စိမ်းလန်းစိုပြေ မြေယာရှူခင်းနှင့်စိုက်ပျိုးရေးဝန်ဆောင်မှုလုပ်ငန်း

29/09/2025

Indoor Plants

18/09/2025

Dendro Variegated
အပင်အုံကောင်းကောင်း
တပင် 19500
(၅)ပင် 19000
(၁၀)ပင် 18500

☎️09965027456

08/07/2025

06/07/2025

ဒီနေ့မှာတော့ နနွင်းမှုန့်က အပင်တွေအတွက် အံ့ဩစရာ အသုံးဝင်ပုံလေးတွေကို မျှဝေပေးချင်ပါတယ် 🌿💦

နနွင်းမှုန့်ဟာ ချက်ပြုတ်ရာမှာသာမက ဥယျာဉ်စိုက်ပျိုးရာမှာလည်း အရမ်းအသုံးဝင်ပါတယ်။ အများအားဖြင့် နနွင်းမှုန့်ကို တစ်မျိုးတည်း (အမှုန့် ဒါမှမဟုတ် ဖျန်းဆေး) အဖြစ်သုံးလေ့ရှိပေမယ့် တစ်ခါတလေ အခြားသဘာဝပစ္စည်းတွေနဲ့ ရောစပ်ပြီးလည်း အသုံးပြုပါတယ်။ ဓာတုပိုးသတ်ဆေးနဲ့ ဓာတ်မြေသြဇာတွေကို ရှောင်ရှားချင်တယ်ဆိုရင် နနွင်းမှုန့်ဟာ သဘာဝနည်းနဲ့ ထိရောက်တဲ့ အစားထိုးတစ်ခုဖြစ်ပါတယ်💚

၁။ ပုရွက်ဆိတ်နိုင်ဆေး
ပန်းဥယျာဉ်အတွက် ပန်းအိုးတွေ၊ မြေကြီးထဲမှာ ပုန်းအောင်းနေတတ်တဲ့ ပုရွက်ဆိတ်တွေဟာအနှောင့်အယှက်ဖြစ်စေပေမယ့် နနွင်းရဲ့အနံ့က သူတို့ကို ဖယ်ရှားပေးနိုင်ပါတယ်။ အပင်တွေနဲ့ မြေပြင်ပေါ်ကို နနွင်းမှုန့်အနည်းငယ်ဖြူးပေးပါ။ နည်းနည်းနဲ့ပဲ လုံလောက်ပါတယ် 🌱

၂။ သဘာဝပိုးသတ်ဆေး
နနွင်းကို သဘာဝပိုးသတ်ဆေးအဖြစ်လည်း အသုံးပြုနိုင်ပါသေးတယ်။ နနွင်းမှုန့်ကို အပင်ရဲ့အောက်ခြေမှာ ဖြူးထားပေးလိုက်မယ်ဆိုရင် ဟင်းသီးဟင်းရွက်နဲ့ ပန်းပင်တွေကို ကိုက်ဖြတ်စားသောက်တတ်တဲ့ ပိုးမွှားများရဲ့ အန္တရာယ်ကို ရှောင်ရှားနိုင်မှာ ဖြစ်ပါတယ် 🐛

၃။ အပင်မှိုရောဂါ
နနွင်းက အပင်မှိုရောဂါတွေကို ကာကွယ်ပေးပါတယ်။နနွင်းမှုန့် (၂ လက်ဖက်ရည်ဇွန်း) + ရေ (၁ လီတာ) ရောပြီး တစ်ပတ်တစ်ကြိမ် ဖျန်းပေးသင့်ပါတယ် 🍃

၄။ အရွက်အမည်းစက်
အရွက်ပေါ်က အမည်းစက်တွေအတွက် နနွင်းဖျန်းဆေး အရမ်းအသုံးဝင်ပါတယ်။
နနွင်းမှုန့် (၂ ဇွန်း) + ရေ (၁ လီတာ) ရောစပ်ပြီး အရွက်အမည်းစက် ဖြစ်နေတဲ့ နေရာတွေကို ဖျန်းပေးပါ 🪴

၅။ အရွက်ဖြူမှိုရောဂါ
အရွက်တွေမှာ မှိုအဖြူတွေ ကပ်နေမယ်ဆိုရင်တော့ နနွင်းမှုန့်ကို နို့၊ ရှလကာရည်နဲ့ရောပြီး မှိုဖြူတွေကို နှိမ်နင်းနိုင်ပါတယ်။ နနွင်းမှုန့် (၂ ဇွန်း) + နွားနို့ (၁၀၀ မီလီ) + ရှလကာရည် (၂ ဇွန်း) + ရေ (၁ လီတာ) ရောပြီး၁၀ရက်တစ်ကြိမ် ဖျန်းပေးရပါမယ်☘️

၆။ နှင်းဆီရိုး ခြောက်သွေ့မှု
နှင်းဆီကိုင်းဖြတ်ပြီး ညိုမဲခြောက်သွေ့သွားတာတွေအတွက် နနွင်းအနှစ်သုပ်လိမ်းပေးနိုင်ပါတယ်။ နနွင်းနဲ့ ရေရောပြီး အနှစ်လုပ်ကာ နှင်းဆီကိုင်း ဖြတ်ထားတဲ့နေရာမှာ လိမ်းပေးပါ 🥀

