Ibet 789 Online Official Agent, Yangon (2026)

08/02/2025

ယခုတစ်ပတ် ဆော်ဒီလိဂ်ပွဲစဉ်-၁၉ ၌ အယ်လ်နာ
ဆာအသင်းက အယ်လ်ဖေဟာအသင်းကို ၃-၀ ဂိုးဖြင့်နိုင်ပြီး ဆော်ဒီလိဂ် လေးပွဲဆက် အနိုင်ရခဲ့သည်။

အသင်းခေါင်းဆောင် စီရော်နယ်လ်ဒိုက အသက် ၄၀ ပြည့်ပြီး ပထမဆုံးသွင်းဂိုးအဖြစ် သွင်းယူခဲ့သည်။

တိုက်စစ်မှူးသစ် ဒူရန်ကလည်း ယခုပွဲတွင် နှစ်ဂိုးသွင်းယူကာ အယ်လ်နာဆာအသင်းတွင် ပထမဆုံးဂိုးများ ရရှိခဲ့သည်။

အခြားပွဲစဉ်တွင် အယ်လ်အာလီအသင်းက
အယ်လ်ဖာတာအသင်းကို ၂-၀ ဂိုးဖြင်နိုင်ပြီး နှစ်ဂိုးစလုံးကို တိုနီက ပယ်နယ်တီကနေ သွင်းယူခဲ့သည်။

08/02/2025

■ FA ဖလား စတုတ္ထအဆင့်ပွဲစဉ်များ ပွဲကြိုသုံးသပ်ချက်

လေတန် - မန်စီးတီး (မြန်မာစံတော်ချိန် ဖေဖော်ဝါရီလ ၈ ရက် ည ၆:၄၅ နာရီ)

လေတန်က ရလဒ်ကောင်းတွေ ရနေတယ်ဆိုပေမယ့် လိဂ်-၁ အဆင့်အတန်းမှာဖြစ်လို့ သိပ်တော့ အားရစရာမရှိဘူး။ မန်စီးတီးအသင်းနဲ့ အဆင့်အတန်းချင်းကွာဟတယ်။ အာဆင်နယ်ကို ဂိုးပြတ်ရှုံးပြီးနောက် ပထမဆုံးပြန်ကစားရမယ့်ပွဲမှာ မန်စီးတီး ဘယ်လောက် ပြန်ပေါက်ကွဲမလဲ ဆိုတာကို စောင့်ကြည့်ရမှာဖြစ်ပြီး ဒီပွဲပြီးရင် ရီးယဲလ်မက်ဒရစ်နဲ့ ချန်ပီယံလိဂ်ပွဲကစားရတော့မှာဖြစ်လို့ အရန်ကစားသမားတွေနဲ့ပဲ မန်စီးတီး ပွဲထွက် လာမှာဖြစ်တယ်။ မန်စီးတီးပဲ ဂိုးပြတ်သွင်းနိုင်တယ်။

ကိုဗင်ထရီ - အစ်ဝစ်ချ် (မြန်မာစံတော်ချိန် ဖေဖော်ဝါရီလ ၈ ရက် ည ၉:၃၀ နာရီ)

ကိုဗင်ထရီက လိဂ်ချန်ပီယံရှစ်မှာ အဆင့် (၁၁) နေရာအထိ ရောက်နေပေမယ့် နောက်ဆုံးကစားခဲ့တဲ့ လိဂ်ချန်ပီယံရှစ် (၄) ပွဲ ဆက်တိုက်နိုင်ပွဲရထားတာကိုတွေ့ရတယ်။ FA ဖလား တတိယအဆင့်မှာတော့ ရှက်ဖီးဝင်းစ်ဒေးကို ကျော်ဖြတ်ပြီး တက်လာခဲ့တယ်။ အစ်ဝစ်ချ်တောင်းက ပရီးမီးယားလိဂ်မှာ တန်းဆင်းဇုန်ထဲမှာ ရုန်းကန်နေရတဲ့အသင်းပါ။ ဒါပေမဲ့ ကိုဗင်ထရီအတွက် ခက်ခဲမယ့် ကစားသမားစုဖွဲ့မှု အင်အားရှိနေတယ်။ အစ်ဝစ်ချ် တောင်းပဲ နိုင်မယ်။

ဝီဂန် - ဖူလ်ဟမ် (မြန်မာစံတော်ချိန် ဖေဖော်ဝါရီလ ၈ ရက် ည ၉:၃၀ နာရီ)

ဝီဂန်က လိဂ်-၁ မှာတောင် အဆင့် (၁၆) နေရာအထိ ရောက်ရှိနေတဲ့ အသင်းဖြစ်တယ်။ ရလဒ်တွေက အခုနောက်ပိုင်းမှာ နည်းနည်းတိုးတက်လာပေမယ့် အကောင်းဆုံး ခြေစွမ်းမှာတော့ ရှိမနေဘူး။ ဒီနှစ်သင်းက ၂၀၂၀ တုန်းက လိဂ်ချန်ပီယံရှစ်မှာ နောက်ဆုံးကစားခဲ့ပြီး အဲ့ဒီအချိန်က (၁-၁) သရေကျခဲ့ဖူးတယ်။ အခုအချိန်မှာတော့ ဖူလ်ဟမ်က ပရီးမီးယားလိဂ်မှာတောင် ခြေစွမ်းတည်တည်ငြိမ်ငြိမ်နဲ့ ကစားပြနိုင်တဲ ့အဆင့်ကို ရောက်နေပါပြီ။ လက်ရှိခြေစွမ်းက တော်တော်လေးကွာခြားနေတယ်။ ဖူလ်ဟမ်ပဲ နိုင်လိမ့်မယ်။

အဲဗာတန် - ဘုန်းမောက် (မြန်မာစံတော်ချိန် ဖေဖော်ဝါရီလ ၈ ရက် ည ၉:၃၀ နာရီ)

