AKT

AKT Sharing Experience and Knowledge in Construction and Infrastructure Management

ဆောက်လုပ်ရေး နယ်ပယ်မှာ ရှိနေတဲ့ ကုမ္ပဏီတွေအတွက် Skills Upgrading နဲ့ System Set-up ကို Professional Services ပေးနေတာ တော...
28/05/2026

ဆောက်လုပ်ရေး နယ်ပယ်မှာ ရှိနေတဲ့ ကုမ္ပဏီတွေအတွက် Skills Upgrading နဲ့ System Set-up ကို Professional Services ပေးနေတာ တော်တော်လေး ကြာခဲ့ပါပြီ။ စလုပ်ကတည်းကနေ အခုအချိန်ထိဆို Company ပေါင်း ၃၀ လောက်အထိ ရှိလာပြီ ဖြစ်ပါတယ်။ ဒီလိုမျိုး လုပ်ဆောင်ပေးခဲ့တဲ့ အထဲမှာ ရွှေတောင် (Shwe Taung) လိုမျိုး အထင်ကရ ကုမ္ပဏီကြီးတွေ ပါသလို၊ ဆောက်လုပ်ရေး လောကမှာ ကိုယ်စီနာမည်တွေနဲ့ ရပ်တည်နေကြတဲ့ OoLayGyi, Sun Tech, Bright Hands, TaKaungBwar အစရှိတဲ့ ကန်ထရိုက်တာ ကုမ္ပဏီတွေလဲ ပါခဲ့ပါတယ်။ Developer တွေလဲ ပါဝင်ခဲ့ပြီး Hillman Land အစရှိတဲ့ Company တွေကို Services ပေးခဲ့ပါတယ်။

ရန်ကုန်မှာ ရှိနေတဲ့ Company တွေ ဆိုရင်တော့ လူကိုယ်တောင် သွားရောက်ပြီး Training ပေးဖြစ်တာ များပေမယ့် .. နယ်က Company တွေ ဆိုရင်တော့ Online ကပဲ ဆွေးနွေးရပါတယ်။ Online က ဆွေးနွေးတယ် ဆိုပေမယ့် လုပ်ဆောင်ရမယ့် အချက်တွေ၊ ဖြစ်နေတဲ့ အခက်အခဲတွေကို အပြန်အလှန် ပြောဆိုဖြစ်ကြတာမို့ Face to Face တွေ့ရတာနဲ့ မခြားပါဘူး။ Company Management ရဲ့ ဦးဆောင်မှု အောက်မှာ ဝန်ထမ်းတွေက တက်တက်ကြွကြွနဲ့ ပါဝင်တယ်ဆိုရင် အားလုံးအတွက် အကျိုး ရှိတာပါပဲ။

ဒီရက်ပိုင်းမှာ Mandalay အခြေစိုက် Company တစ်ခုနဲ့၊ Magway အခြေစိုက် Company တစ်ခုကို Online ကနေပဲ Project Management System Set-up Training လုပ်ပေးဖြစ်ပါတယ်။ အဲ့ဒီထဲမှာ Manadalay အခြေစိုက် Company က နဂိုကတည်းက ကုမ္ပဏီမှာ Project Situation and Status ကို Monitor လုပ်ဖို့ Application ကို သုံးနေတာ တွေ့ရပါတယ်။ ပြီးတော့ ဒီဟာကိုလဲ ဝန်ထမ်းတွေက Data Uploading လုပ်ပေးကြတာ တွေ့ရပါတယ်။ Impressive ဖြစ်ရပါတယ်။

ကျနော့်ဘက်ကတော့ Company တိုင်းမှာ လိုအပ်နေတဲ့ ကဏ္ဍလေးတွေ၊ ပေါင်းစပ်ပြီး လုပ်ရမယ့် အကြောင်းအရာတွေ၊ လက်တွေ့ မြေပြင်မှာ အကောင်အထည် ဖော်တဲ့ အချိန်မှာ ကြုံရမယ့် ကိစ္စတွေ၊ ဖြေရှင်းပုံ ဖြေရှင်းနည်းလမ်းတွေ၊ Company မှာ System တစ်ခုကို တည်ဆောက်ဖို့ လိုအပ်မယ့် ကိစ္စတွေ၊ လည်ပတ်ပုံတွေ .. ဒါတွေကို Company တစ်ခုချင်းစီရဲ့ Nature နဲ့ ကိုက်ညီအောင် ရှင်းပြပေးပါတယ်။

ဒီနေရာမှာ တစ်ခု Remind လုပ်ချင်တာက စီမံကိန်းရဲ့ သဘောတရားကို ပြန်ပြောင်း အမှတ်ရဖို့ပါ။ စီမံကိန်းဆိုတာ Unique ဖြစ်ပါတယ် .. ဒီသဘောတရားကြောင့်လဲ Project တွေကို သေချာ Management လုပ်ဖို့ လိုတာပါ။

အဲ့ဒီလိုပါပဲ .. Company တိုင်းဟာ Unique ဖြစ်ပါတယ်။ သူများ ကုမ္ပဏီမှာ လုပ်လို့ရတဲ့ဟာ .. ကိုယ့်ကုမ္ပဏီမှာ တိုက်ရိုက်လုပ်လို့ရမယ်လို့ မထင်ပါနဲ့ .. အဲ့ဒီလောက် မရိုးရှင်းပါဘူး။ ကျနော်တို့မှာ စဉ်းစားရမယ့် Factors တွေ အများကြီး ရှိပါတယ်။ ဒါလေးတွေကို ချိန်ညှိပြီးမှ အကောင်းဆုံး ဖြစ်မယ့် စနစ်တစ်ခုကို တည်ဆောက်ရတာ ဖြစ်ပါတယ်။ ပြီးတော့ ဒီစနစ်ကို အသက်ဝင်အောင်လဲ အများကြီး ကြိုးစားရပါတယ်။

ကျနော်ကတော့ အလုပ်ကို Professional ကျကျပဲ လုပ်ဆောင်ပြီး၊ ကိုယ့်နဲ့အတူတူ အလုပ်လုပ်ဖြစ်တဲ့ Company တိုင်းကို မိတ်ဆွေလိုမျိုး သဘောထားပြီး ရေရှည်တိုးတက်ဖို့ပဲ လမ်းညွှန်ပေးလေ့ ရှိပါတယ်။ အဲ့ဒီအတွက် အခု စာဖတ်နေတဲ့ မိတ်ဆွေရဲ့ Company ပဲဖြစ်ဖြစ်၊ လုပ်ငန်းခွင်ပဲ ဖြစ်ဖြစ် တိုးတက်အောင်မြင်ပြီး၊ စနစ်တကျ ဖြစ်ချင်ရင် Training or Set-up လုပ်လို့ရပါတယ်လို့ ပြောကြားလိုက်ရပါတယ်။

ခင်မင်လေးစားစွာဖြင့်
AKT
(t.me/aktpmt)


အခုဒီပို့စ်မှာ ဖော်ပြထားတဲ့ ပုံလေးက Singapore က Data Center Construction Project တစ်ခုရဲ့ Planning Guidelines မှာ ပါတဲ့ ...
27/05/2026

အခုဒီပို့စ်မှာ ဖော်ပြထားတဲ့ ပုံလေးက Singapore က Data Center Construction Project တစ်ခုရဲ့ Planning Guidelines မှာ ပါတဲ့ အပိုင်းတစ်ခု ဖြစ်ပါတယ်။ ဒီလိုမျိုး International Construction Projects တွေကို ဖော်ဆောင်တဲ့နေရာမှာ Planning အပိုင်းကို စနစ်တကျနဲ့ လုပ်ပေးရမယ်ဆိုတဲ့ Requirements တွေ ရှိပါတယ်။ ပုံမှန်ဆို Tender ခေါ်တဲ့အချိန်မှာကတည်းက ဒါတွေကို သေချာပြောထားလေ့ ရှိပြီး .. Project Commencement ဖြစ်ပြီဆိုရင်လဲ ကန်ထရိုက်တာက မဖြစ်မနေ လုပ်ပေးရပါတယ်။

အဲ့ဒီထဲမှာ Master Schedule လိုမျိုး Baseline Programme ကို တင်ပေးရတာ ရှိပြီး၊ ဒီ Programme Development မှာလဲ သတ်မှတ်ထားတဲ့ အချက်တွေနဲ့ ကိုက်ညီရတာ ဖြစ်ပါတယ်။ ဆိုလိုချင်တာ Programme ဖြစ်ပြီးရော၊ Gantt Chart လေး ထွက်လာရင် ရပြီဆိုပြီ လုပ်လို့ မရပါဘူး။ Schedule Development အဆင့်တိုင်းမှာ စဉ်းစားရတဲ့ အချက်တွေ ရှိပါတယ်။ ဒါတွေကို သေချာ လုပ်ပေးမှ Programme Submission က Passed ဖြစ်မှာပါ။