၇။ အမြစ်ပုပ်ရောဂါ
မြေဆီလွှာထဲ နနွင်းထည့်ပေးခြင်းဖြင့် အမြစ်ပုပ်ရောဂါကို တားဆီးနိုင်ပါတယ်။ အိုးစိုက်အပင်ဆိုရင် မြေဆီ (၅ လီတာ) + နနွင်း (၁ ဇွန်း) ရောပါ။
မြေကြီးစိုက်ဆိုရင် ရေ (၁ လီတာ) + နနွင်း (၁ ဇွန်း) ရောလောင်းပေးပါ 🌿

၈။ အပင်ဒဏ်ရာ
နနွင်းရဲ့ စွမ်းရည်က အပင်ဒဏ်ရာတွေကို ကုသပေးနိုင်ပါတယ်။ နနွင်းနဲ့ ရေရောပြီး အနှစ်လုပ်ကာ ဒဏ်ရာပေါ်လိမ်းပြီး အပေါ်ကနေ အစေးကပ်တံနဲ့ အုပ်ပေးပါ 🌱

၉။ အမြစ်ကြီးထွားမှု
နနွင်းဟာ အမြစ်ဟော်မုန်းလိုပဲ အမြစ်ဖြစ်ထွန်းမှုကို အားပေးပါတယ်။ အမြစ်ဖြတ်စိုက်တဲ့အခါ မြေကြီးထဲ နနွင်း (၁ ဇွန်း) ထည့်ပေးခြင်းဖြင့် အမြစ်များ ကြီးထွားမှုကို အားပေးပါတယ် 🫜

ဒီနနွင်းသုံးနည်းလေးတွေနဲ့ သဘာဝနည်းကျကျန်းမာတဲ့ ဥယျာဉ်လေးကို ဖန်တီးထိန်းသိမ်းဖို့ တစ်ဖက်တစ်လမ်းက အထောက်အကူပြုနိုင်မယ်လို့ မျှော်လင့်ပါတယ်
** #ဓာတုဆေးတွေမလိုတဲ့ သဘာဝဥယျာဉ်** 🌱💛

04/07/2025

🌱 လွယ်လင့်တကူ ကိုင်းဖြတ်ပျိုးနိုင်တဲ့ အပင်များ

၁။ ရွှေလာငွေလာ (Pathos) ရေထဲမှာ အမြစ်ထွက်လွယ်လို့ အလွယ်တကူ ပွါးနိုင်ပါတယ်

၂။ ကတ္တီပါရွက်လှ (Coleus) အရောင်စုံ ကတ္တီပါရွက်လှပင်တွေဟာ အရိုးအဆစ်တိုင်းမှာ အမြစ်ထွက်နိုင်လို့ အကိုင်းလေးတွေကို ချိုးပြီး ရေ (သို့) မြေထဲမှာ ထိုးစိုက်ပွါးနိုင်ပါတယ်

၃။ African Violet အရွက်လေးကနေ အပင်သစ်ဖြစ်ဖို့ လွယ်ကူတဲ့ အပင်အမျိုးအစား ဖြစ်ပါတယ်

၄။ English Ivy အင်္ဂလိပ်အိုင်ဗွီနွယ်ပင်လေးတွေကို ဖြတ်ပြီး ပျိုးထားရုံနဲ့ အပင်သစ်လေးတွေ အများကြီး ပွါးလို့ ရပါပြီ

၅။ ဘီဂိုးနီးယား (Begonias) အရွက် (သို့) ပင်စည်ရိုးတံကို စိုစွတ်တဲ့မြေထဲထည့်စိုက်ပြီး အရိပ်ထဲထားရင် တစ်ပတ်-ဆယ်ရက်ဆို အညှောင့်သစ်လေးတွေ ထွက်လာနိုင်ပါတယ်

၆။ ကြွေပန်း (Geranium) ပင်စည်ရိုးတံကနေ ဖြတ်ပြီး ပျိုးထားရင် အမြစ်မြန်မြန်ထွက်နိုင်တဲ့ ပန်းပင်အမျိုးအစား ဖြစ်ပါတယ်

၇။ ပန်းဆွဲလည်း (Fuchsia) ရိုးတံနုတဲ့အညွန့်လေးနဲ့ ဖြတ်ပြီး မြေကြီးထဲ ထည့်စိုက်ထားရက် မကြာခင် အပင်ရှင်သန် လှပလာမှာ ဖြစ်ပါတယ်

၈။ ရှားဇောင်းလက်ပတ် (Aloe Vera) ရှားဇောင်းလက်ပတ်က စိုက်ဖူးသူ တော်တော်များများ သိကြတဲ့အတိုင်း အရွက်တွေကို ထိုးစိုက်ထားရင် အပင်သစ်ထွက်တဲ့ အပင်လေးတွေပါ

၉။ ရို့စ်မေရီ (Rosemary) ရို့စ်မေရီကိုလည်း တစ်ပင်လောက်ဝယ်ပြီး နည်းနည်းအရိုးမာတာလေးတွေကို ညှပ်ပြီး မြေကြီးထဲ ထိုးစိုက်ထားရုံနဲ့ အပင်သစ်များစွာ ရလာမှာ ဖြစ်ပါတယ်

