https://www.facebook.com/TransformSalai

Salai Htun Oo Win, Taungdwingyi (2026)

17/12/2025

ပညာရေး အရေးကြီးပါတယ်၊ကျွန်တော်တို့ဆီမှာ ပညာကိုတန်ဖိုးမထားတာက လူငယ်တွေရဲ့အပြစ်မဟုတ်ပါဘူး လူကြီးတွေရဲ့အပြစ်ပဲဖြစ်ပါလိမ့်မယ်။
စီပွားရေး အရေးကြီးပါတယ်၊ကြိုးစားသင့်ပါတယ်၊ဒါပေမဲ့ ပြောင်းလွယ်ပြင်လွယ် စီးပွားရေးဆို ပိုကောင်းမယ်ထင်ပါတယ်၊ပြောင်းလွယ်ပြင်လွယ်ရင် တစ် ကပြန်စရတာမျိုးအန္တရာယ်တွေကလွတ်ကင်းမှာပေါ့နော်။
ပညာရေး၊စီးပွားရေးအရေးကြီးတယ်ဆိုပြီးတော့လည်း ဇွတ်မလုပ်ပါနဲ့ အခြေအနေအချိန်အခါ ဆိုတာရှိပါသေးတယ်၊ထိန်းထိန်းသိမ်းသိမ်းလုပ်ပါ။
အရေးကြီးဆုံးဆိုရင်တော့ ကံပါ၊မေတ္တာပါ၊ကံကောင်းဖို့အဆင်ပြေဖို့ဆို မေတ္တာ‌တွေရှိဖို့လိုပါတယ်၊မေတ္တာတွေသာပေါများနေမယ်ဆိုရင် အခြေအနေအချိန်အခါကြည့်ပြီး ပညာရေးတွေဆည်းပူးတတ်၊စီးပွားရေးတွေရှာတတ်၊ကုသိုလ်တွေလုပ်တတ်သွားမှာပါဗျာ 🌲 🌲 🌲 🌲 🌲

#ကုသိုလ်၊ပညာ၊ဥစ္စာ
#ဆလိုင်းထွန်းဦးဝင်း

16/10/2025

လမ်းတွေပျောက်နေတုန်းပဲလား?လမ်းမပျောက်ပါနဲ့၊အလုပ်တွေလုပ်ရတာအဆင်မပြေဘူးလား?ကိုယ့်အတွက် ကိုယ့်မိသားစုအတွက်လောက်ပဲတွေးပြီးလုပ်တဲ့အလုပ်မျိုးဆိုရင် လမ်းပျောက်ချင်ပျောက်နိုင်ပါတယ်၊တကယ်လို့ကိုယ်လုပ်တဲ့အလုပ်ကအများအတွက်လည်းအကျိုးရှိမယ် ကိုယ့်အတွက်လည်းအကျိုးရှိမယ် အများအတွက်တကယ်လိုအပ်နေတဲ့အလုပ်လည်းဖြစ်မယ်ဆိုရင်လမ်းပျောက်ချင်မှပျောက်ပါလိမ့်မယ်။လမ်းမပျောက်ချင်ဘူးမို့လား လာမပျောက်ချင်ဘူးဆိုရင်တော့ကိုယ်အဆင်ပြေဖို့ပဲမတွေးနဲ့ သူများတွေအဆင်ပြေလားမပြေလားတွေး သူများတွေဘာတွေလိုအပ်နေလည်းတွေး သူများတွေလိုအပ်နေတာတွေအတွက်ဘာတွေလုပ်ပေးနိုင်မလဲတွေး သူများတွေလိုအပ်နေတာတွေအတွက်ကိုယ်တက်နိုင်နဲ့ဘက်ကလုပ်ပေးလိုက်ပါ။ငွေဆိုတာကခုလိုခေတ်ကာလကြီးမှာ ပေါများနေဖို့ဆိုတာထက် အဆင်ပြေတယ်ဆိုရင်ပဲ တော်တော်ကျေနပ်စရာကောင်းနေပါပြီ၊အဆင်မပြေလည်းဘာဖြစ်လဲ အများအကျိုးရှိမယ့်အလုပ်တွေ ကိုယ်အကျိုးရှိမယ့်အလုပ်တွေ လုပ်နေတယ်ဆိုရင်စိတ်ချမ်းသာနေမှာပဲ လမ်းတွေပျောက်နေမှာမဟုတ်ပါဘူး ကိုယ်လုပ်ခဲ့တဲ့အရာတွေကအလကားဖြစ်သွားမှာမှမဟုတ်တာ၊ခုအဆင်မပြေပေမယ့် နောက်ကျရင် အဆင်ပြေမှာပါပဲဘယ်အရာမဆိုတန်ပြန်သက်ရောက်မှုဆိုတာရှိတာပါပဲ၊အလုပ်မရှိဘူးလို့ထင်နေတုန်းလား အလုပ်ကရှိပါတယ် အလုပ်တွေမှအများကြီး မလုပ်ချင်တာလည်းဖြစ်ချင်ဖြစ်မယ် မလုပ်ရဲတာလည်းဖြစ်ချင်ဖြစ်မယ် မတတ်နိုင်တဲ့အလုပ်တွေကိုမခိုင်းပါဘူး၊ဒါပေမယ့် ကိုယ့်အဆင်ပြေဖို့ဆိုတဲ့ပုံစံမျိုးနဲ့တော့မလုပ်ပါနဲ့ အများအတွက်တကယ်လိုအပ်တဲ့အလုပ်တွေကိုတတ်နိုင်နဲ့ဘက်မှလုပ်ပါ၊အဲဒါ မိတ်ဆွေတို့အတွက် အလုပ်နဲ့ပတ်သက်တဲ့ အခွင့်အလမ်းကောင်းဖြစ်သလို ဘုရားဟောခဲ့တဲ့ တစ်ကြောင်းတည်းသောမဂ္ဂင်လမ်းဆိုလည်း မှားမှာမဟုတ်ပါဘူးခင်ဗျာ 🌲 🌲 🌲 🌲 🌲

