ခြူးခြူး သဘာဝဓာတုကင်းစင်ဆပ်ပြာ နှင့် အိမ်တွင်းအသေးစားဆပ်ပြာလုပ်ငန်း

04/01/2023

ခြူးခြူးသဘာဝခေါင်းလျှော်ရည် Order များ

ပြန်လည်လက်ခံပေးနေပါပြီနော်

ဆံပင်ကျွတ်တာသိသိသာသာသက်သာတဲ့အပြင်

ဆံသားအသစ်များပြန်လည်ပေါက်လာတာ

သုံးဖူးသူတိုင်းအသိပါ

order တင်တဲ့အရေအတွက်တိုင်းလုပ်ပေးတာဖြစ်လို့

ခုမှာခုတော့မရပါဘူးနော်

500g - 7000ks
250 - 3500ks
္

02/12/2022

1kg ကို 25000kys

11/08/2022

11/08/2022

11/08/2022

https://www.facebook.com/110276613894772/posts/530232288565867/

11/08/2022

🙏🙏🙏

11/07/2022

ဝါဆိုလပြည့်
ဓမ္မစကြာ အခါတော်နေ့ အကြောင်းသိကောင်းစရာ။

🙏🙏🙏🙏🙏

ဝါဆို လပြည့်နေ့ကို
ဓမ္မစကြာ အခါတော်နေ့
အထိမ်းအမှတ်အဖြစ် ကျင်းပရခြင်းမှာ

ထိုနေ့၌
ဓမ္မစကြာတရားတော်ကို
မြတ်စွာဘုရားက ဟောကြားတော်မူသည်ကို
အကြောင်းပြု၍ ကျင်းပရခြင်း ဖြစ်ပါသည်

ဓမ္မစကြာ တရားတော်ကို မြတ်စွာဘုရားသည်
အိန္ဒိယနိုင်ငံ ဗာရာဏသီပြည် မိဂဒါဝုန်တော၌
မဟာသက္ကရာဇ် ၁၀၃-ခုနှစ်
ဝါဆိုလပြည့်နေ့ နေ၀င် , လထွက် အချိန်၌
ပဉ္စဝဂ္ဂီငါးဦးတို့အား ဘုရားအဖြစ်ကို
၀န်ခံသောအားဖြင့် ဟောကြားတော်မူခဲ့ပါသည်

#ဓမ္မစကြာ_တရားတော်သည်

ဝိနည်းမဟာဝါပါဠိတော်၌
ပဉ္စ၀ဂ္ဂိယကထာ-အမည်ဖြင့် လာရှိပါသည်

ပဋိသမ္ဘိဒါမဂ္ဂပါဠိတော်၌
ဓမ္မစက္ကပ၀တ္တန ဝါရ-အမည်ဖြင့် လာရှိပါသည်

မဟာ၀ဂ္ဂသံယုတ် ပါဠိတော်၌
ဓမ္မစက္ကပ၀တ္တန သုတ္တ-အမည်ဖြင့် လာရှိပါသည်

ဓမ္မစက္ကပ၀တ္တန၏ အဓိပ္ပါယ်မှာ
တရားတည်းဟူသော အသိစက္ကို ဖြစ်စေ
လည်စေတော်မူခြင်း-ဟု အဓိပ္ပါယ် ရပါသည်

#ဓမ္မစက္က = တရားတော်။
#ပ၀တ္တ = ဖြစ်စေ၊ လည်စေခြင်း

ဓမ္မစကြာတရားတော်သည်
သစ္စာလေးပါးတရားကို ညွှန်းဆိုဟောကြားသော
ဒေသနာဖြစ်၍ ပိဋကသုံးပုံ၏ အနှစ်ချုပ်တရားဟု ဆိုထိုက်ပါသည်

