https://www.facebook.com/TransformSalai

Salai Htun Oo Win, Taungdwingyi (2026)

28/09/2026

လူတွေပြောကြတယ် ၁၀တန်းအောင်ဖို့လိုတယ်၊ဘွဲ့ရဖို့လိုတယ်၊ကွန်ပြုတာတတ်ဖို့လိုတယ်၊ English လည်းတတ်ဖို့လိုတယ်၊ Marketing လည်းတတ်ရမယ်၊ sale လည်းတတ်ရမယ်၊ခုခေတ်ဆိုလည်း Ai တတ်ဖို့လိုတယ်နဲ့ပြောနေကြတယ်၊လိုကောင်းလိုပါလိမ့်မယ် တစ်ချို့လူတွေအတွက် တစ်ချို့အရာတွေ၊လိုချင်မှလည်းလိုပါလိမ့်မယ်၊သူတို့လုပ်တဲ့အလုပ်ပေါ်လည်းမူတည်ပါသေးတယ်၊အရာရာဟာမဖြစ်မနေတတ်သိဖို့လိုအပ်နေပါတယ်လို့ မဆိုနိုင်ပါဘူး
မဖြစ်မနေ လေ့လာသင်ယူဖို့လိုအပ်တာ၊မွေးကတည်းကသင်ပေးဖို့၊သင်ယူဖို့လိုအပ်တာက သိပ္ပံနည်းကျဆိုရင် စိတ်ပညာလို့ပြောမလားပဲ၊ မြန်မာလိုဆိုရင်တော့ မေတ္တာတရား၊ဂရုနာတရား၊သီလတရား၊ကိုယ်ကျင့်တရား၊လူ့ယဥ်‌ကျေးမှု့၊လူသားဆန်မှု့တရားတွေပဲဖြစ်ပါတယ်
ဘယ်လောက်ကောင်းတဲ့ မျိုးစေ့ပဲဖြစ်နေပါစေ မဟာပထဝီမြေကြီးသာမရှိရင် ဘာပင်မှမပေါက်နိုင်သလို ယဉ်ကျေးမှု့၊လူသားဆန်မှု့ ကိုယ်ကျင့်တရား၊မွန်မြတ်တဲ့၊ဖြူစင်တဲ့စိတ်ထားပေါ်မှာသာ ကောင်းမွန်တဲ့အရာတွေ ရှင်သန်ဖြစ်ထွန်းနိုင်တာပါ၊
ဒါကြောင့် မေတ္တာ၊ဂရုနာ၊သီလ၊တရား၊ကိုယ်ကျင့်တရား၊လူ့ယဉ်ကျေးမှု့၊လူသားဆန်မှု့တို့ကို မဖြစ်မနေ လေ့လာသင်ယူပါ၊
နည်းပညာတတ်ပြီး လူသားဆန်မှု့မရှိပါက ဟီရိုရှိးမားမြို့ကြီးပျောက်ကွယ်သွားတာကိုသတိရပါ။

#နည်းပညာ
#အတတ်ပညာ
#စိတ်ပညာ
#အသိပညာ
#မေတ္တာတရား
#သီလတရား
#ကိုယ်ကျင့်တရား
#ယဉ်ကျေးမှု့
#လူသားဆန်မှု့

19/09/2026

“ငါ့မှ အဆင်မပြေဖြစ်ရတယ်၊ ငါ့မှ လမ်းတွေပျောက်တယ်၊ ငါ့မှ ကျန်းမာရေးမကောင်းဘူး၊ ငါ့မှ အလုပ်အကိုင်အဆင်မပြေဘူး၊ ငါ့မှ စိတ်ဆင်းရဲရတယ်၊ ငါ့မှ ဉာဏ်မကောင်းဘူး၊ ကံလည်းမကောင်းဘူး” ဆိုပြီး စိတ်ဖိစီးနေတယ်ဆိုတာက မိမိစိတ်ထဲက စိတ်စေတသိတ်၊ လောဘ၊ ဒေါသတို့ရဲ့ ဖြစ်လေ့ဖြစ်ထရှိတဲ့ သဘောသဘာဝပါ။

