Marina Purified Drinking Water

27/01/2021

MARINA ၏မျှဝေခြင်း (Sharing-GK-LiveTheLife-01)

ဖတ်စေချင်သည် “How to stop worrying and start living by Dale Carnegie”

တစ်ကမ္ဘာလုံးတွင် စာအုပ်ရေ ၆ သန်းအထက် ရောင်းခဲ့ရပြီး ယနေ့ချိန်ထိ အသုံးပြုဆဲ၊ အသုံးဝင်ဆဲ ဖြစ်နေသော စာအုပ်တစ်အုပ် ဖြစ်ပါသည်။ မြန်မာ ဘာသာပြန် အနေဖြင့် “သောကကင်းဝေး နေထိုင်ရေး” ဆိုပြီး ဆရာ တက်တိုး မှ ဘာသာပြန်ဆိုခဲ့ ပါသည်။

တော်တော်များများ လည်းကြားဖူး၊ ဖတ်ဖူး ကြမည်ဟု ယုံကြည်ပါသည်။ (စာဖတ်သူများစေရန် အလို့ဌာ နာမည်ကြီး စာအုပ်များ အား ကောက်နှုတ် တင်ဆက်နေခြင်း ဟု မယူဆ စေလိုပါ။ ကျွန်တော်တို့ အနေဖြင့် ဖတ်ဖူး၊ မှတ်ဖူး သော်လည်း အသုံးမချဖြစ် သော အသိပညာ များအား ပြန်လည် အမှတ်ရ အသုံးချစေလိုသော ရည်ရွယ်ချက် ဖြင့် မျှဝေခြင်းသာ ဖြစ်ပါသည် ခင်ဗျာ။)

ကဲ ဆိုတော့ကာ ဘာတွေများပြောကြမှာလဲ။ စာအုပ်ပါ အကြောင်းများ ထဲမှ စာရေးသူ နှစ်သက်မိသော၊ စာဖတ်သူများ အတွက် အသုံးချနိုင်သော အကြောင်း ချင်းရာ တစ်ခု ကိုတင်ပြပေးလိုပါသည်။ စာအုပ်တွင် ပါသော လူနာမည်၊ ဖြစ်ရပ်၊ အကြောင်းချင်းရာများ အနက်မှ တင်ပြလိုသော အဓိက အကြောင်းအချက်များ ကိုသာ နားလည်သမျှ မျှဝေမည် ဖြစ်ပါသည်။

စာအုပ်၏ အခန်း(၅) - သင့် စီးပွားရေး ပူပန်မှု များ အား (၅၀) ရာခိုင်နှုန်း ဘယ်လိုဖယ်ထုတ်မလဲ?

Those who do not know how to fight worry die young.
Alexis Carrel

အခန်း(၅) အစမှာ ဒေါက်တာ အဲလက်စစ် ကာရယ် ၏ “စိုးရိမ် ကြောင့်ကြ ပူပန်မှု များအား ဘယ်လိုဖယ်ရှား မလဲ မသိသောသူ သည် ငယ်ငယ်ရွယ်ရွယ် နှင့် သေဆုံးလေ့ရှိသည်။” အဆိုဖြင့် စတင်ထားပါသည်။ စာအုပ်တွင် လူနာမည်၊ ဖြစ်ရပ် အတိအကျဖြင့် ရှင်းလင်းထားသော်လည်း စာရှည် မည် စိုးသဖြင့် အဓိက ဆိုလိုရင်း ကို ဆက်သွားပါမည်။

စီးပွားရေး လုပ်ငန်းကြီး တစ်ခု၏ ဦးဆောင်သူတစ်ယောက်သည် နှစ်ပေါင်းများစွာ ၎င်း၏ အလုပ်ချိန်များ အား အစည်းအဝေးထိုင်ခြင်း၊ အခက်အခဲ ပြသနာ များအား တာဝန်ရှိသူများ နှင့် ဆွေးနွေးခြင်းဖြင့် ကုန်ဆုံးလေ့ ရှိပါသည်။ “ငါတို့ ဒါကို လုပ်မလား၊ မလုပ်ဘူးလား” စသဖြင့် နာရီများစွာ အငြင်းပွား အဖြေရှာခြင်းဖြင့် တစ်နေ့တာ ကုန်ဆုံး ချိန်တွင် ၎င်းအနေဖြင့် အားအင်ကုန်ခန်း မောပန်းနေလေ့ ရှိပါသည်။ ၎င်းအနေဖြင့် အောက်ပါ နည်းလမ်းများ အားအသုံးပြုပြီး ပိုမိုကောင်းမွန်သော နေ့ရက်များကို ရရှိခဲ့ကြောင်း ဖော်ပြထားပါသည်။

၎င်းအနေဖြင့် နှစ်ပေါင်းများစွာ အသုံးပြုခဲ့သော အစည်းအဝေးပုံစံအား ချက်ချင်းရပ်တန့်စေခဲ့ပြီး စည်းမျဉ်း အသစ်တစ်ခု ကိုထုတ်ပြန်ခဲ့ပါတယ်။ ၎င်းထံသို့တင်ပြ လိုသော ပြသနာတိုင်းအတွက် အောက်ပါမေးခွန်း လေးခု ကို ဦးစွာ ဖြေခိုင်းခြင်း ဖြစ်ပါတယ်။

မေးခွန်း (၁) - ဘာပြသနာလဲ ?

မေးခွန်း (၂) - ဘာအကြောင်းအရာကများ ဒီပြသနာ ကို ဖြစ်ပေါ်စေတာလဲ ?

မေးခွန်း (၃) - ဖြေရှင်း နိုင်တဲ့ နည်းလမ်း ဘယ်နှမျိုးလောက်ရှိ သလဲ ?

မေးခွန်း (၄) - ဘယ်ဖြေရှင်းချက်ကို မင်းအနေနဲ့ အကြံပြု သလဲ ?

အထက်ပါ မေးခွန်း(၄)ခု အား၎င်း၏ လုပ်ဖော်ကိုင်ဖက်များ အားဖြေဆို ခိုင်းသော အခါ ၎င်းထံ ပြသနာ များအဖြစ်ရောက်ရှိလာသော ကိစ္စရပ်များ၏ လေးပုံ သုံးပုံခန့်မှာ လျှော့နည်းသွားပါသည်။

ဘာကြောင့်များပါလဲ ? ၎င်းတို့အနေဖြင့် အထက်ပါ မေးခွန်းများအား ဖြေဆိုနိုင်ရန် အချက်အလက်များအား ရှာဖွေ ဖော်ထုတ်ခြင်း၊ တွေးတောခြင်းများပြုလုပ်ရပါသည်။ ထိုသို့ လုပ်ဆောင်ရင်းဖြင့် ပြသနာများ၏ လေးပုံ သုံးပုံ ခန့်မှာ ၎င်းတို့ ကိုယ်တိုင်ပင် ဖြေရှင်းသွားနိုင်ပြီး မိမိ ၏အထက်လူကြီးထံသို့ တိုင်ပင် ဆွေးနွေးစရာ မလိုအပ်တော့ပေ။

အစည်းအဝေးခန်းတွင်း စိုးရိမ်ပူပန်မှု၊ အမှန် အမှား အပြန်အလှန်ငြင်းခုံမှုများ အတွက် အချိန်ကုန်ဆုံးခြင်း လျှော့ကျသွားခြင်းကြောင့် မှန်ကန်သော လုပ်ဆောင်စရာများ အတွက် အချိန်ပိုမိုပေးနိုင်မည်ဖြစ်သည်။

စီးပွားရေး လုပ်ငန်းစုတွင်သာမက ပဲ မိမိ၏ တစ်ကိုယ်ရည် လုပ်ငန်းဆောင်တာ များအတွက်သော် လည်းကောင်း၊ အခြားသော စိတ်ရှုပ်ထွေး စိုးရိမ်ပူပန်မှု ဖြစ်စေသော ကိစ္စရပ်များတွင်သော် လည်းကောင်း အထက်ပါ အတိုင်း မေးခွန်းမေးမြန်း ရန်လိုအပ်ပါသည်။