03/10/2025

✨လူတစ်ယောက်နဲ့တစ်ယောက်မတူဘူးနော်၊လူတစ်ယောက်က ဗုဒ္ဓဘာသာမဟုတ်ပေမဲ့ သူပြုလုပ်တဲ့ကုသိုလ်ကောင်းမှု့က ပါရမီထိုက်သောဒါနလည်းဖြစ်နိုင်တယ်၊မေတ္တာလည်းဖြစ်နိုင်တယ်၊သစ္စာလည်းဖြစ်နိုင်တယ်၊သီလလည်းဖြစ်နိုင်တယ်၊သာသနာပကာလမှာ ဘုရားလောင်းနုစဉ် ဝေသံသရာမင်းကြီးဖြစ်စဉ်အခါက အလှူဒါနတွေပြုတဲ့အခါ ရေစက်လည်းမချရသလို၊ဘာသာရယ်လို့ အတည်တကျမရှိခဲ့ဘူးလို့သိရပါတယ်၊အဲလိုပဲ လူတစ်ယောက်က ဗုဒ္ဓဘာသာမဟုတ်ပေမဲ့လည်း မဂ္ဂင်ရှစ်ပါးနဲ့အညီနေထိုင်လုပ်ကိုင်နေတာလည်းဖြစ်နိုင်တယ်၊ဗုဒ္ဓဘာသာဖြစ်ပြီး မဂ္ဂင်ရှစ်ပါးနဲ့ တခြားစီလည်း‌ဖြစ်နေနိုင်တယ်၊အောင်မြင်နေတဲ့လူတွေ ၊ကြီးပွားတိုးတက်နေသူတွေ၊‌အောင်မြင်ကျော်ကြားလူကြိုက်များ လူချစ်လူခင်များနေတဲ့လူတွေဟာ မဂ္ဂင်ရှစ်ပါးတဲ့ အညီနေတဲ့လူတွေပဲ၊ဗုဒ္ဓဘာသာဆိုတာက သတ်မှတ်ချက်တစ်ခုမဟုတ်ပါဘူး၊ဘယ်သူဘယ်ဝါမှမဟုတ်ပါဘူး၊လွယ်လွယ်ကူကူယူသုံးချင်ရင်သုံးပါစေဆိုတဲ့ နည်းလမ်းလေးတွေပါ၊သဘာဝအနေနဲ့ရှိပြီးသားတွေပါ၊ကိုယ်ကိုတိုင်ရှာမယ်ဆိုလည်း၊ဒီလိုပဲတွေ့မှာပါ၊ပြောချင်တာက ဗုဒ္ဓဘာသာပါဆိုပြီး ဘုရားလမ်းမလိုက်ဘဲ၊ဒေဝဒတ် လမ်းလိုက်နေကြပြီး ဗုဒ္ဓဘာသာမဟုတ်တဲ့လူတွေက ဗုဒ္ဓ ဘုရားလမ်းလိုက်ပြီး မဂ္ဂင်ရှစ်းပါနဲ့ ညီနေတာတွေတွေ့နေရလို့ စိတ်မကောင်းလို့ပါဗျာ - - -

30/09/2025

🌐 ကျွန်တော် ညတိုင်း ဘုရားရှိခိုး၊ပရိတ်ရွတ်ပြီးတိုင်း တောင်းတဲ့ဆုက သုံးဆယ့်တစ်ဘုံတွင် ကျင်လည်ကြကုန်သော နတ်၊လူ၊သတ္တဝါအားလုံး ကပ်ကြီးသုံးပါးအန္တရာယ် ကင်းဝေးပါစေလို၏ အရှင်ဘုရား၊ကင်းဝေးကြပါစေ၊
🌐 သုံးဆယ့်တစ်ဘုံတွင်ကျင်လည်ကြကုန်သော နတ်၊လူ၊သတ္တဝါ အားလုံး ကပ်ကြီးသုံးပါးအန္တရာယ် ကျရောက်ခဲ့သည်ရှိသော် အမြန်ဆုံးကင်းပျောက်ပါစေလို၏အရှင်ဘုရား၊ကင်းပျောက်ကြပါစေ - - - -

