https://www.facebook.com/100516888941576/

Yu Thet - Forex Advisor

Name: Yu Thet - Forex Advisor
Address: Yangon, MM
Telephone: +959792927220
Rating: 5

Home
Myanmar
Yangon
Yu Thet - Forex Advisor

One on one - Consultation များ ရယူလိုတာဖြစ်စေ၊ Class များ လေ့လာလိုတာဖြစ်စေ .. Telegram - https://t.me/yuthet_ytc မှ တဆင့် ဆက်သွယ်နိုင်ပါတယ်ရှင်။
(1)

24/05/2026

“သတင်းထွက်ချိန်” လို့ ကျွန်မတို့ Trader တွေ ခေါ်လေ့ရှိကြတဲ့ .. Economic Data (News) တွေထွက်ချိန်မှာ ဘာတွေဖြစ်တတ်သလဲ?

မိတ်ဆွေတို့မြင်သာအောင် ဒီလိုအချိန်ကို ကျွန်မက စကားပုံလေးတခုနဲ့ ခိုင်းနှိုင်းပြရရင်တော့ .. သတင်းချိန်မှာ Trade တာဟာ "ဓားသွားပေါ်က ပျားရည်" ကို လျက်ရသလိုပါပဲ။ ချိုမြိန်တဲ့ ရလဒ်ရှိသလို ထိခိုက်နိုင်ခြေလည်း အင်မတန် မြင့်မားပါတယ်။

ဒါကြောင့် ကျွန်မက News Trading ရဲ့ အားသာချက်၊ အားနည်းချက်နဲ့ သတိပြုရမယ့် အချက်တွေကို အပြုသဘောဆောင်တဲ့ အမြင်နဲ့ မျှဝေပေးချင်ပါတယ်ရှင်။

News Trading ရဲ့ အားသာချက်များ (တနည်းအားဖြင့် လူကြိုက်များတဲ့အချက်များလို့ပြောရင် ပိုမှန်ပါလိမ့်မယ်) ။

၁။ Quick Profits (မြန်ဆန်သော အကျိုးအမြတ်) •• သတင်းထွက်ပြီး မိနစ်ပိုင်းအတွင်းမှာ ဈေးနှုန်းဟာ Point ရာနဲ့ချီ လှုပ်ရှားသွားတတ်တာကို ကျွန်မတို့သိကြပါတယ်။ ပုံမှန်အချိန်မှာ တစ်ပတ်လောက် စောင့်ရမယ့် အမြတ်ကို မိနစ်ပိုင်းအတွင်း ရရှိနိုင်တဲ့အချက်က .. သတင်းကြိုက်တဲ့ Trader တွေကို အဓိက ဆွဲဆောင်စေတာပေါ့။

၂။ High Volatility (ဈေးနှုန်းလှုပ်ခတ်မှု မြင့်မားခြင်း) •• လှုပ်ရှားမှုရှိမှ အမြတ်ရမယ့် ကျွန်မတို့ရဲ့ Day Trader တွေအတွက် News ထွက်ချိန်ဟာ အခွင့်အရေး အကောင်းဆုံး အချိန်တခုဖြစ်လို့နေပါတော့တယ်။

၃။ Time Efficiency (အချိန်ကုန်သက်သာခြင်း) •• တစ်နေကုန် Screen ရှေ့မှာ ထိုင်ကြည့်မနေချင်တဲ့ Trader တွေအတွက်ကတော့ သတင်းထွက်မယ့်အချိန်ကိုပဲ စောင့်ပြီး ခဏလေးအတွင်း အလုပ်အပြီးသတ်နိုင်သလို ဖြစ်နေတာပေါ့ရှင်။

၄။ သတင်းထွက်ချိန်မှာ Trade တာဟာ ငွေကြေးအမြတ်အစွန်းအပြင် Trader တစ်ယောက်
အတွက် တခါတလေ .. ဈေးကွက်ရဲ့လားရာကို အဖြေရှာနိုင်တဲ့အားသာချက်ရှိပါတယ် - တချို့အချိန်တွေမှာ ဈေးက ဘေးတိုက် (Sideways) သွားနေတတ်ပြီး ဘယ်ကိုသွားမလဲ ဝေခွဲမရဖြစ်စေတတ်ပါတယ်။ အဲ့ဒီအခါမှာ သတင်းထွက်လိုက်တာနဲ့ ဈေးကွက်ရဲ့ တကယ့်အားကောင်းတဲ့ လားရာ (Trend) တစ်ခုကို ချက်ချင်း ဖော်ထုတ်ပေးလိုက်သလို ဖြစ်သွားပါတယ်။ ဒါကြောင့် Trend အတိုင်း လိုက်စီးမျောချင်တဲ့သူတွေအတွက် "လမ်းပြသင်္ကေတ" တခု ရလိုက်သလိုဖြစ်သွားတာပေါ့။

ဒါတွေကြောင့် သတင်းချိန်ကိုကြိုက်ကြတာဖြစ်ပါတယ်။ ဒီတခါမှာတော့ ကျွန်မက News Trading ရဲ့ အားနည်းချက်နဲ့ ဘေးထွက်ဆိုးကျိုးတွေကို ထောက်ပြပေးချင်ပါတယ်ရှင်။ ဒီအချက်တွေကတော့ သတင်းချိန်ကို စိတ်ဝင်စားသူတိုင်း အထူးသတိပြုရမယ့် "အန္တရာယ်ဇုန်" တွေဖြစ်ပါတယ်။

၁။ Slippage (ဈေးနှုန်းကွာဟချက်) •• သတင်းထွက်ချိန်မှာ ဈေးနှုန်းက အရမ်းမြန်တဲ့အတွက် ကိုယ်ထွက်ချင်တဲ့ဈေး (TP/SL) မှာ မထွက်ဘဲ . အဝေးကြီးရောက်မှ ထွက်သွားတာမျိုး ဖြစ်တတ်ပါတယ်။ ဒါဟာ Stop Loss ထားထားရင်တောင် ထင်တာထက် ပိုရှုံးသွားစေနိုင်တာမျိုးဖြစ်တတ်ပါတယ်။

၂။ Spread Widening (Spread ဟခြင်း) •• တချို့သော Broker တွေဟာ သတင်းထွက်ချိန်မှာ Risk များတဲ့အတွက် Spread (အရောင်းအဝယ်ဈေး ကွာဟချက်) ကို မြှင့်လိုက်တာမျိုးရှိတတ်ပါတယ်။ ဒါကြောင့် အမြတ်ရတဲ့စျေးတန်းကိုရောက်ဖို့ ပိုခက်ခဲသွားစေတာလဲဖြစ်နိုင်ပါတယ်။

၃။ Whipsaws (နှစ်ဖက်စလုံး နစ်နာသွားနိုင်ခြင်း) •• သတင်းထွက်ထွက်ချင်းမှာ ဈေးက အပေါ်ကို အပြင်းအထန်တက်ပြီးမှ အောက်ကို ပြန်ဆင်းသွားတာမျိုး .. သို့မဟုတ် အောက်ကို အပြင်းအထန်ကျပြီးမှ အပေါ်ကို ပြန်တက်သွားတာမျိုးခဏခဏ ဖြစ်တတ်ပါတယ်။ နှစ်
ဖက်စလုံးက Stop Loss တွေကို စားပစ်လိုက်တဲ့ သဘောမျိုးပါ။

၄။ Platform Freezing •• သတင်းထွက်ချိန်မှာ User တွေ အလုံးအရင်းနဲ့ ဝင်လာတဲ့အတွက် တချို့သော Broker App တွေ၊ Website တွေဟာ လေးသွားတာ၊ Order ဖွင့်မရတာမျိုးတွေ ကြုံရနိုင်ပါတယ်။

ဒါကြောင့် ကျွန်မအနေနဲ့ .. သတင်းချိန်မှာ မိတ်ဆွေတို့ကို အကြံပြုလိုတာကတော့ -

News Trade တာကို ကြိုက်သည်ဖြစ်စေ၊ မကြိုက်သည်ဖြစ်စေ ဒီအချက် (၄) ချက်ကိုတော့ မှတ်သားထားစေချင်ပါတယ်ရှင် -

၁။ "သတင်းရဲ့ ရလဒ်ထက်၊ လူတွေရဲ့ တုံ့ပြန်မှုကို ပိုကြည့်ပါ"

တစ်ခါတလေ ကျွန်မတို့ ကြုံဖူးကြတယ်မဟုတ်လား။ Data က အတက်ပြနေပေမယ့် ဈေးက ကျသွားတာမျိုး/ အကျပြနေပေမယ့် ဈေးက တက်သွားတာမျိုး ရှိတတ်ပါတယ်။ ဒါဟာ Market က အဲဒီသတင်းကို ကြိုတင်ခန့်မှန်းပြီးသား (Priced-in) ဖြစ်နေလို့ပါ။ တကယ့်သတင်းရလဒ် ထွက်လာချိန်မှာ အဲ့ဒီအတိုင်း မတုံ့ပြန်ကြတော့တာပေါ့။

၂။ Risk Management ကို ထိန်းပါ •• ဥပမာ ပုံမှန်အချိန်မှာ $100 Risk ယူရင် သတင်းထွက်
ချိန်မှာ $50 / $30 လောက်ပဲ Risk ယူလိုက်တာမျိုးပေါ့။

၃။ သတင်းထွက်ပြီး (၅) မိနစ် - (၁၀) မိနစ်ခန့် စောင့်ကြည့်ပါ •• ကျွန်မတို့တွေက သတင်းထွက်ထွက်ချင်းမှာ စိတ်လိုက်မာန်ပါနဲ့ Trade တွေကိုမဝင်ဘဲ .. ဈေးကွက်ရဲ့ တကယ့် ဦးတည်ချက် (Actual Trend) ပေါ်လာမှ ဝင်တာက ကျွန်မတို့ရဲ့ Trade တွေကို ပိုပြီးဘေးကင်းစေပါတယ်။

