Геологийн судалгаа-шинжилгээний төв ТӨҮГ

23/05/2026

22/05/2026

Геологийн судалгаа шинжилгээний төв ТӨҮГ-н нийт ажилтан албан хаагчид 2026 оны 05 дугаар сарын 22-ны өдөр Монгол Улсын Ерөнхийлөгчийн санаачилсан 🌳“ТЭРБУМ МОД”🌳 үндэсний хөтөлбөрийн хүрээнд байгууллагын гадна талбайд 🌳1000🌳 мод тарилаа.

21/05/2026

✅Үнэн зөв хэмжилт, чанар стандартын тогтолцоог бэхжүүлэх үйлсэд мэдлэг ур чадвар, хичээл зүтгэлээ зориулан ажиллаж буй хэмжил зүйн салбарын нийт албан хаагч, инженер, мэргэжилтнүүддээ 🌎 Дэлхийн хэмжил зүйн өдрийн баярын халуун мэндийг өргөн дэвшүүлье.👍

✅ Энэхүү өдөр салбартаа идэвх зүтгэл, мэдлэг ур чадвараараа хамт олноо манлайлан ажиллаж буй албан хаагчид төрийн болон салбарын шагналаар шагнагдлаа.

🔹 Химийн шинжилгээний лабораторийн эрхлэгч А.Ариунбат,
🔹 Аргачлал технологи, чанар хяналтын албаны ахлах инженер Т.Энхбат нар
“Стандартын тэргүүний ажилтан” цол тэмдгээр,
🔹 Аргачлал, технологи, чанар хяналтын хэлтсийн дарга С.Одонтуяа,
🔹 СЗҮЛ-ийн стандарт боловсруулалтын инженер Ц.Мөнхцоож нар СХЗГ-ын “Хүндэт жуух бичиг”-ээр тус тус шагнагдлаа.
Та бүхэндээ чин сэтгэлийн баяр хүргэж, цаашдын ажил хөдөлмөрт нь өндөр амжилт, эрүүл энх, сайн сайхан бүхнийг хүсэн ерөөе.

20/05/2026

🇲🇳 Монгол улсын Засгийн газрын хэрэгжүүлэгч агентлаг Үндэсний геологийн албанаас зарласан улсын төсвийн хөрөнгөөр хэрэгжих геологийн судалгааны ажлуудын хүрээнд “Монгол орны хойд хил орчмын нутгийн геологи, геохимийн зураг зохиох” болон “Монгол орны өмнөд хил орчмын нутгийн геологи, геохимийн зураг зохиох” төслүүдийн Ажил гүйцэтгэх гэрээг 2026 оны 05 дугаар сарын 20-ны өдөр албан ёсоор гардан авлаа.

✅ Тус төслүүд нь Монгол Улсын хилийн бүс орчмын геологийн тогтоц, бүтэц, геохимийн онцлог, ашигт малтмалын хэтийн төлөвийг шинжлэх ухааны үндэслэлтэйгээр тодорхойлох, улсын геологийн мэдээллийн санг баяжуулах, цаашдын эрдэс баялгийн бодлого, төлөвлөлтөд суурь мэдээлэл бүрдүүлэхэд чухал ач холбогдолтой юм.
✅ Төслүүдийн хүрээнд: 2026–2029 онд Монгол орны хойд хил орчмын нутагт, 2026–2030 онд Монгол орны өмнөд хил орчмын нутагт геологи, геохимийн зураглалын ажлыг үе шаттайгаар гүйцэтгэхээр төлөвлөж байна.
✅ Энэхүү ажил нь хээрийн судалгаа, дээжлэлт, лабораторийн шинжилгээ, анхдагч материалын бүрдүүлэлт, үр дүнгийн боловсруулалт, геологи, геохимийн зураг зохиох, тайлан хамгаалалт зэрэг олон талт мэргэжлийн үйл ажиллагааг хамарна.
✅Манай хамт олон энэхүү төслүүдийн ажлыг мэргэжлийн өндөр түвшинд, чанартай, үр дүнтэй хэрэгжүүлэхийн төлөө хичээн ажиллах болно.👍

