23/03/2023
စိုက်ခင်းဘောင် Frame လေးတခုရိုက်ပြီး
နေရာချနေပြန်ပြီ။
သစ်ရွက်ခြောက်တွေ မြက်ခြောက်၊ ဟင်းသီးဟင်ရွက်၊သစ်သီးဝလံအဖြုန်းတွေစတဲ့ သဘာဝမှာကြေပျောက်နိုင်တဲ့ အမှိုက်တွေနဲ့ဖြည့်ပါအုံးမယ်။
ရေရွှဲအောင်လောင်းပေးပြီး အပေါ်ကနေ အပင်စိုက်လို့ ရှင်သန်ဖြစ်ထွန်းနိုင်မယ့် မြေဆွေးမြေသားကောင်း နှစ်လက်မလောက်နဲ့ ဖုံးမယ်။
ရေသင့်သလောက်ထပ်လောင်းပေးပြီး
စိုက်ချင်တဲ့မျိုးစေ့တမျိုးမျိုးပြန်ချမယ်။
ပန်းသော်လည်းကောင်း၊ ဟင်းရွက်သော်လည်းကောင်း၊ စားသုံးဖွယ် သို့၊ လှပဖွယ်တစုံတရာပေါ့။
ဒီလိုပဲစတင်လိုက်တာပါပဲ။
အမှိုက်လည်းရှင်းလို့ သန့်ပြန့်မယ်။
အပင်လည်းစိုက်လို့ စိမ်းလန်းမယ်။
မြေဆွေးရလို့ မြေဖိုးသက်သာမယ်။
အမှိုက်မပစ်ရ၊ မီးမရှို့ရတော့လို
သဘာဝတရားကြီးရောသက်ရှိတွေအတွက်ပါ
ပိုကောင်းမယ်။
အဖက်ဖက်ကပြည့်စုံတဲ့
ဖြေရှင်းနည်းလေးကို
ချစ်ခြင်းမေတ္တာ ညဏ်ပညာလွှမ်းတဲ့မျက်စိ
နှလုံးအိမ်နဲ့ အမှိုက်ကနေစတင်နိုင်ပါပြီ။
Be the change you want to see in the world!
ကိုယ်မြင်ချင်တဲ့အပြောင်းအလဲကို ကိုယ်ကစအကောင်အထည်ဖော်မှ။
နောက်မကျသေးဘူး၊စတင်ကြစို့။
It's never too late to start making a change for good.