ဓမ္မစကြာ တရားတော်ကို
စိစစ် သုံးသပ်ကြည့်ပါလျှင် လမ်းစဉ်မှာ
( အစွန်း ၂-ခု ) ကို ရှောင်ကြဉ်ရေး
မဇ္ဈိမပဋိပဒါ လမ်းစဉ်မှန်ကို ကျင့်သုံးရေးတို့ကို
ညွှန်ကြားထားပြီး
သစ္စာလေးပါးတရားကို သိမြင်စေရန်
ဟောကြားထားသောကြောင့်
ဗုဒ္ဓဝါဒ၏ တိကျခိုင်မာသော
သေဘာတရားကို တွေ့မြင်နိုင်ပါသည်

ဤကဲ့သို့ အနှစ်သာရပါရှိသော တရားဖြစ်၍
ဗုဒ္ဓဘာသာ၀င် ရဟန်းရှင်လူတို့က
ဓမ္မစကြာ တရားတော်ကို အထူးပင်အာရုံစိုက်၍
ရွတ်ဖတ် သရဇ္ဈာယ်တော်မူကြပါသည်

အမြို့မြို့ အရွာရွာ၌
ဓမ္မစကြာ အသင်းများ ဖွဲ့စည်းပြီး
ပြန့်ပွားအောင် ဆောင်ရွက်လျက်ရှိကြပါသည်

>>

#ဝါဆိုလပြည့်နေ့၏_ထူးခြားချက်များ

မြန်မာ့ရိုးရာ ၁၂ - လ ရှိသည့်အနက်
ဝါဆို လပြည့်နေ့သည်

၁။ ဂေါတမဘုရားလောင်း
ပဋိသန္ဓေနေသောနေ့ဖြစ်၍ ထူးခြားခြင်း

၂။ ဂေါတမ ဘုရားလောင်း တောထွက်တော်မူသောနေ့ဖြစ်၍ ထူးခြားခြင်း

၃။ ဂေါတမမြတ်စွာဘုရား ဓမ္မစကြာတရား စတင်ဟောတော်မူသောနေ့ဖြစ်၍ ထူးခြားခြင်း

၄။ ရေမီးအစုံစုံတို့ဖြင့် တန်ခိုးပြာဋိဟာကို ပြတော်မူသောနေ့ဖြစ်၍ ထူးခြားခြင်း

၅။ ဘုရားအဖြစ် ၀န်ခံတော်မူသောနေ့ဖြစ်၍ ထူးခြားခြင်း

၆။ တရားရတနာ စတင်ပေါ်သောနေ့ဖြစ်၍ ထူးခြားခြင်း

၇။ သံဃာရတနာ စတင်ပေါ်သောနေ့ဖြစ်၍ ထူးခြားခြင်း

၈။ ပုထုဇဉ်ခရီးမှ အရိယာခရီးသို့ စတင် ကူးပြောင်းခွင့်ကြုံသောနေ့ဖြစ်၍ ထူးခြားခြင်း

၉။ ဧဟိ ဘိက္ခု-ဟူသောစကားကို
စတင်ကြားရသောနေ့ဖြစ်၍ ထူးခြားခြင်း

အထက်ဖော်ပြပါ ဝိသေသအကြောင်းများကြောင့်
ဗုဒ္ဓဘာသာ၀င် သူတော်စင်တို့က
ဤဝါဆိုလပြည့်နေ့၌
ကျောင်းကန်ဘုရားသို့ သွားရောက်၍
ဝါဆိုပန်းများ ကပ်လှူခြင်း၊
ဝါဆိုသင်္ကန်း လှူဒါန်းခြင်း၊
ဓမ္မစကြာ တရားတော်များကို
ရွတ်ဖတ်သရဇ္ဈာယ်ခြင်း အားဖြင့်
#ဝါဆိုလပြည့်_ဓမ္မစကြာ_အခါတော်နေ့ - ကို
ဆင်နွှဲ ပြုလုပ်ကြပါသည်

