Friend - Termites & Pest Solutions

13/03/2026

🤝မန္တလေးရုံးခွဲအတွက် အသင်းဖော်များအမြန်အလိုရှိသည်။ 🤝

☄️ 🧪အရှိန်အဟုန်ကောင်းကောင်းဖြင့်တိုးတက်နေတဲ့သိပ္ပံနည်းကျလေ့လာအဖြေရှာရတဲ့လုပ်ငန်းမှာ အားဖြည့်ဖွဲ့စည်းရန်အောက်ပါအသင်းဖော်များ❗️အမြန်ဆုံး❗️လိုအပ်နေပါတယ်။ 🧪☄️

🕵️‍♂️ရာထူး - Pest Specialist 🕵️‍♂️
ခေါ်ယူနေသောလူအရေအတွက် - (၁) ယောက်
လစာ - ၄၀၀ ၀၀၀ - ၆၀၀ ၀၀၀ ကျပ် + အခြားခံစားခွင့်များ

👷ရာထူး - Technician👷
ခေါ်ယူနေသောအရေအတွက် - (၃)ယောက်
လစာ - ၃၀၀ ၀၀၀ - ၃၅၀ ၀၀၀ ကျပ် + ရက်မှန်ကြေး(အခြားခံစားခွင့်များအား စာမေးပွဲဖြေပြီးနောက်ရရှိမည်။)

👨ရာထူး - Newbie Technician👨
ခေါ်ယူနေသောလူအရေအတွက် - (၃)ယောက်
လစာ - ၃၀၀ ၀၀၀ ကျပ်+ရက်မှန်ကြေး (အခြားခံစားခွင့်များအား အစမ်းခံကာလအပြီး စာမေးပွဲဖြေပြီးနောက်ရရှိမည်။)

လုပ်ကိုင်ရမည့်မြို့ - မန္တလေး

အမြန်ခေါ်ယူနေတာဖြစ်သည့်အတွက် အသေးစိတ်သိလိုသည်များကို messenger chat box မှာမေးမြန်းနိုင်သလို အောက်ပါဖုန်းနံပါတ်များကိုလည်းဆက်သွယ်စုံစမ်းနိုင်ပါသည်။

📱 09-421 111 499, 09-972 190 720

*** Pest Management ကိုတတ်ကျွမ်းနားလည်ထားသူများ၊ အရည်အသွေးရှိရှိလုပ်သက်ရှိထားသူများ၊ ပညာတစ်ခုကိုတတ်ကျွမ်းနားလည်လိုသူများအဓိကလာရောက်လျောက်ထားစေလိုသည်။***

07/12/2025

📣 Friend - Mandalay is now HIRING 📣

ပိုးမွှားနှိမ်နင်းရေးအထူးကျွမ်းကျင်တဲ့ Pest Specialist အနေဖြင့်အလုပ်လုပ်ကိုင်ရန် “ Friend - Mandalay “ မှအလုပ်ခေါ်နေပါတယ်။

သင့်ကိုယ်သင် ပိုးမွှားနှိမ်နင်းရေးကျွမ်းကျင်ပညာရှင်လို့ ခံယူထားတယ်ဆိုရင် အခုပဲ
Friend-Termites & Pest Solutions မှာ အလုပ်လာလျောက်လိုက်ပါ။

ပိုးမွှားနှိမ်နင်းရေးလုပ်ငန်းတစ်ခုမှာ သိပ္ပံနည်းကျအဖြေရှာရတာ၊ လေ့လာသင်ယူမှုတွေ အစဉ်အမြဲလုပ်နေရတာ၊ ပိုးမွှားတွေရဲ့ဇီဝဗေဒအကြောင်းတွေသင်ယူရတာ၊ နေ့စဉ်မတူကွဲပြားတဲ့ customer များရဲ့ လိုအပ်ချက်တွေကို တာဝန်ယူဆောင်ရွက်ပေးရတာ စတဲ့လုပ်ငန်းစဉ်တွေကို စိတ်ဝင်စားတဲ့သင့်အတွက် ကျွန်တော်တို့ “ Friend - Termites & Pest Solutions ( Mandalay Branch ) “ မှာအလိုရှိပါတယ်။

