EcoBalance Strategy and Solution - EBSS

EcoBalance Strategy and Solution - EBSS Academic, technical and nature-based solution for natural resources and environmental projects

ဘလူးကာဗွန် (𝐁𝐥𝐮𝐞 𝐂𝐚𝐫𝐛𝐨𝐧)ပင်လယ်ကမ်းရိုးတန်းနဲ့ အဏ္ဏဝါဂေဟစနစ်တွေမှာ သိုလှောင်ထားတဲ့ ကာဗွန် (Carbon) ကို ဘလူးကာဗွန် (Blue C...
19/01/2026

ဘလူးကာဗွန် (𝐁𝐥𝐮𝐞 𝐂𝐚𝐫𝐛𝐨𝐧)

ပင်လယ်ကမ်းရိုးတန်းနဲ့ အဏ္ဏဝါဂေဟစနစ်တွေမှာ သိုလှောင်ထားတဲ့ ကာဗွန် (Carbon) ကို ဘလူးကာဗွန် (Blue Carbon) လို့ခေါ်ပါတယ်။
ဒီရေတော၊ ဒီရေရောက်စိမ့်မြေတွေနဲ့ ပင်လယ်မြက်ခင်းပြင်လို ကမ်းရိုးတန်း ဂေဟစနစ်တွေဟာ တောင်ပေါ်ဒေသ သစ်တောသစ်ပင်တွေထက် ကာဗွန် (Carbon) ကို ပိုမိုဖမ်းယူသိုလှောင်နိုင်စွမ်းရှိတာကြောင့် ရာသီဉတုပြောင်းလဲမှုကို လျှော့ချတဲ့နေရာမှာ အလွန်ပဲအရေးပါလာပါတယ်။
ဒီဂေဟစနစ်တွေဟာ မုန်တိုင်းလိုမျိုး သဘာဝဘေးအန္တရာယ်တွေကို ကာကွယ်ပေးတာ၊ ကမ်းရိုးတန်းကို မှီခိုနေထိုင်တဲ့ ဒေသခံတွေအတွက် အစားအသောက်ပေါများစေတာ စတဲ့ အကျိုးကျေးဇူးတွေကိုလည်း ပေးစွမ်းနိုင်ပါတယ်။
မြို့ပြစီမံကိန်းတွေ ချဲ့ထွင်တာ၊ ဒီရေတောတွေ အလွန်အကျွံ ခုတ်လှဲခံရတာ စတဲ့ အမျိုးမျိုးသော အကြောင်းတရားတွေကြောင့် ဒီဂေဟစနစ်တွေဟာ အတန်းအစားကျဆင်းသွားတာ (ဒါမှမဟုတ်) လုံးဝပျက်စီးသွားတဲ့အခါမှာတော့ ကာဗွန် (Carbon) ကို စုပ်ယူသိုလှောင်နိုင်စွမ်း မရှိတော့တဲ့အပြင် သိုလှောင်ပြီးဖြစ်တဲ့ ကာဗွန် (Carbon)တွေကိုပါ လေထုထဲကို ပြန်လည်ထုတ်လွှတ်တာကြောင့် ရာသီဉတုပြောင်းလဲမှုကိုဖြစ်စေတဲ့ ကာဗွန်ဒိုင်အောက်ဆိုဒ် (CO₂) emission ဖြစ်စဉ်အပေါ်ပါသက်ရောက်မှုကြီးမားစေပါတယ်။
ဒါကြောင့် ကမ်းရိုးတန်းဒေသတွေကို ထိန်းသိမ်းကာကွယ်ဖို့ အလွန်ပဲအရေးကြီးပါတယ်။
ကိုးကား_ iucn.org

𝐌𝐲𝐚𝐧𝐦𝐚𝐫’𝐬 𝐩𝐚𝐫𝐭𝐢𝐜𝐢𝐩𝐚𝐭𝐢𝐨𝐧 𝐢𝐧 𝐭𝐡𝐞 𝐀𝐫𝐭𝐢𝐜𝐥𝐞 𝟔.𝟒 𝐦𝐞𝐜𝐡𝐚𝐧𝐢𝐬𝐦 𝐮𝐧𝐝𝐞𝐫 𝐭𝐡𝐞 𝐏𝐚𝐫𝐢𝐬 𝐀𝐠𝐫𝐞𝐞𝐦𝐞𝐧𝐭မြန်မာဟာ ပါရီသဘောတူညီချက် Article 6.4 (PAC...
14/01/2026