🙏🙏🙏🙏🙏

#‌လေးစားစွာဖြင့်
Suu Pan Hinnsi ပူဇော်ပါသည်
🌹🌹🌹🌹🌹🌹🌹

13/06/2022

https://fb.watch/dD2txe3W3T/

13/06/2022

" နယုန်လပြည့် မဟာသမယ အခါတော်နေ့ "

ဘုရားရှင်၏ လေးဆယ့်ငါးဝါ ခရီးတာတွင် နယုန်လပြည့်နေ့သည် ထူးခြားသည့် နေ့တစ်နေ့ဖြစ်သည်။ ဗုဒ္ဓဘာသာ၀င်တို့အဖို့ ငြိမ်းချမ်ရေး မှတ်တိုင် စိုက်ထူနိုင်သော သမိုင်း၀င် နေ့ထူးနေ့မြတ်ကြီးဖြစ်၏…။
မြတ်စွာဘုရားသည် ကပ္ပိလ၀တ်ပြည် မဟာဝုန်တောကြီး အတွင်း မဟာသမယသုတ်တော် ဟောကြားတော်မူသည်ကို အကြောင်းပြု၍ နယုန်လပြည့်နေ့၌ မဟာသမယအခါတော်နေ့အဖြစ် ကျင်းပကြသည်။

အိန္ဒိယနိုင်ငံ ကပိလ၀တ်ပြည်မှ လယ်သမားများနှင့် ကောလိယပြည်မှ လယ်သမားတို့ ရောဟဏီမြစ်ရေကို အကြောင်းပြု၍ နှစ်ဖက်နိုင်ငံမှ စစ်သည်များ ၊ မင်းညီမင်းသားများ ၊ ရောဟဏီမြစ်ရှိရာသိူ့ရောက်လာကြ၏ တုတ်၊ ဓား ၊လက်နက် ကိုင်ဆောင်၍ ထိုးခုတ် တိုက်ခိုက်ကြမည့် အခြေအနေသို့ ရောက်ရှိနေ၏ ထိုနေ့ နံနက်စောစောတွင် ဘုရားရှင်သည် ဝေနေယျတို့အား ခြေချွတ်ရန် သဗ္ဗညုတ ရွှေဥာဏ်တော်ကို ကွန်ယက်ဖြန့်ကြက် ကြည့်ရှုတော်မူသည့်အခါ ရောဟဏီမြစ်ကမ်းတွင် ကောလိယနှင့်ကပိလ သူစိမ်းမဟုတ်သောဆွေမျိုးများ ..ရေ..ကြောင့် စစ်ပွဲကြီး ဆင်နွဲတိုက်ခိုက်ရန် တာစူနေသည်ကို သိမြင်တော်မူ၏..။ ဘုရားရှင်သည် ကောင်းကင်ခရီးဖြင့် ကြွချီတော်မူ၍ နှစ်ပြည်ထောင် မင်းညီ မင်းသားများအား မေတ္တာရှေ့ထား တရားရေအေးတိုက်ကျွေးတော်မူ၏…။

၀က်ဝံနှင့် ရုက္ခစိုးနတ်တို့ ရန်ငြိုးဖွဲ့၍ နှစ်ဦးစလုံးသေဆုံးသော …".ဖန္ဒနဇာတ် "…၊ မြေပြိုပါပြီဟု ထင်ကြေးဖြင့် အော်ဟစ်ပြေးသောယုန်၏စကားကို ယုံမှား၍ တိရိစ္ဆာန်များ ဒုက္ခရောက်ပုံ …".ဒုဒ္ဒဇာတ်".. အားသေးသောနှံစုတ်ငှက်က အားကြီးသောဆင်ပြောင်ကြီးကို အနိုင်ယူပုံ " လဠုကိကဇာတ် " စိတ်၀မ်းကွဲသောငုံးငှက်များ မုဆိုးပိုက်ကွန်၌ အမိခံရပုံ .".သမ္မောဒမာန ဇာတ်"…၊ သစ်ပင်များပင် တစ်စုတဝေးတည်းရှိနေ၍ အန္တရာယ်မှ ကင်းဝေးပုံ…"..ရုက္ခဓမ္မဇာတ်.".၊ မိမိကိုယ်ကို ထိန်းသိမ်းဆုံးမသော …"..အတ္တဒဏ္ဍ."...သုတ်တော်တို့ကို ဥပမာ ထုတ်ဆောင်၍ ဟောပြောဆုံးမတော်မူ၏..။ ထိုအခါ နှစ်ပြည်ထောင် စလုံးသည် ဒေါသမီးများ ငြိမ်းကာ လက်နက်များကို စွန့်ပယ်၍မေတ္တာဓါတ်များသက်၀င်လာကြသည်..။

