Wai Yan - Forex Advisor

17/03/2024

Financial Freedom ဖြစ်ဖို့ဆိုတာ ငွေရှာတတ်ရုံနဲ့မလုံလောက်ဘူး
◾
လူအများစုက “ငါ ဝင်ငွေကောင်းကောင်းရရင် Financial Freedom ဖြစ်ပြီ။” “င့ါမှာ သိန်း ၅၀၀ လောက်ရှိရင် ငွေကြေးပြဿနာအားလုံး ဖြေရှင်းပြီးသားဖြစ်သွားမယ်” စသဖြင့်ထင်ကြတယ်။

“Financial Freedom ဆိုတာက ရိုးရိုးလေးပဲ။ အလုပ်လုပ်စရာမလိုဘဲ ဒါမှမဟုတ် ငွေကြေးအတွက် တခြားဘယ်သူ့ကိုမှမှီခိုစရာမလိုဘဲ ကိုယ်ဖြစ်ချင်တဲ့ Lifestyle အတိုင်းရှင်သန်နိုင်စွမ်းရှိတာပါပဲ” လို့ Secrets of the Millionaire Mind စာအုပ်ကိုရေးတဲ့ T Harv Eker က ဖွင့်ဆိုတယ်။

တကယ့်တကယ်တော့ Financial Freedom ဆိုတာ ပိုက်ဆံတွေ ဘယ်လောက်ရှိမှဆိုတာမျိုးမဟုတ်ဘဲ အချိန်မရွေး ကိုယ်လိုချင်တဲ့ Lifestyle နဲ့ရှင်သန်ရာမှာ ငွေကြေးအရပူပန်စရာမရှိတာမျိုးကို ဆိုလိုတာဖြစ်ပါတယ်။ ကိုယ်လိုချင်တဲ့ Lifestyle ဆိုတာက တစ်ယောက်နဲ့တစ်ယောက်တော့ မတူနိုင်ဘူး။ အကြွေးကင်းကင်း၊ ရလိုက်သုံးလိုက်ဘ၀ကနေ လွတ်မြောက်ချင်တာ၊ ကိုယ်ဝါသနာပါရာအလုပ်လေးလုပ်ပြီး မိသားစုအတွက် အချိန်ပေးချင်တာ၊ မကြာခဏ ခရီးတွေလျှောက်သွားချင်တာ၊ အိမ်အကောင်းစား၊ ကားအကောင်းစားတွေနဲ့ နေချင်စီးချင်တာ စသဖြင့် အမျိုးမျိုးရှိနိင်တယ်။

ငွေကြေးအရလွတ်မြောက်မှုရှိတယ်ဆိုတာက ငွေအများကြီးပိုင်ဆိုင်တာနဲ့မတူပါဘူး။ ဆိုလိုတာက ကိုယ့်မှာရှိတဲ့ငွေကို အတိုင်းအဆမရှိလျှောက်သုံးတာမျိုးနဲ့မတူပါဘူး။ မလိုအပ်တဲ့ တန်ဖိုးကြီးဇိမ်ခံပစ္စည်းတွေနောက်လိုက်ချင်တိုင်းလိုက်နေလို့ကတော့ ခင်ဗျားရဲ့ဝင်ငွေဘယ်လောက်များများ ပြောင်သွားမှာပါပဲ။

“ခင်ဗျား ငွေကြေးရဲ့စစ်မှန်တဲ့တန်ဖိုးကို သဘောက်ပေါက်တယ်ဆိုရင် အလိုလိုအသုံးအစွဲလျှော့ဖြစ်ပါတယ်။ ကျွန်တော်သိတဲ့ အချမ်းသာဆုံး၊ အအောင်မြင်ဆုံးပုဂ္ဂိုလ်များစွာဟာ ခြိုးခြံချွေတာကြတယ်။ ဒါဟာ ပေါချောင်ကောင်းနောက်လိုက်တာမျိုးမဟုတ်ဘဲ ကိုယ့်ရဲ့ငွေကြေး၊ ကိုယ့်ရဲ့ အရင်းအမြစ်တွေကို မဖြုန်းတီးတာပဲဖြစ်တယ်။ သူတို့က သူတို့လိုအပ်တာကိုပဲ ဝယ်ကြ၊သုံးကြပါတယ်။” လို့ Financial Freedom စာအုပ်မှာ Grant Sabatier က ပြောထားတယ်။

စစ်မှန်တဲ့ငွေကြေးလွတ်မြောက်မှုကိုလိုချင်ရင် ငွေရှာတတ်ရုံနဲ့မရပါဘူး။ ကိုယ်ရဲ့ စီမံခန့်ခွဲမှုအားနည်းရင် အသုံးအစွဲမတတ်ရင် ရှိတဲ့ငွေက အချိန်ပိုင်းအတွင်း ယုတ်လျော့သွားနိုင်ပါတယ်။ ပြန်ဆင်းရဲချင်ဆင်းရဲသွားနိုင်ပါတယ်။ တကယ်လိုအပ်တာပဲသုံးပြီး မလိုအပ်တာတွေ အတိုင်းအဆမရှိမသုံးဖို့၊ အသုံးနဲ့ အဖြုန်း ကွဲဖို့လိုတယ်။ ဒါကြောင့် ကိုယ့်ရဲ့ ငွေကြေးအပေါ်မြင်တဲ့ သဘောထား၊ ကိုယ့်ရဲ့ အသုံးအစွဲနဲ့ပတ်သက်တဲ့သဘောထားကလည်း အရေးကြီးပါတယ်။

