https://www.facebook.com/1805763063012569/

U Okka Myint, Yangon (2026)

29/07/2026

ရှီကျင့်ဖျင်၏ စွန့်စားရင်းနှီးမြှုပ်နှံမှုအောင်ပွဲ
******
စီလီကွန်ဗယ်လီမှာ ကုမ္ပဏီစတော့ရှယ်ယာ စျေးကွက်ဝင်ပြီး ရုတ်တရက် ဘီလျံနာ ဖြစ်သွားတာကို “Sudden wealth event” လို့ ခေါ်ကြပါတယ်။ ၂၀၂၆ ခုနှစ် ဇူလိုင် ၂၇ ရက်နေ့မှာတော့ ဒီလိုကြွယ်ဝမှုကို တရုတ်အစိုးရကိုယ်တိုင် ကြုံတွေ့လိုက်ရပါတယ်။
ကွန်ပျူတာ မှတ်ဉာဏ်ချစ်ပ် (Memory Chip) ထုတ်လုပ်တဲ့ CXMT ကုမ္ပဏီဟာ ရှန်ဟိုင်းစတော့စျေးကွက် (STAR Market) မှာ စတော့ရှယ်ယာ စတင်ထုတ်ရောင်း (IPO) ခဲ့ရာမှာ ပထမဆုံးနေ့မှာတင် စျေးနှုန်း ၄၇၀% ထိုးတက်သွားခဲ့ပါတယ်။ ဒါကြောင့် ကုမ္ပဏီတန်ဖိုး ယွမ် ၃.၃ တြီလီယံအထိ ရောက်ရှိသွားပြီး တရုတ်ပြည်မကြီးမှာ တန်ဖိုးအရှိဆုံး ကုမ္ပဏီ ဖြစ်လာခဲ့ပါတယ်။ ဒီပွဲမှာ အကြီးမားဆုံး အနိုင်ရရှိသူကတော့ အစောပိုင်းတည်းက ပါဝင်မြှုပ်နှံခဲ့တဲ့ တရုတ်အစိုးရပဲဖြစ်ပါတယ်။
တရုတ်ကို နည်းပညာထိပ်သီး ဖြစ်စေချင်တာကြောင့် EV၊ ဆီမီကွန်ဒါတာ၊ ဒရုန်းနဲ့ ပျံသန်းနိုင်တဲ့ ကားထုတ်လုပ်ရေးတွေထဲကို နိုင်ငံတော်ဘဏ္ဍာငွေ ပုံအောလောင်းကြေးထပ်ခဲ့တာဖြစ်ပြီး ၂၀၂၄ အကုန်မှာ လမ်းညွှန်ရန်ပုံငွေ (Guidance Funds) တွေကနေတစ်ဆင့် ယွမ် ၁၂ တြီလီယံအထိ ထည့်ဝင်ထားပြီး ဖြစ်ပါတယ်။
ဒါဟာ တကယ်တော့ သမ္မတ ရှီ ဟာ စွန့်စားရင်းနှီးမြှုပ်နှံသူ (Venture Capitalist - VC) ကြီးတစ်ယောက်လို ပြုမူနေတာဖြစ်ပြီး CXMT ဟာ ရှီ ရဲ့ အအောင်မြင်ဆုံး လောင်းကြေးဖြစ်ခဲ့ပါတယ်။ ၂၀၁၆ မှာ အစိုးရက စတင်တည်ထောင်ပေးခဲ့တဲ့ "ဟိုဖေး မော်ဒယ်" အတိုင်း Strategic နည်းပညာ စတာအာ့ပ်တွေမှာ အစိုးရက အစောပိုင်းတည်းက အစုရှယ်ယာရှင်အဖြစ် ပါဝင်ခဲ့တာ ဖြစ်ပါတယ်။ လက်ရှိမှာ CXMT ဟာ ကမ္ဘာ့ DRAM စျေးကွက်ကို စိုးမိုးထားတဲ့ Micron၊ SK Hynix နဲ့ Samsung တို့လို ကုမ္ပဏီကြီးတွေကို စိန်ခေါ်လာနိုင်ပြီး Apple လို ကုမ္ပဏီကြီးတွေကပါ တရုတ်ချစ်ပ်တွေကို သုံးဖို့ စဉ်းစားလာကြပါတယ်။ ဒီရင်းနှီးမြှုပ်နှံမှုဟာ အစိုးရအတွက် ရင်းနှီးမြှုပ်နှံခဲ့တဲ့ အရင်းထက် အဆ ၄၀ ကျော် အမြတ်ပြန်ရစေခဲ့ပေမဲ့ အခြားတစ်ဖက်မှာလည်း စိန်ခေါ်မှုတွေ အများကြီး ရှိနေပါတယ်။
၁။ ထွက်ပေါက်မရှိတဲ့ ရင်းနှီးမြှုပ်နှံမှုများ
၂၀၂၀ ကစပြီး နည်းပညာကဏ္ဍကို ကိုင်တွယ်မှုတွေကြောင့် ပုဂ္ဂလိကနဲ့ အမေရိကန် ရန်ပုံငွေတွေ နောက်ဆုတ်သွားလို့ အစိုးရကပဲ အားလုံးကို စိုက်ထုတ်ပေးနေရပါတယ်။ ရှုံးနိမ့်သွားတဲ့ အခြားရင်းနှီးမြှုပ်နှံမှုတွေကို ကာမိဖို့ CXMT လို အောင်မြင်တဲ့ ကုမ္ပဏီမျိုး အများကြီး ထပ်လိုနေပါသေးတယ်။
၂။ အဂတိလိုက်စားမှု
၂၀၂၂ က ယွမ် ၃၄၃ ဘီလျံတန် အဓိက ဆီမီကွန်ဒါတာ ရန်ပုံငွေ အရာရှိတွေ အဂတိလိုက်စားမှုနဲ့ စွပ်စွဲခံရတာကြောင့် ရန်ပုံငွေထုတ်ပေးမှုတွေ ရပ်ဆိုင်းခဲ့ရပါတယ်။ အရာရှိတွေအနေနဲ့ အရှုံးပေါ်ရင် အဂတိလိုက်စားတယ်လို့ အစွပ်စွဲခံရမှာ ကြောက်လို့ စတာအာ့ပ်တွေအပေါ် တင်းကြပ်တဲ့ စည်းကမ်းတွေ ထုတ်လာကြပါတယ်။
၃။ ငွေကြေးအင်အား မလုံလောက်မှု
ပြည်တွင်း ပုဂ္ဂလိက ရင်းနှီးမြှုပ်နှံသူတွေမှာ အစိုးရပိုင် ရှယ်ယာတွေကို ပြန်ဝယ်နိုင်လောက်အောင် ငွေကြေးအင်အား မရှိပါဘူး။ CXMT ရှယ်ယာတွေကို ပြောင်းဝယ်ကြလို့ STAR 50 အညွှန်းကိန်း ထိုးကျသွားရာမှာ အစိုးရက ဒေါ်လာ ၉ ဘီလျံခန့် ထပ်စိုက်ပြီး စျေးကွက် ထိန်းပေးခဲ့ရပါတယ်။
ဒါကြောင့်
သမ္မတ ရှီ ဟာ တရုတ်နိုင်ငံကို နည်းပညာ ထိပ်သီးနိုင်ငံဖြစ်အောင် နိုင်ငံတော် ဘဏ္ဍာငွေတွေသုံးပြီး စွန့်စား ရင်းနှီးမြှုပ်နှံမှုတွေ လုပ်ဆောင်နေတာ ဖြစ်ပါတယ်။ CXMT ရဲ့ အောင်ပွဲဟာ ရှီကျင့်ဖျင်ရဲ့ ဗျူဟာ မှန်ကန်ကြောင်း သက်သေပြနေသလို ရှိပေမဲ့ အခြားတစ်ဖက်မှာလည်း အဂတိလိုက်စားမှု၊ ထွက်ပေါက်မရှိတဲ့ ရင်းနှီးမြှုပ်နှံမှုတွေနဲ့ စျေးကွက် မတည်ငြိမ်မှုဆိုတဲ့ ကြီးမားတဲ့ စိန်ခေါ်မှုတွေ ရှိနေဆဲ ဖြစ်ပါတယ်။