ပရီးမီးယားလိဂ် အသင်းအချင်းချင်း ထိပ်တိုက်တွေ့တဲ့ ပွဲတွေထဲက တစ်ပွဲဖြစ်တယ်။ ဒီအဆင့်ပွဲစဉ်တွေအတွက် မဲမခွဲခင် အခြေအနေအရဆိုရင် အိမ်ကွင်းဖြစ်နေတာတောင် ဘုန်းမောက်ရဲ့ ခြေစွမ်းက အဲဗာတန်အတွက် မျှော်လင့်ချက် အရမ်းနည်းတဲ့ အနေအထားပါ။ ဒါပေမဲ့ ဒေးဗစ်မွိုက်စ်လက်ထက်မှာ အဲဗာတန်က အရမ်းတိုးတက်လာတယ်။ နောက်ဆုံးပွဲမှာလည်း လက်စတာကို ဂိုးပြတ်သွင်းထားတယ်။ ဘုန်းမောက်က အဲဗာတန်ထက်ပိုကောင်းတဲ့အသင်းဆိုပေမယ့် အဲဗာတန်ကွင်းမှာ မျှပါတယ်။ ပွဲချိန်တွင်း သရေကျသွားနိုင်တယ်။

ဆောက်သမ်တန် - ဘန်လေ (မြန်မာစံတော်ချိန် ဖေဖော်ဝါရီလ ၈ ရက် ည ၉:၃၀ နာရီ)

မနှစ်က ပရီးမီးယားလိဂ်ကနေ တန်းဆင်းသွားတဲ့ ဘန်လေအသင်းက ဒီရာသီ လိဂ်ချန်ပီယံရှစ်မှာ အမှတ်ပေးဇယား ဒုတိယနေရာမှာ ရပ်တည်နေပြီး ခြေစွမ်းပြနေတယ်။ FA ဖလား ပြီးခဲ့တဲ့အဆင့်မှာ ဘန်လေက ရက်ဒင်းကို ကျော်လာတာဖြစ် ပြီး နောက်ဆုံးကစားခဲ့တဲ့ ပြိုင်ပွဲစုံ (၁၉) ပွဲဆက် ရှုံးပွဲမရှိကစားထားတဲ့ အရှိန်ကလည်း ရှိနေတယ်။ ဆောက်သမ်တန်က ပြီးခဲ့တဲ့အဆင့်တုန်းက ဆွမ်ဆီးကို အိမ်ကွင်းမှာ (၃) ဂိုးပြတ်သွင်းခဲ့တဲ့ အသင်းဖြစ်ပြီး ဒီပွဲကတော့အိမ်ကွင်းဖြစ်နေလို့ မျှော်လင့်ချက် ရှိပါတယ်။ ဆောက်သမ်တန်ကပ်နိုင်ဖို့ ရှိတယ်။

ဘာမင်ဂမ် - နယူးကာဆယ် (မြန်မာစံတော်ချိန် ဖေဖော်ဝါရီလ ၉ ရက် နံနက် ၀၀:၁၅ နာရီ)

ဘာမင်ဂမ်က ပြိုင်ပွဲစုံ နောက်ဆုံး (၁၈) ပွဲဆက်တိုက် ရှုံးပွဲ မရှိကစားထားပြီးခြေစွမ်းပြနေတယ်။ ဒါပေမဲ့ လိဂ်ဖလားက စောစောစီးစီးထွက်ခဲ့ရတာကြောင့် ရှုံးပွဲမရှိဖြစ်နေတာလို့ဆိုရမှာဖြစ်ပြီး ဘာမင်ဂမ်ဆုံတွေ့ခဲ့တဲ့ ပြိုင်ဘက်တွေဆိုတာက လိဂ်-၁ ကအသင်းတွေပါ။ လက်ရှိ အမှတ်ပေးဇယားမှာလည်း ထိပ်ဆုံးက ရပ်တည်နေပါတယ်။ တစ်ချိန်က ဘာမင်ဂမ်နဲ့ နယူးကာဆယ်ဆိုတာက ပရီးမီးယားလိဂ်ရဲ့ ပြိုင်ဘက်ကောင်းတွေဖြစ် ခဲ့ပေမယ့် အခုအချိန်မှာ နယူးကာဆယ်ကို ယှှဉ်ကစားဖို့ မဖြစ်နိုင်ပါဘူး။ နယူးကာဆယ်ပဲ နိုင်မယ်။

ဘရိုက်တန် - ချယ်လ်ဆီး (မြန်မာစံတော်ချိန် ဖေဖော်ဝါရီလ ၉ ရက် နံနက် ၂:၃၀ နာရီ)

ဘရိုက်တန်က နောက်ဆုံးကစားခဲ့တဲ့ (၂) ပွဲဆက် ရှုံးခဲ့ပြီး နိုင်ပွဲပြန်ရဖို့ ကြိုးစားလိမ့်မယ်။ ရှုံးပွဲ (၂) ပွဲက အိမ်ကွင်းမှာ အဲဗာတန်ကို ရှုံးခဲ့တဲ့ပွဲနဲ့ အဝေးကွင်းမှာ နော်တင်ဟမ်ဖောရက်စ်ကို (၇) ဂိုးပြတ်ရှုံးခဲ့တဲ့ ပွဲတွေဖြစ်တယ်။ နှစ်ပွဲစလုံးမှာ ခြေစွမ်းပိုင်းက သိသိသာသာ ကျဆင်းနေခဲ့ပြီး အထူးသဖြင့် ဘရိုက်တန်ရဲ့ထက်မြက်တဲ့ တိုက်စစ်က ပျောက်ဆုံးနေတယ်။ ချယ်လ်ဆီးကတော့ အဝေးကွင်း နောက်ဆုံးနှစ်ပွဲမှာ ပဲလေ့စ်နဲ့ သရေကျခဲ့ပြီး မန်စီးတီးကို ရှုံးခဲ့တယ်။ နောက်ပိုင်းပွဲတွေကို ကြည့်ရင် ရလဒ်ပိုင်းကမဆိုးဘူးလို့ ပြောလို့ရပေမယ့် ခြေစွမ်းက အကောင်းဆုံးပုံစံမှာ ရှိမနေဘူး။ အထူးသဖြင့် ချယ်လ်ဆီးက လူစုံထုတ်ကစားမှ ပုံစံကောင်း ပြသလိုဖြစ်နေတယ်။ ဒီပွဲလည်း လူစုံမထုတ်ဘူးဆိုရင် ဘရိုက်တန်ရဲ့ အိမ်ကွင်းမှာ ချယ်လ်ဆီး ရုန်းကန်ရနိုင်တယ်။ ဘရိုက်တန်ကိုပဲ ကြိုက်တယ်။