ဆရာ Hein Zaw

ီ_ဘာ_ဘာ

15/03/2024

မိမိကိုယ်ကိုအတွက် ရင်းနှီးမြှပ်နှံရမယ်


ီ_ဘာ_ဘာ_ai
ီ_ဘာ_ဘာ

13/03/2024

သူဌေးဖြစ်ဖို့ ဆန္ဒမစောပါနဲ့

ခရမ်းချဉ်သီး ပွဲစားတစ်ယောက် ပြောခဲ့ဖူးတဲ့ စကားလေးကို သွားသတိရမိတယ်။ ငါ့မှာ ပိုက်ဆံ သိန်းသုံးရာရှိရင် ငါ သိန်းနှစ်ရာပဲ ထုတ်ရင်းတယ်။ တစ်ရာက မတော်တဆ ရှုံးသွားခဲ့ရင် ပြန်ရင်းဖို့ အရင်းအနှီးအနေနဲ့ ချန်ထားတယ်။

ငါ့ဂိုဒေါင်က ကုန်ချိန် ခြောက်သောင်းဆန့်ရင် လေးသောင်းပဲထည့်တယ်။ နှစ်သောင်းက ကြိုက်စျေး
ရရင် ထပ်ထည့်ဖို့ ချန်ထားတယ်။ ဘာကြောင့်လဲဆိုတော့ ငါက ဆင်းရဲသားဘဝက နေတက်လာတာ။ ငါ့မှာရှိသမျှပုံအောပြီး လုပ်လိုက်လို့ မတော်တဆ ရှုံးသွားခဲ့ရင် ဆင်းရဲတဲ့ဘဝကို ငါပြန်ရောက်သွားမှာ ကြောက်တယ်တဲ့။

သူပြောတဲ့စကားနဲ့ ကျနော့ အဖေပြောတဲ့ စကားနဲ့ သွားတူနေတယ်။ ငါ့သား အလုပ် လုပ်ရင် ရေကာတာစီမံကိန်းနဲ့ လုပ်ရတယ်ကွ။ ရေကာတာ စီမံကိန်းဆိုတာက ကုန်ထမ်းသမား တစ်ယောက်ဟာ အချိန်သုံးဆယ်ကို ထမ်းနိုင်တဲ့အားရှိရင် အချိန်နှစ်ဆယ်ပဲ ထမ်းသင့်တယ်။ ဘာကြောင့်လဲဆိုတော့ မတော်တဆ ချော်လဲရင် ကိုယ့်ကိုယ်ကို ပြန်ထောက်နိုင်ဖို့ အားကျန်နေသေးတယ်။ အချိန်သုံးဆယ် နိုင်တဲ့လူက အချိန်သုံးဆယ်ဝိတ်ကြီးကို ထမ်းထားလို့ မတော်တဆ ချော်လဲလို့ကတော့ သွားပြီ။ ပြန်ထနိုင်ဖို့ မလွယ်တော့ဘူး။

ကျနော် မြင်ရသလောက်လဲ အလုပ် လုပ်ရင် ပရမ်းပတာ သူဌေးဖြစ်ခွေးဖြစ် ရှိသမျှပုံအောပြီး လုပ်တဲ့လူတွေ ပြုတ်သွားကြတာများတယ်။ စေ့စေ့စပ်စပ်နဲ့ ချင့်ချင့်ချိန်ချိန် လုပ်တဲ့လူတွေပဲ အောင်မြင်သွားကြတာ များတယ်။ အရမ်းကြီး မအောင်မြင်ရင်တောင်မှ အမှားနည်းတယ်ပေါ့ဗျာ။ စစ်မှန်တဲ့
အောင်မြင်မှုဆိုတာက နေ့ချင်းညချင်း ဝုန်းကနဲ လုပ်လို့ရတဲ့ အရာမဟုတ်ပါဘူး။ တစ်ဆင့်ခြင်းတစ်ဆင့် ဖြည်းဖြည်းချင်း တည်ဆောက်ယူရတဲ့ အရာပါ။

ဘာကြောင့် ဒီစကားပြောရလဲဆိုတော့ ကျနော်တို့လို လူငယ်တွေတော်တော်များများက အရမ်းအောင်မြင်ချင်ကြတယ်။ အဲဒီမှာ ဆန္ဒတွေစော လောဘတွေကြီးပြီး အမှားတွေကို လုပ်မိတော့တာပါပဲ။ အမှန်က ခေါင်းအေးအေးထားပြီး တည်တည်ငြိမ်ငြိမ် ချင့်ချင့်ချိန်ချိန်လေးနဲ့ ကိုယ့်ရည်မှန်းချက်ပန်းတိုင်ကို ချီတက်ရင် ပန်းတိုင်ကို မုချမသွေရောက်ပါတယ်။ ပျာယာမခပ်ဖို့ လောဘမကြီးဖို့ ဆန္ဒတွေ မစောဖို့တော့ လိုပါတယ်။

