Nay Bagan Management Institute

23/09/2026

အထက်လူကြီးရဲ့ ယုံကြည်မှုကို
အပြည့်အဝရစေဖို့ ကိုယ့်ရဲ့ Career မှာ
အရှိန်အဟုန်နဲ့ တက်လှမ်းစေမယ့်
"Managing Up" အနုပညာ…………..။

"ကိုယ့် Boss က ဘာလိုချင်မှန်း မသိဘူး..."
"လုပ်သမျှ အသိအမှတ် မပြုခံရဘဲ
စိတ်တိုင်းမကျဖြစ်နေတာ ဘာကြောင့်လဲ..."

အလုပ်ခွင်မှာ ကြိုးစားအားထုတ်နေပေမဲ့ ဒီလို
အခက်အခဲတွေ ကြုံနေရတယ်ဆိုရင် ပြဿနာ
က အရည်အချင်း ညံ့ဖျင်းလို့ မဟုတ်ဘဲ အထက်
လူကြီးနဲ့ ချိတ်ဆက် အလုပ်လုပ်ပုံ Working
Relationshipအားနည်းနေတာကြောင့် ဖြစ်နိုင်ပါ
တယ်။

ကော်ပိုရိတ်လောကမှာ အောင်မြင်တဲ့ Professional
တွေဟာ ကိုယ့်လက်အောက်က အသင်းကို
ဦးဆောင်တာ Managing Down သာမက
အထက်လူကြီးနဲ့ ဟန်ချက်ညီညီ ပူးပေါင်း
လုပ်ကိုင်တတ်ခြင်း Managing Up ကိုပါ
အထူးကျွမ်းကျင်ကြပါတယ်။

Managing Up ဆိုတာ ဖားခြင်း Flattery တို့
မျက်နှာလိုမျက်နှာရ လုပ်ဆောင်ခြင်းတို့ လုံးဝ
မဟုတ်ပါဘူး။ အထက်လူကြီးရဲ့ ဦးတည်ချက်၊
စိတ်ပူပန်မှုနဲ့ အလုပ်လုပ်ပုံ စတိုင်ကို ကြိုတင်
နားလည်ပြီး နှစ်ဦးနှစ်ဖက် လုပ်ငန်းပိုမိုအောင်မြင်
အောင် မဟာဗျူဟာမြောက် ပံ့ပိုးပေးခြင်း သာ
ဖြစ်ပါတယ်။

Nay Bagan ကနေပြီး အလုပ်ခွင်မှာ အထက်လူ
ကြီးရဲ့ အားအကိုးရဆုံး Right-Hand Person ဖြစ်
လာစေမယ့်လက်တွေ့ကျတဲ့ နည်းလမ်း ၄ ချက်ကို
မျှဝေပေးလိုက်ပါတယ်။

အထက်လူကြီး၏ Working Style နဲ့ သူတို့ရဲ့
Communication Preference ကို လေ့လာ
ရပါမယ်။ Data နဲ့ DetailOriented ဖြစ်တဲ့ ကိန်း
ဂဏန်းတွေ၊ အစီရင်ခံစာတွေနဲ့ အချက်အလက်
တိကျမှုတွေကို အဓိက ကြည့်တတ်တဲ့သူတွေ
အတွက်ကိုတော့ အစည်းအဝေး မတိုင်ခင် Evidence
နဲ့ စာရွက်စာတမ်း အပြည့်အစုံ ပြင်ဆင်ပေးပါ။

Big-Picture နဲ့ Action-Oriented Boss တွေအ
တွက်ကတော့ အသေးစိတ်ထက် အနှစ်ချုပ် ရလဒ်
Bottom Lineကိုပဲ လိုရင်းတိုရှင်း သိလိုသူဖြစ်တာ
ကြောင့် Bullet Points တွေနဲ့ လိုတိုရှင်း ရှင်းပြပေး
ရမှာဖြစ်ပါတယ်။

လူချင်းတွေ့ စကားပြောရတာ ကြိုက်တာလား ဒါမှ
မဟုတ်Email တို့ Message တို့နဲ့ တိတိကျကျမှတ်
တမ်းတင်ရတာကို သဘောကျသလားဆိုတာကို
သတိထား ပြီး သူနှစ်သက်တဲ့ ပုံစံအတိုင်း လိုက်
လျောညီထွေ ပြောင်းလဲ ဆက်သွယ်ပေးရပါမယ်။

ပြဿနာကို ပဲ သယ်မလာဘဲ ဖြေရှင်းချက်နဲ့အတူ
တင်ပြပေးရပါမယ်။ဒီလိုပုံစံနဲ့ ချဉ်းကပ်ခြင်းက
အထက်လူကြီးရဲ့ စိတ်ဖိစီးမှုနဲ့ အချိန်ကို လျှော့ချ
ပေးပြီး ပြဿနာဖန်တီးသူ မဟုတ်ဘဲ အမှန်တကယ်
အားကိုးရတဲ့ Problem Solver အဖြစ် ထင်ရှားစေ
ပါတယ်။

Surprise မဖြစ်စေပါနဲ့။ ကြိုတင် အသိပေးပါ။
မန်နေဂျာနဲ့ ဒါရိုက်တာအဆင့် အထက်လူကြီးတွေ
က အလုပ်မှာ ကြိုတင်မသိရတဲ့ အမှားတွေ ရုတ်
တရက် ပေါ်လာတာကို မကြိုက်ကြပါဘူး။ ပရော
ဂျက်တစ်ခု Deadline မမီနိုင်တော့မယ့် အခြေအနေ
ရှိရင် နောက်ဆုံးရက် ရောက်မှ တောင်းပန်မယ့်
အစား ၃-၄ ရက် ကြိုတင်ပြီး အခြေအနေကို အသိ
ပေးပြီး Plan B နဲ့ ညှိနှိုင်းနိုင်ပါတယ်။ ပုံမှန် Update
ပေးတတ်ခြင်းက ကိုယ့်အပေါ် ယုံကြည်စိတ်ချရမှု
Reliability ကို အဆမတန် တိုးပွါးစေပါတယ်။

အထက်လူကြီးရဲ့ ဦးစားပေး Priorities အပေါ်
အမြဲ ချိန်ညှိပေးပါ။ သူ့ရဲ့ KPI က ဘာလဲ? သူ
အစည်းအဝေးတွေမှာ ဒါရိုက်တာဘုတ်အဖွဲ့ကို
ဘာတွေ တင်ပြရမလဲဆိုတာကို နားလည်အောင်
ကြိုးစားပါ။ သူအောင်မြင်လေလေ ကိုယ့်အတွက်
အသိအမှတ်ပြုခံရမှုနဲ့ ရာထူးတိုး အခွင့်အလမ်း
ပိုမိုပွင့်လန်းလာလေလေ ဖြစ်ပါတယ်။ သူ့ပန်းတိုင်
ကို အထောက်အကူဖြစ်စေမယ့် အလုပ်တွေကို ဦးစား
ပေး လုပ်ဆောင်ပေးရပါမယ်။

