What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00

https://www.facebook.com/101090392405745/

OBC - Olive Bright Consulting Group, No. 9, Block-36, Nawadday Housing, Hlaing Thar Yar Township, Yangon (2026)

21/07/2026

တရုတ်-မြန်မာ စီးပွားရေးစင်္ကြံ တည်ဆောက်ရေးလုပ်ငန်းများပံ့ပိုးခြင်း၊ နယ်စပ်စက်မှုလုပ်ငန်း ပူးပေါင်းဆောင်ရွက်ရေးနှင့် မဟာဗျူဟာမြောက် အခွင့်အလမ်းများကိုအခြေခံကာ နှစ်နိုင်ငံစီးပွားရေးနှင့် ကုန်သွယ်မှုဝန်ဆောင်မှုအင်အားစုကို ပိုမိုဖြည့်တင်းရန်၊ ရေရှည်တည်ငြိမ်ပြီး ထိရောက်လက်တွေ့ကျသော ပူးပေါင်းဆောင်ရွက်မှု ချိတ်ဆက်ဆောင်ရွက်ရေး ယန္တရားတစ်ခုကို တည်ဆောက်ရန် ရည်ရွယ်၍ တရုတ်နိုင်ငံ၊ ယူနန်ပြည်နယ်၊ တက်ဟုန်းပြည်နယ်ခွဲ ကုန်သည်ကြီးများအသင်း မြန်မာနိုင်ငံကိုယ်စားလှယ်ရုံး နှင့် OBCG တို့အကြား လုပ်ငန်းပူးပေါင်းဆောင်ရွက်ခြင်းဆိုင်ရာ သဘောတူစာချုပ် လက်မှတ်ရေးထိုးပွဲ အခမ်းအနားကို ၂၀၂၆ ဇူလိုင်လ ၃ ရက်နေ့ မန္တလေးမြို့တွင် ကျင်းပနိုင်ခဲ့ပါသည်။

အခမ်းအနားသို့ ရင်းနှီးမြှုပ်နှံမှုနှင့် ကုမ္ပဏီများညွန်ကြားမှုဦးစီးဌာန မန္တလေးတိုင်းဒေသကြီး ညွန်ကြားရေးမှူးရုံး ညွန်ကြားရေးမှူး၊ မန္တလေးတိုင်းဒေသကြီး ကုန်သည်များနှင့်စက်မှုလက်မှုလုပ်ငန်းရှင်များအသင်း ဒုတိယဥက္ကဌများ နှင့် အတွင်းရေးမှူး၊ မန္တလေးတိုင်းဒေသကြီးလုပ်ငန်းရှင်များ၊ တရုတ်နိုင်ငံလုပ်ငန်းရှင်များ တို့တက်ရောက်ခဲ့ကြသည်။

ပူးပေါင်းဝန်ဆောင်မှုများတွင် နှစ်နိုင်ငံ နှစ်ဘက် စီမံကိန်းများ၊ စီးပွားရေးနှင့် ကုန်သွယ်မှုဆိုင်ရာ ချိတ်ဆက်ပေးခြင်း၊ နယ်စပ်ဖြတ်ကျော် သွင်းကုန်ထုတ်ကုန် လိုက်နာဆောင်ရွက်မှု လမ်းညွှန်ပေးခြင်း၊ ရင်းနှီးမြှုပ်နှံမှုဆိုင်ရာမူဝါဒ လိုက်နာရန်အကြံပေးခြင်း၊ နယ်စပ်ဖြတ်ကျော် တရားဝင်ရင်းနှီးမြှုပ်နှံမှုဆိုင်ရာ ငွေကြေးစီးဆင်းမှု လမ်းညွှန်ပေးခြင်း၊ စီမံကိန်းပတ်ဝန်းကျင်ထိခိုက်မှုဆန်းစစ်ခြင်း၊ သွင်းကုန်ထုတ်ကုန်လုပ်ငန်းများ အကြံပေးခြင်း၊ တရားဝင်စီမံကိန်းလုပ်ငန်းခွင့်ပြုချက်များလမ်းညွန်ပေးခြင်း၊ ဘဏ္ဍာရေးစာရင်းစစ်ဝန်ဆောင်မှုပေးခြင်း၊ အလုပ်သမားစေလွှတ်ခြင်းနှင့် အလုပ်သမားအခွင့်အရေး ကာကွယ်စောင့်ရှောက်ခြင်း စသည့် သီးသန့်ဝန်ဆောင်မှုများ ပါဝင်ပြီး၊ နှစ်နိုင်ငံနှစ်ဘက်လုပ်ငန်းများ နယ်စပ်ဖြတ်ကျော် လည်ပတ်လုပ်ကိုင်ရာတွင် ကြုံတွေ့နိုင်သည့် အခက်အခဲအမျိုးမျိုးကို ထိရောက်စွာ ပူးပေါင်းဖြေရှင်းပေးသွားမည် ဖြစ်သည်။