တာဝန်ယူရမယ့် ရာထူးနေရာ
🕵️‍♂️ Pests Specialist 🕵️‍♂️

ခေါ်ယူနေသော လူအရေအတွက် - (၂) ယောက်

🔶အခြေခံလိုအပ်ချက်များ🔶

🔶Pest Specialist တစ်ယောက်အနေနဲ့ Urban ပိုးမွှားမျိုးစိတ်တွေ အကုန်လုံး သိကျွမ်းတာမျိုးမဟုတ်ရင်တောင် အနည်းဆုံး ကိုယ်တတ်ကျွမ်းတဲ့ ပိုးမွှားမျိုးစိတ်တစ်မျိုးမျိုးရဲ့ အခြေခံဇီဝဗေဒနဲ့နေထိုင်ပြုမှုပုံတွေ၊ ပိုးသတ်ဆေးတွေနဲ့ပတ်သက်ပြီး အခြေခံကျတဲ့ ဆေးအုပ်စုတွေအကြောင်းနဲ့ mode of action တွေအကြောင်း၊ ပိုးမွှားနှိမ်နင်းနည်း method တွေအကြောင်း၊ ပိုးသတ်ဆေး ထည့်သွင်းအသုံးပြုရတဲ့ စက်ပစ္စည်းတွေအကြောင်း စတဲ့ကျွမ်းကျင်တတ်မြောက်မှုတွေရှိဖို့လိုအပ်ပါတယ်။

🔶Pest Management Operations လုပ်ကိုင်နေတဲ့သူတစ်ယောက်ဖြစ်ပြီး လုပ်ငန်းအတွေ့အကြုံအနည်းဆုံး (၁) နှစ်ရှိရပါမယ်။

🔶လုပ်ငန်းလိုအပ်ချက်အရ ကား၊ ဆိုင်ကယ်မောင်းတတ်သူကိုဦးစားပေးပါမယ်။ ယာဉ်မောင်းလိုင်စင်ရှိသူဦးစားပေးပါမယ်။

🔶ကွန်ပျူတာအခြေခံ၊ စာရွက်စာတမ်းကိုင်တွယ်နိုင်မှုအခြေခံရှိရပါမယ်။

🔶ပညာရှင်တစ်ယောက်အနေနဲ့ တာဝန်ယူရမှာဖြစ်တဲ့အတွက် ဘွဲ့ရ(သို့) အဝေးသင်တက္ကသိုလ်တစ်ခုခုတက်ရောက်နေတဲ့သူဖြစ်ရပါမယ်။ စာဖတ်တဲ့ အလေ့အကျင့်ကောင်းရှိရပါမယ်။ သင်ယူလိုချင်စိတ်ရှိသူ၊ အစဉ်မပြတ်လေ့လာချင်မှုရှိသူဖြစ်ရပါမယ်။

🔶စကားအပြောအဆိုလိမ္မာပြီး customerများကိုကောင်းမွန်စွာ ဆက်ဆံကိုင်တွယ်နိုင်သူဖြစ်ရပါမယ်။

🔶မန္တလေးမှာလုပ်ကိုင်ရမှာဖြစ်ပြီး လိုအပ်ပါကနယ်မြို့များကို လွတ်လပ်စွာ သွားလာနိုင် လုပ်ကိုင်နိုင်ရပါမယ်။

🔶Specialist တစ်ယောက်အဖြစ် လုပ်ကိုင်ပြီး မိမိလက်အောက်တွင် လုပ်ကိုင်မည့် pest control technician များရှိသောကြောင့် team တစ်ခုကိုဦးဆောင်နိုင်သူဖြစ်ပြီး တာဝန်ယူနိုင်တဲ့သူ ဖြစ်ရပါမယ်။

🔶မိမိအထက်အရာရှိရဲ့သင်ပြမှု၊ညွှန်ကြားမှုများကို တိတိပပ လိုက်နာဆောင်ရွက်နိုင်သူဖြစ်ရပါမယ်။

🔶အသက်မွေးဝမ်းကြောင်း အဖြစ်ရပ်တည်နိုင်ရန်ပညာသင်ရင်းအလုပ်လုပ်ရမည်ဖြစ်သောကြောင့် ရေရှည်လုပ်ကိုင်နိုင်သူ တစ်ယောက်ဖြစ်ရပါမယ်။