၄။ Demo မှာ အရင် စမ်းသပ်ပါ •• News Trading က အရမ်းမြန်တဲ့အတွက် ကိုယ့်ရဲ့ စိတ်
ခံစားမှုနဲ့ လက်အနှေးအမြန်ကို Demo Account မှာ အကြိမ်ကြိမ် လေ့ကျင့်ထားဖို့ လိုပါတယ်။ ဒီနေရာမှာ Demo နဲ့ Real နဲ့ Feeling ချင်းမတူဘူး၊ Demo မှာ မလေ့ကျင့်ချင်ဘူးလို့ တွေးနေကြပြီထင်ပါတယ်ရှင်။ ဆိုတော့ .. Real money နဲ့ လေ့ကျင့်ရမှပဲ စိတ်တိုင်းကျတယ်ဆိုရင်တော့ အသေးဆုံး Lot size ကို သုံးတာမျိုး စဉ်းစားနိုင်ပါတယ်။

အနှစ်ချုပ်ရရင်တော့ .. ကျွန်မတို့ Trader တွေမှာ လူတိုင်းရဲ့ Trading Style က မတူညီကြပါဘူး။ တချို့က လှိုင်းကြီး လေထန်တာကို လိုက်စီးရတာကြိုက်ကြသလို၊ တချို့ကတော့ လှိုင်းငြိမ်မှ လှေလွှင့်ချင်ကြတယ် မဟုတ်ပါလားရှင်။

ဘယ်လိုပဲဆိုပါပါစေ .. ကျွန်မတို့ဟာ “ကိုယ့်ရဲ့ အရင်းအနှီး (Capital) ကို မပျောက်ပျက်အောင် ကာကွယ်ခြင်း” ကသာ အဓိက အကျဆုံး အလုပ်ဖြစ်တယ်ဆိုတာကို သတိပြုစေချင်ပါတယ်ရှင်။

ဒီအကြောင်းအရာကိုဖတ်ပြီး မိတ်ဆွေတို့အနေနဲ့ သတင်းထွက်ချိန်မှာ အသုံးဝင်တဲ့ အသိပညာတချို့ကို ရရှိမယ်လို့ မျှော်လင့်ပါတယ်ရှင်။

Yu Thet
15.1.2026 (7:45 p.m)

Trading လုပ်ငန်းအကြောင်းကို အခြေခံကနေစပြီး ကျွမ်းကျင်တဲ့အထိ Class တွေ လေ့လာလိုပါက Telegram : https://t.me/yuthet_ytc မှတဆင့် ဆက်သွယ်နိုင်ပါတယ်ရှင့်။

23/05/2026

လူကြီးမင်းတို့က Trading လုပ်နေရင်းက " အမြတ်တွေနည်းလို့ ပျင်းလာမယ်၊ စိတ်မပါတော့ဘူး" ဆိုရင် ...

👉 ဒါဟာ ရှုံးနိမ့်ခြင်းရဲ့ နိဒါန်းပါ။

တနည်းအားဖြင့် ကိုယ်ချမှတ်ထားတဲ့ Discipline (စည်းကမ်း) တွေ ကျိုးပေါက်တော့မယ့် အန္တရာယ်အရှိဆုံး အချက်ပေးခေါင်းလောင်းပါပဲ။

▪️ ဒါပေမဲ့ အဲဒီ "ပျင်းရိခြင်း" ကနေတစ်ဆင့် စိတ်မပါ လက်မပါဖြစ်ပြီး အမှားတွေမလုပ်မိအောင် ကျွန်မတို့တွေရဲ့ စိတ်ဓာတ်ကို ပြန်နှိုးဆွပေးမယ့် Reality Check (10) ချက်ပါမယ့် Content လေးတစ်ခုကို မျှဝေပေးလိုက်ပါတယ်ရှင်။

၁။ လူကြီးမင်းက Trader လား၊ နေ့စားဝန်ထမ်းလား ?

▪️ နေ့တိုင်း အမြတ်နည်းနည်းပဲရလို့ စိတ်ကုန်ပြီဆိုရင် ကျွန်မတို့က Trading ကို "နေ့စားအလုပ်" တစ်ခုလို သဘောထားနေလို့ပါပဲ။

▪️ Trading ဆိုတာ ဒီနေ့ ဘယ်လောက်ရရမယ်ဆိုတဲ့ လစာထုတ်တဲ့အလုပ်မဟုတ်ပါဘူး။

ဈေးကွက်ကပေးတဲ့ အခွင့်အရေးကို စောင့်ဖမ်းရတဲ့ "မုဆိုး" အလုပ်ပါ။

▪️ပျင်းလို့ဆိုပြီး မဟုတ်တာတွေလျှောက်လုပ်ရင် ကျွန်မတို့ အရင်က ရထားသမျှ အမြတ်တွေကို ဈေးကွက်က အကုန် ပြန်သိမ်းသွားပါလိမ့်မယ်။

၂။ ကမ္ဘာကျော် Trader ကြီးတွေ ပြောလေ့ရှိတာက "Good trading should be boring" တဲ့။

▪️ Trading က ရင်ခုန်စရာကောင်းနေရင် လူကြီးမင်းက လောင်းကစား လုပ်နေတာပါ။

ပျင်းစရာကောင်းနေပြီဆိုမှသာ လူကြီးမင်းဟာ System တစ်ခုကို စနစ်တကျ မောင်းနှင်နေတာလို့ အဓိပ္ပာယ်ရပါတယ်။

▪️ အဲဒီ "ပျင်းရိခြင်း" ကို မအောင့်အီးနိုင်ဘဲ Trade အသစ်တွေ လျှောက်ဖွင့်တာဟာ လူကြီးမင်းရဲ့ Account ထဲကငွေကို မကုန်ကုန်အောင် ဖြုန်းနေတာနဲ့ တူတူပဲ။

၃။ Skill တော့ တိုးတက်မလာဘဲ အမြတ်ကြီးကြီးကိုဘဲ လိုချင်နေတာလား ?

▪️ ကျွန်မတို့ အမြတ်နည်းနေတာက Market ကြောင့်လား၊ ကိုယ်ရဲ့ Lot Size ကြောင့်လား ?

▪️ တကယ်လို့ Sysyem ကြောင့် အမြတ်နည်းနေတာဆိုရင် ကျွန်မတို့ Skill Upgrade လုပ်ဖို့ အချိန်တန်နေပါပြီ။

Strategy ကို ပြန်လည် ဆန်းစစ်ပါ။
ရလဒ်က နည်းလွန်းနေပြီဆိုရင်တော့ ကိုယ့်ရဲ့ နည်းဗျူဟာကို ပြန်ကြည့်ဖို့ လိုလာပါပြီ။

▪️ Risk-to-Reward Ratio - နိုင်ရင် - ၁ ကျပ်ရပြီး ရှုံးရင် - ၃ ကျပ်ရှုံးနေတာမျိုးလား ? အဲဒါဆိုရင် ရေရှည်မှာ အဆင်မပြေပါဘူး။

အနည်းဆုံး - 1:2 ဒါမှမဟုတ် - 1:3 ရတဲ့ Setup တွေကိုပဲ စောင့်ကြည့် Trade ပါ။

▪️ အခေါက်ပေါင်းများစွာ Trade နေမယ့်အစား
တကယ်သေချာတဲ့ အခွင့်အရေး (High Probability Setup) တွေကိုပဲ စောင့်ပြီး အဲဒီနေရာမှာ Lot Size ကို နည်းနည်းမြှင့်ပြီး Trade ကြည့်ပါ။

▪️ ဒါပေမဲ့ အမြတ်နည်းလို့ စိတ်မပါတော့ဘူးဆိုတာကတော့ ကျွန်မတို့မှာ "Trader ကောင်းတယောက်ရဲ့စိတ်ဓါတ်" မရှိသေးလို့ပါပဲ။

10 - ကိုတောင် တန်ဖိုးမထားတဲ့သူဟာ 10,000 - ကိုလဲ စနစ်တကျ စီမံခန့်ခွဲနိုင်မှာ မဟုတ်ပါဘူး။

၄။ "Low Profit ဆိုတာ အရှုံးမဟုတ်ဘူး"

▪️ လူအများစုက တစ်နေ့ထဲနဲ့ သူဌေးဖြစ်ချင်ကြလို့ အမြတ်နည်းတာကို စိတ်ပျက်ကြတာပါ။

▪️ တစ်နေ့ကို - 10 ပဲ ရနေပါစေဦး... အဲဒါဟာ ဥာဏ်နဲ့ယှဥ်ပြီး Phone or Computer ကြည့်နေရင်းနဲ့ တစ်လကို - 200/300 အပိုဝင်ငွေရနေတာပါ။

▪️ အခု လူကြီးမင်းပျင်းနေတဲ့ - 10 ဟာ နောက် - ၆ လမှာ - 100 လဲဖြစ်လာနိုင်ပါတယ်။ ဒီလိုပါပဲ အခု 100 ဟာ နောက် - ၆ လမှာ - 1000 လဲဖြစ်လာနိုင်ပါတယ်။

အဓိကက "Compound Interest" လို "လရှည် စုသွားပြီး အလုပ်လုပ်ဖို့" နဲ့ "စည်းကမ်းရှိနေဖို့" ပဲ လိုတာပါ။

▪️ အမြတ်နည်းနည်းပဲ ရနေတာဟာ ရှုံးနေတာထက် အများကြီး သာပါတယ်။

စိတ်ရှည်ပါ - Trading က ချမ်းသာတဲ့လမ်းကြောင်း (Path to Wealth) ဖြစ်နိုင်ပေမယ့်၊ မြန်မြန်ချမ်းသာတဲ့ လမ်းကြောင်း (Get Rich quick scheme) မဟုတ်ဘူးဆိုတာ သတိပြုပါ။

၅။ ပျင်းနေရင် Chart ရှေ့က ထွက်သွားလိုက်ပါ။

▪️ စိတ်မပါဘဲ Trade နေတာဟာ အမှားလုပ်ဖို့ ကိုယ်တိုင် ဖိတ်ခေါ်နေတာပါပဲ။

▪️ အမြတ်နည်းလို့ စိတ်မရှည်တော့ရင် အဲဒီနေ့အတွက် Trade နားလိုက်ပါ။

ဈေးကွက်ဆိုတာ မနက်ဖြန်လည်း ရှိနေဦးမှာပါ။ ကျွန်မတို့ရဲ့ Capital (အရင်းအနှီး) သာ မနက်ဖြန်မှာ ရှိမနေတော့ရင် အဲဒါ ကျွန်မတို့ရဲ့အပြစ်ပါပဲ။

၆။ လူကြီးမင်း Trading စလုပ်တုန်းက ရည်ရွယ်ချက်ကို ပြန်တွေးကြည့်ပါ။

"ငွေကြေးလွတ်လပ်ခွင့်" အတွက် မဟုတ်ဘူးလား ?