💡 Nay Bagan ရဲ့ အမြင်ကတော့ ခေါင်းဆောင်
ကောင်းတစ်ယောက် ဖြစ်လာဖို့ဆိုတာ အထက်က
လူတွေနဲ့ စမတ်ကျကျ အလုပ်တွဲလုပ်နိုင်စွမ်းကနေ
စတင်ပါတယ်။ အထက်လူကြီးရဲ့ အားနည်းချက်ကို
ဝေဖန်နေမယ့်အစား သူ့လိုအပ်ချက်ကို ဖြည့်ဆည်း
ပေးနိုင်တဲ့ မဟာဗျူဟာမြောက် လက်တွဲဖော် ဖြစ်
အောင် ကြိုးစားပေးသင့်ပါတယ်။

ကိုယ့်ရဲ့ အပြုသဘောဆောင်တဲ့ ကျွမ်းကျင်မှုတွေက
အလုပ်ခွင်မှာ ကိုယ့်ကို အစားထိုးမရတဲ့ Top Talent
တစ်ယောက် ဖြစ်လာစေပါလိမ့်မယ်။

23/09/2026

HR Professional တိုင်း သိထားသင့်တဲ့
Competency Framework……………။

Competency Framework ဆိုတာ
ဝန်ထမ်းတစ်ယောက်အနေနဲ့ သက်ဆိုင်ရာ
ရာထူးတာဝန်ကို အောင်မြင်စွာ ထမ်းဆောင်
နိုင်ဖို့ လိုအပ်တဲ့ အသိပညာKnowledge၊
ကျွမ်းကျင်မှု Skills နဲ့ စိတ်နေသဘောထား နဲ့
လက်တွေ့အပြုအမူ Attitude, Behaviors
စတာတွေကို စနစ်တကျ သတ်မှတ်ထားတဲ့
စံနှုန်းလမ်းညွှန် Blueprint ပဲ ဖြစ်ပါတယ်။

အရိုးရှင်းဆုံး ပြောရရင် လုပ်ငန်းခွင်မှာ
အောင်မြင်တဲ့ ဝန်ထမ်းတစ်ယောက်ဖြစ်ဖို့
ဘာတွေ တတ်မြောက်ပြီး ဘယ်လို ပြုမူ
နေထိုင်ရမလဲဆိုတဲ့ တိုင်းတာမှု ပေတံပါပဲ။

Competency Framework မှာအဓိက
မဏ္ဍိုင် ၃ ရပ်ရှိပါတယ်။Core Competencies
ဆိုတဲ့အဖွဲ့အစည်းတစ်ခုလုံးဆိုင်ရာ တန်ဖိုးထား
ရတဲ့အခြေခံစံနှုန်းကစပါတယ်။ရာထူးမရွေး၊
ဌာနမရွေး ဝန်ထမ်းတိုင်းမှာ မဖြစ်မနေ ရှိရမယ့်
တန်ဖိုးထားမှုတွေနဲ့ စရိုက်လက္ခဏာတွေပဲ ဖြစ်
ပါတယ်။ဥပမာ အနေနဲ့ အဖွဲ့အစည်းအပေါ်
သစ္စာရှိမှု ဆိုတဲ့Integrity၊ အသင်းအဖွဲ့ဖြင့် ပူး
ပေါင်းလုပ်ဆောင်မှု Teamwork၊ စတာတွေပါပဲ။

ဒုတိယအချက်ကတော့ Functional / Technical
Competencies ဆိုတဲ့ လုပ်ငန်းခွင်ဆိုင်ရာ ကျွမ်း
ကျင်မှုတွေပဲဖြစ်ပါတယ်။ သက်ဆိုင်ရာ ဌာန
သို့မဟုတ် ရာထူးအလိုက် အလုပ်ပြီးမြောက်ဖို့
လိုအပ်တဲ့ သီးခြား Hard Skills တွေ ဖြစ်ပါတယ်။
HR အတွက် Labor Law နဲ့ Payroll ကျွမ်းကျင်မှု၊
Marketing အတွက် Digital Ad Optimization
ကျွမ်းကျင်မှု အစရှိတာတွေပါ။

နောက်ဆုံးအချက်ကတော့ Leadership / Managerial
Competencies ဆိုတဲ့ခေါင်းဆောင်မှုဆိုင်ရာ
အရည်အသွေးတွေပဲဖြစ်ပါတယ်။အဖွဲ့ကို ဦးဆောင်
ရသူတွေ၊ Manager တွေနဲ့ Executive တွေမှာ ရှိရ
မည့် ဗျူဟာမြောက် အရည်အချင်းတွေပဲ ဖြစ်ပါ
တယ်။မဟာဗျူဟာမြောက် တွေးခေါ်နိုင်စွမ်း
Strategic Thinking တို့၊ ဆုံးဖြတ်ချက်ပြတ်သားမှု
Decision Making တို့၊ အခြားသူတွေကို လေ့ကျင့်
ပျိုးထောင်ပေးနိုင်စွမ်း Coaching & Developing
Others အစရှိတာတွေပါ။

HR အတွက် လက်တွေ့အသုံးဝင်ပုံကတော့ခိုင်မာတဲ့
Competency Framework ရှိထားရင် HR လုပ်ငန်း
စဉ်တွေအားလုံးနဲ့ ချိတ်ဆက်မိသွားပါတယ်။

Recruitment Function အနေနဲ့ အလုပ်ခေါ်စာရေး
တဲ့နေရာမှာရော Job Description ရေးဆွဲရာမှာရော၊
Behavioral Interview မေးခွန်းတွေ ထုတ်ရာမှာပါ
တိကျတဲ့ စံနှုန်းရရှိစေပါတယ်။

Performance Management မှာလည်း ခံစားချက်
နဲ့ အကဲဖြတ်တာမျိုး မဟုတ်ဘဲ ဝန်ထမ်းရဲ့ သတ်မှတ်
ထားတဲ့Competency အဆင့်အလိုက် မျှမျှတတ
အမှတ်ပေးနိုင်ပါတယ်။

Learning & Development ဆိုတဲ့ L&D မှာလည်းဝန်
ထမ်းတစ်ယောက်မှာ ဘယ် Competency တွေ အား
နည်းနေသလဲ Skill Gap ကို အလွယ်တကူ သိနိုင်ပြီး
ထိရောက်တဲ့ Training Plan တွေ ရေးဆွဲပေးနိုင်ပါ
တယ်။

Succession Planning မှာလည်း အနာဂတ် ခေါင်း
ဆောင်နေရာတွေအတွက် ဘယ်သူက Leadership
Competency ပြည့်မီနေပြီလဲဆိုတာ ကြိုတင်ရွေးချယ်
ထားနိုင်ပါတယ်။

"Skills get the job done, but Competencies
determine how well and how sustainably
it is done."

Competency Framework ဆိုတာ စာရွက်ပေါ်က
သီအိုရီသက်သက် မဟုတ်ဘဲ ကုမ္ပဏီရဲ့ ရည်မှန်းချက်
တွေ ပြည့်မီစေဖို့ဝန်ထမ်းတွေရဲ့ စွမ်းဆောင်ရည်ကို
လမ်းညွှန်ထိန်းကျောင်းပေးတဲ့ အဓိက အင်ဂျင်တစ်ခု
ဖြစ်ပါတော့တယ်။

21/09/2026

21/09/2026

သောကြာနေ့ ညနေ ၅ နာရီမှာ အိမ်ပြန်ဖို့
အိတ်ဆွဲပြီးမှ.……………..

