Геологийн судалгаа-шинжилгээний төв ТӨҮГ

20/08/2026

Дараах нээлттэй ажлын байранд урьж байна.👍👍👍
✅Эрх зүйн асуудал хариуцсан мэргэжилтэн✅

-Хууль тогтоомж, дүрэм журам, тогтоол шийдвэрийн хэрэгжилтийг хангах, байгууллагаас гаргаж буй эрх зүйн баримт бичиг, гэрээ, хэлэлцээр болон бусад баримт бичгийг х....

19/08/2026

19/08/2026

“Гурвансайхан” ХХК-тай хамтын ажиллагааны санамж бичиг байгууллаа

Геологийн судалгаа-шинжилгээний төв ТӨҮГ болон “Гурвансайхан” ХХК хамтын ажиллагаагаа өргөжүүлэх зорилгоор 5 жилийн хугацаатай харилцан ойлголцлын санамж бичиг байгууллаа.

Санамж бичгийг ГСШТ ТӨҮГ-ын захирал Ж.Түвшинбаяр, “Гурвансайхан” ХХК-ийн гүйцэтгэх захирал М.Батбаяр нар гарын үсэг зурж баталгаажуулсан бөгөөд талууд ураны болон ашигт малтмалын геологийн судалгаа, хайгуулын ажлыг дэмжих, лабораторийн шинжилгээний чадавхыг нэмэгдүүлэх, хүдэр боловсруулалтын технологийн туршилт судалгаа хэрэгжүүлэх, байгаль орчны болон цацрагийн хяналтын чиглэлээр хамтран ажиллахаар шийдвэрлэв

Мөн геологи, уул уурхай, лабораторийн чиглэлийн мэргэжилтнүүдийг сургах, дадлагажуулах, туршлага солилцох хөтөлбөрүүдийг хэрэгжүүлж, салбарын хүний нөөцийн чадавхыг бэхжүүлэхэд хамтран анхаарч ажиллах юм.

📌 Хамтын ажиллагааны үндсэн чиглэлүүд:
Геологийн зураглал, хайгуул, дээжлэлт, нөөцийн үнэлгээ

Лабораторийн шинжилгээ, стандартчилсан загвар боловсруулах

Байгаль орчин, цацрагийн хяналт, мониторингийн тогтолцоо хөгжүүлэх

Хүдэр боловсруулалтын технологийн туршилт, судалгаа

Мэргэжилтэн бэлтгэх сургалт, семинар, эрдэм шинжилгээний хамтарсан арга хэмжээ зохион байгуулах

♻️ Энэхүү хамтын ажиллагаа нь шинжлэх ухаан, судалгааны байгууллага болон хувийн хэвшлийн түншлэлийг бэхжүүлж, геологи, уул уурхайн салбарт дэвшилтэт технологи нэвтрүүлэх, үндэсний мэргэжилтнүүдийн мэдлэг, ур чадварыг хөгжүүлэхэд чухал ач холбогдолтой алхам болж байна.
https://gcra.gov.mn/content/6a857cbf38fa5d2ba3b4ab12

11/08/2026

08/08/2026

Дараах нээлттэй ажлын байранд урьж байна.👍👍👍
✅Дээжлэгч инженер✅

-Өмнөговь аймгийн Оюу-Толгой сайтад ээлжийн 14 хоногоор ажиллах -Баяжмалаас зөвхөн зориулалтын хатгуураар дээж авах, зааврын дагуу дээжлэлтийг нийлүүлэн дамжлагад...

07/08/2026

📢 “𝐂𝐆𝐋 𝐏𝐓𝟎𝟏 Нүүрс” Ур чадварын сорилтын хөтөлбөрийн 𝟏𝟓 дугаар тойргийг амжилттай зохион байгууллаа.

ГСШТ ТӨҮГ нь “CGL PT01 Нүүрс” Ур чадварын сорилт (УЧС)-ын хөтөлбөрийн 15 дугаар тойргийг MNS ISO/IEC 17043:2025 “Тохирлын үнэлгээ – Ур чадварын сорилт зохион байгуулагчийн чадавхад тавих ерөнхий шаардлага” стандартын шаардлагын дагуу амжилттай зохион байгууллаа.

🔹 Энэ удаагийн УЧС-д ашигласан чулуун нүүрсний бөөн дээжийг Хөвсгөл аймгийн Цэцэрлэг сумын нутаг дахь Могойн голын нүүрсний ордоос бэлтгэж, ГСШТ ТӨҮГ-ийн Стандартчилсан загварын дээж боловсруулалтын лабораторид боловсруулан, нэгэн төрлийн болон тогтвортой байдлын судалгааг гүйцэтгэлээ.