▪️ အခု အမြတ်နည်းနည်းလေး ရနေတာဟာ ကျွန်မတို့ အဲဒီလွတ်လပ်ခွင့်ဆီကို တစ်လှမ်းချင်း သွားနေတာပါပဲ။

လမ်းခုလတ်မှာ ပျင်းလို့ဆိုပြီး လှည့်ပြန်မလား၊ ဒါမှမဟုတ် စိတ်ရှည်လက်ရှည်နဲ့ အဆုံးထိ ဆက်သွားမလားဆိုတာ ကျွန်မတို့အပေါ်မှာပဲ မူတည်ပါတယ်။

၇။ လူကြီးမင်းရဲ့ "အရင်းအနှီး" ကို သနားပါ။

▪️ ကျွန်မတို့ ပျင်းလို့၊ စိတ်မပါလို့ဆိုပြီး လက်လွတ်စပယ် Trade လိုက်တဲ့အခါ ဆုံးရှုံးသွားမှာက ကျွန်မတို့ရဲ့ "ငွေ" တွေပါပဲ။

အဲဒီငွေတွေက ကျွန်မတို့ပင်ပင်ပန်းပန်း ရှာထားရတာမဟုတ်ဘူးလား ?

▪️ ဈေးကွက်ထဲမှာ ကျွန်မတို့ထက် တော်တဲ့သူတွေ၊ ကျွန်မတို့ထက် စည်းကမ်းရှိတဲ့သူတွေက ကျွန်မတို့ရဲ့ "ပျင်းရိ ညံ့ဖျင်းမှု" ကို အခွင့်ကောင်းယူပြီး ကျွန်မတို့ပိုက်ဆံတွေကို သူတို့အိတ်ထဲ ထည့်ဖို့ စောင့်နေကြတာပါ။

၈။ Discipline ဆိုတာ ပျင်းတဲ့အချိန်မှာ ပြရတာ။

▪️ ကျွန်မတို့ စိတ်ပါတဲ့အချိန်မှာ စည်းကမ်းရှိဖို့က လွယ်ပါတယ်။ ဒါပေမယ့် တကယ်တော်တဲ့ Trader ဆိုတာ ပျင်းနေတဲ့အချိန်၊ စိတ်ဓာတ်ကျနေတဲ့အချိန်မှာတောင် မိမိရဲ့ Strategy, System, Rule တွေအတိုင်း တသွေမတိမ်း လုပ်နိုင်တဲ့သူကို ခေါ်တာပါ။

▪️ အခု ပျင်းနေတာက လူကြီးမင်းအတွက် စာမေးပွဲပါ (Test) ပါပဲ။ ဒီ Test ကို မအောင်ရင် လူကြီးမင်းဟာ Trader အစစ် ဖြစ်မလာနိုင်ပါဘူး။

▪️ "Professional traders wait for the edge. Amateurs trade because they are bored."

ဆိုလိုတာကတော့ "ပညာရှင်တွေက အခွင့်အရေးကို စောင့်တယ်၊ အပျော်တမ်းသမားတွေကတော့ ပျင်းလို့ Trade ပါတယ်။"

▪️ သတိထားပါ - ကျွန်မတို့ ပျင်းနေတဲ့အချိန်မှာ ဈေးကွက်က အမြဲတမ်း အခွင့်အရေးအယောင်ဆောင်ပြီး ထောင်ချောက်ဆင်တတ်ပါတယ်။ အာရုံပြန်စိုက်ပါ။ ကျွန်မတို့ရှေ့က Chart ဟာ Buy/ Sell ခလုတ်နှိပ်တဲ့ Game မဟုတ်ပါဘူး။

၉။ စိတ်ပြန်ပါလာစေမယ့် လက်တွေ့အလုပ်တစ်ခု။

▪️ လူကြီးမင်း ဒီနေ့ကစပြီး အမြတ်ပမာဏ (Dollar) ကို မကြည့်ပါနဲ့တော့။

Points (သို့မဟုတ်) Pips ကိုပဲ ကြည့်ပါ။

▪️"ငါ ဒီနေ့ Pips ဘယ်လောက် မြတ်အောင်ယူနိုင်မလဲ" ဆိုတဲ့ စည်းကမ်းတစ်ခုလို သတ်မှတ်လိုက်ပါ။

ပိုက်ဆံကို ခဏမေ့ထားပြီး "Pips" ကို များများနိုင်အောင် ယူဖို့ပဲ အာရုံစိုက်လိုက်ပါ။

၁၀။ Mentor တွေ နဲ့ ထိတွေ့ပါ။

▪️ ကိုယ်တစ်ယောက်တည်း Trading လုပ်နေရင် ပျင်းဖို့ကောင်းသလို တခါတလေ လမ်းပျောက်တတ်ပါတယ်။

▪️ ကိုယ့်ထက် တော်တဲ့သူတွေ၊ ကိုယ့်လိုပဲ ကြိုးစားခဲ့ရဖူးသူတွေနဲ့ အတွေ့အကြုံချင်း ဖလှယ်ပါ။

▪️ အခြားသူတွေရဲ့ အောင်မြင်မှုက ကိုယ့်ကို Motivation ပေးနိုင်သလို၊ သူတို့ရဲ့ ဖြတ်သန်းခဲ့တဲ့ အခက်အခဲတွေကို သိရတာကလည်း "ငါတစ်ယောက်တည်း မဟုတ်ဘူးပဲ" ဆိုတဲ့ စိတ်သက်သာရာရမှုကို ပေးနိုင်ပါတယ်။

▪️ သူတို့ရဲ့ထောက်ပြလမ်းညွှန်မှုတွေကနေ ကိုယ်ဘာမှားနေလဲသိရပြီး ပြုပြင်ပြောင်းလဲဖို့ အခွင့်အရေးရှိပါတယ်။

နောက်ဆုံးအနေနဲ့ ...

👉 "ဒါဟာ အလုပ်လား၊ ဝါသနာလား ?" လို့ ကိုယ့်ကိုယ်ကို ပြန်မေးပါ။

အကယ်၍ လူကြီးမင်းက ရင်ခုန်ချင်လို့ Trade တာဆိုရင် Casino သွားတာက ပိုမြန်နိုင်ပါတယ်။

▪️ Trading က ငွေရှာတဲ့ Business ပါ။ Business တစ်ခုဟာ လည်ပတ်ပုံစနစ်ကျသွားပြီဆိုရင် ပျင်းစရာကောင်းလာတတ်တာဟာ ဓမ္မတာပါပဲ။

အဲဒီ "ပျင်းရိခြင်း" ကို သည်းခံနိုင်တဲ့သူကပဲ နောက်ဆုံးမှာ အိတ်ကပ်ထဲ ပိုက်ဆံအပြည့်နဲ့ ကျန်ခဲ့တာပါ။

▪️ အမြတ်နည်းနေတာက လူကြီးမင်းဟာ ဈေးကွက်ထဲမှာ ရှင်သန်နေတုန်းပဲဆိုတာကို ပြနေတာဖြစ်လို့ အဲဒီ "ရှင်သန်ခြင်း" ကို "အောင်မြင်ခြင်း" ဖြစ်အောင် ဖြည်းဖြည်းချင်း ပြောင်းလဲယူပါ။

✨️ ဒါတွေကတော့ "အမြတ်နည်းခြင်းကနေ - ပျင်းလာတဲ့ ၊ စိတ်ပျက်လက်လျှော့လာတဲ့အဆင့်ကို ကူးပြောင်းလာတဲ့ Traders များ " အတွက် ကျွန်မအကြံပြုထောက်ပြချင်တဲ့ အချက်တချို့ဖြစ်ပါတယ်ရှင်။

အဆုံးအထိ ဖတ်လာရင်းနဲ့ အထောက်အကူတစုံတခုပြုစေမယ်လို့လဲ မျှော်လင့်ပါတယ်။

Yu Thet
24.2.2026 (8:00 p.m - MMT)

လူကြီးမင်းတို့အနေနဲ့ Trading ကို Basic to Advanced Level အထိ Online Class များ စနစ်တကျ တက်ရောက်လေ့လာ လိုပါက (သို့မဟုတ်)

ကျွန်မရဲ့ One on one - Consultation အကြံပြုချက်များနဲ့အတူ .. တိုင်ပင်ဆွေးနွေးရင်း .. Trade လိုပါက ..

ယခု Telegram Acc : https://t.me/yuthet_ytc မှတဆင့် လာရောက် တိုင်ပင်ဆွေးနွေးလို့ ရပါတယ်ရှင်။

22/05/2026

ဒီနေ့ May လ 22 ရက်နေ့မှာ XAUUSD 1 Ounce ကို 4545 ကနေ 4523 ထိ မနက်ခင်းမှာ $22 ခန့်စျေးအကျရှိထားပြီး လက်ရှိ 4529 စျေးတန်းမှာရှိနေပါတယ်

လက်ရှိ Market မှာ စျေးငြိမ်ကာ Triangle Pattern ဖြစ်ပေါ်နေတာက်ိုတွေ့ရပြီး

Triangle Pattern ရဲ့ Support Level ဖြစ်တဲ့ 4520-4500 ကြားကို အဓိကစောင့်ကြည့်ရပါမယ်

Pattern ရဲ့အထက်ကို Break ခဲ့ရင်တော့ 4620/4645/4665 နားထိ တစ်ဆင့်ချင်း စျေးအတက်ရှိနိုင်ပါတယ်

အောက်ဖက်ကို Break Out ဖြစ်ခဲ့ရင်တော့ 4450/4420/4350 စျေးတန်းတွေထိ အကျရှိနိုင်ပါတယ်

Break Out Confirm ဖြစ်ဖို့အတွက် 4H အရ စောင့်ကြည့်နိုင်ရင် ပိုအဆင်ပြေပါတယ်

Fake Break Out နဲ့ အတူ Sideway ဖြစ်လာနိုင်တာကို သတိပြုဖို့လိုပါမယ်

ဒီနေ့ အဓိကစောင့်ကြည့်ရမဲ့ Key Level တွေကတော့ 4605-4625 Zone နှင့် 4510-4500 Zone တွေပဲဖြစ်ပါတယ်

ဒါကြောင့် 4510-4500 Zone မှာ Confirmation နဲ့အတူအဝယ်ပြန်ကြည့်နိုင်ပြီး 4500 အောက် HTF အရ Break ခဲ့ရင်တော့ 4455-4440 Zone မှာ အဝယ်ပြန်စဉ်းစားနိုင်ပါတယ်

အရောင်းတွက်ကတော့ 4605-4625 Zone မှာ Confirmation ရရင်ကြည့်နိုင်ပြီး Zone အထက်ကို ဆက် Break ခဲ့ပါက 4645-4665 Zone မှာ ပြန်စဉ်းစားနိုင်ပါတယ်

နေ့စဉ်စျေးကွက်သုံသပ်ချက် များသိရှိလိုပါက Join ထားနိုင်ပါတယ်
https://t.me/komyofxtrading

Trading ကို Basic to Advanced Level အထိ Training များ စနစ်တကျ တက်ရောက်လေ့လာ လိုတာဖြစ်စေ.. လာရောက် တိုင်ပင်ဆွေးနွေးလို့ ရပါတယ်ခင်ဗျာ။

Telegram : https://t.me/KoMyo17

22/05/2026

"Signal ပေးတဲ့ Channel တွေ တခုပြီးတခု လိုက် Join နေပေမယ့် ဘာလို့ မမြတ်တာလဲ ?"