🔴 (အကယ်၍ လုပ်သက်အတော်အတန်ရှိပြီးအပေါ်မှာပြောထားသလို ကျွမ်းကျင်မှုနည်းပါးနေတယ်ဆိုလည်း Friend Pest Solutions မှသင်ကြားပို့ချပေးမှာဖြစ်တဲ့အတွက် စမ်းသပ်အလုပ်လျောက်ထားနိုင်ပါတယ်။ ) 🔴

🔷“Friend - Pest Solutions“ မှ ကမ်းလှမ်းမှုများ🔷

🔷လစာ - ( ၄၀၀,၀၀၀ - ၆၀၀,၀၀၀ ) + bonus

🔷နေရာထိုင်ခင်း နှင့် ဆန်ပေးမည်။

🔷လုပ်ငန်းသဘာဝကြောင့်ပုံမှန်အားလပ်ရက်တိတိကျကျမသတ်မှတ်ထားတာဖြစ်တဲ့အတွက်အပတ်စဉ်အားလပ်ရက်ကိုလုပ်ငန်းအပေါ်မူတည်ပြီး (၁)ရက်နားရက်ပေးပါမယ်။

🔷တန်ဖိုးအရှိဆုံးဖြစ်တဲ့ pest management ပညာရပ်ကိုတတ်ကျွမ်းပြီး အသက်မွေးဝမ်းကြောင်းနိုင်တဲ့သူတစ်ယောက်၊ နိုင်ငံတကာမှာရှိတဲ့ urban pest management များလုပ်ကိုင်နေသော technical ပိုင်းဆိုင်ရာများကို သိကျွမ်းသောpest manager တစ်ယောက်အဖြစ်သင်ကြားပေးပါမယ်။

🟩 တာဝန်ယူဆောင်ရွက်ပေးရန်များ 🟩

🟩 customer service and complaint handling - အရေးအကြီးဆုံးဖြစ်တဲ့ customer များရဲ့ လိုအပ်ချက်တွေကို နားထောင်ပေးပြီးအဆင်ပြေစွာ ဆောင်ရွက်ပေးရပါမယ်။

🟩 site surveys and reporting - အလုပ်အတွက် survey ပြုလုပ်ခြင်းနဲ့ internal/external reporting ပြုလုပ်ပေးရပါမယ်။

🟩 pests identification, controlling and service evaluating အပေါ်မှာ ပြောထားတဲ့ pests specialists ဆိုတဲ့ ရာထူးနဲ့အညီ pest တွေရဲ့ ID ကိုသေချာစွာခွဲခြားပြီး pest control တစ်ခုကို အစမှအဆုံး သေချာစွာကိုင်တွယ် ပေးရပါမယ်။

🟩 service quality check and monitoring - specialist တစ်ယောက်အနေနဲ့ မိမိကိုင်တွယ်နေတဲ့ ဆိုက်တွေရဲ့ service အရည်အသွေး အမြဲကောင်းမွန်နေစေရန်နဲ့ pest infestation level များကိုအမြဲစစ်ဆေးစောင့်ကြည့်နေရပါမယ်။

🟩 အလုပ်အချိန်အတွင်း ဝတ်စားဆင်ယင်မှု၊ ပြောဆိုနေထိုင်မှုများသည် professional တစ်ယောက်ပီသပြီး သပ်ရပ်နေမှု အမြဲရှိရပါမယ်။

🟩 pest control service ကိုspecialist အနေနဲ့ မှန်ကန်တဲ့ဆေး၊ အလုပ်တစ်ခုချင်းစီအလိုက်သင့်လျော်သော PPE၊ သတ်မှတ်ထားသောအလုပ် method statement များနှင့် safety protocol များအတိုင်း သေချာစွာလုပ်ကိုင်ဆောင်ရွက်နိုင်ရပါမယ်။ မိမိအဖွဲ့ team တစ်ခုကိုလည်း လိုက်နာဆောင်ရွက်စေဖို့ဦးဆောင်ရပါမယ်။

🟩 မိမိအထက်အရာရှိကို နေ့စဉ်အလုပ်များပြီးဆုံးမှု အခြေအနေများကို report လုပ်ပေးရပါမယ်။

