What are the opening hours?

Wednesday 09:00 - 05:00 Thursday 09:00 - 17:00 Friday 09:00 - 20:00 Saturday 09:00 - 17:00

SkillEdge Academy, Yangon (2026)

12/11/2025

Trainer လုပ်ရခြင်းရဲ့ အကျိုးအမြတ်တွေထဲက တစ်ခုကတော့ တက်ရောက်သူတွေရဲ့ အမြင်သစ်များတွေကို ပြန်လည် သင်ယူရခြင်းလည်းတစ်ခု ပါဝင်ပါတယ်။

မကြာသေးမီက ပြုလုပ်ခဲ့တဲ့ leadership development training မှာ သင်တန်းသားတွေကို နေ့စဉ်လုပ်ငန်းခွင်မှာ “တန်ဖိုးထားစူးစမ်းမေးမြန်းခြင်း (Appreciative Inquiry)” ကို ဘယ်လိုအသုံးပြုမလဲ လို့မေးတော့၊ သင်တန်းသားတစ်ဦးက "အခြားသူများကို တန်ဖိုးထားခြင်းဟာ ကိုယ့်ကိုယ်ကိုယ် တန်ဖိုးထားခြင်းကနေ စတင်ပါတယ်။ ကိုယ့်ရဲ့ လက်ရှိအခြေအနေကို လက်ခံတယ်ဆိုတာ တိုးတက်ဖို့ ရပ်တန့်လိုက်တာ မဟုတ်ပါဘူး။ ကိုယ့်ကိုယ်ကိုယ် တန်ဖိုးထားတဲ့အတွက် ဆက်လက်ကြိုးစားနေမှာပါ။ ကိုယ့်ကိုယ်ကိုယ် တန်ဖိုးထားတဲ့အတွက် ဆက်လက်တိုးတက်အောင် လုပ်ဆောင်နေတာပါ" လို့ မျှဝေခဲ့ပါတယ်။

သူရဲ့ ပြောဆိုချက်က ကျတော်အခု အလုပ်လုပ်နေတဲ့ Harrison မှာ Growth Mindset သို့မဟုတ် Healthy Self-esteem လို့ခေါ်တဲ့ သဘောတရားကို ထိထိမိမိ ပြောလိုက်ခြင်းပါပဲ။ 'မိမိကိုယ်ကို လက်ခံခြင်း (Self-Acceptance)' နှင့် 'မိမိကိုယ်ကို တိုးတက်အောင်လုပ်ဆောင်ခြင်း (Self-Improvement)' ရဲ့ ဟန်ချက််ကို လိုတိုရှင်းပြောသွားတာပါ။ လူအများစုက ဤနှစ်ခုကို ဆန့်ကျင်ဘက်လို့ မြင်လေ့ရှိကြပါတယ်၊ "ငါ မလုံလောက်သေးဘူး၊ ဒါကြောင့် တိုးတက်အောင်လုပ်ရမယ်" သို့မဟုတ် "ငါ လုံလောက်ပြီ၊ ဒါကြောင့် ပြောင်းလဲစရာမလိုဘူး" စသဖြင့်ပေါ့။ အမှန်ကတော့ စစ်မှန်တဲ့ အားသာချက်ဆိုတာ ဝိရောဓိနှစ်ခုကို ပေါင်းစပ်ထားရာမှ ထွက်ပေါ်လာတဲ့အရာဖြစ်ပါတယ်။ ကိုယ့်ရဲ့လက်ရှိအခြေအနေကို ကျေနပ် လက်ခံရင်း၊ ဒီထက်ပိုမိုကောင်းမွန်လာစေရန် ကြိုးစားခြင်းပဲဖြစ်ပါတယ်။

26/10/2025

AI ခေတ်မှာပိုလိုလာတဲ့ AI

ကျတော်ပြောချင်တဲ့ AI ကတော့ artificial intelligence မဟုတ်တဲ့ appreciative inquiry ဆိုတဲ့ AI ပဲဖြစ်ပါတယ်။

စီမံခန့်ခွဲမှုပညာရပ်မှာ ပြဿနာတစ်ခုကြုံလာပြီဆိုရင် ပြဿနာရဲ့ အရင်းအမြစ်ကိုဆန်းစစ် (root-cause analysis လုပ်) ပြီးလိုအပ်ချက်ကို ဖြည့်ဆည်း ပြုပြင်တာဟာထုံးစံပဲ ဖြစ်ပါတယ်။ ဒါဟာအရေးကြီးတဲ့စွမ်းရည်တစ်ခုဖြစ်ပါတယ်။

ဒါပေမယ့် ဒီလို ပြဿနာ တွေကိုသာ အာရုံစိုက်ခြင်းဟာ တခြားဘေးထွက်ဆိုးကျိုးတွေကိုဖြစ်ပေါ်စေပါတယ်။

စဉ်းစားကြည့်ပါ။ လိုအပ်ချက်တွေကိုပဲ အမြဲထောက်ပြခြင်းခံနေရတဲ့ ဝန်ထမ်းတွေမှာ စိတ်အားငယ်မှုတွေဖြစ်ပေါ်လာနိုင် ပါတယ်။ အပြစ်တွေချည်းထောက်ပြ နေတဲ့ မန်နေဂျာ ကိုလည်းအပြစ် ပြန်မြင်လာမယ်။ လက်ညှိုးထိုး အပြစ် တင် တဲ့ သံတရာလည်နေမယ်။

အပြစ်သံတရာ ကထွက်ပြီး အပြုသဘောဆောင်တဲ့ အမြင်နဲ့ စိတ်အားတက်တက်ကြွကြွနဲ့ ပြဿနာတွေကိုဖြေရှင်းနိုင်မလဲ။

ဒီလိုဖြေရှင်းဖို့ Appreciative Inquiry ဆိုတဲ့ နည်းလမ်းကိုသုံးလို့ရပါတယ်။

Appreciative Inquiry ဆိုတာဘာလဲ။

Appreciate ဆိုတာ Depreciate နဲ့ဆန့်ကျင်ဘက်၊
Depreciate ဆိုတာ တန်ဖိုးလျှော့တာဆိုတော့၊ Appreciate က တန်ဖိုးထားတာ။

Inquiry ဆိုတာ Statement နဲ့ဆန့်ကျင်ဘက်၊ Statement ဆိုတာ အဆိုပြုချက်၊ Inquiry ဆိုတာ စူးစမ်းလေ့လာချက်၊ ဒီတော့ Appreciative Inquiry ကို ‘တန်ဖိုးထား စူးစမ်းလေ့လာမှု’ လို့ ဘာသာပြန်လို့ရပါတယ်။

Appreciative Inquiry ကို တစ်ဦးတစ်ယောက်ခြင်းအနေနဲ့ ဘယ်လိုအသုံးချမလဲ။

ပြဿနာတစ်ခုကြုံတွေ့ ရင် ကိုယ့်ရဲ့အားနည်းချက်တွေကို ဘယ်လိုဖြည့်ဆည်းပြီးကျော်လွှား မလဲဆိုတာထက်၊ ကိုယ့်ရဲ့အားသာချက်တွေကိုသုံးပြီးဘယ်လိုကျော်လွှားမလဲ လို့စဉ်းစားပါ။ မိမိဖြစ်တည်မှု နဲ့ အားသာချက်တွေကိုတန်ဖိုးထားပါ။

Appreciative Inquiry ဟာလုပ်ငန်းခွင်တွေပေါ်ဘယ်လိုသက်ရောက်မလဲ။

မန်နေဂျာတွေအနေ ပြဿနာတွေဖြေရှင်းတဲ့ အခါ နဲ့ ဝန်ထမ်းတွေရဲ့ လုပ်ဆောင်မှုနဲ့ စွမ်းရည်တွေကို တန်ဖိုးထား appreciate လုပ်ပြီး၊ အခုထက်ကောင်းတဲ့ရလဒ်တွေကိုဘယ်လိုဖော်ဆောင်မလဲလို့ စူးစမ်းတဲ့ စကားမျိုးပြောဆိုခြင်းအားဖြင့်၊

၁) တန်ဖိုးထားခံရခြင်းကြောင့် ဝန်းထမ်းတွေကို စိတ်ဓါတ်ပိုတက်ကြွစေမယ်။

၂) တီထွင်ကြံဆမှုတွေပို ဖြစ်ပေါ်လာစေမယ်။

၃) အပြုအဘောဆောင်တဲ့ စကားဝိုင်းတွေကြောင့် ကောင်းမွန်တဲ့ ဓလေ့တွေထွန်းကားလာမှာဖြစ်ပါတယ်။