အကောင်းဆုံးသော နည်းလမ်းမှာ အထက်ပါမေးခွန်း များအား စာရွက်ပေါ်တွင် ချရေးပြီး မိမိ ကိုယ်တိုင် ခံစားချက်အား ဘက်လိုက်မှု မရှိဘဲ ရရှိထားသော အချက်အလက်များ အပေါ်တွင် အဖြေရှာ သုံးသပ်ရန် ဖြစ်ပါသည်။

“စိတ်ရှုပ်ထွေးမှုများ သည် စိုးရိမ် ပူပန်ကြောင့်ကြမှုများ၏ အဓိက အကြောင်းအချက်ဖြစ်သည်။”

“ကမ္ဘာပေါ်ရှိ စိတ် စိုးရိမ် ပူပန်မှုများ၏ တစ်ဝက်ခန့်သည် မိမိတို့ ကိုယ်တိုင်အနေဖြင့် လုံလောက်သော သတင်းအချက်အလက် များ ရရှိထားခြင်း မရှိသေးပဲ ဆုံးဖြတ်ချက်ချရန် ကြိုးစားခြင်း ကြောင့် ဖြစ်သည်။”

“မိမိကိုယ်တိုင်အနေဖြင့် ရရှိထားသော အချက်အလက်များပေါ်တွင် မူတည်ကာ ဂရုပြု ဆုံးဖြတ်ချက်ချပြီးပါက ထိုဆုံးဖြတ်ချက် အတိုင်းဆက်လက် လုပ်ဆောင်ရန်ဖြစ်သည်။ ပြန်လှန်စဉ်းစား နေခြင်းမျိုးမပြုသင့်ပါ။”
စာအုပ်ပါ အကြောင်းအချက် အချို့ဖြစ်ပါတယ်။

ထပ်ပြီး ဆက်တွေးကြည့်မယ် ဆိုရင်လည်း Stephen Covey ၏ ၉၀၊၁၀ နိယာမ နှင့် ဆိုလိုရင်း အလားတူ ဖြစ်ပေါ်နေပါတယ်။ ၁၀ ရာခိုင်နှုန်းသော ကိစ္စရပ်များ သည် မိမိမှ ထိန်းချုပ် မရနိုင် ပဲ ကျန် ၉၀ ရာခိုင်နှုန်း ဖြစ်ပေါ်လာသော ကိစ္စရပ်များသည် မိမိ ၏ တုန့်ပြန်မှုအတိုင်း သာဖြစ်ပေါ်လာသည်။ မိမိအား စိုးရိမ်ပူပန်မှု ဖြစ်ပေါ်စေသော အကြောင်းချင်းရာ ကိစ္စရပ်များသည် ၁၀ ရာခိုင်နှုန်းမျှသာ ဖြစ်ပြီး မိမိ အနေဖြင့် မည်ကဲ့သို့ ဆုံးဖြတ်လုပ်ဆောင်ခြင်း သည်သာ ကျန် ၉၀ ရာခိုင်နှုန်း ဖြစ်ပေါ်လာမည်ဖြစ်သည်။

ထို့အတွက် ဘာကြောင့်များ မိမိ ထိန်းချုပ်မရသော ၁၀ ရာခိုင်နှုန်း အတွက် စိုးရိမ်ပူပန်မှု အဖြစ်ခံပြီး ကျန် ၉၀ ရာခိုင်နှုန်းအား ဆုံးရှုံး စေမလဲ ခင်ဗျာ။

အထက်ပါ မေးခွန်း (၄) ခုအား ကိုယ်တိုင် မေးမြန်း အဖြေရှာပြီး ကျန် ၉၀ ရာခိုင်နှုန်း အား အကောင်းဆုံး ဖြစ်ရန် ဖန်တီး တည်ဆောက်နိုင်ကြပါစေ။ စိုးရိမ်သော ကကင်းဝေးပြီး အောင်မြင်မှု လမ်းသို့ တက်လှမ်းနိုင်ကြပါစေဟု တောင်းဆုပြုအပ်ပါသည် ခင်ဗျာ။

21/01/2021

One of our milestone 😇😇😇. Since 2013.

20/01/2021

MARINA ၏မျှဝေခြင်း (Sharing-GK-DIY-03)

"အလူမီနီယံ ပြတင်းတံခါး ကျပ်ခြင်း (ဖွင့်မရခြင်း)များ အား ကိုယ်တိုင် ပြုပြင်ကြမယ်ဗျာ။"

၁- အောက်ပါပုံမှာ ဖော်ပြထားသည့်အတိုင်း ယခင် ပြတင်းတံခါး အများစု အောက်ခြေတွင် Screw တိုး၊ လျှော့ ပြုလုပ်ရန် အပေါက်နှစ်ပေါက် ပါလေ့ ရှိပါတယ်။

၂- အပေါ်ပေါက်သည် တံခါးဘီးအား တပ်ဆင် ရန် အတွက်ဖြစ်ပြီး အောက်ပေါက်သည် တံခါးဘီးအား အတင်အချ ပြုလုပ်ရန် အတွက်ဖြစ်ပါသည်။

၃- အလူမီနီယံ တံခါးပြတင်း အချို့တွင် တပ်ဆင်ပြီး ကာလ အချို့အကြာတွင် အဖွင့် အပိတ် များခြင်းကြောင့် လည်းကောင်း၊ သန့်ရှင်းမှု မရှိခြင်းကြောင့် လည်းကောင်း တုန်ခါမှုများကြောင့် တံခါးဘီးများ သည် မူလ ချိန်ထား သည့် အမြင့် နေရာမှ နှိမ့်ဆင်းခြင်း ဖြစ်ပေါ်ပြီး တံခါးပြတင်း အောက်ဘောင်နှင့် ဖရိန် တို့ ပွတ်တိုက်မှု ဖြစ်ပေါ်ကာ ဖွင့်မရခြင်းမျိုး၊ ကျပ်ခြင်းမျိုး ဖြစ်ပေါ်လာပါသည်။

၄- သို့ဖြစ်ရာ တံခါးပြတင်းအား အောက်ပုံပါအတိုင်း အောက်ပေါက်ရှိ Screw အား နာရီလက်တံ အတိုင်း လှည့်ပေးခြင်းဖြင့် တံခါးဘီးအား မြှင့် တင်ခြင်း၊ နာရီ လက်တံ ပြောင်းပြန်လှည့် ပေးခြင်းဖြင့် နှိမ့်ခြင်းတို့ ဖြင့် ချိန်ညှို နိုင်ပါသည်။

၅- သတိပြုရန် မှာ တံခါးဘီးမြှင့်တင်ရာတွင် တံခါးပြတင်း အောက်ဘောင် သည် ဘီးပြေးလမ်းထက် မြင့်စွာ မထားရှိရန်ဖြစ်သည်။ သို့မဟုတ်ပါက တွန်းမိ၊ တိုက်မိပါက တံခါးပြတင်း ပြုတ်ကျခြင်း မျိုး ဖြစ်ပေါ်နိုင် ပါသည်။

14/01/2021

Marina ၏မျှဝေခြင်း (Sharing-GK-Decision-04)

“မေးပါ။ မေးပါ။ မေးပါ။”

ဆင်းရဲဖေဖေ၊ ချမ်းသာဖေဖေ စာအုပ်မှ နှစ်သက်မိသော စာစုတစ်ခု
“I can’t afford it.” Vs “How can I afford it?.”