Manager ဆီက 'Quick Meeting' ဆိုတဲ့
Message ရောက်လာတဲ့အခါ.……………

တစ်ပတ်လုံး ရုန်းကန်ခဲ့ရတဲ့ Working
Professional တွေအတွက် စနေနေ့လေးမှာ
ရယ်မောပေါ့ပါးသွားစေမယ့်အလုပ်ခွင်ထဲက
ကြုံရလေ့ရှိတဲ့ အဖြစ်အပျက် တွေကို Nay
Bagan ကနေ စုစည်းပေးလိုက်ပါတယ်။

အလုပ်လုပ်ဖူးသူတိုင်း အနည်းဆုံး တစ်ချက်
တော့ ငြိဖူးမယ့် Workplace Reality တွေထဲ
ဘယ်နှစ်ခုနဲ့ ကိုက်နေသလဲ ကြည့်ကြည့်ပါဦး။

The "As Per My Last Email" Moment လေး
တွေရှိတတ်ပါတယ်။ သူများအထင်မှာတော့
ကိုယ်က စိတ်အေးလက်အေးနဲ့ အီးမေးလ် ပြန်
ရှင်းပြနေတာဖြစ်ပေမယ့်။ တကယ်ဖြစ်နေတာ
ကတော့ အရင် Email မှာ အကုန် သေချာရေးထား
ပြီးသားလေ... ဘာလို့ သေချာမဖတ်ကြတာလဲ! လို့
စိတ်ထဲက အော်ဟစ်နေရတဲ့အခါတွေရှိတတ်ပါ
တယ်။

Work From Home ကာလတွေ နဲ့ Remote အလုပ်
တွေမှာ ဆိုရင်လည်း The "Camera Off" Meeting
တွေရှိတတ်ပါတယ်။ သူများအထင် မှာတော့ အင်တာ
နက်လိုင်း မကောင်းလို့ Video ပိတ်ပြီး အလေးအနက်
နားထောင်နေတာဖြစ်ပေမယ့် တကယ်ဖြစ်နေတာက
တော့ အိပ်ရာထဲက မထသေးဘဲ အပေါ်က င်္အကျီ
ကောက်စွပ်ပြီး မုန့်စားရင်း ခေါင်းငြိမ့်ပြနေတဲ့အခါ
တွေလဲရှိတတ်ပါတယ်။

The 4:59 PM Dilemma ဆိုတဲ့အချိန်က ညနေ ၄:၅၉
နာရီ။ Shutdown ချဖို့ Mouse ကို ချိန်ထားတုန်း ရောက်
လာတဲ့ ခဏလောက် စကားပြောရအောင် ဆိုတဲ့ စကား
သံ... ရဲ့နောက် အဲ့အချိန်မှာ နှလုံးခုန်နှုန်းက Cardio
ပြေးနေတာထက် ပိုမြန်သွားတာ သဘာဝပါပဲ။

Coffee တခွက်ဖျော်ပြီး မနက် ၉ နာရီ မှာ ဒီနေ့တော့
အလုပ်တွေကို အကုန်ဖြတ်ပစ်မယ် လို့စိတ်ကကြုံးဝါး
ပြီး နေ့လယ် ၂ နာရီ မှာတော့ကော်ဖီ နောက်ထပ်တစ်
ခွက် မသောက်ရရင်မျက်လုံးတွေ ပွင့်တော့မှာ မဟုတ်
ဘူး ဆိုတဲ့အခိုက်အတန့်လေးတွေလဲရှိတတ်ပါတယ်။

💡 Nay Bagan ရဲ့ Weekend Message ကတော့
ဖိအားတွေ၊ Target တွေ၊ Deadline တွေကြားမှာ ရုန်း
ကန်နေရတဲ့ ကြားကနေ ကိုယ့်ကိုယ်ကိုယ် ပြုံးနိုင်အောင်
လုပ်ဆောင်ပေးဖို့လည်း မမေ့ပါနဲ့။ စနေ၊ တနင်္ဂနွေမှာ
စိတ်ရောကိုယ်ပါ အပြည့်အဝ အနားယူ Recharge ထား
မှသာ နောက်တစ်ပတ်မှာ ပိုပြီး တက်ကြွလန်းဆန်းတဲ့
စွမ်းအင်တွေနဲ့ အလုပ်ခွင်ကို ပြန်လည်ရင်ဆိုင်နိုင်မှာပါ။

21/09/2026

Fresher လူငယ် တွေအတွက်
ပထမဆုံး လုပ်ငန်းခွင် ရဲ့
ဆောင်ရန် ရှောင်ရန်များ…….။

ကျောင်းစာသင်ခန်းနဲ့ လက်တွေ့
လုပ်ငန်းခွင်ဆိုတာ ကွဲပြားပါတယ်။
စာမေးပွဲမှာ အမှတ်ကောင်းရုံနဲ့ လုပ်ငန်းခွင်
မှာ အောင်မြင်မယ်လို့ အာမမခံနိုင်ပါဘူး။
အခုမှ စတင် အလုပ်ဝင်မယ့် First-Jobber
လူငယ်တွေအနေနဲ့ ပထမဆုံး ရက် ၉၀ ဖြစ်တဲ့
Probation Periodအတွင်းမှာ Professional
ဆန်ဆန် ရပ်တည်နိုင်စေဖို့ မဖြစ်မနေ လိုက်
နာရမယ့် ဆောင်ရန် ရှောင်ရန်တွေ ကို Nay
Bagan Talent Sourcing ကနေမျှဝေပေး
လိုက်ပါတယ်။

ဆောင်ရန်တွေကတော့ အမြဲ မှတ်စုစာအုပ်
ဆောင်ထားပါ။Senior ဝန်ထမ်းတွေ နဲ့
Manager က အလုပ်သင်ပေးတဲ့အခါ အသေး
စိတ် ချရေးပေးပါ။ အလုပ်တစ်ခုကို အကြိမ်
ကြိမ် ပြန်မေးနေရခြင်းက အာရုံမစိုက်သလို
ဖြစ်စေပါတယ်။

မသိတာကို ဝန်ခံပြီး မေးခွန်းထုတ်ပါ။ Clarify
ပြန်လုပ်ပါ။ မရှင်းလင်းတာရှိရင် ကိုယ့်သဘောနဲ့
ကိုယ် မှန်းမလုပ်ပါနဲ့။ သေချာ မေးမြန်း အတည်
ပြုပြီးမှ စတင်လုပ်ဆောင်ပါ။

အချိန်တိကျမှုနဲ့ ယုံကြည်မှု တည်ဆောက်ပါ။
ရုံးတက်ချိန်မတိုင်မီ ၁၀-၁၅ မိနစ် ကြိုရောက်ပါစေ။
ပေးထားတဲ့ Task တွေရဲ့ Deadline ကို လေးစားပါ။
အချိန်မီ မပြီးနိုင်မယ့် အခြေအနေရှိရင် ကြိုတင်
အသိပေးတဲ့ အလေ့အကျင့် ထားရှိပါ။