အခုလိုအပေါ်မှာပြောထားတဲ့ အခြေခံလိုအပ်ချက်တွေရယ်၊ တာဝန်ယူပေးရမယ့်အလုပ်တွေရယ်ကို ယုံကြည်မှုရှိရှိ လုပ်ကိုင်နိုင်တယ်ဆိုရင်အောက်ဖော်ပြပါဖုန်းတွေကိုဆက်ပြီးအခုချက်ချင်းပဲ အလုပ်လျောက်နိုင်ပါပြီ။

☎️ 09-972190720, 09-421111499

@ #“ Pest Manager တစ်ယောက်ဖြစ်လာဖို့ Friend - Pest Solutions မှာအလုပ်ဝင်စို့ “ 🦾🦾🦾

12/10/2025

ပိုးမွှားကာကွယ်နှိမ်နင်းရေးပညာရှင်အသစ်များမွေးထုတ်ပေးရန် မန္တလေးရုံးမှ သင်ယူလိုစိတ်ရှိသူများအားအလိုရှိနေပါတယ်။

Friend - Mandalay is now hiring ( မန္တလေးရုံး )

🐜🧪🦠🛡စိတ်ဝင်စားဖွယ်ကောင်းသော ပိုးမွှားပြဿနာများအား သိပ္ပံနည်းကျလေ့လာအဖြေရှာသော "Friend" ပိုးမွှားနှိမ်နင်းရေးလုပ်ငန်းမှ အောက်ပါဝန်ထမ်းများအလိုရှိနေပါသည်။ 👋

👨Newbie Technicians - male (2) posts

အသက် ၁၈ - ၂၅ အတွင်းဖြစ်ရမည်။

၁၀ တန်းအောင်ရမည်။

အတွေ့အကြုံမလို၊ ဆက်ဆံရေးကောင်းမွန်ပြေပြစ်ရမည်။

မြို့ပြအိမ်တွင်းပိုးမွှားများအကြောင်းကိုနားလည်တတ်ကျွမ်းသော professional တစ်ယောက်ပီသသည်အထိသင်ရမည်ဖြစ်သောကြောင့် စာလေ့လာချင်စိတ်၊သင်ယူချင်စိတ်ရှိရန်အထူးလိုအပ်သည်။

အချိန်မရွေး နယ်ဝေးသွားလာလုပ်ကိုင်နိုင်ရမည်။

နေရာထိုင်ခင်း၊ချက်ပြုတ်စားသောက်ရန်ဆန်နှင့် အိုးခွက်ပေးမည်။

အစမ်းခန့် (၃)လရှိသည်။ (၃)လအတွင်းသင်ကြားပေးထားမှုများအား စာမေးပွဲစစ်ပြီး အမှတ်အပေါ်မူတည်ပြီး လခတိုးနှုန်းအနည်းအများရှိသည်။

☎️ဆက်သွယ်ရန်ဖုန်းနံပါတ် >>> 09972190720, 09-42111499

04/09/2025

🌋👾 မန္တလေးမြေငလျင် နှင့် မြေအောင်းခြများအကြောင်း 👾🌋

“ Friend - Termites & Pest Solutions “ ရဲ့မန္တလေးရုံးခွဲမှာတွေ့ကြုံရတဲ့ တွေ့ရှိချက်လေးတွေမျှဝေပေးထားတာဖြစ်ပါတယ်။

“ Improving Everyday To Serve You Better “

12/07/2025

📚 💡 Pest Management အလုပ်တစ်ခုကိုဆောင်ရွက်ရာမှာ Identification ဆိုတဲ့ pest တွေရဲ့ မျိုးစိတ်ခွဲဲခြမ်းခြင်းဟာအရေးကြီးလှပါတယ်။

ကျွန်တော်တို့ အလုပ်ရှင်တွေအတွက်ပိုမိုကောင်းမွန်တဲ့ဝန်ဆောင်မှုများကိုအစဉ်မပြတ်ပေးနိုင်ရန်လေ့လာသင်ယူမှုများကိုအစဉ်အမြဲပြုလုပ်လျက်ရှိပါတယ်ခင်ဗျာ။ 💡📚

“ Improving Everyday to Serve You Better “

11/07/2025

🏨🚫🦟Our Mandalay team conducting commercial pest control service in healthcare facilities 🦟🚫🏨

