02/08/2023
📦Supply Chain ဆိုတာဘာလဲ📦
Supply Chain ဆိုတာကို အတိုချုပ်အားဖြင့်ပြောရမယ်ဆိုရင် စီစဉ်ကွပ်ကဲခြင်း(planning)၊ အရင်းအနှီးရှာဖွေခြင်း(sourcing)၊ ထုတ်လုပ်ခြင်း(manufacturing) နဲ့ နောက်ဆုံး ဝယ်ယူသုံးစွဲသူ(consumers) ဆီကိုပေးပို့ခြင်း စတဲ့လုပ်ငန်းစဉ်တစ်ခုလုံးကို Supply Chain လို့ခေါ်ပါတယ်။
Supply Chain မှာ အဓိက အချက်အချာကျတဲ့ ပါဝင်သူတွေ တစ်နည်း key player တွေကတော့ supplier, manufacturer, distributors, retailers နဲ့ customers တွေဖြစ်ပါတယ်။
Supply Chain မှာပါဝင်တဲ့ key player တစ်ဦးချင်းစီရဲ့ အရေးပါဝင်မှုကို ပြောပြပါမယ်။
Suppliers
Suppliers တွေဟာဆိုရင် supply chain တစ်ခုလုံးရဲ့ ပင်မကျောရိုးတစ်ခုလို့ ဆိုလို့ရပါတယ်။ သူတို့က ကုန်ပစ္စည်းတစ်ခု အပြီးသတ်ထုတ်လုပ်နိုင်ဖို့အတွက် လိုအပ်တဲ့ ကုန်ကြမ်းပစ္စည်းတွေကို ထောက်ပံ့ပေးပါတယ်။ Manufacturer တသ်ယောက်အနေနဲ့ဆိုရင် အရည်အသွေးမြင့်ပစ္စည်းတစ်ခုထုတ်လုပ်နိုင်ဖို့အတွက် မိမိရဲ့ suppliers တွေနဲ့ relationship တစ်ခုကောင်ကောင်းမွန်မွန် တည်ဆောက်ထားဖို့အရေးကြီးပါတယ်။
Manufacturers
Manufacturers သို့မဟုတ် producers တွေကတော့ suppliers တွေဆီက ရရှိလာတဲ့ ကုန်ကြမ်းပစ္စည်းတွေကို အသုံးချပြီး အရေသွေးမြင့် ကုန်ပစ္စည်းတစ်မျိုးရရှိလာအောင် ဆောင်ရွက်ပေးပါတယ်။ သူတို့က ထုတ်လုပ်ရေးလုပ်ငန်းစဉ်တစ်ခုလုံး အပြင် ထုတ်လုပ်ပြီးတဲ့ ကုန်ပစ္စည်းရဲ့ အရည်အသွေးနဲ့ လုပ်ဆောင်နိုင်စွမ်း (quality and efficiency) အတွက်ပါ တာဝန်ယူရပါတယ်။ Manufacturer ရဲ့ တီထွင်နိုင်မှု နဲ့ market demand အပေါ်မှာ ပြောင်းလဲဖန်တီးနိုင်မှုဟာ supply chain တစ်ခုလုံးကိုပြောင်းလဲပေးနိုင်ပါတယ်။
Distributers/Wholesalers
Distributers တစ်နည်းအားဖြင့် Wholesalers တွေက manufacturers နဲ့ retailers ကြားမှာ ကြားခံတစ်ခုအနေနဲ့ ရပ်တည်ပေးပါတယ်။ Manufacturers တွေဆီကနေ ကုန်ပစ္စည်းတွေကို နဲ့ မှာယူပြီးတော့ retailers တွေဆီကို ပြန်လည်ဖြန့်ချီပေးပါတယ်။ Distributors တွေက ပြည်ပဈေးကွက်က ပစ္စည်းကိုမှာယူပေးပြီး ပြည်တွင်းမှ retailers ဆွေကတစ်ဆင့် customers ဆီကိုရောင်းချပေးပါတယ်။
Retailers
Retailers ဆိုတာက supply chain ရဲ့ final link လေးတစ်ခုဖြစ်ပါတယ်။ Customers တွေနဲ့ တိုက်ရိုက်ထိတွေ့ရတဲ့အဆင့်လဲ ဖြစ်တယ်။ Retailers တွေက ကုန်ပစ္စည်းတွေကို physical stores ဒါမှမဟုတ် online platform ပေါ်မှတစ်ဆင့် consumers တွေဆီကို ရောင်းချကြပါတယ်။ ကုန်ပစ္စည်းတစ်ခုရဲ့ ဝယ်လိုအားက retailers တွေရဲ့ ရောင်းချနိုင်စွမ်း နဲ့ customer ကိုဘယ်လိုဆွဲဆောင်နိုင်မလဲ ပေါ်မှာ မူတည်နေပါတယ်။