#ဆုတောင်းဆန္ဒ
#ဆလိုင်းထွန်းဦးဝင်း

26/09/2025

English လေ့လာမယ်ဆိုရင် ကျွန်တော်လေ့လာတဲ့စာအုပ်ပြမယ်နော်၊ဒီစာအုပ်ကရွာကစာကြည့်တိုက်မှာတွေ့လို့ ယူဖတ်ကြည့်တာကြိုက်တာနဲ့အသစ်တစ်အုပ်ဝယ်လိုက်တာပါ၊နာမည်ကြီးစာအုပ်လားတော့မသိပါဘူး။ကျွန်တော်ကကြိုက်လို့ဝယ်လိုက်တာပါ၊ဒီစာအုပ်ကိုအရမ်းကောင်းတယ်လို့ပြောချင်တာမဟုတ်ပါဘူး။အဓိကကGrammerကိုလေ့လာရမှာပါ၊ဘယ်မှာပဲလေ့လာလေ့လာ Grammer ဖြစ်ဖို့ပဲလိုပါတယ်။ကျနော်Grammerလေ့လာတာကိုပြောပြမယ်နော်။
ပထမအလွတ်ကျက်တယ်တစ်အုပ်လုံးကိုတစ်ခေါက်ကျက်တယ်၊နှစ်ခေါက်ကျက်တယ် မမှတ်မိဘူး။နောက်တစ်ခေါက်မှာတော့လေ့ကျင့်ခန်းတွေလည်းလုပ်ဖို့ဆုံးဖြတ်လိုက်တယ်၊ဒီခေါက်မှာတော့ကျက်ရုံ၊မှတ်ရုံပဲမဟုတ်တော့ဘူး၊အခန်းတစ်ခန်းကို နားလည်အောင်ထိုင်ကြည့်တယ်၊ထိုင်စဉ်းစားတယ်၊ခေါင်းတောင်ပူတယ်၊ကျက်ရတာကမြန်တယ် တစ်ခန်းဆိုရင်နားလည်အောင်စဉ်းစားတာ၊တွေးခေါ်ရတာ၊သုံးသပ်ရတာချိန်ပေးရတယ်။ခေါင်းပူတယ်၊ခေါင်းကိုက်တယ် ပြီးတော့လေ့ကျင့်ခန်းတွေလုပ်တယ်၊လေ့ကျင့်ခန်းတွေမှာအဖြေတွေကနောက်ဆုံးစာမျက်နှာမှာပါတာကိုကျွန်တော်ကမသိဘူး။မေးခွန်းနဲ့အဖြေကို chat GPT,Google Gemini တို့မှာထည့်ရေးပြီး မှန်လားလို့မေးပါတယ်၊မှန်ရင် ဘာကြောင့်မှန်တယ် မှားရင်ဘာကြောင့်မှားတယ် လို့ပြန်ဖြေပေးပါတယ်၊မရှင်းရင်လည်းထပ်မေးပါတယ် တစ်ခုနဲ့တစ်ခုဆက်စပ်ကြည့်တယ် ဆက်စပ်တွေးခေါ်တာလည်းအရေးကြီးပညာတစ်မျိုးပါပဲ၊လုပ်ငန်းမတူတဲ့လူတွေရဲ့ပေါင်းတာပဲဖြစ်ဖြစ်၊ဓာတ်သဘာဝမတူတာတွေ ပေါင်းတာပဲဖြစ်ဖြစ် English မှာဆိုလည်း Grammer ဝါဇင်က ရှစ်မျိုးကို ဘယ်လိုပေါင်းစပ်ထားသလဲဆိုတာနားလည်အောင်လုပ်ရမှာပါ၊ဒါလည်းသဘာဝကျကျပေါင်းစပ်မှုတစ်ခုလိုပဲထင်ပါတယ်။
ပြောချင်တာကတော့သင်္ချာတို့ရူပဗေဒတို့မှ စဉ်းစားရတာမဟုတ်ပါဘူး။ English လည်းအတူတူပါပဲ၊သဘောတရားနားလည်အောင်လုပ်ရမှာနည်းနည်းပါးပါးပဲ ကျက်ရမယ်ထင်ပါတယ်၊ပြီးတော့ခုချက်ချင်းကြီးလည်းကျွမ်းကျင်အဆင့်ဖြစ်ချင်သွားတာမကောင်းပါဘူး၊အလုပ်မရှိဘဲလေ့လာမယ်ဆိုရင်တောင်တစ်လနှစ်လနဲ့ကတော့ဘယ်လိုမှဘယ်လိုမှကျွမ်းကျင်အဆင့်မဖြစ်နိုင်ပါဘူး။ကျွန်‌‌တော့ကို ဘာမှမလုပ်ပဲ English လေ့လာဆိုရင်ကျွန်တော်ကတော့တစ်နှစ်တော့ကျော်မယ်ထင်တယ်။ဒါကပိုက်ဆံမကုန်ဘဲအင်တာနက်ရတဲ့နေရာ AI တို့နဲ့လေ့လာတာကိုပြောတာပါ၊ကျွန်‌ေတာ်အတိအကျတော့ မပြောတတ်ပါဘူး ပိုက်ဆံအကုန်ခံနိုင်ရင်တော့ပိုမြန်မာပေါ့နော် ကျွမ်းကျင်တဲ့ဆရာကမကျွမ်းကျင်တဲ့ဆရာထက်မကျွမ်းကျင်တဲ့ဆရာထက် ပိုမြန်မာပါပဲ။English ဆရာတော့ဆရာပဲ သင်တာခြင်းတွေမတူဘူးနော်။အလုပ်မရှိဘဲလေ့လာလေ့လာ၊အလုပ်နဲ့ပဲလေ့လာလေ့လာ အချိန်တော့ပေးရမယ် စိတ်ရှည်ရမယ် အလုပ်သဘောအရလေ့လာတာမျိုးမဟုတ်ပဲ ဘာသာစကားကိုသဘောကျလို့၊နှစ်သက်လို့၊လက်နက်တစ်ခုလို tool တစ်ခုလို ပိုင်ဆိုင်ရမှာမို့လို့စွဲလမ်းစရာကောင်းတယ်ဆိုတဲ့သဘောမျိုးထားရမယ်။ဒါကိုသာပိုင်ဆိုင်ရရင် ကိုယ့်ဘဝတော့တစ်ဆစ်ချိုးပြောင်းလဲသွားမယ် လောကကိုမြင်တဲ့အမြင်တွေပြောင်းသွားမယ် ဉာဏ်ရှိတဲ့ပညာရှင်တွေ စီးပွားရေးသမားတွေက အမြင့်ဆုံးတောင်ထိပ်ပေါ်ကနေလှမ်းကြည့်နေတော့အဝေးကြီးကိုလည်းမြင်နိုင်တယ် အောက်မှာဖြစ်ပျက်နေတာတွေကိုလည်းမြင်နိုင်တယ် သူများထက်အမြင်ကျယ်လို့စွန့်ဦးတီထွင်လုပ်ငန်းရှင်တွေ အသိပညာရှင်အတတ်ပညာရှင်တွေဖြစ်လာတယ်။အဲသလိုပဲကိုယ်က English တတ်ရင် ကမ္ဘာကြီးကိုမြင်ရမယ့်အမြင်တစ်မျိုးပြောင်းသွားမယ်လို့တွေးကြည့်လိုက်ပါ English လိုရေးထားတဲ့ Facebook အချက်အလက်တွေ English လိုတင်ထားတဲ့ you tube video တွေ English လိုပြောထားတဲ့ AI အကြောင်းတွေ အကုန်ကိုယ်နဲ့ တိုက်ရိုက်ပြောသလိုဖြစ်နေမယ်။နိုင်ငံခြားကရေးထုတ်ထားတဲ့ English စာအုပ်တွေဖတ်နိုင်မယ် AI မှာ prompt တွေ(ရေးချင်တဲ့အကြောင်းအရာကို English လို)ရေးထည့်နိုင်မယ်။Facebook,you tube ပေါ်မှာအလုပ်လုပ်တဲ့ပညာရှင်တွေက English ကျွမ်းကျင်ပြီးမှသူတို့ဘဝတွေတစ်ဆစ်ချိုးပြောင်းလဲသွားတယ်လို့ထင်ပါတယ် မြင့်မြတ်တဲ့ စိတ်ထားကြောင့်ကတော့ အဓိကပေါ့နော် ပိုပြီးအောင်မြင်တာပေါ့။
ပြောရမယ်ဆိုရင် English ကို အလုပ်တစ်ခုတာဝန်တစ်ခုလို မဟုတ်ဘဲနဲ့ တစ်သက်လုံးလက်တွဲသွားမယ့် ကိုယ့်ရဲ့သူငယ်ချင်းလေးလို လေ့လာနိုင်ရင်ကောင်းမယ်လို့ထင်ပါတယ်။ပြီးတော့လေ့လာတဲ့အခါမေ့သွားတယ်ဆိုတာ ကျွန်‌ေတာ်တို့အရွယ်ရောက်လာတဲ့အခါကျတော့စီးပွားရေး၊ကြီးပွားရေး၊လူရေးတွေနဲ့ ကျွန်‌‌တော်တို့စိတ်ထဲဦးနှောက်ထဲ နေရာတွေပြည့်နေလို့ငယ်ရွယ်သူတွေလိုဉာဏ်မကောင်းတာကတစ်ကြောင်း ပြီးတော့ လေ့လာတဲ့အခါ English ကဘဝထဲကိုမရောက်ရင်လည်းမေ့မှာပါပဲ၊ဆရာတော်ဦးဇောတိကပြောတာကြားဖူးတယ် သွားလာလုပ်ကိုင်ရင်း စားရင်းသောက်ရင်းလည်း English လိုပြောမယ်၊တွေးမယ်၊English လိုစဉ်းစားမယ် ဆိုရင် ပိုပြီးတော့ကျွမ်းကျင်လာလိမ့်မယ်တဲ့ဗျ။
အဓိကက Grammer ကိုလေ့လာရမှာ Grammer မှာပါတဲ့ ဝါဇင်္ဂရှစ်မျိုးရဲ့ ဆက်သွယ်ပုံတွေကိုနားလည်ရင် အဆင်ပြေမယ်လို့ထင်ပါတယ်။ Vocabularly ကတော့ ကျောင်းမှာသင်ဖူးတယ်ဆိုရင် အခြေခံလောက်တော့ရမှာပါ၊ကျောင်းမှာမသင်ဖူးရင်လည်း အခြေခံလောက်လေ့လာရင် အဆင်ပြေမှာပါ၊Grammer ပိုင်မှပဲ ဆက်လေ့လာလို့ရပါတယ် ကျွန်တော်လေ့လာတာဆိုရင် လေ့လာတယ်လို့တောင်ပြောလို့မရပါဘူး၊ကျွန်တော်က you tube funny video တွေ ကြည့်ရတာကြိုက်တယ်၊အများဆုံးကြည့်ဖြစ်တာ you tube video တွေပါ တစ်ခါတစ်လေ English movies တွေကြည့်ရတာလည်းသဘောကျတော့ ကြည့်ရင်းလေ့လာဖြစ်တယ်၊you tubeမှာဆိုရင်တော့ English to Myanmar Vocabularly လို့ရိုက်ရှာရင်လည်း Vocabularly တွေစုပေးထားတာ‌ေလးတွေကောင်းပါတယ်၊English movies အရှည် ဂျက်ကီချန်း ဇာတ်လမ်းတွေဆိုရင်လည်းကောင်းပါတယ်၊သူတို့ကလည်း English ကိုလေ့လာထားတဲ့သူတွေ English လိုပြောတာလည်းမမြန်ဘူးဆိုတော့လေ့လာမယ်ဆိုရင်အဆင်ပြေမယ်လို့ထင်ပါတယ်။
ဒါကတော့ကျွန်တော်လေ့လာခဲ့တဲ့ နည်းလမ်းလေးတွေပဲဖြစ်ပါတယ်၊ဒီထက်ကောင်းတဲ့နည်းလမ်းရှိရင်လည်း ဒီထက်ပိုမြန်တိုင်းပိုကောင်းနိုင်ပါတယ်။ကျွန်တော့နည်းလမ်းလေးတွေကိုသုံးလို့ရသလို ဒီထက်ကောင်းတဲ့နည်းတွေရှာဖွေလေ့လာနိုင်ရင်လည်း ဝမ်းသာစရာပါပဲ၊ကျွန်‌ေတာ်ဒီလိုတွေပြောနေလို့ မင်းက English ဘယ်လောက်များကျွမ်းလို့လဲလို့မေးစရာရှိပါတယ်၊ကျွန်‌ေတာ်လည်း လေ့လာနေဆဲပါ အခုဆိုရင်လေ့လာတာနားတောင်ထားရပါသေးတယ်၊ဒီအပြင်အလုပ်တွေလုပ်နေရလို့ပါ၊အလုပ်ရှုပ်တယ်ဆိုတာကခုလက်ရှိအလုပ်ကမကျွမ်းကျင်သေးလို့ပါ အချိန်ကိုမစီမံမခန့်ခွဲနိုင်သေးလို့ပါ အချိန်စီမံခန့်ခွဲနိုင်မှပြန်လေ့လာဖြစ်တော့မယ် ထင်ပါတယ်ဗျာ 💐💐💐💐💐

