Real Estate Agent / Үл Хөдлөх Хөрөнгө Зуучлал

29/05/2024

/Заавал уншаарай🤔/ копи

Сүүлийн жилүүдэд бидний олонтаа сонсох болсон шинэ эрин /Алтан эрин, Бумбын эрин, Майдарын эрин, 5 дугаар хэмжээс г.м / ирж байна гэх боловч энэ талаархи бидний ойлголт янз бүр бас таамаглах төдий байна. Хүмүүст хамгийн ойлгомжтойгоор.

Дэлхий эргэх явцдаа нэгэн өөр үелзлэл давтамжийн орон зай руу шилжиж байгааг эрдэмтэд хэмжиж гаргасан ба энэхүү Шуманы резонанс буюу үелзлэлийн давтамж 2000 оноос өмнө 1000 гаруй жил тогтвортой 8-9 герцийн давтамжтай байсан гэх ба 2000 оноос хойш энэ хэмжээ өссөөр сүүлийн жилүүдэд огцом өсч байна.

• 2000 онд 9,30 Гц,
• 2007 онд 9,80 Гц,
• 2012 онд 11,10 Гц,
• 2013 онд 13,74 Гц,
• 2014 онд 16, 5 Гц.
• 2015-2016 онд 30,0 Гц
• 2017 онд 36 Гц
• 2020 онд 40 Гц
Энэ давтамж улам өсөх нь гарцаагүй.

Тэгвэл хүний зан чанар ямар үелзлэлийн давтамж үүсгэдэг болохыг харна уу.

Үйлийг өөд татагч зан чанарын давтамж /А.В. Сковорцов/

· Бусадтай зохирох -38 Гц
· Чин сэтгэлээсээ хайрлаж чадахгүй ч хайрыг сайхан зүйл гэж үзэх -50 Гц
· Бусдыг шүүмжлэхгүй байгаагаар хүлээн авах - 46 Гц
· Сайхан сэтгэл-95 Гц
· Талархал-95 Гц
· Чин сэтгэл, итгэл -140 Гц
· Нийтэч зан - 140 Гц
· Энэрэл нийгүүлсэл - 150 Гц
· Хамаг амьтныг чин сэтгэлээсээ хайрлах - 150 Гц ба түүнээс дээш
· Болзолгүй хайр -205 Гц,дээш
· Өөрийгөө бусдад золиослох -205 Гц, дээш
205 Гц-ээс дээш болохоор дэлхий дээрх 6 дахь шинэ төрлөхтний давтамжийн хүрээ болох нь.

Хамгийн доод давтамжууд

· Зовлон гаслан- 0,1-2,2 Гц Огцом уур - 0,5 Гц
· Уур хилэн - 1,4 Гц
.Эгдүүцэл -06-1,9 Гц
· Айдас - 0,2-2, Гц
· Гомдол, доромжлол-0,6-3,3Гц
· Бусдын зэвүү хүргэх - 0,6-1,3Гц
· Эргэлзээ - 0,6-1,9 Гц
· Худал үг - 0,7-1,2 Гц
· Их зан - 0,8 ГцХөөрхийлөх сэтгэл-3 Гц
· Бардамнал, өөрөөрөө бахдах- 0,8 Гц
· Бусдыг эвгүй байдалд оруулах - 0,9-1,3 Гц
· Үгүйсгэл шүүмжлэл - 1,5 Гц
· Өөрийн давуу байдлыг нотлох, өрсөлдөх - 1,7 Гц
· Өөрийгөө бусдаас дээр тавих - 1,9 Гц
· Хов зөөх - 2,3 Гц,
· Би үзэл - 2,9 Гц,
· Бардамнал - 3,1 Гц,

Эдгээр зан чанар нь хүний хамгийн доод давтамжууд бөгөөд торсион орныг гэмтээж унагаж байдаг байх нь ээ.

Тиймээс давтамжаа өсгөхийн тулд сөрөг сэтгэл хөдлөлөө барьж сурах нь тустай байх нь.
Хүн 40 Гц- ийн давтамжтай.

Хамгийн доод давтамжийн хүрээ нь:0-2.7 Гц хэлбэлздэг.
Доод дунд давтамж :2,7-9,7
Дунд давтамж :26-56 Гц
Дээд давтамж :56-115 Гц

Бас нэгэн жишээ: Нэг талаас, өвөр дээр дэгэж дэрвэх нялх хүүхэд, баяр хөөр нь багтаж ядахдаа дээр дээр үсчих хүүдүүд, хайранд умбан далавчтай бол нисэх шахах залуус, сайхан мэдээ сонсож хөл нь газар хүрэхгүй баярлах хөгшид...
..нөгөө талаас, хөлөө зөөж ядах алхах өвчинд шаналсан хүн, толгой гудайлган мөр нь буусан өрөнд орсон хүн, дуу хоолой нь сонсоход төвөгтэй омог бардам хүн, зовхи нь буусан шаналалдаа автагч нэгэн...

Үүнээс харахад баяр баясгалан, хиргүй тунгалаг сэтгэл, хайранд халгисан бүхэн өндөр дээд давтамжаар торсион орноо өд мэт хөнгөн болгож байхад нөгөө жишээний хүмүүс асар хүнд баргар торсион үүсгэж байдаг байна.

Дэлхийн торсион орны үелзлэлийн давтамж өндөрсөх тусам тухайн давтамжинд нийцэхгүй доогуур давтамжтай хүмүүст улам хүнд болж, бие махбодь ялангуяа тархи, зүрх судасны асуудалд өртөж, дэлхийг орхин явах болох нь ээ.

Хэрэв энэ хэвээр дэлхийн давтамж өссөөр байх бол энэ дэлхийд хамгийн эерэг, баяр баясал, хайр халамжаар дүүрсэн тийм л хүмүүс үлдэх ба дан ийм хүмүүстэй дэлхий жинхэнэ АЛТАН ЭРИН- ДИВААЖИН болно гэсэн үг биш үү?

Иймээс өөртэйгөө ажиллаж, өөрийгөө зөвөөр бүтээцгээе !😍🌞

10/04/2024

ӨНӨӨДӨР ЛУУ ЖИЛИЙН ЛУУ САРЫН ЛУУ ӨДӨР БУЮУ ХАВРИЙН СҮҮЛ ШАР ЛУУ САРЫН ШИНИЙН 2 НИЙ ӨДӨР. 4 ЛУУ ДАВХЦАХ ХҮЧТЭЙ ӨДӨР ГЭНЭ. ХҮН БҮРИЙН АЗ ХИЙМОРЬ НЬ БАДРАГЭЭ🙏🙏🙏

