ACA - Audit Firm

ACA - Audit Firm Quality of Auditing, Consulting & Accounting services provider

Mission

The mission of ACA is to provide an independent, objective assurance and consulting activity designed to add value and improve financial and operations activities of clients.

Ratio များကို လေ့လာခြင်း - အပိုင်း (၄)လုပ်ငန်းလည်ပတ်မှု (Activity/Efficiency) Activity Ratios သည် လုပ်ငန်းတစ်ခု၏ ဘဏ္ဍာရေ...
29/04/2025

Ratio များကို လေ့လာခြင်း - အပိုင်း (၄)

လုပ်ငန်းလည်ပတ်မှု (Activity/Efficiency)
Activity Ratios သည် လုပ်ငန်းတစ်ခု၏ ဘဏ္ဍာရေး ရှင်းတမ်း (Statement of Financial Position) ရှိ Assets နှင့် Liabilities များကို ငွေကြေးသို့မဟုတ် အရောင်းအဖြစ် ပြောင်းလဲနိုင်မှု စွမ်းရည်ကို တိုင်းတာ ရာတွင်အသုံးပြုပါသည်။ ၎င်းတို့သည် လုပ်ငန်း၏ ပိုင်ဆိုင်မှုများကို စီမံခန့်ခွဲမှုစွမ်းရည်ကို တိုင်းတာသည့် အချိုးဆိုလျှင်လည်း မှားမည်မဟုတ်ပေ။
Receivable Collection Period
လုပ်ငန်းတစ်ခု၏ ကုန်ကြွေးရောင်းများမှ ဝယ်ယူသူများ ထံမှ ငွေကြေးမည်သည့်အချိန်တွင် ပြန်လည်ရရှိသည် ကို တိုင်းတာသည့် အချိုးတစ်ခုဖြစ်ပါသည်။
Receivables Collection Period = ရရန်ရှိငွေများ (Receivables) ÷ ကုန်ကြွေးရောင်း (Credit Sales) × 365 ရက်
ဤအချိုးသည် လုပ်ငန်း၏ ငွေကြေးလွယ်ကူမှု (Liquidity) ကိုလည်း သက်ရောက်မှုရှိပါသည်။ ငွေကြေးလွယ်ကူမှုအတွက် ငွေကြေးကို မြန်မြန် ရရှိလေလေ ကောင်းလေလေဖြစ်သည်။ ထို့အပြင် ဝယ်ယူသူများအား ပေးချေရန် အချိန်ပိုပေးလေလေ မကောင်းသောကြွေးမြီ (Bad Debts) များလေလေ လည်း ဖြစ်နိုင်ပါသည်။ ကုန်ကြွေးရရက် များလာပါက ဝယ်ယူသူများ ငွေမချေနိုင်ခြင်း သို့မဟုတ် အကြွေးစီမံ ခန့်ခွဲမှု အားနည်းခြင်း ကိုလည်း ညွှန်ပြနေပါသည်။ ဝယ်သူများအား ကုန်ကြွေးအချိန်မီ ဆပ်နိုင်ရေးအတွက် Special Discount, Bonus, Present +++ များဖြင့် ဆွဲဆောင်သင့်ပါသည်။ သို့သော် ဝယ်ယူသူများအား ငွေကြေးမြန်မြန်ပေးချေရန် ဖိအားပေးခြင်းသည် ကုမ္ပဏီ၏ အရောင်းစွမ်းရည်ကို ထိခိုက်စေနိုင်သည် ကိုလည်းထည့်သွင်းစဉ်စားရန် မမေ့သင့်ပေ။
Inventory Holding Period
Inventory Holding Period သည် လုပ်ငန်း တစ်ခု၏ လက်ဝယ်ပစ္စည်းများကိုမည်မျှကြာကြာသိုလှောင်ထားရသည်ကို တိုင်းတာသည့် အချိုးတစ်ခုဖြစ်ပါသည်။
Inventory Holding Period = လက်ဝယ်ပစ္စည်းများ (Inventory) ÷ အရောင်းကုန်ကျစရိတ် (Cost of Sales) × 365 ရက်
ငွေကြေးလွယ်ကူမှုအတွက် Inventory Holding Period ကာလတိုလေလေ ကောင်းလေလေဖြစ်သည်။ အဘယ်ကြောင့်ဆိုသော် ငွေကြေးသည် လက်ဝယ်ရှိ ပစ္စည်းများတွင် ပိတ်မိနေခြင်းကို လျှော့ချ နိုင်ပါသည်။ ထို့အပြင်၊ လက်ဝယ်ပစ္စည်းများကို ကြာရှည်စွာ ထားရှိခြင်းသည် ပစ္စည်းများ ပျက်စီးခြင်း၊ ခေတ်နောက်ကျခြင်းကို ဖြစ်စေနိုင်ပါသည်။ သို့သော်၊ လက်ဝယ်ပစ္စည်းများ အလွန်နည်းပါးပါက ထုတ်လုပ်မှုရပ်တန့်ခြင်းနှင့် ဝယ်ယူသူများ မကျေနပ်ခြင်း တို့ကို ဖြစ်စေနိုင်သည့်အတွက် လိုအပ်သော အရတွက်ကို သာ စနစ်တကျ ထိန်းသိမ်းထားသင့်ပါသည်။