- ဥပမာအနေနဲ့ ကျွန်တော်ရဲ့ ဆင်းရဲဖေဖေ က “ငါတို့ ဒါကို မတတ်နိုင်ပါဘူးကွာ” ဟုပြောလေ့ ရှိတယ်။ ချမ်းသာဖေဖေက တော့ ဒီလိုပြောခြင်းမျိုးကို တားမြစ် ပြီး “ငါ ဘယ်လိုလုပ်ရင် တတ်နိုင်မလဲ” ဟု မေးခွန်း မျိုး မေးရန် တိုက်တွန်းတယ်။ တစ်ယောက် က လက်လျှော့ဖို့ ပြောဆိုပြီး အခြားတစ်ယောက် ကမေးခွန်း မေးစေတယ်။
- ချမ်းသာဖေဖေ ကဒီလိုရှင်းပြပါတယ် - ငါတို့ မတတ်နိုင်ပါဘူးကွာ - ဆိုတဲ့ စကားပြောဆိုခြင်း သည် ကျွန်တော်တို့ရဲ့ ဦးနှောက် အလုပ်လုပ်ခြင်း ကိုရပ်တန့် ခိုင်းလိုက်တာပါ။ - ငါ ဘယ်လိုလုပ်ရင် တတ်နိုင်မလဲ - ဆိုတဲ့ မေးခွန်းမေးခြင်းသည် ကျွန်တော်တို့ ၏ ဦးနှောက်ကို အလုပ်လုပ်ရန် ခိုင်းစေလိုက်ခြင်းဖြစ်ပါတယ်။ သူ့ အနေနဲ့ ကျွန်တော်တို့ လိုချင်တာ မှန်သမျှကို ဝယ်ယူရန် ကြိုးစားခိုင်းခြင်း မဟုတ်ပါဘူး။ ကျွန်တော်တို့ ရဲ့ အစွမ်းထက်လှသော စိတ်ကို လေ့ကျင့် စေလိုခြင်းဖြစ် ပါတယ်။

အထက် အကြောင်းအရာကတော့ RICH DAD POOR DAD by Robert T. Kiyosaki ၏ စာအုပ် Introduction မှာ ပါတဲ့ ကျွန်တော် နှစ်သက်မိသော စာစု တစ်ခုဖြစ်ပါတယ်။

ဒါနဲ့ ဆက်စပ်ပြီး အမေရိကန် စာရေးသူ နိုရာ ရောဘတ် ရဲ့ အောက်ပါစာစု လေးကို ဆက်ပြောကြမယ်ဗျာ။

“If you don't go after what you want, you'll never have it. If you don't ask, the answer is always no. If you don't step forward, you're always in the same place.”

― Nora Roberts

သူမ ရဲ့ ဆိုလိုရင်းနဲ့ လည်း သွားပြီး ထပ်တူကျနေတာကို တွေ့ရပါတယ်။ ကျွန်တော်တို့ အနေဖြင့် မိမိ လိုချင်တာနောက်ကို မလိုက်ခဲ့ဘူးဆိုရင် ဘယ်တော့မှ မရနိုင်ပါဘူး။ မိမိ အနေဖြင့် ကိုယ် မသိတဲ့ အရာ တစ်ခု ကို မေးမြန်းမှု၊ လေ့လာမှု မပြုခဲ့ဘူး ဆိုရင် အဖြေကတော့ အမြဲ မသိခြင်း ပါပဲ။ မိမိ အနေဖြင့် ရှေ့ကို ခြေတစ်လှမ်း မလှမ်းခဲ့ဘူး ဆိုရင်၊ အရင် နေရာမှာ ပဲ အမြဲ ရှိနေမှာပါ။

ဟောပြောပွဲ တစ်ခုမှာ ကြားဖူးတာလေး တစ်ခုက -

“If you don’t ask, the answer always be no, asking plus the possibilities to achieve.”

ကျွန်တော်တို့ အနေဖြင့် ကိုယ်တိုင်မသိသော အရာတစ်ခုကို မေးမြန်းလေ့လာမှု မပြုခဲ့ဘူးဆိုရင် အဖြေက အမြဲ မသိခြင်းပါပဲ။ မေးမြန်းလေ့လာခြင်းသည် အောင်မြင်မှုဆီသို့ သွားခြင်း ဖြစ်နိုင်ခြေကို မြင့်တက်စေပါတယ်။ ထပ်ဖြည့်ချင်တာလေး တစ်ခုက - မိမိ မေးမြန်း လေ့လာမှုသည် ရွေးချယ်မှု မှန်ကန်ရန် အရေးကြီးပါသည်။

မိမိ အနေဖြင့် ကွန်ပြူတာ အကြောင်း လေ့လာချင်သည့် အခါ ကွန်ပြူတာ ပညာရှင်ထံမှ သာ မိမိ လိုအပ်သော၊ သိချင်သော အဖြေ ရရှိနိုင်မည်ဖြစ်သည်။ ဆောက်လုပ်ရေးနှင့် ပတ်သတ်ပြီး မေးခွန်းများ ရှိလာ လျှင် မြို့ပြ အင်ဂျင်နီယာ ထံချဉ်းကပ်ရမည်ဖြစ်သည်။ စီးပွားရေးနှင့် ပတ်သတ်လာလျှင် မိမိ သိလိုသော စီးပွားရေး နယ်ပယ် ရှိ အတွေ့ အကြုံရှိသူများထံ မေးခွန်းများ မေးမြန်းရန်လိုအပ်သည်။ ကွန်ပြူတာနှင့် ပတ်သတ်ပြီး အင်ဂျင်နီယာ တစ်ယောက်မှ ၎င်းသိသမျှအား မျှဝေနိုင်သော်လည်း ကွန်ပြူတာ ပညာရှင် တစ်ယောက်ကဲ့သို့ ရှင်းလင်းနိုင်မည် မဟုတ်ပေ။

အရေးကြီးဆုံး အချက်မှာ မိမိ မေးမြန်းမှု ကိုဖြေကြားပေးသူသည် ၎င်း ဖြတ်သန်းလာခဲ့သော အတွေ့အကြုံ အရ သာ လမ်းညွှန်မှု ပြသပေးနိုင်မည် ဖြစ်ပြီး မိမိ အနေဖြင့် ကိုယ်တိုင် ရင်ဆိုင်နေရသော အခြေ အနေ၊ ပတ်ဝန်းကျင် အရ ကိုယ်တိုင် တာဝန်ယူ ဆုံးဖြတ်ရမည်သာဖြစ်သည်။ ကျွန်တော်တို့ မြန်မာ ဒဏ္ဍာရီလာ မောင်ပေါက်ကျိုင်း ပုံပြင်တွင်လည်း “မေးပါများ စကားရ” ဆိုတာလည်း ရှိပါသေးတယ်။

အားလုံးသော စာဖတ်သူများ Covid-19 မှ ကင်းဝေးပါစေကြောင်းနှင့် များများမေး၍များများ သိပြီး မြန်မြန် အောင်မြင်မှု လမ်းဆီသို့ တက်လမ်းနိုင်ကြပါ စေကြောင်း တောင်းဆုပြုအပ်ပါသည်။

13/01/2021

"ပသခူးလzကညီနံ၃္ထီ၃္သီန႔၃္လီz"

ပျော်ရွှင်ဖွယ် ကရင်နှစ်သစ်ကူး နေ့ ဖြစ်ပါစေကြောင်း ဆုမွန်ကောင်း တောင်းအပ်ပါသည်။

06/01/2021

MARINA ၏မျှဝေခြင်း (Sharing-GK-Finance-01)

ကျွန်တော်တို့ လူသားများသည် နေ့စဉ် နှင့် အမျှစားဝတ်နေရေး အတွက် ရှင်သန်လုပ်ကိုင်နေကြရပါသည်။ ထိုသို့ လှုပ်ရှားရုန်းကန် နေခြင်း ၏ အဓိက မှာ ငွေကြေး အတွက်ဆိုလျှင် မှားမည် မဟုတ်ပါ။ အချို့သော အကြောင်းအရာများ တွင် “ငွေဆိုတာ ဒုတိယ ဘုရားသခင်” ဟုပင် ကင်ပွန်းတပ် ပြောဆိုနေကြပါသည်။