နားထောင်မှုနဲ့လေ့လာသင်ယူမှုကို အဓိကထားပါ။
အစပိုင်း ကာလတွေမှာ ကုမ္ပဏီရဲ့ လုပ်ငန်းစဉ်တွေ၊
Culture တွေနဲ့ လူတွေရဲ့ အလုပ်လုပ်ပုံကို အတတ်နိုင်
ဆုံး စူးစိုက်လေ့လာပါ။

ရှောင်ရမယ့်အချက်တွေကတော့ ရုံးတွင်း အတင်း
အဖျင်း ဆိုတဲ့ Office Politics တွေ Gossip တွေ
မှာ ဝင်မပါဝင်ပါနဲ့။ အဖွဲ့အစည်းတိုင်းမှာ အုပ်စုဖွဲ့
တာတွေ၊ လူအချင်းချင်း အဆိုးပြောတာတွေ ရှိ
တတ်ကြပါတယ်။ ဘယ်ဘက်မှ မလိုက်ဘဲ ကိုယ့်
တာဝန်နဲ့ ကိုယ့်အရည်အချင်း တိုးတက်ရေးကိုသာ
အာရုံစိုက်ပါ။

အမှားကို ဖုံးကွယ် တာတွေ ဆင်ခြေပေးတာတွေ
မလုပ်ပါနဲ့။ အလုပ်စဝင်ခါစမှာ အမှားလုပ်မိတာ
သဘာဝကျပါတယ်။ အမှားကို ချက်ချင်း ရိုးရိုး
သားသား အသိပေးပြီး ဒီအမှားကို ဘယ်လို ပြန်
ပြင်ဆင်ရမလဲ ဆိုတဲ့ အဖြေကို ရှာပါ။

ကိုယ့်တာဝန် မဟုတ်တာကိုလဲ လုပ်ကိုင်ဖို့ မငြင်း
ပါနဲ့။ ကိုယ့် Job Description ထဲ မပါပေမဲ့
အဖွဲ့အစည်းအတွက် အရေးကြီးတဲ့ အလုပ်အသေး
အမွှားလေးတွေမှာ ကူညီလုပ်ဆောင်ပေးခြင်းက
ကိုယ့်ကို အဖွဲ့ထဲမှာ အားကိုးရတဲ့ Team Player
တစ်ယောက်အဖြစ် မြင်စေပါတယ်။

ဖုန်းအလွန်အကျွံ သုံးခြင်းကို ရှောင်ပါ။ အလုပ်အား
နေတဲ့ အချိန်မှာ စားပွဲမှာ ထိုင်ပြီး Social Media သုံး
တာတွေ၊ Game ကစားနေတာတွေမလုပ်ပါနဲ့။ အား
လပ်ချိန်တွေမှာ ကုမ္ပဏီအကြောင်း လေ့လာခြင်း နဲ့
အခြားသူတွေကို ကူညီပေးစရာရှိမရှိ မေးမြန်းပေးပါ။

Nay Bagan ရဲ့ အမြင် ကတော့ ပထမဆုံး အလုပ်ခွင်
ဆိုတာ အမှားမရှိ တော်ပြရမယ့် နေရာမဟုတ်ပါဘူး။
သင်ယူလိုစိတ် ဆိုတဲ့ Willingness to Learn နဲ့ ရိုးသား
ကြိုးစားမှု Integrity ကို အကောင်းဆုံး ချပြရမယ့်
စာမျက်နှာသစ်တစ်ခု ဖြစ်ပါတယ်။

အခြေခံကောင်းတွေကို စနစ်တကျ တည်ဆောက်ပြီး
ကိုယ့်ရဲ့ Career ခရီးလမ်းကို ယုံကြည်မှုအပြည့်နဲ့ စတင်
လိုက်ပါတော့။

21/09/2026

"လအနည်းငယ်ကြာ အလုပ်ရှာမရဘဲ
စိတ်ပျက်နေခဲ့တာကနေ... အခုတော့
နိုင်ငံတကာအဆင့်မီ ကုမ္ပဏီကြီးတစ်ခုမှာ
Finance Lead ဖြစ်သွားခဲ့ပါပြီ"

"ကိုယ့်အရည်အချင်းကို ယုံကြည်ပေမဲ့
အင်တာဗျူး အဆင့်ဆင့်မှာ ဘာကြောင့်
မရွေးချယ်ခံရမှန်း မသိဘဲ လမ်းပျောက်
နေခဲ့ဖူးပါတယ်။ ဒါပေမဲ့ Nay Bagan နဲ့
တွေ့ဆုံပြီးတဲ့နောက်မှာတော့..."

ဒီနေ့မှာတော့ Nay Bagan
(Talent Sourcing)
နဲ့ လက်တွဲပြီး ကိုယ့် Career အိပ်မက်ကို
အကောင်အထည်ဖော်နိုင်ခဲ့တဲ့ Candidate
တစ်ဦးရဲ့ စိတ်လှုပ်ရှားဖွယ် အောင်မြင်မှု
ခရီးစဉ်ကို ဝေမျှပေးလိုက်ပါတယ်။

📌 The Challenge (ကြုံတွေ့ခဲ့ရတဲ့အခက်အခဲ):

Finance နယ်ပယ်မှာ လုပ်သက် ၅ နှစ်
ကျော် အတွေ့အကြုံရှိပြီး ကျွမ်းကျင်မှု
ပြည့်ဝပေမယ့်CV Format က ရိုးရိုးတာဝန်
တွေပဲဖော်ပြထားပြီးတော့ လုပ်ငန်းရလဒ်
Achievements ကို ထင်ဟပ်မှု မရှိတာ
တွေ။

Competency-Based နဲ့ Panel Interview
တွေမှာ ကိုယ့်ရဲ့ တန်ဖိုးကို စနစ်တကျ
မချပြနိုင်တာတွေ။

စိတ်ဖိစီးမှုတွေကြောင့် အလုပ်လျှောက်လွှာ
တွေကို ရမ်းသမ်း ပေးပို့နေရတာတွေ စတဲ့
စိန်ခေါ်မှုတွေနဲ့ ရင်ဆိုင်နေခဲ့ရပါတယ်။

💡 Nay Bagan's Approach (Nay Bagan ရဲ့
ပံ့ပိုးကူညီမှု)

CV Structure Positioning ပိုင်းမှာ တာဝန်တွေ
ကိုပဲ ရေးထားတဲ့ ပုံစံဟောင်းကနေ ကိန်းဂဏန်းနဲ့
ရလဒ်တွေကို အခြေခံတဲ့ Executive-level CV
အဖြစ် ပြန်လည် အဆင့်မြှင့်တင်ပေးခဲ့ပါတယ်။

