26/05/2026
✨ Бүх цаг үед -д байсан гишүүдээ эргүүлэн дуудаж байна!!! Та бидэнд төдийгүй Монголын стартапуудын ирээдүйд нэгэн чухал нотолгоо болох үйлсэд өөрийн мэдлэг, ур чадвараараа нэгдэх хэрэгтэй байна.
Өчигдөр Цахим хөгжил, инновац, харилцаа холбооны яам -ны сайд Чинбатын НОМИН мэдэгдэл хийхдээ:
- 1500 залууг гадны зах зээлээс орлого олдог болгож сургахад жижиг стартапууд чадахгүй, учир нь тэд мөнгөгүй тул “хариуцлагагүй”, өндөр босго давж чадсан “мөнгөтэй” оролцогчид болон гадаадын компаниудыг “хариуцлагатай” гэж үзнэ хэмээн өөрийнхөө амаар хэллээ.
Бид 2020 оноос хойш 15000 гаруй хүнийг цахим орчинд ажиллах ур чадварт сургаж, тэдний 4000-ыг нь онлайнаар ажилд зуучилж, 5 тэрбумын орлого олохдоо, өөрсдийгөө “нийгэмд чиглэсэн бизнес” буюу social enterprise хэмээн тодорхойлж, өөрсдийн бизнесийн ашийг “мөнгөөр” бус, “гэрээсээ хүүхдээ асрангаа мөнгө олж чадсан ээжийн орлого”-оор хэмжиж ирсэн нь буруу болов.
Тендерийн шалгуур давах мөнгөгүй компани тул биднийг “хариуцлагагүй” хэмээн албан ёсоор нэрлэв.
Мөн Ч.Номин сайд мэдэгдэлдээ:
- 1500 хүнийг гадаадаас валютаар орлого олох ажлыг зөвхөн “гадны томоохон платформ” л хийж чадна гэдэг үгийг хэдэнтээ хэлсэн.
Өнгөрсөн 2025 оны 11-р сард Дэлхийн 62 улсад албан ёсоор үйл ажиллагаа явуулдаг In Tech гэдэг байгууллагын 5 тив, 2 бүс нутгаас ирсэн нийт 5000 гаруй технологийн салбарын эмэгтэй үүсгэн байгуулагч, удирдагчтай төслүүдээс агентлаг маань Ази тивээ төлөөлөн өрсөлдөж, Дэлхийн шилдэг “Most impactful Initiative” шагналыг аваад, хөрөнгө оруулагчгүй, төр нь дэмждэггүй гэхэд, өндөр нөлөөтэй “Томоохон платформ” гэж үнэлэгдсэн юм шүү!!!
Дэлхий биднийг “том” гэж дүгнэсэн байхад хариуцаж байгаа яамны сайд нь “дансандаа мөнгөгүй тул хариуцлагагүй, ташаа мэдээлэл тараагч” хэмээн ойлгож байна.
Шинэхэн сайдын буруу биш байхаа. Бид өөрсдийн юу чаддагаа дутуу харуулж, дундуур ойлгуулсны л буруу байх…
Тиймээс өнгөрсөн хугацаанд нэдэж ажилласан 4000 гишүүдийнхээ 1000-г нь л буцаан дуудаж, хүн тус бүр гурван жил биш, гурван сарын дотор 80$ олж чаддаг чадвартай гэдгээ харуулах том даалгавар бидэнд ирлээ.
Хэрэв бид даалгавараа нэр төртэй биелүүлж чадвал төр нь “гадаадын л юм гоё, Монгол хүн, Монгол стартап муу” гэдэг ойлголтыг сайд, удирдагчдынхаа толгойноос ховхолж хаях том боломж хэмээн харж байна.
Та бүхний туслалцаа, мэдлэг чадвар эх орондоо хэрэгтэй байна.
🌱 6-р сард эргэн нэгдэж буй “өнмнө нь тэнцэж, ажиллаж байсан” гишүүдээс ШАЛГАЛТ АВАХГҮЙ. Учир нь бид өмнөх арга барилаараа ажиллахгүй.
🌱 06/03–06/20 хооронд AI ашиглан 4 салбарт үйлчилгээ үзүүлэх 32 багц сургалтыг ҮНЭ ТӨЛБӨРГҮЙ үзнэ.
🌱 Momade.ai платформын ai системд нэгдэж, гар утсаараа промт өгөөд ажлаа хийдэг шинэ системийг ашиглах эрх нээж өгнө.
💡 Дахин эхлэхэд хамгийн тохиромжтой цаг — яг одоо.
👇 Формоо бөглөөд багтаа эргэн нэгдээрэй
forms.gle/iRpQxmv6WL4zjyup8