✍️ အကယ်၍ ကျွန်မတို့မှာ .. "Signal တွေကိုပဲ အားကိုးနေတတ်တဲ့စိတ်" ကိန်းအောင်းနေပြီဆိုရင် .. ဘယ်လိုပြန်သုံးသပ်ကြည့်ကြမလဲ .. ဆိုတာကို .. ကျွန်မက အကြံပြုချက်တချို့နဲ့ မျှဝေပေးချင်ပါတယ်ရှင်။

✍️ Signal တွေနဲ့ ကိုယ်နဲ့ကြားမှာ .. မကိုက်ညီနိုင်တဲ့ အချက်တချို့ကို .. အရင်လေ့လာကြည့်ရအောင်ပါ။

📌 ၁။ Signal ပေးတဲ့သူနဲ့ ကိုယ်နဲ့ .. Entry ဝင်တဲ့အချိန် မတူတာ။

(ဥပမာ - သူက ဝင်လိုက်ပြီလို့ ပြောချိန်မှာ .. ကိုယ်က နောက်ကျမှ မြင်ပြီး .. လိုက်ဝင်မိတာ)

ဒီလိုအချိန် .. စျေးရဲ့ Direction က နောက်ပြန်လှည့်လာတာနဲ့ တိုးသွားပြီး .. ရှုံးသွားတာ။

အကယ်၍ Direction မှန်နေရင်တောင် .. ကိုယ်ဝင်တာက နောက်ကျတော့ .. စျေးတွေဝေးသွားတဲ့အတွက် .. SL ထားရခက်ပြီး .. Retrace ပြန်လာချိန် SL တွေထိသွားတာ။

📌 ၂။ Signal ပေးသူရဲ့ RR (Risk to Reward) နဲ့ .. ကိုယ့်ရဲ့ Account Size နဲ့က မမျှတတာ။

📌 ၃။ Signal ပေးသူနဲ့ ကိုယ်နဲ့ .. Trading Style ချင်းမတူဘဲ .. TP, SL ကို Follow မလုပ်နိုင်တာ။

📌 ၄။ Signal ပေးသူက အရှုံးကို လက်ခံနိုင်ပေမဲ့၊ ကိုယ်က SL နားရောက်ရင် ကြောက်ပြီး ကြိုပိတ်မိတာ .. ဒါမှမဟုတ် .. SL ကို အဝေးကြီး ရွှေ့လိုက်မိတာ။

📌 ၅။ Signal မှားတဲ့အခါ ပေးတဲ့သူကို အပြစ်တင်မိပေမဲ့၊ Signal မှန်နေရက်နဲ့ ရှုံးတဲ့အခါမှာတော့ .. မိမိရဲ့ စည်းကမ်းမဲ့မှုကို လျစ်လျူရှုတတ်တာ။

📌 ၆။ Signal က TP ရတဲ့အချိန် လိုက်မဝင်မိဘဲ .. SL ထိတဲ့အချိန်မှာ လိုက်ဝင်မိတာ။

📌 ၇။ Signal က TP များများရချိန်မှာ အပြည့်ယူမထားဘဲ .. SL ထိတဲ့အချိန် အပြည့်ထိတော့ .. Recovery မဖြစ်တာ၊ အသားတင် မမြတ်တာ။

📌 ၈။ Signal ပေးတဲ့သူသုံးတဲ့ .. Strategy ကို မသိဘဲ လိုက်ဝင်နေတာဖြစ်တဲ့အတွက် .. TP ထိထိ၊ SL ထိထိ .. "ဘာကြောင့်" ဆိုတာကို စိတ်မဝင်စားဘဲ .. Easy Money တခုယူနေပြီး .. နောက်ဆုံး ရှုံးတဲ့အချိန်မှာ .. ဘာပညာမှမသိလိုက်ပဲ .. အချိန်တွေကုန်သွားတာ။

စသဖြင့် မကိုက်ညီမှုများစွာ ရှိနိုင်ပါတယ်။

✍️ ကျွန်မအနေနဲ့တော့ ဒီအရာတွေကို အပြစ်တခုလို မထောက်ပြလိုပါဘူး .. ဘာကြောင့်လဲဆိုတော့ .. ကျွန်မတို့တွေ Signal Channel တွေကိုပဲ လိုက် Join နေတဲ့အခါမှာ .. ဒီလိုအခက်အခဲတွေဟာ .. မဖြစ်မနေ ရင်ဆိုင်ကြုံတွေ့ရမှာဖြစ်တဲ့အတွက် .. ဒီစိတ်ကို ကျွန်မ ကိုယ်ချင်းစာပေးလို့ရပါတယ်။

✍️ ဒါကြောင့် ဖြေရှင်းနိုင်မယ့်နည်းလမ်းတွေကို .. မိတ်ဆွေတို့ ကိုယ်တိုင်သုံးသပ်ကြည့်လို့ရအောင်ဘဲ .. ကျွန်မ ထောက်ပြပေးချင်ပါတယ်။

📍၁။ ကျွန်မတို့ဟာ .. တခြားသူပေးတဲ့ Signal ကို "အကြံပြုချက်" အဖြစ်ပဲ သဘောထားပြီး၊ "ကိုယ်တိုင် ဆုံးဖြတ်နိုင်သူ" ဖြစ်လာဖို့လုပ်သင့်ပါတယ်။

📍၂။ Signal တစ်ခုရလာရင် .. ကိုယ်တတ်ထားတဲ့ Technical Skill တခုနဲ့ ပြန်တိုက်စစ်ပါ။

(SMC ဖြစ်ဖြစ်၊ Price Action ဖြစ်ဖြစ်) ကိုယ်သုံးတဲ့ နည်းလမ်းတွေနဲ့ပေါ့။

"ဘာကြောင့် ဒီနေရာမှာ သူက Buy ခိုင်းတာလဲ / Sell ခိုင်းတာလဲ ?" ၊ "ဘာကြောင့် ဒီနေရာမှာ သူက TP ထားခိုင်းတာလဲ / SL ထားခိုင်းတာလဲ ?" ဆိုတာကို .. ကိုယ့်ဘာသာ ခေါင်းထဲမှာ .. အဖြေရှာကြည့်ပါ။

📍၃။ Signal ဝင်လိုက်တာပဲဖြစ်ဖြစ်၊ ကိုယ်တိုင်ဝင်တာပဲဖြစ်ဖြစ် မှတ်တမ်းရေးပါ။

(ဘယ်နှစ်ကြိမ် မှားတာလဲ၊ ဘယ်နှကြိမ်မှန်တာလဲ ?၊ ဘယ်နှစ်ကြိမ်မှာ ကိုယ့်ရဲ့ စိတ်လှုပ်ရှားမှုကြောင့် အရှုံးပေါ်တာလဲ၊ ဘယ်နှကြိမ်လောက် ကိုယ့်စိတ်နဲ့ တိုက်ဆိုင်စွာ မြတ်သလဲ ?) .. စသဖြင့်ပေါ့။

📍၄။ Signal ကို အားကိုးပြီး မြတ်တာထက် .. ကိုယ်တိုင် Analysis လုပ်ပြီး .. အနည်းငယ်လေးပဲဆိုပါစေ မြတ်တာက .. ကိုယ့်ရဲ့ Confidence ကို ပိုတက်စေပါတယ်။

📍၅။ Signal ပေးသူက ဘယ်လောက်ပဲ ယုံကြည်မှုရှိရှိ၊ မိမိ Account ရဲ့ ခံနိုင်ရည်ရှိတဲ့ Risk ထက် ပိုမသုံးစွဲပါနဲ့။

📍၆။ Signal ပေးတဲ့သူက ဘာ Strategy သုံးသလဲ ? ကိုယ့်ရဲ့ Trading Style နဲ့ရော ကိုက်ညီသလား ? သေချာသိအောင် ဆန်းစစ်ပါ။

📍၇။ Entry တစ်ခု မဝင်ခင် .. "ငါ ဘာကြောင့် ဒီ Trade ကို ဝင်တာလဲ ?" ဆိုတဲ့ .. အကြောင်းပြချက်ကို .. ကိုယ်တိုင် မဖြေနိုင်ရင် .. အဲ့ဒီ Trade ကို မဝင်ပါနဲ့။

✍️ နောက်ဆုံးအကြံပြုချက်အနေနဲ့ ..
ကိုယ့်မှာ "Signal Provider" ရှိနေတာလား ? "Professional Consultant" ရှိနေတာလား ဆန်းစစ်ပါ။

‼️ ဒါဟာ သိပ်ကိုအရေးကြီးပါတယ် ..
ဘာကြောင့်လဲဆိုတော့ ..

📌 Signal Provider ဟာ .. Signal ပို့ပေးဖို့က ဦးစားပေးဖြစ်ပေမယ့် ..