Payable Payment Period
Payable Payment Period သည် လုပ်ငန်းတစ်ခု၏ ပေးရန်ရှိငွေများကို မည်မျှကြာကြာ ဆိုင်းငံ့ပေးချေ နိုင်သည်ကို တိုင်းတာသည့် အချိုးတစ်ခုဖြစ်ပါသည်။
Payables Payment Period = ပေးရန်ရှိငွေများ (Payables) ÷ ကုန်ကြွေးဝယ် (Credit Purchases) (သို့မဟုတ်) အရောင်းကုန်ကျစရိတ်(Cost of Goods Sold)) × 365 ရက်
ဤအချိုးသည် လုပ်ငန်း၏ ပေးချေမှုများကို မည်မျှထိရောက်စွာ စီမံနိုင်သည်ကို ညွှန်ပြနေပါသည်။ ရက်ပေါင်းများလေလေ ငွေကြေးလွယ်ကူမှု (Liquidity) ပိုကောင်းလေလေ ဖြစ်သည်။ ပေးချရန် အချိန်ကြာမြင့်ခြင်းသည် မိမိတို့အတွက် ငွေကြေးလွယ်ကူမှုကို အထောက်အပံ ဖြစ်သော်လည်း ကုန်ကြွေးရောင်းသူများနှင့် ဆက်ဆံရေးကို ထိခိုက် စေနိုင်ပါသည်။



Ratio များကို လေ့လာခြင်း - အပိုင်း (၃) Profitability Ratios သည် လုပ်ငန်းတစ်ခု၏ အမြတ်ရရှိမှုစွမ်းရည်ကို တိုင်းတာ ရာတွင် အ...
21/04/2025

Ratio များကို လေ့လာခြင်း - အပိုင်း (၃)



Profitability Ratios သည် လုပ်ငန်းတစ်ခု၏ အမြတ်ရရှိမှုစွမ်းရည်ကို တိုင်းတာ ရာတွင် အသုံးပြုပါသည်။ အမြတ်သည် ရင်းနှီးမြှုပ်နှံသူများ အတွက် အကျိုးအမြတ် ပေးရန်နှင့် လုပ်ငန်းတွင် ပြန်လည် ရင်းနှီးမြှုပ်နှံဖို့ ရန်ပုံငွေရရှိရန် လိုအပ်ပါသည်။ အဓိက အသုံးများသော အချိုး (၅) မျိုးရှိသည် -

Return on Capital Employed (ROCE) = (အတိုးနှင့် အခွန်မတိုင်မီ အမြတ် (PBIT) ÷ ရင်းနှီးမြှုပ်နှံမှုငွေကြေး (Capital Employed)) x 100%
Return on Equity (ROE) = (အတိုးနှင့် အခွန်နှုပ်ပြီး အမြတ် (PAIT) ÷ စုစုပေါင်းမတည်ငွေကြေး (Total Equity) x 100%
Operating Profit Margin = (အတိုးနှင့် အခွန်မတိုင်မီ အမြတ် (PBIT) ÷ အရောင်းဝင်ငွေ (Revenue)) x 100%
Asset Turnover = အရောင်းဝင်ငွေ (Revenue) ÷ ပျမ်းမျှပိုင်ဆိုင်မှု (Average Total Assets)
Gross Margin = အကြမ်းအမြတ် (Gross Profit) ÷ အရောင်းဝင်ငွေ (Revenue) x 100%

Return on Capital Employed (ROCE) / Return on Equity (ROE)
Return on Capital Employed (ROCE)(သို့မဟုတ် Return on Investment (ROI)) သည် လုပ်ငန်းတွင် ရင်းနှီးမြှုပ်နှံထားသော ငွေကြေးအပေါ် ရရှိသည့် အမြတ်အစွန်းကို တိုင်းတာရာတွင် အသုံးပြုပါသည်။ ယေဘုယျအားဖြင့် ROCE သို့မဟုတ် ROE တန်ဖိုးမြင့်မားလေလေ ရင်းနှီးမြှုပ်နှံသူများ အတွက် ကောင်းလေလေဖြစ်ပါသည်။ တနည်းအားဖြင့် ROCE မြင့်မားခြင်းသည် လုပ်ငန်း၏ ငွေကြေးစီမံခန့်ခွဲမှု နှင့် အရင်းအနှီးအသုံးပြုမှု ကောင်းမွန်ကြောင်း ညွှန်ပြ နေသည့်သဘောလည်းဖြစ်ပါသည်။ ဤနေရာတွင် အရင်းအနှီးမြောက်များစွာ လိုအပ်သော လုပ်ငန်းများ အတွက် ROCE နည်းတက်ခြင်း၊ ပိုင်ဆိုင်မှု ရောင်းချခြင်းကဲ့သိုသော အမြတ်များရှိပါက ROCE ကိုမြင့်များနိုင်ခြင်း စသည် တို့ကိုလည်း ထည့်သွင်း စဉ်းစားရန်လိုအပ်ပါသည်။