26/06/2025

🌏🤎 ကျွန်တော်တို့ pest management လုပ်ငန်းတွေဟာ ကျွန်တော်တို့ရဲ့ အလုပ်ရှင်တွေကို ဂရုစိုက်ရသလို ကျွန်တော်တို့နဲ့ရှင်တွဲနေထိုင်နေရတဲ့သက်ရှိသတ္တဝါတွေရယ်၊ ကမ္ဘာကြီးရယ်ကိုပါဂရုစိုက်ပေးရပါတယ်။ 🤎🌏

ကျွန်တော်တို့ “ Friend - Termites & Pest Solutions” ပိုးမွှားကာကွယ်နှိမ်နင်းရေးကို နည်းစနစ်ကျကျလေ့လာထားသမျှအသိပညာများအား ဉာဏ်အားရှိသလောက်ဝေမျှနိုင်ရေးအတွက် PMPs Network - Myanmar နှင့်လက်တွဲပြီး တတ်နိုင်တဲ့ဘက်ကပူးပေါင်းဆောင်ရွက်ပေးလျက်ရှိပါတယ်။

“ Improving Everyday To Serve You Better “

17/06/2025

“ Friend - Mandalay “ နှင့် မန္တလေးမှ PCO ညီအစ်ကိုအဖွဲ့များစုပေါင်းပြီး တာဝန်ယူဆောင်ရွက်ပေးခဲ့တဲ့ ကျွန်တော်တို့ PMPs Network - Myanmar ရဲ့social project လေးတစ်ခုပါ။

Together we are stronger 🦾🦾🦾

24/05/2025

PMPs Network - Myanmar ရဲ့အဖွဲ့ဝင်ဖြစ်တဲ့ ကျွန်တော်တို့ “ Friend - Termites & Pest Solutions “ သည်အင်းလေးဒေသ၊ သပြေပင်ကျေးရွာရှိ ငလျင်ဘေးသင့်သံဃာများအပါအဝင်ကျောင်းနေသံဃာများနေထိုင်လျက်ရှိသော သပြေပင်စာသင်တိုက်တွင် ၂၃ရက်၊မေလ၊၂၀၂၅ ၌သံဃာတော်အပါး ၃၀၀ ခန့်နေထိုင်သောကျောင်းဆောင်တစ်ခုအား ကြမ်းပိုးဆေးဖျန်းခြင်းနှင့် လိုအပ်သောပိုးသတ်ဆေးများအားပေးအပ်လှူဒါန်းခဲ့ပါသည်။ ကျောင်းအကျိုးတော်ဆောင်များကိုလည်း ကြမ်းပိုးနှင့်ပတ်သက်သောသဘာဝ၊ ပိုးသတ်ဆေးကိုင်တွယ်နည်းနှင့်ဆေးဖျန်းနည်း၊ ဆေးရောစပ်နည်း စသည်များကိုသင်ကြားပေးခဲ့ပါသည်။

Together We Are Stronger strong🦾🦾

07/05/2025

ဒီနေ့ည မန္တလေးရဲ့လမ်းမီးတိုင်တွေအောက်မှာ ပလူ(သို့) မျိုးပွါးခြများ အသိုက်အသစ်တည်ထောင်ဖို့ မိခင်အသိုက်များကိုစွန့်ခွါလာကြတာပဲဖြစ်ပါတယ်။

28/02/2025

📣 မန္တလာမြေမှာ လူကြီးမင်းတို့ရဲ့ နေအိမ် အဆောက်အအုံများအတွက် ခြ ရန်မှ ကာကွယ်နှိမ်နင်းချင်တယ်ဆို subterranean termites တွေနဲ့ပတ်သက်ပြီးကျွမ်းကျင်တဲ့ “ Friend - Mandalay “ ကို အချိန်မရွေးဆက်သွယ်လိုက်ပါ။ 📣

16/02/2025

⛰️🐜🪆ခြတောင်ပို့ပူဇော်ကြသော အလေ့အထများနှင့် ခြတောင်ပို့များအကြောင်းတစေ့စောင်း 🪆⛰️ 🐜