စိတ်အကြောင်းမသိသေးတဲ့အခါ နေလို့မကောင်းဖြစ်တတ်ပါတယ်။ ကိုယ့်စိတ်ကို သိသွားတော့လည်း စိတ်ဆင်းရဲတာ သက်သာသွားမှာပါ။ 🧘

တကယ်တော့ ကိုယ်မှမဟုတ်ပါဘူး။ အခြားသူတွေလည်း အဆင်မပြေတဲ့အခါ မပြေပါဘူး၊ လမ်းပျောက်တဲ့အခါ ပျောက်ပါတယ်။ ဒါပေမဲ့ တကယ်မဟုတ်ဘဲနဲ့လည်း မိမိစိတ်ရဲ့ လှည့်စားမှုကြောင့် အရာရာအဆင်မပြေဘူးလို့ ထင်နေတတ်ပါသေးတယ်။

တကယ်အဆင်မပြေတာတွေ ရှိနေရင်တောင် မိမိစိတ်ကိုသိပြီး စိတ်ဖိစီးမှုကို လျှော့ချနိုင်ရင် ခေါင်းအေးသွားတော့ ပြဿနာတွေကို ဖြေရှင်းရလွယ်သွားနိုင်ပါတယ်။

လမ်းတွေပျောက်နေရင် လမ်းတွေရှာတွေ့နိုင်တယ်၊ ကျန်းမာရေးဂရုစိုက်ရင် မြန်မြန်ပြန်ကောင်းမယ်၊ ကံမကောင်းဘူးဆို သီလစောင့် ကောင်းမှုတွေလုပ် ကံကောင်းအောင်လုပ်လို့ရတယ်၊ ဉာဏ်မကောင်းရင် စိတ်ကိုအေးချမ်းအောင် တည်ငြိမ်အောင်လုပ် ဉာဏ်ပိုကောင်းအောင်လုပ်လို့ရတယ်။

လူတိုင်းမှာ ဉာဏ်ရည်ဉာဏ်သွေး၊ မေတ္တာတို့ဟာ မျိုးစေ့အနေနဲ့ ပါပြီးသားဖြစ်တယ်။ တိုးပွားအောင်လုပ်လို့ရတယ်။ 🌱

Discovery ထဲက သမင်၊ ဒရယ်လေးတွေကို ကျားတို့၊ ခြင်္သေ့တို့က လိုက်တာခံရသလို ကိုယ်ကရော အဲဒီတိရစ္ဆာန်လေးတွေလောက် ဉာဏ်နည်းတယ်လို့ ထင်နေရင်တော့ မိတ်ဆွေ မှားနေပြီ။

မိတ်ဆွေတို့ဟာ အဲဒီသတ္တဝါလေးတွေထက် အဆပေါင်းများစွာသာတဲ့ ဉာဏ်ရည်တွေ၊ ခွန်အားတွေ၊ လုပ်နိုင်စွမ်းတွေရှိပါတယ်။

အရာရာကို ကြိုတင်ပြင်ဆင်ပြီး လူသားတစ်ယောက်ရဲ့ ဉာဏ်ရည်ဉာဏ်သွေး၊ ခွန်အား၊ လုပ်နိုင်စွမ်းတွေကို အမြော်အမြင်ရှိရှိ တွေးတောကြံဆကာ အချိန်ကိုက်ဖြစ်အောင်လုပ်ပါ။