Operating Profit Margin
Operating Profit Margin သည် လုပ်ငန်းတစ်ခု၏ အဓိကလုပ်ငန်းလည်ပတ်မှုများမှ ရရှိသော အမြတ်ကို အရောင်းဝင်ငွေ၏ ရာခိုင်နှုန်းအနေဖြင့် တိုင်းတာသည့် ဘဏ္ဍာရေးအချိုးတစ်ခုဖြစ်ပါသည်။ ဤအချိုးမြင့်မား လေလေ ကောင်းလေလေ ဖြစ်ကြောင်း သာမန်အားဖြင့် ကောက်ချက်ချနိုင်ပါသည်။ အရောင်း ဈေးနှုန်းများ အလွန်နိမ့်ခြင်း သို့မဟုတ် ကုန်ကျစရိတ်များ အလွန်မြင့်မားခြင်း ကြောင့် အချိုးကျဆင်းနိုင်ပြီး အရောင်းဈေးနှုန်းများ နှင့် အသုံးစရိတ်များကို လိုအပ်သလို ထိန်းချုပ်နိုင်ရန် ကြိုးစားသင့်ပါသည်။

Asset Turnover
Asset Turnover သည် လုပ်ငန်းတစ်ခု၏ ပိုင်ဆိုင်မှု (Asset) များကို အသုံးပြု၍ အရောင်းဝင်ငွေ မည်မျှရရှိနိုင်သည်ကို တိုင်းတာသည့် အချိုး တစ်ခု ဖြစ်ပါသည်။ ယေဘုယျအားဖြင့်၊ ဤအချိုးမြင့်မား လေလေ ကောင်းလေလေ ဖြစ်ပါသည်။ ပိုင်ဆိုင်မှု (Asset) များသော လုပ်ငန်းများတွင် အချိုးနိမ့်ကျ တတ်ပြီး၊ လက်လီရောင်းဝယ်ရေး လုပ်ငန်းများတွင် အချိုးများတက်ပါသည်။ အရောင်း တိုးချဲခြင်းနှင့် အသုံးဝင်မှုနည်းသော ပစ္စည်းများကို လျော့ချ ခြင်းဖြင့် အချိုးမြင့်မား လာစေနိုင်ပါသည်။

Gross Margin
Operating Profit Margin သည် အကြမ်းအမြတ်ကို အရောင်းဝင်ငွေ၏ ရာခိုင်နှုန်းအနေဖြင့် တိုင်းတာသည့် အချိုးတစ်ခုဖြစ်ပါသည်။ ရိုးရှင်းစွာပြောရလျှင် ဤအချိုးမြင့်မားလေလေ ကောင်းလေလေဖြစ်ပါသည်။ အရောင်း ဈေးနှုန်းများ နည်းခြင်း သို့မဟုတ် အရောင်းကုန်ကျစရိတ်များ (COGS) မြင့်မားခြင်း ကြောင့် အချိုးကျဆင်းနိုင်ပြီး အရောင်းဈေးနှုန်းများ နှင့် အသုံးစရိတ်များကို လိုအပ်သလို ထိန်းချုပ်နိုင်ရန် ကြိုးစားသင့်ပါသည်။




Ratio များကိုလေ့လာခြင်း အပိုင်း (၂)Liquidity (ငွေဖြစ်လွယ်မှု)Liquidity ဆိုသည်မှာ လုပ်ငန်းတစ်ခု၏ ကာလတိုအချိန်တစ်ခုအတွင်း ...
16/04/2025

Ratio များကိုလေ့လာခြင်း အပိုင်း (၂)

Liquidity (ငွေဖြစ်လွယ်မှု)

Liquidity ဆိုသည်မှာ လုပ်ငန်းတစ်ခု၏ ကာလတိုအချိန်တစ်ခုအတွင်း ငွေဖြစ်လွယ်မှုများ ကိုဆိုလိုပါသည်။ လုပ်ငန်းတစ်ခု၏ ကာလတိုပေးရန်ရှိများ (Current Liabilities) ကို လုပ်ငန်းရှိ ငွေကြေးနှင့် ငွေကြေးနှင့်ညီမျှသော ပိုင်ဆိုင်မှုများဖြင့် ဖြည့်ဆည်းနိုင်မှု စွမ်းရည်ကို တိုင်းတာသည့် အချိုးကို Liquidity Ratio ဟုခေါ်ပါသည်။ ငွေဖြစ်လွယ်မှုများ ကို ဆန်းစစ်ရာတွင် Current Ratio နှင့် Quick Ratio (Acid Test) တို့ဖြင့် ဆန်းစစ်မှုပြုလုပ်တက်ကြပါသည်။

Current Ratio
Current Ratio သည် လုပ်ငန်းတစ်ခု၏ ငွေဖြစ်လွယ်ကူမှု (Liquidity) ကို တိုင်းတာသည်။ ဆိုလိုသည်မှာ၊ လုပ်ငန်းတစ်ခုအနေဖြင့် ၎င်း၏ ကာလတိုကြွေးမြီများကို ဖြည့်ဆည်းနိုင်ရန် လုံလောက်သော ငွေကြေးနှင့် ငွေကြေးနှင့်ညီမျှသော ပိုင်ဆိုင်မှုများ ရှိမရှိကို ဆန်းစစ်ခြင်းဖြစ်ပါ သည်။

