Lkhagva Munkhbat & Л.Мөнхбат

31/07/2026

23 минутын хүлээлт банкны CSAT-ийг хэрхэн унагасан бэ?

Сэтгэл ханамжийн судалгааны гарын авлага татах линк: https://onoshilgoo.mn/knowledge.html?id=4

23/07/2026

1 муу туршлага 15 хүнд хүрдэг ...

23/07/2026

19/07/2026

Танай байгууллагын хамгийн том асуудал яг юу вэ?

13/07/2026

“Миний сошиал хаяг бол миний хувийн орон зай. Би юу нийтлэхээ өөрөө мэднэ” гэж бид ихэвчлэн боддог.
Тийм ээ, сошиал хаяг бол хувь хүний орон зай. Гэхдээ цахим орчинд нийтэлсэн зүйл бусдад харагдаж, уншигдаж, цааш хуваалцагдах боломжтой тул зөвхөн “өөртөө зориулсан” хэвээр үлддэггүй. Нэгэнт бусдад харагдаж, уншигдаж, хуваалцагдаж байгаа бол тэр нь харилцааны нэг хэлбэр болж хувирдаг.
Бид “зүгээр л бодлоо хуваалцсан” гэж бодсон ч бусад хүн үүнийг өөрийн туршлага, хандлага, тухайн үеийн нөхцөл байдлаас шалтгаалан өөрөөр хүлээж авч болно. Тиймээс нэг өгүүлбэр хүртэл өөр өөрөөр ойлгогдож, заримдаа үл ойлголцол, маргаан, хэрэггүй стресс үүсгэх нь бий.
Өдөр бүр маш олон мэдээлэл дунд амьдарч байгаа энэ үед бид юу хэлж байгаагаас гадна хэрхэн хэлж байгаагаа анзаарах хэрэгтэй. Сошиал орчинд хариуцлагатай байна гэдэг нь өөрийгөө хязгаарлах тухай биш, харин бусдыг хүндэтгэж, өөрийн үгээ ухамсартай сонгох тухай юм.
Эцэст нь, дэлгэцийн цаана хүн байгаа гэдгийг санахад л цахим орчин арай илүү тайван, ойлголцолтой болж чадна. Та юу гэж бодож байна? Сошиал хаяг хувийн орон зай хэвээрээ юу, эсвэл олон нийтийн өмнө хариуцлагатай байх ёстой талбар уу?