ခြတောင်ပို့တွေမှာ အမွှေးတိုင်တွေထွန်း၊ တချို့နေရာတွေမှာ စင်တွေ၊ အင်္ဂတေတွေနဲ့အကျအနဆောက် ပြီးပူဇော်ကြတာကျွန်တော်တို့ပတ်ဝန်းကျင်မှာမြင်ဖူးကြမယ်ထင်ပါတယ်။ ဒါက ပုံမှန်ပဲလို့သတ်မှတ်လို့ရပေမယ့် ကျွန်တော်တို့ pest management ရှုထောင့်ကကြည့်ရင် စိတ်ဝင်စားဖို့ကောင်းတာအမှန်ပါပဲ။ တကယ်ဆိုရင် ခြတွေဟာသဘာဝပတ်ဝန်းကျင်မှာ သစ်ဆွေး၊သစ်ဟောင်း dead wood တွေကိုခြေဖျက်ပေးခြင်းဖြင့် မြေဆီလွှာကိုအကျိုးကျေးဇူးဖြစ်စေတာမှန်ပေမယ့် ကျွန်တော်တို့လူ့ပတ်ဝန်းကျင်လူနေထိုင်တဲ့နေရာတွေမှာခြတောင်ပို့တွေရှိနေတာဟာ ကျွန်တော်တို့ရဲ့ဥစ္စာပစ္စည်းတွေပျက်စီးဆုံးရှုံးစေတာ အလွန်များပါတယ်။ အဲ့လိုဆိုရင် ဘာကြောင့် လူတွေခြတောင်ပို့ကိုပူဇော်နေကြတာပါလိမ့်? 🧐

သေချာစာတွေလိုက်ဖတ်ကြည့်၊ internet ပေါ်မှာလိုက်ရှာမိတဲ့အခါ ကျွန်တော်တို့တစ်နိုင်ငံတည်းဒီလိုမျိုးအလေ့အထရှိကြတာမဟုတ်ပါဘူးဆိုတာသွားတွေ့မိတယ်။ အာရှတိုက်၊ အာဖရိကတိုက်တွေရဲ့နိုင်ငံတွေမှာ သူ့နေရာနဲ့သူ ခြတောင်ပို့နဲ့ပတ်သက်ပြီး အယူအသီးသီးရှိကြပါတယ်။

မလေး၊ စင်္ကာပူ၊ တရုတ်နိုင်ငံတွေမှာ သူတို့ယုံကြည်တဲ့ “ datok kong “ လို့ခေါ်တဲ့ ကံကောင်းခြင်း၊ ကျန်းမာခြင်းတွေဆောင်ကျဉ်းပေးတဲ့ နတ်ဘိုးဘိုးကြီးကို ခြတောင်ပို့မှာ နေတယ်ဆိုပြီး ပူဇော်ပသကြပါတယ်။ 🪭

ထိုင်းနိုင်ငံမှာဆိုရင် မြေနဲ့အိမ်ကိုစောင့်ရှောက်ပေးတဲ့နတ်တွေဟာ ခြတောင်ပို့မှာနေထိုင်တယ်လို့ ယုံကြည်ကြပြီး ပူဇော်ကြပါတယ်။ 🪆

အိန္ဒိယနိုင်ငံမှာတော့ ခြတောင်ပို့မှာမြွေတွေဝင်ရောက်နေထိုင်တတ်တာကြောင့် မြွေနတ်ဘုရားကိုအလေးမြတ်ထားလို့ပူဇော်ကြပါတယ်။ ဟိန္ဒူဘာသာမှာလည်း ခြတောင်ပို့ကမွေးဖွားလာတဲ့ “valmiki” ဆိုတဲ့ ပုဂ္ဂိုလ်ထူးရဲ့အကြောင်းလည်းရှိပါတယ်။ 🐍

အာဖရိကမှာရှိတဲ့နိုင်ငံတစ်ချို့မှာ ခြတောင်ပို့ရဲ့မြေကြီးကိုစားပေးခြင်းကြောင့် ကိုယ်ဝန်ဆောင်နိုင်စွမ်း၊ ကျန်းမာသန်စွမ်းမှု တွေပေးတယ်လို့အယူရှိကြပါတယ်။ 🤰