ကဲ ဆိုတော့ကာ အရှင်းဆုံး နားလည်အောင် ဆိုပြရလျှင် ကျွန်တော်တို့ နိုင်ငံရပ်ခြားတွင် အခြေပြု လုပ်ကိုင်မည် ဆိုလျှင် ထိုနိုင်ငံ၏ လုပ်ငန်းခွင်သုံး ဘာသာစကား တတ်ကျွမ်းသူနှင့် မတတ်ကျွမ်းသူကြား အလုပ်အကိုင် အခွင့်အလမ်း များစွာ ကွာခြားမှု ရှိမည်ဆိုလျှင် မိတ်ဆွေ အနေဖြင့် ငြင်းနိုင်စွမ်းရှိမည် မထင်ပါ။
အလားတူ စွာပင် ကျွန်တော်တို့ နေ့စဉ် ငွေကြေး အတွက် လှုပ်ရှားရုန်းကန် နေစဉ်တွင် ငွေကြေး အကြောင်း နားလည်သူနှင့် နားမလည်သူကြား အောင်မြင် တိုးတက်မှု ကွာခြားမည် ကို အမှတ်ရစေချင်ပါသည်။

သို့ဖြစ်ရာ ကျွန်တော်များ MARINA သောက်ရေသန့် FB page မှ ငွေကြေးနှင့် ပတ်သတ်ပြီး စားသုံးသူ မိဘ ပြည်သူများ အတွက် အပတ်စဉ် ငွေကြေးနှင့် ပတ်သတ်သော ခံယူချက်၊ နားလည်ထားသင့် သည့် အချက်များ ကို မျှဝေပေးသွားမည် ဖြစ်ပါသည်။

ငွေကြေးပိုင်း ဆိုင်ရာ နက်နဲ ရှုပ်ထွေးသော တွက်ချက်မှု၊ သင်ကြားမှု များစွာ ရှိသည့် အနက် ကျွန်တော် တို့ကဲ့သို့ လုပ်ငန်းငယ်များ အတွက် သိသင့်သည့် အတိုင်းအတာ တစ်ခုချင်းစီကို နားလည်လွယ်စေရန် လိုတိုရှင်း သုံးသပ်သွားမည် ဖြစ်သဖြင့် အသေးစိတ် ကျကျ နားလည်ရန်မှာ မိတ်ဆွေ ကိုယ်တိုင် အချိန်ပေး လေ့လာရန် လိုအပ်ပါသည်။

တွက်ချက်မှုများ အားဦးစားပေးမည် မဟုတ်ဘဲ သဘောတရား အကြောင်း ကိုသာ မျှဝေပေးခြင်း ဖြစ်ပါသည်။

ငွေကြေးဆိုင်ရာ တွက်ချက်မှု သင်ရိုးညွန်းတန်းများသည် အောက်ပါ အခြေခံ အချက် (၃) ချက် ပေါ်တွင် အခြေပြု ပါသည်။ (Ref: Corporate Finance Technical Foundations – CISI)

1. မိတ်ဆွေ၏ ကြက်ဥအားလုံး အား ခြင်းတစ်ခြင်း ထဲတွင် စုပေါင်းမထားရှိပါနှင့်။

2. မိတ်ဆွေလက်ထဲရှိ ဌက်တစ်ကောင်သည် ချုံပုတ်ထဲရှိ ဌက်နှစ်ကောင်ထက် ပိုပြီး အဖိုးတန်ပါသည်။

3. အလကားရတဲ့ နေ့လည်စာ ဆိုတာ မရှိပါဘူး။

ကျွန်တော်တို့ နိုင်ငံကဲ့သို့ ဖွံ့ဖြိုးဆဲ နိုင်ငံငယ် များမှ လုပ်ငန်းငယ်များ အနေဖြင့် ဖွံ့ဖြိုးပြီး နိုင်ငံများ မှ ထုတ်ပြန်ထားသော ငွေကြေးဆိုင်ရာ စာအုပ်များမှ တွက်ချက်မှု၊ တွေးခေါ်မှု များအား ရာနှုန်းပြည့် ပြန်လည် အသုံးချရန် မှာ မဖြစ်နိုင်ပါ။
သို့သော် ၎င်းတို့ ထံမှ စည်းမျဉ်း၊ စည်းကမ်း နှင့် အခြေခံ ကျသော သုံးသပ်ချက် များကို တစ်စိတ်တစ်ပိုင်း အသုံးချနိုင်လျှင် မိမိတို့ လုပ်ငန်း အပေါ် တွင်မှားယွင်းမှု နည်းပါးသော ဆုံးဖြတ်ချက်များ ကို ချမှတ်နိုင်မည် ဟု ယုံကြည်ပါသည်။

*** မိတ်ဆွေ၏ ကြက်ဥအားလုံး အား ခြင်းတစ်ခြင်း ထဲတွင် စုပေါင်းမထားရှိပါနှင့်။

အထက်ပါ စာစု၏ ဆိုလိုရင်းမှာ မိတ်ဆွေ အနေဖြင့် မိမိ၏ ပိုင်ဆိုင်မှု (ငွေကြေး၊ အချိန်၊ အတတ်ပညာ) အားလုံး အား တစ်ခုတည်းသော စီးပွားရေးလုပ်ငန်းတွင် ရင်းနှီးမြုပ်နှံထားခြင်းမျိုး၊ တစ်နေရာထဲတွင် စုပေါင်းထားရှိခြင်းမျိုး မပြုလုပ်ရန် ညွန်းဆိုခြင်း ဖြစ်သည်။
မိတ်ဆွေ အနေဖြင့် မိမိ အားအကျိုး အမြတ် အများဆုံးပေးသော တစ်ခုသော လုပ်ငန်းစု တွင် ရာခိုင်နှုန်း တစ်ခုထိ ထည့်ဝင် ရင်းနှီးနိုင်သော်လည်း ကျန်သော ရာခိုင်နှုန်း အချို့အား အခြား မတူညီသော လုပ်ငန်းစု တွင် ရင်းနှီး ထည့်ဝင်စေလိုခြင်း ဖြစ်သည်။
ယခုလို COVID ချိန်ခါတွင် ထိုစာစု ၏ အရေးပါပုံ ကိုမိတ်ဆွေ အနေဖြင့် ပိုမို နားလည် လက်ခံမည် ဟုယုံကြည်ပါသည်။ (မည်သည့် စီးပွားရေးမျိုး၊ အတတ်ပညာမျိုး ကို ဆိုလိုရင်းမဟုတ်ပဲ လက်ရှိ လုပ်ငန်းစုနှင့် မတူကွဲပြား ကောင်းမွန်သော စီးပွားရေး လုပ်ငန်းမျိုး ၊ အတတ်ပညာမျိုး ရှာဖွေ ရင်းနှီးမြုပ်နှံ ထားနိုင်ရန်မှာ မိတ်ဆွေ၏ ကံ၊ ဉာဏ်၊ ဝီရိယ အပေါ်တွင် သာမူတည်ပါသည်။)

*** မိတ်ဆွေလက်ထဲရှိ ဌက်တစ်ကောင်သည် ချုံပုတ်ထဲရှိ ဌက်နှစ်ကောင်ထက် ပိုပြီး အဖိုးတန်ပါသည်။

အချိန်နှင့် အမျှ ငွေကြေး၏တန်ဖိုး ပြောင်းလဲမှု (Time value of money) ကို ဆိုလိုရင်းဖြစ်သည်။ ယနေ့ မိတ်ဆွေလက်ထဲရှိ ငွေကြေး တစ်စုံတစ်ရာသည် နောင်ကာလတွင် လက်ခံရရှိမည့် ငွေကြေးထက် ပိုမို အဖိုးတန်သည်ကို သိရှိစေရန်ဖြစ်သည်။

မည်သို့ထိုကဲ့သို့ ပြောနိုင်ပါသလဲ? ရင်းနှီးမြုပ်နှံမှု မလုပ်ခိုင်းခြင်းများလား?