ီ_ဘာ_ဘာ

11/03/2024

ကိုယ်က ရပ်နေသူလား၊ ရှေ့ဆက်နေသူလား
◾
လူတစ်ယောက် ကိုယ့်ဘ၀ကို တိုးတက်ပြောင်းလဲဖို့က အကြောင်းရင်းများစွာရှိပေမဲ့ ကိုယ့်ကိုယ်ကိုယ်ပြောင်းလဲလိုစိတ်ရှိခြင်းမရှိခြင်းက အဓိကအကြောင်းရင်းတစ်ချက်လို့ပြောလို့ရတယ်။ တချို့က တိုးတက်ပြောင်းလဲဖို့ အမြဲကြိုးစားနေပေမဲ့ တချို့ကတော့ ကိုယ်ရောက်နေတဲ့နေရာမှာတင်ရပ်နေကြတယ်။

နေ့စဉ်ဘ၀ကို အလုပ်တွေနဲ့ဖြတ်သန်းနေရချိန်မှာ ကိုယ့်ကိုယ်ကိုယ်ပြောင်းလဲဖို့ မေ့နေကြသူတွေလည်းရှိတယ်။ တချို့ ကိုယ့်ကိုယ်ကိုယ်ပြောင်းလဲဖို့ ကြောက်ရွံ့နေသူတွေလည်းရှိတယ်။ အဲဒီလိုနေသားကျနေတဲ့အခါ အချိန်တွေသာကုန်လွန်သွားတယ် ကိုယ့်ရဲ့အခြေအနေက ဘာမှထူးထူးခြားခြားဖြစ်မလာဘူး။ အဓိကကတော့ ကိုယ်ရဲ့ ပန်းတိုင် (Goal) ပျောက်နေသူတွေ၊ ရှင်းရှင်းလင်းလင်းမရှိတဲ့သူတွေမှာ ဒါမျိုးပိုဖြစ်တတ်တယ်။

ပါမောက္ခချုပ်ဆရာတော်ကြီးဟောတဲ့တရားတစ်ပုဒ်ထဲက ဇာတ်လမ်းလေးတစ်ခုသွားသတိရတယ်။ နယ်တစ်နယ်မှာ လွှဆွဲတဲ့ ဆရာတပည့်နှစ်ယောက်ရှိတယ်။ သူတို့က အချိန်တော်တော်ကြာတဲ့အထိ အတူတူလွှဆွဲလာခဲ့ကြတယ်။ ကာလတစ်ခုကြာတော့ ဆရာတပည့်လည်း ကွဲသွားတယ်ပေါ့လေ။ တစ်ရက်တော့ ဆရာဖြစ်သူက လွှဲကောင်းကောင်းတစ်လက်လိုလို့ဆိုပြီး မြို့တက်သွားတယ်။ အဲဒီမြို့က လွှဲရောင်းတဲ့ဆိုင်တစ်ဆိုင်ရောက်တော့ “ဟာ … ဆရာ” ဆိုပြီး လူတစ်ယောက်က နှုတ်ဆက်တယ်။ ကြည့်လိုက်တော့ အဲဒီနှုတ်ဆက်တဲ့သူက တစ်ချိန်က သူ့တပည့်ဖြစ်နေတယ်။ တပည့်က ဆရာ့ကို လာရင်းကိစ္စကိုမေးတော့ လွှတစ်လက်လာဝယ်တာပါပေါ့။ အဲဒီနဲ့ တပည့်က “ကြွပါဆရာ … ဒါ ကျွန်တော့်ဆိုင်ပဲ” ဆိုပြီး ပစ္စည်းအစုံရောင်းတဲ့သူ့ရဲ့ဆိုင်ကြီးထဲ ခေါ်သွားတယ်။ ပြီးတော့ ဆရာအပြန်မှာ လွှကောင်းကောင်းတစ်လက်လည်း လက်ဆောင်ပေးလိုက်တယ်။

အချိန်ကာလတစ်ခုကြာလာတဲ့အခါ တစ်ချိန်တုန်းက ဆရာဖြစ်သူက လွှဆွဲသမားဘ၀ကနေ မတိုးတက်လာဘဲ တစ်ချိန်ကဆရာခိုင်းချင်ရာခိုင်းခဲ့တဲ့တပည့်ဖြစ်သူက မြို့မှာ ဆိုင်ကြီးတစ်ဆိုင်နဲ့ လုပ်ကိုင်နေတဲ့လုပ်ငန်းရှင်ဖြစ်သွားတယ်။ ဆရာဖြစ်သူက ကာလတွေကြာလာပေမဲ့ သူ့ဘ၀သူမပြောင်းလဲနိုင်တော့ လွှဲဆွဲသမားဘ၀ကနေ တိုးတက်မလာဘူး။ တပည့်ဖြစ်သူကတော့ သူ့ရဲ့နိမ့်ကျတဲ့အခြေအနေကို ကျေနပ်မနေဘဲ သူ့ကိုယ်သူတိုးတက်အောင်လုပ်တယ်။ သူဖြစ်ချင်တဲ့ ပန်းတိုင်ချမှတ်ပြီး အဲဒီပန်းတိုင်ကိုရောက်အောင်တည်ဆောက်နိုင်ခဲ့တယ်။

