https://www.facebook.com/102833392092348/

Yoon.Precious Y, Yangon (2026)

10/08/2026

မျက်လှည့်ဆရာတွေ လှည့်စားတာ
စိတ်ဝင်စားဖို့ကောင်းတယ်။ ပျော်ရတယ်။

ကိုယ်ချစ်တဲ့သူက လှည့်စားရင်တော့
‌နှလုံးသားတွေ ကွဲအက် နာကျင်ရပါတယ်။

#ယွန်း-@ Precious Y

10/08/2026

ကိုယ်လုပ်သင့်တဲ့အလုပ်တွေ ပြီးမြောက်သွားတဲ့အခါ စိတ်ကျေနပ်ပျော်ရွှင်ရသလို အလုပ်တွေ မပြီးမြောက်တဲ့အခါမှာလည်း စိတ်ပင်ပန်းတာ၊ အလိုမကျတာတွေ ခံစားရစေနိုင်ပါတယ်။

ဒါကြောင့် ကိုယ့်ရဲ့တစ်နေ့တာကို ကုသိုလ်၊ ပညာ၊ ဥစ္စာ တစ်ခုခုမှ ရအောင် မစုဆောင်းလိုက်ရဘဲ အကျိုးမဲ့ ကုန်ဆုံးသွားတယ်ဆိုတာမျိုး မဖြစ်စေချင်ရင် ဒီလိုမျိုး ကြိုတင်စီစဥ်ထားကြည့်နိုင်ပါတယ်။

တစ်နေ့တာလုပ်ရမယ့် ကိစ္စတွေကို ပထမဦးစားပေး A ၊ ဒုတိယဦးစားပေး B၊ တတိယ ဦးစားပေး C စသဖြင့် ခွဲခြားသတ်မှတ်စီစဥ်ထားပါ။ အရေးအကြီးဆုံး အလုပ်ကို အရင်ဆုံး ပြီးအောင် လုပ်တဲ့ အလေ့အကျင့်ကို ရအောင် မွေးယူကြည့်ပါ။

What's your three Priorities for today?
ဒီနေ့ တစ်နေ့တာအတွင်း ပြီးမြောက်အောင်မြင်အောင် လုပ်ရမဲ့ အရေးအကြီးဆုံး အလုပ် ၃ ခု ဟာ ဘာဖြစ်မလဲ။

ဒီလိုမျိုး နေ့တိုင်းချရေးပြီး ကိုယ် အမြဲ မြင်ရမယ့်နေရာမှာ ကပ်ထားပါ။ ကိုယ့်ကိုယ်ကိုယ် ဒီလိုမျိုး အမြဲမပြတ် တွန်းအားပေးနေမှသာ လုပ်သင့်တာတွေ မလုပ်လိုက်ရဘဲ တစ်နေ့ကုန်သွားတယ်ဆိုတာမျိုး မဖြစ်တော့မှာပါ။

#ယွန်း Y
#ဘဝကိုမွမ်းမံခြင်း စာအုပ်မှ

08/08/2026

ကိုယ်ကောင်းတာတွေလုပ်လုပ် ဆိုးတာတွေ လုပ်လုပ် ကိုယ်နဲ့ အမြဲ ထပ်တူ မျှဝေခံစားပေးတာ ကိုယ်ကိုယ်တိုင်ပါ။ ဒါကြောင့် ကိုယ့်ကိုယ်ကိုယ် မကောင်းတဲ့ စကားတွေ၊ အားငယ် စိတ်ဓါတ်ကျစေမယ့် စကားတွေ ပြောမယ့်အစား အပြုသဘောဆောင်တဲ့စကားတွေ ပြောပေးခြင်း၊ အကျိုး ရှိတဲ့ လုပ်ရပ်တွေ ဖြစ်မြောက်အောင်မြင်အောင် လုပ်ခြင်း ဖြင့် ကိုယ့်ကိုယ်ကိုယ် ချစ်ပါ။ ကိုယ်တိုင် ကန့်သတ်ထားတဲ့ ယုံကြည်မှု အလွဲအမှားတွေကို ချိုးဖျက်ပြီး တံတားအသစ်၊ လမ်းအသစ်၊ ယုံကြည်မှု အသစ်တွေ တည်ဆောက်ပါ။
fans #ယွန်း Y #ဘဝကိုမွမ်းမံခြင်း