ဘဝကို တန်ဖိုးထားပြီး စူးစမ်းလေ့လာမှုအပြည့် နဲ့ ဖြတ်သန်းနိုင်ဖို့ Appreciative Inquiry ကိုအသုံးပြုနိုင်ပါတယ်။

SkillEdge Academy
26, October 2025

25/09/2025

ကိုယ့်မှာ ဘယ် ‘ဖ’ လိုနေသလဲ ဆန်းစစ်ကြည့်ပါ။

27/10/2024

2024 ဟာ ကမ္ဘာကျော် Nike brand အတွက် ကြီးမားတဲ့‌အချိုးအကွေ့တစ်ခုပါပဲ။ June 28, 2024 မှာ တစ်ရက်ထဲအတွင်း၂၅ ဘီလီယံဒေါ်လာ ကို စတော့စျေးကွက်မှာ ဆုံးရှုံးခဲ့ပြီး၊ စုစုပေါင်း ၇၀ ဘီလီယံဒေါ်လာကို ၉ လအတွင်းဆုံးရှုံးခဲ့ပါတယ်။ ဒါကြောင့် CEO ဖြစ်တဲ့ John Donahoe ဟာ September မှာထုတ်ပယ်ခြင်းခံခဲ့ပါတယ်။

Nike ရဲ့ အဓိက မဟာဗျူဟာ ဆိုင်ရာ အမှားတွေကတော့

၁- မူလက professional အားကစားသမားတွေအတွက် ရည်စူးထုတ်လုပ်မှုကနေ၊ လူကြိုက်များတဲ့ lifestyle ဖက််ရှင်ဖက်ကိုပိုပြီးအလေးပေးချဲ့ထွင်ခဲ့ပါတယ်။ အရင်က သူ့ပြိုင်ဘက်တခြား brand တွေကို အပေါ်ယံ ဖက်ရှင်သမားတွေအတွက်ဆိုပြီးသမုတ်ပြီးပြိုင်ခဲ့တဲ့အစဉ်အလာရှိခဲ့ပါတယ်။ ဒါကြောင့် brand power ကျဆင်းသွာပါတယ်။

၂- ဖြန့်ချိရေးလမ်းကြောင်းကိုလည်း လက်လီ physical ဆိုင်တွေကနေ၊ Direct to Customer (DTC) ပြောင််းလဲခဲ့တယ်။ ကြားခံတွေမရှိတော့အမြတ် margin ကတော့ ပိုများခဲ့ပါတယ်။ ဆိုင်တွေမှာ အတင်နည်းသွားတဲ့အတွက်၊ online ထက် physical ဆိုင်တွေမှာဝယ်နေကျ customer တွေက တခြား brand တွေကိုပြောင်းလဲဝယ်ယူသွားကြတယ်။

၃- ဒါကိုပြန်ထိန်းဖို့ loyalty program တွေကိုအားစိုက်လုပ်ခဲ့ရာမှာလည်း အလုပ်ဖြစ်သင့်သလောက် ဖြစ်ခဲ့ပေမယ့်၊ customer အသစ်တွေထပ်ရဖို့ကြိုးပမ်းမှုမှာအားနည်းသွားပြန်ပါတယ်။

၄- အရင်က လူကြိုက်များပြီး Limited Edition နဲ့ ထုတ်တဲ့ Panda Dunks 👟လိုဖိနပ်မျိုး တွေကို ဖောဖောသီသီထုတ်လုပ်ရောင်းချတယ်။ ဒါကြောင့် ထူးခြားရှားပါးတဲ့ ဂုဏ်ပုဒ်ပျောက်သွားခဲ့တယ်။ ရေတိုမှာတော့ ဝင်ငွေပို ဝင်ပါတယ်။

၅- ဆုံးဖြတ်ချက်တွေချရာမှာလည်း အချက်အလက် data ပေါ်မှာ အလွန်အကျွံအားပြုခဲ့တယ်လို့လည်းဆိုကြပါတယ်။ Data တွေဟာ ပမာဏ (how many/much) တွေကိုသာညွှန်ပြနိုင်ပြီး၊ အကြောင်းအရင်း (why) တွေကို ညွှန်ပြလေ့မရှိပါ။

၆- ထုတ်ကုန်တွေကို အားကစားအလိုက်ခွဲပြီး စီမံထုတ်လုပ်ရာမှ၊ ကျား/မ အလိုက်ခွဲပြီးစီမံခန့်ခွဲထုတ်လုပ်မှုကိုပြောင်းလဲ ကျင့်သုံးခဲ့ပါတယ်။ ဒါဟာ အားကစားလိုက်စိတ်အားထက်သန်မှုနဲ့ အလုပ်လုပ်နေတဲ့ ဝန်ထမ်းတွေကို demotivate ဖြစ်စေပါတယ်။

CEO တစ်ယောက်ဟာ သက်ဆိုင်သူ stakeholder တွေဖြစ်ကြတဲ့
၁) စားသုံးသူ၊
၂) ဝန်ထမ်း၊
၃) အစုရှယ်ယာရှင်/ပိုင်ရှင်၊
၄) စီးပွါးမိတ်ဖက်၊
၅) စည်းကမ်းထိန်းကျောင်းသူ (regulator)၊ နဲ့
၆) လူ့ဘောင် အတွက်အကျိုးစီးပွါးတွေဖြစ်ထွန်းအောင်ဆောက်ရွက်ရမှာဖြစ်ပါတယ်။

John Donahoe ဟာ စရိတ်လျှော့ချပြီး အမြတ်ပိုဖန်တီးရာမှာ အစုရှယ်ယာရှင်/ပိုင်ရှင် အကျိုးကြည့်တာပိုကဲသွားပြီး၊ စားသုံးသူ၊ ဝန်ထမ်း နဲ့ စီးပွါးမိတ်ဖက် အကျိုးကို မဖန်တီးပေးနိုင်တဲ့အကျိုးဆက်ကိုတွေ့ရမှာဖြစ်ပါတယ်။ အထူးသဖြင့် ရေတိုအကျိုးအမြတ်ကို အလေးပေးမှု နဲ့ Nike ရဲ့နဂိုဝိသေသကနေသွေဖယ်သွားတဲ့ လုပ်ရပ်ကတော့ သက်ရောက်မှုအများဆုံးဖြစ်မယ်လို့ထင်ပါတယ်။

ref: https://medium.com/red-and-yellow-strategy-business-psychology/once-trusted-then-ousted-customers-have-fired-nikes-ceo-5dffda420187

စိုင်းဝန်းဆိုင်
Oct 26,2024
SkillEdge Academy

21/10/2024

ပြိုင်ဘက်တွေ တုပဖို့ခက်ခဲတဲ့ မဟာဗျူဟာ

မဟာဗျူဟာ (strategy) လို့ပြောလိုက်ရင် အများက အပြင်ပန်းမြင်ရတဲ့ ကြော်ငြာတွေ၊ marketing activities တွေ၊ အမှတ်တံဆိပ် တည်ဆောက်တာတွေ၊ ဒါမှမဟုတ် CSR လုပ်ဆောင်ချက်တွေကိုသာ အလေးထားစဉ်းစားလေ့ရှိကြတယ်။ ဒါတွေဟာ အရေးကြီးပေမယ့်၊ တခြားကုမ္ပဏီတွေတုပဖို့ကတော့ မခက်လှပါဘူး။

တကယ့်အောင်မြင်မှုရရှိနေတဲ့ ကုမ္ပဏီတွေကို လေ့လာကြည့်ရင် သူတို့ရဲ့ ပြင်ပပုံရိပ်ကို ထိထိရောက်ရောက် ပံ့ပိုးပေးနေတဲ့ အတွင်းပိုင်း လုပ်ဆောင်ချက်တွေကို တွေ့မြင်ရမှာပါ။ ဒီလုပ်ဆောင်ချက်တွေဟာ “မဟာဗျူဟာမြောက် မမြောက် စစ်ဆေးနည်း”ဆိုတဲ့ ခေါင်းစဉ်မှာ ရေးသားခဲ့တဲ့ operating imperatives တွေမဟုတ်ပါဘူး။