07/02/2025

တိုုက်စစ်မှူး ဘာပေ မရှိတော့သည့်နောက်ပိုင်း အသင်း၏ တိုက်စစ်ရော ခံစစ်ပါ ပိုမိုကောင်းမွန်လာသည်ဟု PSG နည်းပြ အန်နရီကေး ပြောကြား

PSG အသင်း၏နည်းပြ အန်နရီကေးက ဘာပေ မရှိတော့သည့်နောက်ပိုင်း အသင်း၏ တိုက်စစ်ရော ခံစစ်ပါ ပိုမိုကောင်းမွန်လာသည်ဟု ပြောကြားခဲ့သည်။

PSG အသင်းသည် အဓိကကစားသမားဖြစ်သည့် ပြင်သစ်တိုက်စစ်မှူး ဘာပေကို ပြီးခဲ့သည့် နွေရာသီအပြောင်း အရွှေ့ကာလတွင် ရီးယဲလ်အသင်းထံ ပြောင်းရွှေ့ခွင့်ပြုခဲ့ရခြင်းဖြစ်သည်။

ဘာပေ(၂၆ နှစ်)သည် PSG အသင်း၏ ဦးဆောင်ကစားသမားတစ်ဦးဖြစ်သောကြောင့် ထိခိုက်နစ်နာမှုများရှိနိုင်ကြောင်း သုံးသပ်မှုများ ရှိခဲ့သော်လည်း အန်နရီကေးက တိုက်စစ်ရော ခံစစ်တွင်ပါ ပိုမိုကောင်းမွန်လာသည်ဟု ပြောကြားခဲ့ခြင်းဖြစ်သည်။

''ပြီးခဲ့တဲ့ရာသီမှာ ကျွန်တော်တို့က အလွန်ရဲရင့်တဲ့အသင်းဖြစ်ခဲ့ပြီး အခု တိုက်စစ်ရော ခံစစ်မှာပါ ပိုကောင်းတဲ့အသင်း ဖြစ်လာပါတယ်။ ကိန်းဂဏန်းတွေက ဒါကို သက်သေပြနေပါတယ်။ ကစားသမားတွေက စိန်ခေါ်မှုနဲ့ ရင်ဆိုင်ခဲ့ရပါတယ်။ ဘာပေက အားလုံးနှစ်သက်တဲ့ ကစားသမားပါ။ သူက ဂိုး(၄၀)သွင်းယူနိုင်တယ်ဆိုတာထက် ပိုပါတယ်။ သူ့ကို အသင်းမှာ ဆက်ရှိစေချင်ပေမဲ့ အသင်းရဲ့ တုံ့ပြန်မှုက အရမ်းကို အပေါင်းလက္ခဏာဆောင်ခဲ့ပါတယ်။ ကျွန်တော်ကတော့ ဂိုးသွင်းနိုင်တဲ့ ကစားသမားတွေ အများကြီးရှိစေချင်တာပါ။ ဆက်လက်တိုးတက်မှုရှိစေဖို့က ကျွန်တော်တို့ရဲ့ ရည်မှန်းချက်ဖြစ်ပါတယ်။ ကျွန်တော်တို့ ဖြစ်စေချင်တဲ့ပုံစံ မဟုတ်တာနဲ့ရင်ဆိုင်ခဲ့ရပေမဲ့ အသင်းရဲ့ ရင့်ကျက်မှုက အရမ်းကို ကောင်းမွန်ခဲ့ပါတယ်''ဟု အန်နရီကေးက ပြောကြားခဲ့သည်။

PSG အသင်းသည် ဘာပေ နောက်ဆုံးယှဉ်ပြိုင်ကစားခဲ့သည့် ၂၀၂၃-၂၄ ရာသီတွင် ပြင်သစ်လီဂူး အမှတ်ပေးချန်ပီယံဆုနှင့် ပြင်သစ်ဖလားတို့ကို ရယူနိုင်ခဲ့ပြီး ပြင်သစ်လီဂူးပြိုင်ပွဲ၌ တစ်ပွဲပျမ်းမျှ အမှတ်ရရှိမှုမှာ (၂.၂)မှတ်နှုန်းရှိခဲ့သည်။

ဘာပေ မရှိတော့သည့် ယခုရာသီတွင်မူ ပြင်သစ်လီဂူးပြိုင်ပွဲ၌ တစ်ပွဲပျမ်းမျှ (၂.၅)မှတ်နှုန်း ရရှိထားကြောင်း သိရသည်။

PSG အသင်းသည် ပြင်သစ်လီဂူးပြိုင်ပွဲတွင် ရှုံးပွဲမရှိရလဒ်ဖြင့် ဒုတိယနေရာမှ မာဆေးလ်အသင်းကို (၁၀)မှတ်ဖြတ်ကာ ဦးဆောင်ထားပြီး ပြင်သစ်ဖလားပြိုင်ပွဲတွင်လည်း ကွာတားဖိုင်နယ်သို့ တက်ရောက်ထားသည်။

ထို့ကြောင့် အန်နရီကေးက ဘာပေ မရှိချိန်၌ ပိုကောင်းလာသည်ဟု ပြောကြားခဲ့ခြင်းဖြစ်သည်။

သို့သော် PSG အသင်းသည် ချန်ပီယံလိဂ်တွင်မူ Play-offs ယှဉ်ပြိုင်ခွင့်သာ ရရှိခဲ့သည်။

01/02/2025

ပရီးမီးယားလိဂ် ပွဲစဉ် (၂၄) စနေနေ့ည ပွဲကြိုသုံးသပ်ချက်များ

ပရီးမီးယားလိဂ်ကတော့ ပွဲစဥ် ၂၄ ရောက်ရှိလာပါပြီ။ ပွဲစဥ် ၂၄ ရဲ့ စနေနေ့ညမှာတော့ ဖောရက်စ်နဲ့ဘရိုက်တန်၊ ဘွန်းမောက်နဲ့လီဗာပူး၊ နယူးကာဆယ်နဲ့ဖူလ်ဟမ်ပွဲစဥ်တွေကလည်း စိတ်ဝင်စားဖို့ကောင်းပါတယ်။ ဘယ်သူတွေနိုင်ပြီး ဘယ်သူတွေ ရှုံးမလဲ ခန့်မှန်းထားတဲ့ ဒီတစ်ပတ်ရဲ့ ပွဲကြိုသုံးသပ်ချက်လေးတွေကို အောက်မှာတင်ဆက်လိုက်ပါတယ်။