အောင်မြင်မှုက သင့်အတွက်ပါပဲ မိတ်ဆွေ။ 🌱

#စိတ်စေသတိတ်
#လှည့်စားမှု့
#အေးချမ်းမှု့
#အောင်မြင်မှု့
#စိတ်အားဖြည့်

20/08/2026

သင်၏ငွေရေးကြေးရေးအသိပညာ နုံနည်းနေလျှင် ငွေကသင့်အား စိုးမိုးသွားပါလိမ့်မည်။ ငွေက သင့်ထက်ပိုပြီး နပ် နေလိမ့်မည်။ 💸
ငွေက သင့်ထက်ပိုပြီး နပ် နေပြီဆိုလျှင် သင်သည် သူ့အတွက် တစ်သက်လုံး အလုပ်လုပ်‌ပေးရ‌ပေလိမ့်မည်။ 😓
ငွေ၏သခင်ဖြစ်ဖို့ဆိုလျှင် သင်က သူ့ထက်ပိုပြီး နပ်နေရပါမည်။ ထိုအခါ ငွေသည် ရိုရိုကျိုးကျိုးနှင့် သင်ထားရာနေ၊ စေရာသွားပါလိမ့်မည်။ ✨
သင်သည် ငွေ၏ကျေးကျွန်ဖြစ်မည့်အစား ငွေ၏အရှင်သခင် ဖြစ်လာပါလိမ့်မည်။ 👑
ဤကား ငွေရေးကြေးရေးအသိပညာရှိခြင်းပင် ဖြစ်ပါသည်။
(ရောဘတ်ကီယိုဆာကီ) ✍️
ငွေမရှိမှာ၊ ဆင်းရဲမှာကြောက်နေတယ်၊ ငွေကကိုယ့်ကို လွှမ်းမိုးနေတယ်၊ ငွေရရင်ပြီး‌ေရာဆိုပြီးအလုပ်ကို လုပ်နေတယ်ဆိုရင် သင်ဟာ ငွေရဲ့ကျေးကျွန်ပါပဲတဲ့။ ⛓️
ချမ်းသာချင်ရင် ငွေရဲ့လွှမ်းမိုးမှုအောက်က ရုန်းထွက်ရမယ်၊ ငွေကြေးအသိပညာ ရှိရမယ်။ 💡
ငွေနဲ့ပတ်သက်တဲ့ သဘောထားမှားရင် ငွေရှာတဲ့အခါ မှားမှာပါပဲ။ ကြောက်တယ်ဆိုတာ ဒေါသပဲ၊ ဒေါသသမားက မှားတာပါပဲ။ 🚫
ငွေဆိုတာ ရှာရခက်တယ်လို့ ထင်နေရင် အစွန်းရောက်နေပြီ။ တကယ်တော့ ရှာရလည်း မလွယ်သလို၊ ရှာရလည်း ခက်မနေပါဘူး။ ⚖️
ငွေနဲ့ပတ်သက်တဲ့ စိုးရိမ်သောကကို ပယ်ဖျောက်၊ ငွေကြေးပညာကိုသင်ပါ။ 📚
ငွေက ကိုယ့်အောက်ကဆိုရင် ငွေကို ခိုင်းလို့ရပြီပေါ့။ တကယ်ဆိုရင် သူက သက်မဲ့ပဲလေ။ 💵
ငွေရဲ့လွှမ်းမိုးမှုကနေ ရုန်းထွက်နိုင်တဲ့ ဉာဏ်ပညာရှိတဲ့လူတွေက ငွေကို ခိုင်းစားနေကြတာပါ။ 😎💯

#ငွေကြေးအသိပညာ
#ရောဘတ်ကီယိုဆာကီ

14/08/2026

“သံယောစဉ်”

