30/01/2026
ရန်ကုန် စီးပွားရေးတက္ကသိုလ် နှင့် တော်ဝင်ဧဝရတ်မြန်မာကုမ္ပဏီလီမိတတ် (Royal Everest Myanmar Co.,Ltd) တို့ အကြား - ပညာရေးဆိုင်ရာကိစ္စရပ်များ၊ အလုပ်အခွင့်အလမ်းဆိုင်ရာ ကိစ္စရပ်များ အတွက် ပူးပေါင်းဆောင်ရွက်မှု သဘောတူညီချက် လက်မှတ်ရေးထိုးခြင်း အခမ်းအနား အောင်မြင်စွာ ကျင်းပပြီးစီးခြင်း
~~~~~~~~~~~~~~~~~~~~~~~~~~~~~~~~~~~~~
ပညာရေးကဏ္ဍနှင့် ပုဂ္ဂလိက စီးပွားရေးလုပ်ငန်းများအကြား ပိုမိုနီးကပ်စွာ ပူးပေါင်းဆောင်ရွက်နိုင်ရန် ရန်ကုန်စီးပွားရေးတက္ကသိုလ် (Yangon University of Economics) နှင့် တော်ဝင်ဧဝရတ်မြန်မာ ကုမ္ပဏီလီမိတတ် (Royal Everest Myanmar Co., Ltd.) တို့သည် ၂၉.၁.၂၀၂၆ တွင် နားလည်မှုစာချွန်လွှာ (MOU) ကို ခန်းမဆောင်၊ ရန်ကုန်စီးပွားရေးတက္ကသိုလ် (ရွာသာကြီးနယ်နယ်မြေ) တွင် အောင်မြင်စွာ လက်မှတ်ရေးထိုးခဲ့ကြပါသည်။
အဆိုပါ MOU သည် ကျောင်းသားလူငယ်များအတွက် စီးပွားရေးလောကရှိ လုပ်ငန်းရှင်များနှင့် ချိတ်ဆက်နိုင်စေရန်၊ လက်တွေ့အတွေ့အကြုံနှင့် ဗဟုသုတများကို ဖလှယ်နိုင်စေရန်အပြင် နိုင်ငံ၏ စီးပွားရေးဖွံ့ဖြိုးတိုးတက်မှုအတွက် လူ့စွမ်းအားအရင်းအမြစ်များကို ထိရောက်စွာ မြှင့်တင်ပေးနိုင်ရန် ရည်ရွယ်ပါသည်။
MOU လက်မှတ်ရေးထိုးပွဲသို့ ရန်ကုန်စီးပွားရေးတက္ကသိုလ်မှ ပါမောက္ခချုပ်နှင့် တာဝန်ရှိသူများ၊ တော်ဝင်ဧဝရတ်မြန်မာကုမ္ပဏီလီမိတတ်မှ အမှုဆောင်တာဝန်ရှိသူများ တက်ရောက်ခဲ့ကြပြီး အောင်မြင်စွာ ကျင်းပနိုင်ခဲ့ပါသည်။
