08/09/2026
🐄Яс сөнөрөх өвчин нь өвчилсөн үхрийн шилбэний яс нарийсах, урд хоёр хөл нь өвдөг, богтосны үеэр ойртон, цээжин бие нь хавчийх, яваандаа гуйван, улмаар босож чадахгүй, олон хоногоор хэвтэх, хавирга, сээр нурууны сэртэн зэрэг захын байршилтай яснууд зөөлрөх, түүнчлэн сүүлний сүүлчийн нугалмууд уусах зэрэг шинж тэмдгүүдээр илэрдэг өвчин юм.
🆘Өвчний шинж тэмдэг:
⚠️ Үхрийн тэжээлийн дуршил өөрчлөгдөн, тэжээл бус элдэв зүйлүүдийг (мал, амьтны яс, сэг, зэм, мод, аргалын үнс, хөрзөн гэх мэт) долоож, мэрэн идэх
⚠️ Малын салст ил бүрхүүлүүд нь цайрч, үс нь бүрзийж, өнгөө алдан, хүзүү, хэвлий, бөөрний тус газрын үс нь унаж, туруу нь сунах
⚠️Өвчилсөн үхэр сүргээсээ хоцрох, явдал нь өөрчлөгдөх, өндөрлөг газраас уруудахдаа бээцэгнэх, эмзэглэн янцгаах, зогсож байхдаа хөлөө ойр ойрхон сэлгэх, зарим үед чацга алдах
⚠️Өвчин хүндрэхэд ясны эд зөөлөвч, сүүлний төгсгөлийн нугалмууд уусан алга болох, нурууны хөндлөн, сээрний босоо сэртэн, сүүлчийн хавиргуудыг гараар дарахад нахилзах, зарим тохиолдолд хугарах, үхэр эмзэглэн биеэ зайлсхийх
⚠️Үхрийн биеийн галбир өөрчлөгдөн, далны хойд хэсгээр цээж нь хавчийж, гэдсээ татах, шилбэ нь нарийсах
⚠️Үүдэн шүд хөдөлгөөнтэй болж, сийрэгжих, амархан элэгдэх, шүдний ургалт саатах, паалан нь харлах, гөлгөр биш болох
❗️АНХААРУУЛГА: Яс сөнөрөх өвчний үндсэн шалтгаан нь малын бие махбодид фосфор болон бусад бодисууд дутагдах, буурах явдал юм.
🌾Урьдчилан сэргийлэх:
Энэ өвчнөөс урьдчилан сэргийлэхийн тулд малыг эрдсээр баялаг, ялангуяа фосфор болон кальци агуулагдсан Классик мимо-г тогтмол хэрэглэж Хээлтэй малын тарга, хүчийг сайн авахуулж, өвөл, хаврын цагт тарга хүчийг алдагдуулахгүй байна.