𝐌𝐲𝐚𝐧𝐦𝐚𝐫’𝐬 𝐩𝐚𝐫𝐭𝐢𝐜𝐢𝐩𝐚𝐭𝐢𝐨𝐧 𝐢𝐧 𝐭𝐡𝐞 𝐀𝐫𝐭𝐢𝐜𝐥𝐞 𝟔.𝟒 𝐦𝐞𝐜𝐡𝐚𝐧𝐢𝐬𝐦 𝐮𝐧𝐝𝐞𝐫 𝐭𝐡𝐞 𝐏𝐚𝐫𝐢𝐬 𝐀𝐠𝐫𝐞𝐞𝐦𝐞𝐧𝐭

မြန်မာဟာ ပါရီသဘောတူညီချက် Article 6.4 (PACM) မှာ တက်ကြွစွာ ပူးပေါင်းဆောင်ရွက်နေတာကို တွေ့ရှိရပါတယ်။ မြန်မာနိုင်ငံအနေနဲ့ ယနေ့အချိန်အထိ PACM မှာ စီမံကိန်း ၈ ခုတင်ထားပြီး ၂ ခုဟာဆိုရင် register ဖြစ်နေပါပြီ။ 𝐏𝐨𝐀 𝟏𝟎𝟔𝟏𝟓 𝐂𝐨𝐨𝐤𝐬𝐭𝐨𝐯𝐞 𝐏𝐫𝐨𝐣𝐞𝐜𝐭 ဟာဆိုရင် CDM ကနေ PACM ကို ကူးပြောင်းတဲ့ စီမံကိန်း တစ်ခုဖြစ်ပြီး PACM ရဲ့ ပထမဦးဆုံး အတည်ပြုတဲ့ စီမံကိန်း ဖြစ်ပါတယ်။
စီမံကိန်း ၈ ခုမှာဆိုရင်
- 𝐂𝐨𝐨𝐤𝐬𝐭𝐨𝐯𝐞𝐬 𝐏𝐫𝐨𝐣𝐞𝐜𝐭𝐬
- 𝐇𝐲𝐝𝐫𝐨𝐩𝐨𝐰𝐞𝐫 𝐏𝐫𝐨𝐣𝐞𝐜𝐭
- 𝐋𝐚𝐧𝐝𝐟𝐢𝐥𝐥 𝐌𝐞𝐭𝐡𝐚𝐧𝐞 𝐑𝐞𝐜𝐨𝐯𝐞𝐫𝐲 𝐏𝐫𝐨𝐣𝐞𝐜𝐭 တွေနဲ့
- 𝐑𝐞𝐬𝐭𝐨𝐫𝐚𝐭𝐢𝐨𝐧 𝐨𝐟 𝐃𝐞𝐠𝐫𝐚𝐝𝐞𝐝 𝐌𝐚𝐧𝐠𝐫𝐨𝐯𝐞𝐬 𝐏𝐫𝐨𝐣𝐞𝐜𝐭တွေပါဝင်ပါတယ်။

ဒီ စီမံကိန်း ၈ ခုအပြင် Timor-Leste; Cambodia; Lao PDR; Kenya; Ugenda; Norway; Republic of Korea တို့နဲ့ ပူးပေါင်းလုပ်တဲ့ 𝐏𝐨𝐀𝟏𝟎𝟎𝟑𝟎: 𝐇𝐨𝐮𝐬𝐞𝐡𝐨𝐥𝐝 𝐞𝐧𝐞𝐫𝐠𝐲 𝐚𝐩𝐩𝐥𝐢𝐚𝐧𝐜𝐞 𝐩𝐫𝐨𝐠𝐫𝐚𝐦𝐦𝐞 လည်းရှိပါသေးတယ်။

စီမံကိန်းတစ်ခုခြင်းစီရဲ့ အသေးစိတ် အချက်အလက်တွေကို ထပ်မံသိရှိလိုပါက အောက်ဖော်ပြပါ link မှာ အသေးစိတ် ဝင်ရောက်ကြည့်ရှုနိုင်ပါတယ်။

https://unfccc.int/process-and-meetings/the-paris-agreement/paris-agreement-crediting-mechanism/CDM_transition/transition-list