20/05/2026

✅Нээлттэй ажлын байр

19/05/2026

🇰🇷БНСУ-ын Гадаад хэргийн сайд асан Пак Жин Монгол Улсад хийж буй айлчлалынхаа хүрээнд өнөөдөр “Геологийн судалгаа шинжилгээний төв” ТӨҮГ-т зочилж, Монгол-Солонгосын хамтарсан төслийн үйл ажиллагаатай танилцлаа.
Пак Жин нь 2022 онд БНСУ-ын Гадаад хэргийн сайдын хувиар Монгол Улсад айлчлах үеэрээ “Монгол-Солонгосын газрын ховор металлын хамтарсан судалгааны төв”-ийг байгуулах санаачлагыг дэвшүүлж, уг төслийг ажил хэрэг болгоход чухал хувь нэмэр оруулсан юм.
Түүнийг “Геологийн судалгаа шинжилгээний төв” ТӨҮГ-ын захирлын үүргийг түр орлон гүйцэтгэгч Ж.Түвшинбаяр, Солонгос талын төслийн зохицуулагч доктор Хо Сок Жон болон албаны бусад хүмүүс хүлээн авч уулзан, төвийн үйл ажиллагаа, хэрэгжүүлж буй хамтарсан төслийн явцын талаар танилцууллаа.
Пак Жин төслийн хэрэгжилтийн явц, судалгааны ажлын үр дүнтэй танилцаж, хамтын ажиллагааны хүрээнд хийгдэж буй ажлуудыг өндрөөр үнэлж байгаагаа илэрхийлэв.
Тэрээр цаашид Монгол, БНСУ-ын хамтарсан геологи, эрдэс баялгийн салбарын судалгаа, инновацын төслүүдийг өргөжүүлэн хөгжүүлэх нь чухал болохыг онцолсон юм.
Түүнтэй хамт Гадаад харилцааны яамны Азийн газрын дэд захирал Э.Энхбаатар, зөвлөх Х.Мандахцэцэг, Солонгосын KAIST байгууллагын дэд профессор Пак Кён Рюль нар хүрэлцэн ирсэн байна.👍

12/05/2026

Сайн байна уу эрхэм харилцагч та бүхэндээ энэ өдрийн мэнд хүргэе. 👍👍👍
👨‍🔧Засварын үйл ажиллагаатай холбоотойгоор манай харилцагчийн үйлчилгээний төвийн лавлах утас 70180101 , 70182904 дугаар түр хугацаанд ажиллахгүй байгаа тул та манай байгууллагатай болон үйлдвэрлэл шинжилгээтэй холбоотой лавлах зүйлсээ ☎️80313250 , ☎️86441188 дугаарын утсаар лавлана уу
Манай харилцагчийн үйлчилгээний төвийн лавлах 70180101, 70182904 дугаарууд тун удахгүй хэвийн ажиллагаатай болно.👍

07/05/2026

Ажилд урьж байна ✅

27/04/2026

“CGL PT01 НҮҮРС” УЧС-ЫН ХӨТӨЛБӨРИЙН ЭЭЛЖИТ 15-Р ТОЙРОГТ ОРОЛЦОХЫГ УРЬЖ БАЙНА.
ГСШТ нь ISO/IEC 17043 стандартын дагуу зохион байгуулах CGL PT 01 НҮҮРС хөтөлбөрийн 2025 оны ээлжит 15-р тойрогтоо лабораториудыг бүртгэж эхэллээ.

✅УЧС-ЫН ХӨТӨЛБӨРИЙН ЦАГИЙН ХУВААРЬ

УЧС-ын бүртгэл 2026.04.28-05.08
УЧС-ын дээж илгээх 2026.05.11-13
УЧС-ын үр дүн хүлээн авах 2026.05.29
УЧС-ын тайлан хүргэх 2026.06.30

✅УР ЧАДВАРЫН СОРИЛТЫН ДЭЭЖ
Оролцогч бүрд 80 гр-аар савласан 1 савтай чулуун нүүрсний дээжийг хүргүүлэх бөгөөд хүснэгтэнд дурьдсан үзүүлэлтүүдийг тодорхойлно.

Тодорхойлох үзүүлэлтүүд:
Аналитик чийг (Wad) > 0.1%
Үнслэг (Adb) > 5 %
Дэгдэмхий бодис (Vdb) > 10 %
Илчлэг (Qdb) > 6000 ккал/кг
Хүхэр (Sdb) > 0.1 %
G индекс > 70
Чөлөөт хөөлтийн зэрэг (FSI)
Харьцангуй нягт
Фосфор (P)
Фтор (F)
Хлор (Cl)

Оролцогч лабораториудыг УЧС-ын зохицуулагч кодолж нууцлан, лаборатори бүрд тухайн оролцогчийн кодыг цахим хаягаар илгээнэ. Лабораторийн гүйцэтгэлийг үнэлэх болон тайлан боловсруулах явцад оролцогч лабораторийн нэр тухайн кодоор илэрхийлэгдэнэ.

✅УЧС-ЫН ТӨЛБӨР
УЧС-ын төлбөр 1,100,000 төгрөг (НӨАТ орсон). Төлбөрийн баримтын дагуу бүртгэлийг баталгаажуулж, дээжийг илгээнэ.

✅БҮРТГҮҮЛЭХ
Оролцох хүсэлтийн маягтыг 5-р сарын 08-ны дотор https://docs.google.com/forms/d/e/1FAIpQLSd4Y2NWuihQt5Bz681Ok-8-H2YeQBgNzEk5RtGqZ3A6giCilQ/viewform?usp=dialog линкээр бөглөнө үү.

☎ ХОЛБОО БАРИХ

Ур чадварын сорилтын зохицуулагч
Н.Болормаа Утас: 99197682

УЧС-ын хөтөлбөр хариуцсан ажилтан
Ү.Оюунтунгалаг Утас: 99034746

Геологийн судалгаа, шинжилгээний төв ТӨҮГ
СХД, 18-р хороо, ҮЭ-ийн гудамж
ШХ 437, Улаанбаатар 18080, Монгол улс
E-mail: [email protected]
Web: www.gcra.gov.mn