09/03/2024

Чагдгаагийн Батцэцэг гэх бүсгүйн УЛ МӨРГҮЙЧҮҮД цуврал нийтлэлийг хүргэж байна. Хотын бүсгүй "Хөдөөний Хүүхэн" болохоор шийдэж Булган аймагт шилжин амьдраад хоёр жилийг үджээ. Тэрээр монголчуудын нүүдэлчин амьдралын онцлог, ахуйг тун урнаар дүрсэлжээ..................................
🌎Монголчууд бол УЛ МӨРГҮЙЧҮҮД. Бид байгаа байхгүй нь мэдэгдэхгүй, байршил нь тодорхойгүй, баримт нотолгоогүй амьдарч ирсэн БИЕТ БУС үндэстэн.
Эртний хаадууд бидэнд орд харш байтугай онгон шарилаа ч үлдээгээгүй. Монголын тал нутагт хүн төрөлтөн сая шахам жил амьдрахдаа хэзээ ч, хэн ч амьдарч байгаагүй мэт эзгүй хээр тал, эгэлгүй онгон байгалийг л өвлөж ирсэн.
Монгол нүүдэлчид ертөнцийн анхны бас сүүлчийн хүн шиг амьдралтай, хаан шиг, бас боол шиг ааштай. Маргааш үхэх мэт хээгүй, магад мөнх наслах мэт хэрсүү хүмүүс. Монголчуудад тулах цэг гэж үгүй. Учир нь тэд газар тулж биш тэнгэр чангааж босдог. Монголчууд цаг хугацаанд биш цаг агаарт захирагддаг. Тэд баялгийг хөөж биш тууж эдэлдэг.
Өтлөх тусам тэд унь, ханаа цөөлж, уух идэхээ танаж, оршихуйгаа цэгцлээд оддог. Учруулсан хохирлоо амьдадаа барагдуулж, ул мөрөө алгуурхан баллаад, ууршин оддог нь монголчуудын ондоошил.
Монголын ирээдүй өнгөрсөнд, хөдөөгийн хөгжил эс хөгжихүйд бий. Бидний орших, эс оршихын нууц нь магад хонины бэлчээрт холхиж яваа жирийн монгол чавганцын чамархай тушаа байж мэднэ. .................................
#УлМөргүйчүүд #2
🌎Ул мөргүйчүүдийн тухай олж мэдсэн даруй би хэмжээлшгүй тайтгарал, эрх чөлөөг мэдрэв. Орооцолдож ээдэрсэн олон асуултын хариулт нэгэн зэрэг олдсон мэт, овоорсон дарамт ачаа ор мөргүй алга болсон мэт санагдав.
Үр хүүхдэдээ ахиухан хөрөнгө үлдээх, үлдсэн амьдралдаа амжиж эд хураах, эх орноо эцэст нь тултал хөгжүүлэх, энэ дэлхийд цоо шинийг санаачлах, удам нэрээ мөнхлөх, ул мөрөө үлдээх - энэ бүхэн миний хүсэл үү, эсвэл бусдын хүлээлт үү гэж бодох болов.
Биет зүйл нь мөнх бус, биет бус нь мөнх гэдгийг, үнэ өртөгтэй нь биш үнэ цэнтэй нь чухал гэдгийг, илүүрхэж биш ижилсэж жаргадаг гэдгийг мэдэх хүртлээ би эргэлзээ, эмзэглэл, урам хугаралт, ухралт, үнэн мөн, үзэн ядалттай бишгүй нүүр тулсан.
Ул мөргүйн тухай бодол намайг ирээдүйгээс чөлөөлсөн ч өнгөрснөөс сулласангүй. Харь гарагийн мэт хачин жигтэй зүйлсээр би биеэ, гэрээ бас дэлхийгээ дүүргэжээ. Хоргодоод үхэж чадамгүй, хойчдоо үлдээвч тоогдомгүй, хог дээр хаяавч барагдамгүй элдвийн эд агуурс энэ дэлхийд гай болж амьдарсныг минь гарцаагүй гэрчлэх ул мөр ажээ.
Жирийн малчны гэрийг би жигтэйхэн тарчиг гэж боддог байв. Арав таван малыг нь аз жаргалын садаа мэт санадаг байв. Аажуу тайван байдлыг нь арчаагүй гэж голохдоо, алгуур холуур занг нь амиа бодсон гэж гоочлохдоо би өөрийгөө Монгол хүн гэж эндүүрч явжээ.
Би Монгол хүн биш, би Монголыг хайж яваа хүн. .................................
#УлМөргүйчүүд #3
🌎Ул мөргүй амьдрахын утга язгуур нь зайлшгүй хэрэгцээнээс хэтрэхгүй, зохиомол хэрэглээ рүү халихгүй, шунал руу шумбахгүй байхад оршино.
Шуналыг бидний олонх нь үслэг хувцас, үнэт эдлэл, үлгэрийн харшаар төсөөлдөг. Гэвч "хүлээн зөвшөөрөгдөх шунал" бол хүн төрөлтнийг хуйхлагч улангассан гал, эцэс төгсгөлгүй, эргэж буцашгүй там юм.
Бусдад хүндлэгдэх, хүлээн зөвшөөрөгдөх гэсэн гэнэн хүсэл нь аргагүй хамгаалалт мэт харагдавч аюулт тахал билээ. Үр дагавар нь үйлдвэржилтийн солиорол, инновацын туйлшрал, зохиомол хэрэглээний хамаарал, хялбарчлах өвчин, хурдасгах дон, эдийн засгийн шүтлэг, эрх мэдлийн дайн. Энэ шунал бол эрх чөлөөний дайсан.
Ул мөргүйчүүд бол эдийн болоод сэтгэлийн шуналаас төсөөрсөн хүмүүс. Алс хязгаар нь үл харагдах уужим нутагтай атлаа арван алхмаас хэтрэмгүй ахархан зайд гэрээ барьдаг. Ан амьтан нь үл тоологдох баян хангайтай мөртлөө арав тавхан мал харж биеэ зовоож амьдардаг. Алт эрдэнэс нь үл багадах арвин баялагтай хир нь авдартаа ганцхан шинэ дээлтэй Монгол хүн.
Ухаангүйдээ биш, ул мөргүй амьдрах гэсэндээ малчин хүн гэрээ аваад нүүдэг, гэзгээ хаялгүй хамдаг, гадас сугалахыг газрын буянд тооцдог, ганц чулуу хөдөлгөхийг гай хэмээн цээрлэдэг. Байгалийг эрхшээх нүглийн үйлийн үрийг хорлол, баялгийг эзэмших хүслийн барцад лайг хараал гэдэг.
Нүүдэлчин хүн нүүхээ болиод суувал магад орд харшийг хүснэ. Малчин хүн малгүй болж хоосорвол магад газар ухахыг бодно.
Монгол хүн байгальдаа ойртохын цагт магад ул мөргүй амьдрахын утга учрыг ойлгоно..................................
#УлМөргүйчүүд #4
🌎Эрт урьдын цагт дорно зүгийн нэгэн бүсгүй Монголыг зорьж ирээд долоон уулыг давж, дов толгодыг туулан аялав. Өөд уруугүй донсолгож, өглөө өдөргүй сэгсчүүлсээр хуучны нэгэн хийд дээр ихэд ядарч иржээ. "Би ердөө энүүхнийг харах гэж энэ хол замыг тууллаа гэж үү" хэмээн өнөөх жуулчин үзсэн зүйлээ чамлан уйлсан гэдэг.
Залуу хөтчид энэ явдал зүрх үхэм түүх байв. Үлгэр домгоос хэтрэхгүй, үзүүлэх байхаа олж ядан, урам хугарч, улайж ичиж явахдаа ул мөргүйн тухай би ухаарсан сан бол...
Долоон уул, дов толгодоо л үзүүлэх байж, донсолгож бас сэгсчдэг замаа л харуулах байж. Уран хийц, утга төгөлдрийг хайж явахын оронд ул мөргүйгээ л гайхуулах байж. Монголын их сүр хүч мод чулууны оройд мандаж биш, морин дэлэн дээр хийсэж явдгийг хэлж өгөөд зам хөндлөн хонио тууж яваа залуу малчныг зааж өгдөг байж.
Тотгонд нь толгойгоо цохим, тооноор нь цухуйх шахам хавчиг Монгол гэрээс туурь үлдэхгүй. Дорд мэт ноорхойг өмсөж, дорой мэт газар өвдөглөх Монгол эр бунханд мөнхрөхгүй. Олон хөлийн суурьшлаас алсарч хаягдсан нүүдэлчин хог новшгүй, орчин үеийн нөлөөнөөс алдуурч хоцорсон малчин ул мөргүй.
Ул мөргүйчүүдийн амьдрал хотын садандаа гутамшиг ч холын гийчиндээ гайхамшиг.
Үргэлжлэл бий...
Battsetseg Chagdgaa
Photo by Kai Reuber
Монголын байгаль хамгаалагчдын холбооBattsetseg ChagdgaaKhantay & Eg - Wildlife Rangers