▶️ဖောရက်စ် - ဘရိုက်တန်(ည ၇း၀၀)

ပြီးခဲ့တဲ့ နောက်ဆုံးပွဲမှာ နှစ်သင်းစလုံးရှုံးထားကြတော့ အမှတ်လိုနေပါပြီ။ နှစ်သင်းစလုံး ဥရောပဝင်ခွင့်မှန်းထားကြတဲ့ အသင်းတွေဖြစ်ပါတယ်။ နောက်ဆုံးပွဲမှာ ဖောရက်စ်က ဘွန်းမောက်ကို ၅ ဂိုးပြတ်ရှုံးခဲ့သလို ဘရိုက်တန်ကလည်း အိမ်ကွင်းမှာ မထင်မှတ်ဘဲ အဲဗာတန်ကို ရှုံးခဲ့ပါတယ်။ ဘွန်းမောက်နဲ့ပွဲမှာ ဖောရက်စ် ရှုံးပွဲကြုံခဲ့ရပေမယ့် ဒုတိယနေရာက အာဆင်နယ်ကို လေးမှတ်အကွာကနေ ဖိအားပေးနေဆဲပါ။ ဘရိုက်တန်ကတော့ ဥရောပဝင်ခွင့်ရဖို့ ခြောက်မှတ်လောက်လိုနေပါသေးတယ်။ ဖောရက်စ်ရဲ့အိမ်ကွင်းစွမ်းဆောင်ရည်ကို ပြန်ကြည့်ရင် ခြောက်ပွဲနိုင် သုံးပွဲသရေနဲ့ နှစ်ပွဲရှုံးရလဒ်ထွက်ထားပါတယ်။ ဘရိုက်တန်နဲ့ပွဲမှာ ဖောရက်စ်က အားထားရတဲ့ အိုဒွိုင်း ပွဲချိန်ပြည့်ပြန်ကစားပါမယ်။ ဘရိုက်တန်ရဲ့ပြဿနာက အဓိကကစားသမားတွေ ဒဏ်ရာရနေတဲ့ပြဿနာပါ။ ပြီးခဲ့တဲ့အပတ်ကလည်း အီဗန်ဖာဂူဆန် ဒဏ်ရာရသွားပါတယ်။ ဘရိုက်တန်ကွင်းမှာတုန်းကတော့ ၂-၂ သရေကျထားပါတယ်။
ငါးဂိုးပြတ်ရှုံးထားတဲ့ ဖောရက်စ်အနေနဲ့ ဖိအားရှိနေဆဲပါ။ ဒီပွဲမှာတော့ နောက်တန်းကျစ်လစ်ပြီး တန်ပြန်တိုက်စစ်ကစားမယ့် ဘရိုက်တန်ကို ကြိုက်နှစ်သက်ပါတယ်။

▶️ဘွန်းမောက် - လီဗာပူး(ည ၉း၃၀)

လီဗာပူးအတွက် ခက်ခဲတဲ့ပွဲစဉ်တစ်ခုပါ။ ဘာကြောင့်လဲဆိုတော့ ဘွန်းမောက်ရဲ့ အိမ်ကွင်းရလဒ်တွေက ခုနောက်ပိုင်းတော်တော်လေးကောင်းလာပါတယ်။ ချန်ပီယံလိဂ်အဝေးကွင်းကစားထားရတဲ့ လီဗာပူးဟာ အင်္ဂလန်တောင်ပိုင်းကိုသွားပြီး ဘွန်းမောက်နဲ့ ထပ်ကစားရမှာဖြစ်ပါတယ်။ ချန်ပီယံလိဂ်နောက်ဆုံးပွဲမှာတော့ လီဗာပူးက PSV ကို အရန်တွေနဲ့ကစားပြီး ၃-၂ ဂိုးနဲ့ရှုံးနိမ့်ထားပါတယ်။ ဘွန်းမောက်ကလည်း ခြေစွမ်းထက်လှပါတယ်ဆိုတဲ့ ဖောရက်စ်ကို ငါးဂိုးပြတ်နိုင်ပြီး ကြားရက်အနားရထားပါတယ်။ ဘွန်းမောက်နဲ့ပွဲရလဒ်က တစ်ပွဲလျော့ကစားပြီး အာဆင်နယ်ကို ခြောက်မှတ်ဖြတ်ထားတဲ့ လီဗာပူးအတွက် သိပ်တော့ ရင်ခုန်စရာမကောင်းပါဘူး။ လူစာရင်းအရဆိုရင် ဘွန်းမောက်က လီဗာပူးထက် ဒဏ်ရာရပွဲပယ်ကစားသမား ပိုများပါတယ်။ ဒါပေမယ့် ဘွန်းမောက်တိုက်စစ်က ကလိုင်းဗတ်၊ တိုင်လာအဒမ်တို့ အရမ်းကောင်းနေလို့ လီဗာပူးသတိထားကစားရပါတယ်။
လီဗာပူးကွင်းမှာ ကစားတုန်းက ဘွန်းမောက်ကို သုံးဂိုးပြတ်နိုင်ထားပါတယ်။ ဒီပွဲကိုတော့ သရေကျမယ့်ပွဲလို့ယူဆပြီး ဘွန်းမောက်ကို ကြိုက်ပါတယ်။

▶️အဲဗာတန် - လက်စတာ(ည ၉း၃၀)