Source: UNFCCC

24/12/2025

Article 6.4 PACM ပူးပေါင်းဆောင်ရွက်မှုတွေအတွက် ဘာတွေ လိုအပ်သလဲ။

Article 6.4 PACM ပူးပေါင်းဆောင်ရွက်မှုတွေအတွက် အောက်ပါအချက် (၄) ချက်လိုအပ်ပါတယ်။

(၁) ပါရီသဘောတူညီချက် (PA)ကို လက်မှတ်ရေးထိုးထားပြီး NDC ကို တင် သွင်းရပါမယ်။

(၂) လိုအပ်တဲ့ အတည်ပြုချက်တွေ၊ခွင့်ပြုချက်တွေ၊ ကြေညာချက်တွေနဲ့ အစီရင်ခံတင်ပြမှုတွေကို ဆောင်ရွက်ဖို့ အမျိုးသားအဆင့် ကြီးကြပ်သူများအဖွဲ့ (Designated National Authority-DNA) ကို ရွေးချယ်သတ်မှတ်ခြင်းနဲ့ ကြီးကြပ်ရေးအဖွဲ့ (Supervisory Body) ထံ အသိပေးအကြောင်းကြားခြင်းတွေ လုပ်ဆောင်ရပါမယ်။

(၃) အတည်ပြုမဲ့ လုပ်ငန်းစဉ်တွေရယ် ၎င်းလုပ်ငန်းစဉ်တွေနဲ့ ဆက်စပ်တဲ့ ထုတ်လွှတ်မှုလျှော့ချခြင်း (emission reductions) တွေက NDC ရည်မှန်းချက်တွေအောင်မြင်ဖို့ ဘယ်လိုအထောက်အပံ့ပေးလည်း ဆိုတာကိုဖော်ပြရပါမယ်။

(၄) Article 6.4 (PACM) ယန္တရားမှာ ပူးပေါင်းပါဝင်ခြင်းဖြင့် ရေရှည်တည်တံ့တဲ့ ဖွံ့ဖြိုးတိုးတက်မှုတွေကို ဘယ်လိုအထောက်အကူပြုမလဲ ဆိုတာ ဖော်ပြရပါမယ်။

20/12/2025

Article 6.4 Paris Agreement Crediting Mechanism (PACM) ဆိုတာဘာလဲ။
PACM ဆိုတာ

(၁) ကျိုတိုပရိုတိုကောရဲ့ CDM ကို အစားထိုးထားတာပါ။ ဒါ့ကြောင့် CDM အတွေ့အကြုံရှိတဲ့ ပါတီတွေနဲ့ ပုဂ္ဂလိက အဖွဲ့အစည်းတွေ အတွက် စိတ်ဝင်စားဖွယ် ဖြစ်နိုင်ပါတယ်။

(၂) စီမံကိန်းလက်ခံ ဆောင်ရွက်တဲ့ နိုင်ငံက UNFCCC ရဲ့ ဗဟိုမှထိန်းချုပ်တဲ့စနစ်ကနေ လျော့ချရေးယူနစ်တွေ ထုတ်ပေးပါတယ်။ UNFCCC က လုပ်ငန်း လည်ပတ်မှုအဆင့် အားလုံးကို စီမံခန့်ခွဲပါတယ်။

(၃) ဖန်လုံအိမ်ဓါတ်ငွေ့ ထုတ်လွှတ်မှု လျော့ချခြင်းကို မြှင့်တင်ပေးသလို ရေရှည် တည်တံ့တဲ့ ဖွံ့ဖြိုးတိုးတက်မှုတွေကို လုပ်ဆောင်ဖို့လည်း အားပေးပါတယ်။ ၎င်းဟာ ကမ္ဘာလုံးဆိုင်ရာ ထုတ်လွှတ်မှုတွေကို အလုံးစုံ လျော့ချဖို့လည်း ရည်ရွယ်ပါတယ်။

(၄) ပုဂ္ဂလိကကဏ္ဍ ပူးပေါင်း ဆောင်ရွက်မှုတွေအတွက် လွယ်ကူ ချောမွေ့စေတဲ့ အဓိက နည်းလမ်းအဖြစ် အချို့က မြင်ကြပါတယ်။

Source: UNFCCC

Article 6.2 ပူးပေါင်းဆောင်ရွက်မှုတွေလုပ်ဖို့ ဘာတွေလိုအပ်သလဲ။Article 6.2 ပူးပေါင်းဆောင်ရွက်မှုတွေလုပ်ဖို့ အောက်ဖော်ပြပါ အ...
17/12/2025

Article 6.2 ပူးပေါင်းဆောင်ရွက်မှုတွေလုပ်ဖို့ ဘာတွေလိုအပ်သလဲ။

Article 6.2 ပူးပေါင်းဆောင်ရွက်မှုတွေလုပ်ဖို့ အောက်ဖော်ပြပါ အချက် (၆) လိုအပ်ပါတယ်။
Source: UNFCCC

About our team!Backed by a team of experienced professionals, we are providing comprehensive solutions for natural resou...
12/12/2025

About our team!