19/11/2023

Гал тавилантай төрсөн нэг рүүгээ
ус битгий цац.
Гал юм чинь асаж л байг.
Горхи тавилантай төрсөн нэг рүүгээ
шороо битгий асга.
Горхи юм чинь ундарч л байг.
Уул заяатай төрсөн нэгийгээ
ухаж сэндийлж бүү нураа.
Уул юм чинь сүндэрлэж л байг.
Гай түйтгэр тариагүй хүмүүсийг зүгээр л өөрийнх нь өнгө дүрсээр байлга.
Ер нь хүмүүсийг зүгээр л байлга.
Ямар нэг юм өөрчилж, оролдмоор байгаа
бол өөрийгөө л өөрчил.
Өөрийгөө л оролд.
Өөрт байгаа энэ агшинаа өөртөө зориул.
#

30/10/2023

Л.Ану-Үжин гэх бүсгүй "Монголчуудын мөнгө үрэх тэнэг арга" нэртэй нийтлэл бичжээ. 100 хувь санал нэг байна.
Уншаад үзээрэй нүүр номынхоон!
***
Бидэнд нэг тэвийн тэнэг зан байгаад байна аа. Тэр нь мөнгө үрэх тэнэг арга. Уг нь "манайхаас өөр оронд" санхүүгийн боловсролыг сургуульд орсон цагаас нь нас насанд нь тааруулаад заагаад явчихдаг, санхүүгийн соёл гэж чухал юм бий. Улсын эдийн засаг хувь хүний эдийн засгаас хамаардаг болохоор тэр л дээ. Гэтэл Бид өнөөдөр мөнгөгүйдээ биш, мөнгө олж чадахгүй байгаадаа биш, мөнгөө хэрэглэж үрж чаддаггүйдээ улсаараа эдийн засгийн асуудалтай байна.

1. Онц шаардлагагүй зүйлд үрдэг: Төвд байртай, төвд ажилтай 30 минут дотор алхчих газар, Эсвэл автобусны шугам дагуу 5 буудал зайд машин авах гэж зээл тавин, замын түгжрэлд нэмэрлэж, бухимдаж суудаг. Хүүхэд зөөдөггүй, хотоос байнга орж гардаггүй бол машин авах шаардлага байхгүй. Тэгээд ч машины үнэ худалдан авсан мөчөөс унаж эхэлдэг. Ганц бие хүмүүст бүр хэрэггүй хөрөнгө оруулалт.