22/07/2026

HR Supervisor နဲ့ HR Executive ဘာကွာသလဲ
******
လုပ်ငန်းခွင်မှာ Supervisor နဲ့ Executive ရာထူးကို တာဝန်ချင်း ခပ်ဆင်ဆင်တူတယ်လို့ ထင်ရပေမဲ့ တကယ့်လက်တွေ့ မှာတော့ Scope မတူကြပါဘူး။ အထူးသဖြင့် မြန်မာနိုင်ငံအပါအဝင် အာရှက လုပ်ငန်းတွေရဲ့ သဘောတရားတွေမှာ အသုံးပြုပုံ ပိုကွဲပြားပါတယ်။
ဒါကို လွယ်လွယ်ကူကူ ခွဲခြားကြည့်မယ်ဆိုရင် "လူကို နီးနီးကပ်ကပ် ကြီးကြပ်ကွပ်ကဲရသလား"သို့မဟုတ် "ကိုယ်တိုင် အလုပ်တစ်ခု (Process) ကို တာဝန်ယူကိုင်တွယ်ရသလား"ဆိုတဲ့အချက်ပေါ် မူတည်ပါတယ်။
…
၁။ ကွာခြားချက်
Supervisor ရဲ့ အဓိကအလုပ်က "People & Daily Operations" "လူတွေကို အနီးကပ်နေ့စဉ်စီမံအုပ်ချုပ်ရခြင်း" ပါ။
လက်အောက်ဝန်ထမ်းတွေ ဒါမှမဟုတ် အောက်ခြေအလုပ်သမားတွေ နေ့စဉ်အလုပ် မှန်မှန်လုပ်ရဲ့လား၊ Target ပြည့်ရဲ့လားဆိုတာကို အနီးကပ် ကြီးကြပ်ပေးရတယ်။ Manager ထံ တိုက်ရိုက် Report တင်ရပြီး စက်ရုံ၊ Construction၊ Logistics နဲ့ Retail လို အလုပ်သမားအင်အားများတဲ့ Frontline/Blue-collar နေရာတွေမှာ အသုံးများပါတယ်။
Executive ရဲ့ အဓိကအလုပ်ကတော့ "Ex*****on & Task Management" "လုပ်ငန်းတာဝန်ကို အဓိကထားပြီး ထမ်းဆောင်ရခြင်း"ပါ။
သူကတော့ လူကို လိုက်ကြည့်ရတာထက် ပေးလိုက်တဲ့ တာဝန် (ဥပမာ- စာရင်းဇယား၊ Plan၊ HR process) ကို ကျွမ်းကျင်စွာ ပြီးမြောက်အောင် လုပ်ပေးရတာပါ။ AM သို့မဟုတ် Manager ဆီ အစီရင်ခံရလေ့ရှိပြီး Corporate Office၊ Sales၊ HR၊ Finance စတဲ့ White-collar ရုံးပိုင်းဆိုင်ရာတွေမှာ အဓိကတွေ့ရပါတယ်။
…
၂။ "HR Supervisor" ဆိုတဲ့ ရာထူးက ဘယ်လိုနေရာမှာ သုံးသလဲ?
ဒီရာထူးအခေါ်အဝေါ်က ကုမ္ပဏီကြီးတွေနဲ့ စက်ရုံတွေမှာ တကယ့်ကို အရေးပါတဲ့ ရာထူးအနေနဲ့ရှိနေပါတယ်။
စက်ရုံ၊ အထည်ချုပ်၊ Construction ဒါမှမဟုတ် Logistics လို ဝန်ထမ်းအင်အား ရာနဲ့ထောင်နဲ့ချီရှိတဲ့ နေရာတွေမှာ HR Supervisor ဆိုတာ မရှိလို့ မရပါဘူး။ သူတို့က ရုံးခန်းထဲမှာတင် စာရွက်စာတမ်းကြည့်နေရတာ မဟုတ်ဘဲ စက်ရုံ Floor ပေါ်အထိ ဆင်းပြီး အလုပ်သမားတွေ၏ Attendance၊ ခွင့်ယူမှု၊ OT စိစစ်တာ၊ လုပ်ငန်းပြီးစီးမှုကို ထိန်းကျောင်းတာ၊ စက်ရုံစည်းကမ်း ထိန်းတာနဲ့ အလုပ်သမားရေးရာ ပြဿနာတွေကို တိုက်ရိုက် ထိတွေ့ဖြေရှင်းပေးရတာပါ။ ၎င်းတို့အောက်မှာလည်း HR Assistant တွေ သီးသန့်ရှိတတ်ပါတယ်။
