19/04/2023
တစ်နေ့မှာ ရာဇဝတ်မှုကျူးလွန်တဲ့လူတစ်ယောက်ကို စစ်သည်တော်တွေကဖမ်းဆီးပြီး ဘုရင့် ရှေ့မှောက်ကို ခေါ်လာကြတယ်. ဘုရင်က စစ်ဆေးမေးမြန်းတဲ့အခါ ရာဇဝတ်သားက အပြစ်ကျူးလွန်ခဲ့ကြောင်းဝန်ခံလိုက်ပါတယ် . ဒီတော့ ဘုရင်က သူ့ကိုသေဒဏ်အမိန့်ချမှတ်လိုက်ပါတော့တယ်. ဒါပေမယ့် ဘုရင်ကသူ့ကို ရွေးချယ်စရာ ၂ ခု ပေးလိုက်ပါသေးတယ်. ကြိုးပေးကွက်မျက်တာကိုခံမလား ဒါမှမဟုတ် သံတိုင်အတုတ်ကြီးတွေနဲ့ကာရံထားပြီး အရမ်းကိုမှောင်မိုက်နေတဲ့အခန်းကြီးထဲကိုဝင်မလား ပေါ့ .
ရာဇဝတ်သားဟာ ကြိုးပေးကွက်မျက်တာကိုခံယူဖို့ပဲ ရွေးချယ်လိုက်ပါတော့တယ် . ဒီတော့ သူကြိုးစင်ပေါ်ရောက်လို့ သူ့လည်ပင်ကို ကြိုးကွင်းစွပ်ပြီး မျက်နှာကိုအဝတ်နဲ့စည်းခါနီးမှာ ဘုရင်ကိုတစ်ခုခွင့်တောင်းတယ်.
" အရှင်မင်းကြီး မှောင်မိုက်နေတဲ့အခန်းကြီးထဲမှာ ဘာရှိသလဲဆိုတာကို သိချင်ပါတယ် ပြောပြပေးတော်မူပါ . မသေခင် အသေဖြောင့်အောင် သိသွားပါရစေ " လို့လျှောက်ထားသတဲ့
အဲ့အခါဘုရင်က အခုလိုပဲပြန်ဖြေပါတယ် " လွပ်လပ်ခြင်း ။ မင်း အဲ့ဒီအခန်းထဲကိုဝင်မယ်ဆိုရင် မင်းသေဒဏ်ကနေလွတ်မြောက်ပြီး လွတ်လပ်ရာကို ထွက်သွားနိုင်တယ် " တဲ့. ပြီးတော့ဆက်ပြောတယ် " မင်းရဲ့ရှေ့က အရင်လူတွေအကုန်လုံးကလည်း ကြိုးပေးကွက်မျက်တာကိုပဲရွေးချယ်ခဲ့ကြတယ် ဘာလို့လဲဆိုတော့ မင်းတို့က မမြင်ရတဲ့အရမ်းကို အရမ်းကြောက်နေခဲ့ကြတာကိုး " တဲ့
ဒါလေးဟာ ပုံပြင်လေးဆိုပေမယ့် အကြောက်တရားနဲ့ပတ်သတ်တဲ့ အဓိပ္ပါယ်ကိုဖော်ပြပေးသွားတာပါ . ကျွန်တော်တို့ဟာ အမှောင်ထုကို ကြောက်ကြတယ် . အတော်များများပါပဲ . အမှောင်ထုထဲကို မီးနဲ့ထိုးကြည့်လို့ကြောက်စရာဘာမှမရှိဘူးဆိုရင်ကြောက်ပါ့မလား? ဘယ်သူမှကြောက်မယ်မထင်ပါ .
ဒါဆို မမြင်ရတဲ့အရာတွေကို တွေးကြောက်ပြီး ကျွန်တော်တို့ ဘာတွေကိုများ ဘယ်လောက်တောင် ဆုံးရှုံးခဲ့ကြပြီးပြီပါလိမ့်နော် ?
#ဆရာဗန်းမော်သိန်းဖေ၏အောင်မြင်မှုပန်းတိုင်သို့ခြေလှမ်း၅၀ စာအုပ်မှကောက်နှုတ်ချက်တစ်ခု