ဥပမာ ၁ - Southwest Airlines ရဲ့ စရိတ်ဝန်ကျဉ်းတဲ့ low-cost မဟာဗျူဟာ

Southwest Airlines ဟာ စျေးနှုန်းသက်သာပြီး ဝန်ဆောင်မှုကောင်းတဲ့ လေကြောင်းလိုင်းအနေနဲ့ ထင်ရှားပြီး၊ အမြတ်အစွန်းကောင်းတဲ့ ကုမ္ပဏီတစ်ခုဖြစ်ပါတယ်။ သူတို့ရဲ့ စျေးနှုန်းသက်သာမှုနဲ့ ဝန်ဆောင်မှုကို ပံ့ပိုးပေးနိုင်တဲ့ အတွင်းပိုင်း မဟာဗျူလုပ်ဆောင်ချက်တွေက-
• Boeing 737 တမျိုးတည်း အသုံးပြုခြင်း: လေယာဉ်ပျံ တမျိုးတည်းထားရှိခြင်းက ပြုပြင်ထိန်းသိမ်းမှုစရိတ်ကို လျှော့ချနိုင်ပါတယ်။
• ဝန်ထမ်းများ၏ ဘက်စုံ စွမ်းဆောင်ရည်: ဝန်ထမ်းတွေကို အလုပ်နေရာမရွေး လုပ်တတ်အောင် training တွေပေးထားတယ်။ ဒီလို တခြား airline ကဝန်ထမ်းတွေထက် ပိုလုပ်ရပေမယ့် service level မကျသွားအောင် manager တွေမှာ ဦးဆောင်နိုင်စွမ်းရှိကြတယ်။
• Point-to-point ပျံသန်းမှု: တခြား လေကြောင်းလိုင်းတွေလို hub-and-spoke မော်ဒယ်မဟုတ်ဘဲ၊ တိုက်ရိုက် ပျံသန်းတဲ့ စနစ်ကို အသုံးပြုခြင်းကြောင့် စရိတ်ကြီးတဲ့ airport ကြီးတွေကိုရှောင်နိုင်ပြီး၊ luggage အတင်အချမှာ တခြား လေကြောင်းတွေနဲ့ ချိတ်ဆက်စရာမလိုတော့ပါ။
အပိုဆာသားမပါတဲ့ No-frills ဝန်ဆောင်မှု: လေယာဉ်ပေါ်မှာ ထိုင်ခုံနံပါတ်မထားပေးဘဲ၊ အစားအသောက်ကိုလည်း pretzels ကဲ့သို့ snack မျိုးများသာကျွေးတဲ့အတွက်၊ အတက်အဆင်းကို အမြန်ဆုံးဖြစ်အောင် လုပ်ဆောင်တာကြောင့် လေယာဉ်ပြန်သန်းတဲ့ခေါက်ရေကို အမြင့်ဆုံး ဖြစ်စေပါတယ်။

ဥပမာ ၂ - Procter & Gamble (P&G) ရဲ့ ကွဲပြားခြားနားတဲ့ differentiated မဟာဗျူဟာ
P&G ဟာ ကမ္ဘာကျော် လူသုံးကုန် အမှတ်တံဆိပ်များစွာနဲ့ အောင်မြင်နေတဲ့ ကုမ္ပဏီတစ်ခုပါ။ သူတို့ရဲ့ ထူးခြားချက်ကတော့ လုပ်ဆောင်ချက်တွေရဲ့ တစ်ခုနဲ့ တစ်ခု အပြန်အလှန် အကျိုးပြု ပံ့ပိုးမှုတွေဖြစ်ပါတယ်။

• စားသုံးသူများအားထဲထဲဝင်ဝင် သိရှိခြင်း (Deep Customer Insights): P&G ရဲ့ ပြိုင်ဘက်တွေထက်သူလွန်တဲ့ စားသုံးသူတွေအကြောင်း ထဲထဲဝင်ဝင်သိရှိမှု (deep customer insights) က ကုန်ပစ္စည်းသစ်တွေကို တီထွင်နိုင်စွမ်း (Innovation) ကိုအထောက်အပံ့ပေးပါတယ်။

• အမှတ်တံဆိပ် အားကောင်းမှု (Branding Power): တဖန် တီထွင်နိုင်စွမ်းက အမှတ်တံဆိပ်တည်ဆောက်ခြင်းကို အထောက်အပံ့ဖြစ်စေပါတယ်။

• Go-to-market အားကောင်းမှု: အမှတ်တံဆိပ် branding အားကောင်းခြင်းကလည်း၊ လက်လီရောင်းသူတွေရဲ့ ဦးစားပေးခြင်းကို ရရှိသာကြောင့် သုံးစွဲသူလက်ထဲ (go-to-market) အမြန်ဆုံးပို့နိုင်တယ်။

• ကမ္ဘာအနှံ့ဖြန့်ချိရောင်းနိုင်မှု: ဒါအပြင် brand တွေကို ကမ္ဘာအနှံ့ဖြန့်ချိရောင်းချနိုင်ခြင်းက၊ customer insight၊ innovation၊ R&D နဲ့ marketing စရိတ်တွေကို ပြန်အထောက်အကူဖြစ်တာကြောင့်၊ ပြိုင်ဘက်အငယ်က မယှဉ်သာပါဘူး။

ဒီလို အတွင်းပိုင်း နဲ့ အပြင်ပန်း အချိတ်အဆက်ရှိတဲ့ လုပ်ဆောင်ချက်တွေကသာ ပြိုင်ဘက်တွေ တုပဖို့ ခက်ခဲတဲ့ မဟာဗျူဟာတစ်ခု ဖြစ်လာနိုင်တယ်ဆိုတာကို မြင်ရမှာပါ။

Image source: campaignasia.com

မှတ်ချက်။ Strategy အကြံပေးဝန်ဆောင်မှုကို industry တစ်ခုတွင် client တစ်ဦးသာ SkillEdge Academy မှ ဝန်ဆောင်မှုပေးပါသည်။

စိုင်းဝန်းဆိုင်
October 21, 2025
SkillEdge Academy

&G

13/10/2024

Job-To-Be-Done Theory

ကိုယ့်ရဲ့ business model တွေ offering တွေ ကို ထိထိရောက်ရောက် တီထွင်ဆန်းသစ်နိုင်ဖို့၊ Job-To-Be-Done (JTBD) Theory နဲ့ မိတ်ဆက်ပေးချင်ပါတယ်။

JTBD theory ကို Harvard ကအထင်ကရ Marketing Professor Ted Levitt က လူသိများအောင်ပြုလုပ်ခဲ့ပြီး၊ နောက်ပိုင်းမှာ Professor Clayton Christensen အကျယ်တဝင့်တင်ပြခဲ့တဲ့ theory တစ်ခုဖြစ်ပါတယ်။ (Professor Clayton Christensen ဆိုတာကတော့ Steve Job အပေါ်လွှမ်းမိုးမှု အရှိဆုံး ပုဂ္ဂိုလ်ထဲမှာပါဝင်သူတစ်ယောက်ဖြစ်ပါတယ်)

JTBD ဆိုတာဘာလဲ?

JTBD ရှုထောင့်အရ စားသုံးသူ တွေဟာ ပစ္စည်း တစ်ခုကိုဝယ်ယူတိုင်း ပြဿနာတစ်ခုဖြေရှင်းဖို့၊ သို့မဟုတ် ကိစ္စတစ်ခုပြီးမြောက်စေဖို့ရည်ရွယ်ချက်ရှိတယ်လို့ ဆိုထားပါတယ်။ အဲ့ဒီရည်ရွယ်ချက်ကိုတိတိပပသိခြင်းက ကိုယ့်ရဲ့ offering တွေကိုပိုထိရောက်အောင်ပြုလုပ်နိုင်မှာဖြစ်ပါတယ်။

တစ်နည်းအားဖြင့်် - ဘယ်လိုလူတွေက ဘာပစ္စည်းတွေဝယ်နေကြသလဲဆိုတာထက်၊ သူတို့ရဲ့ ဘယ်ကိစ္စရပ်တွေအတွက် ဘယ်လို ထုတ်ကုန်တွေနဲ့ လက်ရှိမှာဖြေရှင်းနေကြသလဲ၊ နောက်နောင်မှာ အဲ့ဒီထက်ထိရောက်အောင် ဘယ်လိုဖြေရှင်းပေးနိုင်မလဲ ဆိုတာကို စဉ်းစားရမှာဖြစ်ပါတယ်။

