဝင်ထားကြပြီး ကိုယ့်ပတ်ဝန်းကျင်က လူတွေ၊ ဆီ ကို မှာယူလိုတာလေးတွေ order ကောက်ပေးပြီး ရာခိုင်နှုန်းတစ်ခု ရယူကြတဲ့ နည်းပါပဲ။ နောက်တစ်ခါ ထိုင်း လို တရုတ်နိုင်ငံလိုမှာ အသိရှိတဲ့ အခါ အဲဒီက ပစ္စည်းတွေ လိုသူတွေကို Order ကောက်ကာ ဝယ်ယူပေးတဲ့ အလုပ်မျိုး ပါပဲ။
ကျွမ်းကျင်မှု Skill တစ်ခုခုရှိရင်…
အခြားသူတွေ ထက်သာလွန်တဲ့ ကျွမ်းကျင်မှု တစ်ခုခုရှိရင်လဲ အရင်းအနှီးမရှိပဲ လုပ်ငန်းစလို့ရပါတယ်။ ဥပမာ Facebook marketing ပညာကို ကိုယ်က ကျွမ်းကျင်တယ်ဆိုရင် အခြား သူတွေရဲ့ Page တွေကို ကိုင်တွယ်ပေးတာ၊ Boost Service ပေးတာတွေကို လုပ်ပေးရင် လုပ်ငန်းစနိုင်ပါတယ်။ ဒါမှမဟုတ် မိမိက စာအရေးအသား ကျွမ်းကျင် တယ်ဆိုရင်လဲ ရေးထားတဲ့ စာမူတွေကို တစ်ခုစီ ရောင်းချတာဖြစ် ဖြစ် ၊ ထုတ်ဝေသူ တွေ ဆီတင်ပြပြီး စာအုပ်ထုတ် တာဖြစ်ဖြစ် ဆောင်ရွက်လို့ ရနိုင်ပါတယ်။
ဒီအတွက် ကျွမ်းကျင်မှု Skill တစ်ခုခု ရှိရင် အပိုဝင်ငွေ တစ်ခု ဖန်တီးဖို့လွယ်ကူပြီး အဲဒီကနေ လုပ်ငန်းတစ်ခု အဖြစ်ပါ အသွင်းကူးပြောင်းနိုင်ပါတယ်။
Branding တစ်ခုကောင်းကောင်း ရှိရင်…
တကယ်လို့ ကိုယ့်မှာ Brand တစ်ခု တည်ဆောက် ထားနိုင်ရင် ၊ အဲဒီကနေ လူအများစုကို လွှမ်းမိုး Influence လုပ်နိုင်တယ်ဆိုရင် အရင်းအနှီးမလိုအပ်ပဲ လုပ်ငန်းတစ်ခု စနိုင်ပါသေးတယ်။ ဥပမာ မိမိက ဖုန်း အကြောင်း ကျွမ်းကျင် ပြီး ဒါကို လူတွေ ကလဲသိမယ်၊ ယုံကြည်အားကိုးမယ်ဆိုရင် ဖုန်းနဲ့ ပတ်သတ်တဲ့ ပြဿာတွေ ရှင်းပေးတာ၊ ဝယ်ယူပေးတာ၊ စစ်ဆေးပေးတာ၊ စတာတွေ ကိုဆောင်ရွက် နိုင်ပါတယ်။ တကယ်လို့ မိမိက Social Influencer လို Brand တစ်ခု ရှိနေပြီ ဆိုရင်လည်း သက်ဆိုင် ရာ နယ်ပယ်အလိုက် Marketing ဝန်ဆောင်မှုတွေ ပေးတာမျိုး လုပ်ဆောင်ပြီး လုပ်ငန်းတစ်ခု အဖြစ် ကူးပြောင်းနိုင်ပါတယ်။
အခြေအနေ အနေအထားလေးတွေ
တစ်ခါက လုပ်ငန်းတစ်ခု ဟာ အရင်းအနှီး အနည်းငယ်လေး နဲ့ လုပ်ငန်းကို ရအောင် လည်ပတ်ပါတယ်။ ဒါကတော့ customer တွေ ဆီက အော်ဒါ တစ်ခုရပြီဆိုရင် အတည်ပြုဈေးရဲ့ ရာခိုင်နှုန်း အများစုကို ကြို တင်ငွေ ပေးချေ ခိုင်းပါတယ်။ ဒီ နယ်ပယ်မှာအဲဒီ လုပ်ငန်းတစ်ခုပဲ ရှိတာ၊ သို့မဟုတ် အဆင်ပြေတာ ပဲ ရှိတဲ့ အခါ Customer က ဆိုတဲ့ ဈေးအတိုင်း ငွေကြိုချပေးရပါတော့တယ်။ အဲဒီကြိုတင်ငွေ နဲ့မှ လုပ်ငန်းက ကုန်ကြမ်းပစ္စည်းတွေဝယ် ယူပြီး ကုန်ချော ထုတ်ပါတယ်။ ဒီအတွက် လုပ်ငန်းလည်ပတ်မှု က ငွေ ရင်းအများကြီးမလိုတော့တဲ့ အခြေအနေဖြစ်သွားတာပါပဲ။