Backed by a team of experienced professionals, we are providing comprehensive solutions for natural resources and environmental projects.

We specialize in Academic, Technical, and Nature-Based Solutions that help our clients achieve their sustainability goals.

Our team has the knowledge and expertise necessary to create innovative strategies tailored specifically to each project’s needs while ensuring a positive impact on the environment.

With our commitment to excellence, we guarantee quality results that are both cost-effective and long lasting.

Article 6.2 ပူးပေါင်းဆောင်ရွက်မှုများ……………………………………………………ယနေ့အချိန်အထိ ပါရီသဘောတူညီချက် Article 6.2 နည်းလမ်းအသုံးပြုပြီး...
11/12/2025

Article 6.2 ပူးပေါင်းဆောင်ရွက်မှုများ
……………………………………………………
ယနေ့အချိန်အထိ ပါရီသဘောတူညီချက် Article 6.2 နည်းလမ်းအသုံးပြုပြီး ပူးပေါင်းဆောင်ရွက်ဖို့ နှစ်နိုင်ငံ သဘောတူညီချက် စုစုပေါင်း ၁၀၂ ခုရှိပါတယ်။ အဲ့ဒီပူးပေါင်းဆောင်ရွက်မှုတွေထဲမှာ လက်မှတ်ရေးထိုးထားပြီး ဖြစ်တဲ့ သဘောတူညီချက်တွေ၊ နားလည်မှုစာချွန်လွှာ (MOU)တွေနဲ့ Article 6.2 နည်းလမ်းနဲ့အညီ လျှော့ချမှုရလဒ် (mitigation outcomes) တွေကို အရောင်းအဝယ်လုပ်တဲ့လုပ်ငန်းစဉ်တွေမှာ ပူးပေါင်းဆောင်ရွက်လိုကြောင်း ရည်ရွယ်တဲ့ အခြားတရားဝင် ကြေညာချက်တွေလည်း ပါဝင်ပါတယ်။

source: UNEP Article 6 pipeline (11th November 2025)

07/12/2025

𝐂𝐨𝐧𝐟𝐞𝐫𝐞𝐧𝐜𝐞 𝐨𝐟 𝐭𝐡𝐞 𝐏𝐚𝐫𝐭𝐢𝐞𝐬 𝐬𝐞𝐫𝐯𝐢𝐧𝐠 𝐚𝐬 𝐭𝐡𝐞 𝐦𝐞𝐞𝐭𝐢𝐧𝐠 𝐨𝐟 𝐭𝐡𝐞 𝐏𝐚𝐫𝐭𝐢𝐞𝐬 𝐭𝐨 𝐭𝐡𝐞 𝐏𝐚𝐫𝐢𝐬 𝐀𝐠𝐫𝐞𝐞𝐦𝐞𝐧𝐭 (𝐂𝐌𝐀)

CMA ဆိုတာ ကွန်ဗင်းရှင်းရဲ့ အမြင့်ဆုံးအဖွဲ့အစည်းဖြစ်ပြီး ပါရီသဘောတူညီချက်ကို ထိရောက်စွာ အကောင်အထည်ဖော်ဖို့ ကြီးကြပ်မှုတွေနဲ့ ပံ့ပိုးမှုတွေ ပေးပါတယ်။ပါရီသဘောတူညီချက်နဲ့ ပတ်သက်ပြီး ကိစ္စရပ်အားလုံးကို ဆုံးဖြတ်ချက်ချဖို့ အခွင့်အာဏာရှိတဲ့ တစ်ခုတည်းသော အဖွဲ့အစည်းဖြစ်ပါတယ်။ CMA ဟာ COP (Conference of Parties) ကျင်းပတဲ့ကာလအတွင်းမှာပဲ နှစ်စဉ်တွေ့ဆုံပြီး ပါရီသဘောတူညီချက်ပါ အဖွဲ့ဝင်နိုင်ငံ အားလုံးက CMA မှာကိုယ်စားပြုတက်ရောက်ကြပါတယ်။ အဖွဲ့ဝင်မဟုတ်တဲ့ နိုင်ငံတွေက လေ့လာသူတွေအဖြစ် တက်ရောက်နိုင်ပေမဲ့ ဆုံးဖြတ်ချက်ချပိုင်ခွင့်တော့ မရှိပါဘူး။ CMA ရဲ့လုပ်ငန်းဆောင်တာတွေက ကွန်ဗင်းရှင်းအတွက် COP ဆောင်ရွက်တဲ့ လုပ်ငန်းဆောင်တာတွေနဲ့ ဆင်တူပြီး ဆုံးဖြတ်ချက် ၁/CP.၂၁ မှာဖော်ပြထားတဲ့အတိုင်း ပါရီသဘောတူညီချက်လုပ်ငန်းစဉ်တွေကို အကောင်အထည်ဖော်ဖို့ တာဝန်ရှိပါတယ်။
Source: UNFCCC