#လေးစားစွာဖြင့်
#ဆလိုင်းထွန်းဦးဝင်း

18/09/2025

တစ်ခါတုန်းက နေမကောင်းလို့ဆိုပြီးဆေးခန်းသွားပြတယ်၊ဆေးခန်းမှာ ဆရာဝန်က လူမျိုးတစ်မျိုး၊ဆေးခန်းပိုင်ရှင်နဲ့ ဆေးပေးတဲ့လူတွေကလူမျိုးတစ်မျိုး ဆိုတော့ ကျွန်တော်က တွေးမိတာပါ၊အော် ဒီလူတွေ ဆရာဝန်ပညာမတတ်ပဲနဲ့ ဆရာဝန်ကိုတောင် ခိုင်းစားနေတာလားမသိဘူး၊ဒီလူတွေကို လျှော့တွက်လို့တော့မရဘူး၊ကိုယ်တာဆို ဆရာဝန်နဲ့ ကိုယ်နဲ့ မင်းကဘာတုန်း ငါကဘာတုန်းဆိုပြီးပြိုင်နေတာနဲ့ပဲ ဘာအလုပ်မှကိုဖြစ်မှာမဟုတ်ဘူး၊အော်ဒီလူတွေ‌ တော်လိုက်တာ တစ်မိသားစုလုံးတောင် ဆရာဝန်မဖြစ်ပဲနဲ့ ဆရာဝန်ကို ပါတနာ လုပ်ပစ်တာ၊အံ့ကိုဩသွားတာ၊ခုချိန်များကြတော့ကျွန်တော်တို့ နိုင်ငံမှာ ဖြစ်ပျက်နေလိုက်ကြတာ မင်းကဆရာကြီး ငါကဆရာကြီးနဲ့ လွန်ခဲ့တဲ့ ဆယ်နှစ်လောက်က အိမ်မှာ ကြည့်ဖူးတဲ့ India ကလက်ပွားမင်းသား(မြန်မာအခေါ်) ဇာတ်ကားထဲမယ်တော့ လက်ပွားမင်းသားကို သူ့အမေကြီးက သူ့သားတုန်းကလိုတော်လွန်းလို့သူများတွေက အသုံးချ ကြမှာစိုးလို့တဲ့ တောထဲမှာပဲ အိမ်ဆောက်နေကြသတဲ့ ဗျာ၊အဲတာကျွန်တော်ကြည့်တာလွန်ခဲ့တဲ့ဆယ်နှစ်လောက်ကနော်၊ဇာတ်လမ်းကဘယ်အချိန်ကတည်းကရိုက်မှန်းမသိသေးဘူး၊ခုဆိုရင်တော့ဗျာ သူတို့ဆီမှာက အသုံးချတဲ့အဆင့်တွေကျော်လွန်ပြီး မေတ္တာတွေ ဗလပွနဲ့ အတူတူစုပေါင်းလုပ်ဆောင်ကြတဲ့ သူတွေ ဖြစ်ကုန်ပြီပေါ့ဗျာ၊အဲဒါ ဗုဒ္ဓဘာသာ မထွန်းကားတဲ့ နိုင်ငံတွေနော်၊ကြုံကြိုက်လို့ပြောပြတာ 🩵 🩵 🩵 🩵 🩵

