10/04/2025
ငလျင်ကြောင့် Aluminium window အဖွင့်အပိတ်ကျပ်ရခြင်း၏ အကြောင်းရင်းများကို Facade Engineering Methods ဖြင့် ခွဲခြမ်းစိတ်ဖြာပြီး ရှင်းပြထားပေးပါတယ်။ (ပညာရှင်များအတွက် မဟုတ်ဘဲ အိမ်ပိုင်ရှင်များ ဖြေရှင်းနိုင်ရန်အတွက်သာ)
၁။ အဆောက်အဦး ပုံစံပျက်ခြင်း (Structural Deformation)
ငလျင်လှုပ်ခြင်းကြောင့် အဆောက်အဦးကို ဘေးတိုက်အား (Lateral Force) နှင့် လှည့်ဝင်အား (Torsional Force)များ သက်ရောက်စေပါသည်။ ထိုအားများသည် အဆောက်အဦး၏ အဓိကဖွဲ့စည်းမှုစနစ် (Primary Structure) ကို ပုံပျက်စေပြီး၊ အပြင်ဘက်မျက်နှာပြင် (Facade) နှင့် ပြတင်းပေါက်ဘောင်များ (Window Frames) ကို ရွေ့လျားမှုအပိုလွတ်ကင်းခြင်း(Movement Allowance)ထပ် ကျော်လွန်၍ ပုံပျက်စေနိုင်ပါသည်။
- အဓိကသက်ရောက်မှု
- ပြတင်းပေါက်ဘောင်များ အလျားလိုက်ရွေ့လျားမှု (Racking) ဖြစ်ပြီး ဘောင်အချိုးအစား ပျက်ယွင်းခြင်း။
- ပြတင်းပေါက်၏ အဖွင့်အပိတ်လမ်းကြောင်း (Track/Operational Clearance) ကျဉ်းသွားခြင်း။
၂။ အဆောက်အဦးနှင့် မျက်နှာပြင်၏ ရွေ့လျားမှုကွာခြားခြင်း (Differential Movement)
Facade စနစ်များကို အဆောက်အဦး၏အပူချိန်နှင့်လေထုဖိအားအပြောင်းအလဲကို လိုက်လျောညီထွေရှိစေရန် (Thermal Expansion Joints) ဒီဇိုင်းထုတ်ထားသော်လည်း၊ ငလျင်ကြောင့် အဆောက်အဦး၏ အခြေစိုက်စနစ် (Foundation)နှင့် ကော်လံများ (Columns) တွင် အလျားလိုက်ရွေ့လျားမှု (Lateral Drift) ဖြစ်ပေါ်ပါက၊ အဆောက်အဦးမျက်နှာပြင်နှင့် ပြတင်းပေါက်များသည် လှိုင်းတံပိုးရွေ့လျားမှုကို မလိုက်နိုင်ဘဲ ဖိစီးတွန့်ခေါက်မှု (Stress Buckling) ဖြစ်နိုင်ပါသည်။
- အဓိကသက်ရောက်မှု
- ပြတင်းပေါက်၏ အဆက်အစပ်များ (Joints) နှင့် တွယ်ကပ်သည့်နေရာများ (Anchorage Points) တွင် အားစုဝင်ရောက်မှု (Stress Concentration) ဖြစ်ပြီး ဘောင်ကို ပုံပျက်စေခြင်း။
၃။ ပြတင်းပေါက်တပ်ဆင်မှုစနစ်၏ အားနည်းချက် (Installation/Connection Failure)
Aluminium ပြတင်းပေါက်များကို အဆောက်အဦးနှင့် အနာဂတ်ရွေ့လျားမှုအတွက် လိုအပ်သောလွတ်ကင်းမှု (Tolerance Gaps) ထားကာ တပ်ဆင်ရပါသည်။ သို့သော်၊ ငလျင်အတွင်း ပြင်းထန်သော တုန်ခါမှု(Vibration) များကြောင့်
- တွဲကပ်သည့် Anchor Bolts လျော့သွားခြင်း၊
- Gaskets/Sealants စုတ်ပြဲသွားခြင်း၊
- အဖွင့်အပိတ်ယန္တရားများ (Operational Hardware) ရွေ့လျားသွားခြင်း၊
တို့ဖြစ်နိုင်ပါသည်။ ထိုပြဿနာများက ပြတင်းပေါက်၏ အချိုးအစား (Geometry)ကို ပျက်စီးစေပြီး အဖွင့်အပိတ်လုပ်ရာတွင် ပွတ်တိုက်အား (Friction) များစေပါသည်။
၄။ ပစ္စည်းအရည်အသွေးနှင့် ဒီဇိုင်းချို့ယွင်းမှု (Material/Design Deficiency)
- Aluminium Profile ဒီဇိုင်း ပြတင်းပေါက်ဘောင်များကို ငလျင်အားကို ခံနိုင်ရန် အလုံအလောက်မာကျောသော Cross-Sectional Stiffness မရှိပါက၊ ဘောင်သည် ငလျင်အားကြောင့် အလွယ်တကူပုံပျက်နိုင်ပါသည်။
၅။ အလွယ်ကူဆုံးစစ်ဆေးရန် နည်းလမ်းများ
- Laser level နှင့် Water level များအသုံးပြု၍ပြတင်းပေါက်ဘောင်နှင့် အဆောက်အဦ၏ လက်ရှိပုံစံကို ထောင့်မှန် ကျ မကျ စစ်ဆေးခြင်း
-ပြတင်းပေါက်ဘောင်နှင့် အဆောက်အဦးအားလက်ရှိပုံစံနှင့် ဒီဇိုင်းနှိုင်းယှဥ်စစ်ေဆးခြင်း။
- Anchorage Points နှင့် Welding Joints များတွင် အက်ကြောင်းများ ရှိမရှိ စစ်ဆေးခြင်း။