ကောင်းပြီ .. ပုံမှာ ပါနေတဲ့ဟာလေးတွေကိုပဲ ဆွေးနွေးရအောင် …။
သူက Activity Logic လို့ ပြောပါတယ် .. တကယ်တမ်းတော့ Logic ဆိုတာ Schedule အရ Sequencing ကို ပုံဖော်တဲ့နေရာမှာ စဉ်းစားရမယ့် အချက်တွေကို ပြောတာ ဖြစ်ပါတယ်။

👉အဲ့ဒီမှာ Circular Relationships ဆိုတာ Activities တွေကို Link ချိတ်တဲ့နေရာမှာ Looping မဖြစ်ရဘူးကို ဆိုလိုတာပါ။ ဒါက Structural Activities တွေမှာ ရှင်းတတ်ပေမယ့်၊ Archi Activities တွေ၊ M&E Activities တွေ ထည့်တဲ့အချိန်မှာ သေချာ မစဉ်းစားဘဲနဲ့ လုပ်မိရင် Schedule မှာ Looping ဖြစ်သွားတတ်ပြီး၊ Programme Run မရတာမျိုး ဖြစ်တတ်ပါတယ်။ ကျနော် ဒီကိစ္စနဲ့ ပတ်သက်ပြီး Page ထဲမှာရော၊ YouTube Channel မှာရော ရှင်းပြထားဖူးပါတယ်။

👉ဒုတိယအချက်ကတော့ Activity ရယ်လို့ ကျနော်တို့က သတ်မှတ်လိုက်တယ်ဆိုရင်၊ အဲ့ဒီ လုပ်ငန်းတိုင်းမှာ Predecessor နဲ့ Successor ရှိရပါမယ်။ ဒါတွေမရှိဘဲ Sequencing ကို စဉ်းစားလို့ မရပါဘူး။ အနည်းဆုံး One Predecessor and One Successor ရှိရပါမယ်။ ဒါပေမယ့် ဒီဟာက တစ်ခုပဲ ရှိရမယ်လို့ ဆိုလိုတာ မဟုတ်ဘဲ၊ လုပ်ငန်းရဲ့ Nature အရ လိုအပ်ရင် တစ်ခုမကလဲ ရှိနိုင်ပါလိမ့်မယ်။ ဒါပေမယ့် အနည်းဆုံးတော့ တစ်ခု ရှိရမယ်ကို ဆိုလိုပါတယ်။ အကယ်၍ Predecessor ပဲ ရှိပြီး၊ Successor မရှိရင် Open-end Activity ဖြစ်ပြီး၊ လုပ်ငန်း နောက်ကျရင် ဘာဆက်ဖြစ်မလဲဆိုတာကို Monitor လုပ်နိုင်မှာ မဟုတ်ပါဘူး။

👉နောက်တစ်ခုက International Projects တွေမှာ Schedule ဆွဲတယ်ဆိုရင် မလိုအပ်ဘဲ Constraint မသုံးရပါဘူး။ Constraint သုံးရင် Schedule ရဲ့ ှSequencing ကို ထိခိုက်စေပါတယ်။ အဲ့ဒါကြောင့် Programme တစ်ခုမှာ Constraint သုံးလိုက်ပြီဆိုရင် ဘာဖြစ်လို့ သုံးရတယ်ဆိုတာကို ရှင်းပြရပါတယ်။ ပုံမှန်ကတော့ Milestones Activity အမျိုးအစားမှာ ခွင့်ပြုပါတယ်။

👉နောက်တစ်ခုအနေနဲ့ကတော့ Activity Relationships တွေ အကြောင်း နားလည်ရမှာပါ။ Activity Relationship Types က လေးမျိုး ရှိပါတယ်။ အတိုကောက်တွေနဲ့ပဲ ပြောရရင် FS, SS, FF and SF ဖြစ်ပါတယ်။ အဲ့ဒီမှာ Schedule ဆွဲရင် FS ကို သုံးဖို့ပဲ အားပေးပါတယ်။ SS တို့၊ FF တို့ သုံးရင်တော့ ဘာဖြစ်လို့ သုံးရတယ်ဆိုတာကို Consultant/ Client ကို ရှင်းပြရမှာ ဖြစ်ပါတယ်။ SF လိုမျိုးဟာကိုတော့ စီမံကိန်းတစ်ခုကို Project Start ကနေ စပြီး စဉ်းစားတယ်ဆိုတာ ပြုလုပ်နေသမျှ ကာလပတ်လုံး ကျနော်တို့ မသုံးသင့်ပါဘူး။

👉ကျန်တာတွေက Lags ကိစ္စ ဖြစ်သွားပါပြီ။ တစ်ချို့တွေက Schedule လုပ်ရတဲ့ အချိန်ကို ချုံချင်တဲ့အခါ FS ကို မသုံးဘဲ၊ SS + lag ဆိုတာနဲ့ ဆွဲကြပါတယ်။ မရဘူး မဟုတ်ပါဘူး .. ဘာဖြစ်လို့ ဒီလိုလုပ်ရတယ်ဆိုတာကို ရှင်းပြဖို့ လိုအပ်တာ ဖြစ်ပါတယ်။ ကိုယ့်မှာ အကြောင်းပြချက် ရှိရင် ရှင်းပြလို့ ရပါတယ်။ ဒါပေမယ့် Lag value ကို အများကြီးတော့ ပေးလို့မရပါဘူး။ Lag ဆိုတဲ့ စောင့်ဆိုင်းနေရတဲ့ အချိန်ကို ဆိုလိုတာ ဖြစ်လို့ တစ်လထက် ကျော်တာမျိုးကို ဒီ စီမံကိန်းမှာ ခွင့်မပြုဘူးလို့ ဆိုလိုတာ ဖြစ်ပါတယ်။

👉နောက်ဆုံးအချက်ကတော့ ဒီ Lag သုံးတဲ့အချိန်မှာ Negative Lag သုံးတာမျိုးကို ခွင့်မပြုဘူးလို့ ဆိုလိုတာပါ။ ဥပမာ အနေနဲ့ FS – lag ဆိုတာမျိုး လုပ်မရပါဘူး။ အဲ့ဒါကတော့ Schedule ရဲ့Logic ကို ထိခိုက်စေနိုင်တဲ့ အတွက် ဖြစ်ပါတယ်။

📌တကယ်တမ်းတော့ သူပြောထားတဲ့ Logic တွေက အထူးအဆန်း မဟုတ်ပါဘူး။ Project Scheduling အကြောင်းလေ့လာရင် ဒီဟာတွေက အခြေခံအနေနဲ့ သိရမှာတွေ ပါပဲ။ ကျနော်ဆို PPPS အတန်းပဲ ဖြစ်ဖြစ်၊ PSMP အတန်းပဲ ဖြစ်ဖြစ် .. Scheduling သင်တန်းတွေ သင်ရင် ဒီအခြေခံတွေကို ပိုင်နိုင်အောင် အမြဲ ရှင်းပြပေးပါတယ်။ အဲ့ဒါကြောင့် Project Scheduling နဲ့ ပတ်သက်ပြီး စည်းစနစ်တကျနဲ့ သိထားပြီး၊ လက်တွေ့မှာ အသုံးချချင်ရင်ဖြင့် အခုလာမယ့် 7-June-2026 မှာ ဖွင့်မယ် Primavera P6 အတန်းလေးကို Join လို့ရပါတယ်လို့ သတင်းစကားလေးလဲ ထပ်မံပါးလိုက်ရပါတယ်။
https://www.facebook.com/share/p/1V2LxUmX99/

ခင်မင်လေးစားစွာဖြင့်
AKT

🔷 Project Scheduling နဲ့ ပတ်သက်ရင် အထိရောက်ဆုံးနဲ့ စည်းစနစ်အကျဆုံး သင်ကြားပေးနိုင်တဲ့ PPPS (Primavera P6 Online Course) ...
23/05/2026

🔷 Project Scheduling နဲ့ ပတ်သက်ရင် အထိရောက်ဆုံးနဲ့ စည်းစနစ်အကျဆုံး သင်ကြားပေးနိုင်တဲ့ PPPS (Primavera P6 Online Course) အတန်းအား 7-June-2026 တွင် ပြန်လည် ဖွင့်လှစ်ပါမည် 🔷

အခုတလော အလုပ် Opportunities တွေ တော်တော်များလာတဲ့ Planning Engineer Position အတွက် အလိုအပ်ဆုံးဖြစ်တဲ့ PPPS – P6 ZOOM Online Class လေး ပြန်ဖွင့်ပါမယ်။ သင်တန်းအပ်ဖို့ စောင့်ဆိုင်းနေသူများ ကြိုတင် စာရင်းပေးပြီး အပ်နှံနိုင်ပါပြီ။ Primavera P6 နဲ့ ပတ်သက်ရင် ၂၀၁၈ ကတည်းက သင်ကြားလာခဲ့ပြီး လက်ရှိအချိန်မှာ Planning and Scheduling နဲ့ ပတ်သက်ပြီး လုပ်ကိုင်နေကြတဲ့ အင်ဂျီနီယာပေါင်းများစွာ တက်ရောက်ထားတဲ့ အတန်းဖြစ်ပါတယ်။