ဥပမာ-

Apple Music တို့ Spotify တို့ streaming services
လူတွေမှာ လူတွေအတွက် သီချင်း တွေ လွင့်ပေးရုံသက်သက်မဟုတ်တာကိုတွေ့ရမှာဖြစ်ပါမယ်။
> အလုပ်လုပ်တဲ့အခါ အာရုံပိုစိုက်နိုင်အောင်၊
> workout လုပ်တဲ့အခါ စိတ်တက်ကြွလာဖို့၊
> တစ်ယောက်တည်း chill ဖို့၊
>သူငယ်ချင်းတွေနဲ့ road trip ထွက်တဲ့အခါ နားထောင်ဖို့၊
> deadline အပြီးတွန်းလုပ်နိုင်အောင်ဆိုပြီး သီချင်းနားထောင်သူရဲ့ ရည်ရွယ်ချက် ပြီးမြောက်စေဖို့ 🎶playlist တွေ အမျိုးမျိုးရှိခြင်းနဲ့ သူတို့ရဲ့ service ကိုသုံးအောင်ဆွဲဆောင်ကြတယ်။ ဒါဟာ JTBD ရှုထောင့်ကနေစဉ်းစားပြီးပေါ်လာတာဖြစ်ပါတယ်။ Software as a Service (SaaS) ဆိုတာလည်း JTBD ရှုထောင့်ကနေ- လူတွေက software လိုချင်တာမဟုတ် အလုပ်ပြီးမြောက်မှုကိုလိုချင်တာဖြစ်ကြောင်း- စဉ်းစားပြီးပေါ်လာတာဖြစ်ပါတယ်။

JTBD နဲ့စဉ်းစားရင် အရင်က သတိမထားမိတဲ့ ပြိုင်ဘက်တွေကိုလည်းသတိထားမိလာမယ်။ Netflix ရဲ့ founder ကို Amazon Prime Video က သူ့အတွက် အဓိကပြိုင်ဘက်လာလို့မေးတဲ့အခါမှာသူက၊ ‘လူတွေ relax ဖြစ်အောင်လုပ်တဲ့အရာအားလုံးနဲ့ ပြိုင်နေရတာပါ၊ video game တွေ၊ board game တွေ၊ အပြင်၊ wine ပုလင်းတွေနဲ့ပါပြိုင်နေရပါတယ်’ လို့ပြန်ဖြေပါတယ်။ သူ့ရဲ့ဖြေကြားချက်က JTBD ရှုထောင့် ကနေဖြေကြားထားတာဖြစ်ပါတယ်။ ဒီဥပမာကို ကြည့်ခြင်းအားဖြင့် product category တူမှ ပြိုင်ဘက်မဟုတ်၊ သုံးစွဲသူရဲ့ ရည်ရွယ်ချက်ကိုဖြည့်ဆည်းနိုင်တဲ့ အရာတွေအားလုံးဟာကိုယ့်ပြိုင်ဘက်ဖြစ်တယ်ဆိုတာတွေ့ရမှာဖြစ်ပါတယ်။

Market segmentation လုပ်တဲ့အခါမှာ လည်း JTBD Theory က demographics data တွေထက်ပိုပြီးထိရောက်အောင် target လုပ်နိုင်တာကိုတွေ့ရပါတယ်။

ဥပမာ- ကျတော်အရင်အလုပ်လုပ်ခဲ့တဲ့ IKEA ဆိုပါစို့၊ သူ့ရဲ့ customer တွေကို သတ်မှတ်တဲ့အခါမှာ အသက်၊ ဝင်ငွေ၊ လိပ်စာ၊ ပညာအရည်အချင်း စတဲ့ demographic data တွေနဲ့ ခွဲခြားတာမဟုတ်ဘဲ၊ ‘သက်သက်သာနဲ့ အချိန်တိုအတွင်း အခန်းအလှဆင်လိုသူများ’ ဆိုတဲ့ JTBD နဲ့ သတ်မှတ်တဲ့ အတွက် ပိုထိရောက်ပါတယ်။ ပြီးမြောက်ဖို့လိုတဲ့ အလုပ်တွေဆိုတာက demographic data ပေါ်မှာ မူတည်ပြီးပေါ်လာတာမဟုတ်ပါဘူး။ အခြေအနေတွေကြောင့် ပေါ်ပေါက်လာတာကြောင့် “သက်သက်သာနဲ့ အချိန်တိုအတွင်း အခန်းအလှဆင်ဖို့” ဆိုတာတဲ့လိုအပ်ချက်က “လိပ်စာ၊ ပညာအရည်အချင်း” ပေါ်မူတည်နေတာမဟုတ်ပါဘူး။

ဒီ JTBD theory ဟာ တိမ်မယောင်နဲ့ နက်ပါတယ်။

မော်တော်ဆိုင်ကယ်ကို ဘာလို့ဝယ်ကြသလဲ။ အများစုကတော့ သွားရေးလာရေး အဆင်ပြေအောင်လို့ပြောပါမယ်။ ဒါပေမယ့် Harley-Davidson ဆိုင်ကယ်ကိုဘာလို့ဝယ်ရတာလဲ ဆိုရင်၊ လွတ်လပ်မှု၊ စွ့န်စားမှု နဲ့ အောင်မြင်မှု ဝိသေသတွေကိုဖော်ပြဖို့အတွက်ဖြစ်ပါတယ်။ Harley-Davidson ဆိုင်ကယ်ထက် လွပ်လပ်မှုနဲ့ စွန့်စားမှု သင်္ကေတတွေကိုရောင်းချနေခြင်းဖြစ်ပါတယ်။ ဒါကြောင့် ကိစ္စလို့ ဆိုရာမှာ တကယ်လက်တွေ့ အလုပ်ဖြစ်ဖို့ (functional job) တင်မဟုတ်ဘဲ၊ စိတ်ပိုင်းဆိုင်ရာလိုအပ်ချက် (emotional job) တွေပါ ပါဝင်ပါတယ်။ ကိုယ့်ရဲ့လုပ်ငန်းက လူတွေရဲ့ ဘယ်ကိစ္စတွေကိုပြီးမြောက်အောင်ကူညီပေးနေသလဲဆိုတာကို သေသေချာချာသိထားဖို့လိုအပ်ပါတယ်။

လူအမျိုးမျိုးစိတ်အထွေထွေရှိတဲ့အပြင်၊ ပြဿနာပေါင်းစုံပြီး ကိစ္စများမြောင်လှတဲ့ လူဘောင် ဆိုတဲ့အတိုင်း လူတွေရဲ့ လိုအပ်ချက်တွေကလည်း များပြားလှပါတယ်။ ဒါကြောင့် JTBD theory နဲ့ စဉ်းစားပြီး ကိုယ့်ရဲ့ customer တွေရဲ့ လိုအပ်ချက်တွေကို ပိုထိထိရောက်ရောက် ပြီးမြောက်အောင် ကူညီဖို့လည်း နည်းလမ်းတွေအများကြီးထွက်ပေါ်လာနိုင်ပါတယ်။ ဒါ့အပြင် သမားရိုးကျ demographic based marketing ထက်လည်းထိရောက်အောင်ပြု လုပ်နိုင်မှာဖြစ်ပါတယ်။ အဖွဲ့အစည်းတွင်းမှာလည်း ထုတ်ကုန်အပေါ် ဗဟိုခြင်း (product centric) ထက်၊ ဖြေရှင်းမှု ကိုဗဟိုပြုတဲ့ solution centric mindset ကိုဖြစ်ပေါ်စေနိုင်ပါတယ်။

စိုင်းဝန်းဆိုင်
Oct 13, 2024
SkillEdge Academy

06/10/2024

ထိရောက်တဲ့ မဟာဗျူဟာဖန်တီးရာမှာ လိုအပ်တဲ့ စဉ်းစားဉာဏ် (၂) မျိုး

လုပ်ငန်း တော်တော်များဟာ ကြီးထွားလာတာနဲ့အမျှ စွန့်စားမှုတွေ နည်းလာပြီး ဝေဖန်ပိုင်းခြားမှု ကိုပဲ အလေးထားတတ်ကြပါတယ်။ မဟာဗျူဟာအသစ်တွေ၊ ဆန်းသစ်တဲ့ ထုတ်ကုန်တွေ ပေါ်မလာတော့ပါဘူး။ တီထွင်ဥာဏ်ကွန့်မြူးတဲ့သူတွေကိုလည်း ‘စိတ်ကူးယဉ်ဆန်သူ’ တွေ၊ ‘လှတပတ’ သာစိတ်ဝင်စား သူတွေအဖြစ် သမုတ်တာကြောင့် ဆန်းသစ်တဲ့ ထုတ်ကုန်တွေ၊ လုပ်နည်းလုပ်ဟန်တွေ ဆိတ်သုဉ်းကုန်ပါတယ်။