မိုရက်စ်ပြန်လာပြီးနောက်ပိုင်း အဲဗာတန်တော်တော်လေးခြေစွာနေတယ်။ စပါးနဲ့ ဘရိုက်တန်လို အသင်းတွေကို နှစ်ပွဲဆက်နိုင်ပြီး အဆင့် ၁၆ နေရာပြန်ရောက်လာပါတယ်။ လက်စတာကလည်း နောက်ဆုံးပွဲမှာ စပါးကို ၁-၂ နဲ့နိုင်လို့ အဆင့် ၁၇ နေရာပြန်ရောက်လာပါတယ်။ နှစ်သင်းစလုံးတန်းဆင်းဇုန်နဲ့ကပ်နေလို့ ဖိအားကိုယ်ဆီရှိနေဆဲပါ။ အဲဗာတန်မှာ ဘရိုက်တန်နဲ့ပွဲတုန်းက ဒဏ်ရာရခဲ့တဲ့ မန်ဂါလာနဲ့ ကယ်ဗင်လူးဝစ်တို့ပါနိုင်ဖို့မလွယ်ဘူး။ လက်စတာကတော့ စပါးနဲ့ပွဲတုန်းက လူစာရင်းအတိုင်းပွဲထုတ်မှာပါ။ ဒီရာသီမှာ လက်စတာ အဝေးကွင်းနိုင်ပွဲ နှစ်ပွဲပဲရှိပါတယ်။ အဲဗာတန်ကတော့ မိုရက်စ်လက်ထက်မှာ ကွင်းလယ်ကစားပုံပိုကောင်းပါတယ်။ လက်စတာကွင်းမှာတုန်းကတော့ ၁-၁ သရေကျထားပါတယ်။
အဲဗာတန်နဲ့လက်စတာတွေ့တိုင်း သွင်းဂိုးနည်းတဲ့အစဉ်အလာရှိပါသေးတယ်။ နည်းပြချင်း အတွေ့အကြုံကွာလွန်းတာကြောင့် မိုရက်စ်ရဲ့ အဲဗာတန်ပဲ အနိုင်ရမှာပါ။

▶️အစ်၀ှစ် - ဆောက်သင်တန်(ည ၉း၃၀)

တန်းဆင်းဇုန်ထဲက အသင်းတွေဖြစ်တာကြောင့် ဒီပွဲက အကြိတ်အနယ်ရှိမှာသေချာတယ်။ အစ်ဝှစ်က ပုံစံကောင်းတွေပြန်ရခါနီးမှ ရှုံးပွဲပြန်ဆက်သွားတယ်။ ရှုံးတဲ့အသင်းတွေက ဘရိုက်တန်၊ မန်စီးတီး၊ လီဗာပူးဆိုတော့ ရှုံးသင့်လို့ ရှုံးတယ်လို့ပဲမှတ်ပါတယ်။ ဆောက်သင်တန်က ဂိုးသွင်းအားလေးတက်လာပေမယ့် သုံးပွဲဆက်ရှုံးထားပါတယ်။ သူလည်း ချန်ပီယံရှစ်သွားရဖို့များပါတယ်။ ဆောက်သင်တန်ကွင်းမှာတုန်းကတော့ ၁-၁ သရေကျထားပါတယ်။ ဆောက်သင်တန်အသင်းမှာ ဒမ်ဘလင်း၊ ဆူလေမာနဲ့ ရမ်ဒဲလ်တို့ ပြန်ကစားနိုင်ပြီဖြစ်ပါတယ်။ ထိပ်တိုက်တွေ့ဆုံမှုမှာတော့ နောက်ဆုံးလေးကြိမ်ဆက် အစ်ဝှစ်က အသာစီးရထားပါတယ်။
နှစ်သင်းစလုံးတိုက်စစ်ဖွင့်ကစားတဲ့အသင်းတွေဖြစ်တယ်။ ဆောက်သင်တန်ဘက်က လူပြန်စုံပြီဖြစ်လို့ အဝေးကွင်းဆောက်သင်တန်ကိုကြိုက်ပါတယ်။

▶️နယူးကာဆယ် - ဖူလ်ဟမ်(ည ၉း၃၀)

တိုက်စစ်အားသန်တဲ့ နှစ်သင်းရဲ့တွေ့ဆုံမှုပါ။ နယူးကာဆယ်က ဘွန်းမောက်ကို ဂိုးပြတ်ရှုံးတာကို ဆောက်သင်တန်နဲ့ပွဲမှာ ပြန်ယူသွားပါတယ်။ ဖူလ်ဟမ်က မန်ယူကို ၀-၁ ဂိုးနဲ့ နောက်ဆုံးပွဲမှာ ရှုံးထားပါတယ်။ နယူးကာဆယ်က နောက်ဆုံး၈ပွဲမှာ ၇ ပွဲတိတိနိုင်ပြီး ဥရောပဝင်ခွင့်ရဖို့ ကြိုးစားနေပါတယ်။ နယူးကာဆယ်တိုက်စစ်က နောက်ဆုံးဆယ်ပွဲမှာ ကိုးပွဲ၂ဂိုးအထက်သွင်းထားတာပါ။ ဖူလ်ဟမ်ကတော့ ပရီးမီးယားလိဂ်နောက်ဆုံး ၁၂ပွဲမှာ သုံးပွဲပဲနိုင်ထားပါတယ်။ နယူးကာဆယ်မှာ ဂိုးသမားနစ်ပုခ်ပြန်ကောင်းလာပေမယ့် အရန်ခုံမှာပဲ ထိုင်ရဦးမှာပါ။ ဝီလ်ဆင်နဲ့ ဟာလေဘန်းတို့လည်း ပါနိုင်ဦးမှာမဟုတ်ဘူး။ ဖူလ်ဟမ်မှာ နယ်လ်ဆင်နဲ့ တီယာတီတို့မပါနိုင်ပါဘူး။
ဖူလ်ဟမ်ကွင်းမှာတုန်းကတော့ နယူးကာဆယ်တို့ ၃-၁ ဂိုးနဲ့ရှုံးထားပါတယ်။ နယူးကာဆယ်ကွင်းမှာတော့ ဖူလ်ဟမ်ကို ပြန်အနိုင်ယူပြီးလက်စားချေမှာပါ။ နယူးကာဆယ်အနိုင်သေချာတဲ့ပွဲပါ။

▶️ ဝုဖ် - ဗီလာ(ည ၁၂း၀၀)