17/09/2025

ခန္တာကိုယ်ကအစာတောင်းသလို စိတ်ကလည်းအစာတောင်းပါတယ်၊ခန္တာကိုယ်အစာတောင်းတဲ့ အခါ စားလို့ကောင်း ကျန်းမာရေးနဲ့ညီညွတ်မျှတတဲ့အစာ စားသုံးခြင်းကိုအကျင့်လုပ်ပါ၊ကျန်းမာရေးနဲ့ မညီညွတ်တဲ့ အစားအစာတွေကို အကျင့်လုပ်ရင်တော့ ကိုယ့်ဘဝကတစ်မြေ့မြေ့နဲ့ လောင်မြိုက်ပျက်စီးနေမှာနော်၊စိတ်ကအစာတောင်းတဲ့အခါ မကောင်းတဲ့အာရုံစေစားမှု့တွေ မကောင်းတဲ့အရာတွေနဲ့ အကျင့်မလုပ်မိပါစေနဲ့ ကောင်းတဲ့အရာတွေ စိတ်ကိုအားဖြစ်စေမယ့်အရာတွေနဲ့သာ ဂရုစိုက်ကျွေးမွေးမှဖြစ်မယ်နော်၊ဥပမာ-စာအုပ်ကောင်းတွေဖတ်တာ၊စာပေဟောပြောပွဲ အသံဖိုင်တွေနားထောင်တာ၊တရားစာအုပ်ဖတ် တရားနာတာ မျိူးတွေပါ၊ဒါတွေက ကျွန်တော်သိသလောက်ပါ၊ကျန်တဲ့ကောင်းတဲ့အရာတွေနဲ့လည်း စိတ်ကိုအစာကျွေးလို့ရပါတယ်။
စာအုပ်ဖတ်တဲ့လူတွေက အောင်မြင်ကြတယ်တဲ့၊ဟုတ်မယ်လေ စာအုပ်ဖတ်တယ်ဆိုတာက ဖတ်နေတဲ့အချိန်မှာ သီလလည်း လုံခြုံတယ် သမာဓိလည်းအားကောင်းတယ်၊ ဉာဏ်လည်းတက်တယ်၊ဗဟုသုတလည်းရတယ်၊စိတ်ကိုလည်းအစာကျွေးပြီးသားဖြစ်တယ် ဆိုတော့ စိတ်ရဲ့ဆာလောင်မှု့ကိုလည်းဖြေဖျောက်နိုင်တယ်၊လောဘဆိုတာ ဆာလောင်မှု့ပါပဲ၊ပုံမှန်ဆိုရင် လောဘဆိုတဲ့ဆာလောင်မှု့ကို မကောင်းတဲ့အစာတွေနဲ့ ကျွေးမွေးလေ့ရှိတယ်၊စာအုပ်ဖတ်တာက အရာအားလုံးလို့ ပြောရမလို ကောင်းတဲ့ အစာတွေကျွေးသလိုဖြစ်တယ်။
ဗုဒ္ဓမြတ်စွာဘုရားက တရားဟောတဲ့အခါ ဉာဏ်စဉ်တွေတက်ပြီး တရားအသိဉာဏ်တွေရကြသလို စာအုပ်တွေဖတ်နေတဲ့အချိန်မှာလည်း ဉာဏ်တွေ တက်နေတာပါပဲနော်၊ဒါကြောင့်ပါပဲ ကျွန်တော်ကတော့ စာအုပ်ဖတ်တယ်ဆိုတာ မဂ္ဂင်လမ်းပေါ်လျှောက်နေတယ်လို့တောင်မြင်မိပါတယ်ခင်ဗျာ၊ကျွန်တော်ငယ်ငယ်က စာအရမ်းဖတ်တာ၊ခုမှ စာသိပ်မဖတ်ဖြစ်တာ၊စာပုံမှန်ဖတ်နိုင်ဖို့ကြိုးစားနေတာပါ၊ အားလုံးကိုလည်း ကောင်းတဲ့စာတွေ များများဖတ်စေချင်ပါတယ်ဗျာ 🌿 🌿 🌿

11/09/2025

အရင်တုန်းကထင်ခဲ့မိတယ် တောလယ်၊ငှက်ပစ်ရတာ ပျော်စရာပဲလို့၊ငှက်တစ်ကောင်ရဲ့ ရင်ဘတ်ကို လေးခွနဲ့ ချိန်နေတဲ့အချိန်ဆို လောကကြီးထဲမှာ သူနဲ့ကိုယ်နှစ်ဦးထဲရှိပြီး သူက ကြီးမားလှတဲ့ ဂဠုန် ငှက်ကြီးလို ကိုယ်က ဧရာမသူရဲကောင်းကြီးလို စိတ်ထဲမှာ အောက်မေ့ နေခဲ့တာပေါ့၊ကြာလာတော့လည်းငှက်တွေပစ်ရတာထက် ငှက်ကလေးတွေ သွားလာပျံသန်း ပျော်ပါးဆော့ကစားနေတာကို မြင်ရတာလည်း ပျော်စရာပဲလို့တွေးမိတယ်၊ပျော်စရာအစစ်အမှန်ပါလားလို့လည်းတွေးမိပါတယ်။
ဟိုတုန်းကဆို အမြဲတမ်းပဲမဟုတ်တာပြောတဲ့လူတွေကိုမဟုတ်တာလုပ်တဲ့သူတွေဆို မကောင်းတဲ့လူတွေ အကျင့်မကောင်းတဲ့လူတွေ စိတ်ဓာတ်အောက်တန်းကျတဲ့လူတွေလို့ပဲ အမြဲတွေးတယ်။လောကကြီးကလူတွေနဲ့အဆက်အသွယ်ဖြတ်ချင်နေတဲ့အထိပါပဲ။
အချိန်တွေကြာလာတော့လည်း လူတွေဟာအသိဉာဏ်အနည်းအများ၊အနိမ့်အမြင့်ပေါ်မူတည်ပြီး ပြုမူပြောဆိုလုပ်ကိုင်ကြတာပါပဲ၊ဉာဏ်မြင့်တဲ့လူတွေက ကောင်းမွန်စွာပြုမူလုပ်ကိုင်ကြသလို ဉာဏ်နည်းတဲ့လူတွေကတော့ မှားမှားယွင်းယွင်း ပြုမူ ပြောဆို လုပ်ကိုင်ကြတာပါပဲ၊ဉာဏ်နည်းတဲ့လူတွေကိုသွားပြီးတော့ မကောင်းတဲ့လူတွေလို့‌တွေးတာဟာ မှားယွင်းနေပါလားလို့စဉ်းစားမိတယ်။ဒီလိုအတွေးမျိုး ဆင်ခြင်တုံတရားမျိုးကိုလည်းအမြဲဖြစ်နေရင်ကောင်းမှာပဲလို့ အောင်မေ့မိတယ်၊ဒါပေမယ့်တစ်ခါတစ်ရံပဲ တွေးမိတာပါ၊ကောင်းတဲ့စိတ်တွေဖြစ်နေတဲ့အခါ ကောင်းတဲ့အတွေး‌ တွေးမိတယ် မကောင်းတဲ့စိတ်တွေဖြစ်နေတဲ့အခါ ဒေါသတွေဖြစ်နေတဲ့အခါ မကောင်းတဲ့အတွေးတွေပဲတွေးမိတယ်။ဉာဏ်နည်းတဲ့လူတွေကိုလည်း မကောင်းတဲ့လူတွေလိုပဲတွေးမိတယ်၊ကောင်းတဲ့စိတ်တွေများများထားပြီး ကောင်းတဲ့အတွေးတွေကိုများများတွေးနိုင်အောင် ကြိုးစားရအုံးမယ်။
ဒီလိုပါပဲ လူတွေကိုလည်း ဉာဏ်နည်းတဲ့လူတွေကို မကောင်းတဲ့လူတွေလို့ပြစ်တင်ရှုတ်ချနေမယ့်အစား ဉာဏ်မြင့်အောင် စိတ်ထားတတ်အောင် ဖွံ့ဖြိုးတိုးတက်အောင်ကူညီပေးတာက နှစ်ဦးနှစ်ဖက်အကျိုးဖြစ်ထွန်းဖို့ရာအတွက် အောင်မြင်စေကြောင်းနည်းလမ်းကောင်း ဖြစ်သလို ဘုရားလျှောက်ခဲ့တဲ့မေတ္တာလမ်းဆိုလည်းမှားမယ်မထင်ပါဘူးဗျာ၊အမြင်မှန် အတွေးမှန်ကြပါစေ 💐 💐 💐