🎯 Primavera Project Planning and Scheduling (PPPS) အတန်းဟာ Construction Projects တွေမှာ International Standards and Practices အတိုင်း Project Scheduling ကို ဖန်တီးချင်ရင်ပဲ ဖြစ်ဖြစ်၊ ကိုယ့် စီမံကိန်းရဲ့ Master Schedule ကို နည်းစနစ်ကျကျနဲ့ ဆွဲထားပြီး Monitoring လုပ်ချင်ရင်ပဲ ဖြစ်ဖြစ် .. တတ်ထားသင့်တဲ့ Primavera P6 အကြောင်း အခြေခံကနေစပြီး တကယ့် စီမံကိန်းကြီးတွေမှာ အလုပ်လုပ်နိုင်တဲ့ အထိ သင်ကြားပေးမယ့် အတန်းဖြစ်ပါတယ်။

🎯 Primavera P6 နဲ့ ပတ်သက်ပြီး ရှင်းပြရမယ်ဆိုရင်ဖြင့် ဒီ P6 Software ဟာ Project Planning and Scheduling အတွက် ဆိုရင် အားအကောင်းဆုံးနဲ့ အထိရောက်ဆုံး Software ဖြစ်ပြီး အခုခေတ်မှာတော့ Project Management/ Scheduling ပြုလုပ်မယ့်သူတွေ သိထားသင့်တဲ့ အကြောင်းအရာထဲမှာ ပါဝင်နေပါတယ်။ အထူးသဖြင့် International Career Level မှာ Planning Engineer အဖြစ် အသက်မွေးမယ်ဆိုရင် မသိမဖြစ် သိထားရမယ့် Software ထဲမှာပါနေပါတယ်။

🎯 အထူးသဖြင့် ကိုယ်ပါဝင်လုပ်ကိုင်ရမယ့် Project က Complex and Sophisticated ဖြစ်မယ်၊ Trades တွ အများကြီးပါမယ်၊ Zones/Areas တွေ အများကြီး ခွဲထားတယ်၊ ပါဝင်နေတဲ့ Stakeholders တွေကလဲ Planning and Scheduling ကို အသေးစိတ်သွားမယ်ဆိုရင်ဖြင့် Primavera P6 ကို အားလုံးက အသုံးပြုဖို့ အကြံပေးကြမှာ ဖြစ်ပါတယ်။ ဘာဖြစ်လို့လဲ ဆိုတော့ P6 Software ပေါ်ကနေ Project တစ်ခုရဲ့ Status ကို Analysis လုပ်ရတာ အလွယ်ဆုံးနဲ့ အထိရောက်ဆုံး ဖြစ်လို့ ဖြစ်ပါတယ်။

🎯 Singapore ဆောက်လုပ်ရေး လုပ်ငန်းခွင်မှာ ဆိုရင်တော့ Government Projects တော်တော်များများ အထူးသဖြင့် LTA (Land Transport Authority) Projects တွေမှာ Schedule ကို P6 နဲ့ ဆွဲတင်ပေးရမယ်လို့ Tender Requirements မှာကိုက ပါရှိပါတယ်။ MBS (Marian Bay Sands) Project, Changi Airport Project အစရှိတဲ့ စီမံကိန်းကြီးတွေမှာ P6 ကိုပဲ သုံးပြီး Planning and Controlling ပြုလုပ်ကြတာ ဖြစ်ပါတယ်။ Data Center တည်ဆောက်တဲ့ စီမံကိန်းတွေ၊ Chemical Plants တည်ဆောက်တဲ့ စီမံကိန်းတွေ အစရှိတဲ့ Large-scale Projects တွေမှာ P6 ကို အသုံးများပါတယ်။

🎯 အဲ့ဒီအတွက် Planning and Scheduling ကို သေချာလေ့လာချင်တဲ့သူတွေ၊ Complex Projects တွေမှာ ပါဝင်နေတဲ့သူတွေ၊ နောက်ဆုံး နိုင်ငံရပ်ခြားမှာ အလုပ်ရှာဖို့ ပြင်ဆင်နေသူတွေ (အထူးသဖြင့် Singapore တို့၊ UAE တို့ အစရှိတဲ့နိုင်ငံတွေမှာ) သိထားသင့်တဲ့ Primavera P6 နဲ့ Schedule ရေးဆွဲဖန်တီးခြင်း သင်တန်းကို တက်ထားဖို့ လိုအပ်ပါတယ်။ သင်တန်းက အပတ်စဉ် တနင်္ဂနွေနေ့ ညနေတိုင်း သင်မှာ ဖြစ်ပြီး Zoom Meeting နဲ့ Live သင်ပေးမှာ ဖြစ်ပါတယ်။ အကယ်၍ အကြောင်းတစ်စုံတစ်ရာကြောင့် အတန်းချိန် လွတ်သွားခဲ့သော်၊ ပြန်လေ့လာလို့ရအောင် Recorded Video ကိုတော့ Telegram Channel Group မှာ ပြန်တင်ပေးဖို့ စီစဉ်ထားပါတယ်။

🎯 Course Contents အနေနဲ့ ဘာတွေ ပါမှာလဲဆိုရင် Project Schedule တစ်ခုကို တည်ဆောက်ပုံမှ အစပြုပြီး၊ WBS နဲ့ Activities များ နေရာချထားပုံ၊ Relationships နဲ့ Duration များ စဉ်းစားပုံ၊ Project Calendar ဖန်တီးပုံ၊ Resources များ တည်ဆောက်ပုံ၊ Schedule ကို Updating ပြုလုပ်ပုံ၊ ကိုယ်ဖန်တီးထားတဲ့ Schedule မှ တစ်ဆင့် Reports များ ပြုလုပ်ပုံ၊ Project Monitoring and Controlling အတွက် Progress S-curve ဖန်တီးပုံ၊ EOT Programme အတွက် စဉ်းစားပုံ စတဲ့ အကြောင်းအရာ အစုံအလင် ပါဝင်မှာ ဖြစ်ပါတယ်။

🔷 Primavera Project Planning and Scheduling (PPPS) Course Outline 🔷
• Project Planning and Scheduling Principles
• Applied Construction Management and Planning Concepts
• Creating EPS, WBS and OBS
• Making the Project, Activities, Relationships, Duration, Calendar
• Defining Resources and Resources Assignment
• Constraints, Milestones, Percent Completion Types
• Updating the Schedule, Setting Baseline, Schedule Analysis
• Singapore LTA Planning Guidelines and Sample MRT Station Project
• Filtering, Look Ahead Schedule, Global Change, Activity Coding, etc အစရှိတဲ့ အကြောင်းအရာတွေ အသေးစိတ်ပါရှိမှာ ဖြစ်ပါတယ်။

🎯 ကျနော့်ရဲ့ ထုံစံအတိုင်း PPPS Course မှာ Basic တွေ၊ Advanced တွေ မရှိပါဘူး။ Primavera (P6) ကို သုံးပြီး တကယ့်လက်တွေ့မှာ အလုပ်လုပ်လို့ ရတဲ့အထိ သင်မှာပါ။ အဲ့လို သင်တဲ့နေရာမှာလဲ Schedule Software ကို အသုံးပြုရုံမဟုတ်ဘဲ၊ သိသင့်သိထိုက်တဲ့ Planning and Scheduling ဆိုင်ရာ အခြေခံ သီအိုရီများကိုလည်း ရှင်းပြဦးမှာ ဖြစ်ပါတယ်။ PPPS အတန်းရဲ့အားသာချက်ကတော့ P6 lessons များကို တကယ့်လက်တွေ့မှာ အလုပ်လုပ်ထားတဲ့ စီမံကိန်းများနဲ့ ယှဉ်တွဲပြီး လေ့လာနိုင်တာ ဖြစ်ပါတယ်။

သင်တန်းနဲ့ ပတ်သက်တဲ့ အသေးစိတ် Information က အောက်ပါအတိုင်း ဖြစ်ပါတယ်။
👉 Course Title : Primavea Project Planning and Scheduling Course (PPPS)
👉 Opening Date : 7-June-2026 (Sunday)
👉 Time : 7:30 pm to 9:00 pm (every Sunday) Myanmar Time
👉 Total Period : Approximately Nine Sessions (သင်တန်းအတွက် သတ်မှတ်ထားတဲ့ ပုံစံအတိုင်း Assignment တင်သော သူများကို Course Completion Certificate ထုတ်ပေးသွားမှာ ဖြစ်ပါတယ်)
👉 Course Fees - 120,000 Ks or SGD 60 (SGD က Singapore မှ အပ်နှံသူများကို ကောက်ခံတာဖြစ်ပြီး POSB Account ကို လွှဲပေးလို့ရပါတယ်။ SGD နဲ့ ကောက်ခံခြင်းဟာ Overseas Participants များအတွက် ရည်ရွယ်တာဖြစ်ပြီး များပြားလှတဲ့ သင်တန်းကြေးရယ်လို့ မဟုတ်တာမို့ Exchange Rate နဲ့ မကြည့်ပေးကြဖို့ မေတ္တာရပ်ခံအပ်ပါတယ်)
👉 For registration : Page Messenger ကနေ တဆင့် ဆက်သွယ်ပေးပါရန်
👉 Teaching Methods : Zoom Meeting and Telegram Channel Group