…
၃။ HR Supervisor နဲ့ HR Executive ဘာကွာသလဲ?
HR နယ်ပယ် သီးသန့်မှာ ယင်း ရာထူးနှစ်ခုကို ယှဉ်ကြည့်ရင်တော့ -
HR Supervisor (Floor-level Focus)
လက်အောက် HR ဝန်ထမ်းတွေနဲ့ အလုပ်သမားတွေကို တိုက်ရိုက်ကြီးကြပ်ရတယ်။ စည်းကမ်းဖောက်ဖျက်မှု၊ Attendance၊ OT နဲ့ Payroll Audit စတဲ့ နေ့စဉ် Operation တွေ အမှားအယွင်းမရှိစေဖို့ အနီးကပ်စိစစ်ရတာဖြစ်လို့ အလုပ်သမားအင်အား များပြားတဲ့ စက်ရုံအခင်းအကျင်းတွေနဲ့ ပိုကိုင်တွယ်ရပါတယ်။
HR Executive (Functional Focus)
HR ရဲ့ သီးခြား Process တစ်ခုခု (ဥပမာ- Recruitment, Payroll, Training & Development သို့မဟုတ် Employee Engagement) ကို ကိုယ်တိုင် ကျွမ်းကျင်စွာ ဦးဆောင်လုပ်ကိုင်ရတာပါ။ လူကို လိုက်မကြည့်ရဘဲ မိမိတာဝန်ယူထားတဲ့ HR Function အောင်မြင်ဖို့ဘဲ အဓိကထားရလို့ Corporate Office တွေ၊ IT နဲ့ Services ကုမ္ပဏီတွေမှာ သုံးလေ့ရှိပါတယ်။
ရာထူးအဆင့်အနေနဲ့ HR Supervisor နဲ့ HR Executive ကို နှိုင်းယှဉ်ရင် အတူတူပဲလို့ ယူဆလို့ရနိုင်ပါတယ်။
တကယ်တော့...
ရုံးပိုင်းဆိုင်ရာ Corporate Office တွေမှာဆိုရင် Career Path အရ Junior Executive ကနေ Senior HR Executive၊ ထိုမှတစ်ဆင့် HR Officer သို့မဟုတ် Assistant Manager ဆိုပြီး သွားကြတာများလို့ Supervisor လို့ အသုံးနည်းပါတယ်။
ဒါပေမဲ့ စက်ရုံ ဒါမှမဟုတ် Operations အင်အားသုံးရတဲ့ လုပ်ငန်းတွေမှာတော့ အောက်ခြေဝန်ထမ်းတွေကို အနီးကပ် ကြီးကြပ်စိစစ်ပေးဖို့ HR Supervisor ဆိုတဲ့ ရာထူးဟာ အဖွဲ့အစည်း လည်ပတ်မှုအတွက် မရှိမဖြစ် လိုအပ်တဲ့ ရာထူးတစ်ခု ဖြစ်ပါတယ်။
HR Manager Level မထားတဲ့ တချို့လုပ်ငန်းငယ်တွေမှာ HR Executive ကို HR တာဝန်ခံအနေနဲ့ ထားရှိလေ့ ရှိကြပါတယ်။ HR Supervisor Level ကိုတော့ HR Manager Level ရှိမှသာ လက်အောက်ကြီးကြပ်သူ အဖြစ် ထားရှိတာမျိုးကို ကျင့်သုံးလေ့ရှိကြပြီးတော့ HR Head ရဲ့ ရာထူးကို HR Supervisor Level အဖြစ် သုံးနှုန်းလေ့မရှိကြပါဘူး။
ဒါကြောင့် မိမိရဲ့လုပ်ငန်း၊ မိမိပေးအပ်မယ့်တာဝန်နဲ့ လိုက်လျောညီထွေရှိမယ့် ရာထူးကို ပေးအပ်ထမ်းဆောင်စေတာက တာဝန်ကို ပိုမိုပေါ်လွင်စေသလို မိမိလုပ်ငန်းရဲ့ စီမံခန့်ခွဲမှုစနစ်ကျနမှုကို ပေါ်လွင်စေပါကြောင်း ။
မေတ္တာဖြင့်
ဥက္ကာမြင့်