အထက်ပါခေါင်းစဉ်၏ အဓိက ဆိုလိုရင်းမှာ စိတ်ခံစားမှု (လောဘ) အရရင်းနှီးမြုပ်နှံမှုမျိုး မပြုလုပ်စေဘဲ တွက်ချက်မှု အရ သာရင်းနှီးမြုပ်နှံမှု ပြုလုပ်စေလိုခြင်းဖြစ်သည်။ (Emotional risk to Calculated risk) မိတ်ဆွေ အနေဖြင့် Time value of money တွက်ချက်မှု ပိုင်းဆိုင်ရာ အခြေခံ အချက်များ ကိုတော့ သိရှိ တတ်ကျွမ်း နားလည်ထားရန် လိုအပ်ပါသည်။

ကျွန်တော်တို့ နိုင်ငံတွင် လူအများစုသည် ငွေကြေးပိုင်းဆိုင်ရာ အသိပညာ မရှိခြင်း တို့ကြောင့် ယနေ့ online မှ ရှယ်ယာခေါ်ယူ ပြီး မဖြစ်နိုင်သော နှုန်းထားတစ်ခုဖြင့် အမြတ်ငွေပေး သောလုပ်ငန်းစု မျိုးတွင် ရင်းနှီးမြုပ်နှံခဲ့ မိခြင်းကြောင့် ငွေကြေးပိုင်းဆိုင်ရာ၊ စိတ်ပိုင်းဆိုင်ရာ ထိခိုက်မှုများ ရရှိခဲ့ကြရသည် ကို မိတ်ဆွေများ အနေဖြင့် ကြားသိခဲ့ရပြီး ဖြစ်ပါမည်။

မိမိတို့ အနေဖြင့် စီးပွားရေး တစ်ခု၊ ရင်းနှီးမြုပ်နှံမှု တစ်ခု ပြုလုပ်ရန် စဉ်းစားတွေးခေါ် ရာတွင် အနည်းဆုံး ဘဏ်တိုး၏ တွက်ချက်မှု ပုံစံဖြင့် နှိုင်းယှဉ်သုံးသပ်ရန် လိုအပ်ပါမည်။

1- ထို့အပြင် ထိုရင်းနှီးမြုပ်နှံကြောင့် လက်လွတ်လိုက်ရနိုင်သော အခြားသော အခွင့်အလမ်းများ (Opportunity costs) မှအကျိုးအမြတ် ကိုလည်း စရိတ်အဖြစ် ထည့်သွင်း နှိုင်းယှဉ် စဉ်းစားရန် လိုအပ်ပါသည်။

2- စီမံခန့်ခွဲမှု စရိတ်၊ လုပ်ငန်း၏ အခွန်အခ၊ ငွေကြေးဖောင်းပွမှု တန်ဖိုး၊ ငွေသားလည်ပတ်နိုင်မှု နှင့် ပုံသေပိုင် ပစ္စည်းများ၏ အကြွင်းတန်ဖိုးများကို လည်းထည့်သွင်းစဉ်းစား ရဦးမည်ဖြစ်သည်။

သို့ကြောင့် ငွေကြေးပိုင်းဆိုင်ရာ အခြေခံ တွက်ချက်မှုများ ကို ငွေကြေးပိုင်းဆိုင်ရာ ရှာဖွေနေသူတိုင်း အတွက် မဖြစ်မနေ လေ့လာသင့်ပါကြောင်း ထပ်မံ တိုက်တွန်းအပ်ပါသည်။

မိတ်ဆွေ အနေဖြင့် မိမိပိုင်ငွေကြေးများဖြင့် အပူအပင်မရှိ ထပ်မံတိုးပွားရန် မလိုအပ်ပဲ နေထိုင်သွားနိုင်သည့် အခြေအနေမျိုးရှိသည့်တိုင် အခြားသော သူများမှ လာရောက်အကူအညီတောင်းခံခြင်း၊ ရင်းနှီးမြုပ်နှံရန် စကားဆိုခြင်း တို့တွင် ငွေကြေးပိုင်းဆိုင်ရာ နားလည်မှု ရှိထားခြင်းဖြင့် မိမိပိုင် ငွေကြေးများ အလွယ်တကူ ဆုံးရှုံးမှု မဖြစ်စေရန် မိတ်ဆွေ၏ ဆုံးဖြတ်ချက်များကို မှန်ကန်စေမည်ဖြစ်သည်။

*** အလကားရတဲ့ နေ့လည်စာ ဆိုတာ မရှိပါဘူး။

အနောက်နိုင်ငံများတွင် လုပ်ငန်းကိစ္စ၊ ငွေကြေး ကိစ္စများ တိုင်ပင်ဆွေးနွေးစရာ ရှိသောအခါ နေ့လည်စာ ဖိတ်ခေါ်ကျွေးမွေးခြင်းဖြင့် စတင်လေ့ရှိပါသည်။
အဓိက ဆိုလိုရင်းမှာ မိတ်ဆွေအား တစ်စုံတစ်ယောက်မှ မိတ်ဆွေ၏ အကျိုးအမြတ် အတွက်ဟု တွင်တွင်ပြောကာ ရင်းနှီးမြုပ်နှံမှု တစ်စုံတစ်ရာ အားဖိတ်ခေါ်လာပါက လွယ်လင့်တကူ ဆုံးဖြတ်ချက် မချမိစေရန်ဖြစ်သည်။ ကိစ္စရပ်တိုင်းသည် ဆိုးလိမ့်မည်ဟု ဆိုလိုခြင်း မဟုတ်ပါ။ သေချာစွာ လေ့လာဆန်းစစ် အချိန်ယူ ဆုံးဖြတ်စေလိုခြင်း ဖြစ်ပါသည်။

ဖတ်ရှုပေးမှုအား ကျေးဇူးတင်ရှိပါသည်။ ငွေကြေးနှင့် ပတ်သတ်သော တွက်ချက်မှုများ၊ ငွေကြေးပိုင်းဆိုင်ရာ တွေးခေါ်မှုများ အားမိတ်ဆွေ အနေဖြင့် စိတ်ဝင်စားမှု တစ်စုံတစ်ရာ ဖြစ်ပေါ်ပြီး ထပ်မံလေ့လာမှုများ ဆက်လက် လုပ်ဖြစ်ခဲ့ပါက ကျွန်တော်များ MARINA စက်ရုံမှ မျှဝေတင်ဆက်ရခြင်း ၏ အဓိက ရည်ရွယ်ချက် ပြီးမြောက်ပါပြီ။

04/01/2021

Freedom is the atmosphere in which humanity thrives. Breath it in.