Sub-Contract ပြန်ပေးတာ
ကိုယ့်အနေနဲ့ ဈေးကွက် တစ်ခုခုကို လက်ဝါးကြီးအုပ်ထား နိုင်တယ်ဆိုရင် တစ်နည်းအားဖြင့်. Monopoly လုပ်ထားနိုင်ရင်လည်း အရင်းအနှီး မထည့်ပဲ ဝင်ငွေ ရနေနိုင်ပါတယ်။ ဥပမာ အပန်းဖြေ ပန်းခြံ တစ်ခု အတွက် စက်ဘီး ငှားရမ်းခွင့်ကို ကိုယ်တစ်ဦးထဲက ရထားတယ်ဆိုပါစို့။ဒါ ဆိုရင် ကိုယ်ကနေ တစ်ခါ စက်ဘီးအငှားလုပ်ငန်းတစ်ခုကို အမြတ် တင် ဆပ်ကန်ထရိုက်ပြန်ပေးကာ ဝင်ငွေ ရရှိတာမျိုး ဖြစ်ပါတယ်။
လုပ်ငန်းကျွမ်းကျင်မှုနဲ့ အတွေ့အကြုံ…
တစ်ခါက လုပ်ငန်းရှင်တစ်ဦးဟာ အခြေအနေ တွေ ဆုံပြီး သိန်းထောင် ချီဆုံးရှုံး ကာ လုပ်ငန်းပြိုလဲ သွားပါတယ်။ ဒါပေမယ့် ဒီ လုပ်ငန်းကိုပဲ ပြန်လည်စတင် လုပ်ကိုင်ဖို့ အတွက် ဆိုပြီး အသိမိတ်ဆွေ တွေက ငွေအရင်းအနှီး ရှယ်ယာတွေ မတည်ထည့်ပေးကာ လုပ်ငန်းကို ပြန်စတင်စေပါတယ်။ ဘာကြောင့်လဲ ဆိုတော့ လုပ်ငန်းက အခြေအနေ တစ်ခုကြောင့် ဆုံးရှုံးသွားပေမယ့် သူ ကတော့ အတွေ့အကြုံ တကယ် ရှိပြီး ပြန်လည် ထူထောင် နိုင်မယ်ဆိုတာကို မိတ်ဆွေ က ယုံကြည်ကြလို့ ဖြစ် ပါတယ်။ ဒီအတွက် မိမိ ကဈေးကွက်တစ်ခု. Product or service တစ်ခုခုအတွက် အတွေ့အကြုံ ကောင်း ကောင်း ရှိတယ်ဆိုရင် အရင်းအနှီးကို ရှယ်ယာ ခေါ်တာ၊ ဘဏ်ချေးငွေ ရယူတာ ၊ Investor ရှာတာတွေ ကနေ ရယူပြီး ကိုယ်ပိုင် အရင်းအနှီးမရှိပဲ စတင် လို့ ရပြန်ပါတယ်။
အကြွေးကို အသုံးချနိုင်မယ်…
ကုန်သွယ်ရေးလုပ်ငန်း တစ်ခု လုပ်မယ်ဆိုပါစို့။ Supplier ဆီကနေ ကုန်တွေကို ရယူမယ် ငွေချေဖို့ ကိုတော့ တစ်လ ဆိုင်းငံဖို့ ညှိနှိုင်းမယ်၊ ဒီကုန်တွေကို အစကထဲက Pre order ကောက်ထားပြီး နှစ်ပတ် လောက် အတွင်း လက်ငင်းငွေ ချေစနစ်နဲ့ ရအောင် ရောင်းနိုင်မယ်၊ တစ်လ ပြည့်တော့မှ supplier ကိုကုန်ကြွေးဆပ်မယ်ဆိုရင် ကိုယ်ပိုင် အရင်းအနှီး မလိုပဲ လုပ်ငန်းတစ်ခု လည်ပတ် နိုင် တာပါပဲ။
ဒီအချက်လေးတွေ ကတော့ ကိုယ်ပိုင် အရင်းအနှီး မရှိပဲ သို့မဟုတ် အနည်းငယ်နဲ့ လုပ်ငန်းတစ်ခု ကို လွယ်လွယ် စတင်လို့ ရတဲ့ အခြေအနေ လေးတွေ ဖြစ်ပါတယ်။
လုံလောက်တဲ့ အသိပညာဟာ ပြင်းထန်တဲ့ အခက်အခဲတွေကို လွယ်ကူစွာ ကျော် ဖြတ် စေနိုင်ပါတယ်။

Address

Monywa

Website

Alerts

Be the first to know and let us send you an email when ယုမီ - use me posts news and promotions. Your email address will not be used for any other purpose, and you can unsubscribe at any time.

Shortcuts

Share

Category