ဗီလာကွင်းမှာတုန်းကတော့ ဝုဖ်ကို ၃-၁ ဂိုးနဲ့ဗီလာနိုင်ထားပါတယ်။ ဝုဖ်က ပွဲကျပ်တွေ တောက်လျောက်ကစားထားရပြီး နယူးကာဆယ်၊ ချဲလ်ဆီးနဲ့ အာဆင်နယ် အသင်းတွေကို ဆက်တိုက်ရှုံးထားပါတယ်။ နောက်ဆုံးပွဲမှာ တစ်ယောက်လျော့အာဆင်နယ်ကို ရှုံးခဲ့တာပါ။ ဗီလာက ဝက်စ်ဟမ်းကို သရေကျပြီး ချန်ပီယံလိဂ်မှာတော့ ဆဲလ်တစ်ကို ၄-၂ ဂိုးနဲ့ပြန်နိုင်ထားပါတယ်။ ဝုဖ်ရဲ့ပြဿနာက တိုက်စစ်က ဂိုးမသွင်းနိုင်တဲ့ပြဿနာပါ။ ဗီလာက လူအင်အားတောင့်ပြီး ချန်ပီယံလိဂ်ဘက် အာရုံစိုက်နေရလို့ ပရီးမီးယားလိဂ်မှာ ခြေစွမ်းအတက်အကျရှိနေပါတယ်။ ခုနောက်ပိုင်း ဗီလာရဲ့အဝေးကွင်းပွဲတွေ ပြန်ကြည့်ရင် အဲဗာတန်တစ်ပွဲတည်းနိုင်ပြီး ဖောရက်၊ မိုနာကို၊ အာဆင်နယ်နဲ့ နယူးကာဆယ်ပွဲစဉ်တွေမှာ ရှုံးပွဲကြုံခဲ့ပါတယ်။
ဝုဖ်က အိမ်ကွင်းမှာ အသင်းကြီးတွေကို ရှုံးပေမယ့် ဖိအားပေးကစားနိုင်ပါတယ်။ ဗီလာပွဲပန်းနေတာကြောင့် သရေကျမယ့်ပွဲလို့မြင်ပြီး ဝုဖ်ကိုကြိုက်ပါတယ်။

01/02/2025

မန်ချက်စတာယူနိုက်တက်အသင်းသည် အာဆင်နယ်အသင်းမှ အင်္ဂလန်လူငယ်နောက်ခံကစားသမား အေဒန်ဟီဗန်(၁၈ နှစ်)အား ခေါ်ယူကာ ၂၀၂၉ ခုနှစ်အထိ စာချုပ်ချုပ်ဆိုခဲ့ပြီး တစ်နှစ်ထပ်မံတိုးခွင့်ရှိသည်ဆိုသောအချက်ပါ ပါဝင်ကြောင်း သိရသည်။

Photo: Manchester United

31/01/2025

■ ၂၀၂၄-၂၅ ရာသီ ချန်ပီယံလိဂ် Knockout phase play-offs မဲခွဲပွဲရလဒ်

ဘရက်စ် (ပြင်သစ်) - PSG (ပြင်သစ်)
ကလပ်ဘရုဂေး (ဘယ်လ်ဂျီယံ) -အတ္တလန်တာ (အီတလီ)
မန်စီးတီး (အင်္ဂလန်) - ရီးယဲလ်မက်ဒရစ် (စပိန်)
ဂျူဗင်တပ်စ် (အီတလီ) - PSV (နယ်သာလန်)
မိုနာကို (ပြင်သစ်) -ဘင်ဖီကာ (ပေါ်တူဂီ)
စပို့တင်းလစ္စဘွန်း (ပေါ်တူဂီ) - ဒေါ့မွန် (ဂျာမနီ)
ဆဲလ်တစ် (စကော့တလန်) - ဘိုင်ယန်မြူးနစ် (ဂျာမနီ)
ဖီယင်နု (နယ်သာလန်) - အေစီမီလန် (အီတလီ)

- ချန်ပီယံလိဂ် Knockout phase play-offs ပထမအကျော့ပွဲစဉ်များကို ဖေဖော်ဝါရီ (၁၁)ရက်နှင့် (၁၂) ရက်တို့တွင် ကစားမည်ဖြစ်ပြီး ဒုတိယအကျော့ပွဲစဉ်များကို ဖေဖော်ဝါရီ (၁၈)ရက်နှင့် (၁၉)ရက်တို့တွင် ကစားမည်ဖြစ်သည်။

Photo: Getty Images

31/01/2025

စံချိန်သစ် ရေးထိုးလာတဲ့ စပါးစ်ရဲ့ ဆယ်ကျောက်သက်ကစားသမားမိုး
===================
စပါးစ်ဟာ ဒဏ်ရာပြဿနာများကြုံတွေ့နေပေမဲ့လည်း ဆယ်ကျော်သက် စံချိန်သစ်ရှင် မစ်ကီမိုးရဲ့ သွင်းဂိုးနဲ့အတူ အယ်ဘော့ကို အနိုင်ယူပြီး ၁၆ သင်းရှုံးထွက်အဆင့်သို့ တိုက်ရိုက်တက်ရောက်နိုင်ခဲ့ပါတယ်။
စပါးစ်ဟာ ဒဏ်ရာပြဿနာကြောင့် ကစားသမား ၁၂ ဦးအထိ မပါဝင်ခဲ့သလို ယခုပွဲရဲ့ ဒုတိယပိုင်း ဂိုးမရှိသရေကျနေချိန်မှာ လူစားဝင်လာတဲ့ နောက်ခံလူရာဒူးဒရာဂူဆင် ဒဏ်ရာထပ်မံ ရရှိသွားလို့ အခြေအနေ ပိုမို ဆိုးရွားလာပါမယ်။
ဒါပေမဲ့ စပါးစ်ဟာ လူစားဝင်လာတဲ့ အသက် ၂၀ နှစ်ရှိ ဒိန်းစကားလက်ရဲ့ မိနစ် ၇၀ ခေါင်းတိုက်ဂိုးဖြင့် ဦးဆောင်ဂိုးရခဲ့ပါတယ်။ ယင်းနောက် လူစားဝင်လာတဲ့ အသက် ၁၉ နှစ်ရှိ ဒါမိုလာအေဂျာယီရဲ့ ဂိုးဖြင့် ပွဲကို ၂-၀ ဖြင့် ဦးဆောင်နိုင်ခဲ့ပါတယ်။
ယင်းနောက် စပါးစ်အတွက် အပိတ်ဂိုးကို အသက် ၁၇ နှစ်ရှိ မိုးက အချိန်ပိုမှာ ပါဝါမြင့်ပြေးလွှားမှုနဲ့အတူ လှပတဲ့ ကန်ချက်နဲ့ အပိတ်ဂိုးသွင်းခဲ့ပါတယ်။
လန်ဒန်ဖွား မိုးဟာ အသက် ၁၇ နှစ်၊ ၁၇၂ ရက်ဖြင့် ဂိုးသွင်းနိုင်ခဲ့တာ ဖြစ်ပြီး ဥရောပပြိုင်ပွဲမှာ အသက်အငယ်ဆုံးဂိုးသွင်းယူသူအဖြစ် သမိုင်းစံချိန်သစ်ရေးထိုးလာပါတယ်။ သူဟာ စပါးစ်ဂန္ထဝင်တိုက်စစ်မှူးဂျမ်မီဂရေ့ဗ်(၁၇ နှစ်နှင့် ၂၄၅ ရက်၊ ၁၉၅၇ ခုနှစ်၊ အောက်တိုဘာ)စံချိန်အား ရိုက်ချိုးလာပါတယ်။
စပါးစ်ဟာ ဆွီဒင်ကလပ်အား အနိုင်ယူနိုင်မှုနှင့်အတူ ယူရိုပါလိဂ်မှာ အဆင့် ၄ နေရာမှာ ရပ်တည်နိုင်ပြီး ၁၆ သင်း ရှုံးထွက်အဆင့်သို့ တိုက်ရိုက်တက်ရောက်နိုင်ခဲ့ပါတယ်။
စပါးစ်ဟာ ဖေဖော်ဝါရီလမှာ ပလေးအော့ဖ်ကစားရမှာ မဟုတ်လို့ ရလဒ်ဆိုးရွားနေတဲ့ ပရီးမီးယားလိဂ်အပေါ် အာရုံစိုက်နိုင်ပါမယ်။
အန့်ပိုစတီကိုဂလူရဲ့ စပါးစ်ဟာ ၁၆ သင်းရှုံးထွက်အဆင့်မှာ ဆိုစီဒက်၊ ဂါလာတာစာရေး၊ အယ်ခ်မာ၊ မက်ဂျီလန်းတို့ထဲမှ တစ်သင်းသင်းနှင့် ရင်ဆိုင်ရပါမယ်။