Article 6.4 ဆိုတာဘာလဲ။Article 6.4 က ကာဗွန်ခရက်ဒစ်တွေထုတ်ပေးဖို့ နိုင်ငံတကာ ကာဗွန်ခရက်ဒစ်ယန္တရားတစ်ခုကို တည်ဆောက်ထား ပါတယ...
05/12/2025

Article 6.4 ဆိုတာဘာလဲ။

Article 6.4 က ကာဗွန်ခရက်ဒစ်တွေထုတ်ပေးဖို့ နိုင်ငံတကာ ကာဗွန်ခရက်ဒစ်ယန္တရားတစ်ခုကို တည်ဆောက်ထား ပါတယ်။ဒါကို Article 6.4 ယန္တရား ဒါမှမဟုတ် ပါရီသဘောတူညီချက်ကာဗွန်ယန္တရား (PACM) လို့ ခေါ်ပါတယ်။ Article 6.4 ယန္တရားကို အသုံးပြုပြီးထုတ်တဲ့ ကာဗွန်ခရက်ဒစ်တွေကို A6.4 ERs လို့ခေါ်ပါတယ်။ Article 6.4 ခရက်ဒစ်တွေကို စီမံကိန်းအကောင်အထည်ဖော် ဆောင်ရွက်တဲ့ နိုင်ငံတွေက ကဏ္ဍပေါင်းစုံကနေ လျှော့ချရေးလုပ်ငန်းစဉ်တွေကို အကောင်အထည်ဖော်ဆောင်ရွက်ခြင်းဖြင့် ထုတ်ပေးပါတယ်။ Article 6.4 က နိုင်ငံတကာ ကြီးကြပ်မှု အောက်မှာပဲ တရားဝင်အုပ်ချုပ်မှုဖွဲ့စည်းပုံရယ် ကြီးကြပ်ရေးအဖွဲ့ရဲ့ ပံ့ပိုးမှုတွေနဲ့ လည်ပတ်ပါတယ်။ Supervisory Body (SB) ဆိုတာ Article 6.4 ယန္တရားရဲ့ တရားဝင်အသိအမှတ်ပြုထားတဲ့ အဖွဲ့ဖြစ်ပါတယ်။ SB က Article 6.4 ယန္တရားရဲ့ လုပ်ဆောင်ချက်တွေ၊ လုပ်ငန်းစဉ်တွေနဲ့ ပတ်သက်၍ အခွင့်အာဏာရှိပြီး လမ်းညွှန်ချက်တွေကိုလည်း ပံ့ပိုးပေးပါတယ်။ ထိုလုပ်ငန်းစဉ်တွေမှာဆိုရင် Article 6.4 ယန္တရားအောက်မှာ သတ်မှတ်ထားတဲ့ လုပ်ငန်းလည်ပတ်မှုဆိုင်ရာအဖွဲ့အစည်း (DOE) လို့ခေါ်တဲ့ VVB တွေကို အသိအမှတ်ပြုခြင်းအပြင် နည်းလမ်းတွေ၊ စံနှုန်းတွေ၊ လုပ်ထုံးလုပ်နည်းတွေနဲ့ tools တွေကို ရေးဆွဲခြင်းနဲ့ အတည်ပြုခြင်းတွေ ပါဝင်ပါတယ်။ CMA ဟာ Article 6.4 ယန္တရားနဲ့ ပတ်သက်ပြီး အဆုံးအဖြတ်ချမှတ်တဲ့ အာဏာအရှိဆုံး အဖွဲ့ဖြစ်ပါတယ်။ CMA က SB ကို ကြီးကြပ် ကွပ်ကဲတဲ့အပြင် လမ်းညွှန်ချက်တွေလည်း ပေးပါတယ်။

source: UNFCCC

Article 6.2 (ပူးပေါင်းဆောင်ရွက်မှု နည်းလမ်း)Article 6.2 ဆိုတာ နိုင်ငံတွေအနေနဲ့ ထုတ်လွှတ်မှုလျော့ချခြင်း ယူနစ် (Emission ...
01/12/2025