လူတွေမှာ သေမှာမကြောက်ပါဘူးဆိုပေမဲ့ တကယ့်သေဘေးနဲ့ကြုံလာခဲ့ရင် စိတ်ဖိစီးမှု့တွေဖြစ်လာတာပါပဲ၊ဘာကြောင့်ဖြစ်ရသလဲလို့ဆိုရင် ကိုယ်နေ နေတဲ့ ဒီဘဝလေးမှာ သာယာနေလို့ ဒီဘဝကို မစွန့်လွှတ်ချင်လို့၊ပြီးတော့ ဒီမိသားစု ဒီမိတ်ဆွေအပေါင်းအသင်း ကိုယ့်မြို့ကိုယ့်ရွာ ကိုယ့်စည်းစိမ်ဥစ္စာ တွေကို မစွန့်လွှတ်ချင်လို့၊ဒါ့အပြင် အရေးကြီးတဲ့အချက်က တကယ်လို့သေသွားခဲ့ရင် ဘယ်ကိုရောက်မယ်မှန်းမသိလို့ တကယ်လို့သာကောင်းတဲ့ ဘုံဌာန ကောင်းတဲ့နေရာကို ရောက်မယ်ဆိုတာသေချာခဲ့ရင် အရမ်းကြီးတော့ မတုန်လှုပ်နိုင်ပါဘူးနော်၊
ပထမမဂ်ကိုရလို့ ဂတိမြဲသွားရင် ကောင်းတဲ့ဘုံဌာနရောက်မှာသေချာတဲ့အတွက် အန္တရာယ်အမျိုးမျိုး ဒါမှမဟုတ် သေဘေးနဲ့ကြုံခဲ့ရင်လည်း ကောင်းတဲ့နေရာရောက်မှာသေချာတဲ့အတွက် စိုးရိမ်ခြင်း၊ထိန့်လန့်ခြင်း ပူဆွေးခြင်းတွေ သိပ်ဖြစ်မှာမဟုတ်တော့ဘူး၊
တတိယမဂ်ကိုရသွားရင်တော့ လုံးဝကို ကြောက်တာ၊လန့်တာ၊ဒေါသဖြစ်တာ၊ရာဂဖြစ်တာ တွေလုံးဝမရှိတော့တာပါတဲ့နော်၊
အကယ်၍ဘာမဂ်မှ မရသေးရင်လည်း ပူပင်သောကမများပါနဲ့၊ ငါးပါးသီလကို အတတ်နိုင်ဆုံးမကျိုးပေါက်အောင်စောင့်ထိန်းမယ်ဆိုရင်လည်း ကောင်းတဲ့နေရာရောက်မှာဖြစ်တဲ့အတွက် သိပ်စိုးရိမ်စရာမရှိပါဘူးနော်၊
လောကလူသားများ ဘယ်လို အန္တရယ်နဲ့ဘဲကြုံကြုံ စိုးရိမ်သောကမများဘဲနဲ့ စိတ်ကိုတည်ငြိမ်အေးချမ်းစွာ ထားနိုင်ကြပါစေ။
ဂတိမြဲ=မြစ်ပြင်ကျယ်ထဲက ဗေဒါပင်တွေလှိုင်းပုတ်ခတ်သမျှရောက်ချင်ရာရောက် ပေါက်ချင်ရာပေါက်ကြသလို ကိုယ်မပိုင်တဲ့ ဒီ စိတ်နဲ့ ခန္ဓာဟာလည်း ရောက်ချင်တဲ့ဘုံဌာနတွေရောက်နေရာကနေ ပထမမဂ်ကိုရလိုက်တာနဲ့ ရောက်ချင်ရာမရောက်တော့ဘဲ ပထမ၊ဒုတိယ၊တတိယ၊စတုတ္ထဆိုပြီး မမြဲခြင်းတရားကနေ မြဲတဲ့တရား မဂ်ဖိုလ်နိဗ္ဗာန်ကို ပဲအဆင့်ဆင့်တက်သွားတော့မှာဖြစ်ပြီး ပထမမဂ်ကိုစရတာနဲ့ မြဲတဲ့ဘက်ကိုပဲ စသွားနေတဲ့သဘောပဲလို့ ကြားဖူးနားဝနဲ့ထင်မြင်ယူဆမိပါတယ်ဗျ 🌲🌲🌲🌲🌲

07/08/2026

Mastery + Marketing + Management

ဘဝမှာ နေရာဒေသတစ်ခုတည်းကို မမှီခိုဘဲ အလုပ်လုပ်နိုင်ဖို့ အရေးကြီးတဲ့ အရည်အချင်း ၃ ခုရှိပါတယ်။

1. Mastery (ကျွမ်းကျင်ပိုင်နိုင်မှု)
ကိုယ်ရွေးချယ်ထားတဲ့ နယ်ပယ်တစ်ခုမှာ တန်ဖိုးရှိတဲ့ ကျွမ်းကျင်မှုနဲ့ ပညာရပ်တစ်ခု ပိုင်ဆိုင်ထားခြင်း။

2. Marketing (ဈေးကွက်ရှာဖွေခြင်း)
ကိုယ့်ရဲ့ ကျွမ်းကျင်မှု၊ ထုတ်ကုန်၊ ဝန်ဆောင်မှုတွေကို လူတွေဆီ ရောက်အောင် ဆက်သွယ်တင်ပြနိုင်ခြင်း။

3. Management (စီမံခန့်ခွဲမှု)
အချိန်၊ ငွေကြေး၊ လူမှုဆက်ဆံရေးနဲ့ လုပ်ငန်းတွေကို ထိရောက်စွာ စီမံခန့်ခွဲနိုင်ခြင်း။

ဒီအရာ ၃ ခုကို တည်ဆောက်နိုင်လာရင် Location Independence — ဘယ်နေရာဒေသမှာ ရှိနေပါစေ ကိုယ့်တန်ဖိုးနဲ့ အလုပ်လုပ်နိုင်တဲ့ လွတ်လပ်မှုကို ရရှိလာနိုင်ပါတယ်။