30/01/2025

ယူရိုပါလိဂ်ပွဲစဉ်(၈) ပွဲကြိုသုံးသပ်ချက်

စတူအာဘူခါရက် နှင့် မန်ယူ (မြန်မာစံတော်ချိန် သောကြာနံနက် ၂း၃၀ နာရီ)

မန်ယူအသင်းက သရေကစားရုံလောက်နဲ့ ထိပ်ဆုံး(၈) သင်းစာရင်းထဲဝင်ဖို့ သေချာသလောက်ရှိနေတယ်။ ဒါပေမဲ့ ရာနှုန်းပြည့်တပ်အပ်တော့ ပြောလို့မရသေးဘူး။ မန်ယူအနေနဲ့ ယူရိုပါလိဂ်(၄)ပွဲဆက်တိုက် အနိုင်ကစားထားပေမဲ့ ခြေစွမ်း ပိုင်းက အထင်ကြီးစရာအနေအထား မဟုတ်သေးတာတော့ သေချာပါတယ်။ ရိုမေးနီးယားကလပ် စတူအာဘူခါရက်အသင်းကတော့ ဒီရာသီ ယူရိုပါလိဂ်အိမ်ကွင်း ရှုံးပွဲလုံးဝမရှိသေးဘဲ (၃)ပွဲအနိုင်ရကာ တစ်ပွဲသရေကျထားတယ်။ ရပ်တည်မှုကလည်း အဆင့်(၈)နေရာရောက်နေလို့ လျှော့တွက်လို့မရတဲ့အဆင့်ထဲ ပါပါတယ်။ မန်ယူ ဂိုးမပြတ်လောက်ဘူး။

ရိုးမား နှင့် ဖရန့်ဖတ် (မြန်မာစံတော်ချိန် သောကြာနံနက် ၂း၃၀ နာရီ)

ရိုးမားအသင်းကတော့ ပြိုင်ပွဲစုံ အိမ်ကွင်းပွဲတွေမှာ နိုင်ပွဲဆက်နေတာ တွေ့ရတယ်။ ရိုးမားရဲ့လက်ရှိအနေအထားက စိုးရိမ်စရာတော့ ကောင်းနေတယ်။ ပြီးခဲ့တဲ့ပွဲစဉ်မှာ အယ်လ်ခမာအသင်းကို အရေးနိမ့်ခဲ့လို့ အခုလိုအနေအထား ရောက်ခဲ့ တာလည်းဖြစ်တယ်။ ဒီပွဲက ရိုးမားအတွက် နိုင်ပွဲမဖြစ်မနေ လိုအပ်နေလို့ ပေါက်ကွဲအားတော့ စောင့်ကြည့်ရမယ်။ ဖရန့်ဖတ်အသင်းတော့ နောက်ဆုံးပွဲမှာ နိုင်ပွဲဆက်နေမှု ရပ်တန့်သွားခဲ့တယ်။ ဒီပွဲမှာလည်း ဖရန့်ဖတ်အသင်းက သရေရရင်ပဲ (၁၆)သင်းအဆင့် တိုက်ရိုက်တက်ခွင့်ရဖို့ သေချာလိမ့်မယ်။ ရိုးမားပဲ ရွေးချယ်ချင်တယ်။

စပါး နှင့် အဲလ်ဖ်ဘော့ (မြန်မာစံတော်ချိန် သောကြာနံနက် ၂း၃၀ နာရီ)

ယူရိုပါလိဂ်မှာတော့ စပါးအသင်းက ထိပ်ဆုံး(၈)သင်းထဲ ရပ်တည်နိုင်ဖို့ အခြေအနေကောင်းနေဆဲပါပဲ။ စပါးတိုက်စစ်ပိုင်းမှာ ဒဏ်ရာပြဿနာတွေ များနေသလို၊ အသင်းစွမ်းဆောင်ရည်ကလည်း အတက်အကျများနေပေမဲ့ အခုလိုပွဲမျိုးမှာတော့ အမှားအယွင်းမဖြစ်လောက်ဘူးထင်တယ်။ ကစားရမယ့်ပြိုင်ဘက်က ဆွီဒင်ကလပ်အသင်းဖြစ်ပြီး ဥရောပအစဉ်အလာလည်း မရှိပါဘူး။ တစ်ခုထည့်စဉ်းစားရမှာက အဲလ်ဖ်ဘော့အသင်း နောက်တစ်ဆင့်တက်ဖို့ မျှော်လင့်ချက် ရှိနေဆဲဖြစ်ပြီး အားကုန်ရုန်းကန်လာနိုင်တာပဲ ဖြစ်တယ်။ စပါးပဲ ရွေးချယ်တာ ပိုကောင်းမယ်။