Richelle E.Goodrich

ပျော်ရွှင်ဖွယ် လွတ်လပ်ရေးနေ့ ဖြစ်ပါစေကြောင်း Marina မိသားစုမှ ဂုဏ်ယူစွာ တောင်းဆုပြုအပ်ပါသည်။

31/12/2020

30/12/2020

တစ်ရက်မှာ တစ်ချက်လေးတော့ ပြုံးစေချင်သည်။

30/12/2020

MARINA ၏မျှဝေခြင်း (Sharing-GK-DIY-02)

"Pressure switch အားကိုယ်တိုင် ချိန်ညှိုမယ်"

ကျွန်တော်တို့ MARINA စက်ရုံ Page မှ လူကြီးမင်း တို့ အနေဖြင့် တစ်ချိန်မဟုတ် တစ်ချိန်မှာ ကြုံတွေ့ ရနိုင်သော အခက်အခဲများ ကို (ကျွန်တော်တို့ ဖြေရှင်း ခဲ့သော နည်းလမ်းများဖြင့်) တစ်ထောင့် တစ်နေရာ မှ ကူညီ ဖြေရှင်း ပေးနိုင်ရန် ရည်ရွယ် ချက်ဖြင့် မျှဝေခြင်း ဖြစ်ပါသည်။

Auto Pressure Pump တစ်လုံးအား စတင် မောင်းရန်နှင့် ရပ်ရန် အတွက် ဖိအားထိန်းချုပ် ကိရိယာဖြင့် လုပ်ဆောင်စေပါတယ်။

ပုံမှန်အားဖြင့် ဖိအားထိန်းချုပ်ခြင်း ပစ္စည်းများသည် စက်ရုံမှ ကြိုတင် ချိန်ညှိုပေးပြီးဖြစ်ပါတယ်။ ဒါပေမယ့် ပန့်အား စတင်လည်ပတ်ရန် (cut-on) နှင့် ရပ်တန့်စေရန် (cut-off) ဖိအား ချိန်ညှိုရန် လိုအပ်လာပါ က အောက်ပါအတိုင်းလုပ်ဆောင်နိုင်ပါတယ်။

အောက်ပါ ဖော်ပြချက်များသည် ချိန်ညှိုတိုင် တစ်ချောင်း နှင့် နှစ်ချောင်းပါသော Pressure switch အတွက် ရည်ညွန်းပါသည်။

ချိန်ညှိုတိုင် တစ်ချောင်း တည်းပါသော ဖိအားထိန်းချုပ် ကိရိယာ (One-Post Pressure Switches)

အောက်ပါပုံတွင် ဖော်ပြထားသော (One-Post Pressure Switch) ၏ ဖိအားထိန်းချုပ် နပ်တိုင် အား ချိန်ညှိုပေးခြင်းသည် စတင်လည်ပတ်ရန် ဖိအားနှင့် ရပ်တန့်စေရန် ဖိအား သတ်မှတ်ချက် (PSI) ကို တချိန်တည်းတွင် ပြောင်းလဲပေးပါသည်။
ထိုချိန်ညှိုမှုသည် စတင်လည်ပတ် ဖိအားနှင့် ရပ်တန့်စေရန် ဖိအား နှစ်ခု ကြားတွင် 20 PSI (pound per square inch : တစ်လက်မ ပတ်လည်တွင် သက်ရောက်သော ပေါင် အလေးချိန်) ခြားနားချက် ကိုထားရှိပေးထားပါသည်။
Cut-on နှင့် Cut-off ဖိအားသတ်မှတ်ချက် (PSI) ကို တိုးမြင့်ရန် နပ် အား နာရီ လက်တံ အတိုင်းလှည့်ပေးရန် ဖြစ်ပါသည်။ နပ်တိုင် တစ်ပတ် အပြည့်လည်တိုင်းတွင် 2.5 PSI နှုန်းဖြင့် တိုးမြင့် လာမည်ဖြစ်ပါသည်။
(ဥပမာ အနေဖြင့် နပ် အားနာရီ လက်တံ အတိုင်းလှည့်ခြင်း ၄ ပတ်ပြည့်ခြင်းသည် ဖိအား သတ်မှတ်ချက်အား 10 PSI တိုးမြင့် စေလိမ့်မည်ဖြစ်ပါသည်)

ချိန်ညှိုတိုင် နှစ်ချောင်းပါသော ဖိအားထိန်းချုပ် ကိရိယာ (Two-Post Pressure Switches)

အောက်ပါပုံတွင် ဖော်ပြထားသော Two-Post pressure switch ၏ နပ်တိုင် အရှည် (အမှတ် ၁ နပ်တိုင်) အားချိန်ညှိုပေးခြင်းသည် စတင်လည်ပတ်ရန် ဖိအားနှင့် ရပ်တန့်ရန် ဖိအားသတ်မှတ်ချက် ကို တစ်ချိန်တည်းတွင် ပြောင်းလဲပေးပါသည်။ ဒုတိယ နပ်တိုင်၊ နပ်တိုင် အတို (အမှတ် ၂ နပ်တိုင်) သည် ရပ်တန့်စေရန် ဖိအား သီးသန့် ကိုသာ ပြောင်းလဲ ချိန်ညှိုရန် အသုံး ပြုပါသည်။
Cut-on နှင့် Cut-off ဖိအားသတ်မှတ်ချက် (PSI) ကို တိုးမြင့်ရန် အမှတ်-၁ နပ် အား နာရီ လက်တံ အတိုင်းလှည့်ပေးရန် ဖြစ်ပါသည်။ နပ်တိုင် တစ်ပတ် အပြည့်လည်တိုင်းတွင် 2.5 PSI နှုန်းဖြင့် တိုးမြင့် လာမည်ဖြစ်ပါသည်။ အမှတ်-၂ နပ်တိုင်အား ချိန်ညှိုရန် မလိုအပ်ပါ။
ထိုချိန်ညှိုမှုသည် စတင်လည်ပတ် ဖိအားနှင့် ရပ်တန့်စေရန် ဖိအား နှစ်ခု ကြားတွင် 20 PSI (pound per square inch : တစ်လက်မ ပတ်လည်တွင် သက်ရောက်သော ပေါင် အလေးချိန်) ခြားနားချက် ကိုထားရှိပေးထားမည် ဖြစ်ပြီး ၎င်းသည် Pressure tank ၏လုပ်ဆောင်မှု အတွက် အကောင်းဆုံး သတ်မှတ်ချက် ဖြစ်သည်။ အနဲငယ်မျှသော လုပ်ငန်းဆောင်တာများအတွက် သာ အမှတ်-၂ နပ် အားချိန်ညှိုပေး ရန် လိုအပ်မည်ဖြစ်သည်။
ရပ်တန့်စေရန် သတ်မှတ်ဖိအား သီးသန့် တိုးမြင့်ရန် အတွက် သာ အမှတ်-၂ နပ်အား နာရီလက်တံ အတိုင်း လှည့်ပေးရန်ဖြစ်သည်။

မည်သည့် ဖိအား သတ်မှတ်ချက် မဆို လျှော့ချရန် အတွက် နပ် အား နာရီလက်တံ ပြောင်းပြန် အတိုင်းလှည့်ပေးရန် ဖြစ်သည်။

***သတိပြု မှတ်သားရန်။ ။ စတင်လည်ပတ်ခြင်း ဖိအားသတ်မှတ်ချက် အား 20 PSI အောက် မထားရှိရန် နှင့် ရပ်တန့်စေခြင်း ဖိအားသတ်မှတ်ခြင်း အား 60 PSI မကျော်စေရန် ဖြစ်သည်။

အခြားသော အချက်များအား အောက်ပါ ပုံတွင် ဆက်လက်လေ့လာနိုင်ပါသည်။

စားသုံးသူများ ထံသန့်စင်သော သောက်ရေသန့်များ ပို့်ဆောင်ပေးနိုင်ရန် မှာ ကျွန်တော်တို့ MARINA သောက်ရေသန့် စက်ရုံ၏ အဓိက ဦးစားပေး ရည်မှန်းချက် ဖြစ်ပါသည်။

စက်ရုံ နှင့် ပတ်သတ်ပြီး လေ့လာမှုများ ပြုလုပ်လိုပါက လည်း ဝမ်းမြောက်စွာ ကြိုဆိုပါတယ် ခင်ဗျာ။ 09-420606660 သို့ ဆက်သွယ်ပြီး appointment ရယူနိုင်ပါတယ်ခင်ဗျာ။

MARINA - The treasure sea of pure life:

FACTORY DIRECT SALE:
ကျွန်တော်တို့ Marina စက်ရုံမှ မိတ်ဖက်ကိုယ်စားလှယ် ကြီးများ မပို့ဆောင်နိုင်သေးသော မြို့နယ်များ သို့ Ezy Yay application မှတဆင့် စက်ရုံ တိုက်ရိုက် မှာယူနိုင် သည်ခင်ဗျာ။

Onlineမှ တဆင့် Marina ၏ခြေလှမ်းသစ် စတင်ခြင်း ဖြစ်ပါ၍ သတ်မှတ်မြို့နယ်များ သို့သာ ဦးစွာ ပို့ဆောင် ပေးနိုင်မည်ဖြစ်ပါသည်။

Covid-19 ကပ်ရောဂါမှ ကင်းဝေးပါစေကြောင်း ဆုမွန်ကောင်း တောင်းအပ်ပါသည် ခင်ဗျာ။

26/12/2020

မင်္ဂလာပါ ခင်ဗျာ။

MARINA သောက်ရေသန့် စက်ရုံမှ ကြိုဆိုပါသည်။

ကျွန်တော်များ စက်ရုံ ၏ အနာဂတ် ရည်မှန်းချက် နှင့် လက်ရှိ ရည်မှန်းချက်များ အားအောက်တွင် ဖော်ပြထားရှိပါသည်။

MARINA စက်ရုံ ၏ FB page မှ ကျွန်တော်များ ရင်ဆိုင် ဖြေရှင်းခဲ့သော နည်းလမ်းများ၊ လေ့လာမှတ်သား ခဲ့သော အသိပညာများ အား စားသုံးသူ မိဘ ပြည်သူများ သို့ တစ်ထောင့် တစ်နေရာမှ ကူညီ ဖြည့်စွမ်း နိုင်ခြင်း ဌာ ရည်ရွယ် ၍ အပတ်စဉ် MARINA ၏မျှဝေခြင်း အစီအစဉ်များ အား တင်ဆက်ပေးနေခြင်း ဖြစ်ပါသည်။

ဟုတ်ကဲ့ ခင်ဗျ။ မိတ်ဆွေ အနေဖြင့် သောက်ရေသန့် နှင့် ပတ်သတ်လာခဲ့ပါက ကျွန်တော်များ MARINA စက်ရုံ တည်ရှိမှု ကို အမှတ်တရ အသိအမှတ် ပြုပေးခဲ့မယ် ဆိုရင် ကျွန်တော်တို့ အနေဖြင့် အတိုင်းမသိ ဝမ်းမြောက်ရမှာပါ ခင်ဗျာ။

အခုလို အချိန်ပေး ဖတ်ရှုပေးတာ ကျေးဇူး အထူးတင်ပါသည် ခင်ဗျာ။



*** "မျှဝေခြင်းများ အားပြန်လည် ဖတ်ရှုနိုင်ရန်" ***

Factory tour-01
https://www.facebook.com/405510709795822/posts/1348941915452692/

Factory tour-02
https://www.facebook.com/405510709795822/posts/1354465308233686/

Sharing GK-DIY-01
"Auto ရေတင်ကြမယ်"
https://www.facebook.com/405510709795822/posts/1355254478154769/

Sharing GK-Decision-01
"Weighted decision matrix model"
https://www.facebook.com/405510709795822/posts/1361602927519924/

Sharing GK-Decision-02
"90/10 theory by Stephen Covey"
https://www.facebook.com/405510709795822/posts/1364920070521543/

Sharing GK-Decision-03
"80/20 principle, The Pareto Principle"
https://www.facebook.com/405510709795822/posts/1371715533175330/

Sharing GK-DIY-02
"Pressure switch အားကိုယ်တိုင် ချိန်ညှိုမယ်"
https://www.facebook.com/405510709795822/posts/1375263966153820/

Sharing GK-Finance-01
"ဒုတိယ ဘုရားသခင်"
https://www.facebook.com/405510709795822/posts/1380418318971718/

Sharing GK-Decision-04
"မေးပါ။မေးပါ။မေးပါ။"
https://www.facebook.com/405510709795822/posts/1385909288422621/

Sharing GK-DIY-03
"အလူမီနီယံ ပြတင်းတံခါး ကျပ်ခြင်း (ဖွင့်မရခြင်း)များ အား ကိုယ်တိုင် ပြုပြင်ကြမယ်ဗျာ။"
https://www.facebook.com/405510709795822/posts/1389878701359013/

(Sharing-GK-LiveTheLife-01)
ဖတ်စေချင်သည် “How to stop worrying and start living by Dale Carnegie”
https://www.facebook.com/405510709795822/posts/1394646940882189/

25/12/2020

MARINA ၏မျှဝေခြင်း (Sharing-GK-Decision-03)

"80/20 Principle ကို လက်တွေ့ လုပ်ငန်းခွင်မှာ အသုံးချကြမယ်။ (The Pareto Principle)"

80/20 rule ကို Pareto Principle (or) the law of vital few လို့ သိကြပါတယ်။ အခြေခံအားဖြင့် ၂၀ ရာခိုင်နှုန်းသော မိတ်ဆွေ၏ လုပ်ဆောင်ချက်များသည် ၈၀ ရာခိုင်နှုန်းသော ရလဒ်များ ကို ဖြစ်ပေါ်စေခြင်း ဖြစ်ပါသည်။

The Pareto Principle သည် အီတလီ လူမျိုး စီးပွားရေး ပညာရှင် Vilfredo Pareto မှ ရှာဖွေ ဖော်ထုတ်ခဲ့ ခြင်းဖြစ်ပါသည်။ ၎င်းအနေဖြင့် အီတလီ၏ မြေပိုင်ဆိုင် မှု ၈၀% အား ၂၀% သော သူများမှ ပိုင်ဆိုင်နေခြင်း ဖြစ်ကြောင်း အချက်ကို သိရှိပြီးနောက် အခြား ကွဲပြားသော အခြေအနေ ဖြစ်ရပ်များကို ထပ်မံလေ့လာမှု ပြုခဲ့ရာ အလားတူ ပုံစံ အဖြေမျိုးသာ တွေ့ရှိခဲ့ရပါသည်။

80/20 rule သည် ထည့်သွင်း လုပ်ဆောင်မှုများနှင့် ထွက်ရှိလာသော ရလာဒ် များ၏မတူညီမှု များအား ဖော်ပြပေးခြင်းဖြစ်သည်။ မိတ်ဆွေ အနေဖြင့် ရှုပ်ထွေးသော သချာၤ ဖော်မျူလာများ၊ ပုစ္စာများ အား နားလည်ရန် မလိုအပ်ပဲ မိတ်ဆွေ၏ ဘဝတွင် စတင် အသုံးပြုနိုင်ပါသည်။

80/20 rule အား အချက်ပြမှု တစ်ခု အနေဖြင့် စိတ်တွင် မှတ်ယူထားကြပါစို့။ သတိပြုရန်မှာ ၈၀ နှင့် ၂၀ အား အတိအကျ ကိန်းဂဏန်း ဟု မမှတ်ယူဘဲ ၎င်းတို့အား အခြေခံ ဂဏန်းတစ်ခု အနေဖြင့်သာ မှတ်ယူရန် ဖြစ်သည်။

အဓိက အချက်ကတော့ မိတ်ဆွေလုပ်ဆောင်ခဲ့သော အနည်းငယ်မျှ လုပ်ဆောင်မှုများသည် ကြီးမားသော ရလာဒ် အဖြေများ ကိုဖြစ်ပေါ်စေသည့် ဆိုလိုရင်းဖြစ်ပါသည်။ 80/20 အားညွန်းကိန်း တစ်ခု အနေဖြင့် သာမှတ်ယူရန် လိုအပ်ပြီး မည်ကဲ့သို့ ကိန်းဂဏန်း ဖြစ်ပေါ်နေသည်မှာ အရေးမပါချေ။ အချိုးချခြင်း ကို ဆိုလိုရင်း မဟုတ်ဘဲ မညီမျှမှုကို သာညွန်ပြလိုခြင်း ဖြစ်သည်။ နဲနဲ လောက်ထပ်ပြီး ဆက်လေ့လာ ကြည့်ရအောင်ပါ။

80/20 rule ဆိုလိုရင်းမှာ လုပ်ဆောင်မှု လျှော့ချခြင်း၊ ထုတ်လုပ်မှု လျှော့ချခြင်း ကို ဆိုလိုခြင်း မဟုတ်ပါ။ ပိုမိုထိရောက်စွာ လုပ်ဆောင်နိုင်စေရန်နှင့် ပိုမိုကောင်းမွန်သော ရလာဒ်များ ရရှိစေရန် (Work smart for better results) မှန်ကန်သော လုပ်ဆောင်မှုများအား ဦးစားပေးစေခြင်းဖြစ်ပါတယ်။

ဘာကိုဆိုလိုချင်တာများလဲ?