၁၀။ လာဗန်ဒါ (Lavender) နုတဲ့ (သို့) အသင့်အတင့်မာတဲ့ ပင်စည်ရိုးတံလေးတွေကို ညှပ်ပြီး ပျိုးထားလို့ ရပါတယ်နော်

၁၁။ ခြောက်လပန်း (Hydrangea) ခြောက်လပန်းပင်ကို အပွင့်မထွက်သေးတဲ့အကိုင်းကို မြေထဲစိုက်ပေးရုံနဲ့ ရှင်သန်နိုင်ပါတယ်

၁၂။ Jade Plant အရွက် (သို့) ပင်စည်ကို ခြောက်သွေ့တဲ့မြေထဲထည့်စိုက်ပေးနိုင်ပါတယ်

🌱 အပင်တွေ ပွါးဖို့ မခက်ခဲဘဲ သင့်ဥယျာဉ်ကို လွယ်လွယ်နဲ့ ပျော်ပျော်ကြီး ပွားလိုက်ကြရအောင်

#အပင်စိုက်ပျိုးခြင်း #ဥယျာဉ်ခြံမြေ
#သဘာဝချစ်သူများ #အပင်လေးတွေကြီးထွားခြင်း
ပါရှင့်

21/06/2025

01/06/2025

#ဆပ်ပြာသီး(ခ)နွားပုလဲသီး

ရှမ်းပြည်ကဓနုတွေကတော့ ဒီအသီးတို ''နွားပုလဲသီး ''လို့ခေါ်တယ်။ ( ဒေသအလိုက် အမျိုးမျိုး အခေါ်ဝေါ်တွေကွဲကြမယ်ထင်ပါတယ်။)

တချို့တွေက ဒီအသီးကို သိကြပေမဲ့ တချို့မသိသေးတဲ့သူတွေအတွက်တော့ အထူးအဆန်းဖြစ်မယ်ထင်ရဲ့။ ဒါကြောင့် ဗဟုသုတအနေဖြင့် ပြန်လည်မျှဝေလိုက်ပါတယ်။

မုံရွာ၊ ပခုက္ကူဘက်နဲ့ အင်းလေး၊ ညောင်ရွေဘက်ကသူတွေကတော့ ဆပ်ပြာသီးဆိုတာကိုရင်းနှီးကြမယ်ထင်ပါတယ်။ မြေပြန့်ဒေသ ၊ မြစ်ဝကျွန်းပေါ်ဒေသကသူတွေအနေနဲ့ ဆပ်ပြာသီးဆိုတာကို အထူးအဆန်းဖြစ်ကောင်းဖြစ်နိုင်ပါတယ်။ ခေတ်လူငယ်တွေဖြစ်တာနဲ့အမျှ ဆပ်ပြာတွေပေါများတဲ့ခေတ်မှာ ကြီးပြင်းခဲ့ကြသူတွေပါ။ ဆပ်ပြာသီးတွေကို ရှေးခတ်က အဘိုးအဘွားတွေကတော့ အသုံးပြုခဲ့ဖူးပါတယ်။ နိုင်ငံရပ်ခြားဒေသတွေမှာလည်း ဆပ်ပြာသီးကသဘာဝကရတဲ့ ကြေးပြောင်တဲ့ ပစ္စည်းဖြစ်တာကြောင့် စျေးကွက်တစ်ခုအနေနဲ့ အခိုင်အမာရှိကြပါတယ်။

မြန်မာနိုင်ငံရဲ့ တောင်သူတွေအနေနဲ့လည်း မိမိပတ်ဝန်းကျင်မှာရှိတဲ့ ဒေသအရိုင်းမျိုးတွေကို တန်ဖိုးထားတတ်၊ မြင်တတ်အောင်၊ ဆပ်ပြာသီးပင်တွေ ပျောက်ကွယ်မသွားအောင် ဒီဆောင်းပါးလေးကို ရေးသားဖော်ပြလိုက်ရပါတယ်။

ဆပ်ပြာသီးဆိုတာကတော့ အခွံမာအသီးအမျိုးအစားတစ်မျိုးပဲ ဖြစ်ပါတယ်။ အသီးရဲ့ အခွံမှာ Saponin ဓာတ်ပါတာကြောင့် ဆပ်ပြာလို အညစ်အကြေးပြောင်စေတဲ့ အာနိသင်ရှိပါတယ်။ ဓာတုမပါတဲ့ သဘာဝကြေးချွတ်ဆေးဖြစ်တာကြောင့် သဘာဝပတ်ဝန်းကျင်ကို တန်ဖိုးထား ချစ်မြတ်နိုးကြသူတွေကြားမှာ ဆပ်ပြာသီးက နာမည်ကြီးလှပါတယ်။