08/08/2026

အတူစီးမြောလွင့်ပါပစ်လိုက်ချင်စရာကောင်းတဲ့ တိမ်ဆိုင်တွေကို စိတ်လိုလက်ရငေးဖြစ်တဲ့အခါ ချစ်သင့်တဲ့သူကိုရော
မချစ်သင့်တဲ့သူကိုပါ မေ့ထားလိုက်နိုင်တယ်။

အုံ့မှိုင်းနေတဲ့ စိတ်လို မီးခိုးရောင်
ခပ်ညစ်ညစ်တိမ်တွေကို မနှစ်သက်ဘူး။

ခပ်မှိုင်းမှိုင်း အရောင်တွေကို မကြိုက်သလို
မှုန်မှိုင်းမှိုင်း ဆက်ဆံရေးတွေဆိုလည်း ရှောင်ဖြစ်တယ်။

ကိုယ်ဟာ ဒီလို ဟန်လုပ်ဆက်ဆံရခြင်းတွေကိုဆို
စိတ်သိပ်မပါလှသူပါပဲ။

ကိုယ့်ကမ္ဘာရဲ့ အနာဂတ်မှာ ဘယ်သူပါပါ မပါပါ
နေခြည်လင်းဖြာ နေရမယ်ဆိုတာ ကိုယ့်အတ္တ။

တစ်ချိန်မှာ ကိုယ်တိုင်က တချို့အရာတွေကို ချန်ထားခဲ့ပြီး ခရီးဆက်ရမှာ ဖြစ်သလို သေချာပေါက် ကိုယ့်ကို ခွဲခွာ ချန်ထားရစ်ခဲ့မယ့် သက်ရှိ သက်မဲ့တွေလည်း ရှိတာပဲ။

ဒါကြောင့် အချိန်တန်ရင် ခွဲခွာရမယ့် ခရီးတစ်ခုအတွက်
အရာရာကို တည်တည်ငြိမ်ငြိမ် လက်ခံနိုင်အောင်
တတ်နိုင်သမျှ ပြင်ဆင်ထားတယ်။

ရွေ့နေတဲ့ တိမ်တွေငေးမယ်။
စိုက်ထားတဲ့ ပန်းတွေ ငေးမယ်။
သီချင်းတွေ နားထောင်မယ်။
စိတ်လိုလက်ရ လိုက်ဆိုရင်လည်း ဆိုဖြစ်လိမ့်မယ်။
ခါးစိမ့်စိမ့်ကော်ဖီတစ်ခွက်ကို အရသာခံသောက်ရင်း
စာအုပ်တွေနဲ့ ငြိမ်သက်မယ်။
စိတ်ကူးပေါက်တိုင်းလည်း ခရီးတွေထွက်မယ်။

ဒီလို မက်မောရတဲ့အရာတွေအတွက်
ဆက်ပြီး ကြိုးစားရှင်သန်နေရဦးမယ်။

#ယွန်း Precious Y

07/08/2026

ချစ်ခြင်းနဲ့ချည်နှောင်ရက်ဖွဲ့ထားတဲ့
လှောင်အိမ်တွေဟာ မြင်နိုင်ဖို့ အခက်ခဲဆုံးပဲ။
ဒါပေမယ့်လည်း လှောင်အိမ်တွေပါပဲလေ။
#ယွန်း Y

06/08/2026

စိတ်ဓါတ်ကို မာမာထားပြီး ကိုယ်လိုချင်တဲ့အရာဟာ ကိုယ်နဲ့ ထိုက်တန်တဲ့ထိ ကိုယ့်ကိုယ်ကိုယ် ဖြည့်စွက် တည်ဆောက်ယူပါ။

Consistency ဆိုတဲ့
လုံ့လ ဝီရိယ ရှိခြင်းဟာ ပါရမီရှိတယ်ဆိုတာမျိူးကို
ဖြစ်ပေါ်စေတဲ့ Key point ပါပဲ။ အထပ်ထပ် အခါခါ လုပ်ရင်းမှ ကျွမ်းကျင်လာမှာပါ။ပိုကောင်းတဲ့ ရလဒ်တွေ ရလာမှာပါ။

ဒါကြောင့် ဘာမဆို စလုပ်ပြီးရင် ဆက်လုပ်ပါ။ ဇွဲရှိပါ။ အဆုံးထိ ဆက်လျှောက်ရင်း အောင်မြင်မှုကို အရယူပါလို့ရယ်သာ။