Myanmar Investment Service Center

14/07/2026

ဧရာဝတီတိုင်းဒေသကြီး ရင်းနှီးမြှုပ်နှံမှုဖိုရမ် ၂၀၂၆
“စီမ်းလန်းစိုက်ပျိုး ပြာလွင်စီးပွား ရေရည်တည်တံ့မည့် ရင်းနှီးမြှုပ်နှံမှု အခွင့်အလမ်းများ”

အမျိုးသားစီမံကိန်း၊ ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန၊ ရင်းနှီးမြှုပ်နှံမှုနှင့် ကုမ္ပဏီများညွန်ကြားမှုဦးစီးဌာန နှင့် ဧရာဝတီတိုင်းဒေသကြီးအစိုးရအဖွဲ့ တို့ ပူးပေါင်းပြီး “ဧရာဝတီတိုင်းဒေသကြီး ရင်းနှီးမြှုပ်နှံမှုဖိုရမ် ၂၀၂၆ “ အခမ်းအနား ကို ဇွန်လှိုင်လ ၁၀ ရက်နေ့က ပုသိမ်မြို့မြို့တော်ခန်းမ တွင်အောင်မြင်စွာကျင်းပနိုင်ခဲ့ပါသည်။

OBCG မှ ဒေသအတွင်း ရင်းနှီးမြှုပ်နှံမှု မြှင့်တင်ရေး၊ ထုတ်လုပ်မှုနည်းပညာများဝင်ရောက်လာရေး၊ နိုင်ငံတကာစျေးကွက် ချိတ်ဆက်ရရှိရေး၊ စီမံကိန်းများလုပ်ငန်းများ ပူးပေါင်းချိတ်ဆက်ရေး၊ ပြည်ပ ရင်းနှီးမြှုပ်နှံမှုများကို တိကျသေချာစွာ ချိတ်ဆက်ဖော်ဆောင် ဖိတ်ခေါ်ခြင်းနှင့် ကုန်သွယ်မှု ကဏ္ဍ တိုးမြှင့်ခြင်း လုပ်ငန်းစဉ်များကို စဉ်ဆက်မပြတ် ဆက်လက်တွန်းအားပေး ဆောင်ရွက်သွားမည် ဖြစ်ပါသည်။

OBC - Olive Bright Consulting Group

12/07/2026

Myanmar - China Investment and Trade Networking Summit 2026 Shanghai

မြန်မာနိုင်ငံတော်သမ္မတ နှင့် နိုင်ငံတော်အဆင့်အကြီးအကဲများ ကိုယ်တိုင်တက်ရောက်၍ ရင်းနှီးမြှုပ်နှံမှုဆိုင်ရာ ဖိတ်ခေါ်ရှင်းလင်းဆွေးနွေးမှုများ ပြုလုပ်ခဲ့ခြင်းသည် နှစ်နိုင်ငံ စီးပွားရေးနှင့် ကုန်သွယ်မှု ပူးပေါင်းဆောင်ရွက်မှု ပိုမိုနက်ရှိုင်းစေရန် မြန်မာနိုင်ငံဘက်မှ အလေးအနက်ထားမှုကို ထင်ဟပ်စေရုံသာမက ကျယ်ပြန့်လှသော ရင်းနှီးမြှုပ်နှံသူများအတွက်လည်း ခိုင်မာသော ယုံကြည်မှုကို ဖြစ်ပေါ်စေခဲ့ပါသည်။

