10/05/2026
အကုန်ရမယ်မထင်လိုက်နဲ့။
အာမခံက "အကုန်ပြန်လုပ်ပေးမှာ"
ဒိစကားလုံးတွေကို ကျွန်တော်တို့ သိပ်ကြိုက်ခဲ့တာ၊ ကိုယ် အာမခံစရောင်းတုန်းကလဲ ဒိလိုပြောခဲ့တာ၊ ခုမှရောင်းတဲ့သူတွေလဲ ပြောတယ်၊ မာကတ်တင်းလာဆင်းတဲ့ ကုမ္ပဏီတွေကသူတွေကလဲ ပြောတယ်။
ကျွန်တော်ကိုယ်တိုင်လဲ အာမခံထားတာသိပ်ကောင်းတာ၊ ဘဝကြီးကို လုံခြုံစေမှာ၊ အေးချမ်းစေမှာလို့ကို ထင်ခဲ့တာ။ ဟုတ်တော့လဲ ဟုတ်တာကိုး အာမခံရဲ့ခေတ်ဉီးမှာ ကုမ္ပဏီတွေကို ပရိုမိုးရှင်းတွေဆင်းပြီး တအားကိုလျော်ခဲ့တာ။
ကလိမ်းတွေမများခင်က ကုမ္ပဏီတွေမကြပ်ခင်ကပေါ့။ တခုခုဆို CEO ထိတောင် တက်ပြောလို့ရတာ။
ခုလည်း ရောင်းတဲ့သူများကတော့ အာမခံက "အကုန်ပြန်လုပ်ပေးမှာ" ဒိစကားကိုပြောပေမယ့် လျော်မယ့်သူများကတော့ အရင်လိုမဟုတ်တော့ဘူး။
ကုမ္ပဏီက သက်သာတဲ့နည်းကို စဉ်းစားတယ်၊ အမောင့်ကိုဖြတ်ချတယ်၊ ကြာအောင်လုပ်တယ်၊ ဘယ်လောက်တောင်လဲဆိုရင် TP ပါလို့ လျော်ရမယ်ဆိုရင်တောင် ရှင်းရှင်းကြီးဖြစ်နေတာတောင် ရဲစခန်းသွားခိုင်းတယ်၊ အဲ့တော့ အာမခံထားတဲ့သူက ထပ်ကုန်ရော။
ဒိကြားထဲ Betterment, Excess amount, Front glass ဒါတွေက အကန့်အသတ်တွေနဲ့ ။ ဟော.. ပိုဆိုးတာက သူတို့နဲ့ချိတ်ထားတဲ့ Workshop မဟုတ်ဘူးဆိုရင် သူတို့ဖြတ်တဲ့စျေးပဲ လျော်မှာဖြစ်လာရော။
ဒါဆိုရင် တခြားအာမခံအမျိုးအစားတွေရောအကုန်ရလားလို့ မေးရင်.. မရပါဘူး။
ပြောချင်တာကတော့ ခေါင်းမရှုပ်ချင်လို့၊ အာမခံထားရင်အကုန်စိတ်ချရမယ်ထင်လို့၊ အကုန်ပြန်လုပ်ပေးမယ်ထင်လို့ဆို မှားနေပြီ။
ကိုယ့်မှာ ကြီးကြီးမားမားဆုံးရှုံးမှုတွေဖြစ်လို့ ခုသာခံသာ ကာမိအောင်လို့ အာမခံထားတယ်ဆိုမှ နှစ်ဉီးနှစ်ဖက်က အဆင်ပြေမှာဖြစ်ပါတယ်။
===