📌 Professional Consultant ဟာ ..
ကျွန်မတို့ရဲ့ Trading Skills တွေတိုးတက်ဖို့၊ ကျွန်မတို့ ရေရှည်ရပ်တည်သွားနိုင်ဖို့၊
ကျွန်မတို့ Risk Management တွေ ပိုင်နိုင်ဖို့ ၊ ကျွန်မတို့ ရှာနိုင်တဲ့ အမြတ်ငွေဟာ .. ဘယ်အချိန်ပြန်ဆန်းစစ်နေပါစေ .. တန်ဖိုးရှိနေဖို့၊ ယုံကြည်မှုရှိနေဖို့ .. ကူညီပေးပါလိမ့်မယ်။

✍️ Professional Consultant ဆိုတာ .. Signal Provider မဟုတ်ပါဘူး။ သူဟာ သင်ပြပေးသူ (Educator) နဲ့ လမ်းပြပေးသူ (Guide) သာ ဖြစ်သင့်ပါတယ်။

✍️ ဒါကြောင့် ကျွန်မတို့မှာ Signal Provider တဦးထက်ပိုတဲ့ .. Professional Consultant ရှိတယ်ဆိုရင် .. ဒီအရာတွေကို တိုင်ပင်ဆွေးနွေးကြည့်ပါ။

📍 ၁။ Consultant ကပေးတဲ့ .. Signal တစ်ခုစီတိုင်းကို .. ကျွန်မတို့ လေ့လာရမယ့် Lesson တစ်ခုလို သဘောထားပါ။

"ဘာကြောင့် ဒီ Entry ကို ပေးတာလဲ ? ဘာကြောင့် ဒီ Target ထားတာလဲ ? ဘာကြောင့် ဒီနေရာမှာ အရှုံးပိုင်းတာလဲ " ဆိုတာမျိုးကို .. ကျွန်မတို့ ကိုယ်တိုင်အရင်ဆန်းစစ်ပါ၊ နားမလည်ရင် ဆွေးနွေးတိုင်ပင်ကြည့်ပါ။

ဒါမှ အမြတ်ငွေတွေဟာ .. ပညာနဲ့ပါ ထပ်ပေါင်းပြီး .. ပိုင်ဆိုင်စေမှာဖြစ်ပါတယ်။

📍၂။ ကျွန်မတို့ အရှုံးနဲ့ ရင်ဆိုင်ရတဲ့အခါ .. Consultant နဲ့ အတူတူ Review ပြန်လုပ်ပါ .. နည်းပညာကြောင့် ရှုံးတာလား၊ စိတ်ခံစားချက်ကြောင့် ရှုံးတာလားဆိုတာကို .. ခွဲခြားစိတ်ဖြာပါ။

📍 ၃။ အမြတ်ရလာတဲ့အခါလဲ ထိုနည်းတူစွာပါပဲ .. ကျွန်မတို့ စည်းကမ်းတကျ မြတ်တာလား ? ကံကောင်းမှုကြောင့်လား ? ဆိုတာမျိုးပေါ့။

📍 ၄။ Consultant ရဲ့ အကူအညီနဲ့ .. ကျွန်မတို့ရဲ့ လူနေမှုပုံစံ၊ စိတ်နေစိတ်ထားနဲ့ ကိုက်ညီတဲ့ .. Trading Plan တစ်ခုကို တည်ဆောက်ပြီး .. အဲ့ဒီ Plan အတိုင်း သွားနေခြင်း ရှိ၊ မရှိ ကိုသာ Consultant ဆီမှာ စစ်ဆေးမှု (Audit) ခံယူပါ။

📍 ၅။ Consultant ကို .. ကျွန်မတို့ရဲ့ အမှားတွေကို ဝန်ခံပါ .. "ကျွန်တော် စိတ်မထိန်းနိုင်လို့ အရမ်းကြီး စောဝင်မိသွားတယ်၊ ကြောက်ပြီး ပိတ်မိတယ်၊ SL ရွှေ့မိတယ်၊ တရစပ် Overtrades တွေ ဝင်မိတယ်။ ဒါကို ဘယ်လို ထိန်းရမလဲ ?" ဆိုတဲ့ .. Psychological Guidance ကို တောင်းခံပါ။

✍️ အနှစ်ချုပ်အနေနဲ့ ကျွန်မအကြံပြုပေးချင်တာကတော့ ..

📌 "Signal ကောင်းရင် မြတ်မယ်လို့ ကျွန်မတို့ ထင်နေပါသလား ?

📌 အမှန်တော့ Signal ဆိုတာ "မြေပုံ" တစ်ခုပါပဲ။

📌 မြေပုံရှိရုံနဲ့ ခရီးဆုံးကို ရောက်တာမဟုတ်ဘဲ ..

အဲ့ဒီမြေပုံကို ကျွန်မတို့ ကိုယ်တိုင်ဖတ်တတ်ဖို့ "ကျွမ်းကျင်မှု" .. လမ်းလျှောက်ဖို့ "စိတ်ဓာတ်ခိုင်မာမှု" .. နဲ့ အန္တရာယ်တွေကို ထိန်းချုပ်နိုင်ဖို့ "သတိနဲ့စည်းကမ်းတွေ" လိုအပ်ပါတယ်။

📌 Professional Consultant တစ်ယောက်ရဲ့ အခန်းကဏ္ဍဟာလဲ .. ကျွန်မတို့ကို ငါးဖမ်းပေးဖို့မဟုတ်ဘဲ .. ငါးဖမ်းတတ်အောင် သင်ပေးဖို့ဘဲ .. ဖြစ်ပါတယ်။

📌 ကျွန်မတို့ သိထားဖို့က .. Signal ကြောင့် မြတ်ခြင်းဟာ "ကံကောင်းခြင်း" ဖြစ်နိုင်ပေမဲ့၊ ကိုယ်တိုင် Analysis လုပ်လို့ မြတ်ခြင်းဟာ "ကျွမ်းကျင်မှု (Skill)" ဖြစ်ပါတယ်။"

📌 ကျွန်မတို့တွေ ဒီခရီးကို ရေရှည်သွားမှာလား ?

ဒါဆိုရင် ခဏတာ အဆင်ပြေဖို့ပဲ မကြည့်ပါနဲ့ .. ကျွမ်းကျင်မှုမရှိပဲ . တဦးတယောက်ကို မီခိုရင်း ရလာတဲ့ အမြတ်တွေဟာ .. Easy Money တွေ ဖြစ်နေနိုင်တယ်လို့ .. ကိုယ်ခံစားရနေတယ်ဆိုရင် ..

📍 " Signal နောက်လိုက်တဲ့ Trader ဘဝကနေ .. ကိုယ်တိုင် Analysis လုပ်နိုင်တဲ့ Trader တစ်ယောက်ဖြစ်အောင် .. အခုပဲ စတင်လိုက်ပါ။" လို့ ကျွန်မ အကြံပြုပါရစေရှင်။

📍ကျွန်မတို့ဟာ .. " Signal Follower တစ်ယောက်အဖြစ်ပဲ အမြဲတစေ နေသွားမှာလား ? "

📍ဒါမှမဟုတ် .. " စျေးကွက်ကို ကိုယ်တိုင် စီမံခန့်ခွဲနိုင်တဲ့ Market Specialist တစ်ယောက် ဖြစ်လာအောင် ကြိုးစားမှာလား ?"

✔️ ရွေးချယ်မှုက ကျွန်မတို့ လက်ထဲမှာပါ။

ဒါကြောင့် .. ကျွန်မဟာ Consultant တဦးအနေနဲ့ . ကျွန်မရဲ့ Client တွေကို .. အတူလက်တွဲအလုပ်လုပ်ဖို့ ချပြတဲ့အခါ ..

ကျွန်မသုံးနေတဲ့ Strategy တွေကို .. တိုင်ပင်ဆွေးနွေးလေ့လာကြရင်း .. မျှဝေသင်ကြားပေးတဲ့ . Class တွေကို "ပထမခြေလှမ်း" တခုအနေနဲ့ . လေ့လာစေတာဖြစ်ပါတယ်။

ဒီ Step ပြီးသွားလို့ .. တဦးနဲ့တဦး နားလည်၊ယုံကြည်၊ လေးစားမှုတွေ တည်ဆောက်ပြီးသွားတော့မှ .. Trading ခရီးလမ်းမှာ .. အကြံဥာဏ်ပေးတဲ့ ဝန်ဆောင်မှုအပိုင်းကို .. One on One Consultation တွေနဲ့ ဆက်သွားစေပါတယ်။

‼️ "Trader ရဲ့ ကျွမ်းကျင်မှု" နဲ့ .. "Consultant ရဲ့ Professional ဆန်မှု" .. ၂ခု အညီ .. မပေါင်းစပ်မိဘူးဆိုရင် .. Consultantနဲ့ Trader ဟာ .. "ရေရှည်လက်တွဲ မမြဲနိုင်ဘူး" .. လို့ ကျွန်မ သုံးသပ်မိပါတယ်ရှင်။

Yu Thet
24.4.2026 (7:18 p.m - MMT)

ကျွန်မဆီမှာ Trading ကို Basic to Advanced Level အထိ Online Class များ စနစ်တကျ တက်ရောက်လေ့လာ လိုပါက (သို့မဟုတ်) ကျွန်မရဲ့ One on one - Consultation အကြံပြုချက်များနဲ့အတူ တိုင်ပင်ဆွေးနွေးရင်း Trade လိုပါက ယခု Telegram Acc : https://t.me/yuthet_ytc မှတဆင့် လာရောက် မေးမြန်းဆွေးနွေးလို့ ရပါတယ်ရှင်။

21/05/2026

အပြင် စီးပွားရေးတွေကို အဓိက အာရုံစိုက်လုပ်နေရင်းနဲ့ "Trading လုပ်နေရတဲ့ Trader များအတွက် "အချိန်မရှိတာ" ထက် "နည်းလမ်းမှားနေတာ" က ပိုဆိုးပါတယ်။

မိတ်ဆွေတို့က ကိုယ့်လုပ်ငန်းနဲ့ကိုယ် အလုပ်ရှုပ်နေလို့ Trading မှာ တစ်နေကုန် Chart တွေ ကြည့်ဖို့ အချိန်မပေးနိုင်ဘူး ဖြစ်နေတယ်ဆိုရင်

