31/01/2020
29.1.2020 ညနေပိုင်းက ကုံးထက်ကြက်ဆီထမင်း(ဆူးလေဆိုင်ခွဲ)တွင် လာရောက်စားသုံးသူအမျိုးသမီးcustomerတစ်ဦးအား ဆိုင်ရှိဝန်ထမ်းတစ်ဦးမှ ကာယိဣိန္ဒြေပျက်ပြားစေမည့် မဖွယ်မရာအပြုအမူမျိုးပြုလုပ်ခဲ့ကြောင်း Facebook group တစ်ခုတွင် ကာယကံရှင်စားသုံးသူအမျိုးသမီးမှ အများသူငါ သတိပြုမိစေရန် post တစ်ခုကိုဖြစ်စဉ်အချိန်နှင့်တကွတင်၍အသိပေးခဲ့သည်ကို တွေရှိခဲ့ရပါသည်။
မိမိတို့၏ဆိုင်ရှင်များအနေနှင့်လည်း အဆိုပါကိစ္စအား ညပိုင်း လူမှုကွန်ယက်ပေါ်တွင် ကာယကံရှင်၏နစ်နာမှုကို postတင်ထားမှသာ သိရှိခဲ့ရပါသည်။
သို့အတွက်ကြောင့် 30.1.2020 တွင် ဆိုင်တွင်းရှိလုံခြုံရေးကင်မရာများနှင့် ပတ်ဝန်းကျင်ရှိ လုံခြုံရေးကင်မရာများ၏အကူအညီကိုရယူ၍ မိမိတို့ဘက်မှ ဖြစ်စဉ်အသေးစိတ်အား သေချာစွာ စိစစ်၊မှတ်တမ်းရယူခဲ့ပါသည်။
သို့ဖြစ်ပါ၍ နစ်နာသူcustomerအား မိမိတို့ဘက်မှအလျင်အမြန်ဆက်သွယ်၍ ဖြစ်စဉ်မှန်ကန်ကြောင်းအားဝန်ခံပြီး အနူးအညွတ်တောင်းပန်ခဲ့ပါသည်။
တောင်းပန်ရာ၌လည်း စားသုံးသူ၏ကိုယ်ကျင့်တရားနှင့်အရှက်သိက္ခာကို အသိအမှတ်ပြုသောအားဖြင့် ကိုယ်တိုင်ကိုယ်ကျ လူချင်းတွေ့ဆုံ၍ တောင်းပန်ခဲ့ခြင်းဖြစ်ပါသည်။
ယခုကဲ့သို့ဖြစ်ပွားခဲ့ရခြင်းတွက် မိမိတို့ဘက်မှ စားသုံးသူအတွက် များစွာစိတ်မကောင်းဖြစ်ခဲ့ရကြောင်းနှင့် နောက်နောင်တွင်လည်း အဆိုပါကိစ္စရပ်မျိုး ထပ်မံမဖြစ်ပွားစေရေးအတွက် ဆိုင်ရှိဝန်ထမ်းများအား အသိပေးမှာကြားပြီးဖြစ်ပါသည်။
#အဆိုပါအကျင့်ပျက်ဝန်ထမ်းအားလည်း_ဆိုင်မှအရေးယူ_အလုပ်မှထုတ်ပယ်ပြီးဖြစ်ပါသည်။
ယခုဖြစ်စဉ်သည် မိမိတို့ဆိုင်တွင် ယခင်ကတည်းကဖြစ်ဖူးခဲ့ခြင်းမရှိခဲ့ကြောင်း၊နောက်နောင်ထပ်မံမဖြစ်ပွားစေရေး အထူးသတိပြုဆောင်ရွက်သွားမည်ဖြစ်ပါကြောင်းနှင့် ယခုအကြိမ်သည်လည်း ပထမဆုံး နှင့်နောက်ဆုံးအကြိမ်သာ ဖြစ်ပါကြောင်း အသိပေးအပ်ပါသည်။
မိမိတို့ဘက်မှအဆိုပါကိစ္စရပ်အား လူမှုကွန်ယက်စာမျက်နှာပေါ်ရောက်မှသာ သိရှိခဲ့ရ၍ အချိန်မီ မဖြေရှင်းနိုင်ခဲ့ခြင်းအားလည်း နားလည်ပေးစေလိုပါသည်။
"မိမိတို့ကုံးထက်ကြက်ဆီထမင်းဆိုင်အနေဖြင့်လည်း ယခုကဲ့သို့ ဆိုင်ဂုဏ်သိက္ခာထိခိုက်ကျဆင်းစေမည့်လုပ်ရပ်များပြုလုပ်ရန် ဝန်ထမ်းများအား ညွှန်ကြာထားခြင်းမျိုးမရှိပါကြောင်းနှင့် ယခုဖြစ်ပွားခဲ့သည့်ကိစ္စသည်လည်း ဝန်ထမ်း၏ကိုယ်ကျင့်တရားနှင့်သာ သက်ဆိုင်ပါကြောင်း သိစေလိုပါသည်"။
ယခုဖြစ်စဉ်အား ပြောပြပေးခဲ့ပါသော မိတ်ဆွေသူငယ်ချင်းများ၊အမြဲအားပေးနေသော စားသုံးသူမိတ်ဆွေများနှင့် online ပေါ်မှ အပြုသဘောဆောင်မှတ်ချက်ပေးခဲ့ကြပါသော မိတ်ဆွေတို့အားလည်း ကျေးဇူးအထူးတင်ရှိပါကြောင်း ထပ်လောင်းပြောကြားလိုပါသည်ခင်ဗျား
ကျေးဇူးတင်စွာဖြင့်
ကုံးထက်မိသားစု