ဆိုတော့ လူချင်းတူရင်တောင် ကိုယ့်ကိုယ်ကိုယ် သာမန်အခြေအနေနဲ့ကျေနပ်နေတဲ့သူနဲ့ ကိုယ့်ကိုယ်ကိုယ် တိုးတက်ပြောင်းလဲလိုသူတွေကြားမှာ အချိန်တစ်ခုရောက်တဲ့အခါ အခြေအနေတွေ ကွာခြားသွားတယ်။ ကိုယ့်ရဲ့အနာဂတ်က ကိုယ့်ရဲ့ရွေးချယ်မှုနဲ့အဓိကဆိုင်တယ်။ ကိုယ်က သာမန်အခြေအနေနဲ့ ကျေနပ်နေရင်၊ ပန်းတိုင်ပျောက်နေရင် ကိုယ့်အနာဂတ်က ဘာမှမည်မည်ရရဖြစ်လာမှာမဟုတ်ဘူး။ ကိုယ်က ဖြစ်ချင်တဲ့ပန်းတိုင်ရှင်းရှင်းလင်းလင်းရှိတယ်၊ အဲဒီကိုရောက်အောင်နည်းလမ်းလည်းရှာတယ်၊ လက်တွေ့ အားထုတ်လုပ်ဆောင်မှုလည်းရှိတယ်ဆိုရင် ကိုယ့်အနာဂတ်က နောက်တစ်ဆင့်တက်သွားမှာပါပဲ။

08/03/2024

ငွေရှာရုံနဲ့မပြီးဘူး ငွေကိုစီမံခန့်ခွဲဖို့လည်း အာရုံစိုက်ပါ
◾
လူအများစုက ငွေရှာဖို့အာရုံစိုက်ကြပေမဲ့ ငွေကို စီမံခန့်ခွဲမှုကိုတော့ သေချာလုပ်လေ့မရှိကြဘူး။ ငွေရအောင်ရှာတယ်။ သုံးတယ်။ ပိုလျှံတာကို သေတ္တာထဲထည့်သိမ်းထားတယ်။ တချို့လည်း ဘဏ်အကောင့်ထဲ ထည့်ထားကြတယ်။

မိတ်ဆွေတစ်ယောက် ဝင်ငွေထဲကနေ တစ်လ သိန်း ၃၀ လောက် ပုံမှန်စုနေတယ်တဲ့။ အဲဒီငွေတွေ ဘာလုပ်ထားလဲ‌မေးတော့ ဘာလုပ်ရမှန်းမသိတာနဲ့ သေတ္တာထဲပဲ သိမ်းထားဖြစ်တယ်တဲ့။ တချို့ပိုက်ဆံတွေဆိုရင် မှိုတောင်တက်နေပြီထင်တယ်လို့တောင် ဆိုသေးတယ်။

ငွေရှာရတယ်ခက်တယ်။ ဒါပေမဲ့ အဲဒီငွေကို စနစ်တကျစီမံခန့်ခွဲဖို့ကပို့တောင်ခက်တယ်လို့ ပြောလို့ရတယ်။ စနစ်တကျစီမံခန့်ခွဲဖို့အတွက်က Financial Literacy လို့ခေါ်တဲ့ ငွေကြေးဆိုင်ရာနားလည်တတ်ကျွမ်းမှုလိုအပ်တယ်။

ကျွန်တော်အမြဲပြောနေကျအတိုင်းပဲ Savers are Losers ငွေစုရင် ရှုံးပါတယ်။ ဘဏ်မှာစုရင်တောင် ရှုံးတာ သေတ္တာထဲ ဒီအတိုင်းထည့်ထားရင်တော့ ထွေထွေထူးထူးပြောစရာကိုမလိုတော့တာ။ ငွေကြေးဖောင်းပွမှုက လက်ရှိမြန်မာပြည်အခြေအနေနဲ့ဆိုရင် တစ်နှစ် ၁၅ ရာခိုင်နှုန်းပဲရှိတယ်ထားဦး ဒီနှစ် သိန်း ၁၀၀ က နောက်နှစ်ဆိုရင် ၈၅ သိန်းတန်ဖိုးပဲရှိတော့မှာပါ။ ငွေပမာဏမလျော့သွားပေမဲ့ ငွေတန်ဖိုးကျသွားတာပါ။

ဒါကြောင့် အရေးပေါ်သုံးငွေကလွဲလို့ ကိုယ့်ရှိတဲ့ငွေကို ခေါင်းအုံးအောက်၊ စုဘူး၊ သေတ္တာထဲထည့်ဖို့မပြောနဲ့ တတ်နိုင်ရင် ဘဏ်ထဲတောင် မစုတာအကောင်းဆုံးပဲ။ ဘယ်လိုတိုးပွားအောင်လုပ်လို့ရမလဲ၊ ဘယ်လိုအကျိုးရှိအောင်ရင်းနှီးမြှုပ်နှံလို့ရမလဲ စီမံခန့်ခွဲဖို့လိုတယ်။

