19/08/2026
“စည်းရုံးတတ်ကြပါစေ”
▪️▪️▪️▪️▪️▪️▪️▪️
ဆေးရုံကဆင်းတော့ အားနေလို့ မနေနိုင် စာလေးတစ်ပုဒ်တော့ ရေးချင်တယ် 😁😁😁
ဟိုတစ်လောက ကုမ္ပဏီတွေ ကော်ပရိတ်တွေ လုပ်ငန်းတွေမှာ
ဝန်ထမ်းတွေကောင်းတွေရဖို့ ရှားလာတယ်
ဝန်ထမ်းတွေမြဲဖို့ ခက်လာတယ်
သက်ဆိုင်ရာ တာဝန်ရှိသူတွေ
သူဌေးတွေ
HR တွေလဲ ကြိုးစားကြတာပါပဲ
တလောက ကျော်ဟိန်းရဲ့ ရုပ်ရှင်ကားအတိုလေး ကြည့်လိုက်ရတယ်
ရုပ်ရှင်ထဲမှာ ကျော်ဟိန်းက ရွာက အိမ်ဖော်ကလေးမလေးကို
သူဌေးအိမ်တစ်အိမ်မှာ အိမ်အကူလုပ်ကိုင်ဖို့ ခေါ်ပေးလာတာ အိမ်အကူပွဲစားပေါ့
အိမ်ရှင်အဒေါ်ကြီးက
“အိမ်သားခုနှစ်ယောက်ရှိတယ်
အားလုံး အဝတ်ညည်းလျှော်ရမယ်
ဘာညာ ဘာညာပေါ့ ရေကိုလဲ အများကြီးမသုံးနဲ့ ဆပ်ပြာကိုလဲ အတိုင်းအတာနဲ့ပေးမှာ
လျှော်ပြီးသားအဝတ်တွေကို ငါက သေသေချာချာကြည့်မှာတဲ့
မကြိုက်ရင် ကျေနပ်တဲ့အထိ ပြန်လျှော်ပေးရမယ်
အိမ်အကူကို အင်္ကျီပြဲတာစုတ်တာမသိချင်ဘူး သန့်သန့်ရှင်းရှင်း ဝတ်ဖို့ပါမှာတယ်
ပစ္စည်းတစ်ခုခုပျက်စီးရင် လခထဲက လျော်ရမယ်” စသဖြင့် တောက်လျှောက်စည်းကမ်းတွေချည်း ဖြတ်မယ် တောက်မယ်ချည်းလွှတ်ပွါးတာ
အဲ့မှာ ကျော်ဟိန်းပြောတဲ့ စကားလေးသိပ်သဘောကျတာ
“သူက အမကြီးအိမ်က ဝေယျာဝစ္စတွေ လုပ်ပေးဖို့လာတာ အမကြီး အနေနဲ့ ကိုယ့်အိမ်မှာ အလုပ်လာလုပ်တဲ့ လူကို စည်းရုံးတာ ပုံစံသိပ်မကျဘူး”
“သူက ငွေဝယ်ကျွန်မဟုတ်ဘူး
သူက သူ့လုပ်အားကိုလာရောင်းတာ
ကိုယ့်အိမ်မှာ အလုပ်လာလုပ်တဲ့သူကို တကယ့်စေတနာနဲ့ အလုပ်လုပ်ပေးတာလိုချင်တယ်ဆိုရင်
အမကြီးတို့ဘက်က မျှမျှတတနဲ့ ကိုယ်ချင်းစာစိတ်လေးထားပြီးတော့ ဆွေးနွေးရင်ပိုကောင်းမယ်တဲ့”
အမကြီးပြောတာနားထောင်ရင်းကျွန်တော် ပူအိိုက်ပြီး စိတ်ဒုက္ခ တော်တော်ဖြစ်တယ်
ကျွန်တော်တို့ရွာကကလေးမလေးကို
ကျွန်တော်ပွဲခရပြီးရော ဒီစည်းကမ်းတွေအောက်မှာထားရမှာ ကျွန်တော်စိတ်ထဲတော်တော်အားနာတယ် ပြန်ခေါ်သွားမယ်ဆိုပြီး ပြန်ခေါ်သွားတယ်