🔹 Хөтөлбөрт 38 лаборатори оролцож, лабораториудын гүйцэтгэлийг нүүрсний 9 үзүүлэлтээр үнэлэв.

📊 Үнэлгээг ISO 13528:2022 стандартын дагуу ProLab Plus программ хангамж ашиглан гүйцэтгэсэн.

⭐ Энэ удаагийн УЧС-ын онцлог нь фосфор (P), фтор (F), хлор (Cl) үзүүлэлтүүдийн гүйцэтгэлийн үнэлгээг анх удаа оролцогчдын зөвшилцсөн утгад үндэслэн хийсэн явдал байлаа. Эдгээр үзүүлэлтээр цугларсан үр дүнгүүд хоорондоо сайн нийцтэй, хэвийн тархалттай байсан нь үнэлгээг найдвартай хийх боломжийг бүрдүүлж, үндэсний хэмжээнд зохион байгуулагдаж буй нүүрсний УЧС-ын чанарыг ахиулахад чухал үр дүн боллоо.

📌 ГСШТ ТӨҮГ нь цаашид лабораториудын шинжилгээний үр дүнгийн үнэн зөв, найдвартай байдлыг баталгаажуулах, үндэсний лабораториудын чадавхыг бэхжүүлэх чиглэлээр Ур чадварын сорилтын хөтөлбөрийг олон улсын стандартын шаардлагад нийцүүлэн тогтмол зохион байгуулсаар байх болно.

👏Бүх оролцогч лабораториуддаа хамтран ажилласанд талархал илэрхийлье !

• Ар Си Инспекшн Азиа Ассайрс ХХК
• Ашигт малтмал, газрын тосны газар, Уул уурхай, газрын тосны төв лаборатори
• Багануур ХК-ийн лаборатори
• Вестернхолд ХХК, Ховд эко Цементийн үйлдвэр чанарын алба
• Гаалийн ерөнхий газар, Гаалийн Төв Лаборатори
• Геологийн Судалгаа-Шинжилгээний Төв ТӨҮГ, Химийн шинжилгээний лаборатори
• Дарханы дулааны цахилгаан станц ТӨХК, Сорилтын нэгдсэн лаборатори
• Дарханы төмөрлөгийн үйлдвэр ХХК, Чанар хяналтын хэлтэс, Лаборатори судалгааны төв
• Дорнод бүсийн эрчим хүчний систем ТӨХК, Түлш тосны лаборатори
• Дулааны цахилгаан станц-3 ТӨХК, Дотоод хяналтын хэлтсийн химийн лаборатори
• Дулааны цахилгаан станц-4 ТӨХК-ийн нүүрсний шинжилгээний лаборатори
• MCS Интернэйшнл ХХК, Ухаа худаг салбар, Хими хяналтын лаборатори
• Монголын Алт Корпорац, Нарийн Сухайтын Уурхайн нүүрс-химийн лаборатори
• Монцемент билдинг материалс ХХК, Өргөн үйлдвэрийн лаборатори
• МоЭнКо ХХК, Хөшөөтийн уурхайн нүүрсний лаборатори
• Мөнхийн Баян Гал ХХК-ийн лаборатори
• “Өсөх зоос” ХХК, Хүрэншанд уурхайн лаборатори
• Профьюжн Степпэ ХХК, Төхөм уурхайн лаборатори
• "Cаусгоби Сэндс" ХХК, Овоот толгойн уурхайн сорилтын лаборатори
• Сайншанд дахь Гаалийн газар, Салбар лаборатори
• Си Си Ай Си Эм Эн Эйч Кэй ХХК, Овоот лаборатори
• Си Си Ай Си Эм Эн Эйч Кэй ХХК, Төв лаборатори
• Си Си Ай Си Эм Эн Эйч Кэй ХХК, Цэций лаборатори
• Тавантолгой Түлш ХХК, Химийн шинжилгээ туршилтын лаборатори
• Түдэй Тинк Танк Энержи Монголия ХХК-ийн лаборатори
• Түмэн айл инвест ХХК, Довцог худаг уурхайн лаборатори
• Уул уурхайн хүрээлэн, Нүүрс боловсруулалт судалгаа хяналт шинжилгээний лаборатори
• Цагаан өвөлжөө ХХК-ийн лаборатори
• Цемент-Шохой ХХК, Сорилт шинжилгээний лаборатори
• Цэнгазар ХХК-ийн лаборатори
• Цэцэнс майнинг энд Энержи ХХК, Бөөрөлжүүтийн цахилгаан станц, Хяналтын лаборатори
• Шарын гол ХК, Нүүрсний шинжилгээний лаборатори
• Шивээ овоо ХК, Нүүрсний шинжилгээний лаборатори
• Энержи Ресурс ХХК, Төв лаборатори
• Эс Жи Эс-Aй Эм Эм И Монголиа ХХК-ийн Нүүрсний лаборатори, Геохимийн лаборатори
• Эрдэнэтийн ДЦС, Хатуу түлшний лаборатори
• Эрдэнэт үйлдвэр ТӨҮГ, Чанарын хяналтын хэлтэс, Түлшний лаборатори
• Эрчит говийн гэрэлт цацраг ГХОХХК-ийн Brix лаборатори