19/07/2026

အမေရိကန်အထက်တန်းကျောင်းများ၏ အမှတ် 100+ စနစ်
သို့မဟုတ် Weighted Grading System
******
လွန်ခဲ့ရက်အနည်းငယ်က US က မိတ်ဆွေတစ်ဦးနဲ့တွေ့တော့ သူ့ရဲ့ထူးချွန်တဲ့သားလေးရဲ့ အထက်တန်းပညာရေးအကြောင်းကို ပြောဖြစ်ကြပါတယ်။ ဒီမှာပဲ သူ့သားလေးက ဘာသာစုံကို 100+ အမှတ်ရတဲ့အကြောင်း သိလာရပါတယ်။ ကျနော်တို့ဆီမှာတော့ ကျောင်းသားကို ပေးမှတ် အမှတ် ၁၀၀ အထိပဲပေစတတ်တာမို့ အမေရိကန်အထက်တန်းကျောင်းတွေရဲ့ ပေးမှတ် 100+ စနစ်ကို လေ့လာဖြစ်ခဲ့ပါတယ်။
***
အမေရိကန် အထက်တန်းကျောင်း (High School) တွေမှာ ကျောင်းသားတစ်ယောက်ရဲ့ GPA (Grade Point Average) သို့မဟုတ် စာမေးပွဲရမှတ်တွေက 100% ထက် ကျော်လွန်သွားနိုင်တဲ့ စနစ်ရှိပါတယ်။ ဒါကို Weighted Grading System (အလေးသာမှတ်စနစ်)လို့ ခေါ်ပါတယ်။
ဒီစနစ်အလုပ်လုပ်ပုံက စိတ်ဝင်စားစရာပါ။
၁။ အပိုဆောင်းအမှတ်ပေးတဲ့ စိန်ခေါ်မှုအတန်းများ (Advanced Courses)
အမေရိကန် အထက်တန်းကျောင်းတွေမှာ သာမန်အတန်းတွေအပြင် တက္ကသိုလ်အဆင့်ရှိတဲ့ ပိုခက်ခဲတဲ့ သင်ရိုးညွှန်းတမ်းတွေကို ရွေးချယ်တက်ရောက်ခွင့်ပေးထားပါတယ်။ အဓိကအားဖြင့် -
(1/1)AP (Advanced Placement) Classes:တက္ကသိုလ်အဆင့် မေဂျာဘာသာရပ်များ။
(1/2) IB (International Baccalaureate) Classes:နိုင်ငံတကာအဆင့်မီ ခက်ခဲသောသင်ရိုးများ။
(1/3)Honors Classes:သာမန်အတန်းထက် ပိုမိုကျယ်ပြန့်စွာ သင်ကြားရသောအတန်းများ။
ဒီလိုခက်ခဲတဲ့ အတန်းတွေကို တက်ရောက်တဲ့ ကျောင်းသားတွေကို သူတို့ရဲ့ ကြိုးစားမှုအတွက် ဆုကြေးအနေနဲ့ Extra Credit (အပိုအမှတ်)ပေးလေ့ရှိပါတယ်။
၂။ ရမှတ် (Grade) ၁၀၀ ကျော်သွားပုံ
သာမန်အတန်းတစ်ခုမှာ ၁၀၀ ဖိုး ဖြေရင် အများဆုံး ၁၀၀ ပဲ ရနိုင်ပါတယ်။ ဒါပေမဲ့ AP ဒါမှမဟုတ် Honors အတန်းတွေမှာ ဆရာ၊ ဆရာမတွေက အောက်ပါအတိုင်း တွက်ချက်တတ်ကြပါတယ် -
(2/1) Bonus Points/Extra Credit: စာမေးပွဲတွေမှာ ခက်ခဲတဲ့ အပိုမေးခွန်း (Bonus Question) တွေ ထည့်ထားတတ်ပါတယ်။ သာမန်မေးခွန်း အမှတ် ၁၀၀ ဖိုးအပြင် Extra Credit ၅ မှတ်ဖိုး ထပ်ဖြေနိုင်ရင် ကျောင်းသားက ၁၀၅ မှတ် အထိ ရသွားနိုင်ပါတယ်။
