14/06/2025
📘 Singapore Primary Education Journey - Part (1) 📘
ဒီနေ့မှာတော့ စင်ကာပူရဲ့ပညာရေးစနစ်ထဲမှာ အရေးအကြီးဆုံးကဏ္ဍ တစ်ခုဖြစ်တဲ့ မူလတန်းပညာရေး (Primary Education) နဲ့ပတ်သက်ပြီး ကိုယ်တိုင် လေ့လာထားတာတွေနဲ့ အတွေ့အကြုံရှိပြီးသား မိဘတချို့ ရဲ့ ရေးသားချက်လေးတွေကို ပေါင်းပြီး မျှဝေချင်ပါတယ်…..
ဒီစာလေးကတော့ စင်ကာပူနိုင်ငံသား မဟုတ်တဲ့ Foreigners (နိုင်ငံခြားသား) မိဘ များ နဲ့ ကလေးလေး တွေ အတွက် ရည်ရွယ်ပါတယ် …..
🎓 အစိုးရကျောင်းဝင်ခွင့်ရပြီဆိုတာနဲ့ …..
ကလေးတစ်ယောက် အတွက် Primary 1 ကနေ Primary 6 အထိ ၆နှစ်စာ Student Pass ရမှာဖြစ်ပါတယ်။
အမေ/အဖွား တစ်ဦးဦးကို အုပ်ထိန်းသူအဖြစ် Long Term Visit Pass (LTVP) လျှောက်လို့ရပါတယ်။
ယခင်ကအများအားဖြင့် မိခင်/အဖွားများသာ အုပ်ထိန်းသူလျှောက်လို့ရခဲ့ပေမယ့် အခုကတော့ ဖခင်တွေလည်း အုပ်ထိန်းသူအဖြစ် လျှောက်လို့ရပါပြီ…. LTVP သက်တမ်းက တိုးတိုးပြီးနေရမှာပါ ….
⚠️ LTVP နဲ့ အလုပ်လုပ်ခွင့်အကြောင်း …..
>> ပထမနှစ်မှာ အလုပ်လုပ်ခွင့်မရှိပါ။
>> ၁ နှစ်ကျော်လာရင်တော့ အလုပ်ရတဲ့အခါ အလုပ်ရှင်ဘက်က LOC (Letter of Consent) လျှောက်ပေးတာနဲ့ အလုပ်လုပ်လို့ ရပါပီ …. (Media, Bar, Entertainment, Dance Instructor စတဲ့ အလုပ်တချို့ မလုပ်နိုင်ပါ)
(👉 Objectionable occupations for LTVP လို့ Google မှာရှာပြီး အသေးစိတ်ကြည့်နိုင်ပါတယ်)
💰 ကျောင်းလခ နှင့် သက်ဆိုင်ရာကုန်ကျစရိတ်များ
>> လစဉ် S$700 – S$800 ဝန်းကျင်ကုန်ကျနိုင်ပါတယ်။
>> ထပ်ပေးရမယ့်စရိတ်တွေကတော့
– စာအုပ်ဖိုး
– ကျောင်းဝတ်စုံ
– ကျောင်းအစ မှာ လိုအပ်တဲ့ စရိတ်များ ပါဝင်ပါတယ်။
💡 ကျောင်းတွေ မှာ insurance system တစ်ခုရှိပါတယ်….. ကျောင်းအတွင်းမှာ ဖြစ်ပွားတဲ့ minor accidents တွေကို cover လုပ်ပေးနိုင်ပါတယ်…..
ဒါပေမယ့် ကျောင်းပြင်ပမှာ အန္တရာယ်တစ်ခုခုဖြစ်ခဲ့ရင် အတွက် ကိုယ်ပိုင် insurance တစ်ခု ဝယ်ထားဖို့ လိုအပ်ပါတယ်…..
📝 အစိုးရကျောင်းရဖို့ လုပ်ဆောင်ရတဲ့ process တွေ၊ လျှောက်ဖို့လိုအပ်တဲ့စာရွက်စာတမ်းတွေ၊ စဉ်ဆက်မပြတ် follow up လုပ်ရတဲ့အကြောင်းတွေကို နောက်တစ်ပို့စ် မှာ ဆက်လက်ရေးပေးသွားပါ့မယ် …..
တခြား သိချင်တာလေးတွေ ရှိရင် chat box မှာ စာပို့ထားပေးနော် 🤩