22/01/2020
Кетод юу идэж болох болохгүй вэ?
-Мах: Үхэр, хонь, тахиа, гахай , загас, 5цул хонины сүүл гээд махны бүх төрөл идэж болно.
-Ногоо: Байцааны бүх төрөл Цэцэгт байцаа, цагаан цэцэгт байцаа, байцаа, юуцай, бууцай, чинжүү ( улаан, ногоон, шар ) kale, хаш, хулуу, шар хулуу, улаан лооль, өргөст хэмх, яншуй, сонгино, сармис хөрсөн дээр ургадаг бүх ногоог идэж болно.
❌Нүүрс ус ихээр агуулдаг. Төмс, чихэрлэг төмс, манжин, хүрэн манжин, лууван гэх мэт хөрсөнд ургадаг ногоо идэхгүй.
-Үр тариа: Маалингын гурил, Кокосын гурил (coconut flour), буйлс самрын гурил (almond flour), бусад самрын гурил болно.
❌Улаанбуудайн бүх төрөл гурил, арвайн гурил, будаа, овъёос, мовъёос, гоймон, бүх төрлийн шош, вандуй, эрдэнэ шиш хориглоно.
- Сүү, сүүн бүтээгдэхүүн: Өрөм, зөөхий, цөцгий, тослогыг нь аваагүй бүрсэн тараг, тослогтой ааруул, ээдэм, бяслаг, cream cheese, whipping cream хэрэглэж болно.
❌Худалдааны тослог багатай , сахартай , тослогыг нь авсан сүү, тараг , ааруул хэрэглэж болохгүй.
- Жимс: Ойн жимс гүзээлзгэнэ, чацаргана, бөөрөлзгөнө, аньс, нэрс, үхрийн нүд, лемон зэргийг хэрэглэж болно.
❌Алим, банана, жүрж, мандарин, усан үзэм, хатаасан үзэм, хатаасан жимс, чавга болон бусад сахар ихтэй жимс идэхгүй.
- Самар: Алмонд самар, хушга, хусны самар болно.
❌Давстай, чихэртэй самар, газрын самар буюу peanut, ангаахай самар идэхгүй.
- Өөх тос: Шар тос, Сүүлний өөх, Цөцгийн тос, Масло, Оливийн тос, Коконат тос, Авокадо тос зэрэг болно.
❌Транс тос, өөхөн тос хэрэглэж болохгүй.
- Амттан: 70% иас дээш найрлагатай хар шоколад өдөрт 2 нүд идэж болно. Мөн Кетод зөвшөөрөгсдөн сахар болох байгалийн гаралтай, химийн найрлагагүй Stevia, Erythritol, Monkfruit гэх мэтийг кофе, амттан хийхдээ ашиглаж болно.
❌Бусад шоколад, чихэр, бор, цагаан сахар, энгийн сахар орлуулагч хэрэглэж болохгүй.
- Амтлагч: Далайн давс, нуурын давс, жамц давс. Майонез 67%с дээш найрлагатай Ricco гийн оливтой авакодатай мөн Ricco гийн чийзтэй соус бага хэмжээгээр болно. Кимчи бүх төрлийн цэвэр халуун ногоо, хар перец, карри гээд ургамлаараа байдаг амтлагчууд бас болно.
- Архи, согтууруулах ундаа: Цэвэр виски, конъяк, хольцгүй архи, хуурай улаан ,цагаан дарс бага хэмжээгээр хэрэглэж болно.
❌Төрөл бүрийн чихэртэй коктэйл, ликёр, шар айраг хэрэглэхгүй.