နှစ်ပြည်ထောင်မှ မင်းသားငါးရာတို့သည် ဘုရားရှင်၏ အဆုံးအမကိုခံယူ၍ သာသနာ့ဘောင်သို့ ၀င်ရောက်ပြီး ရဟန်းပြုကြ၏ ထို စစ်သည် ၅၀၀တို့ ဘုရားရှင်၏ တရားတော်ကို နာကြားရပြီးသည့်အခါ ရဟန္တာများ ဖြစ်ခဲ့ကြသည် ထိုနေ့သည် နယုန်လပြည့်နေ့ဖြစ်သည်..။

ဘုရားရှင်သည် ထို ရဟန္တာငါးရာနှင့် ကုဏ္ဍလရေအိုင်မှ မဟာ၀ အမည် ရှိသော တောမြိုင်ခရီးကို ဆက်ခဲ့၏..။ မဟာဝုန် တောကြီးအတွင်း သာယာကြည်နူးဖွယ်နေရာတစ်ခုတွင်..နားနေတော်မူသည်..။ ထိုအချိန်တွင် လ၀န်းကြီးက ပြည့်ပြည့်၀၀ထွက်ပေါ်လာ၍ သာယာတင့်မောလှသည်..။ မရေမတွက်နိုင်အောင် များပြားသည့် နတ် ၊ ဗြဟ္မာများ အစုလိုက် အဖွဲ့လိုက် ဘုရားရှင်အားလာရောက်ဖူးမြော်ကြ၏..။ ထိုအခါ ဘုရားရှင်သည် ရဟန္တာ ၅၀၀အား နတ်ဗြဟ္မာတို့အကြောင်း အတ္ထုပတ္တိကိုထုတ်ဖေါ် ဟောကြားခဲ့၍ "..မဟာသမယသုတ်.."..ပေါ်ပေါက်လာခဲ့ရသည်..။

ထိုနယုန်လပြည့်နေ့တွင် ရောက်လာကြသည့် နတ်ဗြဟ္မာအပေါင်းတို့အားလည်း သံသရာမှ လွတ်မြောက်စေနိုင်သည့် "စရိုက်ခြောက်ပါး" တရားတော်ကို ဟောကြားတော်မူခဲ့သည်..။

"နယုန်လ အကြောင်း သိကောင်းစရာများ "

လ အမည် … နယုန်လ
ရာသီအမည် … မေထုန်ရာသီ
စန်းပြည့်နက္ခတ် … ဇေဋ္ဌ နက္ခတ် လနှင့်ယှဉ်ပြိုင်ထွန်း
နေ့နက္ခတ် … ဘဒြနက္ခတ် နေနှင့်ယှဉ်ပြိုင်
ယှဉ်တာရာ … မြင်းတာရာ
ရာသီရုပ် … လူပျို - အပျိုရုပ်
ရာသီပန်း … စံပယ်ပန်း ၊ မြတ်လေးပန်း
ရာသီပွဲ … စာပြန်ပွဲ
နေ့နာရီ … ၃၄
ညဉ့်နာရီ … ၂၆
မွန်းတည့်ဖဝါး … ၁
ရက်ရာဇာ … အင်္ဂါ
ပြဿဒါး … တနင်္ဂနွေ၊ တနင်္လာ