ငွေရှာရုံနဲ့မပြီးဘူး ငွေကိုစီမံခန့်ခွဲဖို့လည်း အာရုံစိုက်ဖို့လိုတယ်။

ဆရာ Hein Zaw

ီ_ဘာ_ဘာ_ငွေ_ကြေး_ပညာ
ီ_ဘာ_ဘာ

06/03/2024

ငွေကြေးပညာမရှိရင် သင့်ငွေတွေဟာ ရလွယ်ပျောက်လွယ်ဖြစ်လိမ့်မယ်
◾
မိတ်ဆွေတစ်ယောက် သိန်း ၅၀၀ လောက် မိဘအမွေရလိုက်တယ်။ ရလာတဲ့ပိုက်ဆံတွေကို ဘာလုပ်ရမှန်းမသိတော့ 🪙 စျေးအတက်မှာ 🪙 တွေချည်း ဝယ်ထားလိုက်တယ်။ တခြားစီးပွားရေးလည်း မလုပ်ရဲတော့ သူတို့ဇနီးမောင်နှံ အရင်အတိုင်းပဲ လမ်းဘေးမှာ စျေးဆက်ရောင်းနေဆဲ။

ဒီလိုပဲ တချို့သိန်းထောင်ဂဏန်း ထီပေါက်တယ်။ ဘာလုပ်လို့လုပ်ရမှန်းမသိကြတာများတယ်။ ထီပေါက်ပြီး ကျိကျိတက်ချမ်းသာကြွယ်၀လာတဲ့ သူဌေးတွေကို ကျွန်တော်တို့ မကြားဖူးကြဘူးမဟုတ်လား။ တချို့လည်း ရလာတဲ့ငွေတွေကို အိမ်လေး၊ ကားလေးဝယ်မယ်။ ကျန်တာ ဘဏ်ထဲထည့်ထားပြီး ဘဏ်တိုးနဲ့သုံးမယ် ဒီလောက်ပဲ စဉ်းစားဖြစ်ကြတယ်။

ပိုက်ဆံရှာတာ (Making Money) က မလွယ်သလို ရလာတဲ့ပိုက်ဆံတွေကို ဘယ်လိုထိန်းသိမ်းမလဲဆိုတာကလည်း ထင်သလောက်မလွယ်ပါဘူး။ အဲဒီထက် ပိုခက်တာကတော့ ရှိထားတဲ့ပိုက်ဆံကို တိုးပွားအောင် ဘယ်လိုလုပ်မလဲဆိုတာပဲ။ တိုးပွားအောင်လုပ်တဲ့အခါ ကိုယ်ပိုင်စီးပွားရေးမှာ ရင်းနှီးမြှုပ်နှံမလား၊ ကိုယ်တိုင်မလုပ်ရတဲ့ Asset တစ်ခုမှာ ရင်းနှီးမြှုပ်နှံမလားဆိုပြီး နှစ်မျိုးလုပ်လို့ရပါတယ်။

မြန်မာအများစုက ပိုက်ဆံရှိရင် ခေါင်းအုံးအောက်သိမ်းထားတဲ့အကျင့်နဲ့ အသားကျကြလာခဲ့ကြတယ်။ တချို့လည်း ဘဏ်ထဲစုမယ်၊ ရွှေဝယ်စုမယ် ဒီလောက်ပဲ စဉ်းစားဖြစ်ကြတယ်။ "Savers are Losers ငွေစုသူ အရှုံးသမား" လို့ ပြောကြတယ်။ ငွေကြေးပညာအခြေခံမှမရှိရင် အလုပ်တွေပင်ပင်ပန်းပန်းလုပ်ပြီး ကိုယ်ပိုင်ဆိုင်တဲ့ငွေက တိုးပွားသင့်သလောက်တိုးမှာမဟုတ်ပါဘူး။

တချို့ကျတော့ အဲဒီထက်ဆိုးတယ်။ ရလာတဲ့ငွေကြေးကို စနစ်တကျမသုံးဘဲ ဖြုန်းပစ်နေကြတယ်။ လျှမ်းလျှမ်းတောက် အောင်မြင်ကျော်ကြားတဲ့အချိန်တုန်းက ငွေတွေ သောက်သောက်လဲဝင်ခဲ့တဲ့ အနုပညာရှင်တွေနဲ့ အားကစားသမားတချို့ နာမည်ကျဆင်းသွားချိန်၊ အသက်ကြီးသွားချိန်မှာ ဆင်းရဲမွဲတေသွားကြတာဟာ ပိုင်ဆိုင်တဲ့ငွေကြေးကို မထိန်းသိမ်းမစီမံနိုင်လို့၊ ငွေကြေးပညာအားနည်းလို့ပါပဲ။

Rich Dad Poor Dad စာအုပ်မှာ Robert T. Kiyosaki ပြောတဲ့စကားတစ်ခွန်းရှိတယ်။ “Money without financial intelligence is money soon gone.” ငွေကြေးဆိုင်ရာဉာဏ်ရည်ဉာဏ်သွေးမရှိရင် သင့်ရဲ့ငွေကြေးတွေဟာ ရလွယ်ပျောက်လွယ်ငွေတွေသာ ဖြစ်လိမ့်မယ်တဲ့။



#ငွေကြေးဆိုင်ရာဉာဏ်ရည်ဉာဏ်သွေး

05/03/2024

" သူဌေးဝါဒ "

