19/08/2026
တရုတ်တွင် ဇူလိုင်လအတွင်း COVID-19 ကူးစက်ခံရသူ ၅ သိန်းကျော်အထိ မြင့်တက်လာ၊
ဩဂုတ်လနှောင်းပိုင်းတွင် ပြန်လည်ကျဆင်းနိုင်ခြေရှိ
အင်းလေး #၁၆-သြဂုတ်-၂၀၂၆
တရုတ်နိုင်ငံတွင် ပြီးခဲ့သည့် ဇူလိုင်လအတွင်း COVID-19 ရောဂါ အတည်ပြုလူနာသစ်
၅၂၂,၀၀၀ (၅ သိန်း ၂ သောင်းကျော်) အထိ စစ်ဆေးတွေ့ရှိခဲ့ပြီး ကူးစက်မှုနှုန်း အတက်
အကျရှိကာ တဖြည်းဖြည်း ပြန်လည်မြင့်တက်လာနေကြောင်း တရုတ်အမျိုးသား ရောဂါ
ထိန်းချုပ်ရေးနှင့် ကာကွယ်ရေးအာဏာပိုင်အဖွဲ့ (CDC) က ထုတ်ပြန်ပြောကြားလိုက်သည်။
ထုတ်ပြန်ချက်အရ ဇူလိုင်လအတွင်း ကူးစက်ခံရသူများအနက် ၄၈၇ ဦး မှာ ရောဂါပြင်းထန်
အဆင့်သို့ ရောက်ရှိခဲ့ပြီး ရောဂါအခံနှင့် ဆက်စပ်၍ ၁ ဦး သေဆုံးခဲ့ကြောင်း သိရသည်။
ကျန်းမာရေးနှင့် ရောဂါပိုးမွှားဆိုင်ရာ ပညာရှင်များ၏ သုံးသပ်ချက်အရ ယခုကဲ့သို့ ကူးစက်
မှုနှုန်း အနည်းငယ် ပြန်လည်မြင့်တက်လာရခြင်းမှာ ကာကွယ်ဆေးထိုးနှံထားမှုနှင့် ယခင်ကူး
စက်ခံရမှုများမှ ရရှိထားသော ကိုယ်ခံစွမ်းအားမှာ အချိန်ကြာလာသည်နှင့်အမျှ လျော့ပါးလာ
ခြင်း။
လက်ရှိ ခန္ဓာကိုယ်အတွင်းရှိ ပဋိပစ္စည်း များ၏ ခုခံကာကွယ်နိုင်စွမ်းကို အားနည်းစေသည့်
ဗီဇပြောင်းပိုးများ ဆက်လက်ပေါ်ထွက်နေခြင်း။
နွေရာသီကျောင်းပိတ်ရက်နှင့် အားလပ်ရက်များအတွင်း ပြည်သူများ ခရီးသွားလာမှု မြင့်
တက်လာခြင်းတို့ကြောင့် ဖြစ်သည်။
တရုတ်ရောဂါထိန်းချုပ်ရေးနှင့် ကာကွယ်ရေးဗဟိုဌာန (CDC) က ယခုဖြစ်ပေါ်နေသော အ
ခြေအနေသည် ပုံမှန်ရာသီအလိုက် ဖြစ်ပေါ်လေ့ရှိသည့် လှိုင်းတခု မျှသာဖြစ်သော်လည်း
လွန်ခဲ့သည့် နှစ်နှစ်အတွင်း တွေ့ရှိခဲ့ရသည့် ရောဂါကူးစက်မှု ပုံစံများနှင့် ဆင်တူကြောင်း
ပြောကြားခဲ့သည်။
ပေကျင်းအခြေစိုက် အသက်ရှူလမ်းကြောင်းဆိုင်ရာ အထူးကုဆရာဝန်ကြီးများကလည်း
လက်ရှိနိုင်ငံတစ်ဝန်း ကူးစက်မှုနှုန်းမှာ အမြင့်ဆုံးအခြေအနေ သို့ ရောက်ရှိလုနီးပါးဖြစ်
နေပြီဖြစ်၍ ဩဂုတ်လနှောင်းပိုင်းတွင် ကူးစက်မှုနှုန်းများ တဖြည်းဖြည်း ပြန်လည်ကျဆင်း
သွားနိုင်သည် ဟု နိုင်ငံပိုင် Global Times သတင်းဌာနသို့ အတည်ပြု ပြောကြားထားပါသည်။
Myanmar Family Cleaning & Desinfection Service