လက်ရှိပိုင်ဆိုင်မှုများ (Current Assets) - ငွေကြေး၊ ငွေကြေးနှင့်ညီမျှသော အရာများကို ရည်ညွှန်းပြီး တစ်နှစ်အတွင်း ငွေကြေးအဖြစ် ပြောင်းလဲနိုင်သော အရာများကိုဆိုလိုပါ သည်။
လက်ရှိကြွေးမြီများ (Current Liabilities) - တစ်နှစ်အတွင်း ပေးချေရမည့် ပေးရန်ရှိများကို ဆိုလိုခြင်းဖြစ်ပါ သည်။
တွက်ချက်မှုအရ-
1:1 - လက်ရှိပိုင်ဆိုင်မှုများသည် လက်ရှိကြွေးမြီများနှင့် ညီမျှပါက၊ လုပ်ငန်းသည် ၎င်း၏ ကြွေးမြီများကို ဖြည့်ဆည်းနိုင်သည်ဟု ဆိုလို၍ရပါသည်။
2:1 - လက်ရှိပိုင်ဆိုင်မှုများသည် လက်ရှိကြွေးမြီများထက် နှစ်ဆရှိပါက၊ လုပ်ငန်းသည် ငွေဖြစ်လွယ်မှု ကောင်းမွန်သည်ဟု သာမန်အားဖြင့်ယူဆနိုင်ပါ သည်။
သို့သော် လုပ်ငန်းအမျိုးအစားများအလိုက် လက်ခံနိုင်သော Current Ratio သည်လည်း ကွာခြားမှုရှိနိုင်ပါသည်။ ထို့အပြင် လက်တွေ့အသုံးပြုရာတွင် Financial Statements များ၏ မှန်ကန်တိကျမှုကိုလည်း ထည့်သွင်းစဉ်းစားဖို့ သတိမမေ့သင့်ပါ။ (ဥပမာ - ကြွေးဆုံးနေသော (သို့) ကြွေးဆုံးဖြစ်ရန် ရာခိုင်နှုန်းများနေသော ရရန်ရှိများစွာ ပါဝင်နေခြင်း နှင့် ပျက်စီးနေသောကုန်လက်ကျန်ပစ္စည်းများ (သို့) ‌‌ဈေးကွက်မရှိသော ကုန်လက်ကျန်ပစ္စည်းများ (သို့) Cost နှင့် NRV စနစ်တကျ တန်ဖိုးသင့်ထားခြင်းမရှိဘဲ Cost မြင့်များနေသော ကုန်လက်ကျန်ပစ္စည်းများ ပါဝင်နေခြင်း)

Current Ratio များခြင်း၏ ကောင်းကျိုးနှင့် ဆိုးကျိုးများ
ကောင်းကျိုး - ကာလတိုကြွေးမြီများကို ဖြည့်ဆည်းနိုင်သည့် ငွေဖြစ်လွယ်ကူမှု ကောင်းမွန်သည်။
ဆိုးကျိုး - အလုပ်မလုပ်သော ပိုင်ဆိုင်မှု (Idle Asset) ဟု ခေါ်ဆိုကြပြီး၊ အဆိုပါငွေကြေးသည် အမြတ်အစွန်းမရှိနိုင်ပါ။ အချိုးမြင့်မားခြင်းသည် လုပ်ငန်းနေဖြင့် ငွေကြေးကို အကျိုးရှိစွာ အသုံးမပြုနိုင်သည်ကို ညွှန်ပြနေပါသည်။

Current Ratio နည်းခြင်း၏ ကောင်းကျိုးနှင့် ဆိုးကျိုးများ
ကောင်းကျိုး - လုပ်ငန်းသည် ငွေကြေးကို ထိရောက်စွာ အသုံးပြုနေသည်ဟု ဆိုလိုနိုင်ပြီး ၎င်းမှ ဝင်ငွေများ ရရှိနိုင်မည်ဟုသတ်မှတ်နိုင်ပါသည်။
ဆိုးကျိုး - လုပ်ငန်းသည် ကာလတိုကြွေးမြီများကို ဖြည့်ဆည်းရန် ငွေကြေးလုံလောက်မှု မရှိပါက ငွေကြေးပြဿနာများ ကြုံတွေ့နိုင်သည်။ (ဥပမာ - အချိန်မီ ငွေမပေးချေနိုင်ခြင်းကြောင့် Supplier များ နှင့် ဝန်ထမ်းများ၏ လုပ်ငန်းအပေါ်ယုံကြည်မှုကျဆင်းခြင်း၊ ကုန်လက်ကျန်ပစ္စည်းများ သိုလှောင်ထားမှု နည်းခြင်းကြောင့် ရောင်းချရာတွင် အချိန်မီ မရောင်းချနိုင်ခြင်း နှင့် အမြတ်ဝင်ငွေဆုံးရှုံးခြင်း၊ Customer များလက်လွတ်ဆုံးရှုံးရခြင်း)

Quick Ratio (Acid Test Ratio)

Quick Ratio (သို့မဟုတ် Acid Test Ratio) သည် လုပ်ငန်းတစ်ခု၏ လက်ရှိကြွေးမြီများ (Current Liabilities) ကို ဖြည့်ဆည်းနိုင်မှုစွမ်းရည်ကို တိုင်းတာသည့် အချိုးတစ်ခုဖြစ်သည်။ Current Ratio နှင့် ဆင်တူသော်လည်း လက်ဝယ်ကုန်ပစ္စည်းများ (Inventory) ကို ထည့်သွင်းတွက်ချက်ခြင်းမရှိပါ။ လက်ဝယ်ပစ္စည်းများကို ထည့်သွင်း မတွက်ချက်သောကြောင့် လုပ်ငန်း၏ ငွေကြေးနှင့် ငွေကြေးနှင့်ညီမျှသော ပိုင်ဆိုင်မှုများဖြင့် ကာလတို ကြွေးမြီများကို ဖြည့်ဆည်းနိုင်မှုကိုဆန်းစစ်ရာတွင် ပိုမိုတိကျစွာ ဆန်းစစ်နိုင်ပါ သည်။ Inventory ကို ထည့်သွင်းမတွက်ချက်ရခြင်း၏ အဓိကအကြောင်းအရင်းမှာ လက်ဝယ်ပစ္စည်းများသည် ငွေကြေးအဖြစ် ပြောင်းလဲရန် အချိန်ကြာမြင့် နိုင်သည်ဟု ယူဆချက်ကြောင့် ဖြစ်ပါ သလို Quick Ratio ၏ ရည်ရွယ်ချက်နှင့်လည်း သက်ဆိုင်ပါ သည်။