#အသိညဏ်နဲ့စိတ်ထား
#အတွေးနဲ့အမြင်
#ဆလိုင်းထွန်းဦးဝင်း

04/09/2025

စာဖတ်တာဟာ စာရေးနည်းသင်တာပဲ စာဖတ်တာများလာရင် စာရေးတတ်လာမယ်။
#ဆရာတော် ဦးဇဝန မေတ္တာရှင်(ရွှေပြည်သာ)

ကိုယ်သိတဲ့အရာတွေကိုသူများကိုမသိစေချင်တာ ဖုံးကွယ်တာပါပဲ၊

စန္တရားတီးသလို၊ လေးပစ်သလို စာရေးတာကိုလည်း လေ့ကျင့်ယူလို့ရပါတယ်
#ဆရာတော်ဦးဇောတိက

03/09/2025

ငါ့မှာမိဘမရှိပါဘူး၊
ငါဟာ ကောင်းကင်နဲ့ မြေကြီးကို (သဘာဝတရားကို) မိဘသဖွယ်လုပ်ထားပါတယ်။
ငါ့မှာအိမ်မရှိပါဘူး၊
ငါဟာ သတိကို အိမ်လုပ်ပြီးတော့နေပါတယ်။
ငါ့မှာ မွေးဖွားခြင်း သေဆုံးခြင်းဆိုတာမရှိပါဘူး၊
ထွက်လေဝင်လေကိုပဲ မွေးဖွားခြင်း၊သေဆုံးခြင်းလို့ သဘောထားပါတယ်။
ငါ့မှာ တန်ခိုးဣဒ္ဓိပါတ် မရှိပါဘူး၊
ငါ့ဟာ ရိုးသားမှုကို ငါ့ရဲ့တန်ခိုးဣဒ္ဓိပါတ်အဖြစ် လုပ်ထားပါတယ်။
ငါ့မှာ မိတ်ဆွေသူငယ်ချင်း အပေါင်းအသင်းမရှိပါဘူး၊
ငါဟာ ငါ့စိတ်ကို မိတ်ဆွေအဖြစ်လုပ်ထားပါတယ်။
ငါ့မှာ ရန်သူမရှိပါဘူး၊
ငါဟာ သတိမပါ၊ ဉာဏ်မပါ ပေါ့ပေါ့တန်တန် ဖြစ်သလိုနေတတ် လုပ်တတ်တာကိုပဲ ငါ့ရန်သူလို့သဘောထားပါတယ်။
ငါ့မှာ သံချပ်ကာအင်္ကျီမရှိပါဘူး၊
ငါဟာ သူတပါးကောင်းကျိုးကိုလိုလားတယ်ဆိုတဲ့စိတ်ကိုပဲ သံချပ်ကာအင်္ကျီသဖွယ် လုပ်ထားပါတယ်။
ငါ့မှာ ရဲတိုက်ကြီးမရှိပါဘူး၊
ငါဟာ မလှုပ်မရှား မယိမ်းမယိုင်တဲ့ စိတ်ကိုပဲ ရဲတိုက်အဖြစ်လုပ်ထားပါတယ်။
ငါ့မှာ ဓားရှည်မရှိပါဘူး၊
ငါဟာ အတ္တမရှိခြင်းကိုပဲ လက်နက်ဖြစ်တဲ့ဓားရှည်ကြီးအဖြစ်လုပ်ထားပါတယ် 🌿 🌿 🌿 🌿

#ဆရာတော်ဦးဇောတိက

01/09/2025

🔹စိတ်ညစ်တာ၊စိတ်ပျက်တာ၊ရန်ညိုးဖွဲ့တာ၊ကလဲ့စားချေတာ၊ကြောက်တာ တွေဟာဒေါသ
🔹ဒေါသရဲ့ဆန်ကျင်ဘက်ကမေတ္တာ
🔹သူတစ်ပါးအကျိုးကိုလိုလားတာမေတ္တာ
🔹သူတစ်ပါး‌ကောင်းကွက်ကိုကြည့်တာမေတ္တာ
🔹အညှိုးအာဃာသကိုပယ်ဖျောက်တာမေတ္တာ ဆိုတဲ့စာစုလေးကို ဟိုး အရင်တုန်းက ကျွန်တော် ကြောက်စိတ်ကို ဖျောက်ချင်ရင် စာအုပ်ထဲမှာသွားရှာဖတ်နေကျပေါ့ဗျာ၊အဲဒီစာစုလေးကိုဖတ်မိတော့ ကြောက်တယ်ဆိုတာ ဒေါသဖြစ်နေတာပဲလို့သိရင်နည်းနည်းတော့သက်သာသွားတာပေါ့။