2. Цалингийн зээл маш их авдаг: Миний найзууд дотор цалингийн зээл авснаа пүүз авчихсан хүн байна. Цалингийн зээлийг хамгийн хэрэггүй зүйлсэд эсвэл ахуйн хэрэглээнд зээлдэг. Зарим нь талх шарагч авах, ханын обойгоо солих жишээний. Гэтэл ирээдүйгээсээ одоо авч хэрэглэснээр өрөө төлөх гэж, маш бага цалингаар ажиллах нь хүнийг ажиллах сонирхолгүй, аз жаргалгүй болгож, авсан эд хогшил, гутал хувцас улам элэгдэн харамсал төрүүлдэг. Хэрэгцээний зээл бүү ав.

3. Мөнгийг үржүүлэх гэж бус устгах гэж үрдэг: 250 мянгаар сургалтад сууж чаддаггүй хэрнээ 500 мянгын цүнх төрөл төрлөөр нь цуглуулдаг. Баярхах гэж эсвэл баян харагдах гэж мөнгөө үрдэг. Зарим нь түрээсийн байранд амьдардаг байж брэндийн хувцсаар гангарч, үнэтэй машин унаж, бусдад яаж харагдахдаа ач холбогдол өгдөг. Гэтэл жинхэнэ баян хүмүүс маш энгийн амьдарч, цэвэрхэн хувцаслаж, зөв зүйлд хандив өргөн, ашиг олох, хэрэг болох зүйлд хөрөнгө оруулдаг.

10000 төгрөгөөр ч хөрөнгө оруулж болно, өөртөө илтгэх урлагийн ном авахад эргээд 100 нугарна, хамаатны сурлага сайтай хүүхэд гадагшаа явахад 100 доллар аваад өгөхөд тэр хүүхэд шууд өөрт тань биш юмаа гэхэд эргээд эх орондоо хэрэгтэй юм хийнэ, таны хөрөнгө оруулалт. Гэтэл сарын дараа дахиад гарах шинэ пүүз авлаа гээд ямар ашигтай вэ? Нэг МК цүнхний оронд төсөл хэрэгжүүлэх сургалтад суусан бол арай илүү цалинтай гоё албан тушаалд ажиллах ч юм билүү?

Сошиалоор ч, гадуур ч нийгэмд бухимдалтай байгаа хүмүүсийн стресстэх гол шалтгаан нь олсон мөнгө нь хаанаа ч хүрдэггүй болохоор төр засаг юу ч хийхгүй байна, хангалуун амьдарч чадахгүй байна гэсэн гомдол. Гэхдээ бид нарт бас зөндөө асуудал байна. Ядаж сарын цалингаа юу юунд зарцуулдаг? Юм авахаасаа өмнө зайлшгүй шаардлагатай юу? (өвлийн гутал огт байхгүй бол шаардлагатай, бүтэн гутал байгаа бол шаардлагагүй г.м) гэж анализ хийж сурах хэрэгтэй байна. Мөн зээл авахаасаа өмнө зээлэхгүй яаж болгохов гэдгээ бодох хэрэгтэй.

Шинээр мөнгө олох зөв эх үүсвэр яаж бий болгох вэ? Эргээд яаж төлөх вэ? Ямар ямар гэнэтийн зардал гарч болох вэ? Зээлээ төлж чадахгүйд хүрвэл яах вэ гээд сайн тооцоолох хэрэгтэй.

Өчигдөрхөн 10%-ын зээл аваад өрөнд орчихсон нэг эгч мөнгө зээлээч гээд уйлан ярив. Мөнгө хүүлэгч нар нь дарамтлаад. Уг нь насаараа хийсэн худалдаагаа нэмэгдүүлэх гэж зээл авсан чинь орлого нь санаснаар нэмэгдээгүй юм байх. Хар ухаанаар бодоход л 5 жил хийхэд таныг баяжуулаагүй нэг хэвийн бизнес угаасаа зээл аваад бүүм хийнэ гэж байхгүй. Хүний өдөр тутмын хэрэглээг худалддаг бол тогтмол орлоготой байх нь тодорхой. Дэлгүүрт их талх ирлээ гээд би 1 талх иддэг бол 1-ийг л авна.

Тэгэхээр илүү дутуу хөнгөн хүсэл, шунал, хийсвэрлэлээ давж зөвлөгөө авдаг, тооцоолол хийдэг, хэмнэдэг, зөв зарцуулдаг болох хэрэгтэй байна аа. Ядаж хүний нүдэнд 10 хувцастай харагдлаа, 5 хувцастай харагдлаа ямар ч ялгаагүй гэдгийг л ойлгочих.