သစ်မာပင်အမျိုးအစားဖြစ်ပြီး Sapindus mukorossi ဆိုတဲ့ သိပ္ပံအမည်ရှိပါတယ်။ ပင်လည်ရေမျက်နှာပြင်အမြင့် ၂၀၀ မီတာနဲ့ ၁၅၀၀ မီတာအတွင်းမှာ ပေါက်ရောက်ရှင်သန်နိုင်ပါတယ်။ ဟိမဝန္တာတောင်ကြောတစ်လျောက်တွေမှာ အများဆုံးတွေ့ရတတ်ပြီး ပိုးမွှားဒါဏ်တွေကို ခံနိုင်ရည်ရှိတဲ့ ဒေသပေါက်ပင်တစ်မျိုးလည်းဖြစ်ပါတယ်။ ဆပ်ပြာသီးပင်တွေက ၉-၁၀ နှစ်ရောက်တဲ့အခါ အသီးစသီးပါတယ်။ ဒါကြောင့် ဒီလိုအပင်တွေကို လွယ်လွယ်ခုတ်မပစ်ဖို့ အရေးကြီးပါတယ်နော်။ အသီးစသီးပြီဆိုရင်လည်း နှစ်ပေါင်း ၉၀ လောက်အထိ အသီးသီးပေးကြပါတယ်။ နွေလတွေမှာ ပန်းပွင့်ဖြူဖြူလေးတွေ အစုလိုက်ပွင့်ပြီး လက်မဖျားလောက်ရှိတဲ့ အသီးလေးတွေကိုတော့ နိုဝင်ဘာ- ဒီဇင်ဘာလောက်မှာ ရရှိပါတယ်။ ဒီလိုအရွယ်မှာဆို စျေးကွက်ဝင်အသီးလေးတွေ ရရှိပြီဖြစ်ပါတယ်။

အညစ်အကြေးတွေကို သန့်စင်ပေးတဲ့ Saponin ဓာတ်ကတော့ အသီးရဲ့အခွံမှာပဲ ပါတာဖြစ်လို့ ရောင်းချတဲ့အခါ အခွံချွတ်ပြီးမှ ရောင်းချကြပါတယ်။ အသီးခွံတွေကို အခြောက်ခံပြီးတာနဲ့ ဆပ်ပြာအဖြစ် တိုက်ရိုက်အသုံးချနိုင်ပါပြီတဲ့ရ။ လွန်ခဲ့တဲ့နှစ်ပေါင်းများစွာတည်းက ဟိမဝန္တာတောင်ကြောတစ်လျောက်က နိုင်ငံတွေဖြစ်တဲ့ အိန္ဒိယ၊ နီပေါ၊ တရုတ်နိုင်ငံတွေမှာ ဆပ်ပြာသီးကို အဝတ်လျှော်တဲ့အခါ၊ ဆေးကြောသန့်စင်မှုတွေပြုလုပ်တဲ့အခါ အသုံးချခဲ့ကြတာပါ။ သဘာဝပေါက်ပင်တွေဖြစ်တာကြောင့် ခူးဆွတ်ထုတ်ပိုးပြီး သဘာဝစစ်စစ်အနေနဲ့ နိုင်ငံတကာစျေးကွက်ကို တင်ပို့ရောင်းချကြပါတယ်။

ဂေဟစနစ်ကို ချစ်မြတ်နိုးကြ ထိန်းသိမ်းကြတဲ့သူတွေအတွက်ကတော့ ဆပ်ပြာသီးက ဘုရားပေးတဲ့ ဆုလာဘ်အကြီးကြီးတစ်ခုပဲဖြစ်ပါတယ်။

၁၀၀ ရာခိုင်းနှုန်းအပြည့် သဘာဝကရတဲ့ဆပ်ပြာဖြစ်လို့ လူနဲ့ ခန္ဓာကိုယ်ကို ထိခိုင်စေမယ့် ဓာတုတွေကိုရှောင်နိုင်မယ်။ ရေအရင်းအမြစ်အတွက်လည်း ညစ်ညမ်းမှုတွေမဖြစ်စေတာ့ပါဘူး။

ကလေးငယ်တွေနဲ့ ထိခိုက်လွယ်တဲ့ အရေပြားပိုင်ရှင်တွေအတွက်လည်း သင့်တော်ပါတယ်။

ဆပ်ပြာသီးနဲ့ အဝတ်လျှော်ပြီး ရလာတဲ့ရေတွေကို အပင်တွေအတွက်ပါ အသုံးပြုလို့ရပါသေးတယ်။

ဒီလိုအကျိုးကျေးဇူးတွေရှိတာကြောင့် မြန်မာနိုင်ငံမှာလည်း ဆပ်ပြာသီးက စျေးကွက်တစ်ခုအဖြစ် ရှိလာနိုင်ပါတယ်။ အိမ်တွင်းမှုလုပ်ငန်းတွေ လုပ်ကိုင်လာကြပြီး သဘာဝပတ်ဝန်းကျင်ကို ထိန်းသိမ်းချင်ကြတဲ့သူတွေလည်း ပေါများလာပြီဖြစ်တာကြောင့် ဓာတုအစားထိုးထုတ်ကုန်တွေဟာ နေရာရလာပါတယ်။

မိမိတို့နေထိုင်ရာဒေသ ပတ်ဝန်းကျင်မှာ ဆပ်ပြာသီးပင်တွေ ပေါများတယ်ဆိုရင် ဒေသခံလူထုကို သင့်တော်တဲ့ထုတ်ပိုးမှု၊ သယ်ဆောင်မှုတွေ အကူအညီပေးနိုင်ကြစေဖို့လည်း ရည်ရွယ်ရေးသားလိုက်ရပါတယ်။

Photo: Credit (ဗဟုသုတရစေခြင်းအလို့ငှာ)

