Хас урлан даалингийн төрөлжсөн дэлгүүр

19/05/2025

12/02/2024

Архангай аймгийн нутагаас олдсон Гол мод-II Хүннүгийн язгууртны булшны энэхүү олдвор нь 2019 оны дэлхийн шилдэг арван археологийн олдворын тоонд орсон юм. Бидний өвөг дээдэс 2200 жилийн өмнө ч бүтээгч үндэстэн байсанг баталсан гайхамшигтай өв.

Алтадсан цул мөнгөн энэхүү луу нь хос эвэр, далавч, дөрвөн хөл, сүүлтэй луу нь бидний Хүннү дээсийн нийслэлийн нэршил байжээ.

Сайхан жил айлчилж, буянт жил буцаж байна. Монголын заяа ихээ🇲🇳

01/07/2023

08/05/2023

Өглөөний мэнд

01/04/2023

Дагнаас гэж юу вэ?

Дагнаас нь өнгийг гүнтүүлэх цайруулах шатлалын дэс дараалал юм
Мөн энэ нь:Монгол хээ угалз цайвраас бараан тийш сүүдэрлэж солонгоруулан урладаг хээлэх нэг төрлийн арга

Цайруулах Хүнд өнгөнөөс цайруулан дагнасан дагнаас

• Гүнтүүлэх Цайвраас гүйнтүүлэх

хэрэглүүр: дагнаас гаргаж будах (өнгө уусган будах),

их дагнаас (давамгайлсан өнгийн дагнаас),

солонгон дагнаас (олон янзын үүсмэл өнгө уусгасан дагнаас),

төв дагнаас (язгуур өнгө буюу улаан, хөх, шар өнгийг эх өнгө болох цагаан өнгөтэй хольж дагнасан нь),

түүхий дагнаас (завсар хооронд суурь өнгө гарсан дагнаас)

олон өнгийн дагнаас (солонгон дагнаас),

дагнаас оёдлоор оёх (утасны өнгийг тодоос бүдэг рүү нь хээлж оёх).

30/03/2023

ХҮМҮҮНД 5-н БУЯН бий гэнэ.

1. Насны БУЯН.
Энэ нь ЗӨВ ТӨЛӨВШИЛӨӨС шууд хамааралтай.

2. Ханийн БУЯН.
Энэ нь ЗӨВ СОНГОЛТООС шууд хамаарна.

3. Үрийн БУЯН.
Энэ нь ЗӨВ ХҮМҮҮЖЛЭЭС шууд хамааралтай гэнэ.

4. Эдийн БУЯН.
Энэ нь ЗӨВ ШИЙДВЭРЭЭС л хамаарна.

5. Эрүүл мэндийн БУЯН.
Энэ нь ердөө ЗӨВ ДАДЛААС хамаарна гэнэ дээ.

30/03/2023

Даалинг урлах материалд торго гол үүрэгтэй ба зуун хувийн торгон дээр зүү ороож урласан даалин хамгийн үнэ цэнэтэйд тооцогдоно.

Хас хээ бүхий даалинг төрийн хүн голдуу хэрэглэдэг ба номонд мэргэн байхыг бэлгэддэг.

Зоосон хээ нь дотроо суман хээтэй, суман хээний дотор талд нар, сар, од мичидийг бэлгэдсэн дугуй хээтэй бөгөөд энэ нь өсөн дэвжиж мандан бадрахыг бэлгэддэг.

Булангийн хээнүүдийг дан дангаар хагасалж урлах нь буй бөгөөд энэ нь хорвоо ертөнц сайн муугийн нэгдэл бөгөөд түүнийг зөөлрүүлэх гэж аргадаж ирсэн ард түмний оюун бодлын илэрхийлэл болдог аж.

Алхан хээний тухайд алхаж гишгэхдээ өлмий нь бат оршиж, алдаа эндэлгүй байхыг бэлгэддэг байна.
Дөрвөн хүчтэнд тэнгэрийн хоёр хүчтэн, газрын хоёр хүчтэнг дүрсэлдэг бөгөөд тэдгээр хүчтэнгүүд нэгдэхээр дөрвөн зүгийг эрхшээнэ. Өөрөөр хэлбэл, цаг хугацааг захирагч Дүйнхор бурханы эрхшээлтэй бөгөөд эл бурхан нь дөрвөн зүг, найман зовхисын эзэгнэн захирдаг аж.

Ийнхүү эр хүний энергийн уут гэгдэх даалин бол монголчуудын олон зуун жил хэрэглэж ирсэн наанаа нандин хээтэй, цаанаа чамин бэлгэдэлтэй эр хүн бүрт байх соёлын эдлэл билээ.

27/03/2023

ХӨӨРГИЙГ ШИНЖИЖ СОНГОХ

Хөөргийг авахдаа нэн түрүүнд хэр зэрэг эртний эд болохыг танихдаа амсар болон мөрийг нь эхлээд заавал хараарай. Жишээ нь, мөрний хэсгийг имэрч үзээд хурц байх юм бол орчин цагийнх, харин мөлгөр байвал эртнийх гэж ялгана. Мөн хэдэн мөртэйгээс хамаарч үнэ цэнэ нь тодорхойлогдоно. Тухайлбал, найман мөртэй байвал их гарын хөөрөг болж үнэд хүрнэ. Харин хэр чанартай сайн хөөрөг болохыг ухалтаар нь мэдэж болно. Ингэхийн тулд халбагыг дотор ханаар нь эргүүлж үзнэ, мөн ухалт хэр зэрэг сайн болсон нь гэрэлд тод харагддаг. Үнэт чулуугаар хийсэн эсэхийг шалгахад буруудахгүй. Хаш чулуу гэхэд л сүүн цагаан өнгөтэй хүндэвтэр байдаг.