မြန်မာနိုင်ငံရင်းနှီးမြှုပ်နှံမှုကော်မရှင်၏ ဦးစားပေးမြင့်တင်မည့် ရင်းနှီးမြှုပ်နှံမှုကဏ္ဍများ၊ ဦးစားပေးဖိတ်ခေါ်လျက်ရှိသည့် ရင်းနှီးမြှုပ်နှံမှုလုပ်ငန်းများကိုအခြေခံ၍ MISC မြန်မာနိုင်ငံ ရင်းနှီးမြှုပ်နှံမှု ဆိုင်ရာဝန်ဆောင်မှုစင်တာ မှ အကောင်အထည်ဖော်နိုင်သော ရင်းနှီးမြှုပ်နှံမှု Solutions များကို ပူးပေါင်းဖော်ဆောင်ပေးလျက်ရှိပြီး ရင်းနှီးမြှုပ်နှံမှုမြင့်တင်ခြင်းလုပ်ငန်းများ ပူးပေါင်းဖော်ဆောင်လျက်ရှိသည်။

MISC မြန်မာနိုင်ငံ ရင်းနှီးမြှုပ်နှံမှု ဆိုင်ရာဝန်ဆောင်မှုစင်တာ အနေဖြင့် ရင်းနှီးမြှုပ်နှံမှု မြှင့်တင်ရေး အဖွဲ့အစည်းတစ်ခုအဖြစ် ရှန်ဟိုင်းဖိုရမ်သို့ တရုတ်လုပ်ငန်းရှင်များအားဖိတ်ခေါ်တက်ရောက်ခဲ့ကာ မိမိတို့၏ ကဏ္ဍအလိုက် အတွေ့အကြုံများနှင့် ပူးပေါင်းဆောင်ရွက်မှုများကို အခြေခံ၍ နိုင်ငံခြား ရင်းနှီးမြှုပ်နှံမှု လုပ်ငန်းများ အောင်မြင်စွာ အခြေစိုက် အကောင်အထည်ဖော်နိုင်ရေးနှင့် ဖွံ့ဖြိုးတိုးတက်လာစေရေးအတွက် ပံ့ပိုးကူညီပေးနိုင်ရန် အပြည့်အဝယုံကြည်ချက်ရှိပါသည်။

Myanmar Investment Promotion
MISC - Myanmar Investment Services Center
OBC - Olive Bright Consulting Group

05/07/2026

တရုတ်ငွေကြေးယွမ် CNY ဖြင့် ရင်းနှီးမြှုပ်နှံရန် မြန်မာနိုင်ငံရင်းနှီးမြှုပ်နှံမှုဆိုင်ရာဝန်ဆောင်မှုစင်တာမှ ကူမင်းမြို့တွင်အလေးပေးဖိတ်ခေါ်

၂၀၂၆ ခုနှစ် ဇွန်လ ၁၄ ရက်နေ့ မနက်ပိုင်းတွင် (၁၀) ကြိမ်မြောက် တရုတ်-တောင်အာရှ ကုန်စည်ပြပွဲ (China-South Asia Expo) ၏ အရေးပါသော တွဲဖက်အစီအစဉ်တစ်ရပ်ဖြစ်သည့် “မြန်မာ-တရုတ် စီးပွားရေး၊ ကုန်သွယ်ရေးနှင့် ရင်းနှီးမြှုပ်နှံမှု မြှင့်တင်ရေး ဖလှယ်ပွဲ” ကို ကူမင်းမြို့ရှိ Dianchi International Convention and Exhibition Center ၏ Hall 7 တွင် အောင်မြင်စွာ ကျင်းပပြုလုပ်နိုင်ခဲ့သည်။ အဆိုပါအစီအစဉ်အား တရုတ်နိုင်ငံ ယူနန်ပြည်နယ် ကူးသန်းရောင်းဝယ်ရေးဌာန၊ မြန်မာနိုင်ငံ (နေပြည်တော်) ယူနန်ပြည်နယ် ကူးသန်းရောင်းဝယ်ရေး ကိုယ်စားလှယ်ရုံး၊ မြန်မာနိုင်ငံ ရင်းနှီးမြှုပ်နှံမှုဆိုင်ရာဝန်ဆောင်မှုစင်တာ (Myanmar Investment Service Center) နှင့် မြန်မာကုန်သွယ်မှုစင်တာ (Myanmar Trade Center) တို့က ပူးပေါင်းစီစဥ်ဆောင်ရွက်ခဲ့ကြသည်။ အဆိုပါပွဲသည် နှစ်နိုင်ငံ စီးပွားရေးလုပ်ငန်းရှင်များအကြား ချိတ်ဆက်ဆွေးနွေးမှု၊ စျေးကွက်သတင်းအချက်အလက် မျှဝေမှုနှင့် စီမံကိန်းဆိုင်ရာ ဆွေးနွေးညှိနှိုင်းမှုများ ရည်ရွယ်ကာ ပြုလုပ်ခဲ့ကြသည့် အဆင့်မြင့်ဖလှယ်ရေးပလက်ဖောင်းတစ်ခုအဖြစ် ဖန်တီးပေးနိုင်ခဲ့ပြီး မြန်မာ နှင့် တရုတ် နှစ်နိုင်ငံမှ စီးပွားရေးလုပ်ငန်းရှင် ကိုယ်စားလှယ် ၁၀၀ ကျော် တက်ရောက်ခဲ့ကြပါသည်။