09/02/2025

🌹နှင်းဆီ🌹
ချစ်သောနှင်းဆီ
ရတနာနှင်းဆီ
လှသောနှင်းဆီ
ရောင်စုံနှင်းဆီ
ဖြူနီဝါလိမ္မော်ပန်း
ကြိုက်ရာရွေးပါနှင်းဆီသခင်
နှင်းဆီလေးတွေခေါ်သွားလို့
သခင်စိတ်ချမ်းသာစေမယ်
ကြည်နူးစေရမယ်
ပျော်ရွှင်စေရမယ်
တစိမ့်စိမ့်ပီတိဖြစ်နေစေရမယ်
ခေါ်လှဲ့စမ်းပါသခင်……🌹🌹🌹

တပင် ၅၀၀၀
၁၀ပင် ၄၅၀၀၀
ခြံထဲလာရင် စိတ်ကြိုက်အများကြီးရွေးလို့ရမယ်ရှင်

05/02/2025

နှင်းဆီ

မိန်းကလေးအတော်များများ ပန်းကြိုက်ကြတယ်
ကြိုက်တဲ့ပန်းတွေထဲ နှင်းဆီပန်းကို ပိုကြိုက်ကြတယ်
အပျော်ပဲစိုက်စိုက်
အလှပဲစိုက်စိုက်
ပွင့်လာရင် ဘုရားပန်းလှူလှူ
အရိပ်တကြည့်ကြည့်နဲ့ ခံစားပြီးပဲကြည့်ကြည့်
သူ့အလှက ရိုးမသွားတာအမှန်ပဲ
ပန်းချစ်သူ နှင်းဆီချစ်သူများအတွက်
အုံကောင်းကောင်း အပင်တိုင်းအဖူးတွေနဲ့မို့
အိမ်ခေါ်သွားတာနဲ့ အပွင့်လေးတွေနမ်းရှိုက်လို့ရပါပြီနော်🌹🌹