ကျွန်တော်က သူဌေးကြီးကို ဆိုက်ကားပေါ်တင်လာခြင်းဖြစ်သည်။ သူနှင့် ငါးကြိမ်လောက် ဆုံဖူးသောကြောင့် မျက်မှန်းတန်းမိသလိုလိုဖြစ်လာသည်။
“ မောင်ရင်က ဈေးသိပ်မတောင်းဘူး ... ဘာဖြစ်လို့လဲကွ”
“ကျွန်တော်က ဆိုက်ကားသမား အစစ်မှ မဟုတ်တာ ဦးလေးရာ”
“ဘာပြောတာလဲကွ”
“ဪ ... ကျွန်တော်က ကျောင်းပိတ်တုန်း ကျောင်းစရိတ်လေးရအောင် ဆိုက်ကားနင်းတာပဲ ... ဆိုက်ကားသမားတွေလို နင်းကန်တောင်းရင် ကျွန်တော့်ကို ဘယ်သူကခေါ်မှာလဲ”
“ဒါလည်း မဟုတ်သေးဘူးကွ ... နေရာတိုင်းမှာ တန်ရာတန်ကြေးဆိုတာရှိတာပဲ”
“လူတိုင်းက တန်ရာတန်ကြေး မပေးချင်ကြပါဘူး ဦးလေးရာ ... တစ်ကျပ်တန်လည်း ငါးမူးလောက် ပေးချင် ကြတာ”
“အလို မင်းက ငါ့ကို စောင်းဆိုသလား”
“မဟုတ်ပါဘူး ဦးလေးရာ သဘောပြောတာပါ”
“ဒီမှာ ငါ့တူ ... သူဌေးဘာဖြစ်လို့ဖြစ်သလဲ သိလား”
“ကပ်စေးနည်းလို့ဖြစ်မှာပေါ့ခင်ဗျာ”
“အင်း နည်းနည်းတော့ မှန်သကွ ... ဒါပေမဲ့ ဘယ်လောက် ကပ်စေးနည်းနည်း ကိုယ့်အတွက် မဟုတ်ပါဘူး ကွယ်”
“ဘယ်သူ့အတွက်လဲခင်ဗျာ”
“မင်းကိုငါ အဖြစ်အပျက်လေးတစ်ခု ပြောပြမယ် ... နားထောင်”
“ဟုတ်ကဲ့”
“သူဌေးကြီးတစ်ယောက်ဟာ သေသွားတော့ ဘဏ်ထဲမှာ ပိုက်ဆံ ၁၀ သိန်းလောက် ထားခဲ့သတဲ့ (ဟိုးတစ်ခေတ် ၁၀ သိန်း) သူဌေးကြီးသေတော့ သူ့မိန်းမက နောက်လင်ယူရောကွာ၊ နောက်လင်ကလည်း သူတို့ဆီမှာ လုပ်နေတဲ့ အလုပ်သမားကွ၊ အဲဒီနောက်လင်က ဘာပြောသလဲသိလား”
“ဘယ်သိမှာလဲ ဦးလေးရ”
“အင်း ... ခင်ဗျားလင်ကြီး အငတ်ခံပြီး စုဆောင်းခဲ့သမျှဟာ နောက်ဆုံးတော့ ကျုပ်အတွက်ပါလားတဲ့ ... ဟား ... ဟား ... ဟား”
သူဌေးကြီးက ပြောပြီး အားရပါးရရယ်သည်။
“ဦးလေးရယ် ရယ်စရာမကောင်းပါဘူး ... သနားစရာ ကောင်းလိုက်တာ”
“ဘယ်သူ့ကို မင်းက သနားနေတာလဲ”
“သူဌေးကြီးကို”
“မသနားနဲ့ကွ ... အဲဒီကောင် ငွေရှာဖို့ပဲသိတာ ... ဘဝနေနည်း မေ့နေတာ”

ဤကား သူဌေးကြီးပြောသည့် ဘဝနေနည်း ဖြစ်ပါသည်။

🔹 ကျန်းမာအောင်နေကွ၊ ကျန်းမာမှ ချမ်းသာအောင် လုပ်နိုင်တယ်။ စောစောသေတော့ ငါပြောသလို သူများအတွက် ဖြစ်တာပဲ။ လမ်းများများလျှောက်ကွ။ ရေများများသောက်။ ဆာလည်းသောက်၊ မဆာလည်းသောက်။

🔹 စကားတွေကို ကိုယ်ကလည်း အပိုမပြောနဲ့၊ သူများတွေ အများကြီး ပြောတာလည်း နားမထောင်နဲ့၊ အလုပ်နဲ့ ပတ်သက်တာပဲ နားထောင်၊ ပြော။ ကိုယ့်အလုပ်ကိုယ်လုပ်။

🔹 ကားအကောင်းစားကြီးကို ပိုက်ဆံအများကြီးပေးပြီး ဝယ်မစီးနဲ့၊ တော်ရုံလောက်ပဲစီး၊ ရောက်တာချင်း အတူတူပဲ။ ဇိမ်ခံဖို့ထက် အလုပ်အတွက် အဆင်ပြေဖို့ပဲစဉ်းစား။

🔹 တိုက်ကြီးကို ဟီးနေအောင် ဆောက်စရာ မလိုဘူး။ ကိုယ့် အိုးနဲ့ကိုယ့်ဆန် တန်ရုံလောက်ဆောက်။ သုံးလေးထပ် ဆောက်လည်း ကိုယ်နေမှာ တစ်နေရာတည်း။ အထပ်များ၊ အဆောင်များ ထိန်းရလည်းခက်။ ပိုက်ဆံလည်း အပိုထွက်။

