06/01/2026
မှတ်ထားပါ...
မိုးခြိမ်းသံ ဘယ်လောက်ကျယ်ကျယ်၊
တကယ်ကြောက်ဖို့ကောင်းတာက အသံမကြားရဘဲ ပစ်လိုက်တဲ့ "လျှပ်စီး" ပါပဲ။
လူငယ်တော်တော်များများက တစ်ခုခု မလုပ်ရသေးဘူး၊ လိုင်းပေါ်မှာ ကြေညာမောင်းခတ်ချင်ကြတယ်။ "မနက်ဖြန်ကစပြီး Gym ဆော့တော့မယ်"၊
"စီးပွားရေး စလုပ်တော့မယ်" …အဲဒီလို ကြေညာလိုက်တာနဲ့ ဘာဖြစ်သွားလဲ သိလား။
မင်းဦးနှောက်က "အောင်မြင်သွားပြီ" လို့ မှားယွင်းပြီး ယူဆလိုက်တယ်။ (Dopamine တွေ ထွက်လာတယ်)။
တကယ်တမ်း လုပ်ရမယ့်အချိန်ကျတော့ "ပျင်း" သွားရော။
ဒါကြောင့် ပါးစပ်ကို ပိတ်ပြီး၊ လက်ကို လှုပ်ပါ။ အုတ်မြစ်ချတုန်းမှာ ဘယ်သူ့ကိုမှ မပြပါနဲ့။
ဖုန်တွေ၊ သဲတွေနဲ့ ပေပွနေတာကို ပြစရာမလိုဘူး။
တိုက်ပြီးသွားမှ ဖဲကြိုးဖြတ်ပွဲ လုပ်လိုက်။
မင်းရဲ့ ရန်သူတွေ၊ မင်းကို မလိုမုန်းထားတဲ့သူတွေရဲ့ အကြီးမားဆုံး လက်နက်က "မင်းအကြောင်း သိနေတာ" ပဲ။
မင်း ဘယ်သွားမလဲ၊ ဘာဆက်လုပ်မလဲ သူတို့သိနေရင်... သူတို့က လမ်းမှာ ကြိုစောင့်ပြီး ဒုက္ခပေးနိုင်တယ်။
မင်းက ဘာမှ ထုတ်မပြောဘဲ နေလိုက်တဲ့အခါ...
သူတို့ "ပြာ" သွားရော။
"ဒီကောင် ဘာလုပ်နေလဲ မသိပါလား၊
ဒီကောင် ပျောက်နေပါလား" ဆိုပြီး သူတို့ စိတ်ပူလာမယ်။ "Predictable" (ခန့်မှန်းရ လွယ်ကူသူ) မဖြစ်ပါစေနဲ့။
မင်းရဲ့ နောက်တစ်ကွက် (Next Move) ကို ဘယ်သူမှ ခန့်မှန်းလို့မရတဲ့ အနေအထားက မင်းအတွက် အလုံခြုံဆုံးပါပဲ။
တိတ်တိတ်လေး နေတယ်ဆိုတာ အပျင်းကြီးပြီး အိပ်နေတာ မဟုတ်ဘူး။ ရေအောက်မှာ ခြေထောက်က မနားတမ်း ယက်နေတဲ့ "ငန်း" တစ်ကောင်လို နေတာ။ အပေါ်ကကြည့်ရင် ငြိမ်နေပေမယ့်၊ အောက်မှာ အလုပ်တွေ ရှုပ်နေရမယ်။
လူတွေက မင်းကို "ဒီကောင် ဘာမှလည်း မလုပ်ပါလား" လို့ ထင်နေတဲ့အချိန်မှာ... "ဒုန်း" ဆိုပြီး
အောင်မြင်မှုကို ချပြလိုက်။
အဲဒီအချိန်ကျမှ သူတို့ မင်းကို လေးစားသွားလိမ့်မယ်။ အသံထွက်စရာ မလိုတော့ဘူး။ "ရလဒ်" က မင်းအစား အော်ပေးလိမ့်မယ်။
ဒါကြောင့်
၁။ မင်းရဲ့ Plan (စီမံကိန်း) ကို မပြောပါနဲ့။
၂။ မင်းရဲ့ Goal (ပန်းတိုင်) ကို မကြွားပါနဲ့။
၃။ မင်းရဲ့ Move (ခြေလှမ်း) ကို မပြပါနဲ့။
တိတ်တိတ်လေး ကြိုးစားပါ။
မှောင်မိုက်တဲ့ အခန်းထဲမှာ ကိုယ့်ဓားကိုယ် သွေးနေပါ။ အချိန်တန်လို့ ဓားထုတ်လိုက်တဲ့အချိန်ကျမှ... "တစ်ချက်တည်းနဲ့ ပွဲသိမ်းပစ်လိုက်ပါ"။
မှတ်ထားပါ... မိုးခြိမ်းသံ ဘယ်လောက်ကျယ်ကျယ်၊ တကယ်ကြောက်ဖို့ကောင်းတာက အသံမကြားရဘဲ ပစ်လိုက်တဲ့ "လျှပ်စီး" ပါပဲ။