တပင် 5000
(10)ပင် 45000

20/01/2025

#အရွက်ဝါ ရခြင်းအကြောင်းတရားများ

ဒီနေ့တော့ မိမိစိုက်ပျိုးထားတဲ့ စားပင် သီးပင်တွေမှာ အရွက်ကလေးတွေ ဝါလာလျင် ဘယ်လိုအကြောင်းကြောင့်ဝါလာတာလဲဆိုတာ ပြောပြပေးသွားပါမယ်ခင်ဗျာ။ ဘာလို့ဝါလာတာလဲဆိုတဲ့ အကြောင်းအရင်းကိုသိရင်တော့ ဘယ်လိုပြန်ကုစားရမလဲဆိုတာကိုပါ နားလည်သွားမှာပါ။
အပင်များ၏ အရွက်များသည် ပုံမှန်အားဖြင့်် အစိမ်းရောင်ဖြစ်နေမှသာလျှင် အပင်အစာချက်လုပ်မှု ကောင်းပြီး အပင်ကြီးထွားမှုကောင်းနိုင်စေပါသည်။ အပင်အရွက်ဝါရခြင်းမှာ အကြောင်းတရား များစွာ ရှိသော်လည်း မြေစိုထိုင်းဆ၊ နေရောင်ခြည်ရရှိမှု၊ ပိုးမွှားရောဂါနှင့် အပင်အာဟာရချို့တဲ့မှု အပေါ် မူတည်၍ ဖော်ပြလိုက်ရပါသည်။
မြေစိုထိုင်းဆ
မြေစိုထိုင်းဆနည်းသော ခြောက်သွေ့မြေမျာတွင် အပင်အမြစ်များသည် ပင်စည်နှင့် အရွက်များဆီသို့ ရေ အလုံအလောက် မပေးပို့နိုင်သောအခါ အပင်များညိုးကာ အရွက်များကွေးနေပါမည်။ ရေပြတ်တောက် မှုကြာသွားပါက အရွက်များဝါလာပြီး တဖြည်းဖြည်း အညိုရောင်ပြောင်းကာ အပင်ကြီးထွားမှု ရပ်တန့် သွားသည်။
မြေစိုထိုင်းဆများ (မြေစိမ့်ကိုင်) ခြင်းသည် ရေစိမ့်ဝင်မှုများသော၊ ရေထုတ်ရန်ခက်ခဲသော မြေများတွင် အဖြစ်များသည်။ မြေအစိုဓာတ်(သို့မဟုတ်) ရေလွှမ်းခံရမှုအချိန်ကြာမြင့်သော အပင်များသည် အောက်စီ ဂျင်ရယူရန် ခက်ခဲသွားပြီး အမြစ်နုများကို ပုပ်ကာပျက်စီးစေသည်။ အမြစ်မှ အာဟာရများ လုံလောက်စွာမပေးပို့နိုင်သဖြင့် အောက်ဘက်ရှိအရွက်များနှင့် အတွင်းဘက်ရှိအရွက်များ တဖြည်းဖြည်း ဝါလာသည်။ နောက်ပိုင်းတွင် အပေါ်အရွက်များပါဝါလာသည်။
နေရောင်ခြည်ရရှိမှု
အစာချက်လုပ်ရန် နေရောင်ခြည် လုံလုံလောက်လောက်မရရှိသော အပင်များနှင့် အရိပ်ကျခံရသော အပင်များသည် အစာချက်လုပ်မှုနည်းသဖြင့် တဖြည်းဖြည်း အရွက်များဝါလာစေသည်။ အရိပ် ကျရောက်သောအပင်များသည် အရွက်ဝါဖျော့ (သို့မဟုတ်) အရွက်ဝါများဖြင့် သေးသွယ်ကာ ဘေး အတက်မထွက်ဘဲ ကြီးထွားသည်။
အပူချိန်ပြင်းအားများသော အပင်များတွင်လည်း အရွက်အတွင်းရှိ အစိမ်းရောင်ကလိုရိုဖီးလ်များ ပျက်စီးကာ အစာချက်လုပ်နိုင်စွမ်းကို လျော့ကျစေပြီး နေလောင်မှုများကို ဖြစ်ပေါ်စေသည်။
ပိုးမွှားရောဂါ
အပင်အရွက်ဝါခြင်းကို ဖြစ်ပေါ်စေသော ပိုးမွှားရောဂါများစွာရှိပါသည်။ သို့သော် မြန်မာနိုင်ငံတွင် အဝါ ရောင်မိုစေ့ဗိုင်းရပ်ရောဂါသည် ဆိုးရွာစွာကျရောက်လျက်ရှိသည်။ အပင်၏ ဆဲလ်ရည်များကို စုပ်စား သော ပျပိုး၊ ယင်ဖြူ၊ လှေးပိုး၊ ဖြုတ်ညို၊ ဖြုတ်စိမ်း၊ ပိုးစေးနှဲ စသော စုပ်စားပိုးများသည် အဝါရောင် မိုစေ့ဗိုင်းရပ်ကို သယ်ဆောင်လာသည်။ ပိုးမွှားများ ကျရောက်ပြီးပါက အပင်အညွှန့်ထိပ်ဖျားမှစတင်၍ အဝါရောင်များစတင်ပြီး တဖြည်းဖြည်း တစ်ပင်လုံးပျံနှံ့စေကာ အဝါရောင်မိုစေ့ရောရောဂါကို ဖြစ်စေ သည်။ အဝါရောင်မိုစိမ့်ရောဂါသည် ကုသရန်ခက်ခဲသဖြင့် ပိုးမွှားများမကျမီကပင် ကာကွယ်ထားသင့် သည်။ တစ်ပင်နှင့်တစ်ပင် ကူးစက်မှုမြန်သဖြင့် ကျရောက်နေသောအပင်များကို အမြန်နှုတ်ပစ်ရန် အရေး ကြီးသည်။ ရုံးပတီ၊ တိုင်ထောင်ပဲ၊ ခရမ်းချဥ်၊ ခရမ်း၊ ငရုတ်၊ သခွား၊ ပဲမျိုးရင်းဝင်ပင်များတွင် ကျရောက်မှု များသည်။
အပင်အာဟာရချို့တဲ့မှု
အပင်များသည် အဓိကအားဖြင့် အာဟာရ (၁၇) မျိုးလိုအပ်ပါသည်။ အပင်အာဟာရ(၁၇)မျိုးထဲမှ နိုက်ထရိုဂျင်(nitrogen)၊ အိုင်းယွန်း(iron) ၊ ဇင့် (zinc) နှင့် မန်းဂနိစ်(manganese) အာဟာရ ဓာတ်များချို့တဲ့ပါက အရွက်ဝါခြင်းကို ဖြစ်စေပါသည်။ အပင်အာဟာရချို့တဲ့ခြင်းမှာ မြေဆီလွှာထဲတွင် အာဟာရဓာတ်နည်းပါးခြင်းနှင့် မြေကြီး၏ မြေချဥ်ငံကိန်း( soil pH) မြင့်မားခြင်းကြောင့် ဖြစ်စေသည်။
နိုက်ထရိုဂျင်( nitrogen)
နိုက်ထရိုဂျင်ချို့တဲ့ခြင်းသည် မြေဆီလွှာထဲတွင် ပိုတက်ဆီယမ်(potassium)၊ ဇင့် (zinc) ၊ မန်းဂနိစ် (manganese) နှင့် ကလိုရိုဒ် (chloride) အာဟာရများ မြင့်မားနေခြင်းကြောင့် ဖြစ်ပေါ်နိုင်သည်။ ထို့ပြင် မြေကြီးချဥ်ငံကိန်း (soil pH) မြင့်နေခြင်းနှင့် နိုက်ထရိုဂျင်အာဟာရ နည်းပါးနေခြင်းကြောင့်လည်း ဖြစ်ပေါ်စေသည်။ နိုက်ထရိုဂျင်အာဟာရချို့တဲ့ပါက အောက်ဆုံးရှိ အရွက်ရင့်များမှစတင်ဝါလာပြီး တဖြည်းဖြည်းအရွက်နုများဝါလာကာ တစ်ပင်လုံး အရွက်ဝါစေသည်။ အပင်ကြီးထွားမှုလည်း နှေးသွား သည်။