25/10/2023

Эрхэм таны мэдлэгт📍

Эзэмших, өмчлөх зөвшөөрөлтэй газраа цахимд бүртүүлээгүй бол таныг газаргүй гэж үзнэ.

Газартай холбоотой бүх мэдээллийг нэгдсэн системд бүртгэн цахимжуулах ажлын хүрээнд Нийслэлийн газар зохион байгуулалтын албанаас иргэд болон албан байгууллагууд ашиглах, өмчлөх эрхийн зөвшөөрөлтэй газраа цахим бүртгэлд оруулахыг уриалж байна. Газар эзэмших болон өмчлөх эрхийн гэрчилгээ авсан иргэн, ААН-үүд egazar.gov.mn цахим хуудсанд нэвтэрч өөрийн нэр дээрх газрын мэдээллийг харах боломжтой бөгөөд хэрэв уг хуудсанд таны гэрчилгээтэй газрын мэдээлэл ороогүй байвал харьяа дүүргийнхээ Газар зохион байгуулалтын албанд хандан цахим бүртгэлд хамрагдах шаардлагатай.

Нийслэлийн газар зохион байгуулалтын албанаас 2022 оны нэгдүгээр сарын 1-нээс тавдугаар сарын 31-ний хооронд газраа цахим бүртгэлд бүртгүүлэхийг уриалсан. Гэвч Газар зохион байгуулалт, геодези зураг зүйн газраас дээрх хугацааг 2022 оны арванхоёрдугаар сарын 31-нийг хүртэл сунгажээ.

Хэрэв та арванхоёрдугаар сарын 31-ний дотор өөрийн өмчлөх, эзэмших эрхийн гэрчилгээтэй газрыг цахим бүртгэлд бүртгүүлэхгүй бол таныг газаргүй гэж үзнэ хэмээн Нийслэлийн газар зохион байгуулалтын албаны Дотоод хяналт хариуцсан мэргэжилтэн Э.Дуламсүрэн анхааруулав.

Та 2019 оноос өмнө газар эзэмших болон өмчлөх хэлбэрээр авсан бол уг газраа цахимд бүртгүүлсэн эсэхийг шалгаарай. Egazar.gov.mn сайтад хандвал таны өмчлөх, эзэмших эрхийн гэрчилгээтэй газрын мэдээлэл гарах бөгөөд та газрынхаа гэрчилгээ, кадастрын зургийг цахимаар нэвтрэн хэвлэж авах боломжтой юм.

Эх сурвалж: GOGO.mn

24/09/2023

Утас: 91918284
Төв замаас Эмээлт рүү салах зам дагуу 1,3 га газрын эрх шилжүүлнэ.
Ямар ч зориулалтаар ашиглах боломжтой.

12/09/2023

Мэдлэгт дусал нэмэр болог ооо👇
Дубай руу аялахаар төлөвлөж байгаа бол зайлшгүй санаж явах хэрэгтэй хэдэн зөвлөгөөг хараад аваарай. Өөр улс орон руу аялахад мэдээж орчин нөхцөл, хууль дүрэм нь өөр тул жуулчид маш сайн судалж очвол зүгээр байдаг. Харин Дубайн хувьд тун онцлог өвөрмөц хууль дүрэм, ёс заншил үйлчилдэг аж.

1. Үргэлж зохистой хувцаслах
Дубайд бол хэт задгай хувцас өмсөх нь хуульд харш гэнэ. Гэхдээ энэ нь далайн эрэг дээр усны хувцас өмсөж болохгүй гэсэн үг биш бөгөөд олон нийтийн газарт аль болох зүй зохистой хувцаслахыг шаардаж байгаа хэрэг юм. Хэрвээ та хувийн амралтын өрөө, зочид буудалд байгаа бол хүссэн зүйлээ өмсөж болно. Харин олон нийтийн газар байхдаа ядаж өвдөгний дээгүүр татсан өмд, банзал сонгож, мөрөө далдалсан цамц өмсөх хэрэгтэй.

2. Төсөв мөнгө
Дубай бол хамгийн өртөг өндөртэй хотын нэг. Гэхдээ энэ нь тийшээ явахын тулд та заавал саятан байх ёстой гэсэн үг биш. Бага өртгөөр Дубай руу аялж болно гэвэл та итгэх үү? "Hilton Garden Inn" зочид буудал сүүлийн үед тав тухтай байдал болон үнэ өртгийн боломжоороо аялагчдын дунд алдаршаад байна. Мөн таксинууд нь маш хямд бөгөөд тоолууртай байдаг учраас өртгөө хянахад тань тусална. Метро ч гэсэн аялахад хямд. Хэрвээ та боломжийн үнээр амттай хоол идэхийг хүсвэл Дэйра дахь хоолны газруудыг сонирхоод үзээрэй.