"Trading ဆိုတာ Chart ကို (24) နာရီ ထိုင်စောင့်နေရတဲ့ အလုပ်မဟုတ်ဘူး" ဆိုတဲ့ Mindset ကို စထည့်ကြည့်ဖို့လိုပါတယ်။

Trading ကို Chart ရှေ့မှာ တစ်နေကုန်ထိုင်ကြည့်နေရတဲ့ အလုပ်တစ်ခုလို့ မြင်နေသရွေ့ မိတ်ဆွေရဲ့ Primary Business ရော၊ Trading Business ကိုပါ ထိခိုက်နေဦးမှာပါ။

တကယ်တော့ "နည်းစနစ်မှန်ရင်" တစ်နေ့ကို ကိုယ်အားလပ်ချိန်လေးပေးရုံနဲ့ Trader တစ်ယောက်လို သေချာ Trade လို့ ရပါတယ်။

မိတ်ဆွေတို့အတွက် အချိန်ကုန်သက်သာပြီး ထိရောက်နိုင်တဲ့ Trading လုပ်ငန်းဖြစ်စေဖို့ ကျွန်မပြောပြမယ့် ဒီအချက်(3) ခုလောက်ကို ပြင်ဆင်ကြည့်ပါရှင်။

1. ပြင်ပစီးပွားရေးတွေလုပ်နေတဲ့ လုပ်ငန်းရှင်တစ်ယောက်ဆိုရင် မနက်စောစော နဲ့ ညဘက်တွေမှာ အချိန်ရနိုင်မယ်ထင်ပါတယ်။

• တစ်နေ့ကို မနက်တစ်ကြိမ်၊ ညတစ်ကြိမ် (2) ကြိမ်ပဲ Chart ကို Analysis လုပ်ကြည့်ပါ။
• အချိန်ပေးရတာ သက်သာသလို၊ ပိုပြီးလည်း အေးဆေးပါတယ်။
• Lower Timeframe (ဥပမာ - 5 min, 15 min) တွေမှာ ဈေးနှုန်းအတက်အကျဟာ အရမ်းမြန်ပြီး မှားယွင်းတဲ့ Signal တွေ ပြတတ်သလို စိတ်လှုတ်ရှားစေတတ်ပါတယ်။ ဒါကြောင့် အချိန်မပေးနိုင်တဲ့ Trader တစ်ယောက်အတွက် (ဥပမာ - H4 လို) Higher Timeframe ကို ကြည့်တာဟာ အမှားနည်းစေသလို၊ Timeframe ကြီးလေလေ၊ Signal ပိုခိုင်မာလေလေဖြစ်လို့ စိတ်ဖိစီးမှု သိသိသာသာ လျော့ကျသွားပါလိမ့်မယ်။ တစ်နေ့ကို (၂) ကြိမ်လောက်ပဲ Chart ကြည့်ဖို့ လိုအပ်ပါတော့တယ်။

2. Chart ရှေ့မှာ ထိုင်စောင့်မနေပါနဲ့။

• ကိုယ်စောင့်နေတဲ့ ဈေးတန်းကိုရောက်ရင် ဖုန်းထဲကို Notification လာအောင် Alert ပေးထားပါ။ (ဒါမှမဟုတ် ကိုယ့်ကိုသတိပေးပေး Notofication ပို့ပေးမယ့်သူရှိရင်လဲ အဆင်ပြေနိုင်ပါတယ်)
• ကိုယ်ဝင်ချင်တဲ့ ဈေးတန်းတွေမှာ Limit Order တွေ ကြိုတင်ထားလိုက်ပါ။
• Trade တစ်ခုဖွင့်ပြီးတာနဲ့ Stop Loss (ရှုံးနိုင်ခြေ) နဲ့ Take Profit (မြတ်နိုင်ခြေ) ကို တစ်ခါတည်း သတ်မှတ်လိုက်ပါ။ ပြီးရင် Chart ကို ပိတ်လိုက်ပါ။ ကိုယ့်အပြင်စီးပွားရေးကိုပဲ အာရုံစိုက်ပါ။ ဈေးကွက်က သူ့အလုပ်သူ လုပ်ပါလိမ့်မယ်။
3. ခဏခဏ Trade မနေပဲ Quality Trade တွေကိုပဲ အာရုံစိုက်ပါ။ တစ်နေ့ကို Trade ပေါင်းများစွာ ဝင်နေတာဟာ Professional မကျပါဘူး။
• တစ်ရက်မှာ High Probability ရှိတဲ့ Setup (1) ခု သို့မဟုတ် (2) ခုလောက်ရဖို့ပဲ အာရုံစိုက်ပါ။
• ကိုယ့်ရဲ့ Business Schedule နဲ့ ကိုက်ညီတဲ့ Trading Session ကိုပဲ ရွေးချယ် Trade ပါ။(ဥပမာ - New York Session)

နိဂုံးချုပ်အနေနဲ့ပြောရရင် "Trading ဆိုတာ မိတ်ဆွေတို့ဘဝကို ပိုမိုကောင်းမွန်အောင် ထောက်ပံ့ပေးတဲ့ Income Source တစ်ခုပဲ ဖြစ်သင့်ပါတယ်။ မိတ်ဆွေတို့ဘဝရဲ့ ပျော်ရွှင်မှုနဲ့ စီးပွားရေးလုပ်ငန်းတွေကို ဝါးမြိုသွားတဲ့ အရာတစ်ခု မဖြစ်ပါစေနဲ့။ စနစ်တကျ Plan ချထားတဲ့ Trade တစ်ခုဟာ တစ်နေကုန် Screen ကြည့်နေတဲ့ Trade ထက် ပိုပြီး အကျိုးအမြတ်များပါတယ်။"

"အလုပ်ရှုပ်နေတဲ့ Trader တစ်ယောက်အတွက် အကောင်းဆုံးလက်နက်ဟာ "စိတ်ရှည်ခြင်း" ဖြစ်ပါတယ်။ ဈေးကွက်နောက်ကို လိုက်မပြေးပါနဲ့၊ ကိုယ်သတ်မှတ်ထားတဲ့ နေရာရောက်လာတဲ့အထိ ဈေးကွက်ကို စောင့်ခေါ်ပါ။ ဒါဟာ လုပ်ငန်းရှင်ဆန်တဲ့ Trading ပုံစံပါပဲ။"

ဒါကြောင့် ကျွန်မအခုအကြံပြုပေးတဲ့ (3) ချက်လောက်ကိုပဲ စပြီးပြင်ဆင်ကြိုးစားကြည့်ပါရှင်။

Yu Thet
8.1.2026 (MMT - 8:00 p.m)

Trading (ကမ္ဘာ့ရွှေစျေးကွက်) မှာ ကျွန်မရဲ့ အကြံဉာဏ်ပေးမှုများနဲ့အတူ တိုင်ပင်ဆွေးနွေးရင်း အရောင်းအဝယ်ပြုလုပ်လိုတာဖြစ်စေ၊ အခြေခံကနေစပြီး ကျွမ်းကျင်တဲ့အထိ Class တွေ လေ့လာလိုတာဖြစ်စေ၊ Telegram : https://t.me/yuthet_ytc မှတဆင့် ဆက်သွယ်နိုင်ပါတယ်ရှင့်။

20/05/2026

ကမ္ဘာ့ရွှေစျေးကွက်ရဲ့ လားရာတွေ ဘယ်လိုဆက်ဖြစ်နိုင်သလဲ ၊ ဒီနေ့ မေလ (၂၀) ရက်နေ့ အခြေအနေကရော ဘာဖြစ်နိုင်သလဲဆိုတာကို နည်းပညာပိုင်းအရ မျှဝေသုံးသပ်ပေးထားပါတယ်ရှင်။

နေ့စဉ်စျေးကွက်သုံးသပ်ချက်များကို ကျွန်မရဲ့ Public Telegram Channel မှာ အရင်ဆုံးမျှဝေပေးတာဖြစ်လို့ Telegram ကို Join ပြီး၊ အချိန်နဲ့တပြေးညီ စောင့်ကြည့်နိုင်ပါတယ်ရှင်။
https://t.me/yuthetforexchannel

Trading လုပ်ငန်းမှာ ကျွန်မရဲ့ အကြံဉာဏ်ပေးမှုများနဲ့အတူ တိုင်ပင်ဆွေးနွေးရင်း Trade လိုတာဖြစ်စေ၊ အခြေခံကနေစပြီး ကျွမ်းကျင်တဲ့အထိ Class တွေ လေ့လာလိုတာဖြစ်စေ၊ Telegram : https://t.me/yuthet_ytc မှတဆင့် ဆက်သွယ်နိုင်ပါတယ်ရှင့်။

20/05/2026

Market Analysis တခုကိုတွေ့ရင် .. ကျွန်မတို့ Trader တွေ .. ပါးပါးနပ်နပ်နဲ့ .. ဘယ်လိုပြန်ပြီး အသုံးချရမလဲ ဆိုတာကို .. အကြံပြုချက်အချို့ .. မျှဝေပေးသွားပါမယ်ရှင်။

ဒီခေါင်းစဉ်ကို မျှဝေပေးရတဲ့ အကြောင်းအရင်းကတော့ .. Market ထဲမှာ .. ရှိသမျှ Social Platforms အစုံကနေ .. စျေးကွက်ခန့်မှန်းချက်တွေကို .. လိုက်ကြည့်ပြီး .. မြတ်သွားလိုက်၊ ရှုံးသွားလိုက် ဖြစ်နေကြတဲ့ Trader တွေအတွက် .. တဖက်တလမ်းကနေ အထောက်အကူ ပြုစေချင်တာကြောင့် .. ဖြစ်ပါတယ်ရှင်။

ဒီအကြံပြုချက်တွေကို မပြောခင်မှာ .. ကျွန်မတို့ Trader တွေဟာ .. ဘာကြောင့် .. ဒီလို လိုက်ရှာကြည့်တတ်ကြတာလဲ .. ဆိုတဲ့ စိတ်ကို .. အရင်ဆုံးတွေးကြည့်ရအောင်ပါရှင်။