Quick Ratio = (လက်ရှိပိုင်ဆိုင်မှုများ (Current Assets) - လက်ဝယ်ပစ္စည်းများ(Inventory)) ÷ လက်ရှိကြွေးမြီများ (Current Liabilities)

တွက်ချက်မှုအရ-
1:1 - ကာလတိုကြွေးမြီများကို ဖြည့်ဆည်းရန် လုံလောက်သော ငွေကြေးနှင့် ငွေကြေးနှင့်ညီမျှသော ပိုင်ဆိုင်မှုများ ရှိသည်ဟု ဆိုလိုသည်။
1:1 ထက် များခြင်း - လုပ်ငန်းသည် ငွေကြေးလွယ်ကူမှု ကောင်းမွန်သည်ဟု ယူဆနိုင်သည်။
သို့သော် လုပ်ငန်း သဘောသဘာဝနှင့် Financial Statements များ၏ မှန်ကန်တိကျမှုကိုလည်း ထည့်သွင်းစဉ်းစားရန်လိုအပ်ပါသည်။

Quick Ratio များခြင်း၏ ကောင်းကျိုးနှင့် ဆိုးကျိုးများ
ကောင်းကျိုး - ကာလတိုကြွေးမြီများကို ဖြည့်ဆည်းနိုင်သည့် ငွေကြေးလွယ်ကူမှု ကောင်းမွန်သည်။
ဆိုးကျိုး - ငွေကြေးအလွန်များပြားနေခြင်းသည် လုပ်ငန်းအတွက် အကျိုးမရှိပါ။ ငွေကြေးကို "အလုပ်မလုပ်သော ပိုင်ဆိုင်မှု (Idle Asset)" ဟု ခေါ်ဆိုကြပြီး ၎င်းသည် အမြတ်အစွန်းမရှိသလို၊ ငွေကြေးအများအပြားကို ထားရှိခြင်းသည် အလဟဿ ဖြစ်စေသည်။

Quick Ratio နည်းခြင်း၏ ကောင်းကျိုးနှင့် ဆိုးကျိုးများ
ကောင်းကျိုး - လုပ်ငန်းသည် ငွေကြေးကို ထိရောက်စွာ အသုံးပြုနေသည်ဟု ဆိုလိုနိုင်ပါ သည်။
ဆိုးကျိုး - လုပ်ငန်းသည် ၎င်း၏ ကာလတိုကြွေးမြီများကို ဖြည့်ဆည်းရန် ငွေကြေးလုံလောက်မှု မရှိပါက၊ ငွေကြေးပြဿနာများ ကြုံတွေ့နိုင်သည်။
အချုပ်အားဖြင့်သုံးသပ်သော် ဤအချိုးများကို လုပ်ငန်း၏ ငွေကြေးစီမံခန့်ခွဲမှုစွမ်းရည်ကို ဆန်းစစ်ရန် အသုံးပြုသည်။ ဤနေရာတွင် သဘောသဘာဝနှင့် Financial Statements များ၏ မှန်ကန်တိကျမှုအပြင် နောက်ဆက်တွဲဖြေရှင်းရမည့် နည်းလမ်းများကိုပါ ထည့်သွင်းစဉ်းစားသင့်ပါသည်။ Current Ratio နှင့် Quick Ratio များ၏ အခက်ခဲကို ကျော်လွှားရန် ငွေကြေးစီမံခန့်ခွဲခြင်း၊ ပေးရန်ရှိငွေများ စီမံခန့်ခွဲခြင်း၊ လက်ဝယ်ပစ္စည်းများ စီမံခန့်ခွဲခြင်း၊ ကြွေးမြီများ စီမံခန့်ခွဲခြင်း၊ ဘဏ္ဍာရေးစီမံခန့်ခွဲခြင်း၊ ရင်းနှီးမြှုပ်နှံမှုများ စီမံခန့်ခွဲခြင်း စသည့် နည်းလမ်းများကို အသုံးပြုပြီး ကာလတို (သို့) ကာလရှည် အထူးစီမံကိန်းများ ရေးဆွဲပြီး လက်တွေ့ အကောင်အထည်ဖော် ဆောင်ရွက် သင့်ပါသည်။




လုပ်ငန်းတစ်ခု၏ ဘဏ္ဍာရေးစွမ်းဆောင်ရည်ကို လေ့လာဆန်းစစ်ရန်အတွက် အသုံးများသော Ratio များအား ခွဲခြားကြည့်ပါက သာမန်အားဖြင့် အေ...
14/04/2025