(2/2) Weighting Factor: အချို့ကျောင်းတွေမှာ ခက်ခဲတဲ့အတန်းရဲ့ ရမှတ်ကို Weight (အလေးချိန်) ထပ်မြှောက်ပေးပါတယ်။ ဥပမာ - AP အတန်းတစ်ခုမှာ ၁၀၀ ရရင် ၎င်းကို 1.1 သို့မဟုတ် 1.2 နဲ့ မြှောက်ပြီး ကျောင်းမှတ်တမ်းမှာ ၁၁၀ မှတ် သို့မဟုတ် ၁၂၀ မှတ် လို့ သတ်မှတ်ပေးတာမျိုး ဖြစ်ပါတယ်။
၃။ Weighted GPA စနစ် (GPA 4.0 ထက် ကျော်လွန်ခြင်း)
အမေရိကန်မှာ သာမန်အားဖြင့် GPA ကို 4.0 Scale (အမြင့်ဆုံး ၄ မှတ်) နဲ့ တွက်ပါတယ်။ ဒါပေမဲ့ အထက်ကပြောခဲ့တဲ့ အတန်းတွေကြောင့် GPA က 5.0 အထိ ဖြစ်သွားနိုင်ပါတယ်။ ဆိုလိုတာက ကျောင်းသားတစ်ယောက်က ခက်ခဲတဲ့ AP အတန်းတွေချည်းပဲ တက်ပြီး A တွေချည်းပဲ ရခဲ့ရင် သူ့ရဲ့ စုစုပေါင်း GPA က 4.7 သို့မဟုတ် 4.8 (4.0 ထက်ကျော်လွန်ပြီး 100%+ စွမ်းဆောင်ရည်) ဖြစ်သွားတတ်ပါတယ်။
ဒီစနစ်ကို သုံးရတဲ့ အဓိကရည်ရွယ်ချက်ကတော့
တော်တဲ့ကျောင်းသားတွေ အမှတ်ကောင်းကောင်းရလွယ်တဲ့ သာမန်အတန်းတွေကိုပဲ ရွေးမတက်ဘဲ၊ မိမိကိုယ်ကို စိန်ခေါ်ပြီး ပိုခက်ခဲတဲ့ အဆင့်မြင့်အတန်းတွေကို တက်ချင်စိတ်ရှိလာအောင် တွန်းအားပေး (Motivate) ချင်လို့ဖြစ်ပါတယ်။ ဒါမှလည်း ထိပ်တန်းတက္ကသိုလ်တွေက ကျောင်းသားခေါ်ယူတဲ့အခါ ဘယ်သူက ပိုပြီး စိန်ခေါ်မှုတွေကို ရင်ဆိုင်ရဲလဲဆိုတာကို ခွဲခြားသိမြင်နိုင်မှာ ဖြစ်ပါတယ်။
ဒီစနစ်ဟာ သိပ်ကိုစိတ်ဝင်စားစရာကောင်းပြီးတော့ ထူးချွန်တဲ့ကျောင်းသားတွေကို ပုံမှန်သင်ရိုးဘောင်တွေထက်ကျော်လွန်လေ့လာနိုင်စွမ်းကို မြှင့်တင်ပေးထားတဲ့စနစ်ဖြစ်တာမို့ ထူးချွန်သူကျောင်းသားတွေအတွက် အလွန်ကောင်းမွန်ပါတယ်။ အထက်က ကျနော်ပြောခဲ့တဲ့ မိတ်ဆွေရဲ့ သားလေးဟာ အထက်တန်းပညာရေးမှာ 100+ တွေနဲ့ချည်းအောင်မြင်ခဲ့လို့ ကမ္ဘာ့ထိပ်တန်းတက္ကသိုလ်ကြီးတွေဖြစ်တဲ့ MIT Massachusetts Institute of Technology , Harvard University, New York University တို့ကနေ ဝင်ခွင့်ပေးဖို့အတွက် အလုအယက်ခေါ်ယူခံခဲ့ရတဲ့ ဂုဏ်ယူဖွယ်ထူးချွန်သူ မြန်မာ့သွေးသားလေးတစ်ဦးဖြစ်ပါကြောင်း ဝမ်းမြောက်စွာမျှဝေအပ်ပါတယ်။
မေတ္တာဖြင့်
ဥက္ကာမြင့်