ကျွန်တော်တို့မြန်မာနိုင်ငံမှာတော့ အစောင့်အရှောက်တွေရှိလို့၊ ခြံထဲမှာ ခြတောင်ပို့တက်လာလေလေစီးပွါးတက်လေလေဖြစ်လို့စတာတွေကြောင့် ပူဇော်ကြတယ်လို့ဆိုကြပါတယ်။ 💰

အားလုံးခြုံပြီးစဉ်းစားကြည့်မယ်ဆိုရင် ခြတောင်ပို့ကိုပူဇော်ကြခြင်းကြောင့် ကျန်းမာရေး၊ ကံကောင်းခြင်း၊ စီးပွါးရေး၊ စိတ်လုံခြုံမှုစတဲ့ positive ဆောင်တဲ့ အရာတွေရစေလို့ ပူဇော်ကြခြင်းဖြစ်ပါတယ်။ ခြတောင်ပို့ကို ဖျက်ဆီးထိခိုက်မိရင် မကောင်းသောအရာတွေဖြစ်စေမယ်လို့ယူဆကြပါတယ်။

ဒီနေရာမှာ ဖော်ပြလိုတာက ဖတ်မိသလောက်၊ တွေ့မိသလောက်ကိုရေးထားချင်းသပ်သပ်သာဖြစ်ပြီး အယူဝါဒ “ belief “ ဖြစ်တာကြောင့် နေရာဒေသအလိုက်၊ လူတစ်ဦးချင်းစီအလိုက် လက်ခံတယ်/ လက်မခံဘူး ကွဲလွဲကြပါလိမ့်မယ်။

ဆိုတော့ကျွန်တော်တို့ pest management ရဲ့ရှုထောင့်အရ ခြတောင်ပို့ဆိုတာ ဘယ်လို သဘာဝရှိပြီး ဘယ်လိုမျိုးတောင်ပို့တွေကကြီးလာကြတာရယ်၊ ခြတောင်ပို့ mound တွေဖွဲ့စည်းနေထိုင်တဲ့ခြတွေရဲ့အကြောင်းရယ်ကိုဆက်ပြီး ပြောပြချင်ပါတယ်။ 💡⛰️🐜

တောင်ပို့ mound ဆောက်လုပ်ပြီးနေထိုင်ကြတာ higher termites လို့ခေါ်တဲ့ ရှုပ်ထွေးတဲ့လုပ်ငန်းဆောင်တာတွေနဲ့ နေထိုင်ကြတဲ့ မြေအောင်းခြတွေပါ။ macrotermes ၊ globitermes ၊ odantotermese အစရှိတဲ့ မျိုးစိတ်တွေအပါအဝင်အခြားမျိုးစိတ်တွေလည်းရှိကြပါတယ်။ 🐜

နေရာဒေသအလိုက် ခြမျိုးစိတ်တွေရဲ့ ခြတောင်ပို့တွေပြန့်ပွါးမှုမတူညီကြပါဘူး။ မြန်မာနိုင်ငံမှာဆို ရန်ကုန်မြို့အတွင်းမှာ ခြတောင်ပို့တွေပြန့်ပွါးမှုဟာ နေပြည်တော်လောက်မများတာတွေ့ရပါတယ်။ ရန်ကုန်အတွင်းမှာ odantotermes မျိုးစိတ်နဲ့ macrotermes မျိုးစိတ်ရဲ့ ခြတောင်ပို့များတွေ့ရပြီး နေပြည်တော်မှာဆိုရင် ချွန်ချွန်ရှည်ရှည်အစုလိုက်ဖြစ်တည်တဲ့ macrotermes မျိုးစိတ်တစ်မျိုးရဲ့တောင်ပို့အများအပြားကိုတွေ့ရနိုင်ပါတယ်။ နေပြည်တော်မဝင်ခင် အမြန်လမ်းပေါ်မှာ ကြည့်ကြည့်ရင် လမ်းဘေးဘီတွေမှာ ချွန်ချွန်ရှည်ရှည်တောင်ပို့အစုစုလေးတွေတွေ့ရပါလိမ့်မယ်။ အဲ့လောက်ထိကိုများတာပါ။⛰️

