28/11/2025
Black Friday"
*************
နှစ်စဥ် နိုဝင်ဘာ ပြည်ပခရီးထွက်ဖြစ်သည်၊
ခရီးထွက်ဖြစ်တိုင်း Shopping Mall ကြီးများတွင် BLACK FRIDAY DISCOUNT ဆိုင်းဘုတ်ကြီးများချိတ်ဆွဲထားသည်ကိုတွေ့ရလေ့ရှိပြီး ထိုနေ့နှင့်တိုက်ဆိုင်ပါက လူများစွာတန်းစီဝယ်ယူနေကြတာကိုတွေ့ရ၏။
ထိုအဓိပ္ပါယ်ကဘာဆိုလိုလဲ???သိချင်မိခဲ့သည်၊
ပြီးခဲ့သည့်အပတ်က
ပြည်ပတွင်အနေကြာသူ ရင်းနှီးသောမိတ်ဆွေတစ်ဦးနိုင်ငံကြီးတစ်နိုင်ငံမှပြန်လာသည်နှင့်ဆုံသည်၊
သိချင်သောကိစ္စကို မေးဖြစ်သည်၊
Black Friday ဆိုတာဟာ အမေရိကန်မှာ ကျေးဇူးတော်နေ့ (Thanksgiving) ရဲ့ နောက်တစ်ရက်မှာ ကျင်းပသော နှစ်စဉ်ဈေးရောင်းပွဲတော်နေ့ဖြစ်ပြီး ယခုအခါ ကမ္ဘာအနှံ့သို့ ပျံ့နှံ့သွားခဲ့ပါပြီ။ ဒီနေ့မှာ ဈေးသည်တွေဟာ လျှော့စျေးကြီးကြီးမားမားပေးလေ့ရှိပြီး စျေးဝယ်သူများအတွက် ခရစ္စမတ်လက်ဆောင်တွေကို စောဝယ်ထားဖို့ နေ့တစ်နေ့လည်းဖြစ်ပါတယ်။
"Black Friday" ဆိုတဲ့ စကားစုကို ၁၉၅၀ပြည့်လွန်နှစ်များက အမေရိကန်၊ ဖီလာဒဲဖီးယားမြို့မှာ စတင်သုံးနှုန်းခဲ့ကြပါတယ်။ ကျေးဇူးတော်နေ့အပြီးမှာ စျေးဝယ်သူတွေနဲ့ မြို့ထဲလူ များပြားလွန်းတဲ့အတွက် ရဲတပ်ဖွဲ့ဝင်များက ဒီနေ့ကို "Black Friday" လို့ ခေါ်ဆိုခဲ့ကြတာဖြစ်ပါတယ်။
၁၉၈၀ပြည့်လွန်နှစ်တွေမှာ ဈေးသည်တွေဟာ "Black Friday" ဆိုတဲ့ အခေါ်အဝေါ်ရဲ့ မကောင်းတဲ့အဓိပ္ပာယ်ကို ပြောင်းလဲပစ်ဖို့ ကြိုးစားခဲ့ကြပါတယ်။ စာရင်းအင်းပညာမှာ "အနီ" (in the red)ဆိုတာ ရှုံးနိမ့်မှုကို ပြသပြီး"အမဲ" (in the black)ဆိုတာ အမြတ်ရရှိမှုကို ပြသပါတယ်။
ကျေးဇူးတော်နေ့အပြီးမှာ ရောင်းအားတွေမြင့်တက်လာပြီး ဈေးသည်တွေ ရှုံးနိမ့်မှုကနေ အမြတ်ရရှိမှုဆီကို ကူးပြောင်းသွားတယ်ဆိုတဲ့ အဓိပ္ပာယ်သစ်ကို ဖန်တီးလိုက်ကြပါတယ်။
Christmas နဲ့ နှစ်သစ်ကူးအတွက် လူတွေ ပစ္စည်းဝယ်တာ စတင်သောနေ့လည်း ဖြစ်ပါတယ်။
Online Merket တွေ ထွန်းကားလာမှုကြောင့် ကမ္ဘာတစ်ဝှမ်းက စျေးဝယ်သူတွေဟာ အမေရိကန်ဈေးသည်တွေဆီက Discount တွေကို ရယူနိုင်ခဲ့ကြပါတယ်။ ဒါကြောင့် တခြားနိုင်ငံက ဈေးသည်တွေကလည်း ကိုယ်ပိုင် Black Friday ဈေးရောင်းပွဲတွေ စတင်ကျင်းပလာကြပါတယ်။
တချို့နိုင်ငံတွေဟာ ဒီဓလေ့ကို သူတို့ရဲ့ ယဉ်ကျေးမှုနဲ့ ကိုက်ညီအောင် ပြောင်းလဲအသုံးပြုကြပါတယ်။
"အီဂျစ်နှင့် လစ်ဗျား" "White Friday" ဆိုပြီး အမည်ပြောင်းကာ ဈေးရောင်းပွဲကျင်းပကြပါတယ်။
"ပါကစ္စတန်" "Blessed Friday" ဆိုတဲ့ အမည်သစ်နဲ့ ကျင်းပကြပါတယ်။
Black Friday ရဲ့ အောင်မြင်မှုကြောင့် ဆက်စပ်ပွဲတော်နေ့အသစ်တွေ ပေါ်ထွက်လာခဲ့ပါတယ်။
ဆိုက်ဘာ တနင်္လာနေ့ (Cyber Monday)
Black Friday ပြီးနောက် တနင်္လာနေ့မှာ ကျင်းပသော Online Market များရဲ့ အဓိကဈေးရောင်းပွဲနေ့ဖြစ်ပါတယ်။ ဒီနေ့မှာ Online Market တွေ သီးသန့်လျှော့စျေးတွေ ပေးလေ့ရှိပါတယ်။
လုပ်ငန်းငယ်များအတွက် စနေနေ့ (Small Business Saturday)
"Black Friday" ပြီးတဲ့နောက်နေ့ စနေနေ့မှာ ကျင်းပပြီး တစ်နိုင်တပိုင်ဈေးသည်တွေကို အားပေးဝယ်ယူကြဖို့ ရည်ရွယ်ပါတယ်။
Black Friday ဟာ စျေးဝယ်သူတွေအတွက် လျှော့စျေးကောင်းကောင်းရနိုင်တဲ့ အခွင့်အရေးဖြစ်သလို အမေရိကန်နိုင်ငံမှာ Thanksgiving Day (ကျေးဇူးတော်နေ့) ပြီးရင်နောက်နေ့ အများအားဖြင့် နိုဝင်ဘာလ စတုတ္ထပတ်သော သောကြာနေ့မှာ
Online + Offline Store တို့ရဲ့ Big Sale Day
အဖြစ် ယခုအခါ
Amazon, Walmart, Target, Apple စတဲ့ကမ္ဘာ့အကြီးဆုံးစီးပွားရေးလုပ်ငန်းတွေပါ၊ပါဝင်လာပါတယ်။
ကိုယ်တွေအတွက်မနက်ဖြန်ဟာ
Small Business Saturday ပေါ့၊
ကဲ-----အားပေးကြပါအုန်း၊
ကျန်းမာချမ်းသာကြပါစေ။
မျိုးအောင်