“ ငါလုပ်ထားတဲ့ Analysis က မှန်ပါ့မလား ?”
“မှားသွားရင် ဘယ်လိုဆက်လုပ်ရမလဲ မသိဘူး”
“ငါ နောက်ထပ် (ဘယ်သူဘယ်ဝါ) တင်ထားတဲ့ Analysis ကို သွားစစ်ကြည့်အုံးမှပါ “
“သူတို့က ငါ့ထက်ပိုတော်တယ်”
“သူတို့က ငါ့ထက်အရင် .. အခွင့်အရေးတွေကို တွေ့ထား/ မြင်ထား နိုင်တယ်”

▫️ဒါတွေကတော့ ကိုယ့်ကိုယ်ကို မယုံကြည်တာ၊ သံသယရှိတာ၊ ကိုယ်ပိုင်နည်းစနစ်မရှိတဲ့ Trader တွေ တွေးတာပါ။

ကိုယ်ပိုင် စည်းစနစ်ရှိတဲ့ Trader ဟာ .. ကိုယ့် Strategy & System က ပြတာမဟုတ်ပဲနဲ့ .. သူများပြောတာကို .. လွယ်လွယ် မယုံကြည်ကြပါဘူး။

နောက်တမျိုးကတော့ …

“ငါအရောင်းကြိုက်လိုက်တာ .. ဘယ်သူတွေက ရောင်းဖို့ ဘာတွေတွေ့တယ် ပြောထားမလဲ မသိဘူး၊ ရောင်းခိုင်းတဲ့သူတွေ ဘယ်သူတွေရှိလဲ”

“ငါအဝယ်ကြိုက်လိုက်တာ .. ဘယ်သူတွေက ဝယ်ဖို့ ဘာတွေတွေ့တယ် ပြောထားမလဲ မသိဘူး၊ ဝယ်ခိုင်းတဲ့သူတွေ ဘယ်သူတွေရှိလဲ”

▫️ ဒါတွေက ကိုယ်လုပ်ချင်တာကို .. အဖော်လိုက်ရှာနေတဲ့ Trader တွေပါ .. ဘာကြောင့် အဖော်ရှာနေတာလဲဆိုတော့ .. မှားသွားရင်/ ရှုံးသွားရင် .. ကိုယ်တယောက်တည်းမဟုတ်ဘူး .. ဆိုပြီး ကိုယ့်အမှားကို ဖြေသိမ့်လို့ရနိုင်လို့ပါ။

ကိုယ်စည်းကိုယ့်ကမ်းနဲ့ Trade တဲ့သူတွေက .. ရှုံးသွားရင်လဲ .. လက်ခံနိုင်တဲ့ အရှုံးမျိုးဖြစ်ဖို့ .. ကြိုတင်ပြင်ဆင်ထားပြီးသားပါ။

နောက်ထပ် တမျိုးက ..

“သူက မှန်တတ်တယ်၊ သူပြောတာပဲ ငါလိုက်
လုပ်တော့မယ်”
“အခုရှုံးသွားတာ ငါ့ကြောင့်မဟုတ်ဘူး”
“သူမှားသွားရင် သူ့ဘာသာ ငါတို့ကို Recovery ပြန်လုပ်ပေးလိမ့်မယ်”

▫️ ဒါကတော့ .. Trade လို့ ရှုံးသွားရင် .. ကိုယ့်အမှားကြောင့် မဟုတ်ဘူးဆိုပြီး .. စိတ်ကိုလျှော့ချချင်တဲ့၊ ကိုယ့်ကိုယ်ကိုယ်ထပ် သူများကို ပိုပြီး အားကိုး၊ မျှော်လင့်နေမိတတ်တဲ့ Trader တွေရဲ့ အတွေးပါ။

ကျွန်မတို့ ဒီအလုပ်ကို ရေရှည် လုပ်သွားချင်ရင် .. စိတ်ဓာတ်ကြံ့ခိုင်မှု နဲ့ စနစ်ကျမှု လိုအပ်ပါတယ် .. အရှုံးတွေ၊ အမှားတွေ၊ အမှန်တွေ စတဲ့ .. အတွေ့အကြုံတွေကို သိထားရပါမယ် .. ကျွန်မတို့ Account ထဲက ငွေဟာ .. ကျွန်မတို့ ပိုင်ဆိုင်တာပါ .. ဆက်တိုးပွါးအောင် ကြိုးစားဖို့ .. ကိုယ့်ငွေကို ကိုယ်တိုင် ရှာနိုင်ဖို့ .. ကိုယ့်ငွေကို ကိုယ်တိုင် စီမံ ထိန်းသိမ်းတတ်ဖို့ကို .. ကျွန်မတို့ကိုယ်တိုင် တတ်ကျွမ်းထားရပါမယ်။

ဒီတခါ Analysis မျှဝေပေးနေတဲ့သူတွေကို တွေးကြည့်ရအောင်ပါ။

▫️ Analysts တယောက်မှာ .. အခြေခံစောင့်ထိန်းရမယ့်၊ ဂရုစိုက်ရမယ့် ကျင့်ဝတ်တွေ (Ethics) ရှိပါတယ်။

ဒီလိုစောင့်ထိန်းရမယ့် ကျင့်ဝတ်တွေကို .. လိုက်နာတဲ့သူ ရှိသလို .. မလိုက်နာတဲ့သူလဲ ရှိမှာပါပဲ။

ဒါ့အပြင် .. 100% သေချာမှု မရှိတဲ့ စျေးကွက်ထဲမှာ .. Analysts တွေကလဲ .. မှားနိုင်တာပါပဲ။

▫️ ဒါကြောင့် .. Trader တဦးအနေနဲ့ .. Market Analysis တွေကို .. ကိုယ့် Risk ကိုယ်တိုင် ကာကွယ်ပြီး .. ဘယ်လို အမျှော်အမြင်ရှိစွာ အသုံးချရမလဲဆိုတာ .. Guidelines အချို့ ထုတ်ပေးပါမယ်ရှင်။

▪️ နံပါတ် (၁) ….. ဒီလိုတွေးပါ။

“ Market Analysis တွေဆိုတာ .. ဒီစျေးကွက်ကို သုံးသပ်ပေးတဲ့သူရဲ့ .. အတွေးအမြင်တခုပါပဲ “

“ဘယ်လောက်တော်တဲ့ Analysts တွေဖြစ်ပါစေ .. မှားတဲ့အချိန်လဲ ရှိကြတာပဲ “

“ Market ဆိုတာ .. ကြိုပြီးခန့်မှန်းလို့ မလွယ်
သလို .. 100% တိကျတာလဲ မရှိပါဘူး “

ဒါကြောင့် Blindly ပစ်ယုံလိုက်တာထပ် .. သက်သေပြလို့ရတဲ့ Results တွေ .. ဘယ်လောက်များများ ရှိသလဲဆိုတာကို .. အချိန်တခုကြာတဲ့အထိ .. ဆန်းစစ်ပါ။

▪️ နံပါတ် (၂) ….. တခြား အကြောင်းအရင်းတွေကို ပြန်ရှာပါ။

Market Analysis တခုက ဒီလိုပြောထားတယ်ဆိုရင် .. တခြား ကိုယ်သုံးနေတဲ့ .. ကိုယ်ပိုင် Chart ပေါ်မှာ .. Market Structure တွေ၊ Economic Data တွေ၊ Price Action တွေ၊ Concept တွေ၊ Strategy တွေကရော .. ဘာပြနေသလဲ .. လက်ခံလို့ရတဲ့ အကြောင်းပြချက်တွေ ရှိသလားဆိုတာ .. ပြန်သုံးသပ်ပါ။

မတူညီတဲ့ Analysis တွေကနေ .. မတူညီတဲ့ အမြင်တွေကို ပေးတာဖြစ်လို့ .. ကိုယ့်ရဲ့ ကိုယ်ပိုင် ဆုံးဖြတ်ချက်ကိုသာ အာရုံစိုက်ပါ။

▪️ နံပါတ် (၃) ….. Analysis တွေကပြပေးတဲ့ .. Entry တွေကို တသမတ်တည်းလိုက်ဝင်နေတာထပ် .. Idea တွေကိုပဲ အသုံးချပါ။

Analysis တွေကနေ .. ကိုယ် Inspired ယူလို့ရမယ့် .. Key Level တွေ၊ Trend တွေ၊ Support & Resistance တွေ .. စသဖြင့် တွေ့ရရင် ကြည့်လိုက်ပါ။

Trade ဝင်လိုက်တဲ့ Entry ကိုတော့ .. ကိုယ်ပိုင်
ဆုံးဖြတ်ချက်နဲ့ပဲ ဝင်ပါ .. Trader တယောက်ရဲ့ .. Entry တခုဆိုတာ .. ကိုယ်ပိုင် Strategy ကနေပဲ လာရမှာပါ။

▪️ နံပါတ် (၄) ….. ဒီအချက်က အရေးကြီးပါတယ်။

Facts ကို မကြည့်ပဲ .. စိတ်ခံစားချက် (Personal Emotion) တွေကို အခြေခံထားတဲ့ .. Overconfident Analysis တွေကို .. သတိထားပါ။

ဆိုလိုချင်တာက .. တဖက်တည်းကိုပဲ သီးသန့် .. တက်ကိုတက်တော့မယ်၊ ကျကိုကျတော့မယ် .. ဝယ်ကိုဝယ်ပါ၊ ရောင်းကိုရောင်းပါ .. ဆိုတာမျိုးတွေပြောထားတဲ့ Analysis တွေပါ။

Analysis တခုဟာ .. “Probability” ဆိုတဲ့ ဖြစ်တန်စွမ်းကိုပဲ ထောက်ပြရပါမယ် .. ကိုယ့်စိတ်က အဝယ်ကြိုက်လို့ ဝယ်ဖို့ပြောတာမျိုး၊ အရောင်းကြိုက်လို့ ရောင်းဖို့ပြောတာမျိုးထပ် .. “ ဒီနေရာသည် ရောင်းသင့်တယ်၊ ဝယ်သင့်တယ်၊ စောင့်ကြည့်သင့်တယ် .. အကယ်၍ fail သွားရင် .. ဘယ်လိုဆက်ပြီး စဉ်းစားရမယ် “ ဆိုတဲ့ Plan တခုကို ပြပေးရပါမယ်။

Market Analysis တခုဟာ .. စောင့်ကြည့် လေ့လာနေတဲ့ Trader တွေကို .. Skills တိုးတက်ဖို့ .. ကူညီအထောက်အကူပြုပြီး .. အကျိုးကျေးဇူး ပေးနိုင်ရပါမယ်။

“ အလောတကြီး စိတ်လှုပ်ရှားပြီး .. ဝင်လုပ်မိစေတဲ့ စကားလုံး (Aggressive Words) တွေ၊ ဒါက ဖြစ်ကိုဖြစ်မှာလို့ အာမခံထားတဲ့ စကားလုံး (Guaranteed Words) တွေ” ကို .. သတိထားရပါမယ် … ဒီလို Analysts တွေဟာ.. Red Flags တွေဖြစ်ပါတယ်။

A professional analyst always says “probabilities,” not “certainty.”