အခမ်းအနားတွင် မြန်မာနိုင်ငံကောင်စစ်ဝန်ချုပ်ရုံး (ကူမင်းမြို့) ကောင်စစ်ဝန်ချုပ် ဦးသွင်ထက်လင်း က တက်ရောက်ကာ အဖွင့်အမှာစကား ပြောကြားရာ၌ မြန်မာနှင့် တရုတ် နှစ်နိုင်ငံအကြား “ပေါက်ဖော်” ချစ်ကြည်ရင်းနှီးမှု အစဉ်အလာ နက်ရှိုင်းစွာ တည်ရှိနေကြောင်း၊ မြန်မာနိုင်ငံမှ ကုန်ထုတ်လုပ်မှု၊ လျှပ်စစ်စွမ်းအင်၊ စိုက်ပျိုးရေး၊ ပို့ဆောင်ရေးနှင့် ခရီးသွားလုပ်ငန်းကဏ္ဍများတွင် ရင်းနှီးမြှုပ်နှံမှုအခွင့်အလမ်းများစွာ ရှိနေကြောင်း မိတ်ဆက်ခဲ့ပြီး စိုက်ပျိုးရေးထွက်ကုန် အဆင့်မြှင့်ထုတ်လုပ်ခြင်း၊ အစားအစာထုတ်လုပ်ခြင်း၊ ပြန်လည်ပြည့်ဖြိုးမြဲစွမ်းအင်၊ လျှပ်စစ်မော်တော်ယာဉ် လုပ်ငန်းများ၊ ဆေးဘက်ဆိုင်ရာများနှင့် သိပ္ပံနည်းပညာဆိုင်ရာ သုတေသနနှင့် ဖွံ့ဖြိုးတိုးတက်ရေးလုပ်ငန်းများကို အထူးအားပေးဖိတ်ခေါ်လျက်ရှိကြောင်း အလေးပေးပြောကြားခဲ့ပါသည်။

မြန်မာနိုင်ငံ (နေပြည်တော်) ဆိုင်ရာ ယူနန်ပြည်နယ် ကူးသန်းရောင်းဝယ်ရေး ကိုယ်စားလှယ်ရုံး ညွှန်ကြားရေးမှူး Mr. Gao Wei က အမှာစကား ပြောကြားရာတွင် တရုတ်နိုင်ငံ ယူနန်နှင့် မြန်မာနိုင်ငံသည် တောင်တန်း၊ မြစ်ချောင်းများဖြင့် ဆက်စပ်နေသည့် အိမ်နီးချင်းနိုင်ငံဖြစ်ပြီး ရှည်လျားသော ချစ်ကြည်ရင်းနှီးမှု အစဉ်အလာကို ပိုင်ဆိုင်ထားကြောင်း ပြောကြားခဲ့သည်။ Belt and Road Initiative အစီအစဉ်နှင့် မြန်မာ-တရုတ် စီးပွားရေးစင်္ကြံ (China-Myanmar Economic Corridor) တည်ဆောက်ရေးတို့၏ အားပေးထောက်ခံမှုအောက်တွင် နှစ်ဖက်ဒေသများအကြား စီးပွားရေးနှင့် ကုန်သွယ်ရေး ပူးပေါင်းဆောင်ရွက်မှုများသည် အရှိန်အဟုန်ဖြင့် ဆက်လက်တိုးတက်လျက်ရှိကြောင်း ၎င်းက ပြောကြားခဲ့သည်။