လုပ်ငန်းတစ်ခု၏ ဘဏ္ဍာရေးစွမ်းဆောင်ရည်ကို လေ့လာဆန်းစစ်ရန်အတွက် အသုံးများသော Ratio များအား ခွဲခြားကြည့်ပါက သာမန်အားဖြင့် အောက်ဖော်ပြပါ အုပ်စု လေးမျိုးတွေ့ရှိရပါသည်။
ငွေဖြစ်လွယ်ကူမှု (Liquidity)၊
အမြတ်အစွန်းရရှိမှု (Profitability)၊
လုပ်ငန်းလည်ပတ်မှု (Activity/Efficiency) နှင့်
ငွေကြေးဖွဲ့စည်းပုံ (Gearing) တို့ဖြစ်ပါသည်။

အဆိုပါ အုပ်စုများကို အောက်ဖော်ပြပါ အချိုးများဖြင့် ထည့်သွင်းတွက်ချက်ပြီး ဆန်းစစ်မှုပြုလုပ်ကြပါသည်။

i. ငွေဖြစ်လွယ်ကူမှု (Liquidity)၊
Current Ratio = လက်ရှိပိုင်ဆိုင်မှုများ (Current Assets) ÷ လက်ရှိကြွေးမြီများ (Current Liabilities)

Quick Ratio = (လက်ရှိပိုင်ဆိုင်မှုများ (Current Assets) - လက်ဝယ်ပစ္စည်းများ(Inventory)) ÷ လက်ရှိကြွေးမြီများ (Current Liabilities)

ii. အမြတ်အစွန်းရရှိမှု (Profitability)၊
Return on Capital Employed (ROCE) = (အတိုးနှင့် အခွန်မတိုင်မီ အမြတ် (PBIT) ÷ ရင်းနှီးမြှုပ်နှံမှုငွေကြေး (Capital Employed)) x 100%

Return on Equity (ROE) = (အတိုးနှင့် အခွန်ပြီး အမြတ် (PAIT) ÷ စုစုပေါင်းမတည်ငွေကြေး (Total Equity) x 100%

Operating Profit Margin = (အတိုးနှင့် အခွန်မတိုင်မီ အမြတ် (PBIT) ÷ အရောင်းဝင်ငွေ (Revenue)) x 100%
Asset Turnover = အရောင်းဝင်ငွေ (Revenue) ÷ ပျမ်းမျှပိုင်ဆိုင်မှု (Average Total Assets)

Gross Margin = (အကြမ်းအမြတ် (Gross Profit) ÷ အရောင်းဝင်ငွေ (Revenue) x 100%

iii. လုပ်ငန်းလည်ပတ်မှု (Activity/Efficiency)
Receivables Collection Period = ရရန်ရှိငွေများ (Receivables) ÷ ကုန်ကြွေးရောင်း (Credit Sales) × 365 ရက်

Inventory Holding Period = လက်ဝယ်ပစ္စည်းများ (Inventory) ÷ အရောင်းကုန်ကျစရိတ် (Cost of Sales) × 365 ရက်

Payables Payment Period = ပေးရန်ရှိငွေများ (Payables) ÷ ကုန်ကြွေးဝယ် (Credit Purchases) (သို့မဟုတ်) အရောင်းကုန်ကျစရိတ်(Cost of Goods Sold)) × 365 ရက်

iv. ငွေကြေးဖွဲ့စည်းပုံ (Gearing)
Debt to Equity Ratio = (ကြွေးမြီး (Non-current Liabilities) ÷ မတည်ငွေရင်း (Ordinary Shareholders Funds)) x 100%

Debt to Debt + Equity Ratio = (ကြွေးမြီး (Non-current Liabilities) ÷ (မတည်ငွေရင်း (Ordinary Shareholders Funds) + ကြွေးမြီး (Non-current Liabilities)) x 100%

Interest Cover = (အမြတ်ငွေ (Operating Profit) ÷ အတိုးပေးငွေ (Finance Costs)




စာရင်းကိုင်၊ စာရင်းစစ်များအတွက် Excel နှင့်ကင်းကွာ၍ မရနိုင်ပါ။ ထို့ကြောင့်လုပ်ငန်းခွင်မှာ Excel ကို Professional ကျကျအသ...
13/04/2025

စာရင်းကိုင်၊ စာရင်းစစ်များအတွက် Excel နှင့်ကင်းကွာ၍ မရနိုင်ပါ။ ထို့ကြောင့်လုပ်ငန်းခွင်မှာ Excel ကို Professional ကျကျအသုံးပြုနိုင်ပြီး အချိန်ကုန်သက်သာစွာဖြင့် မိမိတို့၏ ရည်မှန်းချက်ကို ရရှိနိုင်စေရေးအတွက် Excel Shortcut Keys များကို သိရှိထားဖိုးအထူးလိုအပ်လာပါသည်။
အသုံးများသော များကို စုစည်းပေးထားပါသည်။

#အလုပ်ထွက်မည့်လက္ခဏာများကို ဘယ်လိုသတိပြုမိမလဲ #အစည်းအဝေးများတွင် အာရုံစိုက်မှုနည်းလာခြင်း နှင့် စီမံခန့်ခွဲမှုညွှန်ကြာ...
14/03/2025

