27/07/2026
Оптимал Эн Макс ХХК-ийн хэрэгжүүлж буй HabiDo төсөл нь эерэг дадал хэвшүүлэх замаар хувь хүнийг тогтвортой, ээлтэй өөрчлөлтөд хөтлөх зорилготой дадал хэвшүүлэгч аппликейшн бөгөөд хүний зан үйл, сэтгэл зүй, эрүүл мэндэд чиглэсэн санал санаачилгуудыг дэмжин ажилласаар ирсэн билээ.
Энэ хүрээнд, Анагаахын Шинжлэх Ухааны Үндэсний Их Сургууль (АШУҮИС)-ийн магистрын түвшний судлаач Б.Ирмүүний “Хеликобактер пилори эмчлэх явцад пробиотикийн хэрэглээ сэтгэл гутралд үзүүлэх нөлөө” сэдэвт судалгааны ажлыг дэмжин 5,000,000 төгрөгийн тэтгэлгийг гардуулан өглөө.
Өнөөдөр дэлхий даяар эрүүл мэндийн асуудлыг зөвхөн эмчилгээ бус хүний өдөр тутмын зан үйл, сэтгэл зүй, амьдралын хэв маягтай хамтатган авч үзэх хандлага эрчимтэй хөгжиж байна. Энэхүү судалгаа нь эмчилгээний үеийн хүний сэтгэл зүйн төлөв байдал, пробиотикийн хэрэглээ болон зан үйлийн хүчин зүйлсийн уялдааг судалж, эрүүл мэндийн цогц, шинэлэг шийдлүүдийг хөгжүүлэхэд чухал ач холбогдолтой юм.
Цаашид Оптимал Эн Макс ХХК болон HabiDo төсөл нь хүний сайн сайхан байдалд чиглэсэн шинжлэх ухаанч шийдлүүдийг дэмжиж, тэдгээрийн үр дүнг бодит хэрэглээ, шинэлэг шийдэл болгон хөгжүүлэхэд хувь нэмрээ оруулсаар байх болно.