ဆက်လက်ပြီး မြန်မာနိုင်ငံ ရင်းနှီးမြှုပ်နှံမှုဆိုင်ရာဝန်ဆောင်မှုစင်တာ တာဝန်ခံ ဦးဂူတားဧပရယ် မှ မြန်မာနိုင်ငံ၏ ရင်းနှီးမြှုပ်နှံမှု အားပေးမြှင့်တင်ရေးမူဝါဒများနှင့် သက်ဆိုင်ရာ ဥပဒေ၊ နည်းဥပဒေများကို ကျယ်ကျယ်ပြန့်ပြန့် ရှင်းလင်းတင်ပြခဲ့သည်။ မြန်မာနိုင်ငံ ရင်းနှီးမြှုပ်နှံမှုကော်မရှင် (MIC) မှ ထုတ်ပြန်ထားသည့် ကြေညာချက်များကို အခြေခံ၍ မြန်မာနိုင်ငံတွင် တရုတ်ယွမ် CNY ငွေဖြင့် တိုက်ရိုက်ရင်းနှီးမြှုပ်နှံမှု ပြုလုပ်ခွင့်ပြုသည့် အကြာင်းရာကို အထူးအလေးပေး မိတ်ဆက်ရှင်းလင်းကာ ရင်းနှီးမြှုပ်နှံမှုလုပ်ငန်းများဖိတ်ခေါ်ခဲ့သည်။

ထို့နောက် မြန်မာနိုင်ငံ ရင်းနှီးမြှုပ်နှံမှုဝန်ဆောင်မှုစင်တာ၏ အဖွဲ့ဝင် ရှေ့နေ Mr. Liu Pengcheng က Myanmar Investment Service Center အကြောင်းအထူးမိတ်ဆက်ဆွေးနွေးတင်ပြမှု ပြုလုပ်ခဲ့ပါသည်။ အခမ်းအနားအတွင်း တက်ရောက်လာသည့် အဖွဲ့အစည်းအသီးသီးတို့က လုပ်ငန်းပူးပေါင်းဆောင်ရွက်ရေး နားလည်မှုစာချွန်လွှာ (MoU) ၅ စောင် ကို လက်မှတ်ရေးထိုးနိုင်ခဲ့ပါသည်။

မြန်မာနိုင်ငံရင်းနှီးမြှုပ်နှံမှုဆိုင်ရာဝန်ဆောင်မှုစင်တာမှ ပူးပေါင်းမှုများကို အခြေခံကာ ပုံမှန်ချိတ်ဆက်ဝန်ဆောင်မှုပေးသည့် ယန္တရားတစ်ရပ်ကို ထူထောင်သွားမည်ဖြစ်ပြီး အရည်အသွေးမြင့်သော ရင်းနှီးမြှုပ်နှံမှုပူးပေါင်းဆောင်ရွက်မှု စီမံကိန်းများကို ဆက်လက်ရှာဖွေဖော်ဆောင်သွားမည်ဖြစ်သည်။ ထို့အပြင် မြန်မာ-တရုတ် နှစ်နိုင်ငံအကြား အပြန်အလှန်အကျိုးဖြစ်ထွန်းသော ရင်းနှီးမြှုပ်နှံမှုနှင့် စီးပွားရေး ဆက်ဆံရေးများကို အရည်အသွေးနှင့် ထိရောက်မှု ပိုမိုမြင့်မားလာစေရန် တွန်းအားပေးကာ မြန်မာ-တရုတ် စီးပွားရေးစင်္ကြံ တည်ဆောက်ရေးလုပ်ငန်းများကို ရေရှည်တည်တံ့ခိုင်မြဲစွာ ရှေ့ဆက်လုပ်ဆောင်မှုလုပ်ငန်းစဥ်များအား အထောက်အကူပြုသွားမည်ဖြစ်သည်။