Notes : P6 Software က MacBook မှာ Install လုပ်လို့မရပါဘူး။ Mac ပေါ်မှာ Windows ပြန်တင်ထားမှ အဆင်ပြေမှာ ဖြစ်ပါတယ်။
သင်တန်းနဲ့ ပတ်သက်တဲ့ အခြားသော Information အသေးစိတ်ကို Page Messenger ကနေ လာရောက်မေးမြန်း စုံစမ်းနိုင်ပါတယ်။
ကျနော် ဒီ Page ထဲမှာရော၊ ပြီးတော့ Youtube Channel မှာရော Primavera P6 နဲ့ ပတ်သက်ပြီး လေ့လာလို့ ရမယ့် Videos တွေ တင်ထားပါတယ်။ “A Guide to using Primavera P6” ဆိုပြီးတော့လည်း စာအုပ်ထုတ်ဝေထားပါတယ်။ အဲ့ဒီအတွက် သင်ကြားရေးအတွက် အာမခံပါတယ်။

အဲ့ဒီအတွက် သင်ကြားတာတွေကို နားမလည်တာ၊ မရှင်းတာ မဖြစ်စေရပါဘူး။ ကိုယ်တိုင် သေချာ လိုက်လုပ်ရင် ဒီ Software အသုံးပြုပြီးတော့ အသက်မွေးဝမ်းကျောင်း လုပ်လို့ရတဲ့ အထိ အကျိုးရှိနိုင်ပါတယ်။ နောက်ပြီး ဘယ် Background က မဆို တက်လို့ရပါတယ် .. Civil တွေ၊ M&E ရယ်လို့ မရှိပါဘူး။ Singapore မှာ အလုပ်ရှာမယ့်သူတွေလည်း ကိုယ့် Resume ရဲ့ Qualifications မှာ Primavera P6 Software ကို အသုံးပြုတတ်တယ်လို့ ဝင့်ကြွားစွာ ဖော်ပြနိုင်မှာ ဖြစ်ကြောင်း ဖော်ပြလိုက်ရပါတယ်။

ခင်မင်လေးစားစွာဖြင့်
AKT


🎯Construction Project တစ်ခုဆောင်ရွက်တဲ့အခါမှာ စဉ်းစားထားသင့်တဲ့ Preliminary Items များ 🎯ဒီခေါင်းစဉ်လေးက International Co...
14/05/2026

🎯Construction Project တစ်ခုဆောင်ရွက်တဲ့အခါမှာ စဉ်းစားထားသင့်တဲ့ Preliminary Items များ 🎯

ဒီခေါင်းစဉ်လေးက International Construction Projects တွေပဲဖြစ်ဖြစ်၊ Large-scale Construction တွေပဲ ဖြစ်ဖြစ် လုပ်တော့မယ်ဆိုရင် အမြဲလိုလို ဆွေးနွေးရတဲ့ ခေါင်းစဉ်ထဲမှာ ပါပါတယ်။ Preliminary Items ဆိုတာ ဆောက်လုပ်ရေး လုပ်ငန်းတစ်ခု စဖို့အတွက် ကြိုတင်ပြင်ဆင်ရတဲ့ လုပ်ငန်းတွေကို ဆိုလိုပါတယ်။ ဒီနေရာမှာ နားလည်ရမှာက ဘယ်ဆောက်လုပ်ရေး လုပ်ငန်းမဆို Preliminary Items တွေ လုပ်ရပါတယ်။ Civil Works ပဲလုပ်လုပ်၊ M&E Works ပဲလုပ်လုပ် Preliminary မလုပ်ရဘဲနဲ့ လုပ်ငန်းစလို့ ရတာမျိုး မရှိပါဘူး။

အဲ့ဒါကြောင့် Singapore Construction Industry မှာ ကန်ထရိုက်တာတွေ လက်စွဲပြုတဲ့ Standard Method of Measurement (SMM2) မှာဆိုရင် လုပ်ငန်းတစ်ခု လုပ်တဲ့အခါမှာ ထည့်သွင်း စဉ်းစားရမယ့် Preliminary Items တွေကို အတိအလင်း ပြောပြထားပါတယ်။ ဒါက မျက်စိထဲ မြင်လွယ်အောင် ကိုယ်တွေနဲ့ အလှမ်းမဝေးတဲ့ Singapore Construction Industry ကို ညွှန်းလိုက်တာပါ။ တကယ်တမ်းတော့ NRM (New Rules of Measurement) ဆိုပြီး RICS က ထုတ်ထားတာမှာဆိုလဲ ပါပါတယ်။ Tables တွေနဲ့ အတိအကျကို ဖော်ပြထားပါတယ်။

SMM အရပဲ ဖြစ်ဖြစ် .. တကယ့်လက်တွေ့မှာ စဉ်းစားရမှာပဲ ဖြစ်ဖြစ် ကျနော်တို့က Preliminary Items တွေကို အမျိုးအစားခွဲတော့မယ်ဆိုရင်

👉(၁) Site Preparation - မြေနေရာ ပြင်ဆင်ခြင်းအတွက် ပြုလုပ်ရတာတွေ ရှိပါတယ်။ အဲ့ဒါတွေက Demolition ကနေ စပြီး ရှိနိုင်ပါတယ်။ Site Clearing, Trees Felling, Setting Out အစရှိတာတွေ ပါပါလိမ့်မယ်။ ဒီနေရာမှာ ဒီဟာတွေကို စီစဉ်မယ့်လူပဲဖြစ်ဖြစ်၊ ကုန်ကျစရိတ် တွက်မယ့် QS ပဲ ဖြစ်ဖြစ် နားလည်ထားရမှာက လုပ်ငန်းတစ်ခုချင်းစီရဲ့ Procedures တွေကိုပါ အတတ်နိုင်ဆုံး သိရမှာပါ။ ဥပမာ Demolition ဆိုရင် Permit လိုမယ့် ကိစ္စတွေ၊ Utility Authority နဲ့ Services Cut off လုပ်ရမယ့် ကိစ္စတွေ .. ဒီဟာတွေ လုပ်ဖို့ လိုတယ်ဆိုတာ မြင်ရပါမယ်။

Setting out ဆိုရင်လဲ Initial Reference lines က ဘယ်သူက ပေးမှာလဲ၊ ကိုယ့်ဘက်က Licensed Surveyor ခေါ်ဖို့ လိုတာလား၊ BM (Bench Mark) ဘယ်နေရာလုပ်မှာလဲ .. ဒီလိုမျိုးတွေ အနည်းနဲ့အများတော့ သိထားဖို့ လိုပါတယ်။

👉(၂) Site Management and Faculties - ဆိုက်လုပ်ငန်း လည်ပတ်ဖို့အတွက် လိုအပ်မယ့်ဟာတွေ ပြင်ဆင်ဖို့ လိုပါတယ်။ အဲ့ဒီထဲမှာ Site Office, Store, Hoarding, Washing Bay, Noise Barrier, Temporary Utilities အစရှိတာတွေ အကုန်ပါဝင်ပါတယ်။ အဓိက ဒီဆိုက်လည်ပတ်ဖို့အတွက် ဘာတွေ Temporary Works အနေနဲ့ ပြင်ဆင်ရမလဲ ကိစ္စတွေ ဖြစ်ပါတယ်။

အဲ့ဒါကြောင့် International Construction Projects တွေမှာ ဆိုရင် ဆိုက်မစခင်ကတည်းကိုက Site Utilization Plan ဆိုပြီး ကန်ထရိုက်တာဘက်ကနေ Official Submission တင်ပေးရပါတယ်။ တစ်ချို့လဲ Temporary Works Plan လို့ ခေါ်ပါတယ်။ ဒီဟာက အင်မတန်မှ အရေးကြီးပါတယ်။ Temporary Works သေချာ မလုပ်ထားဘူးဆိုရင် Construction က ကောင်းကောင်း လည်ပတ်လို့ မရပါဘူး။ ဥပမာ တစ်ချို့တွေဆို Access Road သေချာ မလုပ်ထားလို့ ပစ္စည်းပို့ မရတာတွေ ရှိပါတယ်။

👉(၃) Professional & Statutory Fees - ဒီခေါင်းစဉ် အောက်မှာတော့ ဆောက်လုပ်ခွင့်ရဖို့ အတွက် လုပ်ဆောင်ရမယ့် ကိစ္စတွေကို စဉ်းစားဖို့ လိုပါတယ်။ Design and Endorsement ကိစ္စတွေ၊ Permit and Licenses ကိစ္စတွေ စဉ်းစားထားရမှာ ဖြစ်ပါတယ်။ Professional Fees အောက်မှာ Site Supervision အတွက် ကုန်ကျငွေတွေလဲ ရှိမှာ ဖြစ်ပါတယ်။