Customers
Customers တွေကတော့ supply chain ရဲ့ အရေးကြီးဆုံး key player တစ်ခုဖြစ်ပါတယ်။ သူတို့ရဲ့ ဝယ်ယူမှုပုံစံ(purchasing behaviours)၊ နှစ်သက်မှု(preferences)နဲ့ တောင်းဆိုချက်(demands) တွေဟာ supply chain တစ်ခုလုံးရဲ့ လုပ်ငန်းစဉ်မှာ အလွန်အရေးကြီးပါတယ်။ Supply chain business တစ်ခုအောင်မြင်ဖို့အတွက်ဆိုရင် customers တွေရဲ့ တောင်းဆိုမှုနဲ့ လိုအပ်ချက်တွေကို နားလည်နိုင်အောင် ကြိုးစားဖို့လိုအပ်ပါတယ်။
Supply chain မှာ တစ်ခြားအရေးပါတဲ့ key components တွေလဲရှိပါသေးတယ်။ အဲ့ဒါတွေကတော့ Logistics and Transportation Companies, Third-Party Logistics (3PL) Providers, Technology and Software Providers နဲ့ Regulatory Authorities တို့ဖြစ်ပါတယ်။
Logistics and Transportation Companies
Logistics ဆိုတာကတော့ ကုန်ပစ္စည်းတစ်ခုကို တစ်နေရာကနေ တစ်နေရာကို ပို့ဆောင်ပေးခြင်းဖြစ်ပါတယ်။ ကုန်ပစ္စည်းတွေကို တစ်မြို့ကနေ တစ်မြို့ တစ်နိုင်ငံကနေ တစ်နိုင်ငံ ပို့ဖို့အတွက်က Logistics နဲ့ Transportation company တွေရဲ့ တာဝန်တစ်ခုဖြစ်ပါတယ်။ အသုံးများဆုံး Logistics တွေကတော့ ကုန်းလမ်း၊ ရေလမ်း၊ မီးရထားလမ်းနဲ့ လေကြောင်းလမ်းတွေ ဖြစ်ပါတယ်။
Third-Party Providers
Logistics service ပေးတဲ့ Third-Party ကုမ္ပဏီတွေကလည်း supply chain လုပ်ငန်းစဉ်မှာပါဝင်တတ်ကြပါတယ်။ တစ်ချို့ third-party providers တွေဆိုရင် shipping ကနေ door to door services ပေးနိုင်လောက်တဲ့ထိ လုပ်ပေးနိုင်ကြပါတယ်။
Technology and Software Providers
Supply chain မှာခေတ်မီနည်းပညာတွေလဲ သုံးနေတာကိုတွေ့နိုငိပါသေးတယ်။ POS systemတွေ သုံးပြီး ပစ္စည်း stock နဲ့ ရောင်းအားတွေကို လေ့လာခန့်မှန်းနိုင်ပါတယ်။ Social media တွေသုံးပြီး ပစ္စည်းတွေကိုကြေညာနိုင်တယ်။ ဒါပြင့် ပစ္စည်းမှာယူတဲ့အခါမှာလည်း မှာလိုက်တဲ့ပစ္စည်းက ဘယ်နေရာ ဘယ်အဆင့်ကိုရောက်နေပြီလဲ warehouse ကိုရောက်နေပြီလား shipping လုပ်လိုက်ပြီလား အစဖြင့် tracking လုပ်နိုင်ပါတယ်။
Supply chain မှာပါဝင်တဲ့ key player တိုင်းဟာ ကိုယ့်ရဲ့ တာဝန်နဲ့ လုပ်ဆောင်နိုင်စွမ်းဟာ supply chain တစ်ခု ချောချောမွေ့မွေ့နဲ့ အောင်မြင်သွားနိုင်ဖို့အတွက် အလွန်အရေးပါပါတယ်။
Image Source: Freepik