Article 6.2 (ပူးပေါင်းဆောင်ရွက်မှု နည်းလမ်း)

Article 6.2 ဆိုတာ နိုင်ငံတွေအနေနဲ့ ထုတ်လွှတ်မှုလျော့ချခြင်း ယူနစ် (Emission Reduction Units) တွေဖြစ်တဲ့ Internationally Transferred Mitigation Outcomes -ITMOs တွေကို ခွင့်ပြုခြင်း၊ လွှဲပြောင်းခြင်းနဲ့ သုံးစွဲခြင်းတွေ ပြုလုပ်နိုင်ဖို့ ပူးပေါင်း ဆောင်ရွက်နိုင်တဲ့ နည်းလမ်းတစ်ခု ဖြစ်ပါတယ်။ ဒီပူးပေါင်းဆောင်ရွက်တဲ့ နည်းလမ်းတွေမှာဆိုရင် စီမံကိန်း လက်ခံဆောင်ရွက်တဲ့နိုင်ငံ (host country) နှင့် ITMOs ဝယ်ယူသူတွေ (buyers) ပါဝင်သလို၊ ဝယ်ယူသူတွေက နိုင်ငံအစိုးရတွေ ဒါမှမဟုတ် အများပြည်သူ/ပုဂ္ဂလိက အဖွဲ့အစည်းတွေလည်း ဖြစ်နိုင်ပါတယ်။ Article 6.2 က စီမံကိန်းလက်ခံဆောင်ရွက်တဲ့နိုင်ငံနဲ့ ITMOs ဝယ်ယူသူများအတွက် စီမံကိန်းဒီဇိုင်းတွေနဲ့ အကောင်အထည်ဖော်ဆောင်ရွက်ခြင်းတွေကို လွတ်လပ်စွာ ဆောင်ရွက်နိုင်ဖို့ အခွင့်အလမ်းပေးထားပါတယ်။ ဒါပေမဲ့ အပြည်ပြည်ဆိုင်ရာက ထုတ်ပြန်ထားတဲ့ အခြေခံ လမ်းညွှန်ချက်တွေကိုတော့ လိုက်နာဖို့လိုပါတယ်။ ITMOs သတင်းအချက်အလက်တွေရဲ့ ကိန်းဂဏန်းတွေကိုတွက်ချက်ခြင်း၊ ခြေရာခံခြင်းနဲ့ အစီရင်ခံ ခြင်းတွေကို နိုင်ငံတကာကြီးကြပ်မှု လမ်းညွှန်ချက်တွေနဲ့အညီ လုပ်ဆောင်ဖို့ ထိန်းချုပ်ထားပါတယ်။ပါဝင်ဆောင်ရွက်တဲ့ နိုင်ငံတွေအနေနဲ့ ပူးပေါင်းဆောင်ရွက်မှုနဲ့ပတ်သက်တဲ့ အစီရင်ခံစာတွေကို ပုံမှန်တင်ပြဖို့၊ တိကျမှန်ကန်သေချာတဲ့ ITMOs ကိန်းဂဏန်းတွက်ချက်ခြင်း နည်းစနစ်တွေကို ထိန်းသိမ်းထားဖို့၊ စီမံကိန်းကြောင့် သဘာဝပတ်ဝန်းကျင်ထိခိုက်မှု မရှိစေရန် သေချာစေဖို့နဲ့ စီမံကိန်းလုပ်ငန်းတွေက ရေရှည်တည်တံ့ခိုင်မြဲတဲ့ ဖွံ့ဖြိုးတိုးတက်မှုရည်ရွယ်ချက်တွေနဲ့ ကိုက်ညီဖို့ တာဝန် ရှိပါတယ်။

Source: UNFCCC, GIZ, Greenhousegasinstitute& Climate Perspectives

Address

Yangon

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00

Website

Alerts

Be the first to know and let us send you an email when EcoBalance Strategy and Solution - EBSS posts news and promotions. Your email address will not be used for any other purpose, and you can unsubscribe at any time.

Shortcuts

Share

Category