28/07/2026
စာပေပညာရှင်နှင့် စာရေးဆရာမကြီး ဝဏ္ဏကျော်ထင်ဒေါက်တာဒေါ်ပို (မလေးပို) သည်
မြန်မာနိုင်ငံ၏ထင်ရှားသော စာပေပညာရှင်တစ်ဦးဖြစ်ပြီး
ရန်ကုန်တက္ကသိုလ် မြန်မာစာဌာနတွင် ပါမောက္ခ/ဌာနမှူးအဖြစ် တာဝန်ထမ်းဆောင်ခဲ့ပါသည်။
မြန်မာစာ၊ မြန်မာစကားဟု ဆိုလိုက်တာနဲ့ ဒေါက်တာဒေါ်ပို၏ စာပေချစ်စိတ်၊ မျိုးချစ်စိတ်တို့ဟာ
ယနေ့ထက်တိုင် နိုးကြားရှင်သန်နေဆဲပါ။
"စာပေမြင့်မှ လူမျိုးတင့်တယ်တာ။ စာပေကနေ ကောင်းကျိုးချမ်းသာတွေ အများကြီးလုပ်ခဲ့တယ်။
စာပေကြောင့် ကိုယ့်တိုင်းပြည် စုစုစည်းစည်း ဖြစ်အောင် လုပ်နိုင်တယ်။
စာပေရဲ့ဂုဏ်ကျေးဇူးဟာ အင်မတန်ကြီးတယ်၊ ရေးတဲ့သူ ရှိပြီး မဖတ်လို့ရှိရင် အလကားပဲလေ၊
စာပေပြုစုတဲ့သူရော၊ ရေးတဲ့ သူရော၊ ဖတ်တဲ့သူရောရှိမှ မြန်မာ စာပေသမိုင်းကြီးဟာ ကမ္ဘာတည် သရွေ့ တည်ရှိနေမှာပါ။" ဟု
ဆရာမကြီး၏ ဆိုဆုံးမမှုများဟာ အင်မတန်မှ တန်ဖိုးကြီးလှပါသည်။
စာပေနှင့် ပညာရေးကဏ္ဍတွင် ထူးချွန်စွာစွမ်းဆောင်နိုင်ခဲ့မှုကြောင့်
နိုင်ငံတော်မှ ဝိဇ္ဇာပညာရပ် ထူးချွန်ဒုတိယဆင့်၊ ပြည်သူ့ဝန်ထမ်းတံဆိပ်၊ နိုင်ငံတော်အေးချမ်းသာယာရေးတံဆိပ်၊
ဝန်ထမ်းကောင်းတံဆိပ်၊ အမျိုးသားယဉ်ကျေးမှုနှင့် အနုပညာတက္ကသိုလ် ဂုဏ်ထူးဆောင်ပါရဂူဘွဲ့၊
လူမှုထူးချွန်တံဆိပ် (ပထမဆင့်)၊ ဝဏ္ဏကျော်ထင်ဘွဲ့များ ပေးအပ်ခဲ့သည်။
ဆရာမကြီးသည် ရန်ကုန်တက္ကသိုလ် မြန်မာစာဌာန နှင့် မြန်မာစာပေလောကတိုးတက်ရေးအတွက်
တစ်သက်တာလုံး အားထုတ်ကြိုးပမ်းခဲ့သည့် အမျိုးသမီးစာပေပညာရှင်ကြီးတစ်ဦး ဖြစ်ပါသည်။
မြန်မာစာပေညွန့်ပေါင်းကျမ်း အတွဲ (၅၊ ၆၊ ၇) တို့ကို တည်းဖြတ်ပြုစုခဲ့သလို
တိုကျို နိုင်ငံခြားဘာသာသင်တက္ကသိုလ် (Tokyo University of Foreign Studies) တွင်
ဧည့်ပါမောက္ခ (Guest Professor) အဖြစ် သွားရောက်ပို့ချခဲ့သည်။
စာရေးဆရာမကြီး ဝဏ္ဏကျော်ထင်ဒေါက်တာဒေါ်ပို (မလေးပို)ရဲ့
စာပေအပေါ်အမြင်၊ စာပေကြောင့်ဘဝပြောင်းလဲခဲ့ပုံ၊ ရိုးသားကြိုးစားခဲ့တဲ့ ဘဝဇာတ်ကြောင်းကို
ထပ်ဆင့်အကယ်ဒမီစင်ရော်မောင်မောင်မှ အမှတ်တရ ရိုက်ကူးထားပြီး
Tea Art Companyမှ ဂုဏ်ယူစွာဖြင့် စီစဉ်တင်ဆက်လိုက်ရပါသည်ခင်ဗျာ။
📌ဆက်သွယ်ဝယ်ယူရန် 📌
（Myanmar Plaza 1st floor)Nearly by season cafe ..
ရရှိနိုင်သော လိပ်စာများ - city mart and Ocean supermarkets , Market Place by city mart (Yangon), Capital Hypermarket (Yangon, Naypitaw, Mandalay), Gandamar wholesale(Nay Pyi Taw) ,Fuji supermarket (78th Mandalay)
#မြန်မာတာမိုးညဲဝူးလုံလက်ဖက်ခြောက်မိသားစု🍃🍃🍃