အဲ့ဒီမှာ တစ်ခု မှတ်ထားရမှာက ဆောက်လုပ်ခွင့်ကို ဘယ်သူလုပ်မလဲဆိုတော Project Delivery Methods တွေ ပေါ်မှာ မူတည်ပေမယ့်၊ ဆောက်လုပ်ရေး လုပ်ငန်းတွေ လုပ်ဆောင်နေတဲ့ အချိန်မှာ လိုအပ်မယ့် License and Approval ကိစ္စတွေကိုတော့ ကန်ထရိုက်တာတွေ လုပ်ပေးရမှာ ဖြစ်ပါတယ်။ ဥပမာ Method Statement တစ်ခု တင်တယ် .. အဲ့ဒီ Method Statement မှာ Endorsement လိုတယ်ဆိုရင် အဲ့ဒါ Contractor’s Scope ပဲ ဖြစ်ပါတယ်။

👉(၄) General Project Costs - ဒီဟာက နောက်ဆုံးပိတ် ခေါင်းစဉ်တပ်လိုက်တာပါ .. တကယ်တမ်းတော့ ဒီအောက်မှာ တခြားသော Preliminary Items တွေ အကုန်ပါပါလိမ့်မယ်။ သေချာတာက Project အစမှာပဲ တခါထဲ လုပ်ပြီးရင် ပြီးသွားတဲ့ One-time used Preliminary Items တွေ ပါနိုင်သလို၊ ထပ်ပြန်တလဲလဲ လုပ်ရမယ့် Recurring Items တွေလဲ ပါပါတယ်။ ဥပမာ Safety လို ကိစ္စမျိုးဆိုရင် ကျနော် တခါပဲ လုပ်မယ် .. နောက်ထပ်မလုပ်တော့ဘူးလို့ ပြောမရပါဘူး။ ဒီဟာက စီမံကိန်း အစကနေ အဆုံးကို လုပ်ရမယ့် Item ပဲ ဖြစ်ပါတယ်။

အဲ့ဒီထဲမှာ ကျနော်တို့နဲ့ သိပ်မရင်းနှီးကြတဲ့ ကိစ္စတွေက Bonds နဲ့ Insurance ကိစ္စလိုမျိုးဟာတွေ ဖြစ်ပါတယ်။ ဒီဟာတွေက Risk Management ရဲ့ ရှူထောင့်ကနေ ရှူမြင်ပြီး Client တွေက Contractor တွေဆီကနေ တောင်းခံထားတာ ဖြစ်ပါတယ်။ International Construction Project ဆိုရင်တော့ Performance Bond နဲ့ CAR (Contractor’s All Risks) Insurance က LOA (Letter of Award/Agreement) ရတာနဲ့ ကန်ထရိုက်တာက မဖြစ်မနေ ပေးရပါတယ်။ အဲ့ဒီဟာတွေကို ကန်ထရိုက်တာဘက်ကနေ Submission မတင်ပဲနဲ့ အလုပ်စလို့ မရဘူးဆိုပြီး တစ်ချို့စာချုပ်တွေမှာ ကန့်သတ်ထားတာ ရှိပါတယ်လို့ ဒီနေ့တော့ Construction Preliminary Items တွေအကြောင်း အနည်းငယ် ဖော်ပြပေးလိုက်ပါတယ်။

International Construction Projects တွေမှာ သိထားရမယ့် Management ဆိုင်ရာ အကြောင်းအရာတွေကို အသေးစိတ် လေ့လာချင်တယ်ဆိုရင်တော့ အခုလာမယ့် မေလ ၁၇ ရက်နေ့မှာ IPPC အတန်းလေး ပြန်ဖွင့်ဖို့ ရှိပါတယ်။ အသေးစိတ်ကို အောက်ပါလင့်မှာ ဝင်ရောက်ဖတ်ရှူလေ့လာနိုင်ပါတယ် ခင်ဗျား။
https://www.facebook.com/share/p/1GrGSDYg6m/

ခင်မင်လေးစားစွာဖြင့်
AKT
(t.me/aktpmt)


🎯International Construction Projects တွေမှာ ပြုလုပ်ရမယ့် Submission ကိစ္စတွေ 🎯ဒီခေါင်းစဉ်တင်ထားတဲ့ အကြောင်းအရာက အရင်တုန်...
11/05/2026

🎯International Construction Projects တွေမှာ ပြုလုပ်ရမယ့် Submission ကိစ္စတွေ 🎯

ဒီခေါင်းစဉ်တင်ထားတဲ့ အကြောင်းအရာက အရင်တုန်းက ရေးဖူးပါတယ်။ အဲ့ဒီတုန်းက Singapore HDB Project တစ်ခုမှာ အလုပ်ရတဲ့ တပည့်တစ်ယောက်ကလာမေးလို့ပါ။ အခုလဲ Singapore မှာ အလုပ်ရတဲ့ အခြားတပည့်တစ်ယောက်က လာမေးတာပါ။ သူကတော့ Data Center ဆောက်တဲ့ စီမံကိန်းအတွက် မေးတာပါ။ ဘယ်လိုမျိုး စီမံကိန်းပဲ ဖြစ်ဖြစ် International Construction Project ဆိုရင် လုပ်ရမယ့် Submission ကိစ္စတွေက အကြောင်းအရာတွေ တူကြပါတယ်။ အဲ့ဒါကြောင့် တခြားသူတွေလဲ သိရအောင် (အထူးသဖြင့် မသိသေးသူများအတွက်) ဆိုပြီး ကျနော်ပို့စ်ကို နောက်တစ်ခေါက် ပြန်တင်လိုက်ပါတယ်။

+++++++++++

ကျနော်တို့ International Construction Projects တွေကို ကန်ထရိုက်တာ အနေနဲ့ ဆောင်ရွက်တဲ့အခါမှာ Submission ကိစ္စက အင်မတန်မှ အရေးပါပါတယ်။ စီမံကိန်းအတွက် လိုအပ်မယ့် Documents တွေ၊ Drawings တွေကို Timely Submission ပြုလုပ်နိုင်ရမှာ ဖြစ်ပါတယ်။ အဲ့ဒီလိုမျိုး မလုပ်နိုင်လို့ အလုပ်နောက်ကျခဲ့ရင် အဲ့ဒါဟာ Contractor's fault ဖြစ်သွားပြီး စီမံကိန်းမှာ နစ်နာမှုတွေ ကြုံရမှာ ဖြစ်ပါတယ်။

ဒီလိုမျိုး Submission တွေ ဆိုတာကလဲ စီမံကိန်းစပြီ ဆိုကတည်းက လုပ်ရတာ ဖြစ်ပါတယ်။ International Construction Projects တွေမှာ Contract Award ဖြစ်ပြီ၊ LOA ရပြီဆိုကတည်းက ကန်ထရိုက်တာဟာ Submission အတွက် လိုအပ်တာတွေ ပြင်ရပါတယ်။ တစ်ချို့ဆိုရင် ဒီ Submission ပေါ်မူတည်ပြီး Consultant ဘက်ကနေ NTP (Notice to Proceed) ဆိုတာကို ထုတ်ပေးပါတယ်။ အကယ်၍ ဒီ NTP ကို အချိန်မှီ မရလို့ Physical Construction Works ကို သတ်မှတ်ထားတဲ့ အချိန်အတွင်းမှာ မရခဲ့ရင် စာချုပ်က ပျက်ပြယ်တဲ့ အဆင့်ထိ ကူးသွားနိုင်ပါတယ်။ အဲ့ဒီအတွက် Submission က ပေါ့ဆလို့ ရတဲ့အရာ မဟုတ်ပါဘူး။

အောက်မှာတော့ မည်သည့် International Construction Projects မဆို ပြုလုပ်ရမယ့် Submission ကိစ္စတွေကို ကျနော် အကြမ်းဖျဉ်းပြောပြထားပါမယ်။ ဒါတွေက အရေးပါတာတွေကို ရွေးထုတ်ပြီး ပြောထားတာ ဖြစ်ပြီး၊ တစ်ချို့စီမံကိန်းတွေမှာ ဒီထက်ပိုလိုကောင်း လိုပါလိမ့်မယ်။

🔹(၁) Master Schedule/ Baseline Programme Submission🔹
International Construction Contract Guidelines အရ ကန်ထရိုက်တာ ဖြစ်သူဟာ မိမိတို့ အလုပ်လုပ်မယ့် ဆောက်လုပ်ရေး လုပ်ငန်းတွေရဲ့အစီအစဉ်နဲ့ အသေးစိတ် ဆောင်ရွက်မယ့် ပုံစံကို Master Schedule ဆွဲပြီး တင်ပေးရပါတယ်။ FIDIC Red Book အရဆိုရင် ဒါကို Project Commencement ဖြစ်ပြီး တစ်လအတွင်းမှာ တင်ပေးရပါတယ်။ တစ်ချို့လဲ တစ်လတောင် မစောင့်ဘဲ နှစ်ပတ်အတွင်း တင်ခိုင်းတာတို့ ဘာတို့ ရှိပါတယ်။