#အလုပ်ထွက်မည့်လက္ခဏာများကို ဘယ်လိုသတိပြုမိမလဲ


#အစည်းအဝေးများတွင် အာရုံစိုက်မှုနည်းလာခြင်း နှင့် စီမံခန့်ခွဲမှုညွှန်ကြားချက်များကို လက်ခံနိုင်စွမ်းနည်းလာခြင်း
#အလုပ်ထွက်ရန် လုပ်ထုံးလုပ်နည်းများ၊ ခွင့်ရက်များနှင့် ပတ်သက်သည့် မေးခွန်းများ မေးမြန်းလာခြင်း။
#စိတ်ဖိစီးမှုများလာခြင်း၊ အာရုံမစိုက်နိုင်ခြင်း သို့မဟုတ် လုပ်ငန်းခွင်တွင် စိတ်မပါတော့ခြင်း။
#အလုပ်နှင့်ပတ်သက်သည့် မကျေနပ်မှုများကို ပိုမိုပြောဆိုလာခြင်း(သို့မဟုတ်) လူမှုကွန်ရက်တွင် ထုတ်ဖော်ရေးသားပြောဆိုလာခြင်း
#လုပ်ငန်းခွင်တွင် စိတ်ဝင်စားမှုလျော့နည်းလာခြင်း နှင့် လုပ်ဖော်ကိုင်ဖက်များနှင့် ခပ်ခွာခွာနေလာခြင်း
#လုပ်ငန်းတာဝန်များကို ယခင်ကထက် ပုံမှန်မလုပ်ဆောင်တော့ခြင်း သို့မဟုတ် အရည်အသွေးကျဆင်းလာခြင်း
#အလုပ်နောက်ကျခြင်းနှင့် မကြာခဏ ခွင့်ယူခြင်း သို့မဟုတ် အလုပ်မှ ကင်းကွာနေခြင်း။
#အဖွဲ့ဖြင့်ပေါင်းစပ်လုပ်ဆောင်ရသည့် လုပ်ငန်းများမှ ရှောင်ရှားလာခြင်း နှင့် ရေရှည်စီမံကိန်းများကို ငြင်းဆန်လာခြင်း ပါဝင်ရန်

Web: https://www.aca.com.mm
Ph/Viber: +95 9 260377755
Ph/Signal: +95 9 422520826

How to Prevent Employees from Leaving Their Jobs #အသက်မွေးဝမ်းကြောင်းပညာတိုးတက်လာစေခြင်း ( )အလုပ်ရှင်များအနေဖြင့် ရာထူးတ...
13/03/2025

How to Prevent Employees from Leaving Their Jobs

#အသက်မွေးဝမ်းကြောင်းပညာတိုးတက်လာစေခြင်း ( )
အလုပ်ရှင်များအနေဖြင့် ရာထူးတိုးတက်မှုအစီအစဉ်များ၊ သင်တန်းများနှင့် ကျွမ်းကျင်မှုတိုးတက်ရန် အခွင့်အလမ်းများဖြင့် ပံ့ပိုးပေးသင့်သည်။

#ခေါင်းဆောင်ကောင်းရှိခြင်း ( )
ခေါင်းဆောင်များအား လေ့ကျင့်သင်ကြားပေးခြင်း၊ ပုံမှန်ပြန်လည်သုံးသပ်ခြင်းနှင့် ပွင့်လင်းမြင်သာမှုကို မြှင့်တင်ခြင်းတို့ဖြင့် ခေါင်းဆောင်မှုစွမ်းရည်ကို မြှင့်တင်နိုင်သည်။

#လွတ်လပ်စွာဆောင်ရွက်ခွင့်ရရှိခြင်း ( )
ဝန်ထမ်းများ၏ယုံကြည်မှုနှင့် စွမ်းဆောင်ရည်ကို မြှင့်တင်ပေးခြင်း၊ ဝန်ထမ်းများအား ပိုမိုထိန်းချုပ်ခွင့်ပေးပြီး ဆန်းသစ်တီထွင်မှုကို အားပေးသင့်ပါသည်။

#လုပ်ငန်းခွင်သာယာမှုရှိခြင်း ( )
လုပ်ငန်းခွင်နှောင့်ယှက်မှုဆိုင်ရာမူဝါဒများကို စည်းကမ်းတင်းကျပ်စွာချမှတ်ခြင်း၊ အပြုသဘောဆောင်သော လုပ်ငန်းခွင်ယဉ်ကျေးမှုကို မြှင့်တင်ခြင်းနှင့် အသိပညာပေးခြင်းကဲ့သို့သော စနစ်များ ဖြင့်ပံ့ပိုးပေးသင့်သည်။ ပွင့်လင်းသော ဆက်သွယ်မှု၊ ပူးပေါင်းဆောင်ရွက်မှုနှင့် အပြန်အလှန် လေးစားမှုကို တန်ဖိုးထားပါ။

#အလုပ်နှင့်ဘဝဟန်ချက်ညီမျှခြင်း ( )
ဝန်ထမ်းများ အနားယူချိန်၊ စားသောက်ချိန်၊ ရုံးဆင်း/တက်ချိန်သက်မှတ်ခြင်း နှင့် ခွင့်များအတွက် တိကျသောမူကို ချမှတ်ထားသင့်ပြီး လက်တွေ့အကောင်အထည်ဖော်ဆောင်ရွက်သင့်ပါသည်။

#အသိအမှတ်ပြုခြင်း ( )
အလုပ်သမားများ၏ ကြိုးစားမှုကို ပုံမှန်အသိအမှတ်ပြုခြင်း၊ ဘောနပ်စ်များ၊ ပရိုမိုးရှင်းများ၊ ဆုချီးမြှင့်ခြင်းများနှင့် ကျေးဇူးတင်စကားပြောခြင်းကဲ့သို့သော ရိုးရှင်းသည့်လုပ်ရပ်များဖြင့် အားပေးသင့်သည်။