စိတ်ကူးဥာဏ်သစ်တွေ၊ out-of-the-box 📦 thinking တွေလုပ်ရတာနှစ်သက်သူတွေကလည်း၊ critical thinking ကိုသာအလေးပေးတဲ့သူတွေကို ‘စာအုပ်ကြီးသမားတွေ‘၊ ‘date အောက်နေသူတွေ’၊ ‘ပျင်းစရာကောင်းသူတွေ’ အဖြစ်သမုတ် တတ်ကြပါတယ်။ အခွင့်အလမ်းရတာနဲ့ စိတ်ကူးဥာဏ်သစ်တွေကိုအလေးထားနဲ့ အဖွဲ့အစည်းတွေကိုပြောင်းသွားကြပါတယ်။

စင်စစ်မှာတော့ ထိရောက်တဲ့ မဟာဗျူဟာတစ်ခု ဖန်တီးဖို့ဆိုရင် ဝေဖန်ပိုင်းခြားဥာဏ် (Critical Thinking) နဲ့ တီထွင်ဖန်တီးဥာဏ် (Creative Thinking) နှစ်မျိုးလုံးလိုအပ်ပါတယ်။ စိတ်ကူးတွေဘယ်လောက်သစ်ဆန်း creative ဖြစ်နေပါစေ၊ အလုပ်ဖြစ်မဖြစ်ကို ဝေဖန်ပိုင်းခြားရန် critical thinking လိုအပ်သည်။ အကောင်အထည်ဖော်ရန် စည်းစနစ်လိုသည်။ စည်းစနစ်ကိုလည်း၊ လမ်းဟောင်းကြီးအတိုင်းမလုပ်ဘဲ၊ ပိုမိုဆန်းသစ်တဲ့ နည်းလမ်းရှာဖို့ creative thinking လိုအပ်ပါတယ်။ တီထွင်ဖန်တီးမှုနဲ့ ဝေဖန်ပိုင်းခြားမှုတွေကို ပေါင်းစပ်စဉ်းစားပါမှ ထိရောက်တဲ့ ဗျူဟာတွေထွက်ပေါ်လာပါမယ်။

ဥပမာ- Frito-Lay ရဲ့ အာလူးကြော်တွေက ဆန်းသစ်တဲ့ အရသာတွေနဲ့ ပြိုင်ဘက်တွေထက် ဦးအောင်ထုတ်လုပ်နိုင်တဲ့အကြောင်းအရင်းကိုရှာကြည့်မယ်ဆိုရင် တီထွင်ဖန်တီးဥာဏ် နဲ့ ဒေတာတွေကိုအခြေခံတဲ့ ဝေဖန်ပိုင်းခြားမှု နဲ့ ဆုံးဖြတ်ချက်တွေကြောင့်ဆိုတာကိုတွေ့ရမှာဖြစ်ပါတယ်။

မိမိရဲ့ အဖွဲ့အစည်းမှာ critical thinking သမားတေတွေနဲ့ creative thinking သမားတွေ ဘယ်လောက်အထိမျှခြေရှိသည်၊ အချင်းချင်းဘယ်လောက်အထိ ပူးပေါင်းလုပ်ဆောင်နေသည်ကို သုံးသပ်ကြည့်ပါ။ အာနည်းနေတဲ့ အပိုင်းကို ပြန်အားဖြည့်ပါ။ အထူးသဖြင့် strategy process မှာ တီထွင်ဖန်တီးဥာဏ် (creative thinking) ရော၊ ဝေဖန်ပိုင်းခြားဥာဏ် (critical thinking) ပါ အသုံးပြုပါမှ customer တွေကိုပြိုင်ဘက်တွေထက် သာလွန်ထူးခြားတဲ့ offering တွေပေးနိုင်မှာဖြစ်ပါတယ်။

စိုင်းဝန်းဆိုင်
Oct 6, 2024
SkillEdge Academy

ပုံ- idea အသစ်တွေ ကို ၃ မိနှစ် အတွင်း pitch လုပ်တဲ့ 2024 Falling Walls Lab Yangon မှာ အကဲဖြတ်ဒိုင်လုပ်စဉ်က

01/10/2024

မဟာဗျူဟာ စစ်မစစ် စမ်းသပ်နည်း
(အတို- ပြောင်းပြန်လှန်ကြည့်လို့ ရီ (ရယ်) စရာကောင်းနေရင် မစစ်)

ကိုယ့်လုပ်ငန်း၊ ကိုယ့် အဖွဲ့အစည်းရဲ့မဟာဗျူဟာ (strategy) ကဘာလဲလို့ မေးတဲ့ အခါမှာ၊ အများစုက

- အကောင်းဆုံးဝန်ဆောင်မှုပေးမယ်၊
- customer တွေအသုံးပြုရလွယ်ကူတဲ့ app တွေထုတ်မယ်၊
- မလိုအပ်တဲ့ အသုံးစရိတ်တွေလျှော့ချမယ်၊
- အရည်အသွေးပြည့်မှီအောင် ဂရုစိုက်မယ်၊
- ဝန်ထမ်းတွေကို စွမ်းဆောင်ရည်ဖြည့်ဆည်း ပေးမယ်၊
- နည်းပညာကို အကောင်းဆုံးအသုံးချမယ်စသဖြင့်ပြောလေ့ရှိကြပါတယ်။

အထက်ကပြောတဲ့အရာတွေအားလုံးကို အများနည်းတူ လုပ်ဆောင်မယ်ဆိုရင်မဟာဗျူဟာ (strategic choices) မမြောက်ပါဘူး။

ဒါတွေက အပြိုင်အဆိုင်ရှိတဲ့စျေးကွက်မှာ လုပ်ငန်းလည်ပတ်နိုင်ဖို့ မဖြစ်မနေလိုအပ်တဲ့ (operating imperatives) တွေဖြစ်ပါတယ်။ ဒါကြောင့် အရေးမကြီးတာမဟုတ်၊ အလွန်အရေးကြီးပါတယ်။ အားကစားဥပမာနဲ့ဆို- ယှဉ်ပြိုင်ဖို့အတွက်၊ လက်ရည်စမ်းပွဲအောင်ဖို့ လိုအပ်တဲ့အရာတွေလို့ဆိုနိုင်ပါတယ်။

- Operating Imperatives ကို ‘လုပ်ငန်းရပ်တည်ဖို့အတွက်လိုအပ်တဲ့ မရှိမဖြစ်များ’၊

- Strategy ကိုတော့ ‘အောင်နိုင်ဖို့အတွက် လိုအပ်တဲ့ ကွဲပြားတဲ့ ရွေးချယ်မှုများ’ လို့မှတ်ယူနိုင်ပါတယ်။

Industry ပေါ်မှုတည် ပြီး လုပ်ငန်းတစ်ခုမှာ အရးပါတဲ့ မရှိမဖြစ် (operating imperatives) ၅ ခု အနေ ၁၀ ခုလောက်ကို ကြပ်မတ်ပျိုးထောင်ထိန်းသိမ်းဖို့လိုပါတယ်။ ဒါမှအဲ့ ဒီ industry မှာဆက်ပြီးရပ်တည်နိိုင်မှာ ဖြစ်ပါတယ်။

စျေးကွက်ထဲ ရပ်တည်နိုင် ရုံသာမက၊ customer တွေရဲ့ အသည်းစွဲဖြစ်ဖို့ ပြိုင်ဘက်တွေထက်သာလွန်ဖို့ အတွက်ဆိုတော့ အခြေခံလိုအပ်ချက် operating imperatives နဲ့တင်မလုံလောက်ပါဘူး။ strategy ပါလိုအပ်လာပါပြီ။

ဒါမှ တခြားပြိုင်ဘက်တွေမှာမရနိုင်တဲ့ customer အကြိုက် offering တွေကို ပေးနိုင်မှာဖြစ်ပါတယ်။ ဒီလိုထူးထူးခြားခြား လုပ်နိုင်ဖို့ အတွက် အများတကာလုပ်နေကြလုပ်ရိုးလုပ်စဉ်တွေ ကနေ ထွက်ပေါ်လာမှာမဟုတ်ပါ။ မတူကွဲပြားတဲ့ ရွေးချယ်လုပ်ဆောင်မှုများမှသာ ထွက်ပေါ်လာမှာဖြစ်ပါတယ်။

ဥပမာ-

Apple ရဲ့ closed ecosystem က Microsoft ရဲ့ open system နဲ့ မတူအောင်ရွေးချယ်ပြီး ထူးခြားကောင်းမွန်တဲ့ user experience ကိုပေးပြီးစျေးပိုတင်နိုင်ခြင်း၊

IKEA ရဲ့အများနဲ့မတူတဲ့ ပြားချပ်တဲ့ထုတ်ပိုးမှုနဲ့ကိုယ်တိုင်ယူ၊ ကိုယ်တိိုင်ဆင်စနစ် ကြောင့် design ကောင်းတဲ့ ပရိဘောဂတွေတွေကို စျေးသက်သက်သာသာရောင်းနိုင်ခြင်း၊