ဒီလိုမျိုး Programme တင်တဲ့အခါမှာလည်း Programme ချည်းပဲကို Bar Chart Format လေးနဲ့ ပေးလိုက်လို့ မရပါဘူး။ Programme Narrative လိုဟာမျိုး ပါဖို့ လိုသလို၊ Resources Plan ကိုလည်း အသေးစိတ် ပေးဖို့ လိုအပ်ပါတယ်။ ဒီဟာလေးတွေကို နောက်ဆက်တွဲ အနေနဲ့ ပေးရလေ့ ရှိကြောင်း သိဖို့ လိုပါတယ်။

🔹(၂) Project Quality Plan (PQP) Submission🔹
ဆောက်လုပ်ရေး လုပ်ငန်းတွေကို လက်တွေ့မှာ လုပ်ကိုင်တဲ့အခါ ကန်ထရိုက်တာနဲ့ ပိုင်ရှင်ကြား၊ ကန်ထရိုက်တာနဲ့ Consultant ကြားမှာ အငြင်းအပွားရဆုံးက Quality ကိစ္စဖြစ်ပါတယ်။ ဒီ Quality ပေါ်မှာ သဘောတူညီမှု မဖြစ်ရင် လုပ်ငန်းတွေ ရှေ့ဆက်လို့ မရသလို၊ လုပ်ငန်းပြီးသည့်တိုင် အပ်နှံလို့လဲ ရမှာ မဟုတ်ပါဘူး။

အဲ့ဒါကြောင့် International Construction Projects တွေမှာတော့ စီမံကိန်းစကတည်းက Quality နဲ့ ပတ်သက်ရင် ဘာတွေတော့ လုပ်ကြမယ်ဆိုတာမျိုးကို သဘောတူထားဖို့ PQP ကို ပြင်ဆင်ပြီး Submission လုပ်ကြပါတယ်။ PQP ထဲမှာ ITP (Inspection and Test Plan) ကိစ္စတွေ၊ Checklists တွေ၊ NCR issues တွ၊ Workmanship Standards တွေ အစရှိတာတွေကို တစ်ခါထဲ ဖော်ပြပြီး သဘောတူထားကြလေ့ ရှိပါတယ်။

🔹(၃) SMS (Safety Management System) Development Submission 🔹
International Construction Projects တွေမှာ Safety ကို ဦးစားပေးပါတယ်။ Safety First ဆိုတာကို ပါးစပ်ကပဲ အော်ကောင်းရုံရွတ်ရတာ မဟုတ်ဘဲ၊ တကယ့်လက်တွေ့မှာလဲ အားလုံးက လိုက်ပါ လုပ်ဆောင်ဖို့ လိုပါတယ်။ အဲ့ဒီအတွက် ကိုယ်ဆောင်ရွက်မယ့် စီမံကိန်းမှာ ဘယ်လိုမျိုး Safety Plan and Arrangements တာ့ လုပ်ကြမယ်ဆိုတာကို ကန်ထရိုက်တာ ဖြစ်သူက Submission တင်ပေးရပါတယ်။

Contract Practices သဘောအရ စီမံကိန်းအစမှာ ROA (Right of Access) ကို ကန်ထရိုက်တာကို ပေးလိုက်ရတာမို့ ကန်ထရိုက်တာဟာ စီမံကိန်းတစ်ခုလုံးရဲ့ Safety, Environmental and Security ကိစ္စကို တာဝန်ယူရပါတယ်။ Even Consultants, Owner တွေတောင်မှ ကန်ထရိုက်တာရဲ့ Safety Rules and Regulations ကို လိုက်နာရပါတယ်။

🔹(၄) Survey Setting Out Plan Submission🔹
ဒီဟာက ကျနော်တို့ဆီမှာ ရှိတဲ့ စီမံကိန်းတွေမှာလဲ လုပ်ကြပါတယ်။ ဒါပေမယ့် ကျနော် ပြောသလို ခေါင်းစဉ် အတိအကျကြီးနဲ့ Submission လုပ်တာမျိုးတော့ ဟုတ်ချင်မှ ဟုတ်ကြပါတယ်။ Singapore မှာတော့ Control Survey Plan ဆိုပြီး တင်ပေးရပါတယ်။ အဓိကကတော့ Project ရဲ့ Setting Out ကို Confirmation ပြုလုပ်တာ ဖြစ်ပါတယ်။

စီမံကိန်းရဲ့ Design Stage မှာ Topographic Survey ရှိလိမ့်မယ်၊ အဲ့ဒီအပေါ်မှာ မူတည်ပြီး Architect က ပြန်ဆွဲပေးထားတဲ့ Site Layout Plan ရှိလိမ့်မယ် (ဒါမှမဟုတ်) Authority Approval ရထားတဲ့ Setting Out Plan ရှိလိမ့်မယ်။ ဘယ်လိုပဲ ဖြစ်ဖြစ် ကန်ထရိုက်တာ ဖြစ်သူဟာ ဒါတွေ မှန်တယ်၊ မမှန်ဘူးဆိုတာ မြေပြင်မှာ ပြန်စစ်ပြီးမှ လုပ်ငန်းစရမှာ ဖြစ်ပါတယ်။ သေချာ မစစ်ဘဲ လုပ်ငန်းစရင် ကန်ထရိုက်တာရဲ့အမှား ဖြစ်သွားပါလိမ့်မယ်။

🔹(၅) Method Statements Submission 🔹
MOS (သို့) MS လို့ ပြောကြတဲ့ Method Statement ကတော့ Every Major Works တိုင်းအတွက် Submission တင်ပေးဖို့ လိုပါတယ်။ တစ်ချို့စီမံကိန်းတွေမှာဆိုရင် စီမံကိန်း အစကတည်းက Technical Proposal ဆိုပြီး စီမံကိန်းတစ်ခုလုံးစာ Method Statement ကို တင်ခိုင်းတာမျိုး ရှိပါတယ်။ ဒါပေမယ့် ဒီလိုမျိုး တင်ထားတယ်ဆိုရင်တောင်မှ Major Works တစ်ခု လုပ်ပြီဆိုရင် Method Statement ကို သီးသန့်ပြန်တင်ပေးရပါတယ်။

ပုံမှန် International Contract Practices မှာ Consultant က Method Statement ကို Review and Comment ပေးဖို့က အချိန် ၂၁ရက်ပေးရပါတယ်။ ဒါ Standard ပါ .. အဲ့ဒီအတွက် Comment ရှိရင် ပြန်တင်ပေးရတာ ဆိုတော့ First Submission နဲ့ မပြီးပြတ်တာမျိုးဖြစ်တတ်ပါတယ်။ ဒီအတွက် လုံလောက်တဲ့ အချိန်ယူပြီး Method Statement ကို ပြင်ဆင်ထားဖို့ လိုပါတယ်။ MS Approved မရရင် ပုံမှန်ကတော့ အလုပ်စလို့ မရပါဘူး။ ဒီဟာလေးကို သတိချပ်ဖို့ လိုပါတယ်။

🔹(၆) Shop Drawings Submission 🔹
Shop Drawings Submission ကတော့ ယေဘူယျအားဖြင့် ကန်ထရိုက်တာဘက်က လုပ်ပေးရတဲ့ Design Submission ပါ။ တကယ်တမ်းတေ့ Design Submission တွေက အများကြီး ဖြစ်နိုင်ပါတယ်။ Project Types နဲ့ Project Delivery Methods ပေါ်မူတည်ပြီး ကန်ထရိုက်တာဘက်က Submission လုပ်ရမှာတွေက ပြောင်းသွားနိုင်ပါတယ်။

ဒါပေမယ့် ဘယ်လိုပဲ ဖြစ်ဖြစ် Shop Drawings ကတော့ Submission တင်ပေးရပါလိမ့်မယ်။ ပုံမှန်က Shop Drawings တင်ရင် RFA (Request for Approval) ဟာမျိုးနဲ့ တင်ကြလေ့ ရှိပါတယ်။ အဲ့ဒီမှာ RFI and RFA ဆိုပြီး ရှိတာမို့ သူတို့တွေရဲ့အသုံးကို Engineers တွေ နားလည်ထားဖို့ လိုပါလိမ့်မယ်။

🔹(၇) Materials Sample Submission🔹
စီမံကိန်းတစ်ခုအတွက် Materials Procurement လုပ်တဲ့အခါ .. အကောင်းဆုံး အကြံပေးချင်တာက ဘာပဲလုပ်လုပ် Approval အရင်ဆုံးယူပါ။ တတ်နိုင်ရင် Samples Submission လုပ်ပါ။ International Construction Contract Guidelines တွေမှာလဲ ကန်ထရိုက်တာ ဖြစ်သူဟာ Samples တွေ ပေးရမယ်၊ Sample Costs က တခါထဲ ထည့်တွက်ထားပြီးသား ဖြစ်ရမယ်။