#ГСШТ #УрЧадварынСорилт #Нүүрс #Лаборатори #ЧанарынБаталгаажуулалт

31/07/2026

БНХАУ-ЫН ШЭНЯНЫ ГЕОЛОГИЙН АЛБАНЫ ЗАХИРАЛ LIN ZHIYONG ТЭРГҮҮТЭЙ ТӨЛӨӨЛӨГЧИД ГЕОЛОГИЙН СУДАЛГАА-ШИНЖИЛГЭЭНИЙ ТӨВ ТӨҮГ-Т ЗОЧИЛЛОО
🇨🇳БНХАУ-ын Геологийн албаны харьяа Шэньяны Геологийн судалгааны төвийн төлөөлөгчид Геологийн судалгаа-шинжилгээний төв ТӨҮГ-т зочилж, ажил хэргийн уулзалт зохион байгууллаа.
✅Уулзалтад Геологийн судалгаа-шинжилгээний төв ТӨҮГ-ын захирал Ж.Түвшинбаяр, Ерөнхий геологич Э.Алтанбагана, Ерөнхий инженер Т.Бүжинлхам, Шэняны Геологийн албаны захирал Mr. Lin Ziyong, Шеняны геологийн судалгааны төвийн шинжлэх ухаан, технологийн газрын дарга Mr. Zhang Nan, Шеняны геологийн судалгааны төвийн Зүүн хойд Ази, Европын төвийн захирал Mr. Zhou Yongheng, Ахлах судлаач, профессор Mr. Wu Taotao, ахлах геологич Mr. Chen Liangxi, ахлах геологич Mr. Wang Qingshuang, геологич Mr. He Junqing, геологич Mr. Lang Wensong нар оролцов.
🇨🇳БНХАУ-ын Геологийн алба болон Монгол Улсын Үндэсний геологийн албаны хооронд байгуулсан хамтран ажиллах санамж бичгийн хүрээнд зохион байгуулагдсан тус уулзалтын хүрээнд хоёр байгууллагын геологийн судалгаа, шинжилгээний салбар дахь хамтын ажиллагааг өргөжүүлэх, цаашдын хамтарсан судалгааны ажлуудыг хэрэгжүүлэх талаар нээлттэй санал солилцлоо.
✅Уулзалтын үеэр ГСШТ ТӨҮГ-ын хэрэгжүүлж буй “Гео-Өмнөд 2026” төслийн хүрээнд хамтран хэрэгжүүлэх ажлын төлөвлөгөө, судалгааны ажлын чиглэл, хамтын ажиллагааны боломжийн талаар дэлгэрэнгүй саналыг солилцон хамтарсан хээрийн судалгааг хэрэгжүүлэхээр болов.
Түүнчлэн цаашид хоёр байгууллагын хамтын ажиллагааг дараах үндсэн чиглэлээр хөгжүүлэх боломжийн талаар хэлэлцлээ. Үүнд:
✅Геологийн судалгаа, шинжилгээний чиглэлээр хамтарсан төсөл, хөтөлбөр хэрэгжүүлэх;
✅Лабораторийн шинжилгээ, судалгааны чадавхыг нэмэгдүүлэх, дэвшилтэт арга, технологи нэвтрүүлэх;
✅Геологийн шинжлэх ухааны чиглэлээр хамтарсан судалгаа, эрдэм шинжилгээний ажил гүйцэтгэх;
✅Хоёр байгууллагын хамтарсан судалгааны төв байгуулах боломжийг судлах;
✅Геологич, судлаач, мэргэжилтнүүдийн хүний нөөцийн чадавхыг бэхжүүлэх, сургалт, дадлага, мэргэжил дээшлүүлэх хөтөлбөр хэрэгжүүлэх;
✅Хээрийн хамтарсан геологийн судалгаа, зураглал болон бусад судалгааны ажлыг зохион байгуулах;
✅Геологийн мэдээлэл, судалгааны үр дүн, туршлага, технологийн харилцан солилцоог нэмэгдүүлэх болон хамтарсан судалгааны төвийг байгуулах боломжийн тухай хэлэлцэв
🇨🇳БНХАУ-ын Геологийн албаны харъяа Зүүн хойд Ази, Европын төвийн захирал Mr. Zhou Yongheng хэлэхдээ: Геологийн шинжлэх ухаан нь улс орны хил хязгаараар зааглагдах ёсгүй юм гээд. Манай 2 байгууллага Монгол Улс болон БНХАУ-ын хил орчмын геологийн тогтоц, ашигт малтмалын тархалт, металлогени, болон бусад чиглэлээр хамтын ажиллагааг өргөжүүлэх бүрэн боломжтойг дурдав.
Цаашид хоёр тал харилцан туршлага, мэдлэг, технологио хуваалцаж, хамтарсан судалгааны ажлуудыг үр дүнтэй хэрэгжүүлснээр Монгол Улсын геологийн судалгаа, шинжилгээний салбарын чадавхыг бэхжүүлэх, олон улсын түвшний хамтын ажиллагааг өргөжүүлэхэд үнэтэй хувь нэмэр оруулах юм.