Tailored Interview Coaching အဖြစ် အင်တာ
ဗျူးမှာ ကြုံတွေ့ရမယ့် STAR Method မေးခွန်း
များတွေနဲ့ Leadership Competency တွေကို
ယုံကြည်မှုရှိရှိ ဖြေဆိုနိုင်ဖို့ရန် ကြိုတင် Mock
Interview နဲ့ လေ့ကျင့်ပေးခဲ့ပါတယ်။

The Right Matchmaking အဖြစ် ကုမ္ပဏီရဲ့
Culture နဲ့ လိုအပ်တဲ့ Leadership စံနှုန်းတွေနဲ့
ကိုက်ညီတဲ့ ထိပ်တန်း ကော်ပိုရိတ်ကြီးတစ်ခုရဲ့
Finance Team Lead နေရာကို တိုက်ရိုက် ချိတ်
ဆက် ပေးပို့နိုင်ခဲ့ပါတယ်။

🎉 The Result ရလဒ် အနေနဲ့ Interview ၂ ဆင့်
ဖြေဆိုပြီးနောက် မှာ မျှော်မှန်းထားတဲ့ လစာခံစား
ခွင့်ထက် ၂၅% ပိုမိုမြင့်မားသည့် Offer ဖြင့်
အလုပ်ခန့်အပ်ခြင်း ခံခဲ့ရပါတယ်။

"Nay Bagan က သာမန် Agent တွေလို CV
လှမ်းပို့ပေးရုံတင် မဟုတ်ပါဘူး။ အားနည်းချက်
တွေကို သေချာဆွေးနွေးပေးပြီး အကောင်းဆုံး
အနေအထားနဲ့ Interview ဝင်နိုင်အောင် လမ်းပြ
ပေးခဲ့လို့ အခုလို နေရာကောင်းတစ်ခု ရောက်ခဲ့ရ
တာပါ။ အထူးကျေးဇူးတင်ပါတယ်!
Finance Team Lead

🌟 Nay Bagan ရဲ့ ကတိကဝတ် ကတော့ လူတစ်
ယောက်ကို အလုပ်တစ်ခု ရရှိစေရုံ သက်သက်မဟုတ်
ဘဲ အလုပ်ရှင်ရော အလုပ်ရှာဖွေသူပါ နှစ်ဦးနှစ်ဖက်
ရေရှည် အဆင်ပြေစေမယ့် "Right Person in the
Right Place" ဖြစ်စေရန် အမြဲ အလေးထား ဆောင်
ရွက်လျက် ရှိပါတယ်။

💼 ကိုယ့်ရဲ့ Career မှာ နေရာမှန်ဆီ အရောက်လှမ်း
နိုင်ဖို့ အကူအညီ လိုအပ်နေပါသလား?

မိတ်ဆွေတို့ လုပ်ငန်းအတွက် စိတ်ချယုံကြည်ရတဲ့Top
Talents တွေကို ရှာဖွေနေပါသလား?

📩 Nay Bagan (Talent Sourcing) ကို ယခုပဲ
ဆက်သွယ် တိုင်ပင်နိုင်ပါတယ်။

📧 Email: [[email protected]]
📞 Hotline: [09 4 222 88 703, 09 4 222 88 734]

16/09/2026

လူငယ်တွေအတွက် အချိန်ကို
အကျိုးအရှိဆုံး အသုံးချနိုင်မယ့်
Time Management ……………။

အချိန်ဆိုတာ လူတိုင်းအတွက် ၂၄ နာရီ
တန်းတူရထားတဲ့ တစ်ခုတည်းသော အရင်း
အနှီးဖြစ်ပါတယ်။

လူငယ်တော်တော်များများမှာ ပန်းတိုင်တွေ၊
အိပ်မက်တွေ ရှိကြပေမဲ့ Social Media သုံး
တာ၊ အချိန်ဆွဲတာ Procrastination နဲ့ ဦးစား
ပေး မခွဲခြားတတ်တာတွေကြောင့် အချိန်တွေ
အလဟဿ ကုန်ဆုံးသွားတတ်ပါတယ်။
အချိန်ကို စနစ်တကျ မစီမံနိုင်ရင် အချိန်ရဲ့
စီမံခန့်ခွဲမှုကို ကိုယ်တိုင် ပြန်လည် ခံရပါ
လိမ့်မယ်။

ဒီနေ့မှာတော့ Nay Bagan ကနေပြီး လူငယ်
တိုင်း နေ့စဉ်ဘဝနဲ့ Career မှာ အချိန်ကို စနစ်
တကျအသုံးချနိုင်မယ့် လက်တွေ့ကျတဲ့ Time
Management မဟာဗျူဟာ တွေကို မျှဝေပေး
လိုက်ပါတယ်။

ပထမဦးဆုံးနည်းလမ်းကတော Eisenhower
Matrix နည်းနဲ့ Prioritization သတ်မှတ်ပြီး
ဦးစားပေး ရမယ့်အရာတွေကိုခွဲခြားတဲ့နည်းပါ။
အရေးကြီးမှုနဲ့ အရေးတကြီး လိုအပ်မှုအပေါ်
မူတည်ပြီး အကွက် ၄ ကွက် ခွဲခြားနိုင်ပါတယ်။

အရေးကြီးပြီး တော့ အရင်စလိုအမြန် လုပ်ရ
မယ့်အရာတွေကိုတော့ Do First အကွက်မှာထား
ပြီး Deadline ကပ်နေသည့် ပရောဂျက်တွေ၊
စာမေးပွဲပြင်ဆင်မှုတွေပါဝင်ပါမယ်။

အရေးကြီးပေမယ့် လည်း အရင်စလိုမဟုတ်
တာတွေကိုတော့ Schedule အကွက်ထဲထည့်ရ
ပါမယ်။ကိုယ်ကာယလေ့ကျင့်ခန်းတွေ၊ အင်္ဂလိပ်
စာလေ့လာခြင်းတွေ၊ စာအုပ်ဖတ်ခြင်း တွေ လို
မျိုး ရေရှည် ဘဝတိုးတက်ရေးအတွက် အဓိက
ကျတဲ့အရာတွေပါဝင်ပါတယ်။

အရေးမကြီးပေမယ့်လည်း အရင်စလို ဖြစ်နေ
တဲ့ကိစ္စတွေကိုတော့ Delegate တို့ Minimize တို့
လုပ်ရပါလိမ့်မယ်။ အရေးမပါတဲ့ ဖုန်းခေါ်ဆိုမှု
တွေနဲ့၊ ကြားဖြတ်အလုပ်တွေလိုမျိုး ကိစ္စတွေကို
ပေါ့။

အရေးလည်းမကြီး၊ အရင်စလိုလည်း မဟုတ်တာ
တွေကိုတော့ Eliminate အကွက်ထဲထည့်ရပါလိမ့်
မယ်။အချိန်ကုန်စေတဲ့ Game ကစားတာတွေ၊
Social Media အလွန်အကျွံ သုံးတာတွေကိုတော့
လုံးဝ ဖြတ်ထုတ်ဖို့လိုပါတယ်။