" နယုန်မာသ မေထုန်ကျ ဇေဋ္ဌ ရောင်စုံကျင်း
စံပယ် မြတ်လေး ရနံ့မွှေး စာမေးသဘင်ခင်း "

14/05/2022

https://www.facebook.com/110276613894772/posts/518944306361332/

14/05/2022

ခုလို
ကဆုန်လပြည့်
လွန်ခဲ့တဲ့ လေးအသင်္ချေနဲ့
ကမ္ဘာတစ်သိန်းဆီက
ဒီပင်္ကရာ မြတ်စွာဘုရားရှင်ဟာရဟန္တာလေးသိန်းခြံရံပြီး
ရမ္မာ နေပြည်တော်ကိုကြွအလာ
လမ်းညီညာကောင်းမွန်စေဖို့ပြင်နေကြတဲ့
မြို့သူမြို့သားတွေနဲ့အတူ
သုမေဓာအမည်ရှိ
အရှင်ရသေ့လည်း
လမ်းပြင်ရင်းဘုရားကြွအလာကိုကြိုဆိုပါဝင်ခဲ့ပါတယ်-

ရွှံ့ညွန်ဗွက်တွေကို
ကိုယ်တိုင်ဖို့ လမ်းပြင်နေစဉ်မှာပဲ
မပြီးဆုံးခင်
ဗုဒ္ဓမြတ်စွာကြွလာတာမို့
ဘုရားရှင်ရဲ့ကျက်သရေတော်ကိုဖူးမြော်လို့
အလွန်ပီတိတွေဖြစ်
ဝမ်းမြောက်ဝမ်းသာစွာ
မြတ်စွာဘုရားနဲ့ ရဟန္တာတွေကို
ရွှံညွန်တွင်းမနင်းစေပဲ
မိမိအပေါ်မှာသာနင်း
ကြွမြန်းတော်မူဖို့
အရှင်ရသေ့ဟာ
တံတားခင်းဝပ်စင်းပေးတော်မူပါတယ်-

ဦးခေါင်းရင်း
ဘုရားရှင်ရောက်တော်မူတဲ့အခါ
ငါသည် တစ်ကိုယ်ရေတစ်ကာယနဲ့
နိဗ္ဗာန်ကိုအလိုရှိရင်
အခုပင်
ကိလေသာ အာသဝေါတို့ကုန်ခန်းရဟန္တာဖြစ်ပါလည်း
အို၊နာ၊သေရေး
ဒုက္ခဘေးတို့နဲ့နစ်မွန်းမျောပါနေကြရှာသော
သတ္တဝါတို့ကိုကယ်တင်နိုင်လောက်တဲ့စွမ်းရည်သတ္တိရှိသူတစ်ယောက်က
မကယ်မယူလျစ်လျူရှုပစ်ထား ကိုယ်လွတ်ရုန်းသွားပါကတရားနည်းလမ်းကျမည်မဟုတ် လို့
သတ္တဝါတွေအပေါ်
အလွန်သနားတော်မူ
မဟာကရုဏာတော်အားကြီးစွာဖြင့်
သုမိတ္တာအမျိုးသမီးဆက်ကမ်းတော်မူတဲ့ ကြာပန်း၅စည်းနဲ့ဘုရားရှင်ကိုလှူ
ဘုရားဆုကိုပန်တော်မူပါတယ်-

မှတ်မှတ်ရရ ဂိမာန်ရာသီ
ညအခါ
လပြည့်ဝင်းကြီးသာမယ့်နေ့
ဒီပင်္ကရာဘုရားရှင်
ခြေတော်ရင်းမှာ
ဂေါတမ ဗုဒ္ဓါလောင်းဟာ
ဘုရားအဖြစ်
နိယတ ဗျာဒိတ် ခတ်နှိပ်တော်မူ
ခံယူခဲ့တာဖြစ်ပါတယ်-
*