🔹 အဝတ်ကောင်းကောင်း မလိုဘူး။ ရာသီအလိုက် ဝတ်ကောင်းတာမျိုးကိုပဲ ဝတ်ဖို့လိုတယ်။ တိုက်ပုံလေး ကောက်စွပ်လိုက်ရင် မင်းကို အထင်ကြီးပြီးသား။ သူဌေးဆိုတာ ဘာဝတ်ဝတ်လာလာ မင်းကို ဘာမှ မပြောဘူး။ ချီးကျူးတောင် ခံရဦးမှာ။

🔹 မင်းဘဝမှာ မင်းရှာခဲ့သမျှ ၂၅ ရာခိုင်နှုန်းလောက်တောင် မင်းမသုံးသွားနိုင်ဘူး။ ၇၅ ရာခိုင်နှုန်းလောက် သူများဖို့ ထားခဲ့ရမှာ။ ဒါကြောင့် မသေခင်ဘာလုပ်မလဲ အမြဲစဉ်းစား။

🔹 မင်းပညာတွေ ဘယ်လောက်တတ်တတ် မင်းသင်ခဲ့တဲ့ ဘွဲ့ပညာရဲ့ ၂၅ ရာခိုင်နှုန်းလောက်တောင် လက်တွေ့ဘဝမှာ အသုံးမချနိုင်ဘူး။ ၇၅ ရာခိုင်နှုန်းလောက်က လက်တွေ့နဲ့တတ်ပြီး ထမင်းစား နေရတာ၊

🔹 အတ္တတွေလျှော့၊

🔹 ကိုယ်မှမှန်၊ ကိုယ်လုပ်မှ မှန်တယ်ထင်တာ တကယ်တော့ မဟုတ်ဘူး။ ငါလည်းမှားနိုင်တာပဲဆိုတာကို နှလုံးသွင်း၊ သူလည်းမှန်နိုင်တာပဲလို့ စိတ်မှာထား၊

🔹 ဘယ်လိုအနေအထားရောက်ရောက် နှိမ့်ချရိုကျိုး အပိုးကျိုးကျိုးနေ၊ မထောင်လွှားနဲ့၊ မမောက်မာနဲ့၊

🔹 ပိုက်ဆံဘယ်လောက်ရှိရှိ၊ တစ်ပြားမှမရှိသလို သဘောထား။

ကျွန်တော် မှတ်မိသလောက် ပြန်ရေးပြခြင်းဖြစ်ပါသည်။ သူကား အတန်းပညာမရှိ။ ဘဝအသိဖြင့် ကျွန်တော့်ကို ဆိုက်ကားပေါ်မှာ လက်တွေ့ သင်ခန်းစာများကို သင်ကြားပေးသွားခြင်း ဖြစ်သည်။

ကျွန်တော်က ဆိုက်ကားကို ရပ်လိုက်ပြီး သူ့ကို တွဲရန် လက်ကို လှမ်းပေးလိုက်သည်။
“မလိုဘူးကွ ... အသက်ကြီးတဲ့ သူတိုင်းကို အတွဲခံချင်လိမ့်မယ်လို့ ဘယ်တော့မှ မထင်နဲ့။ အေး တစ်ခုတော့ ရှိတယ် ... သူလဲကျလို့ သနားရင် တွဲထူချင် ထူပေးလိုက်”

ကျွန်တော်က လက်ကို ရုပ်လိုက်ပြီး သူ့ကိုကြည့်ကာ ဆိုက်ကားကို လှည့်ရန် ပြင်သည်။
“မောင်ရင် ပိုက်ဆံ”
“ရပါတယ်ဦးလေး ... ဒီနေ့ ဦးလေးက ကျွန်တော့်ကို အများကြီး ပညာတွေပေးသွားတယ်”

“ဒီမှာ မောင်ရင် သူတို့ကိုယ်သူတို့ သူဌေးလို့ အထင်ခံနေရတဲ့ကောင်တွေကို မင်းက လူတတ်ကြီးလုပ်ပြီး ဘယ်တော့မှ ပိုက်ဆံမယူဘူး မလုပ်နဲ့ကွ ... သူတို့အတွက် ဆိုက်ကားခလောက်ကို မပေးလိုက်ရတာ ပီတိဖြစ်နေမှာ မဟုတ်ဘူး ... စိတ်ထဲမှာ ဒေါသထွက်နေမှာ ... ရော့ယူသွား”

ထိုနေ့က သူကျွန်တော့်ကို ပေးသည်မှာ တစ်ကျပ်စေ့။ ကျွန်တော်က ပြန်အမ်းရန် အိတ်ထဲကိုနှိုက်သည်။

“ဦးလေး ဒီမှာ ငါးမူး”
“ထားလိုက်ပါကွာ ... ဒီနေ့တော့ ငါ တစ်ကျပ်ပေးပါတယ်”
“နေပါ ဦးလေး ... ကျွန်တော်လည်း သူဌေးက သနားလို့ ငါးမူးပိုပေးတာ မယူချင်ဘူး”