Sample လို့ ပြောတဲ့အခါမှာလဲ တကယ်သုံးမယ့်ဟာကိုပဲ ပေးရမယ်။ Sample Approval ရပြီဆိုရင်လဲ ဆိုက်ထဲမှာ အဲ့ဒီ Sample ကို ထားပေးရမယ်။ Material Delivery လာရင် Sample နဲ့ တိုက်စစ်ရမယ်လို့ အတိအလင်း ပြောထားတာတွေ ရှိပါတယ်။ Materials တွေကို Approved မရသေးဘဲနဲ့ မဝယ်ကြပါနဲ့လို့ အလေးအနက်ထားပြီး ပြောချင်ပါတယ်။

လောလောဆယ်တော့ ဒီ ခုနှစ်မျိုးပဲ အရင်ပြောထားလိုက်ပါမယ်။ ကျန်တာတွေပါ ဆက်ပြောရင် "“ဟင် .. ဒီလောက်တောင် လုပ်ရတာလား"”ဆိုပြီး ဖြစ်နေမှာ စိုးလို့ပါ။ ဒီလောက်လေးတော့ အရင်ဆုံး သိအောင် လုပ်ထားကြပါတယ်။ နောက်ပြီး ဒါတွေဟာ လုပ်ဖြစ်အောင် လုပ်ရမယ့် ကိစ္စတွေ ဖြစ်လို့ Submission တစ်ခုချင်းစီကို ဘယ်လို လုပ်ရတယ်ဆိုတာ သိထားရင် အကောင်းဆုံး ဖြစ်ပါလိမ့်မယ်။ အရေးကြုံမှ လေ့လာတယ်ထက် ကြိုတင်လေ့လာထားတာကတော့ ပိုကောင်းတဲ့ကိစ္စဖြစ်တယ်လို့ အားလုံး သိကြမှာပါ။

တကယ်တမ်းတော့ ဒီ Submission ကိစ္စတွေဟာ International ပဲဖြစ်ဖြစ် Local Project ပဲ ဖြစ်ဖြစ် ကန်ထရိုက်တာက တတ်နိုင်သမျှ လုပ်ပေးတာ အကောင်းဆုံးပဲ။ Submission ကို သေချာ လုပ်ထားတယ်ဆိုရင် Contractor အတွက်လဲ Safe ဖြစ်တာ ဖြစ်တဲ့အတွက် တကယ်တမ်းတော့ နှစ်ဦးနှစ်ဖက်လုံး အကျိုးရှိတဲ့ ကိစ္စသာဖြစ်ပါတယ်။
ဒီလိုမျိုး Construction Project Management ဆိုင်ရာ Procedures နဲ့ Practices တွေကိုတော့ IPPC အတန်းမှာ ကျနော် ရှင်းပြဖြစ်ပါတယ်။ စိတ်ဝင်စားတဲ့သူများ ဒီ IPPC အတန်းသစ်ကိုတော့ အခုလာမယ့် 17-May-2026 မှာ တက်ရောက်နိုင်ကြောင်းလဲ သတင်းကောင်းပါးအပ်ပါတယ်။
https://www.facebook.com/share/p/17ef6JSsj6/

ခင်မင်လေးစားစွာဖြင့်
AKT

တစ်နေ့ကတုန်းက ကျနော် Project Management Consultant လုပ်ပေးနေတဲ့ Company တစ်ခုက HR တာဝန်ရှိသူနဲ့ စကားပြောဖြစ်တယ်။ အဓိကကတေ...
09/05/2026

တစ်နေ့ကတုန်းက ကျနော် Project Management Consultant လုပ်ပေးနေတဲ့ Company တစ်ခုက HR တာဝန်ရှိသူနဲ့ စကားပြောဖြစ်တယ်။ အဓိကကတော့ ဝန်ထမ်းတွေရဲ့အရည်အသွေးကို မြှင့်တင်ဖို့ပါ။ ဒါကလဲ လက်ရှိမှာ အင်မတန်မှကို ခေါင်းကိုက်ရတဲ့ ပြသနာ ဖြစ်တဲ့ Resources ရှားပါးမှုကို ဖြေရှင်းဖို့ပါ။ ဒီ Resources ရှားပါးတာကလဲ Construction Industry ရယ်မို့ ဖြစ်နေတာ မဟုတ်ဘဲ .. တခြားနယ်ပယ်တွေမှာလဲ ဖြစ်နေတာပါပဲ။ ကျနော်တို့မှာက ရှိတဲ့လူနဲ့ ရအောင် လုပ်ရသလိုမျိုး အနေအထားပါ။

အဲ့ဒါကြောင့် ကိုယ့်ဆီမှာ ရှိနေတဲ့သူတွေကို တတ်နိုင်သလောက် အရည်အချင်း မြှင့်တင်ပေးတဲ့ Skills Upgrading Programme တွေ လုပ်ကြရပါတယ်။ ဒီဟာကလဲ ကျနော်တို့ဆီမှာမှ မဟုတ်ဘူး .. Singapore ဆိုရင် သူ့နိုင်ငံသားတွေအတွက် အစဉ်တစိုက်ကို လုပ်ပြီး အစိုးရကတောင် Subsidies ပေးတာတွေ ရှိပါတယ်။ ကျနော်တို့ဆီမှာတော့ အမြှော်အမြင်ရှိတဲ့ Company တွေမှာဆိုရင် Management Level က လူတွေက Initiate လုပ်ပြီး ကိုယ့်ဝန်ထမ်းတွေအတွက် Corporate Training တွေ လုပ်ပေးလာကြပါတယ်။

ဒီလိုမျိုး Skills Upgrading အပြင် နောက်ထပ် လုပ်သင့်တာကတော့ ကိုယ့်ဝန်ထမ်းတွေကို Position အလိုက် Targets (KPIs) လေးတွေ ချမှတ်ပေးတာ အကောင်းဆုံးပါပဲ။ ဒါမှလဲ ကျနော်တို့ဟာ သူတို့ရဲ့ Capacity နဲ့ Productivity ကို Monitor လုပ်လို့ရမှာ ဖြစ်ပါတယ်။ တစ်ချို့ဝန်ထမ်းတွေက ဒီဟာကို ကြိုက်ချင်မှ ကြိုက်မယ် .. ဒါပေမယ့် နားလည်အောင် ရှင်းပြပြီး KPIs နဲ့ တွဲပြီး နောက်ဆက်တွဲ Performance Recognition/ Appraisal ပါ ရှိမယ်လို့ ပြောကြားထားသင့်ပါတယ်။

ဒီနေရာမှာ KPI (Key Performance Indicators) တွေ သတ်မှတ်တဲ့အခါ Generic KPIs တွေ မလုပ်ရပါဘူး။ တကယ်ကို တိုင်းတာလို့ရပြီး လက်တွေ့ကျလှတဲ့ Specific KPIs တွေသာ ဖန်တီးသင့်ပါတယ်။ ကောင်းတာကတော့ Objective Setting မှာ အသုံးပြုကြတဲ့ SMART rule ကို သုံးသင့်ပါတယ်။ ဒီဟာလေး ကျနော် အရင်တုန်းက ပြောထားဖူးတာ ရှိသလို၊ ကျနော့်ရဲ့ Fundamentals of Project Management စာအုပ်လေးထဲမှာလဲ အသေးစိတ် ရေးထားတာ ရှိပါတယ်။

လက်တွေ့ဆန်လှပြီး .. အရေးပါလှတဲ့ KPIs တွေ ဖန်တီးပီးရင်တော့ ဒီဟာကို ခြောက်လတစ်ခါလောက် ဖြစ်ဖြစ် Review ပြန်လုပ်ဖို့ လိုပါတယ်။ လုပ်လို့ရရင်လဲ လုပ်လို့ရတယ် .. လုပ်လို့ မရဘူးဆိုရင်လဲ ဘယ်လို အခက်အခဲတွေ ရှိတယ်ဆိုတာကို ပြန်သုံးသပ်ရပါမယ်။ လုပ်လို့ မရဘူးဆိုတဲ့ နေရာမှာလဲ KPI ကို Follow လုပ်ရမယ့် ဝန်ထမ်းရဲ့ အားနည်းမှုလား၊ ပျက်ကွက်မှုလား .. ဒါကို သုံးသပ်ရမှာ ဖြစ်သလို၊ သူ့လုပ်ဆောင်မှုကို အနှောင့်အယှက် ပေးတဲ့ တခြား Factors တွေ ကြောင့်လားဆိုတာကိုပဲ တရားနည်းလမ်းကျကျ စဉ်းစားဖို့ လိုပါတယ်။