တောင်ပို့ အတွင်းထဲမှာဆို ရင် လေဝင်လေထွက်ပေါက်တွေ၊ မှိုစိုက်ပျိုးရေးအခန်းတွေ၊ ခြသားလောင်းပြုစုပျိုးထောင်ရေးအခန်းတွေ၊ ခြဘုရင်နဲ့ဘုရင်မနေထိုင်တဲ့ တော်ဝင်အိပ်ခန်း royal chamber တွေ နဲ့ဖွဲ့စည်းတည်ဆောက်ပြီး ခြတွေဟာနေထိုင်ကြပါတယ်။ ( ခြတွေရဲ့စနစ်တကျ တာဝန်ခွဲယူပြီး ခြအတန်းအစားခွဲကာနေထိုင်ကြပုံကို ခြဘုရင်မနှင့်သူ၏နောက်ပါများဆိုပြီး အရင် post ရေးထားပြီးဖြစ်လို့ စိတ်ဝင်စားရင် page မှာ ဝင်ဖတ်နိုင်ပါတယ်။ )💡

ဒီတောင်ပို့တွေဘယ်လိုကြီးထွားလာကြသလဲဆိုရင် မြေအောင်းခြတွေဟာ ပြင်ပ အပူချိန်ကိုမခံနိုင်ကြပါဘူး။ ပြီးတော့ သူတို့ကိုရန်မူမယ့် သားရဲကောင် predator တွေရန်ကိုလည်းကြောက်ရတဲ့အတွက် သူတို့ဟာ ရွှံ့လမ်းကြောင်းလေးတွေဆောက်ပြီး အဲ့ရွှံ့လေးတွေအောက်ထဲကနေသွားလာအလုပ်လုပ်ကြပါတယ်။ တောင်ပို့တွေကလည်းသူ့အလိုလိုကြီးထွားလာကြတာမဟုတ်ပဲ ညအချိန်အပူချိန်လျော့တဲ့အချိန်တွေမှာ ခြလုပ်သားလေးတွေကတောင်ပို့ကို တိုးချဲ့ဆောက်လုပ်ကြရင်းနဲ့ တဖြည်းဖြည်းလူတွေသတိမထားမိပဲ ကြီးကြီးလာကြတာပါ။ အဲ့လိုမျိုး ရွှံ့လမ်းကြောင်းတွေအောက်မှာ တိတ်တဆိတ်အလုပ်လုပ်ရင်း၊ တောင်ပို့ကိုညဘက်တွေမှာခိုးခိုးဆောက်ကြရင်းနဲ့ တောင်ပို့တွေကြီးထွားလာကြတာပါ။ တစ်ချို့ ခြမျိုးစိတ်တွေမှာ ပေ -၂၀ လောက်ထိမြင့်တဲ့တောင်ပို့တွေတောင်ရှိကြပါတယ်။ တောင်ပို့တွေမှာ active colony ရှိမှဆက်လက်ကြီးထွားပါတယ်။ ခြတွေမရှိတော့ရင် အခြား တွင်းအောင်းသတ္တဝါတွေကလှည့်ပြောင်းနေထိုင်တတ်ကြပါတယ်။ ⛰️🐜

ဒါတွေကတော့ လေ့လာမိသလောက် pest management နဲ့ပတ်သက်တဲ့ ခြတောင်ပို့တွေအကြောင်းရယ်၊ လူတွေရဲ့ခြတောင်ပို့နဲ့ပတ်သက်ပြီးရှိတတ်ကြတဲ့ အယူတွေရယ်ဖြစ်ပါတယ်။

“ ခြနှင့် ပိုးမွှားပြသနာများအတွက်အားထားယုံကြည်ရာ၊ Friend ပိုးမွှားနှိမ်နင်းရေးလုပ်ငန်းပါ။ “

Yangon Office
☎️ 0️⃣9️⃣9️⃣7️⃣0️⃣1️⃣0️⃣0️⃣5️⃣5️⃣1️⃣
☎️ 0️⃣9️⃣9️⃣7️⃣0️⃣1️⃣0️⃣0️⃣5️⃣5️⃣2️⃣

📧 [email protected]

Mandalay office
☎️0️⃣9️⃣9️⃣7️⃣2️⃣1️⃣9️⃣0️⃣7️⃣2️⃣0️⃣
☎️0️⃣9️⃣5️⃣0️⃣0️⃣9️⃣8️⃣2️⃣8️⃣

📧 [email protected]