30/08/2026
🌿ကာစတန်မာများနဲ့ဆက်ဆံရေးကောင်းဖို့အတွက် အားပြုဆောင်ရွက်ရမယ့်အချက် ရှိပါတယ်။
ဆိုင်ထဲမှ စားပွဲ၀ိုင်းလေးမှာ ထိုင်လိုက်တယ်ဆိုရင်ပဲ ''ဟိုမှာ ဆရာလာတယ်ဟေ့။'' ''ရေနွေးအိုးချမယ်ဟေ့ တစ်ရှုးဘောက်စ်လေးပါချမယ်ဟေ့'' လို့ ဆိုင်ရှင်က လက်ဘက်ရည်ဖျော်ရင်း စားပွဲထိုးလေးကို လှမ်းပြောပါတယ်။ ခဏအတွင်းမှာပဲ သောက်နေကျ လက်ဘက်ရည်ခွက်က ရှေ့မှာ ရောက်လာပါတယ်။ အဆင်ပြေလိုက်တာ ငါ့ကို ဂရုစိုက်သားပဲလို့ ကျေနပ်စွာ တွေးမိပါတယ်။
လက်ဘက်ရည်သောက်ရတာ အဆင်ပြေပြီး ဆိုင်ရှင်ရဲ့ ဆက်ဆံရေးကောင်းတာကြောင့် အဲဒီဆိုင်လေးမှာ မကြာမကြာထိုင်ဖြစ်တာပါ။ အဲဒီဆိုင်မှာ မျက်နှာရင်းနှီးပြီးသားသူတွေလည်း ထိုင်တိုင်းတွေ့ရပါတယ်။ အမြဲတမ်းအားပေးသူတွေ ရှိနေတဲ့ဆိုင်ပါ။
✔️စီးပွါးရေးအဆင်ပြေချင်ရင် ဆက်ဆံရေးကောင်းတည်ဆောက်ရမယ်။
✔️ဆက်ဆံရေးကောင်းရှိဖို့ဆိုရင် စေတနာကောင်းပါတဲ့ ဝန်ဆောင်မှုကောင်းကောင်း ပေးနိုင်ရမယ်။
✔️ဝန်ဆောင်မှုကောင်းတွေပေးရာမှာ တောက်လျောက်ပေးနိုင်ရမယ်။ ပေးတစ်ရက် မပေးတစ်ရက် မလုပ်ရဘူးလို့ အမေရိကန်မှ ထင်ရှားကျော်ကြားတဲ့ စာရေးဆရာနဲ့ စီးပွါးရေးလုပ်ငန်းရှင် JIM ROHM က ဆိုခဲ့ပါတယ်။
ဒါကြောင့် ကာစတန်မာတွေနဲ့ ဆက်ဆံလုပ်ကိုင်နေရတဲ့ သင့်လုပ်ငန်း စီးပွါးရေးကောင်းချင်ရင် စေတနာကောင်း ပါတဲ့ ဝန်ဆောင်မှုကောင်းတွေကို တောက်လျောက်ပေးပါ။ ( စေတနာကောင်းဆိုတာက ကာစတန်မာတွေ အဆင်ပြေအောင် ဆောင်ရွက်ပေးမယ်ဆိုတဲ့စိတ်၊ ကာစတန်မာတွေ အခက်အခဲ မရှိအောင် ဆောင်ရွက်ပေးမယ်ဆိုတဲ့စိတ်၊ ကာစတန်မာတွေ စိတ်ချမ်းသာအောင် ဆောင်ရွက်ပေးမယ်ဆိုတဲ့စိတ် ဖြစ်ပါတယ်။ ) စဉ်ဆက်မပြတ်ဆောင်ရွက်ပါ။
🌿 သင့်လုပ်ငန်းနဲ့ ကာစတန်မာတွေကြား အရေးကြီးတဲ့ ဆက်ဆံရေးကောင်းတွေ ရှိပြီဆိုရင်ဖြင့် အမြဲတမ်းအားပေးသူတွေရှိနေကာ သင့်လုပ်ငန်း အောင်မြင်လာမှာပါ။
ကျွန်တော့်မိတ်ဆွေများ ဘေးရန်ခပ်သိမ်းကင်းကြပါစေ။ အစစအရာရာ အဆင်ပြေပါစေ။