22/07/2026

Дараах нээлттэй ажлын байранд урьж байна.👍👍👍
✅Минералоги, петрографийн инженер✅

-Геологи - Ашигт малтмалын эрэл хайгуул -Шатах ашигт малтмалын геологи -Геологи эрдэс баялгийн менежмент -Геохими зэрэг мэргэжлээр төгссөн байх

20/07/2026

"Худалдан авах ажиллагааны мэргэжилтэн" нээлттэй ажлын байр зарлагдлаа

-Үйлдвэрийн газрын худалдан авалтын төлөвлөгөөг боловсруулж, хэрэгжилтийг зохион байгуулах, худалдан авах ажиллагааг төрийн болон орон нутгийн өмчийн хөрөнгөөр ....

10/07/2026

🇰🇷БНСУ-ЫН ЕРӨНХИЙЛӨГЧИЙН ТӨРИЙН АЙЛЧЛАЛЫН ХҮРЭЭНД ХОЛБОГДОХ ТӨЛӨӨЛӨГЧИД МОНГОЛ–СОЛОНГОСЫН ХОВОР МЕТАЛЛ БОЛОВСРУУЛАХ СУДАЛГААНЫ ТӨВИЙН ҮЙЛ АЖИЛЛАГААТАЙ ТАНИЛЦЛАА👍
✅БНСУ-ын Шинжлэх ухаан, технологийн хүрээлэн (KIST)-ийн Ерөнхийлөгч, доктор Сан Рок О, Солонгосын Геологи, эрдэс баялгийн хүрээлэн (KIGAM)-ийн Ерөнхийлөгч Квон И Гюн, БНСУ-ын Шинжлэх ухаан, мэдээллийн технологийн яам (MSIT)-ны газрын дарга Ли Кёнлим, Хван Сонгхун, Үндэсний Ассамблейн төлөөлөгчид болон албаны бусад хүмүүс Геологийн судалгаа-шинжилгээний төв ТӨҮГ-т хэрэгжиж буй 🇲🇳Монгол–🇰🇷Солонгосын Ховор металл боловсруулах судалгааны төвийн үйл ажиллагаатай танилцлаа.
✅Зочид төлөөлөгчид тус төвийн лабораторийн хүчин чадал, судалгааны орчин, хэрэгжүүлж буй төсөл, шинжилгээний чиглэлүүдтэй танилцаж, ховор металлын судалгаа, дэвшилтэт технологи, шинжлэх ухааны хамтын ажиллагаа, хүний нөөцийн чадавхыг бэхжүүлэх чиглэлээр цаашид хамтран ажиллах боломж, хөгжлийн зорилтын талаар санал солилцов.
✅Хоёр улсын Засгийн газрын дэмжлэгтэйгээр хэрэгжиж буй энэхүү төсөл нь орчин үеийн лабораторийн дэд бүтцийг бүрдүүлэхээс гадна Монгол Улсад ховор металлын судалгаа, инновац, шинжилгээний чадавхыг шинэ шатанд хүргэж, бүс нутгийн хэмжээнд өрсөлдөхүйц судалгааны төв болгон хөгжүүлэх стратегийн ач холбогдолтой болохыг талууд онцлон тэмдэглэлээ.👍