80/20 rule ၏ စိတ်ဝင်စားဖွယ် အကောင်းဆုံး အချက်ကတော့ မိတ်ဆွေ၏ ရည်မှန်းချက်နှင့် လုပ်ဆောင်ရန် အလုပ်များကို သိသာထင်ရှားစေခြင်း ဖြစ်ပါတယ်။ မိတ်ဆွေ အနေဖြင့် မိမိအား အကောင်းဆုံးသော ရလာဒ် နှင့် စိတ်ပျော်ရွင်မှု ပေးနိုင်မည်ဟု မှတ်ယူသော လုပ်ငန်းတာဝန် များကိုသာ ဦးစားပေး လုပ်ဆောင်နေမည်သာဖြစ်သည်။ 80/20 ကတော့ မိတ်ဆွေ အနေဖြင့် တစ်ကြိမ်မှာ တစ်ခုပဲ လုပ်ဆောင်စေရန်နှင့် အာရုံ စူးစိုက်မှု ရရှိစေရန် ကူညီ ပေးနိုင်မှာဖြစ်ပါတယ်။

အထက်မှာ ပြောထားသော အချက်ဟာ တော်တော်ကြီးမားတဲ့ ကွဲပြားချက်ပါ။ ကျွန်တော်တို့ တွေးထင် ထားကြသလို လူသားတွေဟာ လုပ်ငန်းဆောင်တာများစွာကို တစ်ချိန်တည်းတွင် လုပ်ဆောင်ခြင်းဌာ ထင်သလောက်မစွမ်းဆောင်နိုင်ကြပါ။

ဥပမာလေးများကို ကြည့်ရအောင်ပါ။

- ၈၀ ရာခိုင်နှုန်းသော ပြသနာများသည် ၂၀ ရာခိုင်နှုန်းသော ကိစ္စရပ်များမှ စတင်သည်။

- ၆၀ ရာခိုင်နှုန်းသော အာရုံထွေပြားမှုများသည် ၄၀ ရာခိုင်နှုန်းသော အကြောင်းချင်းရာများ ကြောင့်ဖြစ်သည်။

- ၉၀ ရာခိုင်နှုန်းသော မကျေနပ်မှု တိုင်တန်းချက်များသည် ၁၀ ရာခိုင်နှုန်းသော စားသုံးသူများ ထံမှ ဖြစ်သည်။

- ၈၀ ရာခိုင်နှုန်းသော ရရှိလာသော ရလာဒ်များ သည် ၂၀ ရာခိုင်နှုန်းသော အားထုတ်မှု များကြောင့် ဖြစ်သည်။

- ၈၅ ရာခိုင်နှုန်းသော လုပ်ငန်းဆောင်တာ ဆက်သွယ်မှု များသည် ၁၅ ရာခိုင်နှုန်းသော အီးမေးလ် ပို့ဆောင်မှု မှ ရရှိသည်။

မိမိရည်မှန်းချက်များ ရောက်အောင် 80/20 ကို ဘယ်လို အသုံးချမလဲ?

၁- မိမိ၏ ရည်မှန်းချက်ပေါ် မူတည်ပြီး အဓိက လုပ်ဆောင်ရမည့် အချက်များ အား ဖော်ထုတ်ပါ။

၂- ထို အချက်များ အားမိမိ အနေဖြင့် ရှင်းရှင်း လင်းလင်း သိရှိနေစေရန် လိုအပ်ပြီး မလိုအပ်သော၊ အရေးမပါသော အချက်များ အားဖယ်ထုတ်ပါ။

၃- 80/20 အားအသုံးပြုပြီး မိမိရည်မှန်းချက် အတွက် လုပ်ဆောင်ရမည့် အချက်များအား ၎င်းတို့၏ အရေးပါမှု အပေါ် ဦးစားပေး လုပ်ဆောင်ရန် အချက်များအနေဖြင့် စီတန်းသတ်မှတ်ပါ။

၄- အထက်ပါ လုပ်ဆောင်ရန် အချက်များအား ဖော်ထုတ်ခြင်း၊ ဦးစားပေးရွေးချယ်ခြင်း၊ အာရုံစူးစိုက် ခြင်း တို့အား နေ့စဉ် လုပ်ဆောင်ပေးရန် ဖြစ်ပါသည်။ (ကျွန်တော်တို့ နေ့စဉ် လုပ်ဆောင်မှုများပေါ် မူတည်ပြီး ဖြစ်ပေါ်လာသော ရလာဒ်များ မှာ နေ့စဉ် နှင့် အမျှပြောင်းလဲမှုရှိနိုင်သောကြောင့် 80/20 rule အား မိမိစိတ်ထဲတွင် အမြဲ အမှတ်ရ အသုံးချ နေရန် လိုအပ်ပါသည်။)

စာရေးသူ အနေဖြင့် တစ်စုံတစ်ရာ ဆုံးဖြတ်ဖြေရှင်း ရန်လိုအပ်လာ သည့် အချိန်တိုင်းတွင် Stephen Covey ၏ 90/10 သီအိုရီ ဖြင့် အရင်ဆုံး အမှတ်ရစဉ်းစား ပါသည်။ (လူသားများ ပါဝင်ပတ်သတ်သော ကိစ္စရပ်များတွင် Kohlberg ၏ Moral reasoning ကို ထည့်သွင်း စဉ်းစားပါသည်။) ထိုနောက် Pareto ၏ 80/20 rule အတိုင်း စဉ်းစား ဆုံးဖြတ်ပြီး လုပ်ဆောင်ပါသည်။

မိတ်ဆွေ တို့ အနေဖြင့် ရော စာအသိကို လက်တွေ့ ဘဝမှာ မည်ကဲ့သို့ အသုံးချပါသလဲ။ မျှဝေပေးကြပါဦး ခင်ဗျာ။

စားသုံးသူများ ထံသန့်စင်သော သောက်ရေသန့်များ ပို့်ဆောင်ပေးနိုင်ရန် မှာ ကျွန်တော်တို့ MARINA သောက်ရေသန့် စက်ရုံ၏ အဓိက ဦးစားပေး ရည်မှန်းချက် ဖြစ်ပါသည်။

စက်ရုံ နှင့် ပတ်သတ်ပြီး လေ့လာမှုများ ပြုလုပ်လိုပါက လည်း ဝမ်းမြောက်စွာ ကြိုဆိုပါတယ် ခင်ဗျာ။ 09-420606660 သို့ ဆက်သွယ်ပြီး appointment ရယူနိုင်ပါတယ်ခင်ဗျာ။

လူကြီးမင်း အတွက် တစ်စုံတစ်ရာ အကျိုး ရှိခဲ့မယ်၊ နှစ်သက်ခဲ့မယ် ဆိုရင် ပြန်လည် မျှ ဝေပေးစေ ချင်ပါတယ်။