10/07/2026

ကားမီးလောင်နိုင်ခြေအန္တရာယ်ကြောင့် အမေရိကန်တွင် Kia ကားအစီးရေ ၄၆၃,၀၀၀ ကျော်ကို ပြန်လည်သိမ်းဆည်း
******
အမေရိကန်အဝေးပြေးလမ်းမကြီး ဘေးကင်းလုံခြုံရေး စီမံခန့်ခွဲမှုဌာန (NHTSA) ၏ ထုတ်ပြန်ချက်အရ Kia America ကုမ္ပဏီသည် ၎င်းတို့၏ Telluride SUV ကားအစီးရေ ၄၆၃,၀၀၀ နီးပါးကို မီးလောင်နိုင်ခြေ အန္တရာယ်ရှိသောကြောင့် ပြန်လည်သိမ်းဆည်းနေကြောင်း သိရသည်။
အကျုံးဝင်သည့် မော်ဒယ်များ
၂၀၂၀ ပြည့်နှစ်မှ ၂၀၂၄ ခုနှစ်အတွင်း ထုတ်လုပ်ခဲ့သည့် Kia Telluride Crossover SUV ကားများ ဖြစ်သည်။
ဖြစ်ပွားရသည့် အကြောင်းရင်း
ရှေ့ခန်းရှိ လျှပ်စစ်ထိုင်ခုံ မော်တာ (Front power seat motor) သည် ထိုင်ခုံချိန်ညှိသည့် ခလုတ်/ဘု (Slide k**b) တစ်ခုခုနှင့် ငြိမိခြင်း သို့မဟုတ် ထိခိုက်မိရာမှတစ်ဆင့် ခလုတ်အနေအထား လွဲချော်သွားပြီး မော်တာ ဆက်တိုက်အလုပ်လုပ်ကာ အပူလွန်ကဲ (Overheat) မှု ဖြစ်ပွားရာမှ မီးလောင်နိုင်ခြေရှိခြင်း ဖြစ်သည်။ ကားမောင်းနှင်နေစဉ် သို့မဟုတ် ကားရပ်ထားစဉ် မည်သည့်အချိန်တွင်မဆို မီးလောင်မှု ဖြစ်ပွားနိုင်သည်။
လက်ရှိအခြေအနေ
ဤပြဿနာကြောင့် ကားထိုင်ခုံအောက်တွင် မီးလောင်မှု ၇ ကြိမ်နှင့် ထိုင်ခုံမော်တာ အရည်ပျော်မှု ၁၁ ကြိမ် ဖြစ်ပွားခဲ့ကြောင်း သိရသည်။ သို့သော်လည်း လက်ရှိအချိန်အထိ ယာဉ်တိုက်မှု သို့မဟုတ် လူထိခိုက်ဒဏ်ရာရမှု မရှိသေးပါ။
ယခင်က ဖြစ်ပွားမှု
ဤကားများကို ၂၀၂၄ ခုနှစ်ကလည်း အလားတူပြဿနာကြောင့် တစ်ကြိမ် ပြန်လည်သိမ်းဆည်းခဲ့ဖူးပြီး၊ အဆိုပါအချိန်က ပြုပြင်မှုအပိုင်း လွဲမှားခဲ့ခြင်း သို့မဟုတ် ဒုတိယအကြိမ် ထပ်မံဖြစ်ပွားခြင်းတို့ကြောင့် ယခုအခါ ပိုမိုစိတ်ချရသည့် စနစ်သစ်ဖြင့် ထပ်မံပြင်ဆင်ပေးရန် ဒုတိယအကြိမ် ပြန်လည်သိမ်းဆည်းခြင်း ဖြစ်သည်။
ကုမ္ပဏီမှ အခမဲ့ ပြန်လည်ပြုပြင်မပေးနိုင်သေးမီ စပ်ကြား ကားပိုင်ရှင်များအနေဖြင့် ၎င်းတို့၏ယာဉ်များကို အဆောက်အအုံများနှင့် ဝေးရာ၊ နေအိမ်ပြင်ပ (Open air) တွင်သာ ရပ်နားထားရန် NHTSA က တိုက်တွန်းနှိုးဆော်ထားသည်။

26/06/2026

Seven Social Sins
*******
WEALTH without WORK
(လုပ်အား မပါသော ကြွယ်ဝခြင်း)
PLEASURE without CONSCIENCE
(အသိတရား မပါသော ပျော်ပါးခြင်း)
KNOWLEDGE without CHARACTER
(ကိုယ်ကျင့်တရား မပါသော ပညာရှိခြင်း)
COMMERCE without MORALITY
(စာနာမှု မပါသော စီးပွားရေးလုပ်ခြင်း)
SCIENCE without HUMANITY
(လူသားဆန်မှု မပါသော သိပ္ပံပညာ)
WORSHIP without SACRIFICE
(စွန့်လွှတ်မှု မပါသော ကိုးကွယ်ခြင်း)
POLITICS without PRINCIPLE
(မူဝါဒ မပါသော နိုင်ငံရေး)
*** Gandi***