#ယွန်း Y

05/08/2026

စစ်မှန်တဲ့ ငြိမ်းချမ်းမှုကို ရနိုင်ဖို့ မုန်တိုင်းထန်နေတဲ့ လောကအလယ်မှာ ကိုယ်ပိုင်တွေးခေါ်မှုပုံစံနဲ့ စိတ်နှလုံးအိမ်လေးကို ခိုင်ခံ့အောင် ဘယ်လို တည်ဆောက်ကြမလဲ။

တကယ်တော့ စစ်မှန်တဲ့ ငြိမ်းချမ်းမှုဆိုတာ ပြင်ပလောကကြီးရဲ့ ဆူညံမှုတွေ ငြိမ်သက်သွားမှ ရနိုင်တာမျိုးမဟုတ်ပါဘူး။ မုန်တိုင်းထန်နေတဲ့ လောကအလယ်မှာတောင် ကိုယ်ပိုင်တွေးခေါ်မှုပုံစံနဲ့ စိတ်နှလုံးအိမ်လေးကို ခိုင်ခံ့အောင် ဘယ်လို တည်ဆောက်မလဲဆိုတဲ့အပေါ်မှာပဲ မူတည်ပါတယ်။

ကျေနပ်ဂုဏ်ယူရခြင်းဆိုတာ စကားလုံးတွေဆီက လာတာ မဟုတ်ပဲ လုပ်ရပ်ကနေ လာတယ်ဆိုတာမျိုးကို တစ်ခုခု အောင်မြင်ဖြစ်ထွန်းသွားတဲ့ အခါမျိုးမှာ ခံစားမိဖူးကြပါလိမ့်မယ်။

ကျွန်မတို့ဟာ နေ့စဉ်ဖြတ်သန်းမှုတွေထဲမှာ "သူများတွေလုပ်သလို" လိုက်လုပ်ရင်း၊ "သူများတွေတွေးသလို" လိုက်တွေးရင်းနဲ့ပဲ တစ်ခါတရံ စိတ်မွန်းကြပ်မှုတွေ၊ ကိုယ်ပိုင် ဖြစ်တည်မှု ပျောက်ဆုံးခြင်းတွေ ခံစားလာရတတ်ပါတယ်။ ကိုယ့်ဘဝ၊ ကိုယ့်ဆန္ဒတွေထက် သူတစ်ပါးအလိုကျစေဖို့၊ သူများအတွက် ပေးဆပ်ရင်း ကိုယ့်ဘဝနဲ့ ကိုယ့်စိတ် အေးချမ်းပြည့်စုံခြင်းတွေလည်း ပျောက်ရှဖူးကြပါလိမ့်မယ်။

လူတိုင်းသွားတဲ့ လမ်းအတိုင်း လျှောက်မှ အောင်မြင်တာမဟုတ်သလို၊ လူတစ်ယောက်နဲ့တစ်ယောက် ဘဝ ရဲ့ အဓိပ္ပါယ်နဲ့ အောင်မြင်ခြင်း၊ငြိမ်းချမ်းခြင်းကို အဓိပ္ပါယ် ဖွင့်ဆိုပုံလည်း မတူညီနိုင်ကြပါဘူး။

ဒါကြောင့် လက်ရှိအချိန်မှာ ဒီ အချက်တွေ ခံစားနေရတယ်ဆိုရင် ဒီစာအုပ်က သင်လိုချင်နေတဲ့ အဖြေကို ယူဆောင်ပေးလာမှာ အသေအချာပါပဲ။

အခု အချိန်မှာ ကိုယ့်ဘဝကို၊ ကိုယ့်ကိုယ်ကိုယ် ကျေနပ်အားရမှာ မရှိဘူးဆိုရင်၊ ကိုယ့်လုပ်ရပ်တွေကနေ ရလာတဲ့ အကျိုးရလဒ်တွေက ကိုယ်မှန်းသလောက် ခရီးမပေါက်ဘူးဆိုရင်၊
နာကျင်ခက်ခဲနေတာတွေ ရှိနေဆဲဆိုရင်၊ ငါဘယ်သူလဲ၊ ဘယ်သွားနေလဲ၊ ဘယ်ရောက်နေပြီလဲ၊ ဘာတွေ ဖြည့်ဆည်းပြုပြင် ပြောင်းလဲဖို့ လိုအပ်နေပြီလဲဆိုတာတွေကို အဖြေရှာချင်တယ်ဆိုရင် ဒီစာအုပ်ထဲမှာပါဝင်တဲ့ သာမန်အမြင်တွေထက် ပိုမိုနက်ရှိုင်းတဲ့ အတွေးစာစု လေးတွေက သင့်ဘဝကို ရှုထောင့်အသစ်၊ အလင်းအသစ်နဲ့ အလင်းရောင်တွေ ဆောင်ယူလာပေးပါလိမ့်မယ်။