သံသရာရေအလျဉ်မှာ
ဒါန၊သီလ၊နကခွမမွေ၊ပညာ၊ဝီရိယ၊ခနတွီ၊သစစွာ၊အဓိဌာနှ၊
မတျတော၊ဥပကျခော
ပါရမီဆယ်ပါး၊
မျက်စိ၊နား၊နှာအင်္ဂါခြေလက်
အပျက်စီးခံဖြည့်ကျင့်တော်မူတဲ့ဥပပါရမီ၊
အသက်ကိုပင်မငဲ့ညှာတဲ့
ပရမတ်တပါရမီ၊
အရင်ပါရမီဆယ်မျိုးကို
ထိုသုံးမျိုးနဲ့မြှောက်ပါရမီ၃၀
တော်ကို
ကမ္ဘာပေါင်းများစွာသင့်တော်ရာထူးထူးခြားခြားဖြည့်ကျင့်
တော်မူခဲ့ပြီး
အခုဘဒ္ဒကမ္ဘာမှာ...

ဘုရားအဖြစ်ကိုရောက်ရှိတော်မူဖို့
ခမည်းတော်
ကပိလဝတ်ပြည့်ရှင်
ဘုရင်သုဒ္ဓေါဒနမင်းကြီး နဲ့ ခတ္တိယမင်းမျိုးနွယ်မယ်တော်
သီရိမဟာမာယာဒေဝီတို့ကနေ
မဟာသက္ကရာဇ် ၆၈-ခု
ကဆုန်လပြည့် သောကြာနေ့
မယ်တော်မာယာရဲ့
ဆွေမျိုးတွေရှိရာ ဒေဝဒဟကိုအသွား
ကပိလဝတ်တု နဲ့ဒဝေဒဟကြားက
လုမ္ဗိနီအင်ကြင်းတောအတွင်း
မှာ
ဘုရားအလောင်းတော်ဟာ
ဖွားမြင်သန့်စင်တော်မူခဲ့တာဖြစ်ပါတယ်-
*

ပါရမီတော်အစုံကို
လုံးဝဥဿုံပြည့်စုံပြီးမြောက်ခဲ့တဲ့
ဘုရားအလောင်းတော်ဟာ
၂၉နှစ်အရွယ်တောထွက်
၆နှစ်ပတ်လုံး ဒုက္ကရစရိယာကျင့်လို့
တရားထူးမရနိုင်သည်ကိုသိပြီး
၃၅နှစ်အရွယ်
မဟာသက္ကရာဇ် ၁၀၃-ခု
ကဆုန်လပြည့်နေ့
သေနနိဂုံးသူ သူဌေးကတော်
သုဇာတာကပ်တဲ့
နို့ဃနာဆွမ်းကိုရွှေခွက်ပါခံယူတော်မူ
နေရဉ္ဇရာမြစ်ကမ်းမှာ
၄၉လုတ်မျှဘုဉ်းပေးတော်မူပြီး
ယနေ့ ဘုရားဖြစ်မည်မှန်ရင်
ဤရွှေခွက်သည်ရေညာသို့ဆန်တက်စေသား
လို့အဓိဌာန်မျှောလိုက်တာ
ရွှေခွက်ဟာ
ဝမ်းဘဲအလားရေညာကိုဆန်
ကာဌနဂါးမင်းဗိမာန်တွင်းကို
သက်ဆင်းနစ်မြုပ်ရှေးဘုရားရှင်တို့ရဲ့ရွှေခွက်တို့အောက်မှာတည်ပါတယ်-