25/06/2026

ကမ္ဘာ့ရွှေဈေး ဒေါ်လာ ၄,၀၀၀ အောက် ပြန်ကျ
******
မကြာမီက ကမ္ဘာ့ရွှေဈေးကွက်မှာ ရွှေဈေးဟာ တကယ့်ကို အရေးပါတဲ့ စံနှုန်းတစ်ခုဖြစ်တဲ့ တစ်အောင်စကို ဒေါ်လာ ၄,၀၀၀ အောက်ကို ပထမဆုံးအကြိမ်အဖြစ် ပြန်ကျသွားပါတယ်။ ဒါဟာ ပြီးခဲ့တဲ့ ၂၀၂၅ နိုဝင်ဘာလနောက်ပိုင်းမှာ အနိမ့်ဆုံးဈေးကို ပြန်ရောက်သွားတာပါ။ အဓိကကတော့ အမေရိကန်ဒေါ်လာ တန်ဖိုးပြန်တက်လာတာရယ်၊ အတိုးနှုန်းတွေကလည်း ဒီအတိုင်း မြင့်မြင့်မားမား ဆက်ရှိနေဦးမယ်ဆိုတဲ့ မျှော်လင့်ချက်တွေကြောင့် ရွှေဈေးအပေါ် ဖိအားဝင်လာတာ ဖြစ်ပါတယ်။
အမေရိကန်ဒေါ်လာ ဈေးမာလာတဲ့အခါကျတော့ အခြားနိုင်ငံခြားငွေ ကိုင်ဆောင်ထားတဲ့သူတွေအတွက် ဒေါ်လာနဲ့ဈေးဖြတ်တဲ့ ရွှေကိုဝယ်ရတာ ပိုပြီး အကုန်အကျများ (ဈေးကြီး) သွားစေပါတယ်။
တစ်ဖက်မှာလည်း အမေရိကန်ဗဟိုဘဏ် (Fed) ရဲ့ နောက်ဆုံးအစည်းအဝေးမှာ အတိုးနှုန်းတိုးမြှင့်ဖို့ လိုလားတဲ့ (Hawkish) သဘောထားမျိုး ပြခဲ့တာရယ်၊ အီရန်စစ်ပွဲကြောင့် ငွေကြေးဖောင်းပွမှု ဒဏ်တွေ ဆက်ဖြစ်လာမလားဆိုပြီး စိုးရိမ်နေကြတာရယ်ကြောင့် ကုန်သည်တွေက ယခုနှစ်အတွင်း အမေရိကန်အတိုးနှုန်း ထပ်တက်မယ့်ဘက်ကို ပိုပြီး လောင်းကြေးထပ်လာကြပါတယ်။
ကျွမ်းကျင်သူတွေရဲ့ အမြင်ကတော့ "ဗဟိုဘဏ်ဘက်က အတိုးနှုန်းမြှင့်ချင်တဲ့ လေသံပစ်ထားတော့ လာမယ့် စက်တင်ဘာလမှာတင် အတိုးနှုန်း ထပ်တက်နိုင်တယ်လို့ ဈေးကွက်က တွက်နေကြပြီ။ အဲဒီအပြင် ဒေါ်လာဈေးကလည်း ၁၃ လအတွင်း အမြင့်ဆုံးအထိ တက်နေပြီး ငွေကြေးဖောင်းပွမှု အလားအလာကလည်း လျော့နေတာဆိုတော့၊ ဒါတွေ အားလုံးပေါင်းပြီး ရွှေလို အဖိုးတန်သတ္တုတွေအပေါ် အကြီးအကျယ် ဖိအားပေးနေတာပေါ့"

"ဒါပေမဲ့ ရွှေဈေးဟာ ဒေါ်လာ ၃,၉၀၀ အောက်နားမှာ ခံစစ်အထောက်အပံ့ (Support level) အားကောင်းကောင်း ရှိနေသေးတာရယ်၊ နိုင်ငံအသီးသီးက ဗဟိုဘဏ်တွေကိုယ်တိုင်ကလည်း ရွှေကို ဆက်ဝယ်နေကြတာရယ်ကြောင့် ဈေးကွက်ကြီးတစ်ခုလုံး ပြိုလဲသွားဖို့တော့ မရှိပါဘူး။ ဒါပေမဲ့ အခုအချိန်မှာ ရွှေကစားရတာ သိပ်ပြီး အကြိုက်မတွေ့ကြတော့တဲ့အတွက် ဈေးနှုန်းငြိမ်ပြီး တုံ့ဆိုင်းနေမယ့် ကာလတစ်ခုတော့ တော်တော်လေး ရှည်ကြာသွားနိုင်ပါတယ်"လို့ မြင်ကြပါတယ်။
ပြီးခဲ့တဲ့ ဇန်နဝါရီလနှောင်းပိုင်းတုန်းက တစ်အောင်စကို $၅,၅၉၄.၈၂ အထိ စံချိန်တင် ခေါင်ခိုက်ခဲ့ဖူးပါတယ်။အဲဒီစံချိန်တင်ဈေးနဲ့ ယှဉ်ရင် အခုအချိန်မှာ တစ်အောင်စကို ဒေါ်လာ ၁,၅၀၀ ကျော် ပြန်ကျသွားတာ ဖြစ်ပါတယ်။