ဘီလ်ဘာအို နှင့် ဗစ်တိုးရီးယားပယ်လ်ဇန် (မြန်မာစံတော်ချိန် သောကြာနံနက် ၂း၃၀ နာရီ)

ဘီလ်ဘာအိုအသင်းက ဘက်ဆစ်တက်ကို မထင်မှတ်ဘဲ ဂိုးပြတ်အရေးနိမ့်ခဲ့လို့သာ (၁၆)သင်းအဆင့်ကို စောစောစီးစီး မတက်ရောက်နိုင်ဘဲ ဖြစ်ခဲ့တာပါ။ နောက်ပိုင်းပွဲတွေမှာတော့ ဘီလ်ဘာအိုအသင်း ရလဒ်ပိုင်း အကျဘက်ရောက်နေ တဲ့ပုံစံ တွေ့နေရတယ်။ အထူးသဖြင့် စူပါဖလားပွဲမှာ ဘာစီလိုနာကို အရေးနိမ့်ပြီးကတည်းက ဖလားပွဲတွေမှာ ဆက်တိုက်ဆိုသလို ရှုံးပွဲတွေနဲ့ ရင်ဆိုင်နေရတယ်။ ပယ်လ်ဇန်အသင်းကတော့ ဒီရာသီ ရလဒ်ပိုင်းမဆိုးသလို၊ ဇယားထိပ်ဆုံးရှစ်သင်း မျှော်လင့်ချက်အတွက် နိုင်ပွဲလိုအပ်နေတယ်။ စပိန်မြေမှာတော့ ဘီလ်ဘာအိုပဲ ရွေးချယ်ချင်တယ်။

စပို့တင်းဘရာဂါ နှင့် လာဇီယို (မြန်မာစံတော်ချိန် သောကြာနံနက် ၂း၃၀ နာရီ)

(၁၆)သင်းအဆင့် တစ်နေရာသေချာပြီးသား လာဇီယိုအသင်းက အမှတ်ပေးဇယားထိပ်ဆုံးနေရာအတွက် ဂိုးကွာခြားချက်များစွာအသာရထားလို့ အမှတ်မလိုတော့တဲ့ အခြေအနေလို့ပဲ ပြောရမယ်။ စပို့တင်းဘရာဂါအသင်းက ဒီပွဲအနိုင်ရရင် Play-off ကစားခွင့် မျှော်လင့်လို့ရတဲ့ အနေအထားရှိနေသေးတယ်။ လက်ရှိခြေစွမ်းချင်းတော့ ဒီနှစ်သင်းအကြား များစွာကွာပါတယ်။ ပေါ်တူဂီမြေဖြစ်ပေမဲ့ လာဇီယိုအသင်း အရှုံးတော့ မခံလောက်ဘူးထင်တယ်။

အေဂျက်စ် နှင့် ဂါလာတာစာရေး (မြန်မာစံတော်ချိန် သောကြာနံနက် ၂း၃၀ နာရီ)

နှစ်သင်းစလုံး အမှတ်လိုနေပြီး အိမ်ရှင် အေဂျက်စ် မရှုံးလောက်ဘူး။

29/01/2025

■ ၁၆ သင်းအဆင့် တိုက်ရိုက်တက်ရောက်ခွင့်ရ ၈ သင်း

လီဗာပူးလ်၊ ဘာစီလိုနာ၊ အာဆင်နယ်၊ အင်တာမီလန်၊ အက်သလက်တီကို၊ လေဗာကူဆင်၊ လိုင်လီ၊ အက်စတွန်ဗီလာ

■ Knockout Play-offs ဆီဒင်ရ ၈ သင်း

အတ္တလန်တာ၊ ဒေါ့မွန်၊ ရီးယဲလ်မက်ဒရစ်၊ ဘိုင်ယန်မြူးနစ်၊ အေစီမီလန်၊ PSV၊ PSG၊ ဘင်ဖီကာ

■ Knockout Play-offs ဆီဒင်မဲ့ ၈ သင်း

မိုနာကို၊ ဘရက်စ်၊ ဖီယင်နု၊ ဂျူဗင်တပ်စ်၊ ဆဲလ်တစ်၊ မန်စီးတီး၊ စပို့တင်းလစ္စဘွန်း၊ ကလပ်ဘရုဂေး

■ ပြိုင်ပွဲမှ ထွက်ခွာရသည့် ၁၂ သင်း

ဒိုင်နမိုဇာဂရက်၊ စတုဂတ်၊ ရှက်တာဒိုးနက်၊ ဘိုလော့ဂ်နာ၊ ဇဗက်ဒါ၊ စတမ်းဂရက်ဇ်၊ စပါတာပရပ်ဂ်၊ လိုက်ပ်ဇစ်၊ ဂျီရိုနာ၊ ဆာလ်ဇ်ဘာ့ဂ်၊ ဆလိုဗန်၊ ယန်းဘွိုင်းစ်

♦️ Knockout phase play-offs အဆင့် ပွဲစဉ်ရေးဆွဲပွဲကို ဇန်နဝါရီလ ၃၁ ရက် မြန်မာစံတော်ချိန် ညနေ ၅နာရီခွဲတွင် ပြုလုပ်မည်ဖြစ်သည်။
♦️ မန်စီးတီးအသင်းသည် Knockout phase play-offs အဆင့်တွင် ရီးယဲလ်မက်ဒရစ် သို့မဟုတ် ဘိုင်ယန်မြူးနစ်အသင်းနှင့် ရင်ဆိုင်ကစားရမည်ဖြစ်သည်။

Photos: UCL

29/01/2025

ကြာသပတေးနေ့ညတွင် WSL အပြောင်းအရွှေ့နောက်ဆုံးရက်မပိတ်မီတွင် ချယ်လ်ဆီးအသင်းသည် Keira Walsh အတွက် နောက်ကျအပြောင်းအရွှေ့ပြုလုပ်ရန် စီစဉ်ထားသည်။

Ibet 789 Online Official Agent

08/02/2025

08/02/2025

07/02/2025

01/02/2025

01/02/2025

31/01/2025

31/01/2025

30/01/2025

29/01/2025

29/01/2025

Address

Telephone

Website

Alerts

Shortcuts

Share

Listing takedown request