Electronic ပစ္စည်းတွေရောင်းတဲ့ Best Buy ရဲ့ ပြိုင်ဘက်တွေနဲ့ ဆန့်ကျင်ပြီး online ထက် physical store တွေကိုအာရုံစိုက်ပြီး store-in-store model ပြောင်းလိုက်ပုံ တွေ က မဟာဗျူဟာကျတဲ့ လုပ်ဆောင်မှုတွေဖြစ်ပါတယ်။

အဖွဲ့အစည်းတစ်ခုမှာ မဟာဗျူဟာကျတဲ့ရွေးချယ်မှု ၃ခု ကနေ ၅ခု လောက်ဆိုလုံလောက်ပါတယ်။ ရွေးချယ်မှုမှန်ကန်ထိရောက် ဖို့အတွက်တော့ စနစ်တကျ စဉ်းစားပြီး (strategy workshop) အလုပ်ရုံဆွေးနွေးပွဲလုပ်ဖို့လိုပါတယ်။

ခွဲခြားနည်း

အောင်နိုင်ရေး မဟာဗျူဟာ (strategy) နဲ့ လုက်ငန်းလည်ပါတ်ဖို့အခြေခံလိုအပ် (operating imperatives) တွေကိုဘယ်လို ခွဲခြားပြီးသိနိုင်မလဲ။

ကိုယ့်ရဲ့ လုပ်ဆောင်ချက် နဲ့ စီမံချက်တွေကို ပြောင်းပြန်လှန်ကြည့်ပါ။ ထွက်လာတဲ့အဖြေက အဓိပ္ပာယ်မရှိဘဲရယ်စရာကောင်းနေရင်၊ လုပ်ငန်းလည်ပတ်ဖို့ အခြေခံလိုအပ်ချက် (operating imperatives) ဖြစ်ပါတယ်။ ဥပမာ- “ဝန်ဆောင်မှုကောင်းမွန်တိုးတက်လာစေရေး” ဆိုပါတော့၊ “ဝန်ဆောင်မှု ဆိုးရွားဆုတ်ယုတ်စေရေး”ဆိုတာက အဓိပ္ပာယ်မရှိတာကြောင့် ဒါဟာ လုပ်ငန်းလည်ပတ်ဖို့အခြေခံလိုအပ်ချက်ဖြစ်ပါတယ်။

ကိုယ့်ရဲ့ လုပ်ဆောင်ချက် နဲ့ စီမံချက်တွေကို ပြောင်းပြန်လှန်ကြည့်လို့ ထွက်လာတဲ့အဖြေက အဓိပ္ပာယ်ရှိပြီး၊ အောင်မြင်နိုင်ချေအလားအလာရှိရင်၊ အောင်နိုင်ရေးမဟာဗျူဟာမြောက်တယ်လို့ဆိုနိုင်ပါတယ်။ အထက်ကပြောခဲ့တဲ့ Apple, IKEA နဲ့ Best Buy ဥပမာတွေကိုကြည့်ကြည့်ပါ၊ သူတို့ရွေးချယ်မှုနဲ့ ဆန့်ကျင်ဖက်တွေကလည်း အလုပ်ဖြစ်နိုင်ချေရှိတဲ့ရွေးချယ်မှုတွေဆိုတာကိုတွေ့ရပါမယ်။

အချုပ်အားဖြင့် Customer တွေရဲ့ အသည်းစွဲဖြစ်ဖို့ဆိုရင် ပြိုင်ဘက်တွေနဲ့ ထူးမခြားနား ဖြစ်နေလို့မရပါဘူး။ ဒီအတွက် လုပ်ငန်းလည်ပတ်ဖို့ အခြေခံလိုအပ်ချက်တွေ (operating imperatives) နဲ့အတူ အောင်နိုင်ရေး ဗျူဟာ (strategy) ပါလိုအပ်ပါကြောင်းနဲ့ ဒီနှစ်ခုကိုခွဲခြားတက်စေဖို့ နည်းလမ်းမျှဝေပေးခြင်းဖြစ်ပါတယ်။

အဖွဲ့အစည်းတွေ၊ လုပ်ငန်းအတွက် မဟာဗျူဟာ ဆိုင်ရာ ဆွေးနွေးဖို့ နဲ့ သင်တန်းပေးဖို့ အတွက် SkillEdge Academy ကိုဆက်သွယ်နိုင်ပါတယ်။

မှတ်ချက်- မဟာဗျူဟာနဲ့ဆိုင်တဲ့ (strategy advisory) ဝန်ဆောင်မှုကိုတော့ လုပ်ငန်းနယ်ပယ် (industry) တစ်ခုမှာ client တစ်ဦးသာလက်ခံပါတယ်။

စိုင်းဝန်းဆိုင်
September 27, 2024
SkillEdge Academy

Ref: “Is or Is Not The Opposite Stupid on its Face” by Roger Martin

27/02/2024

Training မပေးမီ မေးသင့်တဲ့မေးခွန်း (၉) ခု

သင်တန်းတစ်ခုပေးဖို့အတွက် ကုန်ကျစရိတ်မှာ ငွေကြေးအပြင်၊ အချိန်တွေပါပေးရပါတယ်။ ဒါကြောင့် အဖွဲ့အစည်းတစ်ခုဟာ Training တစ်ခုကို မပေးမီ ပေးသင့်-မပေးသင့်၊ ပေးရင်လည်း ဘယ်လို Training မျိုး ပေးသင့်လဲဆိုတာကို သေသေချာချာ စဉ်းစားသင့်ပါတယ်။ အထူးသဖြင့် Training ပေးရခြင်းရဲ့ ရည်ရွယ်ချက် အကြောင်းအရင်းကို သေသေချာချာ ရှင်းရှင်းလင်းလင်းသိထားမှသာ Training ပေးရကျိုးနပ်မှာဖြစ်ပါတယ်။ အကြောင်းအရင်းကို သိရှိနိုင်အောင်၊ ပေးသင့်မသင့်ဆိုတာကို ဆုံးဖြတ်နိုင်ဖို့ ဒီမေးခွန်း (၉) ခုကိုဖြေကြည့်ပါ။

1. လည်ပတ်စေဖို့လား၊ ဦးဆောင်နေဖို့လား။
လုပ်ငန်းတစ်ခု အလုပ်ဖြစ်လည်ပတ် Operational ဖြစ်အောင် ပေးရတဲ့ သင်တန်းတွေရှိသလို၊ အပြိုင်အဆိုင်တွေထက် သာလွန်ဦးဆောင်နိုင်ဖို့ပေးရတဲ့ Strategic သင်တန်းတွေလည်းရှိပါတယ်။ လုပ်ငန်းရဲ့တချို့ကဏ္ဍတွေကို ပြိုင်ဖက်တွေထက် နောက်မကျအောင်ပြုလုပ်ရပြီး၊တချို့ကဏ္ဍတွေကို ပြိုင်ဖက်တွေထက် သာလွန်အောင်လုပ်ရပါတယ်။ တစ်နည်းအားဖြင့် Operational (ပြိုင်ဖက်တွေထက် နောက်မကျအောင်ပြုလုပ်မယ့်ကဏ္ဍ) နဲ့ Strategic (ပြိုင်ဖက်တွေထက် သာလွန်အောင်ပြုလုပ်မယ့်ကဏ္ဍ) ကို ကွဲကွဲပြားပြားချမှတ်ထားဖို့လိုပါတယ်။ ဒီလို ကွဲပြားတဲ့ရွေးချယ်မှုရှိမှသာ လုပ်ငန်းမှာမဟာဗျူဟာရှိတယ်လို့ဆိုနိုင်ပါတယ်။ (ဥပမာ- APPLE ရဲ့
Strategic Focus: Marketing & Branding
Operational Focus: Manufacturing & Pricing ဆို XIAOMI က ပြောင်းပြန် Strategic Focus: Manufacturing & Pricing
Operational Focus: Marketing & Branding)

2. ရေရှည်အတွက်လား-ရေတိုအတွက်လား။
တချို့ သင်တန်းတွေ (ဥပမာ- leadership development) က ရေရှည်မှ အကျိုးအမြတ်များကိုခံစားရပြီး၊ တချို့ (ဥပမာ- sales training) ကတော့ လက်ငင်းအကျိုးရှိသွားတာလည်းရှိပါတယ်။ Training Plan မှာ အထက်ကပြောတဲ့ Operational နဲ့ Strategic training တွေကို ကြိုထည့်ထားဖို့လိုပါတယ်။ ဒါ့အပြင် ပတ်ဝန်းကျင်အခြေအနေကပြောင်းသွားလို့ လိုအပ်လာတဲ့ Training တွေလည်းထပ်ပေါ်ပေါက်လာနိုင်ပါတယ်။ (ဥပမာ- Covid ကြောင့်လိုအပ်လာတဲ့ training မျိုး)