အိုင်းယွန်း(iron)
မြေချဉ်ငံကိန်း ၆.၅ မှ ၆.၇ ထက်မြင့်သော မြေများတွင် သံဓာတ်များသည် ပျော်ဝင်မှုနည်းပြီး အပင်မှ ရရှိနိုင်မှု နည်းပါးလာသည်။ ထို့ပြင် ကယ်လ်ဆီယမ်(calcium)၊ ဇင့်(zinc)၊ မန်းဂနိစ်(manganese)၊ ဖော့စဖော့ရပ်စ်(phosphorus) နှင့် ကော့ပါး( copper) စသည့် ဒြပ်စင်များ မြင့်မားနေပါက အိုင်းယွန်း (iron)ချို့တဲ့မှု့ ဖြစ်ပေါ်နိုင်သည်။ အိုင်းယွန်းသည် အစာချက်လုပ်ပေးသော အစိမ်းရောင်ကလိုရိုဖီးလ် (chlorophyll) ထုတ်လုပ်ပေးသဖြင့် ချို့တဲ့သွားပါက အရွက်ဝါခြင်းကို ဖြစ်စေသည်။ သံဓာတ်ချို့တဲ့ပါက အရွက်နုများမှ စတင်ဝါလာပြီး တဖြည်းဖြည်း အရွက်ရင့်များ ဝါလာစေသည်။
ဇင့်(zinc)
ဇင့်အာဟာရချို့တဲ့ပါက အရွက်နုများ၏အရွက်အလယ်ကြောများ စတင်ဝါလာသည်။ အရွက်များအပေါ် ၌ အရောင်ပျက်နေသော အကွက်အပြောက်များကို တွေ့ရပြီး တဖြည်းဖြည်း ကြေးဝါရောင်ပြောင်းလာ သည်။ အဝါရောင်အပင်အညွှန့်များသည် အဆစ်တိုလာကာ ပင်စည်ဘက်သို့ကွေးလိမ့်နေမည်။
မန်းဂနိစ်(manganese)
မန်းဂနိစ်ချို့တဲ့ခြင်းသည် ရေသွင်းရေထုတ်မကောင်းသော မြေများ၊ မြေချဥ်ငံကိန်းမြင့်သောမြေများ၊ အော်ဂဲနစ်ပစ္စည်း ပါဝင်မှုများလွန်းသောမြေများတွင် ဖြစ်ပေါ်နိုင်သည်။ မန်းဂနိစ်ချို့တဲ့လာပါက အရွက် ကြောများကြားတွင် အဝါရောင်ကွက်ကြားများ ဖြစ်ပေါ်စေသည်။ အညိုရောင်အကွက်များကိုလည်း တွေ့ရသည်။

Greenway (အစိမ်းရောင်လမ်း) မှ ကူးယူဖော်ပြပါသည်....

မူရင်းပြုစုရေးသားသူအား Credit ပေးပါသည်...
#လယ်သမား #တောင်သူ #စိုက်ပျိုးရေး

📌 စိုက်ပျိုးရေးနဲ့ ပတ်သတ်တဲ့ ဗဟုသုတတွေကို အမြဲတင်ဆက်ပေးနေတာမို့ Like & Follow လုပ်ထားနိုင်ပါတယ်

14/01/2025

“အပင်ကြီးများ ရွေ့ပြောင်းစိုက်ပျိုးရာတွင် လိုက်နာရမည့် အချက်များ”

အပင်ကြီးများကို နေရာရွေ့ပြောင်း စိုက်ပျိုးရာတွင် -
(၁) လူအားဖြင့်တူးဖော် ရွေ့ပြောင်းခြင်း၊
(၂) စက်အားဖြင့်ရွေ့ပြောင်းခြင်း ဟူ၍ နည်းလမ်း (၂) မျိုးဖြင့် လုပ်ဆောင်လေ့ရှိသည်။

အထက်ပါနည်း (၂) မျိုးအတွက် လိုက်နာရမည် အချက်များကို မြန်မာနိုင်ငံ သစ်တောကျောင်း၊ ပြင်ဦးလွင်တွင် သင်ကြားခဲ့ရသော အချက်အလက်များနှင့် မိမိ၏ လက်တွေ့လုပ်ဆောင်ခဲ့ရသော လုပ်ငန်းအတွ့အကြုံတို့ကို ပေါင်းစပ်၍ ရေးသားတင်ပြလိုက်ပါသည်။

“အမြဲစိမ်းပင် အမျိုးအစားနှင့် ရွက်ကြွေပင်အမျိုးအစား”

သစ်ပင်အမျိုးအစားပေါ် မူတည်၍ တူးဖော်ရွေ့ပြောင်းရာတွင် အရေးအကြီးဆုံးဖြစ်သည့် သစ်ပင်မြေလုံး (earth ball) အရွယ်အစားကို ဆုံးဖြတ်ပြီး တူးဖော်ရပါသည်။ ရွေ့ပြောင်းမည့် အပင် မူလ ပေါက်ရောက်သည့် မြေအမျိုးအစားအပေါ် မူတည်ပြီး မြေလုံးတူးဖော်ခြင်း ပုံစံစနစ် ကွဲပြားမှုရှိပါသည်။