ကျနော် အောက်မှာတော့ လက်တွေ့စဉ်းစားလို့ ရလောက်မယ့် KPIs နမူနာလေးတွေကို Position အလိုက် အရန်သင့် စဉ်းစားလို့ရအောင် ဖော်ပြပေးလိုက်ပါတယ်။ Project Manager ကနေပဲ စပြောထားပါတယ်။

👨‍🦰 Project Manager (စီမံကိန်းမန်နေဂျာ) 👨‍🦰 – PM အနေနဲ့ ဆိုရင်တော့ Project တစ်ခုလုံးရဲ့ အောင်မြင်မှုအတွက် တာဝန်ရှိသူဖြစ်လို့ "ရလဒ်" ကို အဓိကထားရပါမယ်။ အဲ့ဒီအတွက် KPIs ထားမယ်ဆိုရင်
🔳Schedule Variance (SV): သတ်မှတ်ထားတဲ့ Timeline ထက် ဘယ်လောက် နောက်ကျ/စောနေသလဲ (ဥပမာ - Monthly Plan ၏ ၉၅% ထက်မနည်း ပြီးစီးဖို့ိလိုမယ်)
🔳Budget Control: ခွင့်ပြုထားတဲ့ ဘတ်ဂျက်ထက် ကျော်လွန်သုံးစွဲမှု ရှိ/မရှိ (ဥပမာ - ဘတ်ဂျက်ထက် ၅% ထက် ပိုမကျော်ရ)
🔳Client Satisfaction: အပ်နှံသူ (Owner) ဆီက ရရှိတဲ့ တုံ့ပြန်မှု အနေအထား (ဥပမာ - စုစုပေါင်း Feedback Score တွင် ၄ နှင့်အထက် ရှိရန်) .. အစရှိသဖြင့် သတ်မှတ်လို့ရပါတယ်။

ဒီနေရာမှာ တစ်ခု သိထားဖို့က KPIs တွေ သတ်မှတ်တဲ့အခါ တစ်ခုထဲထားလို့ အဆင်မပြေသလို၊ အရမ်း အများကြီး ထားလို့လဲ အဆင်မပြေဘူး။ တကယ်တမ်း မြေပြင်မှာ လုပ်လို့ရမယ့်၊ ပြီးတော့ စီမံကိန်းအတွက်လဲ အရေးကြီးတဲ့၊ လုပ်ဆောင်ရမယ့်သူရဲ့ Duties and Responsibilities ထဲမှာလဲ ပါတဲ့ အကြောင်းအရာတွေပဲ ဖြစ်သင့်ပါတယ်။

Project Manager နဲ့ အလားသဏ္ဍာန်တူ Site Engineer အတွက်လဲ အေက်မှာ နမူနာ ထပ်ပြောပေးပါမယ်။

👨‍🦰Site Engineer 👨‍🦰– SE တွေဟာ လုပ်ငန်းခွင်အတွင်းမှာ တိုက်ရိုက်ကြီးကြပ်သူဖြစ်လို့ "လုပ်ငန်းစဉ်" နဲ့ "အရည်အသွေး" ကို အဓိကထားရပါမယ်။
🔳Rework Percentage: အမှားအယွင်းကြောင့် ပြန်ပြင်ရတဲ့ အလုပ်ပမာဏကို သတ်မှတ်ထားလို့ရပါတယ် (ဥပမာ - လုပ်ငန်းစုစုပေါင်း၏ ၂% ထက် မကျော်ရ)
🔳Material Wastage Control: သတ်မှတ်ထားတဲ့ ပစ္စည်းလေလွင့်မှုနှုန်း ထက် ပိုမကုန်စေရန် ထိန်းသိမ်းနိုင်မှု (ဥပမာ - သံချီသံကွေး လုပ်ငန်းမှာ ၅% ထက် မပိုစေရ)
🔳Daily Progress Reporting: နေ့စဉ် လုပ်ငန်းမှတ်တမ်းနဲ့ Report တွေကို အချိန်မီ တင်ပြနိုင်မှု (ဥပမာ - ညနေ ၅ နာရီထိုးတာနဲ့ တစ်နေ့တာ လုပ်ငန်းလုပ်ဆောင်မှုကို ပေးပို့နိုင်မှု)

ဒီလိုမျိုး Project Manager နဲ့ Site Engineer တို့ရဲ့ KPIs တွေ ဖန်တီးတဲ့နေရာမှာ အရေးကြီးတာ တစ်ချက်က KPIs တွေ Overlap မဖြစ်စေဖို့ လိုပါတယ်။ ဆိုပါစို့ .. PM အတွက် KPIs မှာ Work Progress ရရှိဖို့ဆိုပြီး ပြောထားလိုက်ရင် .. Site Engineer မှာပဲ ဖြစ်ဖြစ် .. အကယ်၍ CM (Construction Manager) ရှိရင်ပဲ ဖြစ်ဖြစ် .. သူတို့ဆီမှာ ပြန်မထည့်သင့်ပါဘူး။ မဟုတ်ရင် ဒီ KPIs ကို Achieve ဖြစ်တာ ဘယ်သူ့ကြောင့်လဲဆိုတာ ဆုံးဖြတ်ရခက်နေပါလိမ့်မယ်။

အဲ့ဒါကြောင့် KPIs တွေ လုပ်တဲ့အခါမှာ သက်ဆိုင်ရာ ဝန်ထမ်းရဲ့ အဓိက ကျလှတဲ့ Duties and Responsibilities ပေါ်မှာပဲ အခြေခံရပါမယ်။ QS တွေဆိုရင် Estimation Accuracy လိုဟာမျိုး၊ Safety သမားဆိုရင် Accident Frequency Rate (ASR) လိုဟာမျိုး .. ဒီလိုမျိုးပဲ စဉ်းစားရပါမယ်။

နောက်ဆုံးတစ်ခုက ဒီ KPIs တွေကို အမှတ်အနေနဲ့ ပြန်တွက်ဖို့အတွက်တော့ တစ်ခုချင်းစီကို Weightage ခွဲထားဖို့ လိုပြီး၊ အဲ့ဒီအပေါ်မှာ အခြေခံပြီး Overall Score ကို ပြန်တွက်ရင် ရပါတယ်။ ဆိုပါစို့ .. PM တစ်ယောက်ရဲ့KPIs က သုံးချက်ရှိတယ် ဆိုရင် တစ်ခုချင်းစီကို (30%, 30%, 40%) ဆိုပြီး Weightage ပေးလို့ရပါတယ် … အားလုံးပေါင်းရင်တော့ 100% ဖြစ်ပါလိမ့်မယ်။ ဒီကနေမှ အမှတ်ပြန်တွက်ပြီး ၉၀ ရရင် ဘာလုပ်ပေးမယ် .. ၇၀ နဲ့ ၉၀ ကြားဆိုရင်တော့ ဘယ်လိုမျိုး စဉ်းစားမယ်ဆိုပြီး Management က ပြောကြားထားလို့ရပါတယ်။

အချုပ်အားဖြင့် ပြန်ပြောရရင် KPIs ဆိုတာ Management လုပ်ငန်းစဉ်အရ ပြောရင် Controlling ရဲ့ သဘောပါ။ အားလုံးလဲ သိကြမှာပါ .. Management ရဲ့ သဘောမှာ Planning and Controlling ရှိဖို့လိုပါတယ်။ Duties and Responsibilities သတ်မှတ်တာက Planning ဆိုရင် .. အဲ့ဒီဟာကို ဖြစ်အောင်လုပ်ကြဖို့ KPIs သတ်မှတ်တာက Controlling ရဲ့သဘောပဲ ဖြစ်ပါတယ်လို့ Knowledge Sharing ပြုလုပ်လိုက်ရပါတယ်။

လက်တွေ့ကျလှတဲ့ Construction Project Management ဆိုင်ရာ အကြောင်းအရာတွေကို အသေးစိတ် လေ့လာချင်တယ်ဆိုရင်တော့ အခုလာမယ့် မေလ ၁၇ ရက်နေ့မှာ IPPC အတန်းလေး ပြန်ဖွင့်ဖို့ ရှိပါတယ်။ အသေးစိတ်ကို အောက်ပါလင့်မှာ ဝင်ရောက်ဖတ်ရှူလေ့လာနိုင်ပါတယ် ခင်ဗျား။
https://www.facebook.com/share/p/1BF73PS4x5/

ခင်မင်လေးစားစွာဖြင့်
AKT
(t.me/aktpmt)

Address

5(B), 210/1, Myinthar 11th Street, Block 14, South Okkalapa
Yangon

Opening Hours

Monday 09:00 - 18:00
Tuesday 09:00 - 18:00
Wednesday 09:00 - 18:00
Thursday 09:00 - 18:00
Friday 09:00 - 18:00
Saturday 09:00 - 18:00
Sunday 09:00 - 18:00

Telephone

+959763208895

Website

Alerts

Be the first to know and let us send you an email when AKT posts news and promotions. Your email address will not be used for any other purpose, and you can unsubscribe at any time.

Contact The Business

Send a message to AKT:

Shortcuts

Share

Category