▪️ နံပါတ် (၅) ….. Signal ထုတ်လိုက်တာနဲ့ Logic ကို ရှင်းပြနိုင်တဲ့ .. Analysis မျိုးကို Follow လုပ်ရပါမယ်။

Analysis တခုဟာ …

“ဘာကြောင့်ဆိုတဲ့ Reason “ ကို ပေးရပါမယ်”
“ Chart ဟာ .. (ရှင်းရှင်းလင်းလင်း) Clear ဖြစ်နေရပါမယ်”
“နားလည်ဖို့ လွယ်ကူရိုးရှင်းရပါမယ်”
“Risk Management နဲ့ ပက်သက်တဲ့ .. Plan တွေပါရပါမယ် (အရှုံးပိုင်း၊ အမြတ်ပိုင်းစျေးတန်းများ) “
“Fail သွားရင် .. ဆက်လုပ်ရမယ့် Prepared Plan ကို ပြောပြရပါမယ်”

▪️ နံပါတ် (၆) ….. ကိုယ်ယုံကြည်ပြီး Follow လုပ်မယ့် .. Analyst တဦးကို .. Back Testing မဖြစ်မနေ စစ်ရပါမယ်။

ရှေ့မှာ တလျှောက်လုံး သူ မျှဝေပေးခဲ့တဲ့ .. Analysis အားလုံးကို .. Study ပြန်လုပ်ပါ၊

သူမျှဝေပေးခဲ့တဲ့ သက်တမ်း၊ ပုံမှန် Consistency ရှိခဲ့လား၊ Follower တွေကို Respect & Ethics ထားလားဆိုတာကို ကြည့်ပါ၊

သူမျှဝေပေးတတ်တဲ့ Style & Nature ကို .. သုံးသပ်ပါ .. Risk ရှိစေနိုင်သလား၊ ကိုယ်နဲ့ ကိုက်ညီရဲ့လား Personally အရ စဉ်းစားပါ ..

အပေါ်ကပြောထားတဲ့ .. နံပါတ် (၁) - (၅) ကိုပါ ပြန်သုံးသပ်ပါ။

ကိုယ်မယုံကြည်နိုင်လောက်တဲ့၊ နားမလည်နိုင်လောက်တဲ့ System ဆိုရင် .. Follow မလုပ်ပါနဲ့။

▪️ နံပါတ်(၇) ….. တစုံတယောက်ရဲ့ ယုံကြည်မှုလွန်ကဲခြင်း နဲ့ Emotional View အပေါ်မှာ .. ကိုယ့်ရဲ့ Risk ကို .. ပုံအော မထားပါနဲ့။

ကိုယ့်ရဲ့ Risk Management ဟာ .. ကိုယ်တိုင်ပဲ လုပ်ရမှာပါ .. Analyst တယောက်က 100% သေချာတယ်လို့ .. ပြောနေပါစေ .. ကိုယ့် Risk ၊ ကိုယ့်ငွေကို .. ကိုယ်တိုင်ပဲ စီမံခန့်ခွဲပါ။

ပြန်ရမယ့်အမြတ်ငွေနဲ့ ရင်းထားရတဲ့ Risk အပေါ် နှိုင်းယှဉ်ပြီး .. Decision (ဆုံးဖြတ်ချက်) ဟာ Trader ကိုယ်တိုင်ပဲ ချရပါမယ်။

▪️ နံပါတ် (၈) ….. Market Analysis တခုကို .. ကိုယ်နဲ့ကိုက်ညီမယ့် ပုံစံအဖြစ် .. ပြောင်းလဲဖို့ လိုအပ်ခဲ့ရင် .. ပြောင်းလဲနိုင်ရပါမယ်။

Analysis & Signal တခုကို ဝင်ခါနီးရင် .. ကိုယ့်ကိုယ်ကို ပြန်မေးပါ။

“ဒါက ငါ့ Strategy နဲ့ရော .. ကိုက်ညီရဲ့လား ?”
“ဒီမှာ ပြောပြထားတဲ့ အချက်အလက်တွေကို .. ငါရော တွေ့မြင်ထားရဲ့လား?”
“ငါ့ရဲ့ Risk ကရော ဘယ်လောက်ရှိလဲ ? ဘယ်နားမှာ Risk သတ်မှတ်ထားရမလဲ ?”
“ဘယ်လိုတွေဖြစ်ရင် ဒီ Setup က Fail မလဲ? ငါဘာကိုပြင်ဆင်ထားရမလဲ?”

ဒါတွေရဲ့ အဖြေကို .. ကိုယ်မသိရင် .. အဲ့ Trade ကို မဝင်ပါနဲ့။

▪️ နံပါတ် (၉) ….. Bias & Facts ကို .. ခွဲခြားသိရပါမယ်။

Bias ဆိုတာ .. အရောင်းဘက်မှာနေမှာလား ၊ အဝယ်ဘက်မှာနေမှာလား ? ကို ပြောတာပါ။

Facts ဆိုတာက .. စျေးကွက်ကို အချက်အလက်ကျကျ .. အခြေခံပြီး သုံးသပ်တာပါ။

တချို့ Analysis တွေဟာ .. Bias ကို ဦးစားပေးလွန်းပါတယ် .. ဒါကြောင့် .. Market မှာ ဘယ်လိုဖြစ်ပျက်နေသလဲဆိုတဲ့ .. Evidence ကို အခြေခံပြီး .. ကိုယ်က သိထားဖို့လိုပါတယ်။

Trend Breakouts တွေလား၊ Supply & Demand တွေလား၊ Resistance & Support Key Level တွေလား၊ Pattern တွေလား၊ Volume & Momentum တွေလား၊ Liquidity & Manipulation တွေလား .. စသဖြင့် ကိုယ်သိထားတဲ့ .. Concept တွေရှိရပါမယ်။

▪️ နံပါတ် (၁၀) ….. ကိုယ့်ရဲ့ Confidence ဟာ .. ကိုယ်တိုင် Trade နိုင်တဲ့ .. Skill ကနေပဲ လာရပါမယ်။

အနှစ်ချုပ် တွေးရမှာကတော့ … Analysts တွေ အပေါ်မှာ မမှီခိုပါနဲ့ ... သူတို့မျှဝေပေးတဲ့ Market Idea Sources တွေ၊ Hints တွေကိုပဲ ယူသုံးပါ။

“Your real strength comes from your independent analysis “ !!

▫️ ဒါတွေကတော့ … Market Analysis & Signals တွေကို .. ကိုယ်တိုင် ပါးနပ်စွာနဲ့ .. အသုံးချတတ်ဖို့ (သို့မဟုတ်) ရှောင်ရှားတတ်ဖို့ .. ကျွန်မ မျှဝေပေးချင်တဲ့ .. Guidelines တချို့ ဖြစ်ပါတယ်ရှင်။

▫️ ဒီ Content ကို အစအဆုံး လေ့လာပြီးသွားပြီ ဆိုရင်တော့ …

လူကြီးမင်းတို့ဆီမှာ .. ဒီလို အချက်အလက်တွေနဲ့ ပြည့်စုံတဲ့ … ကိုယ့်ကို တဖက်တလမ်းကနေ ကူညီဖေးမပေးပြီး .. အထောက်အကူပြုနေတဲ့ .. Analyst တဦး ရှိတယ်ဆိုရင် .. မျှဝေပေးတဲ့ ပညာကို .. တန်ဖိုးထားပြီး သင်ယူလိုက်ပါရှင်။

ဒါ့အပြင် .. ကိုယ့်အတွက် သီးသန့် Personally အနေနဲ့ .. ကိုယ်မသိ နားမလည်တာတွေကို ကျွမ်းကျင်တတ်မြောက်လာတဲ့အထိ .. လမ်းပြခေါ်ပေးတယ် .. အမှားတွေရှိရင် ပြုပြင်တည့်မတ်ပေးတယ် .. ကိုယ့်အတွက် ရေရှည်အထိ .. ရပ်တည်နိုင်ဖို့ပါ စဉ်းစားကူညီပေးနေတယ်ဆိုရင် .. ပိုပြီး ဝမ်းသာလိုက်ပါရှင်။

ဘာကြောင့်လဲဆိုတော့ … ကိုယ့်ရဲ့ သုံးသပ်ပိုင်းခြားနိုင်စွမ်း အရည်အချင်းနဲ့ .. သူ့ရဲ့ Professional ဆန်ပြီး .. အတွေ့အကြုံ၊ ပညာပြည့်ဝမှုတို့ .. မပေါင်းစပ်မိသ၍ .. ဒီလို Analyst တဦးကို ရွေးချယ်နိုင်ဖို့က ... ထင်သလောက် မလွယ်ကူပါဘူးရှင်။

Yu Thet
26.11.25 (MMT - 9:50 p.m)

▪️ Trading ကို Basic to Advanced Level အထိ Online Class များ စနစ်တကျ တက်ရောက်လေ့လာ လိုပါက ယခု Telegram Acc : https://t.me/yuthet_ytc မှတဆင့် လာရောက်တိုင်ပင်စုံစမ်းနိုင်ပါတယ်ရှင်။

Address

Yangon

Telephone

+959792927220

Website

facebook.com

Alerts

Be the first to know and let us send you an email when Yu Thet - Forex Advisor posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Yu Thet - Forex Advisor:

Shortcuts

Want your business to be the top-listed Business in Yangon?

Yu Thet - Forex Advisor

24/05/2026

23/05/2026

22/05/2026

22/05/2026

21/05/2026

20/05/2026

20/05/2026

Address

Telephone

Website

Alerts

Contact The Business

Shortcuts

Share

Category