03/08/2026

ဘဝဆိုတဲ့တိုက်ပွဲမှာ ယောက်ျားရင့်မာကြီးတစ်ယောက်အနေနဲ့စိုးရိမ် ထိန့်လန့် ကြောက်ရွံ့နေတယ်ဆို အမျိုးသမီးတွေ၊ကလေးတွေနဲ့ အသက်ကြီးတဲ့သူတွေကို ကိုယ်ချင်းစာကြည့်ပါ၊‌
လောကဓံကြုံလို့ မဖြုံချင်ဘူးဆိုရင် လောကဓံအတွက် ကြိုတင်ပြင်ဆင်ထားပါ၊
လောကဓံနဲ့ ကြုံခဲ့ရင်လည်း ဒေါသမပွား၊သောကမများဘဲနဲ့ မကြောက်ရွံ့ မတုန်လှုပ်စွာ ခေါင်းအေးအေးထားစဥ်းစားဆုံးဖြတ်လုပ်ဆောင်ပါ၊
စိတ်ကောင်းနှလုံးကောင်း လူကောင်းသူကောင်းတွေအတွက် အသိဉာဏ်ပညာသည်သာ ပဲ့ကိုင်ရှင်သဖွယ်စောင့်ရှောက်ပါလိမ့်မည် 🩵 🩵 🩵 🩵 🩵

#စိတ်ဓာတ်
#အသိဉာဏ်ပညာ
#စိတ်အားဖြည့်

25/07/2026

ဦးဘုန်းဓာတုပြောတဲ့ E ၆ လုံး (သို့မဟုတ်)ဘဝတိုးတက်ဖို့အတွက် လေ့လာရမဲ့ပညာများ

IP=R(E1+E2+E3+E4+E5+E6)

IP=improvement(ဖွံ့ဖြိုးတိုးတက်မှု့)
R=read(စာပေဖတ်ရှု့ခြင်း)
E1=education(အခြေခံပညာ)
E2=experience(အတွေ့အကြုံ)
E3=exposure(နည်းပညာအသစ်တွေ၊နေရာဒေသ ဗဟုသုတအသစ်တွေလေ့လာတာ၊ဥပမာ၊Ai ,internet,online business, marketing,
E4=English(အဂ်လိပ်အရေး၊အဖတ်၊အပြော)
E5=ethic(ကျင့်ဝတ်)
E6=environmental knowledge(သဘာဝပတ်ဝန်းကျင် ထိန်းသိမ်းနည်းပညာ)
E ၆လုံးက လေ့လာသင့်ပါတယ်၊R ကတော့ အရေးကြီးဆုံးပါ ၊ကွင်းအပြင်ဘက်ကနေ အမြှောက်လက္ခဏာဆောင်တဲ့အတွက် R = read ဆိုတဲ့အတိုင်း စာပေဖတ်ရှု့လေ့လာမယ်ဆိုရင် အဆပေါင်းများစွာပွားသွားနိုင်သလို R က zero (ဇီးရိုး) ဆို E ၆လုံးစလုံးလည်း zero(ဇီးရိုး)ဖြစ်သွားနိုင်တာကိုသတိပြုပါ။

#တိုးတက်ရေး
#စာဖတ်ခြင်း
ုံး
#ဦးဘုန်းဓာတု

15/07/2026

“ရှုံးနိမ့်မှု့ဆိုတာ”