ဒါလေးကြည့်ပြီး
ကောင်းလိုက်တာလို့ မက်ဆေ့ချ်လေးက တွေးမိတယ်
အရင်ကလဲ HR မန်နေဂျာဘဝနဲ့ ဟိုတယ်တစ်ခုမှာအလုပ်ဝင်တုန်း ဝန်ထမ်းတွေခေါ်တော့
Housekeeping ဌာနအတွက် ဝန်ထမ်းအင်တာဗျူးလုပ်တော့ သက်ဆိုင်ရာလိုင်းမန်နေဂျာနဲ့ ကိုယ်နဲ့ နှစ်ယောက် ဝန်ထမ်းတွေကိုဗျူးတာပေါ့
မန်နေဂျာက
အိမ်သာဆေးရမယ်
အန်ဖတ်ဆေးရမယ်
ဟိုဟာကျုံးရမယ်
ဒီဟာကျုံးရမယ်
ညစ်ညစ်ပတ်ပတ် ကိုင်တွယ်နိုင်ရမယ်
စသဖြင့်တစ်တစ်ခွခွတွေပြောတာ
အမှန်ဆို ဝန်ထမ်းအသစ်တစ်ယောက်ကို ဌာနရောက်လာဖို့
စည်းရုံးရမယ်
သိမ်းသွင်းရမယ်
စိတ်ခွန်အားပေးရမယ်
သင်ပေးမယ်
ကူပေးမယ်
တစ်ယောက်တည်းမဟုတ်ဘူး အများနဲ့လုပ်ရမယ်
စသဖြင့် စည်းရုံးရမှာ အလုပ်ထဲမှာ အထက်ပါကိစ္စရပ်တွေ လုပ်ရမှာရှိပင်ရှိသော်ငြားလဲ
ဒဲ့ တစ်တစ်ခွခွပြောပြီး ငါတို့က ဒဲ့ပဲ မှန်တဲ့ အတိုင်းပဲပြောတတ်တယ်ဆိုပြီး ဒုတ်ထိုးအိုးပေါက်ပြောလို့မရဘူး
အခုမှ လုပ်ငန်းခွင်ထဲဝင်မယ့် သူအနေနဲ့ အမြဲတမ်းဒါတွေလုပ်ရမယ်လို့ထင်သွားနိုင်တယ်
မရှိတာမဟုတ်ဘူး ရှိနိုင်တယ်
ဒါပေမယ့် အမြဲမဟုတ်ဘူး ကိုင်တွယ်တဲ့နေရာမှာ ပစ္စည်းကိရိယာ တန်ဆာပလာနဲ့ စနစ်တကျ သန့်ရှင်းရေးစည်းစနစ်အတိုင်းစနစ်တကျလုပ်ရတာ
အဲ့ဒါကိုတွေ့တော့
သူဌေးတွေ
HR Manager တွေ
Line Manager တွေ
အလုပ်ရှင်တွေ အနေနဲ့
မိမိခေါ်မယ့် ဝန်ထမ်းကို ကိုယ်ချင်းစာတရားနဲ့ စည်းရုံးသိမ်းသွင်းနိုင်ဖို့လိုတယ်
ပေးတဲ့လစာ
ခိုင်းတဲ့ အလုပ်
ပြောဆိုတဲ့ စကားစတာတွေကို ထိန်းသိမ်းနိုင်ဖို့လိုတယ်
အလုပ်ရှင်ဆိုတာ ကျေးဇူးရှင်မဟုတ်ပါဘူး
Demand နဲ့ Supply သဘောတရားပါပဲ
ဝန်ထမ်းကလုပ်အားရောင်းတယ်
အလုပ်ရှင်က လုပ်အားဝယ်တယ်
ကြိုက်ရောင်းကြိုက်ဝယ်သဘောတရားပါပဲ
မိတ်ဆွေတို့ကော ဘယ်လိုမြင်သလဲ ဘယ်လိုကြုံဖူးသလဲ မျှဝေသွားပါအူး
#ကိုယ်ချင်းစာတတ်ကြပါစေ🙏