07/07/2026

Судалгааны тайлан яагаад ширээний шургуулганд үлддэг вэ?
Судалгаа хийсэн. Тайлан гарсан. Танилцуулга ч хийгдсэн.
Гэтэл ... бодит шийдвэр, өөрчлөлт гараагүй. Яагаад?
Байгууллагуудад судалгааны ажлын үр дүн “ашиглагдахгүй үлдэх” тохиолдол түгээмэл. Асуудал нь ихэнхдээ судалгаанд биш — шийдвэр гаргалтын бүтэц дээр байдаг.
Үүнийг 3 нийтлэг шалтгаанаар тайлбарлаж болно:
1️⃣ Шийдвэрийн эзэн тодорхойгүй
Судалгаа хэнд зориулагдсан, хэн эцсийн шийдвэр гаргах нь тодорхой биш үед тайлан “нийтийн” болж, хариуцлага сарнидаг.
2️⃣ Хэрэгжүүлэх хүмүүс эхнээсээ оролцдоггүй
Тайлан бэлэн болсны дараа танилцуулахад “энэ бидэнд яг хэрэгтэй зүйл мөн үү?” гэж эргэлздэг. Харин эхнээс нь хамт оролцуулбал хэрэгжих магадлал эрс нэмэгддэг.
3️⃣ Судалгааг “тайлан гаргаад дуусдаг” ажил гэж хардаг
Сайн судалгаа дараагийн уулзалт, төлөвлөгөө, шийдвэр бүрт ашиглагдаж байж л үнэ цэнтэй болдог.
Товчхондоо — судалгаа өөрөө зорилго биш. Илүү зөв шийдвэр гаргалтыг дэмжих хэрэгсэл.
Тиймээс судалгаа эхлэхээс өмнө дараах асуултыг тодорхой болгох шаардлагатай.
“Энэ судалгаагаар бид ямар шийдвэрийг, ямар хувилбаруудаас, ямар шалгуураар гаргах вэ?”
Ийм байдлаар асуултаа эхнээс нь тодорхой тавьснаар шийдвэрийн эзэн хэн болох, хэнийг хамт оролцуулах, ямар үр дүнд хүрэхийг зорьж буй нь өөрөө тодорхой болдог. Өмнөх гурван бэрхшээл ихэвчлэн эндээс л эхэлдэг.
Жишээ нь:
Хэрэв та үнэ нэмэх эсэх шийдвэр гаргах гэж байгаа бол — “хэрэглэгчийн сэтгэл ханамж” биш, “үнэ нэмэхэд алдах болон хадгалах хэрэглэгчийн хувь” дээр төвлөрсөн судалгаа хэрэгтэй.
Хэрэв дээрх асуултад тодорхой хариулт байхгүй бол — судалгаа биш, зорилгоо эхлээд тодорхойлох шаардлагатай гэсэн үг.
Үүнийг практик дээр 3 алхамд буулгая:
✅ Шийдвэрийн эзнийг нэрлэ — энэ үр дүнгээр хэн, юуг шийдэх вэ?
✅ Хэрэгжүүлэх хүмүүсийг төслийн санал боловсруулах эхний уулзалтаас нь оруул.
✅ Тайланг төгсгөл биш, дараагийн шийдвэрийн гарааны цэг болго.
Та судалгааг бодит шийдвэр, хэрэгжилт болгохын тулд юу өөрчилж үзсэн бэ? Сэтгэгдлээрээ хуваалцаарай.

www.onoshilgoo.mn

05/07/2026

Сэтгэл ханамж: Амлалт ба бодит байдлын зөрүү.

03/07/2026

Стратеги хэрэгжихгүй байх 5 бодит шалтгаан.

03/07/2026

Шинэ харилцагч олоход хуучин харилцагчаа барьж үлдэхээс 7 дахин их зардал гардаг гэдгийг та мэдэх үү?
Нэг л үнэнч харилцагч чинь "баяртай" гээд явахад тэр орон зайг нөхөх гэж та 7 шинэ хүн олж, бүтээгдэхүүнээ дахин танилцуулж, итгэлийг нь шинээр олох хэрэгтэй болдог. Хамгийн харамсалтай нь тэр 7 хүнээс сайндаа л ганц нь жинхэнэ үнэнч хэрэглэгч болж үлддэг.
Энэ зүгээр нэг тоо биш. Ихэнх компанийн орлогын 80 орчим хувийг цөөн хэдэн үнэнч хэрэглэгч л бүрдүүлдэг. Тэгвэл таны бизнесийг өдөр бүр орлого оруулж байгаа тэр цөөхөн хүнийг та хэр сайн мэддэг вэ? Хамгийн үнэнч 10 хэрэглэгчээ нэрлэ гэвэл чадах болов уу?
Олон байгууллага "хэрэглэгчийн сэтгэл ханамж" гэж их ярьдаг ч бодит амьдрал дээр хэрэглэгчээ алдсаар л байдаг. Магадгүй төсвийнхөө нэг хэсгийг шинэ хэрэглэгч олоход биш, аль хэдийн итгэсэн хэрэглэгчдээ зарцуулж эхлэх цаг болчихсон юм биш биз?
Хэрэглэгчээ тогтоон барих аргачлалыг манай гарын авлагаас үзээрэй.
https://onoshilgoo.mn/knowledge.html?id=4

02/07/2026

Монгол хэрэглэгч яагаад 'найзын зөвлөгөө'-нд брэндийн сурталчилгаанаас илүү итгэдэг вэ?