မိတ်ဆွေတို့ရဲ့ဘဝမှာ အဆင်မပြေမှု့တွေ၊ရှုံးနိမ့်မှု့တွေ၊ငွေကုန်ကြေးကျများခဲ့တာတွေ ကြုံဖူးပါသလား၊ဒါဟာရှုံးနိမ့်မှု့မဟုတ်ပါဘူး လွဲချော်မှု့လေးတွေပါ၊တကယ့်ရှုံးနိမ့်မှု့ဆိုတာ ကိုယ်လုပ်တဲ့အလုပ်တိုင်းက ဘာပညာမှမရတာမှ တကယ့်ရှုံးနိမ့်မှု့ပါ။
တကယ်ပညာရချင်တယ်ဆိုရင် ငွေတစ်ခုတည်းအတွက် အလုပ်မလုပ်ပါနဲ့ ရည်မှန်းချက်မြင့်မြင့်မားမားထားပါ နှစ်ဦးနှစ်ဖက်အဆင်ပြေပါစေဆိုပြီး မွန်မြတ်တဲ့စိတ်ထားပြီးလုပ်ပါ။
ကိုယ်က ဖြူဖြူစင်စင်နဲ့ အလုပ်လုပ်တဲ့အခါ အခြားသူတွေက ကိုယ့်အပေါ်ရိုးသားရဲ့လား ဖြူစင်ရဲ့လားဆိုတာ သိရဖို့လွယ်ကူသလို ကိုယ်လုပ်တဲ့အလုပ်က အားနည်းချက် ချို့ယွင်းချက်တွေကို လည်း အချိန်တစ်ခုမှာ မြင်တွေ့နိုင်မှာပါ၊ဒီလိုမြင်တွေ့တဲ့အခါ ကိုယ်လုပ်တဲ့အလုပ်က အရှုံးပေါ်ရင်တောင် ပညာတွေကျန်ခဲ့မှာပါနော် 🌻 🌻 🌻

#အရှုံးဆိုတာမရှိ
#အတွေ့အကြုံပညာသာလျင်ရှိ

06/07/2026

“ဣဿာ မစ္ဆရိယ”

ကျွန်တော့ရဲ့ မနာလိုဝန်တိုတဲ့စိတ်တွေ ပါးချင်၊ပျောက်ချင်လို့ ဒီလိုစာတွေခဏခဏ ဖတ်ခဲ့ဖူးတယ်။

ဆင်းရဲမွဲတေခြင်း၏အတိတ်အကြောင်းသုံးပါးမှာ ဒါနမပြုခဲ့သောကြောင့် ဆင်းရဲမွဲတေခြင်း၊သူတစ်ပါးဥစ္စာကို လိမ်လည်လှည့်ဖြားခိုးယူခဲ့သောကြောင့် ဆင်းရဲ့မွဲတေခြင်း၊ဣဿာမစ္ဆရိယများခဲ့သောကြောင့်ဆင်းရဲမွဲတေခြင်းတို့ဖြစ်ပေသည်၊ထိုသုံးမျိုးထဲတွင် ဒါနမပြုခဲ့သောကြောင့်ဆင်းရဲသူများသည် လုံ့လဝီရိယဖြင့်ရှာဖွေခဲ့လျှင် စားနိုင်သောက်နိုင်ဘဝသို့ ရောက်သေးသည်၊သနားတတ်သောသူတစ်ပါး၏အကူအညီ ကိုလည်းအနည်းငယ်ရနိုင်သေးသည်၊သူ့ဥစ္စာခိုး၍ဆင်းရဲမွဲတေသူများက ရှာဖွေလို့လည်း မလွယ်ကူ၊အစစအဆင်ပြေ၍ရှာဖွေရခဲ့သော်လည်း မီး ၊မင်း၊သူခိုး၊ရေ၊အမွေခံဆိုး ဟူသော ရန်သူမျိုးငါးပါး၏ဖျက်ဆီးခြင်းကို မကြာခဏခံရသဖြင့် ဘယ်သောအခါမှ နလန်မထူပေ။

ဣဿာမစ္ဆရိယကြောင့် ဆင်းရဲမွဲတေသူများကား ထိုထက် ဆိုးပါးသေးသည် ၊ရှာလို့ဖွေလို့ဘယ်လိုမှမရသည့်အပြင် လူတိုင်းကိုသနားညှာတာပြီးကူညီတတ်သောသူများပင် ဣဿာမစ္ဆရိယသမားများနှင့်တွေ့လျှင် ကူညီလိုစိတ်၊သနားညှာတာစိတ်များ အလိုလိုကုန်ခန်းသွားတတ်သည်မှာ အံ့ဩစရာကောင်းလှပါ၏။

