31/10/2023
သုဇာတာက အထည်ဆန်းလေးကို ဝတ်ပြီး သိကြားမင်း ရှေ့မှာ ကိုယ်လုံးလေး လှည့်ပြတယ်။
“သုဇာဝတ်ထားတာ လှရဲ့လားဟင်”
“လှလိုက်တာ သာဓု… သာဓု… သာဓု…”
နတ်သမီးတစ်စု ရောက်လာကြ။
“မောင်တော် လာမယ့် စနေနေ့ကျရင် စိတ္တလတာဥယျာဉ်ကို ပျော်ပွဲစား ထွက်ရအောင်”
“အေး သွားကြတာပေါ့၊ သာဓု သာဓု သာဓု”
အဲဒီအချိန် ကုသိုလ်ကြီးတဲ့ နတ်သားတစ်ဦး ရောက်လာလို့ မာတလိက လာပြီး မိတ်ဆက်ပေးတယ်။
“အရှင်သိကြားမင်း....”
“အေး အေး သာဓု သာဓု သာဓု”
“ဟောသည်မှာ....”
“အေး သာဓု သာဓု သာဓု”
“နတ်သားသစ် တစ်ယောက် ရောက်လာပါတယ်ခင်ဗျာ”
“အေး သာဓု သာဓု သာဓု, ဘယ့်နှယ်လဲ, သာဓု သာဓု သာဓု အဆင်ပြေရဲ့လား သာဓု သာဓု သာဓု”
“အဆင်ပြေပါတယ် သိကြားမင်းကြီးခင်ဗျာ”
“အေး သာဓု သာဓု သာဓု”
နတ်သားသစ်က မျက်မှောင်ကြုတ်ပြီး မေး။
“အရှင်သိကြားမင်းခင်ဗျာ၊ ဘာလို့များ သာဓု ခေါ်နေပါသလဲ”
“ဪ ဒါလား၊ ငါ့ကွာ၊ ဗမာပြည်ကနေ အမျှဝေနေကြလို့ သာဓုခေါ်ပေးနေရတာပါဟ၊ မင့်ရှင်းပြနေရတာနဲ့ သာဓု ၅-ကြိမ်လောက် လွတ်သွားပြီ၊ နောက်မှ တွေ့ရအောင်ကွာ၊ သာဓု သာဓု သာဓု”
အဲဒီအချိန် နတ်အိမ်ဖော်မလေးတစ်ဦး ရောက်လာ။
“အရှင်သိကြားမင်း နတ်သုဒ္ဓါသုံးဆောင်ချိန် ရောက်ပါပြီရှင့်”
သိကြားမင်း။
“အေး ကောင်းကွာ၊ သာဓု သာဓု သာဓု၊ နေဦး သာဓု သာဓု သာဓု တခါတည်း ဝင်စားသွားလိုက်လေ သာဓု သာဓု သာဓု”
နတ်သားသစ်။
“ကောင်းပါ့ခင်ဗျာ”
နတ်သုဒ္ဓါ ထမင်းဝိုင်း။
သိကြားမင်းရဲ့ သာဓုသံက သောသောညံ…
“ဟိုဘက်က ဟင်းခွက်လေး သာဓု သာဓု သာဓု… ကမ်းလိုက်စမ်းပါဦး သာဓု သာဓု သာဓု”
Crd # Uvi Mala
မူရင်းရေးသားသူအား လေးစားသောအားဖြင့် Link ကို First Cmt မှာ မန့်ပေးထားပါတယ်ဗျ။