25/06/2026

ထရန့်ရဲ့ ပိတ်ဆို့မှုဖြေလျှော့ခြင်းက အီရန်ကို အကျိုးအမြတ်များစေမလား
******
အမေရိကန် (သမ္မတ ဒေါ်နယ်ထရမ့်) က အီရန်အပေါ် ချမှတ်ထားတဲ့ ရေနံပိတ်ဆို့မှုတွေကို ရက်ပေါင်း ၆၀ ယာယီဆိုင်းငံ့ (Pause) ပေးလိုက်တဲ့ သတင်းဟာ အီရန်အစိုးရအတွက်တော့ အသက်ရှူချောင်ရုံတင်မကဘဲ ရေရှည်မှာ ပါရှန်းကွေ့ဒေသရဲ့ အချမ်းသာဆုံး နိုင်ငံတွေထဲက တစ်ခုဖြစ်လာစေနိုင်တယ်လို့သုံးသပ်ကြသူတွေရှိကြပါတယ်။
အမေရိကန်ရဲ့ ရေနံပိတ်ဆို့မှု (Oil sanctions) တွေကြောင့် နှစ်ပေါင်းများစွာ စီးပွားရေး ကျပ်တည်းနေခဲ့တဲ့ အီရန်အစိုးရဟာ အခု ရက် ၆၀ ပိတ်ဆို့မှု ဆိုင်းငံ့လိုက်ခြင်းအားဖြင့် ကြီးမားတဲ့ သက်သာရာရမှုကို ချက်ချင်း ရရှိသွားပါတယ်။ ဒါကို အမေရိကန်ဘက်က အီရန်အပေါ် အကြီးအကျယ် လိုက်လျောပေးလိုက်တာ (A huge concession) လို့ အချို့က သတ်မှတ်ကြပါတယ်။
ရက် ၆၀ လေးပဲလို့ ထင်စရာရှိပေမဲ့ ဒီအချိန်တိုအတွင်းမှာတင် အီရန်ဟာ သူတို့ရဲ့ ရေနံတွေကို ကမ္ဘာ့ဈေးကွက်ထဲ တရားဝင် လွတ်လွတ်လပ်လပ် ပြန်ရောင်းခွင့် ရသွားမှာပါ။ ဒါဟာ ရေနံဝင်ငွေ ဘီလီယံနဲ့ချီပြီး အီရန်လက်ထဲ ချက်ချင်းစီးဝင်လာမယ့် အခြေအနေဖြစ်ပြီး၊ ရေရှည်မှာ အီရန်ကို ပါရှန်းကွေ့ဒေသရဲ့ အချမ်းသာဆုံး သာယာဝပြောဆုံး နိုင်ငံတွေထဲက တစ်ခု ဖြစ်လာအောင် လမ်းခင်းပေးလိုက်သလို ဖြစ်သွားနိုင်ပါတယ်။
ဝေဖန်သူတွေကတော့ အမေရိကန်ရဲ့ ဒီလုပ်ရပ်ဟာ မိမိတို့ရဲ့ ပြိုင်ဘက်/ရန်သူ ကို ငွေကြေးအင်အား ပြန်တောင့်တင်းအောင် လုပ်ပေးလိုက်တာပဲလို့ ထောက်ပြကြပါတယ်။ အီရန်ဟာ ရေနံကရတဲ့ ရေနံဒေါ်လာ (Petrodollars) တွေကို အသုံးပြုပြီး သူတို့ရဲ့ ဒေသတွင်း သြဇာလွှမ်းမိုးမှုနဲ့ စစ်ရေးအင်အားတွေကို ပိုမိုတိုးချဲ့လာနိုင်တယ်လို့ သုံးသပ်ကြပါတယ်။
ဒေါ်နယ်ထရမ့်ရဲ့ ဒီဆုံးဖြတ်ချက်ဟာ အီရန်နိုင်ငံသားတွေနဲ့ အစိုးရအတွက်တော့ ကြီးမားတဲ့ အခွင့်အရေးသစ်ကြီး ဖြစ်လာစေပြီး၊ တစ်ဖက်မှာလည်း ကမ္ဘာ့အရှေ့အလယ်ပိုင်း နိုင်ငံရေး ဇာတ်ခုံကို ပိုမိုရှုပ်ထွေးသွားစေနိုင်ပါတယ်။ အီရန်ရဲ့ ရေနံကုန်သွယ်မှုတွေဟာ ကန့်သတ်ချက်မဲ့ ပြန်လည်စီးဆင်းတော့မှာ ဖြစ်တဲ့အတွက် အီရန်နိုင်ငံ တစ်ကျော့ပြန် ချမ်းသာကြွယ်ဝလာမယ့် လမ်းစ ပွင့်သွားပြီလို့ သုံးသပ်မှုများရှိနေလျှက်ရှိပါကြောင်း

16/06/2026

မင်္ဂလာ သတင်းပါ။
လအတော်ကြာ စစ်ပွဲများဖြစ်ပွားခဲ့ပြီးနောက် သောကြာနေ့တွင် ဂျီနီဗာမြို့၌ သဘောတူညီချက်တစ်ရပ်ကို လက်မှတ်ရေးထိုးမယ်လို့ အမေရိကန်နှင့် အီရန်တို့က ပြောကြားလိုက်ပါတယ်။ အဆိုပြုထားသော 'ငြိမ်းချမ်းရေး သဘောတူညီချက်' သာ ခိုင်မြဲမယ်ဆိုပါက ဟော်မုဇ်ရေလက်ကြားကို ပြန်လည်ဖွင့်လှစ်နိုင်မှာဖြစ်ပြီး၊ စစ်မျက်နှာအသီးသီးရှိ တိုက်ပွဲများကို ရပ်တန့်စေကာ ဒေသတွင်း မဟာမိတ်ဖွဲ့မှုများကိုပါ ပုံစံပြောင်းလဲသွားစေနိုင်ပါတယ်။

03/06/2026

စာအရ
ဖြေလျော့မှုက
၂၀၂၆ မေလ ၃၁ ရက်ထိသာ
အကျိုးသက်ရောက်ပါတယ်။

22/05/2026

အီးဒ်နေ့

U Okka Myint

29/07/2026

22/07/2026

19/07/2026

10/07/2026

26/06/2026

25/06/2026

25/06/2026

16/06/2026

03/06/2026

22/05/2026

Address

Telephone

Website

Alerts

Contact The Business

Shortcuts

Share

Category

Listing takedown request