ခုချိန်များကြောက်စိတ်ဝင်ရင်တော့လည်း စိတ်တည်ငြိမ်အောင်၊အေးချမ်းအောင်၊ကောင်းအောင်ပဲတွေးရတော့တာပေါ့ဗျာ။
ဥပမာ-သေမှာကြောက်တယ်ဆိုတာက ကျွန်တော်တို့ ကိုယ့်ကိုကိုယ် သံယောစဉ် တွယ်တယ်၊မိသားစုကိုသံယောစဉ်တွယ်တယ်၊ပစ္စည်းဥစ္စာတွေ နေရာဌာနတွေ အစရှိတာတွေကို သံယောစဉ်တွယ်တာကြောင့်လည်း ဖြစ်တတ်ပါတယ်၊နောင်ဘဝဘယ်ဘုံ၊ဘယ်နေရာကို ရောက်မယ်မှန်းမသိလို့ ခုဘဝကိုတွယ်တာနေတာကြောင့်လဲဖြစ်နိုင်ပါတယ်။
ကိုယ်က ကောင်းတဲ့ဘုံဌာန၊နေရာတစ်ခုခုကိုသာရောက်မှာသေချာရင်တော့ ကြောက်စိတ် လျော့လာလိမ့်မယ်၊ကိုယ်ခန္ဓာကိုယ်ကိုတောင် ကိုယ်မပိုင်တာပဲ၊ပျက်စီးတတ်တဲ့သဘောတွေရှိတယ်၊အကြောင်းတရား အကျိုးတရားတွေရှိတယ်ဆိုတာကို တွေးမိမယ်ဆိုရင်လည်း ကြောက်တာတွေလျော့နိုင်ပါတယ်၊ကောင်းတာတွေအမြဲလုပ်တဲ့အတွက် ကောင်းတာတွေပဲ ဖြစ်မယ်လို့ ယုံကြည်ရင်လည်း ကြောက်တာတွေ လျော့မှာပါပဲ။
ဆရာတော်တစ်ပါးရေးထားတာလေးဖတ်ဖူးပါတယ်၊
“ထောင်နှင့်အပယ်လေးပါးသည်ကြောက်စရာမဟုတ် အကုသိုလ်သည်သာ ကြောက်စရာဖြစ်သည်”တဲ့ ဗျ၊
ပြောရမယ်ဆိုရင်တော့ဗျာ ထောင်တို့ အပယ်‌လေးပါးတို့ ဘေးအန္တရာယ် အမျိုးမျိုးတွေဟာ ကြောက်စရာမဟုတ်ပါဘူးတဲ့ ကိုယ်ပြုလုပ်မိတဲ့ အကုသိုလ်သည်သာကြောက်စရာပါတဲ့၊ဒါကြောင့် ကုသိုလ်ဖြစ်စရာတွေအမြဲလုပ်တဲ့သူတွေ ဘာပဲလုပ်လုပ်ပေါ့ဗျာ စီးပွားရေးပဲလုပ်လုပ်၊ လူမှူ့ရေးပဲလုပ်လုပ်၊ပညာရေးပဲလုပ်လုပ် ကုသိုလ်ဖြစ်အောင်လုပ်မယ် ဉာာဏ်နဲ့ယှဉ်ပြီးလုပ်မယ် အကုသိုလ်မဖြစ်အောင်လုပ်မယ်ဆိုရင် ခုဘဝ နောင်ဘဝကောင်းကျိုးတွေပဲရမှာဖြစ်တဲ့အတွက် ကြောက်စရာမလိုဘူးလို့ ဆိုလိုတဲ့ သဘောပါပဲဗျာ။
ဒေါသ၊အကြောက်တရားတွေ လျော့နေတဲ့အခါ စိတ်တည်ငြိမ်တယ်၊မှန်မှန်ကန်ကန်မြင်တယ်၊မှန်မှန်ကန်ကန်ဆုံးဖြတ်နိုင်တယ်၊လိုရာခရီးကိုရောက်ဖို့လွယ်တယ်။
ဗုဒ္ဓဘာသာမှာ ပထမ၊ဒုတိယ၊တတိယ၊စတုတ္ထဆိုတဲ့ အဆင့်လေးဆင့်ရှိတယ်၊အဆင့်လေးဆင့်ထဲကမှ တတိယအဆင့်ဖြစ်တဲ့ အနာဂါမ်ဆိုရင်တော့ ကာမ၊ရာဂ၊ဗျာပါဒ အပြီးသတ်ပယ်ထားနိုင်တဲ့အတွက် ကြောက်စိတ်ဆိုတာ လုံးဝမရှိတော့တာပါဗျာ၊ကျွန်တော်ကတော့ အနာဂါမ်လည်းမဟုတ်တဲ့အတွက် အနာဂါမ်လျုတော့ မတွေးနိုင် မရေးနိုင်ပါဘူးဗျာ၊ကျွန်တော်ဉာာဏ်မီသလောက် တွေးရေး ပေးတာပါနော်၊လိုရာခရီးကို အမြန်ရောက်ကြပါစေ 💐💐💐💐💐

#စိတ်အားဖြည့်
#ဆလိုင်းထွန်းဦးဝင်း

Salai Htun Oo Win

17/12/2025

16/10/2025

03/10/2025

30/09/2025

26/09/2025

18/09/2025

17/09/2025

11/09/2025

04/09/2025

03/09/2025

01/09/2025

Address

Telephone

Website

Alerts

Contact The Business

Shortcuts

Share