3. လျှော့ချဖို့လား-တိုးပွါးဖို့လား။
တချို့ သင်တန်းတွေ (ဥပမာ- Safety နဲ့ Compliance Training) က ဆုံးရှုံးနိုင်ခြေ (Risk) တွေကို လျှော့ချပေးပြီး၊ တချို့ (ဥပမာ- Sales Training) က Profit အမြတ်အစွန်း နဲ့ Market Share ကို ပိုများစေပါတယ်။

4. ကျစ်လစ်ဖို့လား-ထူးကဲဖို့လား။
တချို့သင်တန်းတွေ (ဥပမာ- Kaizen) က လုပ်ငန်းလည်ပတ်မှုကို ကျစ်လစ် Efficient ဖြစ်စေပြီး၊ တချို့က (ဥပမာ- Customer Experience Design) ပြိုင်ဖက်တွေထက် သာလွန်ထူးကဲစေပါတယ်။

5. ကုသဖို့လား-ကာကွယ်ဖို့လား။
တချို့သင်တန်းတွေက ဖြစ်ပြီးသော ပြဿနာတွေကို ကုသရေး (ဥပမာ- ဌာနအချင်းချင်း ပြဿနာဖြေရှင်းနည်း Conflict Resolution) ဖြစ်ပြီး၊ တချို့က မဖြစ်ကာမီကြိုတင်ကာကွယ် ဖို့ (ဥပမာ- ဌာနအချင်းချင်း ပူးပေါင်းဆောင်ရွက်နည်း Collaboration) အတွက် လိုအပ်ပါတယ်။

6. အဟောင်းလား-အသစ်လား။
တချို့သင်တန်းတွေက သိပြီးတဲ့အရာတွေကို ပြန်နွှေးပေးတာမျိုး၊ Awareness မြှင့်ပေးတာမျိုး (ဥပမာ- Cybersecurity) ဖြစ်ပြီး၊ တချို့ကတော့ အသစ်သစ်တွေ (ဥပမာ- Data Analysis Using AI) ကို သင်ကြားပေးပါတယ်။

7. အပျော့လား-အမာလား။
တချို့သင်တန်းတွေက Soft Skill လို့ခေါ်တဲ့ သိမ်မွေ့တဲ့ လူမှုဆက်ဆံရေးဆိုင်ရာကျွမ်းကျင်မှု (ဥပမာ- Stakeholder Management) တွေကို သင်ကြားပေးပြီး၊ တချို့ကတော့ Hard Skill လို့ခေါ်တဲ့ နည်းပညာဆိုင်ရာကျွမ်းကျင်မှု (ဥပမာ- Coding) တွေကို သင်ကြားပေးပါတယ်။

8. အကျိုးအမြတ်ကိုဘယ်လို တိုင်းတာမလဲ။
သင်တန်းတစ်ခုရဲ့ ကုန်ကျစရိတ်ထဲမှာ ငွေကြေးအပြင်၊ အချိန်တွေပါ ပေးရပါတယ်။ ရင်းနှီးမြှုပ်နှံမှုတွေ များတဲ့အတွက် ပြန်ရမယ့် အကျိုးအမြတ် (Return On Investment, ROI) ကို တွက်ကြည့်ဖို့လိုပါတယ်။ အထက်ကမေးခွန်းတွေကို ဖြေထားတယ်ဆိုရင် Training အတွက် သင့်တော်တဲ့ KPIs တွေကို ချမှတ်နိုင်မှာဖြစ်ပါတယ်။ Training ရဲ့ထိရောက်မှုကို တိုင်းတာတဲ့အခါ သင်တန်းမှာပါဝင်တဲ့သူတွေကနေ ကောက်ခံတဲ့ feedback ကလုံလောက်မှုမရှိပါဘူး၊ လုပ်ငန်းအပေါ်သက်ရောက်မှုကို ပါတွက်ဆဖို့လိုပါတယ်။

9. လုပ်ငန်းခွင်မှာ ပြန်အသုံးချခွင့်အတွက် အားပေးတိုက်တွန်းမှုရှိပါသလား။
HR ကတက်ဖို့ အကြောင်းကြားလို့ တက်လိုက်တယ်၊ ပြန်သုံးဖို့စိတ်မကူး သို့မဟုတ် တက်ရောက်သူရဲ့အထက်လူကြီးက ပြန်သုံးဖို့ တိုက်တွန်းမှုမရှိရင်တော့ သင်တန်းတက်တာဟာ အကျိုး ရှိသင့်သလောက်မရှိပါ။ ကျွမ်းကျင်မှု တစ်ခုဟာ အသုံးမပြုရင် အလဟဿဖြစ်ပါတယ်၊ “Use it, or lose it” ဖြစ်ပါတယ်။

ဒီအကြောင်းကိုရေးဖြစ်တဲ့အကြောင်းကတော့- ပြီးခဲ့တဲ့တစ်ပါတ်က SkillEdge Academy ရဲ့ Sales Skills Intensive Training ရဲ့ နောက်ဆုံး စတုတ္ထနေ့မှာ သင်တန်းရဲ့ အရှေ့ရက်သတ္တပါတ်ကပေးခဲ့တဲ့ ကျွမ်းကျင်မှုနဲ့နည်းစနစ်တွေကို လုပ်ငန်းခွင်မှာ ဘယ်လိုလက်တွေ့အသုံးချဖြစ်သလဲလို့ သင်တန်းမှာပါဝင်တဲ့သူတွေကို မေး‌တော့...
ပါဝင်သူ Participants တွေတချို့က သင်တန်းမှာပါဝင်တဲ့ (Objection Handling) နည်းစနစ်ကို သုံးပြီး သူတို့ဆီဆက်ပြီးဝယ်ယူဖို့မသေမချာဖြစ်နေတဲ့ High-value Customer တစ်ယောက်ကို ဆက်ပြီးဝယ်ဖြစ်အောင် ထိန်းသိမ်းထားနိုင်တဲ့အကြောင်းကို မျှဝေပေးခဲ့ပါတယ်။ ဒါကြောင့်အဲ့ဒီ Training အတွက် ရင်းနှီးမြုပ်နှံမှုတွေကနေ ပြန်ရမယ့် အကျိုးအမြတ် (Return-On-Investment ROI) က ချက်ချင်းလက်ငင်း အကျိုးဖြစ်ထွန်းတဲ့အတွက် ဝမ်းသာပီတိဖြစ်ရပါတယ်။ တချို့ Training တွေက ရေရှည်အတွက်ရည်ရွယ်ပြီး ပေးရတာတွေလည်းရှိတာကြောင့်၊ Training ပေးတဲ့ အခါမှာ ROI ကောင်းဖို့၊ Training ပေးရကျိုး နပ်ဖို့အတွက် စဉ်းစားသင့်တဲ့အရာတွေကို မျှဝေပေးခြင်းဖြစ်ပါတယ်။

စိုင်းဝန်းဆိုင်
Feb 26, 2024

Photo: Sales Skills Intensive Training တွင် participant တစ်ယောက်မှ sales pitch ပြုလုပ်နေပုံ

&D

28/01/2024

"ပြန်လည်ထူထောင်နိုင်စေဖို့ အကြောင်းတရား (၇) ခု"

Resilience ဆိုသည့် စကားလုံးသည် ကိုဗစ်-၁၉ နောက်ပိုင်းတွင် ကမ္ဘာတစ်ဝန်း၌ ပိုမိုတွင်ကျယ်စွာ အသုံးပြုလာသည့် စကားလုံးတစ်လုံးဖြစ်သည်။ “Adaptiv Learning Systems” ဆိုသည့် အဖွဲ့အစည်းသည် 1997 ကတည်းက အဖွဲ့အစည်းများနှင့် ဝန်ထမ်းများ ပိုမိုကြံ့ခိုင်ပြီး ပြန်လည်ထူထောင်နိုင်စွမ်းရှိလာအောင် လုပ်ဆောင်ကူညီပေးနေသည့် အဖွဲ့တစ်ခုဖြစ်သည်။ ၎င်းအဖွဲ့၏ နှစ်ရှည်လေ့လာတွေ့ရှိချက်များအရ Resilience ဆိုသည့် ပြန်လည်ထူထောင်နိုင်စွမ်းသည် အောက်ပါ စွမ်းဆောင်ရည် (၇)ချက်ပေါ် မူတည်သည်ဟု ဆိုသည်။