“ကောင်းကွာ ... အဲဒါ မင်း ဆိုက်ကားသမား အစစ်မဟုတ်လို့”
သူက ကျွန်တော်ပေးသည့် ပိုက်ဆံငါးမူးကို ယူလိုက်သည်။


ီ_ဘာ_ဘာ

04/03/2024

04/03/2024

Monday,4 March , 2024

✅ Open Price ~ @2083
✅ Current Price ~ @2085 (2:55 PM)

❗ လက်ရှိ XAUUSD ဈေးတန်းဟာ အတက်အားသာနေတာဖြစ်သလို Supply Zone ကိုရောက်နေတာဖြစ်တဲ့အတွက် ကျွန်တော်တို့အနေနဲ့ @2084- @2088 Supply Zone ဈေးတန်းကို စောင့်ကြည့်ရမှာပဲ ဖြစ်ပါတယ်

📈 ထို Zone ဈေးတန်ကို Candle body ဖြင့် ဖောက်တက်ခဲ့ပါက နောက်ထပ် Supply Zone ဖြစ်တဲ့ @2117- @2120 ဈေးတန်းအထိ ဈေးတက်နိုင်ပြီး

📉 ထို Zone ဈေးတန်ကို Candle body ဖြင့် ဖောက်မတက်ဘူးဆိုရင်တော့ Demand Zone ဖြစ်တဲ့ @2042- @2047 ဈေးတန်းအထိ ဈေးကျမယ်လို့ နည်းပညာပိုင်းအရ ခန့်မှန်းသုံးသပ်ထားပါတယ်

📈 Strong Resistance
🔺 R1 @2088
🔺 R2 @2120
➖➖➖➖➖➖
📉 Strong Support
🔻 S1 @2079
🔻 S2 @2042

📊 အရောင်းအဝယ်ပြုလုပ်တဲ့အခါ ရောင်းမှား ဝယ်မှား ကင်းရှင်းပြီး အမြတ်များများပိုင်ဆိုင်နိုင်ကြပါစေ
📊 ရောင်းတိုင်းဝယ်တိုင်း မြတ်တဲ့နေ့လေးဖြစ်ပါစေ

📊 XAUUSD Technical Analysis များနှင့် Free Signal များကို ရယူလိုပါက Join ထားနိုင်ပါတယ်

https://t.me/WaiYan_Business_Advisor

01/03/2024

Friday,1 March, 2024

🇺🇲 ယနေ့ည မြန်မာစံတော်ချိန် (9:15 PM) နှင့် (9:30 PM) အချိန်တွင် US Data (3)ပုဒ်ထွက်ဖို့ ရှိပါတယ်။

📊 သတင်း (3) ပုဒ်လုံးဟာ အရေးကြီးသတင်းဖြစ်တဲ့အတွက်ကြောင့် သတင်းအချိန်မှာ Trade မည့် Trader များ အနေဖြင့်လည်း TP , SL များကို မဖြစ်မနေ ထားရှိပြီးမှ မိမိ အကောင့် ခံနိုင်ရည် ရှိသော Lot Size ဖြင့် Trade ကြဖို့ အကြံပြု တိုက်တွန်းအပ်ပါတယ်။

📊 ယနေ့တစ်ရက်တာ ကမ္ဘာ့‌ရွေကို အရောင်း အဝယ် ပြုလုပ်တဲ့အခါ ရောင်းမှား ဝယ်မှား ကင်းရှင်းပြီး အမြတ်များများပိုင်ဆိုင်နိုင်ကြပါစေ ၊ ရောင်းတိုင်း ဝယ်တိုင်း မြတ်တဲ့နေ့လေးဖြစ်ပါစေ။

Free Signals များရယူလိုပါက Join ထားနိုင်ပါတယ်

https://t.me/WaiYan_Business_Advisor

01/03/2024

Friday,1 March,2024

H4 Time Frame Analysis

https://t.me/WaiYan_Business_Advisor

29/02/2024

Thursday,29 February, 2024

🇺🇲 ယနေ့ည မြန်မာစံတော်ချိန် (8:00 PM) နှင့် (9:15 PM) အချိန်တွင် US Data (4)ပုဒ်ထွက်ဖို့ ရှိပါတယ်။

📊 သတင်း (4) ပုဒ်လုံးဟာ အရေးကြီးသတင်းဖြစ်တဲ့အတွက်ကြောင့် သတင်းအချိန်မှာ Trade မည့် Trader များ အနေဖြင့်လည်း TP , SL များကို မဖြစ်မနေ ထားရှိပြီးမှ မိမိ အကောင့် ခံနိုင်ရည် ရှိသော Lot Size ဖြင့် Trade ကြဖို့ အကြံပြု တိုက်တွန်းအပ်ပါတယ်။

📊 ယနေ့တစ်ရက်တာ ကမ္ဘာ့‌ရွေကို အရောင်း အဝယ် ပြုလုပ်တဲ့အခါ ရောင်းမှား ဝယ်မှား ကင်းရှင်းပြီး အမြတ်များများပိုင်ဆိုင်နိုင်ကြပါစေ ၊ ရောင်းတိုင်း ဝယ်တိုင်း မြတ်တဲ့နေ့လေးဖြစ်ပါစေ။

Free Signals များရယူလိုပါက Join ထားနိုင်ပါတယ်

https://t.me/WaiYan_Business_Advisor