Myanmar Investment Service Center
OBC - Olive Bright Consulting Group

30/06/2026

Mandalay Investment Forum - 2026
အမျိုးသားစီမံကိန်း၊ ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာနနှင့် မန္တလေးတိုင်းဒေသကြီးအစိုးရအဖွဲ့တို့ပူးပေါင်းကျင်းပသည့် မန္တလေးရင်းနှီးမြှုပ်နှံမှုဖိုရမ် - ၂၀၂၆ သို့ OBCG မှ ဂုဏ်ယူစွာဖြင့်ပါဝင်ခဲ့ပါသည်။ ဖိုရမ်းအား ၂၀၂၆ ခုနှစ် ဇွန်လ ၁၂ ရက်နေ့တွင် မန္တလေးမြို့၊ ရတနာပုံခန်းမတွင်အောင်မြင်စွာကျင်းပခဲ့ပါသည်။

ပြည်တွင်းပြည်ပ ရင်းနှီးမြှုပ်နှံမှုများ ပိုမိုဝင်ရောက်လာခြင်းနှင့် ရင်းနှီးမြှုပ်နှံမှုလုပ်ငန်းများ လွယ်ကူချောမွေ့စေရေးအတွက် OBCG မှ တရုတ်နိုင်ငံ နှင့် နိုင်ငံတကာချိတ်ဆက်ထားမှုများ၊ ရင်းနှီးမြှုပ်နှံမှုဆိုင်ရာဝန်ဆောင်မှုများ၊ ဥပဒေရေးရာဝန်ဆောင်မှုများ၊ စာရင်းစစ်ဝန်ဆောင်မှုများ၊ ပတ်ဝန်းကျင်ထိခိုက်မှုဆန်းစစ်ခြင်းဆိုင်ရာဝန်ဆောင်မှုများ လုပ်ဆောင်ပေးလျက်ရှိကြောင်းအား အမျိုးသားစီမံကိန်း၊ ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန ပြည်ထောင်စုဝန်ကြီးထံ ရှင်းလင်းတင်ပြခွင့်ရရှိခဲ့ပါသည်။

မြန်မာနိုင်ငံရင်းနှီးမြှုပ်နှံမှုဆိုင်ရာလုပ်ငန်းများ မြင့်တင်ရေးလုပ်ငန်းများတွင် OBCG ပုဂ္ဂလိကကဏ္ဍမှ အစဥ်အမြဲ ပံ့ပိုးပါဝင်လျက်ရှိပါသည်။

Mandalay Investment Forum 2026

25/06/2026

(၁၀) ကြိမ်မြောက် တရုတ်-တောင်အာရှ ကုန်စည်ပြပွဲနှင့် (၃၀) ကြိမ်မြောက် တရုတ်ကူမင်း သွင်းကုန်ထုတ်ကုန်ပြကြီးသို့ ပြပွဲကျင်းပရေးကော်မတီ၏ ဖိတ်ကြားချက်အရ မြန်မာနိုင်ငံရင်းနှီးမြှုပ်နှံမှုဆိုင်ရာဝန်ဆောင်မှုစင်တာတာဝန်ခံ၊ OBC Group CEO Ko Chris Gu Tar သည် ပြပွဲဖွင့်ပွဲအခမ်းအနားနှင့် ရင်းနှီးမြှုပ်နှံမှုဆွေးနွေးပွဲဆက်စပ် အစည်းဝေးများသို့ တက်ရောက်ခဲ့ပါသည်။ ကုန်စည်ပြပွဲကြီးအား ၂၀၂၆ ခုနှစ် ဇွန်လ ၁၁ ရက်မှ ၁၅ ရက်အထိ တရုတ်နိုင်ငံ၊ ယူနန်ပြည်နယ်၊ ကူမင်းမြို့တွင်ကျင်းပခဲ့ပါသည်။

The 10th China – South Asia Exposition, The 30th China Kunming Import & Export Fair
MISC - Myanmar Investment Service Center

01/01/2026

New Year, New beginnings.
OBC wishes all our clients and partners a Happy New Year filled with success and opportunity. #2026

OBC - Olive Bright Consulting Group

21/07/2026

14/07/2026

12/07/2026

05/07/2026

30/06/2026

25/06/2026

01/01/2026

Address

Opening Hours

Telephone

Website

Alerts

Contact The Business

Shortcuts

Share

Category

Listing takedown request

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00