ရွေ့ပြောင်းမည့် အချိန်ကိုဆုံးဖြတ်ရာတွင် သစ်ပင်အမျိုးအစားအလိုက် ကွဲပြားမှုရှိပါသည်။ အမြဲစိမ်း အပင်များအတွက် မိုးတွင်းအချိန်တွင် ရွေ့ပြောင်းသင့်ပြီး၊ ရွက်ကြွေမျိုးများကို ဆောင်းအချိန် (ရွက်ကျသည့် အချိန်) တွင် ရွေ့ပြောင်းသင့်ပါသည်။ ယေဘူယျအားဖြင့် အပင်ပင်စည် အချင်း (၄) လက်မအောက် အမြင့် (၈) ပေ ထက်နိမ့်သော အပင်များကို လူအားဖြင့်တူးဖော်ရွေ့ပြောင်းနိုင်ပြီး၊ ၎င်းထက်ကြီးပါက အပင်မြေလုံးကို ကြိုးသိုင်းဖြင့်သိုင်းချည်ပြီး ကရိန်းဖြင့် မချီရွေ့ပြောင်းသင့်ပါသည်။

ရွေ့ပြောင်းမည့်အပင်အတွက် တူးဖော်ရန်လိုအပ်သော မြေလုံးအရွယ်အစားမှာ အကြမ်းအားဖြင့် မြေလုံးအချင်းသည် အပင်၏ပင်စည်အချင်းထက် အနည်းဆုံး (၅) ဆ ရှိရမည်။ မြေလုံးအနက်သည် အနည်းဆုံး (၄) ဆရှိရမည်။ အခြေအနေလိုက်၍ မြေလုံးအရွယ်အစား သက်မှတ်ချက် ကွာခြားမှုရှိနိုင်ပါသည်။ မြေလုံး တူးသည့်အခါ ကတော့ပုံသဏ္ဍာန် အောက်ခြေရှူးပေးရပြီး မလွတ်သောအမြစ်များကို လွှဖြင့် ဖြတ်တောက်ရမည်။ ရေသောက်မြစ် မပြတ်အောင် တက်နိုင်သ၍ မြေလုံးအနက်ရအောင် တူးနိုင်လျှင် ပိုကောင်းပါသည်။ တူးပြီးသား မြေလုံးအား ဝါးခြင်းယက်၍လည်းကောင်း၊ ဂုံနီအိတ်၊ အမိုးစိမ်း စသဖြင့် ထုပ်ပိုးပြီး ကြိုးဖြင့်ခိုင်မာစွာ တုတ်နှောင်၍ လူအား၊ စက်အားဖြင့် မြေလုံး မထိခိုက်စေရန် သယ်ယူရပါမည်။ တစ်နေရာမှ တစ်နေရာ ရွေ့ပြောင်းသည့်အခါ အပင်အရွက်များကို ရေဖြန်းပေးထားရပြီး၊ နေမပူသောအချိန်၊ ညအချိန်တွင် သယ်ဆောင်နိုင်လျှင် ပိုကောင်းပါသည်။

“ကျင်းပြင်ဆင်ခြင်းနှင့် ပြန်လည်စိုက်ပျိုးခြင်း”

ရွေ့ပြောင်းစိုက်ပျိုးမည့်အပင် မြေလုံးထက် (၂) ပေအကျယ် အချင်း ရှိ၍၊ မြေလုံး အမြင့်ထက် (၁) ပေအထိ နက်သော ကျင်းကို ကြိုတင်တူးထားပါ။ စိုက်ကျင်းသို့ မရွေ့ပြောင်းမှီ ရေဝအောင် လောင်းရမည်။ ကျင်းအောက်ခြေကို သဲ၊ အုတ်ကျိုး၊ မြေဆွေး ဆတူရောပြီး၊ အမြင့် (၁) ပေ ကို အောက်ခြေတွင် ဖြည့်၍ ရေအနည်းငယ်လောင်းပြီး အပေါ်ယံ မျက်နှာပြင်ညီညာအောင် ပြုပြင်ပေးရပါမည်။ အပင်အား ကျင်းထဲသို့ တည့်မတ်စွာချ၍ မြေသြဇာများ ရောစပ်ထားသော မြေဆွေးကို ကျင်းနှင့်မြေလုံးကြား လေခိုဝင်မှု မရှိစေဘဲ သိပ်သည်းစွာဖြည့်ပေးထားပါ။ မြေဆွေး ကျင်းတစ်ဝက်ရောက်လျှင် မြေလုံး ပတ်ပတ်လည်သို့ ရေ သမစွာလောင်းရမည်။ ထိုနောက် မြေကြီးများကို ကျင်းပြည့်အောင်ထည့်ပါ။

ပိုးမွားနှင့်ရောဂါကာကွယ်ရန် ပိုးသတ်ဆေး၊ မှိုသတ်ဆေးများကို အပင်နှင့် အပင် ပတ်၀န်းကျင်ကို ဖြန်းပေးရမည်။ အပူဒဏ် မခံနိုင်သည့်အပင်များအား အမိုးအကာများ ပြုလုပ်ပေးရပါမည်။ ထိုကဲ့သို့ အပင်ကြီးများကို ရွေ့ပြောင်းသည့်အခါ သစ်ပင်၏ ရွက်အုပ်အား မူလပုံမပျက်စေဘဲ ကိုင်းတက်ဖြတ်ခြင်း လုပ်ငန်းသည်လည်း အထူးပင် အရေးကြီးကြောင်း သိထားသင့်ပေသည်။

Crd
သစ်နေခြည်