3. Соёлын өв
Дубайг зорихоор шийдсэн бол соёлын дурсгалт газруудыг заавал өөрийн нүдээр үзээрэй. Дубайд зочилж буй хүмүүс ихэвчлэн тэнгэр баганадсан өндөр барилгууд, олон зуун брэндийн дэлгүүрүүдээр үйлчлүүлдэг. Гэхдээ энэ хот нь Араб, Исламын уламжлалыг хослуулсан гайхалтай баялаг соёлын өв бүхий хот гэдгийг бид мартсан байдаг. Түүхийн талаар мэдээлэл авахыг хүсвэл Дубайн музей, Этихад музейгээр зочилж болно. Хэрвээ энэ нь танд хангалттай санагдахгүй байвал Соёлын төвийн Шех Мухаммед төвд очиж, Эмиратын соёлоос суралцаарай.

4. Хэтэрхий нялуурах хэрэггүй
Хэрэв та хайрттайгаа аялж яваа бол энэ дүрмийг сайн санах хэрэгтэй шүү. Зочид буудал, хувийн амралтын газруудад энэ дүрэм үйлчлэхгүй. Харин эсрэгээрээ гудамжинд явж байгаа бол хайртыгаа үнсэхээ түр азнаарай. Үүнийг хориглодог бөгөөд бүр магадгүй шоронд орж ч мэдэх юм шүү. Тиймээс болж өгвөл аль болох нялуурахгүй байхыг хичээгээрэй. Ганцхан үнсэлт ч биш, тэврэлдэх, гар гараасаа хөтлөлцөх зэргийг ч бас олон нийтийн газар хориглодог.

5. Шашны баяр ёслолыг анхаарах
Рамадан буюу шашны зан үйл бүхий уг баяр нь сарын хугацаанд үргэлжилдэг байна. Жил бүрт тохиох хугацаа нь өөр өөр байдаг бөгөөд 2018 оны хувьд тавдугаар сард таарчээ. Хэрвээ энэ үеэр нь Дубайд очихоор бол олон нийтийн газар өдрийн цагаар хоол идэхгүй, юм уухгүй, бохь зажлахгүй, тамхи татахгүй байх ёстой. Тухайн шашин танд хамааралгүй байлаа ч усыг нь уувал ёсыг нь дага гэгчээр уламжлал, ёс заншлыг нь хүндэтгэх хэрэгтэй.

6. Хэт халуун цаг агаар
Хэрвээ та тавдугаар сард тийшээ аялахаар шийдсэн бол бага зэрэг харамсаж магадгүй л юм. Учир нь энэ үеэр маш халуун байдаг аж. Тиймээс ямар хувцас авч явахаа сайтар анхаараарай. Харин гадуур гарах болбол өглөө эрт гараад, өдөр хэт халуун болохоос өмнө зорьсон ажлаа амжуулаарай. Өдрийн халуунд усанд сэлэх эсвэл агааржуулагчтай өрөөндөө тайван амарч болох юм.

7. Шөнийн амьдрал
Зарим хүн Дубайг архи зардаггүй газар гэж итгэдэг. Гэхдээ согтууруулах ундааг зөвшөөрөлтэй үйлчилгээний газруудад л худалдаалдаг бөгөөд тэдгээр нь ихэвчлэн зочид буудал, амралтын газруудад байрладаг байна. Хамгийн гол нь та өөрийгөө 21 нас хүрсэн гэдгийг нотлох бичиг баримтаа биедээ авч явах ёстой.

8. Баасан гариг амралтын өдөр
Бидний хувьд амралтын өдрүүд бямба, ням гаригуудад тохиодог шүү дээ. Харин дубайчуудын хувьд баасан болон бямба гариг амралтын өдөр гэнэ. Учир нь муслимчууд баасан гаригт цуглаж, мөргөл үйлддэг байна. Тиймээс үдээс хойш хэдэн цаг хаагаад эргэж онгойдог үйлчилгээний төвүүд олон байдаг. Хэрвээ та зугаацмаар байгаа бол пүрэв, баасан гаригийн орой хамгийн завгүй аж.

9. Папарацци хууль бус
Энэ бол Линдси Лоханы Дубай руу нүүх болсон шалтгаануудын нэг. Зөвшөөрөлгүйгээр хүний зураг авах хориотой бөгөөд үүнд паппараци ч мөн багтаж байгаа. Хууль зөрчигчийг торгох эсвэл бүр улсаас албадан гаргах шийтгэлтэй аж.