နောက်တစ်နည်းကတောဘ Pomodoro နည်းစနစ်
ပါ။Focus လုပ်သင့်တဲ့အချိန်လုပ်ပြီး Rest ဆိုတဲ့
နားသင့်တဲ့အချိန်နားတာပါ။အာရုံစူးစိုက်မှု အမြင့်
ဆုံးရစေဖို့၂၅ မိနစ်တိတိ ဖုန်းမကြည့်ဘဲ အလုပ်
တစ်ခုတည်းကို အာရုံစိုက်လုပ်ပြီး ၅ မိနစ် အနားယူ
တဲ့နည်းပါ။ ၄ ကြိမ် ပြည့်ရင်တော့ မိနစ် ၂၀ ခန့်
အနားယူပေးတာပါ။ ဒီနည်းကတော့ စိတ်ပင်ပန်းမှု
မရှိဘဲနဲ့ အလုပ်ပြီးမြောက်မှုကို ၂ ဆ တိုးတက်စေ
ပါတယ်။

Eat That Frog ဆိုတဲ့ အခက်ဆုံးအလုပ်ကို မနက်
ခင်းမှာ အရင်လုပ်တဲ့နည်းကလဲအသုံးဝင်ပါတယ်။
မနက်အိပ်ယာ နိုးချိန်မှာ ဦးနှောက်စွမ်းအင် အလတ်
ဆတ်ဆုံး အချိန်ဖြစ်တာကြောင့် စိတ်ဖိစီးမှုအများ
ဆုံး သို့မဟုတ် အခက်ခဲဆုံး အလုပ်တစ်ခုကို မနက်
ပိုင်းမှာ ပြီးပြတ်အောင် အရင်လုပ်ပါ။ ဤအလုပ်ပြီး
သွားရင်တော့ တစ်နေ့တာလုံး ပေါ့ပါးပြီး ယုံကြည်မှု
အပြည့်နဲ့ ကျန်အလုပ်တွေကို ဆက်လက်လုပ်ဆောင်
နိုင်မှာပဲ ဖြစ်ပါတယ်။

"No" လို့ပြောရဲတဲ့ ငြင်းဆိုရဲတဲ့ သတ္တိကို မွေးမြူ
ရပါမယ်။ကိုယ့်ရဲ့ အရေးကြီးတဲ့ ရည်မှန်းချက်တွေ
ဆီကနေ အာရုံလွှဲသွားစေမယ့် မလိုအပ်တဲ့ ချိန်းဆို
မှုတွေ၊ အကျိုးမရှိတဲ့ ပါတီပွဲတွေနဲ့ အချိန်ဖြုန်းစေ
တဲ့ ကိစ္စရပ်တွေကို ယဉ်ကျေးစွာ ငြင်းဆိုတတ်ရပါ
မယ်။ တစ်ဖက်လူကို အမြဲ အားနာနေခြင်းက ကိုယ့်
ဘဝရည်မှန်းချက်ကို စွန့်လွှတ်နေခြင်းနဲ့ အတူတူပဲ
ဖြစ်ပါတယ်။

Nay Bagan ရဲ့ အမြင် ကတော့ အချိန်ကို စီမံခန့်ခွဲ
ခြင်းဆိုတာ အလုပ်တွေချည်း အတင်းဖိလုပ်နေတာ
မဟုတ်ပါဘူး။ ကိုယ့်ဘဝအတွက် တကယ်တန်ဖိုးရှိ
တဲ့ အရာတွေအပေါ်မှာပဲအာရုံစိုက်နိုင်အောင် ကိုယ့်
ကိုကိုယ် စည်းကမ်းတကျ စီမံခြင်းပဲ ဖြစ်ပါတယ်။

ကဲဒီနေ့ကစပြီး အချိန်ကို အကျိုးရှိရှိ ထိန်းချုပ်ပြီး
ကိုယ့်အနာဂတ်ကို စနစ်တကျ တည်ဆောက်လိုက်
ပါတော့နော်။

16/09/2026

Procrastination ဆိုတဲ့ အချိန်ဆွဲတာ ကို
ဖျောက်ဖျက်ပစ်နိုင်မယ့် လက်တွေ့ကျတဲ့
နည်းလမ်း ၄ သွယ်………………………..။

ဒီနေ့ လုပ်ရမယ့် အလုပ်ကို မနက်ဖြန်
ရွှေ့တယ်၊ နောက်ဆုံး Deadline ကပ်
လာတော့မှ ကမန်းကတန်း ကုန်းရုန်း
လုပ်ပြီး စိတ်ဖိစီးမှုတွေ ဖြစ်နေရတယ်
ဆိုရင်တော့……………...။

လူအများစု ထင်ထားသလို Procrastination
ဆိုတဲ့ အချိန်ဆွဲခြင်း ဟာ ပျင်းရိလို့ ဖြစ်တာ မ
ဟုတ်ပါဘူး။ အလုပ်တစ်ခုကို စတင်ဖို့ ကြောက်
ရွံ့တာ၊ အမှားမခံနိုင်ဘဲ အပြစ်အနာအဆာကင်း
ချင်လွန်းတဲ့ Perfectionism နဲ့ အလုပ်ပမာဏ
အရမ်းကြီးမားနေသလို ခံစားရတာတွေကြောင့်
စိတ်ခံစားမှုက ရှောင်လွှဲဖို့ ကြိုးစားနေခြင်းပဲ
ဖြစ်ပါတယ်။

Nay Bagan ကနေ အချိန်ဆွဲတတ်တဲ့ အလေ့
အကျင့်ဆိုးကို ချက်ချင်း ဖောက်ထွက်နိုင်မည့်
စိတ်ပညာအခြေခံ လက်တွေ့နည်းလမ်း ၄ ချက်
ကို လူငယ်တွေအတွက် မျှဝေပေးလိုက်ပါတယ်။

ပထမဦးဆုံး နည်းလမ်းကတော့ 5-Second Rule
ပါ။အလုပ်တစ်ခု စလုပ်ဖို့ စိတ်ထဲ ပေါ်လာတာနဲ့
မတွေးတောပါနဲ့။ ဦးနှောက်က ဆင်ခြေ မထုတ်ခင်
၅ မိနစ်အတွင်း ထိုင်ရာကနေ ချက်ချင်း ထလုပ်ပါ။
ဦးနှောက်ကို အချိန်မပေးဘဲ ချက်ချင်း Action ယူ
လိုက်တာဟာ အချိန်ဆွဲခြင်းကို ဖြိုခွဲဖို့ အမြန်ဆုံး
နည်းလမ်း ဖြစ်ပါတယ်။

နောက်တစ်နည်းကတော့ 2-Minute Rule ကို ကျင့်
သုံးရပါမယ်။အလုပ်တစ်ခုက ၂ မိနစ်အတွင်း ပြီး
မြောက်နိုင်တဲ့ ကိစ္စဖြစ်နေရင် ဥပမာ အီးမေးလ် ပြန်
ပို့တာတွေ၊ အဝတ်ခေါက်၊ စာအုပ်သိမ်းတာတွေကို
နောက်မှလုပ်မယ်လို့ ဘယ်တော့မှ မရွှေ့ပါနဲ့၊ အခု
ချက်ချင်း ပြီးအောင် လုပ်လိုက်ပါ။ သေးငယ်တဲ့ အ
လုပ်တွေ စုပုံမလာတော့ရင် စိတ်ဖိစီးမှုလည်း မရှိ
တော့ပါဘူး။