#ကိုယ်ရေးကိုယ်တာအကြောင်းရင်းများ ( )
ကိုယ်ရေးကိုယ်တာအခြေအနေများကို အပြည့်အဝ ဖြည့်ဆည်းပေးနိုင်ခြင်းမရှိသော်လည်း မိမိဝန်ထမ်းများ၏ အခက်အခဲများနှင့် လိုအပ်ချက်များကို တက်နိုင်သည့်ဘက်မှကူညီဖြေရှင်းပေးသင့်ပါသည်။

#ပိုမိုကောင်းမွန်သောအခွင့်အလမ်းများ အခြားနေရာမှလက်ကမ်းမှုရှိနေခြင်း ( )
မိမိဝန်ထမ်းများ၏ ကျွမ်းကျင်မှု၊ အတက်ပညာ နှင့် အတွေအကြုံများ သည် ဈေးကွက်နှင့် လိုက်လျှောညီထွေမှုရှိမရှိ သုံးသပ်ပြီး ဈေးကွက်နှင့်အညီ အလုပ်သမားများ၏ လိုအပ်ချက်များနှင့်ကိုက်ညီသော အထူးအကျိုးခံစားခွင့်များကို အချိန်မီဖြည့်စည်းပေးသင့်သည်။

#မျှတသော လစာနှင့်အကျိုးခံစားခွင့်ရှိ ခြင်း ( )
ဈေးကွက်၏လစာစံနှုန်းများကို ပုံမှန်သုံးသပ်ပြီး လစာနှင့်အကျိုးခံစားခွင့်များအခါအားလျော်စွာပြင်ဆင်ခြင်းများဖြင့် ဝန်ထမ်းများအား ဆွဲဆောင်နိုင်သည့် အစီအမံများထားရှိသင့်ပါသည်။

#အလုပ်နှင့်အရည်အချင်းကိုက်ညီမှုရှိခြင်း ( )
အလုပ်သမားများအား သူတို့၏ကျွမ်းကျင်မှု၊ အတက်ပညာ နှင့် အတွေအကြုံများကို စောင့်ကြည့်အကဲဖြတ်သည့်စနစ်ထားရှိသင့်ပြီး အဆိုပါ အကဲဖြတ်မှုနှင့်အတူ ကိုက်ညီသော ရာထူး၊ နေရာ နှင့် လစာများအား စီစဉ်ပေးသင့်သည်။

Web: https://www.aca.com.mm
Ph/Viber: +95 9 260377755
Ph/Signal: +95 9 422520826

#အလုပ်ထွက်ရသည့်ထိပ်တန်းအကြောင်းရင်း ၁၀ ခု ( ) #အသက်မွေးဝမ်းကြောင်းပညာတိုးတက်လာဖို့အခွင့်အလမ်းမရှိခြင်း ( ) #ခေါင်းဆောင်...
11/03/2025

#အလုပ်ထွက်ရသည့်ထိပ်တန်းအကြောင်းရင်း ၁၀ ခု ( )

#အသက်မွေးဝမ်းကြောင်းပညာတိုးတက်လာဖို့အခွင့်အလမ်းမရှိခြင်း ( )
#ခေါင်းဆောင်မှုညံ့ဖျင်းခြင်း ( )
#လွတ်လပ်စွာဆောင်ရွက်ခွင့်မရှိခြင်း ( )
#လုပ်ငန်းခွင်သာယာမှုမရှိခြင်း ( )
#အလုပ်နှင့်ဘဝဟန်ချက်မညီမျှခြင်း (Poor Work-Life Balance)
#အသိအမှတ်ပြုခံရမှု နည်းပါးခြင်း ( )
#ကိုယ်ရေးကိုယ်တာအကြောင်းရင်းများ ( )
#ပိုမိုကောင်းမွန်သောအခွင့်အလမ်းများ အခြားနေရာမှလက်ကမ်းမှုရှိနေခြင်း ( )
#လစာနှင့်အကျိုးခံစားခွင့် မလုံလောက်ခြင်း ( )
#အလုပ်နှင့်အရည်အချင်းကိုက်ညီမှုမရှိခြင်း ( )

Web: https://www.aca.com.mm
Ph/Viber: +95 9 260377755
Ph/Signal: +95 9 422520826

09/03/2025

Avoid wasting time refilling blanks cells with the above data like this.
Here's a better approach.

It can help you avoid unnecessary time spending.
Web: https://www.aca.com.mm
Ph/Viber: +95 9 260377755
Ph/Signal: +95 9 422520826

Address

Yangon

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00

Telephone

+959260377755

Website

Alerts

Be the first to know and let us send you an email when ACA - Audit Firm posts news and promotions. Your email address will not be used for any other purpose, and you can unsubscribe at any time.

Contact The Business

Send a message to ACA - Audit Firm:

Shortcuts

Share

Category

Profile

About Us

ACA can help to achieve the objectives and goals of organizations and individuals. Our Firm comprises of highly qualified professionals. We are committed to helping organizations adapt their commercial interests successfully, transform and develop their operations, solve their business issues, and identify as well as maximize the opportunities they seek. Have a look at the services we offer, below. And let's talk.

Our History

ACA has been established since 2015 with the name of ACA Audit Firm by providing the quality of accounting, consulting and auditing services as per ACS-006 under the Myanmar Accountancy Council in accordance with section 51 of its law.