10. Дохио зангаа
Дохио зангааны хувьд аль болох хэрэглэхгүй байх нь зүйтэй. Учир нь дохио зангаа тухайн оронд огт өөр утгыг илэрхийлдэг байж болно. Хуруугаараа хүн рүү эсвэл ямар нэг зүйл рүү чичилж болохгүй. Хэрвээ үнэхээр гараараа дохих хэрэгтэй болсон бол хуруугаараа заах хэрэггүй, аль болох гараа бүхэлд нь ашиглах хэрэгтэй. Олон нийтийн газар байхдаа гараараа занган ямар нэг бүдүүлэг үйлдэл үзүүлж болохгүй бөгөөд ингэснээр та шоронд орж ч магадгүй.

11. Үйлчилгээний төвүүд
Аялах үедээ та дэлгүүр, худалдааны төвүүдээр нэг их ороод байдаггүй бол Дубайн дэлгүүрүүд зүгээр нэг дэлгүүр биш шүү. Та эндээс мөсөн гулгуурын талбай, цанын бааз, акуариум, кино театр гээд юу л бол юуг харж мэднэ. Дубайд бүр зөвхөн гутал зардаг нэг дүүрэг байдаг.

12. Мэндчилгээ
Дубайд байхдаа настай хүн эсвэл танаас өндөр албан тушаалтай хүмүүстэй босож мэндлэх хэрэгтэй. Мөн эрчүүд эмэгтэй хүн орж ирвэл заавал босох ёстой. Энэ нь хүндлэл үзүүлж буй хэрэг. Муслим шашинтай эсрэг хүйснийхээ хүнтэй түрүүлж гар барих хэрэггүй.

13. Ёс жаяг
Хэрвээ та амралтын газарт байрлаж байгаа бол ёс жаягийн талаар нэг их санаа зоволтгүй. Харин хотод байдаг хүмүүс таныг урьсан бол хоол болон уух зүйлсийг заавал баруун гараараа авч, баруун гараагаа идэх ёстой байдаг. Хөлийнхөө улыг хүнд харуулахгүй байхаас гадна хөлөөрөө хүн рүү зааж болохгүй. Мөн чухал хүний өөдөөс хараад хөлөө ачиж суух нь бүдүүлэг хэрэг аж.
14. Урьдчилан захиалга өгөх
Аялал зугаалгын үеэр урьдчилан захиалга өгөхгүй байх тохиолдлууд их гардаг. Гэвч Дубай бол маш их хүнтэй, алдартай газар учраас тодорхой газарт хоол идэхийг хүсвэл заавал урьдчилан захиалга өгөх хэрэгтэй. Хөл хөдөлгөөнтэй бусад орноос ялгаатай нь хаа хүссэн газраа шууд ороод, хоол идэх нь нэлээд хүндрэлтэй байдаг гэнэ.

Copy

05/09/2023

👬🏻 Нам гүм цөөн айлтай төлөвлөлт бүхий шинээр баригдсан Luxury Apartment байр зарна.

🌿Хүн байгалийн амьд холбоог хангах зорилгоор Зайсанд сүндэрлэн боссон Хотхоны нийт талбайн 60% д ногоон байгууламж, гадна тохижилтийг шийдсэнээрээ онцлог юм.
💰 Та амжиж захиалвал илүү ихийг хэмнэнэ.

Сонголтууд:
✅81,7м2 | 3 өрөө
✅85,79м2 | 3 өрөө
✅130,5м2 | 3 өрөө
✅141,07м2 | 4 өрөө
✅145,05м2 | 4 өрөө
✅164,54м2 | 4 өрөө
✅166,00м2 | 4 өрөө
✅ 2023 оны 10 сард эхний ээлж 100% ашиглалтад орно.
Дэлгэрэнгүй мэдээлэл авах утас
📲 91918284

📌Хаяг: ХУД, Зайсан, Luxury Apartment

01/09/2023

31/08/2023

🏦 Налайхад 8 нэрийн дэлгүүр бүхий үл хөдлөх зарна.
☎️91918284

1. 8 нэрийн хүнсний дэлгүүр одоо ажиллаж байгаа , бусад тоног төхөөрөмж компаны хамт аваад шууд ажиллуулахад бэлэн бизнес үнэ ханшаа алдахгүй .
2. Таван толгой компанийн түлш борлуулах байр болон зөвшөөрөлтэй.
3. Амины 9х10 хэмжээтэй орон сууцтай
урдчилгаа өгөөд банкны зээлд хамрагдах боломжтой