အလုပ်ကြီးကို အပိုင်းသေးသေးလေးတွေ ခွဲပစ်ပါ။
စာတမ်းတစ်စောင်လုံး ပြီးအောင် ရေးမယ် ဒါမှမဟုတ်
Report အကြီးကြီး တစ်ခုလုံး အပြီးသတ်မယ် လို့
တွေးရင် ဦးနှောက်က ထိတ်လန့်ပြီး အလုပ်စဖို့ ဝန်
လေးသွားတတ်ပါတယ်။ အဲ့ဒီအစား ဒီနေ့တော့ အ
ကြမ်းဖျင်း Outline ၁ မျက်နှာပဲ ရေးမယ် သို့မဟုတ်
Data ၂ ခုပဲ စာရင်းသွင်းမယ် စသဖြင့် အလွယ်တကူ
စတင်နိုင်တဲ့ အဆင့်သေးသေးလေးတွေအဖြစ် ခွဲထုတ်
လိုက်ပါ။ စတင်လိုက်နိုင်ပြီဆိုတာနဲ့ အရှိန် အဟုန်ဆို
တဲ့ Momentum ရလာပါလိမ့်မယ်။

ပြီးပြည့်စုံချင်စိတ်ကို လျှော့ချပါ။ Done is Better
than Perfect ပါ။အစစအရာရာ ပြီးပြည့်စုံမှ စတင်
မယ်ဆိုတဲ့ စိတ်ထားက အချိန်ဆွဲခြင်းရဲ့ အကြီးမားဆုံး
အကြောင်းရင်း ဖြစ်ပါတယ်။အစပိုင်းမှာ ညံ့ဖျင်းနေပါ
စေ၊ အဓိကက ပြီးစီးအောင် စတင်လိုက်ဖို့ သာ အရေး
ကြီးပါတယ်။ စတင်ပြီးမှသာ အမှားတွေကို ပြင်ဆင်ပြီး
တဖြေးဖြေးချင်းအဆင့်မြှင့်တင်သွားလို့ ရပါတယ်။

တစ်နှစ်အကြာမှာ သင် ဖြစ်ချင်တဲ့ ပန်းတိုင်တစ်ခုဆီ
ရောက်ဖို့အတွက် အကောင်းဆုံးအချိန်ဟာ လွန်ခဲ့တဲ့
တစ်နှစ်က' ဖြစ်ပေမဲ့၊ ဒုတိယ အကောင်းဆုံးအချိန်က
တော့ ဒီနေ့ ဒီအချိန် ပဲ ဖြစ်ပါတယ်။

ဒါကြောင့် အနာဂတ်ကို ရွှေ့ဆိုင်းနေမယ့်အစား ဒီနေ့
သေးငယ်တဲ့ ခြေလှမ်းလေးကနေ အခုပဲ စတင်လိုက်ပါ။

10/09/2026

လူငယ်နဲ့ယဉ်ကျေးခြင်း

လုပ်ငန်းခွင်ဝင်မယ့် လူငယ်တွေ
ပညာတတ်ရုံ Degree ရရုံနဲ့ မပြည့်စုံ
သေးပါဘူး.…..

လူငယ်တစ်ယောက်ရဲ့ စစ်မှန်တဲ့
တန်ဖိုးကို မြှင့်တင်ပေးတဲ့ ယဉ်ကျေးခြင်း
အကြောင်းကို Nay Bagan ကနေ မျှဝေ
ပေးလိုက်ပါတယ်။

လူတစ်ယောက်ရဲ့ အဆင့်အတန်းကို
သူ တစ်ပါးအပေါ် ဆက်ဆံတဲ့ ယဉ်ကျေး
ပျူငှါမှု နဲ့ တိုင်းတာနိုင်ပါတယ်။

ဒီနေ့ခေတ် လူငယ်တွေဟာ နည်းပညာတွေ
ထွန်းကားလာတာနဲ့အမျှ အသိပညာ၊
အတတ်ပညာပိုင်းမှာ အရင်ခေတ်တွေထက်
အဆပေါင်းများစွာ ပိုမို ထက်မြက်လာကြပါတယ်။
ဒါဟာ ဂုဏ်ယူစရာ ကောင်းတဲ့ အချက်တစ်ခုပါ။
ဒါပေမဲ့ တစ်ပြိုင်နက်တည်းမှာပဲ အချို့လူငယ်တွေ
ဆီမှာ အရည်အချင်းတွေ ရှိနေပါလျက်နဲ့
အပြောအဆို၊ အနေအထိုင်နဲ့ အပြုအမူဆိုင်ရာ
ယဉ်ကျေးသိမ်မွေ့မှု Politeness & Civility
လျော့ပါးလာတာကို တွေ့မြင်နေရပါတယ်။

တကယ်တမ်းမှာတော့ ယဉ်ကျေးခြင်းဆိုတာ
ခေတ်နောက်ကျတဲ့ အယူအဆ မဟုတ်ပါဘူး။
လူငယ်တစ်ယောက် ဘယ်နေရာကိုပဲရောက်ရောက်
လူချစ်လူခင်ပေါများပြီး နေရာတစ်ခုကို ခိုင်မာစွာ
ရရှိစေမည့် အမြင့်မားဆုံးကိုယ်ရည်ကိုယ်သွေး
Character Asset တစ်ခု ဖြစ်ပါတယ်။

နှုတ်အရာ ယဉ်ကျေးခြင်း Verbal Politeness
ဆိုတဲ့ စကားပြောဆိုရာမှာ အသံအနေအထားကို
လိုအပ်တာထက် ပိုမိုကျယ်လောင်စွာ မပြောဘဲ
ချိုသာအေးဆေးစွာ ပြောဆိုပြီး "ကျေးဇူးတင်ပါတယ်"၊
"တောင်းပန်ပါတယ်" နဲ့ "ခွင့်ပြုပါခင်ဗျာ/ရှင့်" စတဲ့
ရိုးရှင်းလှတဲ့ စကားလုံးလေးတွေကို နေ့စဉ်
အလေ့အကျင့်အဖြစ် သုံးစွဲပါ။ အထူးသဖြင့်
စားသောက်ဆိုင် ဝန်ထမ်းတွေ၊ ယာဉ်မောင်းတွေနဲ့
ကိုယ့်ထက် အဆင့်နိမ့်တယ်လို့ ထင်ရသူတွေအပေါ်
ဆက်ဆံတဲ့ အခါမှာ နှုတ်အမူအရာက ကိုယ့်ရဲ့
စိတ်ဓာတ်အဆင့်အတန်းကို ပြသပါတယ်။