ဒီစာအုပ်ထဲမှာ တင်ပြထားတဲ့ ဇာတ်လမ်းထဲမှာပါတဲ့ ၊ ဇာတ်ကောင်တွေရဲ့ "အများနဲ့မတူတဲ့ ဘဝနေထိုင်နည်းတွေ" ကို ဖတ်ရှုရင်း လောကဓံရဲ့ ရိုက်ခတ်မှုတွေကြားထဲမှာ ကိုယ့်ကိုယ်ကိုယ်ကို ဘယ်လိုပြန်ရှာဖွေမလဲ၊ စိတ်ဝိညာဉ်ကို ဘယ်လိုအေးချမ်းအောင် ထားမလဲဆိုတဲ့ "ငြိမ်းချမ်းခြင်း၊
မြင့်မြတ်လှပ အေးချမ်းခြင်းတွေကို သင်တဖြည်းဖြည်း ခံစားမိလာမှာ အသေအချာပါပဲ။

ကိုယ်ပိုင် ငြိမ်းချမ်းရာ အိုအေစစ်တစ်ခုကို စာဖတ်ရင်း ရှာဖွေတွေ့ရှိချင်တယ်ဆိုရင်တော့ page messenger မှာ
မှာလို့ ရပါပြီ။

🍀 ပထမဆုံးမှာယူသူ အယောက်၅၀ အတွက်
စာရေးသူလက်မှတ်နဲ့ အတူ ရန်ကုန်မြို့တွင်းပို့ခ ၁၀၀၀ ကျပ် နဲ့ အိမ်ရောက်ငွေချေပို့ဆောင်ပေးမှာဖြစ်လို့ အမြန်ဆုံး လက်ဦးမှု ယူဖို့တော့ လိုပါမယ်နော်။

#ထက်မြတ်နိုင်ဇင်
#ယွန်း @{ Precious Y }

🔹️ စာအုပ်အမည်🔹️
High Class Mindset { အဆင့်မြင့်စိတ်ဓါတ် }
🔹️ စာရေးသူ 🔹️
ထက်မြတ်နိုင်ဇင် . / ယွန်း Y
🔹️ စာမျက်နှာ🔹️158 မျက်နှာ
🔹️ စာအုပ်တန်ဖိုး 🔹️ 12000 ကျပ်

04/08/2026

🥹

31/07/2026

#အဆင့်မြင့်စိတ်ဓါတ် ဖတ်ပြီးတဲ့ Singapore က ညီမချောလေးရဲ့ ရင်တွင်းစကားလေး

30/07/2026

လောင်းရိပ်မိတဲ့ ပန်းပင်လေးတွေ ဘဝလို ထပ်တူပါပဲ။
ဖွံ့ဖြိုး ဝေဆာ လှပခွင့်တွေ ကန့်သတ်ခံထားရတဲ့အခါ အရာရာ ဟာ အောက်ကျနောက်ကျနိုင်လွန်းလှချည်ရဲ့လို့ ပဲ မချိတင်ကဲ ရေရွတ်မိတယ်။

ဒါပေမယ့်လည်းလေ ရေလိုကျင့်ကြတာပေါ့။
ကိုယ်လိုရာကို ရောက်အောင် ကွေ့ပတ်စီးဆင်းကြမယ်။ အတားအဆီးမှန်သမျှ ထိုးဖောက်ကြမယ်။ လကမ္ဘာပေါ်တောင် ရောက်ခဲ့ကြတဲ့ သံမဏိလူသားတွေ မဟုတ်လား။

လူကြံရင် ဘာခံနိုင်ရိုး ဆက်လို့သာတိုးကြတာပေါ့။

#ယွန်း Y

Yoon.Precious Y

10/08/2026

10/08/2026

08/08/2026

08/08/2026

07/08/2026

06/08/2026

05/08/2026

04/08/2026

31/07/2026

30/07/2026

Address

Website

Alerts

Contact The Business

Shortcuts

Share

Category

Listing takedown request