Хөөрөгний толгойн өндөр: Хөөрөгний толгойн өндрийг хэмжихдээ хаанаас эхлээд, хаана дуусаж байна тэр хүртэл нь см-ээр хэмжинэ.

Нуух болон хүзүү: Толгойн өндрийн хэмжээг бөгстэй тааруулах зорилгоор нуух буюу өндөрлөгөөг хийдэг. Харин хүзүү нь янз янзын хэлбэртэй байна. Хөөрөгний хүзүү доргионоос болж амархан эмтрэх тохиолдолд гардаг. Эмтэрхийг үрж засаж янзлах болох боловч үрсэн хэсэг нь бүрсийж гялалзсан өнгө алга болдог.Халбага: Халбагыг алт, мөнгө, зэс, яс зэргээр хийж болно. Гэхдээ хамгийн гол нь хугарсан байна уу, хөдөлгөөн орсон эсэхийг сайтар шалгаж үзээрэй.

Мөр: Хөөргийг мөрөөр нь их, бага, дунд гарын гэж ангилдаг. Дөрвөн мөртэй нь бага гарын, зургаан мөртэй нь дунд гарын, найман мөртэй нь их гарын хөөрөг болдог. Мөр нь хээтэй байх бөгөөд хээ нь олон янз байна. Сонирхуулахад, том хэмжээтэй хөөрөг мөртэй байвал илүү үнэд хүрдэг.

Ухалт: Хөөрөгний дотор хэсгийг хэлдэг ба ухалт сайтай хөөрөгний дотор тал гэрэлд сайн харагддаг. Мөн ухалт хэр сайн болсныг жингээр нь мэдэж болно. Учир нь ухалт сайтай хөөрөг хөнгөн байдаг ажээ.

Хөөрөгний хэлбэр ба хэмжээ: Орчин цагийн хөөрөг нь ихэвчлэн өндөр суурьтай байдаг ажээ. Хөөргийг суурьтай, суурьгүй мөлгөр, өөрөөсөө суурьтай гэж ангилж болно. Мөн хэмжээгээр нь их, бага, дунд гарын гэж ангилж болно. Хэлбэрээр нь банзан, банзандуу, цүндгэр, шувтан, бандгар гэж ангилдаг. Хөөрөгний хэлбэрийн хэмжээг хажуу тал буюу мөрний хэсгээс харвал илүү сайн мэдэгддэг.

Хөөрөг нь муу санаа агуулаагүйн илэрхийлэл болдог

Монголчууд эрт дээр үеэс янз бүрийн хэлбэр хийцтэй, үнэт чулуун хөөрөг эдэлж хэрэглэн, уламжлалт баяр ёслол, цагаан сараар золгох, уулзаж учрахдаа хөөрөг зөрүүлэн мэндэлж, хөөрөг солилцон тамхилж байгаа нь харагддаг. Энэ нь өөр хоорондоо хичнээн их өрсөлдөн тэмцэлдэж байгаа ч цаанаа муу санаа агуулаагүйн баталгаа болгон сэтгэлээ илчилж буйн нэгэн илэрхийлэл болдог билээ.

Хөөрөг нь монголчуудын харилцааны уламжлалт хэрэглүүр төдийгүй, түүх угсаатны болон эрдэс зүйн шинжлэх ухааны судалгаанд чухал ач холбогдолтой, оюун санааны болон урлаг, соёлын уламжлалт бүтээлийн нэг юм.

23/03/2023

Даалин найман булантай байдаг нь дөрвөн зүг, найман зохистыг илэрхийлдэг. Мөн урд, ард талдаа халз эмжээртэй явдаг. Халз эмжээр нь тэгш дүүрэн амьдрал, амьдрал нь дардан сайхан явахыг билигддэг ажээ. Тэгэхээр даалингийн өнцөг, булангаас авхуулаад хээ хуар, өнгө хийц нь бүгд билигдэлтэй байгаа. Орчин үед эрчүүд маань даалингаа нугалаад өвөртөө хийж явах бус бүсэндээ гурав нугалсны хоёр нь харагдаад зүүж хэрэглэх хэрэгтэй. Дөрвөн хүчтэнийг бүсэндээ зүүчихсэн байлаа гэхэд дөрвөн зүг, найман зохистын хүчийг өөртөө эрэгшээж, дугараг бүгдийн эрч хүчийг агуулж, эр хүний хийморь сүлд нь мөнхөд өөдөө байна гэдгээ харуулдаг уламжлалттай.
Монголчуудын олон зууны түүхтэй уламжлалт гар урлал өөрийн гэсэн уран сайхны өвөрмөц онцлогтой. Урчууд гоёл чимэглэл, ахуйн хэрэглээ, бурханы шашны эд зүйлсийг урлахдаа олон янзын хээ угалзаар утга төгөлдөр чимэглэн үзэмж нэмдэг. Гар урлалын бүтээл нь гоёмсог байдал, уран нарийн хийцээрээ олны хараа булааж, сэтгэл татдаг билээ.