မြတ်စွာဘုရား - - - လူနတ်သတ္တဝါတို့သည် ရန်ငြိုးကင်းလျက် ၊ဒဏ်ကင်းလျက်၊ ရန်သူကင်းလျက် ၊စိတ်ဆင်းရဲကင်းလျက်၊ အမျက်ထွက်ခြင်းကင်းနေရခြင်းကို လိုချင်တောင့်တကြပါကုန်၏၊သို့ပါလျက် ရန်ငြိုးရှိလျက်၊ဒဏ်ရှိလျက်၊ရန်သူရှိလျက်၊စိတ်ဆင်းရဲလျက်၊အမျက်ထွက်လျက် နေကြရသည်မှာ အဘယ်အကြောင်းကြောင့်ပါနည်း ’

ထိုအခါ ဗုဒ္ဓက မနာလိုခြင်းဣဿာနှင် ဝန်တိုခြင်း မစ္ဆရိယ ရှိသောကြောင့်ဟူ၍ ပြတ်ပြတ်သားသားအဖြေပေးတော်မူခဲ့ပါသည်။

‘ မြတ်စွာဘုရား ပရမတ်ရုပ်နာမ် သခ်ါရတွေ မမြင်အောင် သို့မဟုတ် မဂ်ဖိုလ်မရအောင် အဘယ်တရားတွေကပိတ်ဖုံးထားပါသလဲဘုရားဟုမေးလျှောက်ရာ ဗုဒ္ဓက

ဣဿာမစ္ဆရိယ တရားနှစ်ပါးနှင့် မေ့လျော့ခြင်း ပမာဒတရားများက မဂ်ဖိုလ်မရအောင် တားဆီးတတ်ကြောင်းဟောကြားထားရာ ဣဿာမစ္ဆရိယသည် သာမာန်အကုသိုလ်မဟုတ်၊မဂ်ဖိုလ်မရအောင်ပင် တားတတ်သည့် အကုသိုလ်တရားကြီးဖြစ်ကြောင်း သတိပြုကြရပါမည်။

ကျွန်တော်လေးစားအားကျပြီး အတုယူစိတ်တွေတဖွားဖွားဖြစ်ခဲ့တဲ့ ဣဿာမစ္ဆရိယကင်းတဲ့ ဗုဒ္ဓရဲ့ ချီးမွမ်းခန်းလေးပါ၊

**ချီးမွမ်းသည့် ဗုဒ္ဓရှင်တော်**

ဤဘဒ္ဒကမ္ဘာမှ ရေတွက်သည်ရှိသော် ကမ္ဘာတစ်သိန်းထက်၌ ပဒုမုတ္တရ မြတ်စွာဘုရား ထင်ရှားပွင့်တော်မူသည်။ ဟံသာဝတီမြို့ကို ဂေါစရဂါမ်ပြုလျက် သားကောင်တို့ကို ဘေးမဲ့ပေးရာ ခေမာမည် သောတော၌ သီတင်းသုံးနေတော်မူစဉ် ဒေဝဒတမည်သော သူကြွယ်သည် ဘုရားအမှူးရှိသော ရဟန်းသံဃာခြောက်သိန်းမျှကို နေအိမ်သို့ပင့်ဖိတ်၍ ဆွမ်းကျွေးလေသည်။

ထိုအချိန်တွင် အရှင်မဟာကဿပမထေရ်ကဲ့သို့ ဓုတင်(၁၃)ပါးကို ဆောင်တော်မူသော နိသဘမထေရ်သည် သူကြွယ်အိမ်ရှိရာလမ်းမှ ဆွမ်းခံကြွသည်ကို ဒေဝဒတ သူကြွယ်မြင်လျှင် မထေရ်ထံမှောက်သို့ အမြန်ရောက်အောင်သွား၍ ထိခြင်းငါးပါးဖြင့်ရှိခိုးကာ

'အရှင်ဘုရား တပည့်တော်ကို သပိတ်ပေးတော်မူပါ'

ထိုအခါ မထေရ်က သပိတ်ကိုပေးတော်မူသည်။ သပိတ်ရပြီးသည်နှင့် . . .