နေဉ္ဇရာမြစ်ကမ်း
အင်ကြင်းဥယျာဉ်မှာနေ့အဖို့
သီတင်းသုံးအပြီး
ညနေချိန်မှာ ဥရုဝေလတောအရပ်
ဖွားဖက်တော်
ညောင်ဗုဒ္ဓဟေပင်
မဟာဗောဓိပင်အောက်မှာ
မြက်ရိတ်သမား ပုဏ္ဏား
သုဒ္ဓိယငစင် လှူဒါန်းလိုက်တဲ့
မြက်ရှစ်ဆုပ်ကိုဖြန့်ခင်းလို့
ထက်ဝယ်ဖွဲ့ခွေထိုင်နေတော်မူစဉ်
နွေအခါ
စိမ်းစိုတဲ့မြက်ခင်းပေါ်
အေးမြသာယာတဲ့ဗောဓိညောင်ပင်ရိပ်မှာ
ဘုရားမဖြစ်သမျှ
ဤထက်ဝယ် တင်ပလ္လင်ကို
မဖျက်တော့အံ့လို့အဓိဌာန်စံတော်မူတဲ့အခါ
သိကြား၊နတ်၊ဗြဟ္မာတို့လည်း
သောင်းသောင်းဖြဖြ
ကောင်းချီပေးတော်မူပါတယ်-

ပါရမီဘုန်းကံတော်အရှိန်အဟုန်ကြောင့်
ပေါ်ထွန်းလာတဲ့
မြက်ရှစ်ဆုပ်ဖြန့်ခင်းလို့
၁၄တောင်အကျယ်ရှိတဲ့
အပရာဇိတ ပလ္လင်အထက်မှာ
နေမဝင်မီ
ဒေဝပုတ္တမာရ်နတ်ကိုအောင်မြင်ပြီး
ရှေးကာလအဖြစ်ကိုသိမြင်တတ်တဲ့
ပုဗ္ဗေနိဝါသနုဿတိဉာဏ်ကို
ညဉ့်ဦးယံမှာ၊
နတ်တို့ရဲ့မျက်စိနဲ့တူတဲ့ဒိဗ္ဗစက္ခုဉာဏ်ကို
သန်းခေါင်ယံမှာ၊
အာသဝေါတရားလေးပါးတို့ကုန်ခြင်းကိုပြုတတ်တဲ့
အာသဝက္ခယဉာဏ်ကို
မိုးသောက်ယံမှာရတော်မူ
လောကသုံးပါးမှာ
အတူမရှိ
အတုမရှိတဲ့
အနေကဇာတိသံသာရံ
ဘုရားဖြစ်ကြောင်းထုတ်ဖော်
မိန့်မြွက်တဲ့ ဥဒါန်းကိုကျူးရင့်
အနွယ်အားဖြင့်
(ဂေါတ္တ)ကိုစွဲမှီ
ဂေါတမဘုရားရှင်ရယ်လို့
သမ္မာသမ္ဗုဒ္ဓဘုရားအဖြစ်ကို
ရောက်တော်မူခဲ့ပါတယ်-
*

မြတ်ဗုဒ္ဓဟာ
ဘုရားဖြစ်တော်မူပြီး
(၄၅)ဝါ ကာလပတ်လုံး
သတ္တဝါ ဝေနေယျတွေကို
သံသရာဝဋ်ဆင်းရဲဒုက္ခ
အပေါင်းကလွတ်မြောက်ဖို့
ကောင်းမြတ်တဲ့လမ်းညွှန်မှုတွေကို
နေ့မအား
ညမနား
မဟာကရုဏာတော်ရှေ့ထား
ဟောပြဆုံးမတော်မူအပြီး