ကိုယ်အမူအရာ ယဉ်ကျေးခြင်း ဆိုတဲ့ Manners နဲ့
Etiquette အရေးကြီးပါတယ်။ လူကြီးသူမ ရှေ့
ဖြတ်သွားတဲ့အခါ ကိုယ်ကို အနည်းငယ် ကိုင်းညွှတ်
သွားတာတွေ၊ တံခါးဖွင့်ဝင်တဲ့အခါ နောက်ကပါလာသူ
အတွက် တံခါးကို ခေတ္တ ထိန်းပေးထားတာတွေ၊
အများပြည်သူသုံး နေရာများတွေမှာ နေရာဦးခြင်း
မပြုဘဲ တန်းစီစနစ်ကို လေးစားခြင်းစတာတွေဟာ
လူငယ်တစ်ဦးရဲ့စည်းကမ်းရှိမှုနဲ့ စာနာတတ်မှုကို
ဖော်ပြတဲ့ အပြုအမူကောင်းတွေဖြစ်ပါတယ်။

အခုခေါတ်မှာတော့ ဒစ်ဂျစ်တယ်လောက ယဉ်ကျေး
ခြင်း ဆိုတဲ့ Digital Civility ပိုလိုအပ်လာပါတယ်။
လူချင်း မျက်နှာချင်းမဆိုင်ရတဲ့ Social Media ပေါ်မှာ
အဆိုးမြင်စကားတွေ၊ ရိုင်းစိုင်းတဲ့ အသုံးအနှုန်းတွေနဲ့
Cyberbullying ပြုလုပ်တာတွေ ရှောင်ကြဉ်ဖို့လိုပါတယ်။

ယဉ်ကျေးခြင်းရဲ့ အခြေခံအုတ်မြစ်ဟာ သူတစ်ပါး
အပေါ် စာနာနားလည်ပေးနိုင်တဲ့ စိတ်ထား Empathy
ဖြစ်ပါတယ်။ တစ်ဖက်လူရဲ့ အားနည်းချက် နဲ့ မတူ
ကွဲပြားတဲ့ အမြင်တွေကို လှောင်ပြောင် သရော်ခြင်း
မပြုဘဲ တန်ဖိုးထား နားထောင်ပေးတတ်ခြင်းက
အဆင့်အမြင့်ဆုံးသော ယဉ်ကျေးခြင်း ဖြစ်ပါတယ်။

ပညာရပ်တွေက အခွင့်အလမ်းတွေဆီကို အရောက်
ပို့ပေးနိုင်ပေမယ့်လည်း၊ ယဉ်ကျေးသိမ်မွေ့မှုကသာ
အဲ့ဒီတံခါးကို အမြဲ ဖွင့်ထားပေးနိုင်မှာပါ။

အရည်အချင်းနဲ့ ယဉ်ကျေးခြင်း ပေါင်းစပ်ထားတဲ့
လူငယ်တစ်ဦးက မိသားစု၊ လူ့အဖွဲ့အစည်းနဲ့ လုပ်ငန်း
ခွင်တိုင်းအတွက် မရှိမဖြစ် တန်ဖိုးထားခံရတဲ့Top Talent
အဖြစ် အမြဲတမ်း တောက်ပနေမှာပဲဖြစ်ပါတော့တယ်။

10/09/2026

Exit Interview မှာဘာတွေမေးသင့်လဲ?

Exit Interview မှာ ဝန်ထမ်းတွေ
ထွက်ရတဲ့ အကြောင်းရင်းမှန်ကို
ဖော်ထုတ်ရန်နဲ့ အဖွဲ့အစည်း တိုး
တက်စေရန် မေးသင့်တဲ့ မရှိမဖြစ်
မေးခွန်း ၅ မျိုးကို BMI ကနေပြီး
မျှဝေပေးလိုက်ပါတယ်။

ပထမဦးဆုံးမေးရမှာကတော့
Primary Reason ဖြစ်တဲ့ ထွက်
ရတဲ့ အဓိက အကြောင်းရင်း ပါပဲ။
အလုပ်သစ်ရှာဖို့ ဘာက အဓိက
တွန်းအားဖြစ်စေခဲ့တာလဲ? ဆိုတာရယ်
အလုပ်အသစ်မှာ လက်ရှိကုမ္ပဏီက
မပေးနိုင်တဲ့ ဘယ်လို အခွင့်အလမ်းတွေ
ရရှိသွားတာလဲ? ဆိုတာရယ်မေးရမှာပါ။

ဒုတိယအနေနဲ့ကတော့ ရာထူးနဲ့ တာဝန်
အပေါ် စိတ်ကျေနပ်မှု Role & Growth
အကြောင်းပါ။ အလုပ်လုပ်နေစဉ်အတွင်း
ကိုယ့်ရဲ့ အရည်အချင်းတွေကို အပြည့်အဝ
အသုံးချနိုင်ခဲ့တယ်လို့ ခံစားရလား? ဆိုတာ
ရယ် ရာထူးတိုးတက်ဖို့ အခွင့်အလမ်းတွေ
လုံလုံလောက်လောက် ရှိခဲ့ရဲ့လား? ဆိုတာ
ရယ်ပါ။

စီမံခန့်ခွဲမှုနဲ့ အထက်လူကြီး ဆက်ဆံရေး
Management & Culture ကတော့ တတိယ
မြောက်မေးသင့်ပါတယ်။ ကိုယ့်ရဲ့ Direct
Manager ဆီကနေ လိုအပ်တဲ့ ပံ့ပိုးမှု၊ လမ်း
ညွှန်မှုနဲ့ တိကျတဲ့ Feedback တွေ ပုံမှန် ရရှိ
ခဲ့ရဲ့လား? ဆိုတာမေးသင့်ပါတယ်။

လုပ်ငန်းခွင် ပတ်ဝန်းကျင်နဲ့ အဆင်ပြေမှု ဆို
တဲ့ Workplace Environment ကိုလဲမေးရမှာ
ပါ။အလုပ်လုပ်ဖို့ လိုအပ်တဲ့ Tools တွေ၊ အရင်း
အမြစ်တွေ အပြည့်အစုံ ရခဲ့ရဲ့လား? ဆိုတာရယ်
ရုံးတွင်း ပူးပေါင်းဆောင်ရွက်မှုနဲ့ Culture ပိုင်းမှာ
ဘာတွေ တိုးတက်လာသင့်တယ်လို့ မြင်လဲ? ဆို
တာရယ်မေးသင့်ပါတယ်။ အရေးကြီးပါတယ်။

အကြံပြုချက်နဲ့ ရှေ့ဆက်ရန် အခြေအနေ Future
Recommendation အနေနဲ့ ဒီကုမ္ပဏီမှာ အခြားသူ
တွေကို အလုပ်လုပ်ဖို့ တိုက်တွန်း အကြံပြုလိုပါ
သလား? ဆိုတာနဲ့နောင်တစ်ချိန်မှာ အခြေအနေပေးရင်
ဒီကုမ္ပဏီကို ပြန်လာလုပ်ဖို့ စိတ်ကူးရှိမလား? ဆိုတာကို
တော့ နောက်ဆုံးမေးသင့်ပါတယ်။

ရရှိလာတဲ့အဖြေအပေါ်မှာမူတည်ပြီး ဆက်လက်ဆောင်
ရွက်စရာရှိတာတွေကို ဆောင်ရွက်နိုင်ပါတယ်။