၁။ Casual Analysis: ကြောင်းကျိုးဆက်စပ်မှုများကို ဝေဖန်သုံးသပ်နိုင်စွမ်း ရှိခြင်း၊
လက်ရှိဖြစ်ပေါ်နေသည့် အခြေအနေများ၏ ဇစ်မြစ်များ အကြောင်းတရားများကို နားလည်နိုင်စွမ်းကို ဆိုလိုပါသည်။ စင်စစ်တွင် နားလည်ရုံတင်မက၊ အပြည့်အဝလက်ခံနိုင်စွမ်းနှင့် နောက်နောင်အတွက်သင်ခန်းစာယူနိုင်ရန်လည်း လိုအပ်ပါသည်။

၂။ Emotional Regulation: စိတ်ခံစားချက်များကို ထိန်းကျောင်းနိုင်စွမ်း၊
အရှိတရားကို လက်ခံခြင်းသည် စိတ်ခံစားချက်များကို ထိန်းကျောင်းရာတွင် အရေးကြီးသည့်အချက်ဖြစ်သည့်အပြင်၊ မိမိစိတ်တွင် လက်ရှိဖြစ်ပေါ်‌နေသည့် ခံစားချက်များကိုလည်း နားလည်ပြီး၊ ထိန်းကျောင်းနိုင်စွမ်းကိုလည်း မွေးမြူရမည်။ ထိန်းကျောင်းခြင်းသည် ထိန်းချုပ်မျိုသိပ်ခြင်းနှင့်မတူပါ။ ချုပ်တည်းမျိုသိပ်ထားခြင်းသည်၊ နောက်နောင်တွင် ပေါက်ကွဲမှုများကို ဖြစ်ပေါ်စေနိုင်သည်။ သတိဖြင့် မိမိစိတ်တွင်ဖြစ်ပေါ်လာသည့်ခံစားချက်များကို သိရှိပြီး၊ ၎င်းခံစားချက်များ၏ ဖြစ်ပျက်တတ်သည့်သဘောကို နားလည်ပါက စိတ်ခံစားချက်များကို ထိန်းကျောင်း လာနိုင်မည်ဖြစ်သည်။

၃။ Impulse Control: တဒင်္ဂစိတ်ခံစားချက်များကြောင့် စိတ်လိုလက်ရလုပ်ကိုင်မှုများအားထိန်းချုပ်နိုင်စွမ်း၊
မိမိစိတ်ခံစားချက်ကို နားလည်ထိန်းသိမ်းနိုင်ပါက စိတ်လိုလက်ရလုပ်ကိုင်မှုများသည်လည်း လျော့ကျသွားမည်ဖြစ်သည်။ ဆင်ခြင်မှုမပါဘဲ လုပ်ကိုင်သည့် အကျင့်ကို ဖျောက်ပြီး၊ လုပ်ဆောင်မှုတိုင်းတွင် ရည်ရွယ်ချက်ရှိသင့်သည်။ Viktor Frankl အကြံပေးခဲ့သည့်အတိုင်း လှုံ့ဆော်မှု နှင့် တုန့်ပြန်မှုကြားကအချိန်အား ပိုင်စိုးခြင်းဖြင့် impulse control ကိုပြုလုပ်နိုင်မည်ဖြစ်သည်။

၄။ Self-Efficacy: ကြမ္မာအား မိမိဖန်တီးနိုင်သည်ဆိုသည့်ယုံကြည်ချက်၊ လက်ရှိကြုံတွေ့နေရသည့် စိန်ခေါ်မှုကိုကျော်လွှားပြီး၊ လိုရာပန်းတိုင်ကို သွားနိုင်စွမ်းနှင့် သွားနိုင်သည့်နည်းလမ်းသည် မိမိတွင်ရှိသည်၊ မိမိရှာဖွေနိုင်သည်ဆိုသည့် ယုံကြည်ချက်ရှိရမည်ဖြစ်သည်။လက်တွေ့တွင် မိမိကြမ္မာအား ရာနှုန်းပြည့်မိမိဖန်တီးနိုင်သည်ဆိုသည့်ယုံကြည်ချက်ထက်၊ ခိုကိုးရာမဲ့ဖြစ်သည့် ခံစားမှုမျိုးမဖြစ်စေရန် ကပို၍အရေးပါ ပါသည်။

၅။ Realistic Optimism: လက်တွေ့ကျသည့် အကောင်းမြင်စိတ်၊
မိမိတို့၏ အနာဂတ်သည် တောက်ပကောင်းမွန်နေမည်ဆိုသည့် ယုံကြည်ချက်ရှိပြီး၊ ၎င်းအကောင်းမြင်စိတ်သည် လက်ရှိပကတိအခြေအနေနှင့် ကင်းကွာနေ၍လည်း မဖြစ်စေရ။ အရှိကိုအရှိအတိုင်းရှုမြင်ပြီး၊ အကောင်းဆုံးအနာဂတ်ပုံရိပ်ကို ဖော်ဆောင်နိုင်ရမည်။

၆။ Empathy: ကိုယ်ချင်းစာစိတ်ရှိခြင်း၊
မိမိထိတွေ့ဆက်ဆံနေသူများ၊ ပတ်ဝန်းကျင်မှလူများ၏ စိတ်ခံစားချက်များကိုလည်း နားလည်ရမည်။ အပြန်အလှန် ကိုယ်ချင်းစာစိတ်ရှိခြင်းသည်လည်း resilient ဖြစ်သည့် လူ့ဘောင်၏ လက္ခဏာတစ်ခုဖြစ်သည်။ လူတို့သည် အသိုင်းအဝိုင်းနှင့်နေသည့် သတ္တဝါများဖြစ်သည့်အလျောက်၊ ကိုယ်ချင်းစာနာစိတ်သည် အချင်းချင်း အပြန်အလှန်ဖေးမကူညီမှုရှိသည့် လူ့ဘောင်ကို ဖြစ်ပေါ်စေသော အကြောင်းတရားတစ်ခုဖြစ်သည်။

၇။ Reaching Out: အကူအညီရယူခြင်း၊ ပေးကမ်းခြင်း၊ မိမိ၏ comfort zone (သို့မဟုတ်) အသားကျပြီးသား အသိုင်းအဝိုင်းထဲတွင်သာ ကျင်လည်နေပါက အတွေးအမြင်နှင့် စွမ်းဆောင်ရည်အသစ်များ ရရှိရန် ခက်ခဲပါလိမ့်မည်။ ပိုမိုကြံ့ခိုင်ပြီး တိုးတက်လာစေရန် စိန်ခေါ်မှုအသစ်၊ အခွင့်အလမ်းအသစ်များ ရှာဖွေပြီး၊ ပေါင်းသင်းဆက်ဆံရေးကွန်ယက်ကိုလည်း ပိုမိုခိုင်မာလာအောင်၊ ပိုမိုကျယ်ပြန့်လာအောင် ချဲ့ထွင်သင့်သည်။ တစ်ယောက်အားဖြင့် မစွမ်းဆောင်နိုင်သည့် ကိစ္စရပ်များကို မိမိကွန်ရက်မှ အသိမိတ်ဆွေများ၏ အကူအညီကို ရယူပါ။ ထို့အပြင် ရယူခြင်းကိုလည်း၊ ပေးကမ်းခြင်းဖြင့် balance လုပ်ရန်လိုပြီး၊ အကူအညီ ပေးနိုင်သည့်အရာများကိုလည်း မျှဝေပေးကမ်းကူညီ ပေးပါ။

လက်ရှိတွင်မိမိလက်ခံထားသည့် ခံယူချက်နှင့် လုပ်ဆောင်ချက်များကို အထက်ပါ(၇)ချက်၏ ရှုထောင့်များမှ လေ့လာကြည့်ပါ။ ပြီးလျှင် မိမိ Resiliency ပိုတက်လာအောင်ပြောင်းလဲ သင့်သည်များကို ပြုပြင်ပြောင်းလဲလိုက်ပါ။

SkillEdge Academy

12/11/2025

26/10/2025

25/09/2025

27/10/2024

21/10/2024

13/10/2024

06/10/2024

01/10/2024

27/02/2024

28/01/2024

Address

Opening Hours

Website

Alerts

Contact The Business

Shortcuts

Share

Category

Wednesday	09:00 - 05:00
Thursday	09:00 - 17:00
Friday	09:00 - 20:00
Saturday	09:00 - 17:00