04/06/2026
"Google Photos မှာ နေရာပြည့်လို့ စိတ်ညစ်နေလား? မိသားစုနဲ့ လုပ်ငန်းသုံးအတွက် ၁၀၀% အခမဲ့ဖြစ်တဲ့ ‘Immich’ အကြောင်း သိပြီးပြီလား 📸လုံးဝမိုက်တယ်နော်!
ဖုန်းထဲက ဓာတ်ပုံတွေ၊ ဗီဒီယိုတွေ သိမ်းဖို့ Google Photos သုံးတာ Space (15 GB) က ခဏလေးနဲ့ ပြည့်သွားတတ်ပါတယ်။ ထပ်တိုးဖို့ ဒေါ်လာနဲ့ လစဉ်ကြေးပေးရတာလည်း မြန်မာပြည်မှာ ကတ်ပေးချေမှုတွေက အဆင်မပြေလှပါဘူး။
ဒါကြောင့် အခုနောက်ပိုင်း နည်းပညာသမားတွေကြားထဲ အရမ်းခေတ်စားလာတဲ့ Immich App အကြောင်း ပြောပြချင်ပါတယ်။ သူက Google Photos ရဲ့ လုပ်ဆောင်ချက်တွေအတိုင်း ကိုယ့်အိမ်က ကွန်ပျူတာ (သို့) Server ထဲမှာ အခမဲ့ အသုံးပြုလို့ရတဲ့ ဆော့ဖ်ဝဲလ်ဖြစ်ပါတယ်။
💡 သူ့ရဲ့ အလန်းဆုံး အားသာချက်များ -
၁။ ၁၀၀% အခမဲ့ (လစဉ်ကြေးမရှိ) - ကိုယ့်စက်ထဲက Hard Disk ဆန့်သလောက် (1TB ဖြစ်ဖြစ်၊ 2TB ဖြစ်ဖြစ်) တစ်ပြားမှ ပေးစရာမလိုဘဲ အကန့်အသတ်မရှိ စိတ်ကြိုက် သိမ်းနိုင်ပါတယ်။
၂။ အင်တာနက်မရှိလည်း သုံးလို့ရတယ် - လိုင်းတွေဘယ်လောက်ကျကျ အိမ်တွင်း/ရုံးတွင်း Wi-Fi (Local Network) ရှိနေရင် ဖုန်းထဲက ပုံတွေကို အလွန်မြန်တဲ့နှုန်းနဲ့ Auto-Backup ဆွဲနိုင်ပါတယ်။ အင်တာနက် Data ဖိုး လုံးဝမကုန်ပါဘူး။
၃။ မိသားစုနဲ့ လုပ်ငန်းခွင်အတွက် မျှဝေနိုင်ခြင်း -
အဖေ၊ အမေ၊ ဝန်ထမ်းတစ်ယောက်ချင်းစီအတွက် အကောင့်ခွဲတွေ ပေးထားလို့ရတယ် (ကိုယ့်ပုံတွေကို သူများ လှမ်းကြည့်လို့မရဘူး)။
ခရီးသွားပုံတွေ ဒါမှမဟုတ် ရုံးက Project ပုံတွေကို Shared Album လုပ်ပြီး အားလုံးစုပေါင်း ထည့်လို့၊ ကြည့်လို့ရတယ်။
၄။ Google Photos လို စွမ်းဆောင်ရည်မျိုး ရခြင်း - iPhone ရော Android အတွက်ပါ App ရှိတယ်။ ဒါတင်မကသေးဘူး... ဓာတ်ပုံထဲက လူမျက်နှာတွေကို AI စနစ်နဲ့ အလိုအလျောက် မှတ်မိပြီး အုပ်စုခွဲပေးသလို၊ "Dog", "Beach" စတဲ့ စာလုံးတွေရိုက်ပြီးတော့လည်း ဓာတ်ပုံတွေကို အလွယ်တကူ ရှာလို့ရပါတယ်။
ကိုယ့်ရဲ့ ကိုယ်ရေးကိုယ်တာ ဓာတ်ပုံတွေနဲ့ အရေးကြီးတဲ့ လုပ်ငန်းသုံး Data တွေကို သူများ Cloud ပေါ်မတင်ဘဲ ကိုယ့်အိမ်မှာပဲ လုံလုံခြုံခြုံနဲ့ အကန့်အသတ်မရှိ သိမ်းချင်တယ်ဆိုရင်တော့ Immich ကို အမြန်ဆုံး စမ်းသုံးကြည့်ဖို့ ညွှန်းပေးလိုက်ပါတယ်ဗျာ။ 😎🚀
"