'အရှင်ဘုရား . . . အိမ်ထဲသို့ကြွတော်မူပါ။ မြတ်စွာဘုရားလည်း အိမ်၌ပင် နေတော်မူပါသည်' ဟု လျှောက်ထားလျှင် မဟာနိသဘမထေရ်က

'ဒါယကာ . . . ငါတို့ကား အိမ်သို့ဝင်ခြင်းငှာ မအပ်ပါ'ဟု မိန့်တော်မူသည်။

သူကြွယ်လည်း သပိတ်ကိုယူကာ ဆွမ်းဖြင့်ပြည့်စေပြီး မထေရ်အား ဆက်ကပ်သည်။ မထေရ်ကို လိုက်ပို့ပြီးနောက် မြတ်စွာဘုရားအား ဤသို့ လျှောက်ထားသည်။

'မဟာနိသဘမထေရ်သည် အိမ်၌ မြတ်စွာဘုရား ထင်ရှားရှိပါ၏။ ဝင်တော်မူပါဟု လျှောက်ထားသော်လည်း ဝင်ခြင်းငှာ အလိုမရှိပါ။ ထိုမထေရ်အား အရှင်ဘုရားတို့ ထက်လွန်ကဲသော ဂုဏ်ကျေးဇူး အထူးရှိပါသလား' ဟု လျှောက်ထား၏။

ထိုအခါ ဣသာမစ္ဆရိယကင်းပြီးဖြစ်တော်မူသော ပဒုမုတ္တရဘုရားရှင်က

'ဒါယကာ . . . ငါတို့ကား ဆွမ်းကျက်သည့်တိုင် အောင် စောင့်ဆိုင်းလျက် အိမ်၌နေကုန်၏။ မဟာနိသဘမထေရ်ကား ဤသို့ထိုင်လျက် ဆွမ်းကိုမမျှော်မင့် မစောင့်ဆိုင်းချေ။ ငါတို့ကား ရွာနီးကျောင်း၌ နေကြကုန်၏။ ထိုမထေရ်ကား တော၌သာလျှင် နေ၏။ ငါတို့ကား အမိုးရှိသောကျောင်း၌ နေကြကုန်၏၊ထိုမထေရ်ကား လွင်ထီးခေါင် ၌သာလျှင် နေ၏၊ထိုနိသဘမထေရ်အား ဤသို့ ဤသို့သော ဂုဏ်ကျေးဇူးအထူးရှိချေ၏ဟု ထုတ်ဖော်ချီးမွမ်းတော်မူခဲ့ပါသည်။

#ဣဿာမစ္ဆရိယ
#အတွင်းရန်သူ
#မေတ္တာရှင်(ရွှေပြည်သာ)

09/06/2026

“ပညာဆိုတာ”

တက္ကသိုလ်က ဘွဲ့တစ်ခုရတာနဲ့ ပညာတတ်၊ပညာရှိ ဖြစ်မလာဘူး၊ဘွဲ့တစ်ခုဆိုတာ တကယ်တော့ အခြေခံအဆင့်လောက်ပဲရှိတာပါ၊ဘွဲ့တစ်ခုရထားရင်တော့ အခြေခံကောင်းတယ်ပေါ့၊မရခဲ့ရင်တော့ အခြေခံမကောင်းဘူးပေါ့၊အခြေခံမကောင်းလို့လဲ စိတ်ပူစရာ အရမ်းတော့မလိုပါဘူး၊အခြေခံကောင်းပြီး ဘာမှဖြစ်မလာတဲ့သူလည်း ဒုနဲ့ဒေးပါပဲ၊အခြေခံမကောင်းဘဲနဲ့ အောင်မြင်ဖြစ်ထွန်းနေတဲ့သူတွေလည်း မနည်းပါဘူး၊
တကယ့်ပညာတတ် ဖြစ်ဖို့ဆိုတာက အမြဲတမ်း လေ့လာ၊သင်ယူ၊ဖတ်ရှု့၊လေ့ကျင့်၊အားထုတ်နေမှပါဗျာ 🌲🌲🌲🌲🌲

#ပညာတတ်
#ပညာရှင်
#စဉ်ဆက်မပြတ်လေ့လာမှု့

Salai Htun Oo Win

28/09/2026

19/09/2026

20/08/2026

14/08/2026

07/08/2026

03/08/2026

25/07/2026

15/07/2026

06/07/2026

09/06/2026

Address

Telephone

Website

Alerts

Contact The Business

Shortcuts

Share

Listing takedown request