မဟာသက္ကရာဇ် ၁၄၈-ခု
ကဆုန်လပြည့်နေ့
ပူပြင်းတဲ့နွေရာသီ
ဣသိနာရုံအင်ကြင်းတောတစ်ခုလုံးမှာ
အချိန်အခါမဟုတ်
အင်ကြင်းပန်းတွေ တပင်လုံး
ဝေဆာဖူးပွင့်ပြီး
မန္ဒာရဝခေါ်တဲ့နတ်ပန်းရနံ့တွေနဲ့ရောယှက်သင်းပျံ့လို့
မိုးသောက်ယံရောက်တဲ့အချိန်
မြတ်စွာဘုရားဟာ
"'ရုပ်ဓမ္မ၊နာမ်ဓမ္မ
သင်္ခါရတရားတို့သည်
ပျက်စီးတတ်သောသဘောရှိ၏
မမေ့မလျော့၊မပေါ့ဆဘဲ
သတိမြဲကြ၊သတိနဲ့ပြည့်စုံအောင်နေကြ၊
သတိတရားလက်ကိုင်ထားကြကုန်လော့"'
ဆိုတဲ့
သတိပေးဆုံးမစကားကို
နာကြားမိန့်တော်မူပြီးတဲ့နောက်
ဈာန် သမာပတ်
ကြိမ်ဖန်များစွာဝင်စား
အာရုဏ်တက်ခါနီး
လပြည့်ကျော်တစ်ရက်ကို
မကူးမီ
ကဆုန်လပြည့်နေ့မှာ
ပရိနိဗ္ဗာန်စံဝင်တော်မူခဲ့ပါတယ်-
*
မြတ်စွာဘုရားနဲ့စပ်လျဉ်းလို့
ဒီပင်္ကရာဘုရားရှင်ထံမှာ
အလောင်းတော်သုမေဓာရှင်ရသေ့
ဘုရားအဖြစ်ကို
ဗျာဒိတ်ခံယူတော်မူတဲ့နေ့-

အလောင်းတော်သိဒ္ဓတ္ထဖွားမြင်တော်မူတဲ့နေ့-

ဗောဓိပင်ရင်း အပရာဇိတပလ္လင်တော်ပေါ်မှာ
ဘုရားအဖြစ်ရတော်မူတဲ့နေ့-

ကုသိနာရုံအင်ကြင်းရဂုံမှာ
မြတ်စွာဘုရား
ပရိနိဗ္ဗာန်စံဝင်တော်မူတဲ့နေ့-

ဗျာဒိတ်၊ဖွားမြင်၊ဗောဓိပင်၊
စံဝင်နန်းနိဗ္ဗာန် လို့အဆိုရှိခဲ့တဲ့
နေ့ထူးနေ့မြတ်ဗုဒ္ဓနေ့ဟာ
ဒီနေ့ ၁၄.၅.၂၀၂၂
စနေနေ့မှာကျရောက်ပါတယ်-

ဘုရားတစ်ဆူဖြစ်ဖို့အင်မတန်ခဲယဉ်းမှုတွေကနေ
ပွင့်လာတဲ့ဘုရားတစ်ဆူရဲ့သာသနာ‌တော်နဲ့လည်း
အခုအခါ
တွေ့ကြုံနေကြတာမို့
အခွင့်သာခိုက်လုံ့လစိုက်ပြီးမြတ်စွာဘုရားအဆုံးအမ
ဒါန၊သီလ၊ဘာဝနာ
ဝိပဿနာတရားတွေနဲ့
ကယ်တင်မည် လို့မဟော
ကိုယ်တိုင်ကျင့်လို့ဟောခဲ့တဲ့
မြတ်ဗုဒ္ဓလမ်းစဉ်နဲ့အညီ
ဗုဒ္ဓနေ့မှာ
အဆင့်မြှင့်ပြီး
နေထိုင်ကြရင်ဖြင့်
မြတ်ဗုဒ္ဓရဲ့
အနှိုင်းမဲ့ကျေးဇူးတော်၊
ဂုဏ်တော်တွေကို
မြတ်မြတ်နိုးနိုးရှိခိုးပူဇော်ရာရောက်ပါတယ်-

ထူးကဲတဲ့နေ့မို့
တစ်ရက်တည်းဆိုပေမယ့်
ကုသိုလ်တွေနဲ့နေတတ်ရင်
ပါရမီ အမြတ်တွေထွက်ပါတယ်_